Month: January 2022

Categories
мэдээ цаг-үе

Олимпод оролцох баг, тамирчид нэгдүгээр сарын 31-нд Бээжин хотыг зорино

Ерөнхий сайд Л.Оюун-Эрдэнэ “Бээжин-2022” Өвлийн олимпын XXIV наадамд оролцох тамирчид, дасгалжуулагчидтай цахим уулзалт хийлээ.

Тэрбээр “Улс үндэстнийхээ нэр төр, ард түмнийхээ бахархал, хүсэл тэмүүлэл, хүч хөдөлмөрийн үлгэр жишээ болсон Та бүхэн “Бээжин-2022” өвлийн олимп, XIII паралимпын наадамд өндөр хариуцлагатай оролцож, зорьсон амжилт, тэмүүлсэн зорилгодоо хүрнэ гэдэгт гүнээ итгэж байна. Та бүхнийгээ дэмжиж, би өөрийн биеэр очно.

Монгол Улс өвлийн олимпод амжилт гаргах бүрэн боломжтой. Өмнө нь гаргаж байсан амжилтаа ахиулж, ард түмнээ баярлуулахын ерөөлийг дэвшүүлье. Монгол Улсын Засгийн газраас өвлийн спортыг бодлогоор дэмжиж, материаллаг бааз, орчин нөхцөлийг сайжруулах чиглэлд багагүй ажил хийхээр төлөвлөөд байна” гэлээ.

Энэ үеэр Биеийн тамир спортын газрын дарга Ц.Шаравжамц өвлийн олимпод оролцох багийнхантай уулзаж буй Ерөнхий сайдад талархал илэрхийлээд нэгдүгээр сарын 31-ний өдөр баг, тамирчид Бээжин хотыг зорихоор болсныг хэллээ.

Олимпын эрх авсан зарим тамирчин дасгалжуулагчтайгаа Швед улсад бэлтгэл сургуулилалтаа базааж байгаа юм.

Манай улсын баг тамирчид анх “Инсбрук-1964” өвлийн олимпод оролцож эхэлснээс хойш энэ удаа 15 дахь өвлийн олимпын наадамдаа оролцох гэж байна. Үндэсний шигшээ багийн тамирчид өвлийн олимп, паралимпын наадамд оролцох 3 эрх авсны 2 нь гүйлтийн цана, 1 нь пара цанын төрөл юм. Эдгээр тамирчдад тус бүрд нь 10 сая төгрөгийн мөнгөн урамшуулал олгох тухай Монгол Улсын Засгийн газрын тогтоол гарсан билээ.

Categories
мэдээ улс-төр

Ч.Хүрэлбаатар эрх мэдлээ ашиглаж, “Таванбогд” группийн Ц.Баатарсайханд Хөгжлийн банкнаас зээл олгосон уу

Монгол Улсын хөгжил нөлөөлөхүйц, стратегийн чухал ач холбогдолтой томоохон төслүүдийг санхүүжүүлэх үүрэгтэй Хөгжлийн банкны нийт олгосон зээлийн 55% нь чанаргүй зээлийн ангилалд багтсан асуудал олон нийтийн бухимдлыг төрүүлж байна. Улс төрд нөлөө бүхий эрхэмүүд хэдэн тэрбумаар нь зээл авч бизнесээ цэцэглүүлдэг ч эргүүлж төлдөггүй нь шударга бус. Хэн эрх мэдэлтэй байна түүний хамааралтай бизнес төрөөс санхүүжиж байдаг. Тухайлбал, “Таванбогд” группийн ерөнхийлөгч Ц.Баатарсайханы бизнес Чимидийн Хүрэлбаатар албан тушаалтай шууд хамааралтай байгаа нь Хөгжлийн банкнаас авсан зээлээс нь тодорхой харагдаж байна.

