Month: January 2022

Categories
мэдээ спорт

Энэ онд зохиогдох жудо бөхийн тэмцээний хуваарь

Олон улсын жүдо бөхийн холбооноос энэ онд зохион байгуулагдах тэмцээний хуваарийг шинэчлэн баталжээ.

Ингэхдээ ирэх наймдугаар сард болох байсан насанд хүрэгчдийн ДАШТ-ийг аравдугаар сард болгож хойшлуулсан аж. Одоогийн байдлаар Мастерс тэмцээн хаана, хэзээ болох нь тодорхойгүй байна.

1-р сарын 28-30: Гран-При, Алмада (Португал)

2-р сарын 5-6: Их Дуулга, Парис (Франц)

2-р сарын17-19: Их Дуулга, Тель-Авив (Израиль)

3-р сарын 25-27: Их Дуулга, Тбилиси (Гүрж)

4-р сарын 1-3: Их Дуулга, Анталья (Турк)

5-р сарын 20-22: Их Дуулга, Казань (ОХУ)

6-р сарын 4-6: Их Дуулга, Дюссельдорф (Герман)

6-р сарын 24-26: Их Дуулга, Улаанбаатар (Монгол)

7-р сарын 8-10: Их Дуулга, Будапешт (Унгар)

7-р сарын 15-17: Гран-При, Загреб (Хорват)

8-р сарын 10-13: Залуучуудын ДАШТ (Эквадор)

8-р сарын 24-27: Идэрчүүдийн ДАШТ (Босни Герцеговин)

10-р сарын 2-9: Насанд хүрэгчдийн ДАШТ, Ташкент (Узбекистан)

10-р сарын 21-23: Их Дуулга, Абу-Даби (АНЭУ)

11-р сарын 4-6: Их Дуулга, Баку (Азербайжан)

12-р сарын 3-4: Их Дуулга, Токио (Япон)

Categories
мэдээ нийгэм

Нутгийн зүүн хагаст цас үргэлжлэн орно

Малчид, иргэд, тээвэрчдэд зориулсан мэдээ: Өнөө маргаашдаа нутгийн зүүн хагаст цас үргэлжлэн орж, ихэнх нутгаар хүйтний эрч чангарна.

2022 оны 01 сарын 23-ны 20 цагаас 01 сарын 24-ний 20 цаг хүртэлх цаг агаарын урьдчилсан мэдээ

Хур тунадас: Ихэнх нутгаар үүлэрхэг. Шөнөдөө баруун аймгуудын нутгийн зүүн, говийн аймгуудын нутгийн хойд хэсэг, төв болон зүүн аймгуудын ихэнх нутгаар, өдөртөө төвийн аймгуудын нутгийн зүүн, говийн аймгуудын нутгийн хойд хэсэг, зүүн аймгуудын ихэнх нутгаар цас орж, явган шуурга шуурна. Бусад нутгаар цас орохгүй.

Салхи: Ихэнх нутгаар баруун хойноос секундэд 5-10 метр, говь, тал, хээрийн нутгаар секундэд 12-14 метр хүрч ширүүснэ.

Агаарын температур: Увс нуурын хотгор, Завхан голын эх, Тэс голын хөндийгөөр шөнөдөө 35-40 хэм, өдөртөө 21-26 хэм, Их нуурууд болон Дархадын хотгор, Алтай, Хангай, Хөвсгөлийн уулархаг нутаг, Хүрэнбэлчир орчим, Идэр, Байдраг голын хөндийгөөр шөнөдөө 28-33 хэм, өдөртөө 15-20 хэм, говийн бүс нутгийн өмнөд хэсгээр шөнөдөө 13-18 хэм, өдөртөө 5-10 хэм, бусад нутгаар шөнөдөө 19-24 хэм, өдөртөө 10-15 хэм хүйтэн байна.

УЛААНБААТАР ХОТ ОРЧМООР: Үүлэрхэг. Шөнөдөө цас, өдөртөө ялимгүй цас орно. Салхи баруун хойноос секундэд 5-10 метр. Шөнөдөө Яармаг-Сонгины орчмоор 22-24 хэм, бусад хэсгээр 19-21 хэм, өдөртөө 12-14 хэм хүйтэн байна.

