Month: January 2022

Хан-Уул дүүргийн 15 дугаар хорооны нутаг дэвсгэрт байрлах “Рапид харш” хотхоны урд байрлах авто зам дагуу байрлуулсан цэцгийн саванд 2022 оны 01 дүгээр сарын 13-ны өдөр 30-35 орчим насны эрэгтэй бие засаж буй зураг олон нийтийн сүлжээнд тавигдсан.

Цагдаагийн байгууллагаас дээрх зөрчил гаргасан иргэнийг олж тогтоон Зөрчлийн тухай хуулийн 5.1 дүгээр зүйлийн 1 дэх хэсэгт заасны дагуу шийтгэл оногдуулсан болно.

Үндэсний үйлдвэрлэгч “Сүү” ХК мэдэгдэл гаргасан байна. Үүндээ гадаад зах зээлээс худалдан авдаг зарим түүхий эд болон сав, баглаа боодлын дутагдалд орсон тухайгаа мэдэгджээ.

Мэдэгдэлд “…гаалийн хүндрэлтэй нөхцөлд түүхий эд, сав баглааны нөөцөө зохих хэмжээнд бүрдүүлсээр ирсэн. Бид тодорхой хугацаанд гадаад зах зээлээс худалдан авдаг түүхий эд, сав баглааны хомсдол, хязгаарлалтад ороод байна. Иймд эрхэм хэрэглэгч, харилцагч та бүхэн үйлдвэрлэгч биднийг ойлгон хүлээж авна гэж найдаж байна” гэсэн байна.

Японы мэргэжлийн сумо бөхийн 73 дахь Их аварга /Ёкозүна/ Тэрүнофүжи Г.Ган-Эрдэнэ, Токио хотноо үргэлжилж байгаа Хацү башёгийн 12 дахь өдрийн барилдаанд Комүсүби Мэйсейтэй учраа таарч барилдан түүнд катасүкаши мэхээр унаснаар 10 даваа, 2 унаатай болов.

Ийнхүү Хацү башёгийн 12 дахь өдөр 3 сумоч 10 даваатай башёг тэргүүлж эхэлснээр сүүлийн 3 өдрийн барилдаан дуустал энэ башёг тун өрсөлдөөнтэй, сонирхолтой болгож байна.

Энэ өдрийн барилдаанд Озэки Шодай, Хокүтофүжи /М-4/-тэй барилдаж түүнд ёрикири мэхээр уналаа.

Хацү башёг тэргүүлэгчдийн нэг Сэкиваке Митакэүми, Оношо /М-5/-той таарч барилдан түүнд хикиотоши мэхээр унаснаар 2 унаатай болсон бол Оношо 8 даваатай байна.

Тамаваши Б.Мөнх-Оргил /М-3/, энэ өдөр Хошёорюү С.Бямбасүрэн/М-6/-тэй учраа тааран барилдаж түүнд ошидаши мэхээр ойчиж 7 даваа, 5 унаатай болов. Харин С.Бямбасүрэн 8 давж 50 хувийн амжилтаа хийлээ.

Кирибаяма Б.Лхагвасүрэн /М-1/, Эндо /М-3/-той учраа тааран барилдаж түүнд уватэнагe мэхээр ойчиж, тэд адил 5 даваа, 7 унаатай болов.

Харин 11 дэх өдрийн барилдаанд Ичиножёо А.Ичинноров /М-2/, Такарафүжи /М-7/-тэй таарч барилдан түүнийг ёрикири мэхээр хаяж 6 даваа, 6 унаатай болов.

Чиёошома Г.Мөнхсайхан /М-5/, Комүсүби Дайэйшотой хүчээ сорьж түүнд ошидаши мэхээр ойчиж, тэд адил 4 даваа, 8 унаатай боллоо.

Аби /М-6/, Сэкиваке Таканошотой таарч түүнийг хаяснаар 10 даваатай башёг үргэлжлүүлж байна.

Зөрчлийн хэрэг бүртгэх ажиллагаанд тавих хяналтын ажлын чиглэлээр:

Прокурорын байгууллагаас 2021 онд 32 байгууллагын 10.513 зөрчлийн хэрэг бүртгэх эрх бүхий албан тушаалтны үйл ажиллагаанд хяналт тавьж ажиллалаа.

• Зөрчлийн хэргийн шийдвэрлэлт 0,5 хувиар өсөв.

