Month: January 2022

Categories
зурхай мэдээ цаг-үе

Хөх хулгана өдөр

Аргын тооллын нэгдүгээр сарын 11, Ангараг гариг. Билгийн тооллын 9, гоё хүүхэн одтой, хөх хулгана өдөр. Өдрийн наран 8:39 цагт мандан, 17:21 цагт жаргана. Тухайн өдөр луу жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр худалдаа арилжаа хийх, бизнес эхлэх, хүү сангийн эх хатгах, эд агуурс авах, зээл авах, арвижуулах, дэлгэрүүлэх үйлийг эхлэх, угаал үйлдэх, хүүхэд үрчлэн авах, урлан бүтээхэд сайн. Улааны үйл, төлгө тавих, морь уралдахад муу.

Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод зүүн урагш мөрөө гаргавал зохистой. Балжиннямтай өдөр.

Үс шинээр үргээлгэх буюу засуулахад тохиромжгүй.

Categories
мэдээ нийгэм цаг-үе

Улаанбаатарт өдөртөө 16 хэм хүйтэн байна

УЛААНБААТАР ХОТ ОРЧМООР: Үүлшинэ. Шөнөдөө ялимгүй цас, өдөртөө цас орно. Салхи баруун өмнөөс хойш эргэж секундэд 6-11 метр. Шөнөдөө Яармаг-Сонгины орчмоор 27-29 градус, бусад хэсгээр 19-21 градус, өдөртөө 14-16 градус хүйтэн байна.

Хур тунадас: Нийт нутгаар солигдмол үүлтэй. Шөнөдөө баруун аймгуудын нутгийн зарим газар, төвийн аймгуудын нутгийн баруун болон хойд хэсгээр, өдөртөө баруун аймгуудын нутгийн зүүн өмнөд хэсэг, төвийн аймгуудын нутгийн зарим газар, говийн аймгуудын нутгийн баруун хойд хэсгээр цас орж, зөөлөн цасан шуурга шуурна.

Салхи: Шөнөдөө нутгийн баруун хагаст баруун өмнөөс хойш эргэж, бусад нутгаар баруунаас, өдөртөө нутгийн зүүн хагаст баруун өмнөөс хойш эргэж, бусад нутгаар баруун хойноос секундэд 5-10 метр, зарим газраар секундэд 12-14 метр хүрч ширүүснэ.

Агаарын температур: Шөнөдөө Увс нуур болон Дархадын хотгор, Тэс голын хөндий, Дарьгангын тал нутгаар 30-35 градус, Алтай, Хангай, Хөвсгөл, Хэнтэйн уулархаг нутаг, Завхан голын эх, Хүрэнбэлчир орчим, Идэр, Ерөө, Туул, Тэрэлж, Хэрлэн, Онон, Улз, Халх голын хөндийгөөр 24-29 градус, цас багатай газар болон говийн бүс нутгийн баруун хэсгээр 12-17 градус, бусад нутгаар 19-24 градус, өдөртөө Увс нуур болон Дархадын хотгор, Завхан голын эх, Идэр, Тэс голын хөндийгөөр 23-28 градус, Их нууруудын хотгор болон Хангай, Хөвсгөл, Хэнтэйн уулархаг нутаг, Хүрэнбэлчир орчим, Эг, Үүр, Ерөө, Халх голын хөндий, Дарьгангын тал нутгаар 18-23 градус, цас багатай энгэр ээвэр газар болон говийн бүс нутгийн өмнөд хэсгээр 5-10 градус, бусад нутгаар 12-17 градус хүйтэн байна.

БАГАНУУР ОРЧМООР: Үүлшинэ. Шөнөдөө цас орохгүй. Өдөртөө ялимгүй цас орно. Салхи баруун өмнөөс хойш эргэж секундэд 5-10 метр, зарим үед секундэд 12-14 метр хүрч ширүүснэ. Шөнөдөө 27-29 градус, өдөртөө 15-17 градус хүйтэн байна.

ТЭРЭЛЖ ОРЧМООР: Үүлшинэ. Цас орно. Салхи баруун өмнөөс хойш эргэж секундэд 7-12 метр. Шөнөдөө 27-29 градус, өдөртөө 15-17 градус хүйтэн байна.

Categories
мэдээ нийгэм онцлох-нийтлэл туслах-ангилал

Өдрийн сонинд “Төр Хэвлэлийн эрх чөлөөний хуулийг нулимлаа” хэмээн өгүүллээ

Өглөө бүр тантай хамт байдаг “Өдрийн сонин”-ы мягмар гаригийн дугаар 12 нүүрээр хэвлэгдэж, та бүхний гарт хүрч байна.