БАГАНУУР ОРЧМООР: Үүлэрхэг. Цас орно. Салхи баруун хойноос секундэд 5-10 метр. Шөнөдөө 22-24 хэм, өдөртөө 11-13 хэм хүйтэн байна.

ТЭРЭЛЖ ОРЧМООР: Үүлэрхэг. Цас орно. Салхи баруун хойноос секундэд 5-10 метр. Шөнөдөө 22-24 хэм, өдөртөө 13-15 хэм хүйтэн байна.

2022 оны 01 дүгээр сарын 25-наас 01 дүгээр сарын 29-нийг
хүртэлх цаг агаарын урьдчилсан төлөв

25-нд баруун болон төвийн аймгуудын нутгийн хойд хэсэг, зүүн аймгуудын нутгийн зарим газраар, 26-нд баруун болон төвийн аймгуудын нутгийн хойд хэсгээр, 27-нд төв болон зүүн аймгуудын нутгийн хойд хэсгээр, 28-нд баруун аймгуудын нутгийн хойд хэсэг, зүүн аймгуудын нутгийн зарим газраар цас орж, явган шуурга шуурна. Салхи ихэнх хугацаанд секундэд 5-10 метр. Ихэнх нутгаар хүйтний эрч чангарч Увс нуур болон Дархадын хотгор, Завхан голын эх, Хүрэнбэлчир орчим, Идэр, Тэс, Халх голын хөндийгөөр шөнөдөө 36-41 хэм, өдөртөө 23-28 хэм, Их нууруудын хотгор, Алтай, Хангай, Хөвсгөл, Хэнтийн уулархаг нутаг, Эг, Үүр, Хараа, Ерөө, Туул, Тэрэлж, Хэрлэн голын хөндийгөөр шөнөдөө 29-34 хэм, өдөртөө 18-23 хэм, говийн бүс нутгийн баруун өмнөд хэсгээр шөнөдөө 16-21 хэм, өдөртөө 7-12 хэм, бусад нутгаар шөнөдөө 22-27 хэм, өдөртөө 13-18 хэм хүйтэн байна.

Categories
гадаад мэдээ

Японы Элчин сайдын яам Солонгосын ерөнхийлөгчийн бэлгийг буцаажээ

Сарны тооллын шинэ жилийн баярыг угтуулан Өмнөд Солонгосын ерөнхийлөгч Мүүн Жэ Ин өөрийн гарын бэлгийг тус улсад суудаг гадаадын элчин сайд нарт саяхан илгээжээ.

Тэгвэл Сөүл хотод суудаг Япон улсын элчин сайд уг бэлгийг хүлээж авахаас татгалзаж, буцаасан тухай Бямба гаригт Японы хэвлэлүүд мэдээлсэн байна.

Солонгосын уламжлалт дарс болон бусад эд зүйлсийг хийсэн бэлгийн хайрцгийн гадна талд Докдо арлыг дүрсэлсэн нь бэлэг буцаахад хүргэсэн байна. Докдо бол Өмнөд Солонгос, Япон улсуудын дунд тэнгист орших хос хадан цохионоос бүрддэг жижиг арал юм.

Уг арлын харьяаллын асуудал хоёр улсын дунд газар нутгийн маргааны сэдэв болдог.

Докдо арал нь шинэ оны нар хамгийн түрүүнд тусдаг Өмнөд Солонгосын газар нутаг тул сар шинийн бэлгийн хайрцаг дээр дүрсэлсэн гэж Сөүлийн албаныхан тайлбарласан байна.

Бэлгийг буцаасан Япон улсын элчин сайдын яам Баасан гарагт Өмнөд Солонгосын талд эсэргүүцэл илэрхийлж, Докдо арал өөрийнх нь газар нутаг болохыг дахин илэрхийлжээ.

Солонгосчуудын нэрлэдгээр Зүүн тэнгис, япончуудын нэрлэдгээр Япон тэнгист орших Докдо (японоор Такешима) арлыг 1945 оноос хойш Өмнөд Солонгосын засгийн газар хяналтдаа байлгаж, харуулын цэг байрлуулах болсон байна.

