Улсын бүртгэлийн ерөнхий газраас регистрийн дугаарыг халахгүйгээр иргэний бүртгэлийн дугаарыг хэрэглээнд нэвтрүүлэх болжээ.
Иргэний төрсөн болон харьяалалтай газар, төрсөн он, сар, өдөр, хүйс зэрэг хувийн мэдээллийг агуулсан учир аюулгүй байдлыг хангах зорилгоор энэхүү бүртгэлийн дугаарыг хэрэглээнд нэвтрүүлэх юм.
Монгол улсын иргэн бүрд энэхүү бүртгэлийн дугаар олгогдсон байгаа. Иргэн та иргэний үнэмлэхийн QR кодыг уншуулснаар 12 орон бүхий иргэний бүртгэлийг дугаараа мэдэх боломжтой юм.
Боловсорлын зээлийн сангаас их дээд сургуулиудын оюутнуудад олгодог оюутны хөгжлийн зээлийн санхүүжилт сүүлийн жилүүдэд ихээхэн асуудал дагуулаад байгаа билээ. Цар тахлаас үүдэлтэй эдийн засгийн хүнд хэцүү нөхцөлд төлбөрийн боломжгүй оюутнууд төгссөнийхөө дараа эргэн төлөх нөхцөлтэйгөөр авдаг байсан зээлийн санхүүжилт одоо болтол орж ирээгүй байгаа нь олон мянган оюутнуудын санааг зовоож байна.
Тэгвэл энэ тухай Боловсролын зээлийн сангийн ажилтнаас тодруулахад “Энэ сардаа багтаад санхүүжилт орно, төсөв нь батлагдчихсан байгаа” гэв.
2019-2020 оны хаврын улирлын оюутны хөгжлийн зээлийн төсөв нь тухайн оны төсөвд багтаагүй оюутнуудад олгогдохгүй байхаар эцэслэн шийдвэрлдэсэн. Энэхүү төдбөрийг хэрхэн нөхөж төлүүлэх тухай сургууль бүр дотооддоо оюутнуудад дарамт үзүүлэхгүйгээр зохицуулахаар болсон. Монгол улсын их сургуулийн хувьд энэхүү зээлийн үлдэгдэлээ өнгөрсөн оны 12 дугаар сарын 30-наас өмнө нөхөн төлөх гэрээг оюутнуудтай байгуулсан билээ. Уг оны зээлийг улсаас нөхөн төсөвлөх боломжгүй учраас оюутнууд сургууль тус бүрийн зохицуулалтын дагуу төлбөрөө нөхөн төлөх шаардлагатай болжээ.
Холимог тулааны хамгийн нэр хүндтэй, өндөр чансаатай холбоо бол UFC. Тухайн тамирчны нэр хүндийн баталгаа болдог тус холбоонд өрсөлдөхийг тулаанч бүхэн мөрөөддөг. Тэр хэрээр өндөр босготой, шалгуур өндөртэй. Сүхбаатар аймгийн Эрдэнэцагаан сумын харьяат түүний дараагийн тулааны тов гарчээ. “Талын шуурга” хочит Д.Батгэрэлийн өрсөлдөгч нь АНУ-ын тулаанч Монтел Жэксон.
Тэд гуравдугаар сарын 26-нд тулалдана. Америк “Dana white center” шоунаас анх гарч ирсэн. UFC-ийн дэвжээнд долоон тулаан хийснийхээ тавд нь ялаад буй тамирчин.
Агаарын чанарын үнэлгээг гаргадаг www.iqair.com сайт дэлхийн хотуудыг агаарын бохирдлоор нь жагсаан, өдөр тутам шинэчилдэг. Энэ жагсаалтад манай улсын нийслэл Улаанбаатар хот эхний 10-т байнга бичигдсээр байна.
Нэгдүгээр сарын тавны лхагва гаригийн байдлаар Улаанбаатар хот дэлхийн хамгийн их агаарын бохирдолтой 10 хотын долдугаарт бичигдсэн байна. Улаанбаатарын цагаар 11.00 цагт хотын агаар дахь PM2.5 -ын хэмжээ ДЭМБ-аас зөвшөөрсөн агаарын чанарын жилийн дундаж утгаас 13,4 дахин их байгаа аж.
Засгийн газрын өнөөдрийн хуралдаанаар Улаанбаатар-Дархан чиглэлийн авто замын бүтээн байгуулалтын явцын талаар мэдээлэл сонсч, шинээр ажлын хэсэг байгуулсан байна. Тус ажлын хэсгийг Зам тээврийн хөгжлийн сайд Л.Халтар ахалж, бүрэлдэхүүнд нь сайд нар багтаж буй аж.
Мөн Ерөнхий сайд Л.Оюун-Эрдэнэ Улаанбаатар-Дархан чиглэлийн авто замын бүтээн байгуулалтын ажлыг 2023 оны 10 дугаар сараас хэтрүүлэхгүй дуусгах үүргийг холбогдох албаныханд өглөө.
Хуралдаанаар гаргасан шийдвэрийн талаар УОК-ын Нарийн бичгийн дарга Т.Баярхүү мэдээллээ.
Тэрбээр “Коронавирусийн үе дэх гамшгаас хамгаалах түвшнийг шинэчлэн баталлаа. Улбар шар түвшинд 18 чиглэлийн байгууллагын үйл ажиллагааг хориглож байсан бол 15 болголоо. Шар түвшинд 15 чиглэлийн байгууллагын үйл ажиллагааг хорьж байсан бол бүгдийг хүчингүй болгосон. Мөн төрийн байгууллага, хувийн хэвшилд үйлчлэх дэглэмийг ялгаатай тогтоосон байсныг болиулсан. Бүрэн албажсаны дараа дэлгэрүүлж, мэдээлэл өгнө.
