Month: January 2022

Categories
мэдээ нийгэм

18-аас дээш насны иргэдийг дархлаажуулалтын IV тунд хамруулж эхэлжээ

Коронавируст халдварын эсрэг вакцины нэмэлт тунгаар дархлаажуулах тухай Эрүүл мэндийн сайдын А/01 дугаар тушаал гарсан. Тушаалаар Монгол Улсын болон гадаад улсын 18-аас дээш насны иргэнийг өчигдрөөс эхлэн сайн дурын үндсэн дээр коронавируст халдварын эсрэг вакцины 4 дүгээр тунгаар дархлаажуулж байна.

Коронавируст халдварын эсрэг вакцины дархлаа сэргээх нэмэлт 3 дахь тунд хамрагдаад гурван сарын хугацаа өнгөрсөн 18-аас дээш насны иргэд вакцины 4 дүгээр тунд сайн дурын үндсэн дээр хамрагдах юм.

Мөн нэмэлт 3 дахь тунд хамрагдаад өвдсөн иргэн эдгэснээс хойш 21 хоногийн хугацаа өнгөрсөн бол 4 дүгээр тунд хамрагдах боломжтой юм.

Дээрх шалгуурт нийцсэн иргэд Файзер үйлдвэрийн “Комирнэти”, Синофарм үйлдвэрийн “CorV” вакцинаас сонголт хийх боломжтой.

Түүнчлэн энэ жил 12 нас хүрч буй 2010 онд төрсөн хүүхдүүд коронавируст халдварын эсрэг вакцины эхний тунд хамрагдаж эхлэх юм байна.

Мөн энэ жил 18 нас хүрч байгаа иргэн дархлаажуулалтын нэмэлт 3 дахь тунд хамрагдаж болох аж.

Categories
мэдээ нийгэм

Согтуугаар тээврийн хэрэгсэл жолоодсон 18 иргэний эрхийг нэг жилийн хугацаагаар хасав

Улсын хэмжээнд согтуугаар үйлдэгдэх гэмт хэрэг, зөрчлийн гаралтыг бууруулах, урьдчилан сэргийлэх зорилгоор Тээврийн цагдаагийн албанаас “Уусан үедээ бүү жолоод” хэсэгчилсэн арга хэмжээг “Та амьдралаа сонгох уу, түлхүүрээ сонгох уу” уриатайгаар явуулж буй. Тэгвэл энэхүү нөлөөллийн аяны хүрээнд өнгөрөгч пүрэв гараг/2021.01.06/-т гудамж замын хяналт шалгалтаар 21 жолооч согтууруулах ундааны зүйл хэрэглэсэн үедээ тээврийн хэрэгсэл жолоодсон зөрчлийг илрүүлжээ. Мөн согтуугаар тээврийн хэрэгсэл жолоодсон 18 жолоочийн тээврийн хэрэгсэл жолоодох эрхийг нэг жилийн хугацаагаар хассан байна.

Categories
мэдээ нийгэм цаг-үе

Манай улсад нэг компьютерт 23 хүүхэд ногддог

Манай улсад нэг компьютерт 23 хүүхэд ногддог байна. Тйимээс энэ жил төсөвт тусгасан 3 тэрбум төгрөгөөр 670 сургуулийн шилэн кабелийг шинэчилж, интернэтийн хурдыг 3 дахин нэмэгдүүлсэн байна.

Улсын хэмжээнд 180 мянга, нийслэлд 40 мянган хүүхэд эрчим хүч, тоног төхөөрөмж, техник хэрэгслийн улмаас хичээлийн хоцрогдолд орсон тул өнгөрсөн жилийн намар Эрчим хүчний яамнаас Баянзүрх, Сонгинохайрхан дүүрэгт шинээр нүүж ирсэн айлуудыг эрчим хүчээр хангах асуудлыг шийдвэрлэжээ.

Мөн энэ жилийн хувьд 10 тэрбум төгрөгийг Боловсрол, шинжлэх ухааны сайдын багцад тусгасан. Энэ хүрээнд интернэтийн сүлжээний асуудлаа шийдэх аж. Түүнчлэн улсын хэмжээнд 33 мянган багшийг компьютержүүлэхэд 140-160 тэрбум төгрөгийн хөрөнгө оруулалт шаардлагатай тул энэ чиглэлээр тодорхой арга хэмжээ авахаар төлөвлөжээ.