Эх сурвалж: Yonhap News

Categories
мэдээ энтертаймент-ертөнц

“Дэлхийн мисс” тэмцээний финалын шат гуравдугаар сард болно

Дэлхийн 130 орны сайхан бүсгүйчүүд оролцож байгаа 70 дахь удаагийн “Дэлхийн Мисс” тэмцээний финалын шат коронавируст халдвартай холбоотойгоор хойшлогдоод байсан билээ. Тэгвэл тэмцээн зохион байгуулагчдын зүгээс финалын тэмцээнийг ирэх гуравдугаар сарын 16-ны өдөр Пуэрто Рикогийн Сан Хуан хотын “José Miguel Agrelot Coliseum” цэнгэлдэх хүрээлэнд зохион байгуулахаар тов гаргажээ.

Цар тахалтай холбоотойгоор финалд шалгарсан шилдэг 40 орны гоо бүсгүйчүүд шалгаруулалтад орох бөгөөд бусад орны гоо бүсгүйчүүдийг цахимаар оролцуулах болсон байна. Тус 40 шилдэг гоо бүсгүйд Монгол Улсыг төлөөлөн оролцож буй А.Бөртэ-Үжин багтаж байгаа бөгөөд тэрбээр “Авьяаслаг мисс”-ээр шалгараад байгаа билээ.

Categories
мэдээ нийгэм цаг-үе

Дарба Бандида гэгээнтэн эх орондоо ирлээ

Гэгээнтнийг өнөөдөр Гандантэгчинлэн хийд, Мөрөнгийн хүрээ Гандандаржайлин хийдийн лам хуврагууд, Хөвсгөл аймгийн удирдлагууд, нутгийн зөвлөлийнхөн, шавь нар, сүсэгтэн олон угтаж авлаа.

Дарба Бандида гэгээний долдугаар дүрийн Данзанчойжилодой нь Хөвсгөл аймгийн Рашаант суманд мэндэлсэн. Тэрээр эх орондоо дөрөвдүгээр сар хүртэл саатах бөгөөд өвлийн адаг сарын 28-нд Мөрөнгийн хүрээ Гандандаржайлин хийдэд балин адислагаа, 29-нд Сор залах хурал, шинийн 15-ны цагаан сарын их ерөөлд тус, тус морилох ажээ. Мөн Гандантэгчинлэн хийдийн дэргэдэх цанид чойрын дацангуудын гавжийн дамжаанд дагсал хаях юм байна.

Arslan.mnДарба Бандида гэгээнийг Бурхан багшийн 16 архадын нэг Лампармын хувилгаан гэдэг. Түүнээс хойш Энэтхэг, Төвд, Балба, Монгол оронд 18 дүр нь заларч, шашин амьтанд тусыг үйлдэж байсан тухай түүний төрөл цадигийн хэлхээ намтарт тодорхой өгүүлсэн байдаг. Ялангуяа Төвдийн 34 дүгээр гандан ширээт Агваанчойжижанцангийн хойд дүрийг халхын анхны Дарба бандид гэгээнээр өргөмжлөн залсан түүхтэй.

Arslan.mn

Arslan.mnГэгээнтний анхдугаар дүр нь 1637 онд Монголд мэндэлсэн байдаг. Түүнээс хойш зургаан дүр тодруулсан бөгөөд өнөөгийн Данзанчойжилодой нь долоо дахь дүр нь ажээ. Гэгээнтний өмнөх дүрүүд Ар халхын Дарва бандида гэдгээрээ олонд алдартай байсан нь түүхийн олон ном, сударт тэмдэглэгдэн үлджээ. Ер нь Дарва бандида гэгээнтэн Монголын хүрээ хийдийн дотор айргийн тавд багтах эртний түүхтэй, өндөр зэрэг хүндлэлтэй, бусад хийд оронд үлгэр жишээ болдгоороо алдартай байжээ.

Дарба Бандида гэгээнтэн ирэх дөрөвдүгээр сар хүртэл Монголд байх хугацаандаа эрдэм шинжилгээний хурлуудад оролцох, Дамдин янсангийн жинсрэг өргөх, цагаан сарын их хурлуудад оролцож, номын өргөл өргөх зэрэг арга хэмжээнд оролцох юм байна.