Тодруулбал, Чимидийн Хүрэлбаатар 2017 онд Сангийн сайдаар томилогдсон. Энэ цагаас эхлэн Цагаачийн Баатарсайханы “Таванбогд” трейд компаниараа дамжуулан хувь эзэмшдэг Говь, Гоёо үйлдвэрүүд болон Хаан банк зээл авч эхэлсэн. 2017-2020 оны хооронд Хөгжлийн банк говь компанид долоон удаагийн зээлээр 149,771,920,000 төгрөг олгожээ. Мөн Говь компанийн хувьцаа эзэмшдэг Гоёо компанид 2018.06.05-ны өдөр 30,360,000,000 төгрөгийн зээл олгосон байна.

Говь ХК

  1. 2017.07.05 3600002306 8 сая доллар буюу 18,871,920,000 төгрөг 8%
  2. 2018.06.04 3600004248 24,000,000,000 төгрөг 12%
  3. 2018.06.05 3600004479 12,000,000,000 төгрөг 12%
  4. 2018.06.07 3600004487 12,000,000,000 төгрөг 12%
  5. 2019.06.14 3600005972 29,000,000,000 төгрөг 12%
  6. 2019.06.18 3600005986 13,900,000,000 төгрөг 12%
  7. 2020.05.22 3600006978 40,000,000,000 төгрөг 11,5%

Нийт 7 удаагийн зээл 149,771,920,000 төгрөг

Гоёо ХХК

  1. 2018.06.05 3600004468 30,360,000,000 төгрөг 12%

Үүгээр зогсохгүй 2017-2021 оны хооронд Ц.Баатарсайхан 40 хувийг нь эзэмшдэг Хаан банкинд Хөгжлийн банкнаас 14 удаагийн зээлээр нийт 122,830,642,065 төгрөг олгосон байна.

ХААН банк

  1. 2017.02.08 3600001938 603,600,000 төгрөг 9,5%
  2. 2017.02.13 3600001938 2,500,000,000 төгрөг 9,5%
  3. 2017.05.11 3600002166 737,500,000 төгрөг 15%
  4. 2018.06.29 3600004647 10,800,000,000 төгрөг 10%
  5. 2019.06.14 3600005981 13,300,000,000 төгрөг 10%
  6. 2020.06.26 3600007093 9,800,000,000 төгрөг 1%
  7. 2020.06.30 3600007097 10,200,000,000 төгрөг 1%
  8. 2020.07.03 3600007178 2,480,000,000 төгрөг 1%
  9. 2020.07.20 3600007131 1,100,000,000 төгрөг 1%
  10. 2020.09.18 3600007228 30,000,000,000 төгрөг 1%
  11. 2020.11.05 3600007317 15,000,000,000 төгрөг 1%
  12. 2020.12.25 3600007378 15,309,524,065 төгрөг 1%
  13. 2021.01.21 3600007414 10,650,000,000 төгрөг 9,1%
  14. 2021.04.07 3600007487 355,000,000 төгрөг 9,1%

Нийт 14 удаагийн зээл 122,830,642,065 төгрөг

Говь, Гоёо, Хаан банк гэсэн гурван компанид нийт 302,962,562,065 төгрөгийн зээл олгожээ. Энэ их хэмжээний зээл олгогдох хугацаанд Ч.Хүрэлбаатар Сангийн сайдаар ажиллаж байсан юм. Товчхондоо, Хөгжлийн банк Сангийн яамны харъяанд байдаг. Ч.Хүрэлбаатар Сангийн сайд болмогц харъяанд нь байдаг Хөгжлийн банк Ц.Баатарсайханы бизнест их хэмжээний зээл олгож эхэлдэг. Он цаг хугацааг нь харьцуулж, үйл баримтыг нягтлахад ийм давхцал гарч байна.

