Энэ оны арваннэгдүгээр сарын 1,30-ны өдөр хүртэлх хугацаанд худалдан авалт хийсэн цахим төлбөрийн баримтаа арванхоёрдугаар сарын 18-ны өдрийн 23:59 цагаас өмнө Цахим төлбөрийн баримтын системд бүртгүүлснээр НӨАТ-ын урамшууллын сугалаанд хамрагдан азтан болох боломжтой юм.
Нидерландад коронавирусний хурдан халдварладаг “омикрон” хувилбарын тархалтыг хяналтад авахын тулд зул сар, шинэ жилийн баярын үеэр хатуу хөл хорио тогтоохоор болсныг тус улсын Ерөнхий сайд Марк Рютте бямба гарагт мэдэгдлээ.
Тодруулбал, өнөөдрөөс эхлэн нэгдүгээр сарын 14-ний өдрийг хүртэл нэн шаардлагагүй дэлгүүрүүдээс гадна зоогийн газар, үсчин, музей, бялдаржуулах төв зэрэг олон нийтийн үйлчилгээний газрууд түр хугацаагаар үйл ажиллагаагаа зогсооно. Мөн бүх сургуулийн үйл ажиллагааг ирэх сарын 9 хүртэл түр зогсоох ажээ.
“Нидерландад “омикрон” хувилбарын улмаас халдварын тав дахь давлагаа дэгдээд байгаа тул дахин хөл хорио тогтоохоос өөр аргагүйд хүрлээ” гэж М.Рютте телевизээр дамжуулсан хэвлэлийн бага хурлын үеэр мэдэгдсэн байна. Ийнхүү хөл хорио тогтоох хугацаанд өрхүүдэд хоёроос олон зочин хүлээн авахгүй байх зэргийг зөвлөнө.
“Энэ цаг үед авч хэрэгжүүлэх арга хэмжээнүүдэд алдаа дутагдал гарвал эмнэлгийн ачаалал “зохицуулахын аргагүй түвшинд” хүрч болзошгүй” гэдгийг М.Рютте онцолжээ. Одоогоор тус улсад “COVID-19”-өөр халдварласан өвчтөнүүдийг эмчлэхийн тулд тулд тогтмол үзүүлдэг эмчилгээ сувилгааг хязгаарлаад байгаа юм байна.
Нидерландад өнгөрсөн сарын сүүлээр шөнийн цагаар хөл хорио тогтоосноос хойш сүүлийн долоо хоногуудад “COVID-19”-ийн өвчлөл буурах хандлагатай байсан юм. Гэвч “омикрон” хувилбар тархсан нь халдварын нөхцөл байдлыг улам хүндрүүлсэн байна. Тодруулбал, “омикрон” гурван долоо хоногийн өмнө анх илэрснээс хойш уг хувилбарын тохиолдол эрс нэмэгдэж, халдварын улмаас эмнэлэгт хэвтэн эмчлүүлэгсдийн тоо энэ жилийн хамгийн өндөр үзүүлэлтэд хүрээд байна.
Нидерландын халдварт өвчин судлалын тэргүүлэх мэргэжилтэн Яап ван Дисселийн мэдээлснээр, “омикрон” зул сараас шинэ жилийн баярын хооронд улсын хэмжээнд давамгайлан тархсан хувилбар болон хувирах төлөвтэй байна. Тус улсад насанд хүрсэн хүн амын 85 гаруй хувь нь вакцинд хамрагдаад байгаа боловч ес хүрэхгүй хувь нь л нэмэлт тунд хамрагдаад байгаа нь Европтоо хамгийн доогуур үзүүлэлтэд тооцогдож байгаа юм.
Нийгмийн эрүүл мэндийн үндэсний хүрээлэнгээс бямба гарагт мэдээлснээр, улсын хэмжээнд сүүлийн 24 цагийн хугацаанд халдварын 14616 тохиолдол илэрчээ. Ингэснээр цар тахал дэгдсэнээс хойш “COVID-19” халдварын 2.9 сая гаруй тохиолдол илэрч, 20420 хүн халдвараар нас барсан байна.