Arslan.mnArslan.mn

Categories
мэдээ нийгэм

НӨАТ-ын 10 сая төгрөгийн супер азтан өнөөдөр тодорно

НӨАТ-ын сугалааны тохирол өнөөдөр болно. Үүгээр 10 сая төгрөгийн супер азтан тодорно.

Иргэд 2021 оны арванхоёрдугаар сарын 1-31-ны хооронд худалдан авалт хийж системд бүртгүүлсэн төлбөрийн баримтаар сугалаанд оролцох юм.

Categories
мэдээ нийгэм

“Вакцинд хамрагдаагүй иргэд халдвар авбал хүндэрч байна” гэв

ЭМЯ болон МХЕГ-ын хамтарсан баг Баянгол дүүргийн Эрүүл мэндийн төв болон “Ковид-19”-ийн тусламж үйлчилгээ үзүүлж буй эмнэлгүүдэд ажиллав.

Коронавируст халдвар (COVID-19)-ын амбулаторийн тусламж үйлчилгээ үзүүлж буй өрхийн эмнэлэгүүд, хэвтүүлэн эмчилж буй Ахмадын эмнэлэг болон хүүхдийн эмнэлэгүүдийн үйл ажиллагаатай танилцав. Энэ үеэр мөн Баянгол дүүргийн КОВИД-19-ын шуурхай штабад ажиллан өвчтнүүдийг эрэмблэн хэвтүүлж буй үйл ажиллагаа, рентген, Ковидын амбулаторийн үйл ажиллагаатай танилцсан юм.

Ахмадын эмнэлэгт 150 Ковидын орыг ЭМ-ийн сайдын тушаалаар дэлгэн ажиллуулж буй юм. Тус эмнэлгийн сэхээний тасагт хэвтэн эмчлүүлэгсдийн дийлэнх нь 65 наснаас дээш настай, хавсарсан суурь өвчтэй иргэд байв.

Эмнэлэгт хэвтэн эмчлүүлэгчдийн дийлэнх нь .

Categories
мэдээ спорт

Сэкивакe Митакэүми Хацү башёд түрүүллээ

Японы мэргэжлийн сумо бөхийн 73 дахь Их аварга /Ёкозүна/ Тэрүнофүжи Г.Ган-Эрдэнэ, Токио хотноо өнөөдөр өндөрлөж байгаа Хацү башёгийн 15 дахь өдрийн барилдаанд 2-хон унаатай байгаа Сэкивакe Митакэүмитэй барилдан түүнд ёрикири мэхээр унаснаар 11 даваа 4 унаатай энэ башёг өндөрлүүлэв.

Ийнхүү Сэкивакe Митакэүми 13 даваа 2 унаатай 2022 оны эхний Хацү башёд түрүүлж Японы Эзэн хааны цомын эзэн болж, түрүүллээ.

Энэхүү 15 дахь өдрийн барилдаанд Озэки Шодай, Чиёошома Г.Мөнхсайхан /М-5/-тай барилдаж түүнийг котэнаге мэхээр хаяснаар 6 даваа, 9 унаатай болсон бол Чиёошома 4 даваа, 11 унаатай башёг дуусгалаа.

Тамаваши Б.Мөнх-Оргил /М-3/, Ишүра /М-12/-тай учраа таарч барилдан түүнд ёрикири мэхээр унаж 8 даваа, 6 унаатай башёг өндөрлүүлж байна.

Хошёорюү С.Бямбасүрэн/М-6/, энэ өдөр Аойяама/М-16/-тай барилдаж түүнийг шитатэнаге мэхээр хаяж 11 даваа, 4 унаатай Хацү башёг амжилттай дуусгаж байна.

Ичиножёо /М-2/, Точиношин /М-1/-той барилдаж түүнийг ёрикири мэхээр хаяж 8 даваа, 7 унаатай энэ башёгийн барилдаанаа дуусгав.

Энэ өдөр Кирибаяама Б.Лхагвасүрэн /М-1/, Окиноүми /М-4/-г окүридаши мэхээр хаяснаар 6 даваа, 9 унаатай башёг өндөрлүүллээ.