Гэхдээ Ч.Хүрэлбаатар Ц.Баатарсайхантай нэг ашиг сонирхолтой гэдгээ чандлан нууцладаг. Гэхдээ Ч.Хүрэлбаатарын төрсөн ах Ч.Гантулга нь Ц.Баатарсайхантай хамт “Би Жи Пит” компанийг 2010 оноос хойш эзэмшиж байгаа. Энэ компаниараа Дундговь аймагт хайгуулын лиценз хүртэл авч байсан баримтууд нь бий. Мөн Хаан банкны 60 хувийн хувьцааг “Таванбогд” групп компанид заруулах “шахалт”-ыг Японы хөрөнгө оруулагчдад үзүүлж байсан хэрэг нь одоо АТГ-т шалгагдаж байгаа. Дээрээс нь Сангийн сайд болмогц Хөгжлийн банкнаас Ц.Баатарсайханд зээл олгож эхэлдэг нь санаандгүй тохиолдол биш. Тэгэхээр Ч.Хүрэлбаатар Ц.Баатарсайхан нар бизнесийн ашиг сонирхол нэгтэй гэдэг нь үйлдэл болон баримтуудаар нотлогддог. Энэ хамтралаараа төр болон санхүүгийн салбараас багагүй ашиг олдог гэдэг нь харагдаж байна.

302,9 тэрбум төгрөг гэдэг нь ЖДҮХС-ийн зээл гэх албан тушаалын гэмт хэргээс 318 дахин их хэмжээтэй зээлийг Ч.Хүрэлбаатар гишүүн хамаарал бүхий компанидаа Хөгжлийн банкнаас олгосон гэсэн үг.

Categories
мэдээ нийгэм

Замын-Үүдээс Улаанбаатар хүртэлх ачаа тээврийн үнэ гурван сая төгрөг байгаа нь хямдхан

Ачаа тээвэр өмнөх оны мөн үеэс 7.2 сая тонн буюу 70.5 хувиар өсчээ

Замын-Үүд авто замын боомт, ачаа тээврийн асуудлаар мэдээллээ.

Монголын тал руу гарах ачаатай чингэлгүүд энэ долоо хоногтоо дуусна. Өмнөх гарсан хоосон чингэлгүүдийг буцаах ажлууд эхэлж байна.

Өмнө зогсчихсон байсан уул уурхайн бүтээгдэхүүний тээвэр эхлэх нөхцөл бүрдэж байна. Нэгдүгээр сарын 26-27-ноос эхлэн уул уурхайн бүтээгдэхүүнийг Хятадын тал авч эхэлсэн. Одоогоор 170 орчим тонн зэсийн баяжмал, төмрийн хүдрийг гаргаад байна.

Эрээн хотод хөл хорио тогтоосон учир бараа материалыг өргөн царигийн галт тэрэгт ачих боломжгүй байгаа аж.

Замын-Үүдээс Улаанбаатар хүртэлх ачаа тээврийн үнэ 3-3.5 сая төгрөг байгаа нь хямдхан байна. 25 тонн ачааны 600 гаруй км зам туулах жишиг үнэ нь ачааны зэргээс хамаарч 3-6 сая төгрөгийн байгаа гэж албаныхан мэдээллээ.

Categories
мэдээ нийгэм

Олимпод оролцох тамирчид нэгдүгээр сарын 31-нд Бээжин хотыг зорино

Олон мянган нисэх онгоц шинээр үйлдвэрлэх шаардлагатай

Ерөнхий сайд Л.Оюун-Эрдэнэ “Бээжин-2022” Өвлийн олимпын XXIV наадамд оролцох тамирчид, дасгалжуулагчидтай цахим уулзалт хийлээ.

Тэрбээр “Улс үндэстнийхээ нэр төр, ард түмнийхээ бахархал, хүсэл тэмүүлэл, хүч хөдөлмөрийн үлгэр жишээ болсон Та бүхэн “Бээжин-2022” өвлийн олимп, XIII паралимпын наадамд өндөр хариуцлагатай оролцож, зорьсон амжилт, тэмүүлсэн зорилгодоо хүрнэ гэдэгт гүнээ итгэж байна. Та бүхнийгээ дэмжиж, би өөрийн биеэр очно.

Монгол Улс өвлийн олимпод амжилт гаргах бүрэн боломжтой. Өмнө нь гаргаж байсан амжилтаа ахиулж, ард түмнээ баярлуулахын ерөөлийг дэвшүүлье. Монгол Улсын Засгийн газраас өвлийн спортыг бодлогоор дэмжиж, материаллаг бааз, орчин нөхцөлийг сайжруулах чиглэлд багагүй ажил хийхээр төлөвлөөд байна” гэлээ.