Монгол Улсын Шадар сайд С.Амарсайхан ОХУ-ын Онцгой байдлын сайдын үүргийг түр орлон гүйцэтгэгч, хурандаа генерал Александр Чуприянтай уулзаж, онцгой байдлын салбарын хамтын ажиллагааг өргөжүүлэх, уснаас эрэн хайх аврах ажиллагааг шинэ түвшинд гаргах, техник технологийн болон боловсон хүчний чадавхыг сайжруулах чиглэлээр санал солилцлоо.
Онцгой байдлын салбар дахь хоёр орны харилцаа 1995 оноос эхлэлтэй бөгөөд өнгөрсөн 26 жилийн хугацаанд Засгийн газар хоорондын комиссын хуралдааныг жил бүр тогтмол хоёр талдаа ээлжлэн зохион байгуулсаар ирсэн.
Энэ үеэр өнгөрсөн 10 дугаар сарын 27-29-ний өдрүүдэд Бүгд Найрамдах Халимаг Улсын Элиста хотноо “Монгол-Оросын хамтарсан комиссын XVIII хуралдаан”-ыг зохион байгуулсан. Манай төлөөлөгчдийг халуун дотноор хүлээн авч, хуралдааныг амжилттай бөгөөд үр дүнтэй зохион байгуулсанд баяртай байгаагаа Шадар сайд С.Амарсайхан уулзалтын эхэнд уламжлав.
Хоёр орны хооронд дипломат харилцаа тогтоосны 100 жилийн ойг тохиолдуулан ОХУ-ын Онцгой байдлын яамтай хамтран Хөвсгөл нууранд живсэн автомашинуудын байршлыг тогтоох, гарган авах гүний усны дадлага сургуулийг 2021 оны 09 дүгээр сарын 20-27-ны өдрүүдэд амжилттай зохион байгуулсан нь цэнгэг усны гол нөөц болох Хөвсгөл нуурын эко системийг хадгалах, нөхөн сэргээхэд өндөр ач холбогдолтой тул цаашид жил бүр зохион байгуулахаар тогтсон.
Монгол Улсын Онцгой байдлын байгууллагын хүний нөөцийн чадавхыг бэхжүүлэх бодлогын хүрээнд ОХУ-ын Гал эсэргүүцэх албаны академид 2001 оноос эхлэн “Галын аюулгүй байдлын мэргэжилтэн”, Иргэний хамгаалалтын академид 2008 оноос “Гамшгийн удирдлага”, “Цэргийн анги, нэгтгэлийн удирдлага”, Санкт-Петербургийн Улсын Гал эсэргүүцэх их сургуульд 2019 оноос “Шүүхийн шинжээч” мэргэжлээр нийт 144 алба хаагчдыг суралцуулж иргэний хамгаалалт, галын аюулгүй байдлын чиглэлээр бакалавр, магистр, докторын зэрэг олгоод байна.
Цаашид ОХУ-ын Онцгой байдлын яамны харьяа академи, сургуулиудад Монгол Улсын Онцгой байдлын байгууллагаас инженер техник, холбоо, зарлан мэдээлэл, хими, цацрагийн аюулгүй байдал зэрэг чиглэлээр суралцах алба хаагчдын тоог нэмэгдүүлэх саналтай байгаагаа Шадар сайд илэрхийллээ.
Хөвсгөл нуур, цаашлаад Байгаль нуур, тэдгээрийн сав газрын эко системийг хамгаалах, нөхөн сэргээхэд Хөвсгөл нуур дахь хамтарсан дадлага сургууль нь томоохон үүрэг гүйцэтгэх тул хамтарсан дадлага сургуульд ОХУ-д хэрэглэгдэж буй усны эрэн хайх аврах ажиллагааны сүүлийн үеийн техник, тоног төхөөрөмжийг ашиглах замаар Монголд шинэ технологийг нэвтрүүлэх санал дэвшүүлснийг Оросын тал дэмжин хамтарч ажиллахад таатай байна гэдгээ дуулгалаа.