Categories
мэдээ спорт

“Бээжин-2022” өвлийн олимпийн нээлтийн ёслолын сургуулилт хийжээ

“Бээжин-2022” өвлийн Олимпийн наадмын нээлтийн ёслолын сургуулилалтыг “Шувууны үүр” үндэсний цэнгэлдэх хүрээлэнд бямба гаргийн орой хийжээ. Ирэх хоёрдугаар сарын 4-нд болох нээлтийн ёслолын бүх үйл ажиллагааг урьдчилан бэлтгэсэн энэхүү сургуулилалтад 4000 орчим хүн оролцсон байна.

“Цаг агаар хүйтэрснээс гадна“COVID-19” цар тахлын нөхцөл байдлыг харгалзан үргэлжлэх хугацааг нь 100 орчим минут болгон богиносгоод буй нээлтийн ёслолыг нүүрстөрөгчийн ялгарал багатай, шинжлэх ухаан, технологийн дэвшлүүдийг ашиглан зохион байгуулах бөгөөд хүн төрөлхтөний төлөөх хамтын ирээдүй бүхий нийгэмлэгийг цогцлоох, “энгийн, аюулгүй, гайхамшигтай” наадам явуулах хүсэл зорилгыг илэрхийлнэ” гэж наадмыг зохион байгуулагчид мэдээлжээ.

Бээжин хот нь олимпын түүхэнд зуны болон өвлийн олимпийн наадмын аль алиныг зохион байгуулсан дэлхий анхны хот болж үлдэхээс гадна “Бээжин-2008” Олимпийн нээлт, хаалтын ёслолын үйл ажиллагааг найруулсан Жан Имоу нь зуны, өвлийн наадмын нээлтийн ёслолыг найруулсан анхны хүн болох юм.

Өвлийн Олимп ирэх хоёрдугаар сарын 4-ний өдөр буюу Хятадын уламжлалт цаг тооны бичгийн 24 цаг улирлын хамгийн эхнийх болох хаврын улирал эхэлж буйг илтгэдэг “личунь”-тай давхцах ажээ. Жан Имоугийн хэлснээр, “личунь” нь халуун дулаан, сэтгэл татам тоглолтыг үзэгчдэд хүргэх зорилго бүхий нээлтийн ёслолын чухал хэсэг болно.

“Олимп, Паралимпийн нээлт, хаалтын ёслолын төлөвлөгөөг 2021 оны гуравдугаар сард албан ёсоор баталсан бөгөөд энэхүү сургуулилалт нь олон сар үргэлжилсэн бэлтгэл ажлын сүүлийн үйл ажиллагаа юм” гэж “Бээжин-2022” наадмыг зохион байгуулах хорооны нээлт, хаалтын ёслол хариуцсан хэлтсийн дарга Чан Ю мэдээлжээ.

Олимпийн өргөн нэвтрүүлгийн үйлчилгээний компанийн гүйцэтгэх захирал Яннис Экзаркосын хувьд, “Бээжин-2022” өвлийн Олимпийн наадмын нээлтийн ёслол нь 2008 оны зуны наадмынхаас тэс өөр байх ч эн тэнцэхүйц сэтгэгдэл төрүүлэх бөгөөд үзэхгүй өнгөрч боломгүй үйл ажиллагаануудын нэг юм” гэдгийг онцлон хэлсэн байна.

Categories
мэдээ нийгэм

Нийслэлд дархлаажуулалтын суурин 154, түр 3 цэгт ажиллана

Өнөөдөр /2022.01.23/ Улаанбаатар хотод суурин 154, түр 3 цэгт 157 багийн 736 эмч, ажилтан ажиллаж, 6000 иргэнийг дархлаажуулахаар төлөвлөлөө. Та өөрт ойр вакцины аль ч цэгт очиж дархлаажуулалтад хамрагдах боломжтой. Дархлаажуулалтын цэгүүд 10:00-18:00 цаг хүртэл ажиллана.

Дархлаажуулалтын цэгийг дүүрэг тус бүрээр танилцуулж байна.