Энэ үеэр Биеийн тамир спортын газрын дарга Ц.Шаравжамц өвлийн олимпод оролцох багийнхантай уулзаж буй Ерөнхий сайдад талархал илэрхийлээд нэгдүгээр сарын 31-ний өдөр баг, тамирчид Бээжин хотыг зорихоор болсныг хэллээ.

Олимпын эрх авсан зарим тамирчин дасгалжуулагчтайгаа Швед улсад бэлтгэл сургуулилалтаа базааж байгаа юм.

Манай улсын баг тамирчид анх “Инсбрук-1964” өвлийн олимпод оролцож эхэлснээс хойш энэ удаа 15 дахь өвлийн олимпын наадамдаа оролцох гэж байна. Үндэсний шигшээ багийн тамирчид өвлийн олимп, паралимпын наадамд оролцох 3 эрх авсны 2 нь гүйлтийн цана, 1 нь пара цанын төрөл юм. Эдгээр тамирчдад тус бүрд нь 10 сая төгрөгийн мөнгөн урамшуулал олгох тухай Монгол Улсын Засгийн газрын тогтоол гарсан билээ.

Categories
мэдээ нийгэм

2022 оныг хотын иргэний жил болгоно

Улаанбаатар хотын гудамж, талбайн нэрсийн жагсаалт – Хот байгуулалт, хөгжлийн газар

Нийслэлийн Засаг даргын зөвлөлийн хурал өнөөдөр боллоо. Хурлаар 2022 оныг “Хотын иргэний жил” болгон зарлах тухай асуудлыг хэлэлцжээ. Нийслэлийн Засаг дарга бөгөөд Улаанбаатар хотын Захирагчийн 2020-2024 оны үйл ажиллагааны хөтөлбөр, Нийслэлийг 2021-2025 онд хөгжүүлэх таван жилийн үндсэн чиглэл, Нийслэлийн хөгжлийн 2022 оны төлөвлөгөө болон бусад холбогдох баримт бичиг, стратеги төлөвлөгөөг хэрэгжүүлэх зорилгоор энэ оныг “Хотын иргэний жил” болгон зарлах саналыг гаргаад байгаа юм. Нийслэл Улаанбаатар хотын зүгээс 2022 онд хотын иргэдэд боловсрол олгох, соёлыг төлөвшүүлэх, орлогыг нэмэгдүүлэх, амьдрах орчныг сайжруулах, эрүүл мэндийг анхаарах, аюулгүй байдлыг хангах чиглэлээр ажиллах юм.

2022 онд зургаан зорилтыг дэвшүүлэн, иргэд олон нийт рүү чиглэсэн арга хэмжээг хэрэгжүүлэхээр төлөвлөөд байгаа талаар Нийслэлийн Ерөнхий архитектор Н.Нацагдорж танилцууллаа. Тодруулбал, “Хотын иргэний мэдлэг боловсрол”, “Хотын иргэний соёл”, “Хотын иргэний орлого”, “Хотын иргэний орчин”, “Хотын иргэний эрүүл мэнд”, “Хотын иргэний аюулгүй байдал” зэрэг зорилтуудыг дэвшүүлсэн байна. Ингэхдээ хоёр сар тутамд нэг зорилтыг хэрэгжүүлэн ажиллахаар тооцоолжээ.

Тухайлбал, нэг болон хоёрдугаар сард “Хотын иргэний мэдлэг боловсрол” зорилтыг хэрэгжүүлэх бөгөөд энэ хүрээнд иргэдэд хууль, эрх зүйн мэдлэг, мэдээлэл олгох, төрийн үйлчилгээний шинэчлэлийн чиглэлээр төрийн албан хаагчдын соёлтой харилцааг хэвшүүлэх, төрийн үйлчилгээг цахимд шилжүүлэх чиглэлээр зарим арга хэмжээг зохион байгуулах боломжтой. Мөн шаардлагатай байршлуудад сургууль, цэцэрлэгийн тоо, хүртээмжийг нэмэгдүүлэн, менежментийг шинэчлэн сайжруулах тухай танилцуулсан юм.