Үүнээс гадна хувьсах зардлын аргачлалыг өөрчилсөн тул энэ хүрээнд багш нарын өөрсдийн мөнгөөр хичээлд зарцуулсан хэрэгсэл, дата, интернэтийн зардлыг олгох, компьютерын танхимгүй байгаа сургуулийн асуудлыг шийдвэрлэхээр болсон байна. Эхний ээлжинд нэн яаралтай 100 орчим сумын сургуулийн интернэт компьютерийн асуудлыг хувьсах зардлын аргачлалаар шийдвэрлэхээр болжээ.

Categories
мэдээ нийгэм

Энэ оны нислэгийн хуваарь

Сөүлийн чиглэлд хэвийн үргэлжлэх нислэгүүд:

1 дүгээр сарын 9, 11, 14, 16, 18, 21, 23, 25, 28, 30-ны өдрүүдэд.
2 дугаар сарын 5-аас эхлэн Лхагва, Баасан, Бямба, Ням гаригт.

2022 ОНЫ НЭГ, ХОЁР, ГУРАВДУГААР САРЫН НИСЛЭГИЙН ХУВААРЬ

Categories
мэдээ нийгэм

Иргэдийн 0.08 хувь нь IV тунд хамрагджээ

Нийслэлийн хэмжээнд цар тахлын эсрэг вакцины эхний тунд 78, хоёр дахь тунд 114, гурав дахь тунд 1945, дөрөв дэх тунд 336 нийт 2473 иргэнийг дархлаажуулсан байна. Вакцинжуулалт эхэлснээс хойш нийслэлийн нийт хүн амын эхний тунгийн хамралт 75.0 хувь, хоёр дахь тунгийн хамралт 71.8 хувь, гурав дахь тунгийн хамралт 48.5 хувь, нэмэлт дөрөв дэх тунгийн хамрагдалт 0.08 хувь байна.

Зорилтот бүлгийн буюу 2993 (25.1 хувь) жирэмсэн эх, 12-15 насны 68361 (76.9 хувь), 16-17 насны 26937 (79.5 хувь) хүүхэд тус тус дархлаажуулалтын бүрэн тунд хамрагдлаа.

Categories
мэдээ үндэсний-бөx

МҮБХ: Бөхчүүд зодог шуудгаа зургадугаар сарын 15-ныг хүртэл бүрэн бэлдэж бүх төрлийн барилдаанд оролцоно


МҮБХ-ны Цэцдийн зөвлөлийн ээлжит хурал өнөөдөр буюу 2022 оны нэгдүгээр сарын 08-ны өдөр болж, танхимаар 37 гишүүн, цахимаар 4 гишүүн оролцож, 41 гишүүн буюу 61 хувийн ирцтэйгээр хуралдлаа.
Хурлыг Цэцдийн зөвлөлийн дарга дархан аварга Г.Өсөхбаяр, МҮБХ-ны тэргүүн, улсын заан Ц.Магалжав нар удирдаж, тооллогын комиссын даргаар улсын начин Р.Цоггэрэл, гишүүдээр улсын начин А.Хатансайхан, аймгийн арслан С.Ерөөлт нар ажиллав.
Хурлаар дараах асуудлуудыг хэлэлцэн батлав.
1. Барилдааны дүрмийн зарим заалтуудад нэмэлт, өөрчлөлт оруулахыг тодорхой хугацаагаар хойшлуулах,
2. Удааширсан барилдаанд хөлийн цэц болон засуулуудын дүрэмд заасан эрх үүргийг бүрэн хэрэгжүүлж ажиллах,
3. Зөрчилтэй өмсгөлийг 2022 оны 03-р сарын 15-ны дотор арилгахыг бөхчүүдэд үүрэг болгох, (Үүнд: давхар ширсэн, зодогны ирмэгээр мяндсан утас гүйлгэж оёсон, нарийн элэг бүс бас шуудагны уяа гэх мэт)
4. Барилдааны дүрэмд оруулсан шаардлагад нийцсэн (Үүнд: Бөхийн зодог. Зодогны ширээс нь 17 эгнээ буюу 8.0 см-ээс илүүгүй байна. Ханцуйг гурав бөгжилж ширэхийг зөвшөөрнө. Ингэхдээ их биеийн дээд ширээснээс 3.0 см зайтай байна. Ширээсний өргөн нь 5 эгнээнээс хэтрэхгүй. Зодогны элэг бүсийг мяндас, хөвөн утас, хадгаар бөөрөнхийлөн сүлжиж, 1.5 см-ээс багагүй голчтой хийнэ. Зодгонд өөр нэмэлт ширээс хийх, үндсэн ширээсийн дундуур давхар ширээс хийх, дотор талд нь утас зангидах, өнгө дотрын хооронд хатуулга хийхгүй.
Бөхийн шуудаг: Шуудаг таван ширээстэй байна. Гуяны арын ухлаадас нь өгзөгний махыг таллаж дарсан байна. Уяаны зай нь ширээснээсээ 1.5 см-ээс багагүй зайтай байна. Шуудагны ар ба өвөр талд нь босоо ширээс гаргахыг зөвшөөрнө. Шуудагны уяа гаргах нүхийг савхи буюу илгээр хийж бөхөлж болно. Шуудагны дээд, доод уяаг элэг бүсийн адил зөөлөн эдээр гурваар сүлжин хийх бөгөөд ерөнхий голч нь 1.5 см-ээс багагүй байна)