“Өдрийн сонин”-ы тэргүүн нүүрт Дэд Ерөнхийлөгч,
Улсын Бага Хурал, Улсын
Их хурлын дарга асан,
академич Р.Гончигдорж “Үндсэн хуульдаа
сэтгэлийн хөөрөл, атгаг
зорилгоор гар хүрч болохгүй” хэмээснийг “Улс төр” нүүрээс үргэлжлүүлэн уншаарай.

УИХ-ын гишүүн асан,
хуульч О.Баасанхүү “Үнийн өсөлт
өрийн таац
Монгол
Улсыг
живүүлэхэд
бэлэн
болчихсон
байна” гэлээ.

“Өдрийн сонин”-ы нийтлэлийн бодлогыг тодорхойлогч, ард түмний дуу хоолой болдог “Баримт, үзэл бодол” нүүрт “Төр Хэвлэлийн эрх
чөлөөний хуулийг нулимлаа” хэмээн өгүүллээ.

Судлаач,
нийтлэлч А.Баатархуяг “Түлшний үнэ хямд
учир утаа нэмэгдээд байна гэдэг
бол юу хийж байгаагаа мэдэхгүй
ажлаа хийдэггүй хүний тайлбар” гэв.

“Шүлхий хавтгайрсан энэ үед “Хүчит
шонхор” дээр бүх аймгаас ирсэн мах
иргэдэд хяналтгүй хүрч байна” гэх сурвалжлагыг “Баримт, үйл явдал”-ын VII нүүрээс уншаарай.

УОК “Цагаан сарыг гэр бүлийн хүрээнд цомхон тэмдэглэж, айл
хэсэхгүй байхыг зөвлөж байна” гэлээ.

Дэлгэрэнгүй мэдээллүүдийг уншихыг хүсвэл дараах линкээр бүртгүүлж уншина уу. https://admin.dnn.mn/plugi ns/news/login/

Эдгээр болон бусад цаг үеийн мэдээ мэдээлэл, ярилцлага, сурвалжлагыг “Өдрийн сонин”-ы мягмар гаригийн дугаараас уншаарай.

Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудангийн салбаруудаас болон сонин борлуулах цэгүүд, Хэвлэлийн биржээс худалдан авах боломжтой. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдан авч болохыг дуулгая. Түүнчлэн “Өдрийн сонин”-ы өөрийн байранд ирж худалдан авч болно. Уншигч та “Өдрийн сонин”-ыг захиалан уншихыг хүсвэл 9911-2954, 8811-1375 дугаарт холбогдоно уу.

Цахим хэлбэрээр нь захиалахыг хүсвэл 86888990 дугаарт холбогдож дэлгэрэнгүй мэдээллийг аваарай.

“Өдрийн сонин”-той холбоотой мэдээ мэдээллийг 19001987-гоос лавлана уу


“ӨДРИЙН СОНИН” ӨГЛӨӨ БҮР ТАНТАЙ ХАМТ

Categories
мэдээ нийгэм

Монголын жүдочид Узбекистанд бэлтгэл хийнэ

Олон улсын жүдо бөхийн холбооны 2022 оны цувралын анхны гранпри тэмцээн “Одивелас гранпри 2022” Португал улсад энэ сарын 28-30-нд болно. Монголоос 21 тамирчин оролцох бөгөөд уг багийг гавьяат тамирчин, дэлхийн аварга Г.Болдбаатар дасгалжуулах юм. Манай тамирчид Узбекистан улсын нийслэл Ташкент хотноо хоёр долоо хоногийн хамтарсан бэлтгэл хийж, тэндээсээ Португалийг зорих юм. Монголын багийн бүрэлдэхүүнд эрэгтэйчүүдийн 60 кг-д Э.Сумьяабазар, Б.Цогт-Очир, 66 кг-д Б.Нармандах, Г.Сод-Эрдэнэ, 73 кг-д Л.Анхзаяа, 81 кг-д Б.Мөррэнцэн, Б.Эрдэнэбаяр, 90 кг-д Г.Пунцагцэрэн, Б.Мөнхбаяр, -100 кг-д О.Хангал, Д.Мөнхтулга, +100 кг-д С.Бат-Орших нар хүчээ сорино. Харин эмэгтэйчүүдийн 48 кг-д Б.Баасанхүү, 52 кг-д Ц.Гал-Од, 57 кг-д О.Оюунчимэг, 63 кг-д С.Лхагвадулам, Ц.Номин, 70 кг-д Ц.Энхчимэг, 78 кг-д Б.Ганзаяа, О.Хүслэн, +78 кг-д А.Адьяасүрэн нар барилдана.