Харин гурав болон дөрөвдүгээр сарыг иргэний соёлын сар болгон зарлаж, автобусны буудлыг тохижуулан, тоог нэмэгдүүлэх, авто зогсоолын менежментийг сайжруулах болон бусад чиглэлээр хэд хэдэн арга хэмжээ зохион байгуулах аж. Нийслэлийн хэмжээнд 1081 нийтийн тээврийн зогсоол байгаа бөгөөд иргэдийн 51 хувь нь автобусаар зорчдог гэсэн судалгаа гарсан. Иймд автобусны зогсоолыг тодорхой стандартын дагуу шинэчлэх шаардлагатай. Харин авто зогсоолын нэгдсэн системийг бий болгож, стандарт хангасан төрөлжсөн авто зогсоолын тоог нэмэгдүүлэх чиглэлээр шаардлагатай судалгааг хийгээд байна.

Тав болон зургаадугаар сард хотын иргэний орлогыг дэмжих чиглэлээр арга хэмжээ зохион байгуулах талаар танилцууллаа. Ингэхдээ гудамж, зам, талбайд худалдаа, үйлчилгээ эрхлэх боломжийг хангаж, иргэд чөлөөт цагаа зөв боловсон өнгөрөөх амралт зугаалгын орчныг бүрдүүлэхэд анхаарч байгаа юм. Энэ хүрээнд нийслэлийн есөн дүүргийн 31 байршилд хамаарах 12.211 ам метр талбайд худалдаа, үйлчилгээ эрхлэх боломж бололцоог бүрдүүлэхээр шаардлагатай судалгааг хийгээд байгаа аж.

Нийтийн эдэлбэр гудамж, зам, талбайд худалдаа, үйлчилгээ эрхлэх орчин нөхцөлийг бий болгосноор хөдөлмөр эрхлэлтийг дэмжиж, иргэний орлогыг нэмэгдүүлэхэд тодорхой хэмжээний дэмжлэг болно гэж үзэж буй. Энэ мэтчилэн хоёр сар тутамд тодорхой зорилтыг дэвшүүлэн, зорилтот арга хэмжээнүүдийг зохион байгуулахаар танилцууллаа. Зөвлөлийн хурлын гишүүдийн зүгээс дээрх зорилтуудад нэг бүрчлэн анхаарч, гэр хорооллын бүсийг орхигдуулахгүй байх, төр-хувийн хэвшлийн түншлэлийг сайжруулан, дээрх арга хэмжээнүүдэд хамтран ажиллах, уг зорилтот жилийг ирэх онуудад улам сайжруулан, үргэлжлүүлэх саналтай байгаагаа илэрхийлж байлаа. Ийнхүү 2022 оныг “Хотын иргэний жил” болгон зарлах тухай асуудлыг хэлэлцэн зөвлөлийн гишүүд дэмжиж буйгаа илэрхийлсэн юм.

Categories
мэдээ нийгэм

Нийтийн тээврийн автобусны Хөдөлмөрийн аварга жолоочийг тодруулав

Нийтийн тээврийн автобусны

Нийтийн тээврийн үйлчилгээ эрхлэгч аж ахуй нэгжүүдийн үйлчилгээний соёл, чанар, хөдөлгөөний аюулгүй байдлыг ханган салбараа хөгжүүлэх үйлсэд идэвх зүтгэл, үр бүтээлтэй ажилласан 2021 оны хөдөлмөрийн аварга байгууллага, албан хаагчдаа тодрууллаа.