Бөхчүүд зодог шуудгаа 2022 оны 06-р сарын 15-ний өдөр гэхэд бүрэн бэлдэж бүх төрлийн барилдаанд оролцоно.

5. Өмсгөлийг шалгах комиссын гишүүнээр:
-Улсын арслан Д.Ганхуяг
-Улсын заан Д.Бумбаяр
-Улсын заан Д.Баасандорж
-Улсын харцага Т.Өсөх-Ирээдүй
-Улсын начин С.Багахүү нарыг томилов.
6. Өмсгөлийн стандарт шалгах журмыг хавсралтаар баталж, мөрдүүлэхийг МҮБХ-ны ажлын албанд даалгав.
7. Хурлаар хэлэлцэх бусад асуудлаар Цэцдийн зөвлөлийн гишүүдийн саналыг сонсож, МҮБХ-ны удирдлагууд тодорхой асуултуудад хариулж, мөн зохих мэдээллийг өглөө.
МОНГОЛЫН ҮНДЭСНИЙ БӨХИЙН ХОЛБОО
Categories
мэдээ нийгэм

Яармаг-Сонгины орчмоор шөнөдөө 30 хэм хүйтэн байна

Малчид, иргэд, тээвэрчдэд зориулсан мэдээ: Өнөө маргаашдаа нутгийн баруун өмнөд хэсгээр цас орж, нутгийн зүүн хэсгээр салхитай байна.

2022 оны 01-р сарын 08-ны 12-18 цаг хүртэлх цаг агаарын мэдээ: Үүлшинэ. Цас орохгүй. Салхи зүүн өмнөөс секундэд 3-8 метр. 11-13 хэм хүйтэн байна.

2022 оны 01 сарын 08-ны 20 цагаас 2022 оны 01 сарын 09-ний 20 цаг хүртэлх цаг агаарын урьдчилсан мэдээ

Хур тунадас: Ихэнх нутгаар үүлшинэ. Шөнөдөө баруун аймгуудын нутгийн зүүн, төвийн аймгуудын нутгийн баруун өмнөд, зүүн аймгуудын нутгийн зүүн хэсгээр, өдөртөө баруун аймгуудын нутгийн өмнөд, говийн аймгуудын нутгийн баруун, зүүн аймгуудын нутгийн зүүн хэсгээр цас орж, явган шуурга шуурна.

Салхи: Ихэнх нутгаар баруун хойноос секундэд 5-10 метр, Алтайн салбар уулс болон тал, хээрийн нутгаар секундэд 12-14 метр хүрч ширүүснэ.

Агаарын температур: Шөнөдөө Увс нуур болон Дархадын хотгор, Завхан голын эх, Идэр, Тэс голын хөндийгөөр 30-35 хэм, Их нууруудын хотгор, Монгол-Алтай, Хангай, Хөвсгөл, Хэнтийн уулархаг нутаг, Байдраг, Эг, Үүр, Ерөө, Туул, Тэрэлж голын хөндийгөөр 25-30 хэм, цас багатай газар болон говийн бүс нутгийн баруун хэсгээр 13-18 хэм, бусад нутгаар 20-25 хэм, өдөртөө Увс нуур болон Дархадын хотгор, Завхан голын эх, Идэр, Тэс голын хөндийгөөр 25-30 хэм, Их нууруудын хотгор, Монгол-Алтай, Хангай, Хөвсгөл, Хэнтийн уулархаг нутаг, Орхон-Сэлэнгийн сав газар, Байдраг, Эг, Үүр, Туул, Тэрэлж голын хөндийгөөр 13-18 хэм, цас багатай газар болон говийн бүс нутгийн өмнөд хэсгээр 4-9 хэм, бусад нутгаар 9-14 хэм хүйтэн байна.