Прокуророос давхардсан тоогоор нийт 2.023.146 зөрчлийн хэрэгт хяналт тавьж ажиллалаа. Нийт зөрчлийн хэргийн 97,5 хувийг эцэслэн шийдвэрлэсэн нь өмнөх оны мөн үеэс 0,5 хувиар өссөн байна.

• Прокурор эрх бүхий албан тушаалтны зөрчлийн хэрэгт үндэслэлгүйгээр оногдуулсан 786 шийтгэлд дүгнэлт бичиж шүүхээр шийдвэрлүүлэв.

Эрх бүхий албан тушаалтны зөрчлийн хэрэгт үндэслэлгүйгээр оногдуулсан шийдвэрийг хүчингүй болгуулахаар 647, өөрчлөлт оруулахаар 139 дүгнэлт бичиж шүүхээр шийдвэрлүүлэн иргэн, хуулийн этгээдийн зөрчигдсөн эрхийг сэргээлээ.

• Прокурор эрх бүхий албан тушаалтны гомдол, мэдээллийг хүлээн авахаас үндэслэлгүйгээр татгалзсан 1022 шийдвэрийг хүчингүй болголоо.

Эрх бүхий албан тушаалтны зөрчлийн талаарх гомдол, мэдээллийг хүлээн авахаас татгалзсан 58.581 шийдвэрийг прокурор хянаж, үндэслэлгүйгээр шийдвэрлэсэн 1022 шийдвэрийг хүчингүй болгож Зөрчлийн тухай хуульд заасны дагуу шийдвэрлүүллээ.

• Прокуророос хяналт тавьсан зарим төрлийн зөрчлийн хэргийн гаралт өссөн байна.

Замын хөдөлгөөний аюулгүй байдлын тухай хууль зөрчих зөрчил 9681 удаа үйлдэгдсэн нь 4,1 хувиар, Хүүхдийн эрхийг зөрчих зөрчил 2225 гарсан нь 21,8 хувиар тус тус өссөн бол Гамшгаас хамгаалах тухай хууль зөрчих зөрчил 2454 удаа үйлдэгдэж 1,4 дахин өссөн нь хамгийн өндөр хувьтай байна.

Харин Гэр бүлийн хүчирхийлэлтэй тэмцэх тухай хууль зөрчих зөрчил 9673 удаа үйлдэгдсэн нь өмнөх оны мөн үеэс 4,8 хувиар буурчээ.

• Сонгуулийн тухай хууль зөрчих зөрчлийн талаарх гомдол, мэдээллийг хуулийн дагуу шийдвэрлэхэд анхаарч ажиллав.

Монгол Улсын Ерөнхийлөгчийн 2021 оны ээлжит сонгуулийн явцад Сонгуулийн тухай хууль зөрчих зөрчлийн талаарх 80 гомдол, мэдээлэлд хяналт тавьж ажиллаа. Үүнээс 72 гомдол, мэдээллийг зөрчлийн шинжгүй үндэслэлээр хүлээн авахаас татгалзаж, 2 гомдол, мэдээллийг эрүүгийн гэмт хэргийн шинжтэй гэж үзэн харьяаллын дагуу шилжүүлж шалгууллаа. Харин 6 гомдол, мэдээлэлд зөрчлийн хэрэг бүртгэлтийн хэрэг нээн шалгаж 2 хэргийг хэрэгсэхгүй болгосон бол 4 хэргийг Зөрчлийн тухай хуульд заасны дагуу шийтгэл оногдуулан шийдвэрлэсэн байна.

Монгол Улсын Их хурлын 18, 28 дугаар тойргийн нөхөн сонгуулийн үеэр бүртгэгдсэн Сонгуулийн тухай хууль зөрчих зөрчлийн талаарх нийт 27 гомдол, мэдээлэлд хяналт тавьж ажиллаа. Үүнээс 13 нь Хэнтий аймагт, 14 нь Сонгинохайрхан дүүрэгт тус тус бүртгэгдэж, эрх бүхий албан тушаалтнаас 25 гомдол, мэдээллийг зөрчлийн шинжгүй үндэслэлээр хүлээн авахаас татгалзан, 2 хэргийг шийтгэл оногдуулан шийдвэрлэсэн байна.