2021 оны Хөдөлмөрийн аварга байгууллагаар:

  • “Зорчигч тээврийн нэгтгэл” ОНӨААТҮГ,
  • “Тэнүүн-Огоо” ХХК,

Хөдөлмөрийн аварга инженер техникийн ажилтнаар

  • “Зорчигч тээврийн нэгтгэл” ОНӨААТҮГ-ын А.Даваасүрэн , Т.Энхсаруул,

Хөдөлмөрийн аварга засварчнаар:

  • “Зорчигч тээврийн нэгтгэл” ОНӨААТҮГ-ын Р.Даваасүрэн ,
  • “Тэнүүн-Огоо” ХХК-ны Б.Лхагвасүрэн,

Хөдөлмөрийн аварга жолоочоор:

  • “Зорчигч тээврийн нэгтгэл” ОНӨААТҮГ-ын С.Батчулуун,
  • “Автобус нэгдэл” ХХК-ны Д.Гантулга,

Хөдөлмөрийн аварга шалгагчаар:

“Сити баз консалтинг” ХХК-ны Б.Цэцэгмаа, Б.Энхжаргал нар тус тус шалгарлаа.

Categories
мэдээ нийгэм

Орон сууцгүй 1000 багш тус бүрд 10 сая төгрөгийн тусламж олгохыг шаарджээ

МонголыГадны багш нар арван жилийн дараахь Монгол улсын боловсролыг харж байна гэдэг | Sonin.MNн Багш нарын Үйлдвэрчний Эвлэлийн Холбооны дарга Д.Мөнхбаатар БШУЯ-ны Төрийн нарийн бичгийн дарга Л.Цэдэвсүрэнд хандан дараах шаардлагыг хүргүүлжээ.

“Монголын Багш нарын Үйлдвэрчний Эвлэлийн холбоо нь боловсролын салбарт МУ-ын Үндсэн хуувьд заасан хүний эрхийг дээдлэх, хууль дээдлэх ёс, шударга байдал, тэгш эрхийн зарчмыг хэрэгжүүлэхийн төлөө идэвхтэй үйл ажиллагаа явуулдаг. Иймээс дараах шаардлагуудыг хүргүүлж байна.

1. 2020 оны 12-р сард тус яамны 110 албан хаагчийн эрүүл мэндийн урьдчилсан сэргийлэх үзлэгийг Сөүл сениорс товер ХХК-ийн Сонгдо эмнэлэгт 26 сая 444 мянган төгрөгийн өртгөөр хийлгэжээ. Энэ нь нэг албан хаагчид дунджаар 240 мянган төгрөг оногдож байна. Яамны зүгээс ажилтнуудынхаа эрүүл мэндэд анхаарсан сайн жишгийг дэмжинэ. Гэвч боловсролын салбарын нийт ажилтан, алба хаагчид ийм хөнгөлөлт, дэмжлэгийг хүртэж чадахгүй байгаа нь үндсэн хуулийн тэгш эрхийг зөрчсөн. Иймд энэ оны эхний улиралд багтаан салбарын багш албан хаагчдыг хувийн эмнэлэг болон гурав дахь шатлалын улсын эмнэлэгт 240 мянган төгрөгөөс доошгүй өртөг бүхий эрүүл мэндийн үзлэг, шинжилгээнд хамруулахыг шаардаж байна.

2. Мөн дээрх хугацаанд яамны нэр бүхий 15 албан хаагчид орон сууцны дэмжлэг нэрийн дор 10-40 сая төгрөг олгожээ. Эдгээр алба хаагчдын АТГ-т мэдүүлсэн хөрөнгө орлогын мэдүүлгийг нягтлан үзэхэд дийлэнх нь орон сууцтай болох нь тогтоогдож байгаа нь албан тушаалын давуу байдал бий болгосон байх үндэслэлтэй. Манай холбооноос багш, ажилтнуудыг орон сууцад хөнгөлөлттэй нөхцөлөөр хамруулахыг шаардаж байсан ч шийдвэрлэж өгөөгүй хэр нь яамны алба хаагчдад давуу эрх олгосон нь ялгаварлан гадуурхалтыг бий болгож, үндсэн хууль зөрчсөн үйлдэл болох нь харагдаж байна. Иймээс энэ оны эхний улиралд багтаан өөрийн гэх орон сууцгүй мянган багшид тус бүрд 10-аас доошгүй сая төгрөгийн мөнгөн тусламж олгохыг шаардаж байна.