Мөн Хил орчмын хамтын ажиллагааг өргөжүүлэн хөгжүүлэх, хил дамнасан гамшиг, ослоос урьдчилан сэргийлэх, шуурхай арга хэмжээг авч хэрэгжүүлэхэд мэдээлэл солилцох дэвшилтэт техник, технологийг нэвтрүүлэх, ашиглах чиглэлээр хамтран ажиллахаар талууд харилцан тохиролцлоо.
Эх сурвалж: ОБЕГ
Нийслэлд өнөөдөр ажиллах шинжилгээний цэгүүдийн байршил, цагийн хуваарийн талаарх мэдээллийг хүргэж байна.
Онцгой байдлын ерөнхий газарт бүртгэгдсэн хоногийн мэдээлэлд төмөр замтай холбоотой осол бүртгэгджээ. Тодруулбал, Сэлэнгэ аймгийн Сүхбаатар сумын Буур хээр багийн Төмөр замын Депо гэдэг газар Зүтгүүрийн толгой вагонд хүн дайруулж нас барсан байна.
Ослын дуудлагыг энэ сарын 18-ны 23:13 цагт хүлээн авчээ. Энэ дагуу тус аймгийн Эрэн хайх аврах ангийн алба хаагчид нэг км замыг туулан 23:20 цагт очиход 35 настай, эрэгтэй зүгтүүрт дайруулж нас барсан байсныг аймгийн Нэгдсэн эмнэлгийн моорогт шилжүүлэн өгчээ.
Дэлхийн эрүүл мэндийн байгууллага /ДЭМБ/ АНУ-ын “Novavax” эмийн компанид гарган авсан “COVID-19”-ийн вакциныг яаралтай журмаар хэрэглэх вакцинуудын жагсаалтдаа нэмж оруулжээ.
ДЭМБ “Covovax” вакцины аюулгүй байдал, үр дүнг хянан нягталсны дүнд ийнхүү шийдвэрлэсэн бөгөөд уг вакциныг Энэтхэгийн “Serum” хүрээлэн холбогдох зөвшөөрөлтэйгээр үйлдвэрлэж байгаа юм. Энэхүү вакциныг ердийн хөргөгчийн хэмд хадгалах боломжтой тул хөгжиж буй орнуудын хүн амыг вакцинжуулахад тохиромжтой хэмээн үзэж байна. ДЭМБ мөн “Novavax”-ын гарган авсан өөр “COVID-19”-ийн вакциныг одоогоор үнэлж байгаагаа мэдээлжээ.
“Covovax” вакциныг “COVID-19”-ийн вакциныг гарган авах, тэгш хуваарилах зорилго бүхий ДЭМБ-ын тэргүүлсэн “COVAX” хөтөлбөрийн дэмжлэгтэйгээр гарган авсан юм. Энэхүү хөтөлбөрийн хүрээнд энэ жил хоёр тэрбум тун вакцин түгээхээр төлөвлөж байсан боловч чинээлэг орнууд хандиваа зогсоогоод байгаатай холбоотойгоор одоогоор ойролцоогоор 700 сая орчим тунг л нийлүүлээд байна.
ДЭМБ өмнө нь “Pfizer-BioNTech”, “Moderna”, “AstraZeneca”, “Johnson & Johnson”, Хятадын хоёр эмийн компани, Энэтхэгийн фирмийн “COVID-19”-ийн вакциныг яаралтай журмаар хэрэглэх вакцинуудын жагсаалтдаа оруулсан билээ.
