Month: January 2022

Ачилтын компанийн ажилтан дотроо хүүхэдтэй, асаалттай байсан автомашиныг ачсан явдал гарчээ.

Тодруулбал, иргэнээс ирүүлсэн мэдээллийн дагуу Тээврийн цагдаагийн албанаас шалгалт явуулахад 2022 оны нэгдүгээр сарын 18-ны өдөр Сүхбаатар дүүргийн нутаг дэвсгэр “Сонгдо” эмнэлгийн урдаас 10 орчим насны хүүхдээ асаалттай автомашин дотроо орхисон иргэн Ц-ийн автомашиныг бусдын хөдөлгөөнд саад болсон үндэслэлээр зөөж шилжүүлсэн байна.

Энэ нь холбогдох журамд заасан “Ачигч автомашины жолооч, техникийн ажилтан нь тухайн тээврийн хэрэгслийн бүхээгт хүн, амьтан байгаа тохиолдолд зөөж шилжүүлэхгүй” гэсэн заалтыг зөрчсөн нь тогтоогдсон тул аж ахуй нэгж байгууллагын үйл ажиллагаа явуулах зөвшөөрлийг цуцлах саналыг Нийслэлийн авто замын хөгжлийн газарт хүргүүлжээ.

Дүнжингарав худалдааны төвд “Буян үйлдэгч” хэмээх усан бар жилийн уламжлалт цагаан сарын хамгийн том “Цагаан сар экспо 2022” үзэсгэлэн худалдаа явагдаж байна.

Уг үзэсгэлэн худалдаанд хамгийн олон томоохон үндэсний үйлдвэрлэгчид өөрсдийн нэрийн бараа бүтээгдэхүүнээ өргөн дэлгэж, улсын өнцөг булан бүрээс ирсэн малчид сүү, ааруул, цагаан идээгээ өргөн сонголттой хямд үнээр худалдаалж байна.

Цагаан идээ, хэвийн боов, айраг цагаа, хөөрөг дайлан, гарын бэлэг, үндэсний хувцас гээд баярын бүх хэрэгцээт бараагаа хамгийн том авто машины зогсоол, тохилог орчинтой Дүнжингарав худалдааны төвөөр үйлчлүүлээд бүгдийг нэг дороос цуглуулаарай.

Үзэсгэлэн худалдаа энэ оны 2 дугаар сарын 1-ийг дуустал үргэлжлэх аж.

Нийслэлийн долоон дүүргийн 12 амбулаторид ковидын үзлэг хийхээр зохион байгуулалт хийлээ.

Дэлхийн хэмжээнд “коронавирус”-ийн халдварын нийт тохиолдол 334.9 сая хүрч, нас барсан хүний тоо 5.5 сая давлаа.

COVID-19-ийн “Omicron” хувилбар эцсийн хувилбар биш, цаашид өөр хувилбарууд ч гарч ирэх магадлалтай гэж Дэлхийн Эрүүл Мэндийн Байгууллага мэдэгдлээ. Иймд улс орнууд өвчний хүндрэл, нас баралтын түвшнийг бууруулахад анхаарч, цогц стратегийг баримталж ажиллах нь зүйтэй гэж үзсэн байна.

БНХАУ-ын нийслэл Бээжинд COVID-19-ийн “Omicron” болон “Delta” хувилбараар хавсран өвдөж байгаа хүмүүсийн тоо эрчимтэй нэмэгдэж байна. Бээжингийн өвлийн Олимпын наадам эхлэхэд гурван долоо хоног хүрэхгүй хугацаа үлдсэн энэ үед COVID-19-ийн халдварын тархалт эрчимжиж байгаа нь болгоомж дагуулж байна. БНХАУ хүн амынхаа 90 орчим хувийг вакцины бүрэн тунд хамруулаад байгаа юм.

Үүнээс гадна Япон улсад “коронавирус”-ийн халдварын тохиолдол эрчимтэй нэмэгдэж байна. Ингэснээр тус улсын Засгийн газар Токио болон бусад бүс нутгуудад энэ баасан гарагаас эхлэн гурван долоо хоногийн хугацаатай онц байдлын дэглэмд хэсэгчилсэн байдлаар шилжүүлэхээр болсон байна. Түүнчлэн Токио хот үйлчилгээний газруудын үйл ажиллагааг зогсоохоор хэлэлцэж байна.

