Articles”>

Дэлхийн эрүүл мэндийн байгууллагын /ДЭМБ/ зөвлөх ажлын хэсэг баасан гарагт “Pfizer-BioNTech” компанийн “COVID-19”-ийн вакцины багасгасан тунг 5-11 насны хүүхдүүдэд хэрэглэхийг зөвлөжээ.

Тээврийн цагдаагийн албаны жижүүрийн шуурхай удирдлагын төвд энэ долоо хоногт нийт 1,141 дуудлага мэдээлэл хүлээн авснаас зам тээврийн ослын шинжтэй 894 дуудлага мэдээлэл бүртгэгджээ.

Зам тээврийн ослын улмаас нийт 18 осол бүртгэгдэж, 20 хүн гэмтэн, нэг хүн амиа алдсан байна. Үүнд,

Нийслэлд хүн гэмтэж бэртсэн нийт 13 осол бүртгэгдэж, 12 хүн гэмтэж, нэг хүн амиа алдсан.

Орон нутагт хүн гэмтэж бэртсэн нийт таван осол бүртгэгдэж, найман хүн гэмтсэн.

Түүнчлэн согтууруулах ундааны зүйл хэрэглэсэн үедээ тээврийн хэрэгсэл жолоодсон 272 зөрчил бүртгэгдсэний нийслэлд 194, орон нутагт 78 зөрчлийг тус тус илрүүлж, учирч болох эрсдэлээс урьдчилан сэргийлэн ажиллажээ.

Тээврийн цагдаагийн албанаас “Зөвийг хэвшүүлье” уриалгын хүрээнд явган зорчигчийг зам тээврийн осол хэрэгт өртөхөөс урьдчилан сэргийлэх зорилгоор “Гэрлээр анхааруулъя” арга хэмжээ зохион байгуулж байгаа юм.

Уг арга хэмжээний зорилго нь явган зорчигчийг зам тээврийн осолд өртөх, зам тээврийн гэмт хэргийг бууруулахад оршино.

2021 онд зам тээврийн ослын улмаас 383 хүн нас барсны 129 буюу 33.6% явган зорчигч байгаагаас нийслэлд 72 буюу 55.8%, орон нутагт 57 буюу 44.2% эзэлж байна. Мөн ослын улмаас гэмтсэн 2,475 хүний 1,095 буюу 44.2% явган зорчигчоос нийслэлд 875 буюу 79.1%, орон нутагт 220 буюу 20.1% эзэлж байна.

Энэ нь зам тээврийн ослын улмаас нас барсан гураван хүн тутмын нэг, гэмтсэн таван хүн тутмын нэг нь явган зорчигч байгааг харуулж байна.

Энэ долоо хоногт нийслэлийн хэмжээнд явган зорчигч автомашинд мөргүүлэх хэлбэрээр 12 осол бүртгэгдэж, 11 хүн гэмтэж, нэг хүн амиа алджээ.

Дээрх 12 ослын хоёр нь явган хүний гарцаар зам хөндлөн гарч байсан бол долоо нь явган зорчигчийн гарцгүй хэсгээр зам гарч байгаад автомашинд мөргүүлж гэмтэж бэртсэн байна.

Явган зорчигч хэлбэрээр хөдөлгөөнд оролцох үедээ явган хүний гарцаар, тээврийн хэрэгслийг бүрэн гүйцэд зогссоны дараа аюулгүй байдлаа хангаж зам хөндлөн гарах, жолоочид харагдах нөхцөлөө сайжруулах үүднээс гэрлээр анхааруулж зам хөндлөн гарахыг цагдаагийн байгууллагаас та бүхэнд зөвлөж байна.

Засгийн газрын 321 дүгээр тогтоолоор их дээд сургуулийг сургалт-эрдэм шинжилгээ- үйлдвэрлэлийн цогцолбор болгон орон нутагт хөгжүүлэх шийдвэр гаргасан. Тогтоолд зааснаар Орхон аймаг дахь ШУТИС-ийн харьяа Эрдэнэт цогцолбор дээд сургуулийг уул уурхай, технологийн чиглэлээр төрөлжүүлэн хөгжүүлэх юм. Энэ тогтоолын хэрэгжилтийг хангах зорилгоор Боловсрол, шинжлэх ухааны сайдаар ахлуулсан ажлын хэсэг Эрдэнэт хотод ажиллав.

Орхон аймагт МУИС болон ШУТИС-ийн харьяа сургуулиуд үйл ажиллагаа явуулдаг. Энэ хичээлийн жилд хоёр сургуулийн бакалаврын сургалтад 976 оюутан суралцаж байгаа бол 70 гаруй багш ажилладаг.

Сургалт судалгаа үйлдвэрлэлийн цогцолбор байгуулах 50 га талбайг орон нутгаас шийдвэрлэж өгсөн. Энэ талбайд хичээлийн болон дотуур байрууд, номын сан, инновацын төв, багш ажилчдын байр, эмнэлэг гээд 10 гаруй барилга бүхий цогцолбор бий болгохоор төлөвлөж байна. Дэд бүтцийн асуудлыг шийдэхээс гадна боловсролын зээлийн сангаар дамжуулан сургалтын төлбөрийн дэмжлэг үзүүлэх, багш ажилчдын нийгмийн баталгааг сайжруулах зэрэг ажлуудыг үе шаттайгаар хэрэгжүүлнэ. Үүний үр дүнд мянга хүрэхгүй байгаа оюутны тоог 2025 он гэхэд 5 мянгад хүргэх тооцоолол хийсэн юм.

ШУТИС-ийн харьяа Эрдэнэт цогцолбор сургууль нь дэргэдээ ахлах сургуультай бөгөөд ирэх хичээлийн жилээс Кембриджийн хөтөлбөрийг нэвтрүүлэх боломжийг бүрдүүлсэн байна. Мөн цогцолбор гэдэг агуулгаараа дэргэдээ цэцэрлэг, бага сургууль, коллежтой болох зорилт тавьж байгаагаа танилцуулсан юм.

МУИС-ийн харьяа Эрдэнэт сургуулийн тухайд нийгэм, хүмүүнлэгийн чиглэлээр мэргэжилтэн бэлтгэдэг. Зориулалтын бус хичээлийн байр болон дотуур байраа шинэчлэх, өргөжүүлэх шаардлагатай байгаагаа танилцуулж байлаа.

Асашёорюү Д.Дагвадорж Архангай аймгийн Онцгой байдлын газарт гал унтраах машин хандивласныг түүний ээж Х.Пүрэвбадам хүлээлгэн өглөө.

Х.Пүрэвбадам нь хэлэхдээ, “Аавынхаа төрсөн нутгийг Архангайн Өлзийт сум гэж бичдэг. Тийм учраас нутаг орондоо сайн сайхныг үйлдэж, дэмжье гэж та бүхэнтэйгээ өнөөдөр уулзаж байна. Янз бүрийн аюул гамшиг битгий тохиолдоосой, сандарсан үед гараад ус хийгээд унтраачихдаг техник хэрэгсэлтэй байгаасай гэдэг үүднээс авч ирж өгч байна” гэлээ.