Categories
мэдээ нийгэм эдийн-засаг

Монголбанк өнгөрсөн сард 780 кг үнэт металл худалдан авчээ

Монголбанк өнгөрсөн сард 780 кг үнэт металл худалдан авч, оны эхнээс өссөн дүнгээр нийт 21 тонн үнэт металл худалдан авсан нь 2020 онынхоос бага байна. Өнгөрсөн сард Дархан-Уул аймаг дахь Төв банкны хэлтэс 8.2 кг, Баянхонгор аймаг дахь Монголбанкны салбар 46.4 кг үнэт металл худалдан авсан байна.

Монголбанкны нэг грамм алт худалдан авах дундаж ханш өнгөрсөн сард 163,695.60 төгрөг байв.

Categories
мэдээ нийгэм

“5-11 настай хүүхдийн вакцинтай холбоотой ямар нэгэн шийдвэр гараагүй” гэв

Эрүүл мэндийн сайдын зөвлөх О.Батбаяр коронавирусийн эсрэг вакцины дөрөв дэх тунгийн талаар мэдээлэл өгөх үеэр хүүхдийн вакцинтай холбоотой асуудлыг судалж байгааг хэллээ.

Тэрбээр “5-11 насны хүүхдийн вакцины асуудал хурцаар тавигдаж байгаа. АНУ, Канад, Израил болон Европын холбооны зарим улсад 5-11 насны хүүхдийн вакцинжуулалт эхэлсэн. Манай улсын хувьд шаардлагатай судалгаа шинжилгээг хийж яваа.

Бид Дельта хувилбарын давлагааг хүүхдүүдийн дунд өвчлөл хүндлэл харьцангуй багатай даван туулсан. 5-11 настай хүүхдүүдийн дунд дархлаа тодорхой хэмжээгээр тогтсон ба хүүхдүүдийг томуугийн вакцинд хамруулчихсан байгаа.

5-11 настай хүүхдийн вакцинтай холбоотой асуудлыг судалж байна. Одоогоор ямар нэгэн шийдвэр гараагүй” гэв.

Categories
их-уншсан мэдээ туслах-ангилал эдийн-засаг

Экспорт, импортын зөвшөөрлийг энэ ондоо багтааж цахимжуулна

Өнгөрсөн онд гаалийн байгууллага гаалийн мэдээллийн системийн сервер, тоног төхөөрөмж болон программ хангамжийг дараагийн түвшинд гаргахад анхаарч өдөр тутмын хэрэглээний КАИС, СЭПС системүүдээ үе шаттайгаар шинэчилж, системийн ачааллыг бууруулсны зэрэгцээ анх удаа гаалийн харилцаанд оролцогч иргэн, аж ахуйн нэгжид хандсан цахим систем gaali.mn-ийг шинээр нэвтрүүлж, олон нийтэд танилцуулсан билээ.

Энэхүү системийг нэвтрүүлснээр гаалийн байгууллагаас аж ахуйн нэгжид үзүүлдэг 33 үйлчилгээ, иргэнд үзүүлдэг 14 үйлчилгээг цахим хэлбэрт бүрэн шилжүүлжээ.

Мөн гаалийн байгууллагаас олгож байгаа нийт есөн зөвшөөрлийг “Тусгай зөвшөөрлийн цахим систем” /www.license.mof.gov.mn/-д оруулснаар төрийн үйлчилгээг хурдан шуурхай үзүүлэх, нүүр тулсан харилцаа, шат дамжлагыг багасгах, зардал хэмнэх боломжийг бүрдүүлснийг онцлов.

ГЕГ-ын дэд дарга Ц.Гэндэнцэвээн “Хил дээрх хяналт шалгалтыг хийдэг байгууллагууд нэгдсэнээр бүртгэл, хяналт шалгалт, бичиг баримтын бүрдүүлэлтийн үйл ажиллагаа сайжирна. Хил дээрх удирдлага, зохион байгуулалтын ажиллагаа нэгдэж, ганцхан Гаалийн байгууллага зохицуулах болсон нь хариуцлага хуваагдахгүй байх давуу талтай. Энэ нь худалдааг хөнгөвчлөх үйл ажиллагааг том дэвшил.