Улаанбаатар хотод өнөөдөр /2021.12.19/ 170 суурин, 16 түр цэгт 188 багийн 858 эмч, ажилтан ажиллаж, 6600 иргэнийг дархлаажуулахаар төлөвлөжээ. Томоохон зах, худалдааны төвд 16 түр цэг ажиллана.
Та өөрт ойр вакцины аль ч цэгт очиж дархлаажуулалтад хамрагдах боломжтой. Дархлаажуулалтын цэгүүд 10:00-20:00 цаг хүртэл ажиллана.
Нийслэлийн хэмжээнд өчигдөр цар тахлын эсрэг вакцины эхний тунд 23, хоёр дахь тунд 36, нэмэлт сэргээх тунд 802, нийт 861 иргэнийг дархлаажуулсан байна. Вакцинжуулалт эхэлснээс хойш нийслэлийн нийт хүн амын эхний тунгийн хамралт 74.9 хувь, хоёр дахь тунгийн хамралт 71.6 хувь, нэмэлт тунгийн хамрагдалт 40.6 хувь байна. Зорилтот бүлгийн буюу 2984 (25.1 хувь) жирэмсэн эх, 12-15 насны 68.218 (76.7 хувь), 16-17 насны 26.878 (79.3 хувь) хүүхэд тус тус дархлаажуулалтын бүрэн тунд хамрагдлаа.
Өсвөр нас буюу шилжилтийн насны үед хүүхдийн бие болон сэтгэл зүйд хамгийн их өөрчлөлт гардаг. Таны хүүхэд энэ үеэс өөрийн дотоод ертөнц болон гаднах амьдралын утга учгыг тайлахыг эрмэлздэг. Нөгөөтэйгүүр хүүхэд тань бие хүн болон төлөвшихийг хичээж буй, идэвхтэй цаг үе байдаг учир энэ үед эцэг эхчүүдийн зүгээс анхаарал, дэмжлэг харьцангуй их шаардагддаг .
Насанд хүрэгчдийн нэг их анхаардаггүй зүйлс өсвөр насныхны хувьд “томоохон асуудал” болоод байдаг. Тэд өөрсдийн гадаад үзэмжинд хэт их санаа зовниж, өөртөө итгэлгүй болж өөрийгөө бусадтай харьцуулах нь элбэг. Нүүрэн дээр гарсан батга нь хичээлдээ явахгүй байх том шалтгаан болж байж ч мэднэ. Тиймээс энэ үед аав ээж нь хүү/охиноо байгаагаар нь хайрладаг гэдгийг маш сайн мэдрүүлбэл хүүхэд тань өөртөө итгэлтэй болон төлөвшихөд тустай. Бусдын гоо зүйн стандартаар өөрийгөө хэмжих бус харин энэ дэлхийд цор ганц орших дахин давтагдашгүй аав ээжийн хайртай хүүхэд гэдгийг мэдрүүлэх нь л чухал.
Өсвөр насны хүүхдүүд таны талаар, та ч мөн тэдний талаар маш сайн мэдээлэлтэй байх хэрэгтэй. Тэдний ертөнц адал явдал, төлөвлөгөө, болзоо, чөлөөт үйл явдлуудаар дүүрэн байдаг. Тиймээс тэдний найз нөхдийг сайн танихаас гадна хаана юу хийж байгааг үргэлж мэдэж байх, мөн хар тамхи, секс зэрэг асуудлаар өөрийн санаа бодлыг тайлбарлаж, яагаад үүнээс хол байх хэрэгтэйг сануулж байх нь өсвөр насныхныг эрсдлээс хамгаалж буй хэрэг. Нэг үгээр өсвөр насны хүүхэд болон та хоёрын хооронд ярилцахгүй үлдээдэг “хаалттай сэдэв” байж болохгүй. Бас гэр бүлийн уулзалт, аялалын талаар тэдэнд түрүүлж мэдэгдэж байх хэрэгтэй.