Татварын нийт орлогод

• орлогын албан татварын эзлэх хувь өмнөх оноос 3.2 нэгж хувь, нийгмийн даатгалын орлого 1.5 нэгж хувиар тус тус өсөж
• нэмэгдсэн өртгийн албан татварынх 0.8 нэгж хувь, онцгой албан татварынх 1.8 нэгж хувь, бусад татварынх 1.8 нэгж хувь, гадаад үйл ажиллагааны орлогынх 0.3 нэгж хувиар тус тус буурсан байна.

Улсын нэгдсэн төсвийн зарлага, эргэж төлөгдөх цэвэр зээлийн хэмжээ 2021 оны урьдчилсан гүйцэтгэлээр 15.6 их наяд төгрөг болж, өмнөх оноос 1.7 (12.2%) их наяд төгрөгөөр өсжээ.

Улсын нэгдсэн төсвийн зарлага, эргэж төлөгдөх цэвэр зээлийн хэмжээ 2021 оны арванхоёрдугаар сард 2 их наяд төгрөг болж, өмнөх сараас 678.2 (49.9%) тэрбум төгрөгөөр өссөн байна.
Үүнд хөрөнгийн зардал 772.9 (4.1 дахин) тэрбум төгрөг, урсгал зардал 210.8 (19.0%) тэрбум төгрөгөөр өссөн нь нөлөөлсөн байна.

Урсгал зардлын бүтэц

Сүүлийн таван жилийн хугацаанд явган зорчигч автомашинд мөргүүлэх хэлбэрээр үйлдэгдсэн зам тээврийн ослын улмаас 709 хүн нас барж, 9,134 хүн гэмтжээ.

2021 онд зам тээврийн ослын улмаас 383 хүн нас барсны 129 буюу 33.6% явган зорчигч байгаагаас нийслэлд 72 буюу 55.8%, орон нутагт 57 буюу 44.2% эзэлж байна. Мөн ослын улмаас гэмтсэн 2,475 хүний 1,095 буюу 44.2% явган зорчигчоос нийслэлд, 875 буюу 79.1%, орон нутагт 220 буюу 20.1% эзэлж байгааг ТЦА-наас мэдээллээ.

Энэ нь зам тээврийн ослын улмаас нас барсан 3 хүн тутмын 1, гэмтсэн 5 хүн тутмын 1 нь явган зорчигч байгааг харуулж байна.

Нас барсан хүний 55.8% нийслэлд, 44.2% орон нутагт, гэмтсэн хүний 86.9% нийслэлд, 13.1% орон нутагт бүртгэгджээ.

Цагдаагийн байгууллагаас явган зорчигчийн зам тээврийн осолд өртөхөөс урьдчилан сэргийлэх зорилгоор “Гэрлээр анхааруулъя” нөлөөллийн арга хэмжээг “Зөвийг хэвшүүлье” уриатайгаар эхлүүлээд буй.

“Хөдөлгөөнд оролцож байгаа иргэдийн дийлэнх буюу 80-90 орчим хувь нь дандаа хар бараан өнгийн хувцастай явдаг бөгөөд гарц гарамтай хэсгээр ч зам хөндлөн гарч байхдаа автомашинд мөргүүлэх тохиолдол их гарч байна.

Бараан өнгийн хувцастай иргэд зам хөндлөн гарахдаа өөрийгөө харагдаж байгаа гэж боддог ч автомашинуудын гэрлийн гялбаанд бараан өнгийн хувцастай хүн холоос харагддаггүй. Тиймээс иргэдийг зам хөндлөн гарахдаа гар утасныхаа “flashlight” гэрлийг асааж зам хөндлөн гарахыг уриалж байна” хэмээн ТЦА-ны Урьдчилан сэргийлэх ажил хариуцсан ахлах зохицуулагч Г.Отгонтамир ярьсан юм.