УЛААНБААТАР ХОТ ОРЧМООР: Үүлшинэ. Цас орохгүй. Салхи баруун хойноос секундэд 5-10 метр. Шөнөдөө Яармаг-Сонгины орчмоор 28-30 хэм, бусад хэсгээр 21-23 хэм, өдөртөө 12-14 хэм хүйтэн байна.

БАГАНУУР ОРЧМООР: Үүлшинэ. Цас орохгүй. Салхи баруун хойноос секундэд 5-10 метр. Шөнөдөө 26-28 хэм, өдөртөө 11-13 хэм хүйтэн байна.

ТЭРЭЛЖ ОРЧМООР: Үүлшинэ. Цас орохгүй. Салхи баруун хойноос секундэд 5-10 метр. Шөнөдөө 26-28 хэм, өдөртөө 13-15 хэм хүйтэн байна.

Categories
мэдээ нийгэм

“Амьд бус амьдрагсад” аймшгийн кино нээлтээ хийлээ

Хөл хорионоос шалтгаалан нэг хэсэг хаалттай байсан кино театрууд үүдээ нээж, уран сайхны кинонууд нээлтээ хийж эхэллээ. Энэ жишгийн дагуу Монголын хамгийн анхны олон ангит аймшгийн цуврал “Амьд бус амьдрагсад” кино өчигдөр /2022.01.07/ “Aurug palace”-д боллоо.

Монголдоо анхдагч аймшгийн цуврал гэдгээрээ онцлог “Амьд бус амьдрагсад” кино нь анх Э. Отгондоржийн санаачлагаар эхэлсэн бөгөөд ерөнхий найруулагчаар А.Баттулга ажиллаж, “Melmii entertainment”, “Дөрвөн бэрх Филм” болон “Channel 11” телевизийн уран бүтээлчид хамтран бүтээсэн байна.

Уг кионы зураг авалтад 100 гаруй уран бүтээлч оролцсон бөгөөд кино зураг авалт маш шахуу хуваарьтайгаар 45 хоног үргэлжилсэн тухай уран бүтээлчид онцлов.

Кино зохиолыг зохиолч Ц.Билгүүний эх зохиолоос сэдэвлэн бүтээсэн байна. Уг зохиол нь “Монголдоо хамгийн их” үзэлттэй аймшгийн аудио зохиол юм. Киноны гол дүрд шинэ залуу жүжигчид болон Гавьяат жүжигчин Т. Борхүү, Б.Базаррагчаа, Ц.Төмөрхуг нар тогложээ.

“Амьд бус амьрагсад” кино нийт найман ангитай бөгөөд “Univision”, “skymedia”, “Mongolsat”, “Homemedia”, “Looktv”, “Ddish”, “SkyGO.mn” , “Voo”, “playmo” IPTV-ээр 2022 оны нэгдүгээр сарын 11-нээс гарах юм байна.

Categories
гадаад мэдээ цаг-үе

Казахстанд 44 хүн нас барж, 748 хүн шархаджээ

Казахстан улсад үүссэн эмх замбараагүй байдал газар авч одоогийн байдлаар 26 зэвсэгт этгээд болон хамгаалалтын 18 ажилтан амь үрэгдэж, 748 хүн шархадсан гэж тус улсын Дотоод хэргийн яам мэдэгдэв.

Мөн тус яамнаас мэдээлснээр 3000 гаруй хүнийг баривчилсан бөгөөд орон даяар 70 хяналтын цэг байгуулсан гэж орон нутгийн хэвлэлүүд мэдээлжээ.

Эх сурвалж:bssnews.net

Categories
мэдээ соёл-урлаг

“Guys” хамтлагийн 20 дууг залуу уран бүтээлчид дуулна

Тухайлбал, дуучин Хишигдалай, Зоригт “Цас”, “Gangbay” хамтлаг “Манан”, реппэр Don Dior, дуучин Өрлөг “Чамдаа” зориулъя дууг дуулжээ.

Тэгвэл дараагийн удаад “Чи миний”, “Бороо”, “Зүрх уучил”, “Дурлал яг үлгэр шиг бас…”, “Навч”, “Дурлалын тухай ярилцъя”, “НАБХЗ”, “70 baby”, “Дурсамж”, “Анжело”, “Хайрлая амлая”, “Чамдаа би хайртай”, “Янаг жаргал”, “Амьдрал ба дурлал”, “Хөөрхөн охин”, “Цаг”, “Goodluck” дууг шинэ залуу уран бүтээлчдээр дуулуулах юм байна.