Мөн экспорт, импортын зөвшөөрөл буюу мэдэгдэл авна гээд олон цаас цуглуулдаг ажлыг энэ ондоо багтааж цахимжуулна. Нэг хяналт нэг бүртгэл, нэг бичиг баримтын шалгалттай болох тул хил дээрх олон давхардлууд алга болно. Мэргэжлийн хяналтын байгууллагын чиг үүрэг Гаалийн байгууллагад ирснээр ямар давуу сул талтай байгааг бид мэдээлж байна” хэмээв.

Categories
мэдээ нийгэм

Зам тээврийн осолд өртсөн иргэдийг аварчээ

Шүүхийн шийдвэр гүйцэтгэх ерөнхий газрын харьяа 409 дүгээр хаалттай хорих ангийн хуяглан хүргэлтийн ажилтан, ахмад З.Мягмардорж, жолооч, ахлах ахлагч Ц.Төгсбаатар нар 2022 оны 01 дүгээр сарын 06-ны өдөр албан үүргээ гүйцэтгэн Төв аймгийн Баян сумын чиглэлд явж байхад, авто замын осол болсон байжээ.

Тэднийг ослын газар очиход “Prius-20” маркийн хоёр авто машин мөргөлдөн, замын хажуу руу орсон байжээ. Тухайн авто машинд 2-6 насны гурван хүүхэд, насанд хүрсэн гурван иргэн зорчиж явсан бөгөөд харамсалтай нь нэг иргэн газар дээрээ амиа алдсан байна.

Алба хаагчид иргэдийг тээврийн хэрэгслээс шуурхай татан гаргаж бэртэж, гэмтсэн иргэдэд эмнэлгийн анхан шатны тусламж үйлчилгээг цаг алдалгүй хүргэжээ.

Мөн эмнэлгийн түргэн тусламж болон цагдаагийн байгууллагад шуурхай дуудлага өгч, эрдэнэт хүний амь насыг аварчээ.

Дээрх осолтой холбогдуулан иргэд, олон нийтийг замын хөдөлгөөнд оролцохдоо тээврийн хэрэгслийнхээ бүрэн бүтэн байдлыг хангаж, замын хөдөлгөөний дүрмийг баримтлан анхаарал болгоомжтой зорчихыг уриаллаа.

Categories
мэдээ нийгэм

НОБГ: 35 удаагийн дуудлагаар 970 сая төгрөгийн эд хөрөнгийг хамгаалжээ

Нийслэлийн хэмжээнд 2022 оны нэгдүгээр сарын 3-9-ний өдрүүдэд гал түймрийн 30, аврах ажиллагааны 5, нийт 35 удаагийн дуудлагаар Гал түймэр унтраах, аврах ангиуд үүрэг гүйцэтгэжээ.

Дээрх хугацаанд гал түймрээс 970 сая төгрөгийн эд хөрөнгийг хамгаалж, гал түймрийн утаажилтын бүсээс 14 иргэнийг гаргаж ажилласан байна. Мөн хугацаанд гал түймэрт өртөж 4 иргэн түлэгдэж гэмтсэн байна гэж Нийслэлийн Онцгой байдлын газраас мэдээллээ.

Categories
мэдээ нийгэм

ЭМД-ын шимтгэлээ сараар сонгон төлөх боломжтой болжээ

Эрүүл мэндийн даатгалын шимтгэлээ сараар сонгон төлөх боломжтой болжээ. Тодруулбал, эрүүл мэндийн даатгалын шимтгэлээ E-barimt аппликэйшнээр төлснөөр 15-30 минутад баталгаажих бөгөөд сар, хагас жил, бүтэн жил гэсэн сонголтуудаас сонгон төлөлтөө хийх боломжтой. Мөн даатгуулагч та эрүүл мэндийн даатгалын төлөлтөө энд даран нэвтэрч, өөрийн регистрийн дугаараа хийн шимтгэл төлөлтөө шалгах боломжтой юм.

Шимтгэл төлөх заавар:

  • E-Barimt аппликэйшндаа UPDATE хийж, нэвтрэх
  • Үйлчилгээ цэсээс “Эрүүл мэндийн даатгалын ерөнхий газар” хэсгийг сонгох
  • Даатгуулагчийн төрлөө сонгох
  • Шимтгэлээ сар, хагас жил, бүтэн жилээр төлөх сонголтуудаас сонгох
  • Өөрийн регистрийн дугаар болон аймаг, дүүргээ сонгон баталгаажуулах
  • Хүснэгтээс шимтгэл төлөх саруудаа сонгох
  • Төлбөрийн боломжуудаас сонгож шимтгэлээ төлөх боломжтой.ЭМД-ын шимтгэлээ сараар сонгон төлөх боломжтой болжээ