3. БШУЯ-ны дансыг үзэхэд 2016 оноос хойш НҮБ, түүний төрөлжсөн байгууллагуудаас ихээхэн хэмжээний тусламж, дэмжлэг үзүүлж, төсөл хөтөлбөр хэрэгжүүлсэн байх бөгөөд тэдгээрийн тайлан, түүнийг хэрхэн зарцуулсан нь тодорхой бус байна. Иймд НҮБ болон тэдгээр байгууллагуудаас үзүүлсэн хандив тусламжийн санхүүгийн зарцуулалтын тайланг тус бүр бичгээр гаргаж өгнө үү” гэжээ.

Шаардлагын дэлгэрэнгүйг дараах албан бичгээс бүрэн эхээр нь хүлээн авна уу.

Categories
мэдээ нийгэм

Налайх дүүргийн гэр хорооллынхон шахмал түлш хэрэглэдэг болно

Налайх дүүргийн Засаг даргын Тамгын газар

Агаарын тухай хуулийн 15.1-т “Төрийн захиргааны төв байгууллага нь нутгийн захиргааны байгууллагатай хамтран агаарын бохирдлыг бууруулах зорилгоор агаарын чанарыг сайжруулах бүсийг тогтоож, тухайн бүсэд мөрдөх журмыг батална”, 15.3-т “Нийслэлийн Агаарын чанарыг сайжруулах бүсийг жил бүр шинэчлэн тогтооно” гэж заасан байдаг.

Энэ хүрээнд Налайх дүүргийг 2022 онд агаарын чанарыг сайжруулах бүсэд шинээр оруулахаар болсон юм. Тиймээс тус дүүргийн 8 хорооны гэр хорооллын 7,226 айл өрхөд сайжруулсан шахмал түлш хэрэглэх бэлтгэл ажлыг эхлүүлээд байна.

Нийслэлийн Засаг даргын Цахим хөгжил, хууль, эрх зүй, төрийн үйлчилгээний асуудал хариуцсан орлогчийн баталсан удирдамжийн дагуу Налайх дүүргийн Засаг даргын тамгын газар, нийслэлийн Агаар, орчны бохирдолтой тэмцэх газар, Таван толгой түлш ХХК-ийн Хэрэглэгчид үйлчлэх алба, нийслэлийн Мэргэжлийн хяналтын газрын Агаарын чанарын хяналтын хэлтэс, Налайх дүүргийн Онцгой байдлын хэлтсийн хамтарсан Ажлын хэсэг өнөөдөр Налайх дүүрэгт ажиллаж байна.
Categories
мэдээ нийгэм

​Олон улсын физикийн олимпиадаас I сургуулийн багш Б.Түвдэндорж алтан медаль хүртлээ

Нийслэлийн Нэгдүгээр сургуулийн физикийн багш Б.Түвдэндорж 2022 оны Олон улсын физикийн олимпиадаас алтан медаль хүртжээ.
Тэрбээр өнгөрсөн жил тус олимпиадаас мөнгөн медаль хүртэж байсан бол энэ жил амжилтаа ийнхүү ахиулж чаджээ.
Мөн түүний хувьд улсын физикийн олимпиадад есөн удаа түрүүлж байв.
Categories
мэдээ нийгэм

Орон нутагт халдварын тархалт өндөр байна

Сүүлийн 24 цагийн хугацаанд коронавируст халдварын 2614 тохиолдол бүртгэгджээ. Эдгээрээс 1498 нь Улаанбаатар хотод, 1116 нь орон нутагт батлагдсан байна. Энэ хугацаанд орон нутагт хамгийн олон буюу 233 тохиолдол Орхон аймагт батлагджээ.

Гэрийн хяналт, ажиглалтад 59312 хүн байгаа бол 11084 хүн эмнэлэгт хэвтэн эмчлүүлж байна. Үүнээс 107 хүний биеийн байдал маш хүнд байгаа юм. Энэ хугацаанд халдварын улмаас хоёр хүн энджээ.