Хоёрдугаар сард болох цагаан сарын баярыг төрийн байгууллагын хүрээнд золгуут хийхгүй зохион байгуулна. Иргэдэд хязгаарлаж хориглоогүй ч өндөр хүрээнд тэмдэглэхгүй байхыг уриалж байна” гэлээ.
Засгийн газрын шийдвэрээр гэр хорооллын айл өрхүүдийн хэрэглээний шахмал түлшийг хүйтний эрч сулартал 50 хувийн хөнгөлөлттэй үнээр борлуулж байгаа. Түлшний үнэд ирэх дөрөвдүгээр сарын 1-нийг хүртэл өөрчлөлт орохгүй.
Засгийн газрын тогтоолын дагуу түлшний үнийг 50 хувийн хямдралтай буюу нэг шуудайг нь 1875 төгрөгөөр борлуулж байна. Харин дөрөвдүгээр сарын 1-нээс хойш шахмал түлшийг өмнөх үнээр буюу 3750 төгрөгөөр борлуулах юм байна. “Тавантолгой түлш” ХХК өнөөдрийн байдлаар 22.1 мянган тонн шахмал түлшний нөөцтэй байгаа бөгөөд энэ нь Сар шинийн баяр өнгөртөл хүрэлцэнэ хэмээн тооцоолж байгаа аж.
Хуралдаанаар гаргасан шийдвэрийн талаар Сангийн яамны Худалдан авах ажиллагааны бодлогын хэлтсийн дарга Ц.Батзул мэдээллээ.
Тэрбээр “Төрийн болон орон нутгийн өмчийн хөрөнгөөр бараа, үйлчилгээ худалдан авах тухай хуулийн төслийг хэлэлцлээ. Засгийн газрын гишүүд танилцаад, УИХ-д өргөн мэдүүлэхийг дэмжлээ.
Хуулийн төслийн голлох чиглэлүүд гэвэл:
Мөн хууль зөрчиж тендер шалгаруулсан бол ажлаас нь халж, хар дансанд бүртгэдэг болж байгаа. Төрийн албан хаагчийг дахин тендер шалгаруулах эрхгүй болгож байгаа бол ААН-үүдийг оролцох эрхгүй болгоно гэсэн үг” гэлээ.
Засгийн газрын ээлжит хуралдаанаас гарсан шийдвэрийг танилцуулж байна. Хөшигийн хөндийн бүтээн байгуулалтыг төлөвлөснөөр 150 мянган иргэн 50 мянган өрх шилжин суурьших төлөвлөгөө байна. Дараагийн асуудал Улаанбаатар-Дархан чиглэлийн бүтээн байгуулалалтын ажлыг ирэх 2023 оны аравдугаар сараас хэтрүүлэхгүй дуусгах даалгавар Засгийн газрын хуралдаанаар өглөө. Үүнээс гадна 11-11 төвийг Ерөнхий сайд Л.Оюун-Эрдэнэ Засгийн газрын олон нийттэй харилцах албанд шилжүүллээ.
Эрүүл мэндийн сайд С.Энхболд “Дэлхийн эрүүл мэндийн байгууллага омикрон хувилбарыг бүртгээд нэг сарын хугацаа өнгөрлөө. Одоогоор дэлхийн 138 улсад тус хувилбарын тохиолдол бүртгэгдээд байна. Энэхүү халдварын тархалттай холбоотойгоор эмнэл зүйн судалгааг хийж байгаа. Илрэх шинж тэмдгийн хувьд томуу томуу төст өвчинтэй ижил байгаа юм. Монгол улсад хоногт бүртгэгдэх халдварын тохиолдлын тоо өчигдрөөс эхлээд эрс нэмэгдэж байна. Энэ нь шинэ жилийн баяртай холбоотой.
Арваннэгдүгээр сарын 27-ноос хойш 100 гаруй нислэгээр 10545 хүн ирж, 411 тохиолдол зөөвөрлөгдсөн. 124 нь энхийг сахиулах алба хаагчид. Тэдгээр хүмүүсийг 10-14 хоног тусгаарласан.
Эдгээр батлагдсан тохиолдлуудын 96 хувь нь хүнд хэлбэртэй байна. Харин дөрвөн хувь нь хөнгөн байна. Геномын дараалал тогтоох аппарат монголд өнгөрсөн сард ирсэн. Тус төхөөрөмжөөр сэжигтэй тохиолдлуудыг шинжилж байгаа. Эхний сорьцын эцсийн хариу гараагүй. Тэгэхлээр Монголд омикрон бүртгэгдээгүй гэсэн үг. Өмнө нь альфа болон дельта хувилбарыг илрүүлэхэд Япон руу сорьж явуулж шинжлүүлж байсан. Энэ удаад ч мөн омикрон хувилбар мөн эсэхийг тодруулахаар 100 сорьцыг явуулсан” гэв.
Энэ сарын 4-нд цагдаагийн байгууллагын 102 дугаарын утсанд нийт 1844 гомдол мэдээлэл бүртгэгджээ.
Үүнээс зөрчлийн дуудлага мэдээлэл 1530, хулгайтай холбоотой 24, гэр бүлийн хүчирхийллийн 167, гэмт хэргийн шинжтэй 98 мэдээлэл бүртгэгдсэн байна.
Үүнээс гадна автомашин согтуу жолоодсон 93, олон нийтийн газар зүй бусаар биеэ авч явж, танхайрсан 144, хүний биед халдсан 72, Архидан согтуурахтай тэмцэх тухай хууль зөрчсөн 46, эрүүлжүүлэх байранд хоносон 259, оршин суугчдын амгалан тайван байдал алдагдуулсан 85 тохиолдол гарчээ.