Өсвөр насны хүүхэд аав ээжийн шахалтад дурамжхан байдаг хэдий ч хичээлээ таслахгүй байх, сайн дүн авах, ангидаа болон гэртээ биеэ зөв авч явах, гэрийн дүрмийг дагаж мөрдөх зэрэг шаардлагыг тавьж, биелэлтэд нь анхаарах нь зүйтэй. Хэрэв эцэг эхчүүд зохих хүлээлттэй байвал өсвөр насныхан үүнийг биелүүлэхийг хичээх болно Ингэснээр та тэднийг өөртөө болон нийгэмдээ хариуцлагатай хүн болгон бэлтгэж буй хэрэг.
Өсвөр насны хүүхдүүдийн сэтгэл зүй эмзэг болох, зан авир тодорхой хэмжээгээр өөрчлөгдөх зэрэг нь хэвийн зүйл байдаг хэдий ч бүх өөрчлөлтүүдийг шилжилтийн настай хамааруулан ойлгох нь өрөөсгөл юм. Зарим үед аюултай шинж тэмдэг ч гарч ирж болно. Ийм зүйлсийг анзаарахгүй өнгөрч хэрхэвч болохгүй.
Тухайлбал:
Дээрх шинж тэмдэг бий эсэхийг үргэлж анзаарч, хэрэв эдгээрээс илэрвэл өөртэй нь болон багш, нийгмийн ажилтантай нь ярилцах, шаардлагатай тохиолдолд мэргэжлийн сэтгэл зүйчид хандаж болно.
Зарим эцэг эхчүүд хүүхэдтэйгээ зөрчилдсөн талаар ойр дотны хүмүүстээ сонин болгон ярих хандлагатай байдаг. Тэднийг сонсох, бусад хүүхэдтэй харьцуулахгүй байх, ярьсан зүйлсэд нь итгэх, нууцтай байхыг нь хүлээн зөвшөөрөх зэрэг нь шилжилтийн насны хүүхэдтэй эцэг эхчүүдийн мэдэж байх ёстой энгийн дүрэм.
Өсвөр насны хүүхэдтэй эцэг эх байх нь амаргүй даваа мэт санагдаж болох ч уурласан, инээсэн, бухимдсан ямар ч үедээ та тэдэнд үргэлж үлгэр жишээ нь болж буй гэдгээ битгий мартаарай.
Нийслэлийн Баянзүрх дүүргийн 17-р хороо “Да-Хүрээ” захын баруун талд “Дизель хүрээ” захын хашаанд шатаж байсан цайны газрын галыг унтраажээ. Галын дуудлага өнөө өглөө үүрээр 05:06 цагт НОБГ-т ирж дуудлагын дагуу очиход “Дизель хүрээ” захад 15х50 хэмжээтэй нэг давхар байшинд гарсан байдалтай байжээ.
Гал түймэр унтраах, аврах 10,35,14,63 дугаар ангийн алба хаагчид шуурхай ажиллаж, галыг газар авахуулахгүй бүрэн унтраалаа гэж нийслэлийн Онцгой байдлын газраас мэдээллээ.
Өчигдөр Тээврийн цагдаагийн албаны хяналт шалгалтаар нийслэл хотын хэмжээнд согтуугаар тээврийн хэрэгсэл жолоодсон нийт 106 зөрчил илэрчээ. Тухайлбал, энэ оны 11 сарын байдлаар согтууруулах ундааны зүйл хэрэглэсэн үедээ тээврийн хэрэгсэл жолоодсон 33 мянган зөрчил илрээд буй. Мөн согтуу жолоочийн улмаас 95 хүний амь нас хохироод байна. Үүнтэй холбоотойгоор тээврийн цагдаагийн албанаас “Don’t drink and drive” буюу “Уусан үедээ бүү жолоод” нөлөөллийн арга хэмжээг эхлүүлээд байгаа юм