• Прокурор зөрчил шалган шийдвэрлэх ажиллагааны явцад хүний халдашгүй байх эрхийг хангах зорилгоор эрх бүхий албан тушаалтны тодорхой ажиллагаа явуулах тухай 4725 саналыг хянаж, зөвшөөрөл олгох асуудлыг шийдвэрлэлээ.

Прокурор зөрчил шалган шийдвэрлэх ажиллагааны явцад хүний халдашгүй байх эрхийг хангах зорилгоорэрх бүхий албан тушаалтны тодорхой ажиллагаа явуулах тухай 4725 саналыг хянаж, 4723 зөвшөөрөл олгов. Нийт зөвшөөрлийн 1,4 хувь нь орон байранд үзлэг хийх, 18,8 хувь нь мэдээлэл, баримт бичиг гаргуулан авах, 79,1 хувь нь хүний биед шинжилгээ хийлгэх, 0,5 хувь нь хөрөнгийн шилжилт хөдөлгөөнийг хязгаарлах ажиллагаа явуулахад олгосон байна.

• Прокурор зөрчлийн хэрэг бүртгэх эрх бүхий байгууллагад хуулийн хэрэгжилтийг хангуулах зорилгоор 395 удаа шалгалт хийж, зөрчил гаргасан албан тушаалтнуудад хариуцлага тооцууллаа.

Зөрчлийн хэрэг бүртгэх ажиллагаа явуулах эрх бүхий байгууллагад хуулийн хэрэгжилтийг хангах зорилгоор нийт 395 шалгалт хийхэд 3214 зөрчил илэрч, холбогдох байгууллагуудад 112 прокурорын шаардлага бичиж хүргүүллээ. Шаардлагын мөрөөр зөрчил гаргасан 298 албан тушаалтанд сахилгын арга хэмжээ авсан байна.

Монгол Улсын унадаг дугуйн замын стандартыг 2016 онд баталсан (MNS:2016) байдаг. Нийслэл хот өргөжихийн хэрээр энэхүү стандартыг шинэчлэх шаардлага тулгарсан тул унадаг дугуйн замын шинэчилсэн стандартыг боловсруулан батлуулах гэж байна. Улаанбаатар хотод одоогоор 80 гаруй км дугуйн зам буй. 2022-2024 онд 98 км явган ба дугуйн замыг барихаар төлөвлөжээ. 2021 онд Унадаг дугуйн замын шинэчилсэн стандартыг боловсруулахад Зам тээврийн хөгжлийн яам, Замын хөдөлгөөний төлөвлөлт, зохицуулалт, инженерчлэлийн газар, “Кадсүрвэй” ХХК, “Замын хөдөлгөөний удирдлагын төв” НӨҮГ, Монголын дугуйн холбоо зэрэг мэргэжлийн байгууллагууд оролцож, олон удаа хэлэлцэж стандартыг шинэчилсэн байна. Стандартыг батлуулахаар өнгөрсөн сарын 20-нд Стандарт хэмжил зүйн газрын техникийн хороонд хүргүүлжээ. Улаанбаатар хотын түгжрэлийг бууруулах, хорт хий утааг багасгах, иргэдийн хөдөлгөөний хомсдолыг бууруулах, чөлөөт цагаа зөв боловсон өнгөрүүлэх олон асуудлыг шийдвэрлэхэд чухал нөлөө үзүүлэх хэрэгсэл нь унадаг дугуйн зам, түүний хэрэглээ билээ.

Аймгийн онцгой комиссын хоёрдугаар хуралдаан нэгдүгээр сарын 19-нд болж, зарим үйлчилгээний газрын цагийн хуваарьт хязгаар тогтоолоо. Хуралдаанаас гарсан шийдвэрийг танилцуулбал,

-Нэгдүгээр сарын 19-26-ны өдрийг дуустал хугацаанд спорт заал, фитнес, усан бассейн, сүм хийдийн үйл ажиллагааг 50 хувийн дүүргэлттэйгээр 10.00-20.00 цагийн хооронд,

-Нийтийн хоол үйлдвэрлэлийн газар, рестарон, зоогийн газруудын үйл ажиллагааг 10.00-22.00 цагийн хооронд,

-Баар караоке, пабын үйл ажиллагааг 10.00-20.00 цагийн хооронд явуулахыг зөвшөөрч, 22.00 цагаас хойш архи согтууруулах ундаагаар үйлчлэхийг хориглолоо.