Month: December 2021

Categories
мэдээ нийгэм онцлох-нийтлэл туслах-ангилал

Өдрийн сонинд нэрт нийтлэлч Баабарын “Монгол үндэстэн үүсч, Монгол Улс бий болсны 100 жил” хэмээх нийтлэл хэвлэгдлээ

Өглөө бүр тантай хамт байдаг “Өдрийн сонин”-ы лхагва гаригийн дугаар 16 нүүрээр хэвлэгдэж, та бүхний гарт хүрч байна.

“Өдрийн сонин”-ы тэргүүн нүүрт Монгол Улсын баатар
Э. Бат-Үүлийн хүү Б.Чулуудай “Миний аав ямар ч
хэрэг хийгээгүй” гэснийг I,V нүүрээс үргэлжлүүлэн уншаарай.

Энэ удаагийн “Өдрийн сурвалжлага”-аа Сүхбаатар дүүргийн VIII
хорооны “Манай эмч” өрхийн
эрүүл мэндийн төвөөс бэлтгэлээ. “Дархлаажуулалтын цэгийг иргэдэд
аль болох ойртуулаад байхад л
вакциндаа хамрагдахгүй юм” гэв.

Монголын уул уурхайн
үндэсний ассиоцацийн
ерөнхийлөгч асан
Н.Алгаа “Манай уул уурхайн салбар
байрандаа таг гацаад удаж байна” гэлээ.

“Өдрийн сонин”-ы нийтлэлийн бодлогыг тодорхойлогч, ард түмний дуу хоолой болдог “Баримт, үзэл бодол” нүүрт нэрт нийтлэлч Баабарын “Монгол үндэстэн үүсч, Монгол Улс бий болсны 100 жил” хэмээх нийтлэл хэвлэгдлээ.

Засаг даргын ахлах
зөвлөх Д.Мөнх-Эрдэнэ “Эхний ээлжинд
74 зөвшөөрлийг хүчингүй болгосноор хүнд суртал,
авлигатай тэмцэхэд тодорхой ахиц гарна” гэв.

Хүний эрхийн нөхцөл байдлын талаар хуульч, өмгөөлөгч Р.Булгамаа “Эрх баригчид ХЭҮК-ын гол асуудлыг хянадаг гишүүдийг томилохгүй, “Монголд эрүү шүүлт байхгүй” гэж андуураад байна“ хэмээн VII нүүрт ярилаа.

Улсын Их Хурлын
Ерөнхий нарийн бичгийн
дарга Л.Өлзийсайхан “Төр нь иргэнийхээ “Засаглах эрх”-ийг
хангадаггүй, иргэд нь төрдөө итгэдэггүй болчихвол
ардчилал нуран унах эрсдэлтэй” гэлээ.

Дэлгэрэнгүй мэдээллүүдийг уншихыг хүсвэл дараах линкээр бүртгүүлж уншина уу. https://admin.dnn.mn/plugi ns/news/login/

Эдгээр болон бусад цаг үеийн мэдээ мэдээлэл, ярилцлага, сурвалжлагыг “Өдрийн сонин”-ы лхагва гаригийн дугаараас уншаарай.

Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудангийн салбаруудаас болон сонин борлуулах цэгүүд, Хэвлэлийн биржээс худалдан авах боломжтой. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдан авч болохыг дуулгая. Түүнчлэн “Өдрийн сонин”-ы өөрийн байранд ирж худалдан авч болно. Уншигч та “Өдрийн сонин”-ыг захиалан уншихыг хүсвэл 9911-2954, 8811-1375 дугаарт холбогдоно уу.

Цахим хэлбэрээр нь захиалахыг хүсвэл 99726725 дугаарт холбогдож дэлгэрэнгүй мэдээллийг аваарай.

“Өдрийн сонин”-той холбоотой мэдээ мэдээллийг 19001987-гоос лавлана уу


“ӨДРИЙН СОНИН” ӨГЛӨӨ БҮР ТАНТАЙ ХАМТ

Categories
мэдээ нийгэм

Гадаадын иргэнийг уригч иргэн, байгууллагын анхааралд

Монгол Улсын Засгийн Газрын 2020-2024 оны үйл ажиллагааны мөрийн хөтөлбөрт төрийн үйлчилгээг үе шаттайгаар цахимжуулах ажлыг тусгасан. Үүнтэй холбоотойгоор Гадаадын иргэн, харьяатын газраас иргэдэд үзүүлж буй үйлчилгээнүүдээ шат дараатайгаар цахимжуулж байна.

Тус газраас Монгол Улсын виз олгох журамд заагдсан 3 ангиллын визийн зөвшөөрлийг цахимаар олгож байсан бол 2021 оны 12 дугаар сарын 1-ний өдрөөс 57 ангиллын визийн зөвшөөрлийг цахимаар олгож эхэлсэн.

Тэгвэл ирэх 2022 оны нэгдүгээр сарын 1-ний өдрөөс дээр дурдсан визийн зөвшөөрлийн хүсэлтүүдийг зөвхөн цахимаар хүлээн авахаар болжээ.

Мөн өнгөрсөн хугацаанд Гадаадын иргэн, харьяатын газраас төрийн үйлчилгээг хүндрэл чирэгдэлгүй хүргэх зорилгоор баримт бичгийн бүрдэл дутуу хүсэлтүүдийг тухайн уригч иргэн, аж ахуйн нэгжид эргэн мэдэгдэж, зохих шаардлагыг хангуулсны дагуу зөвшөөрөл олгох эсэх асуудлыг шийдвэрлэж байсан нь байгууллагын өдөр тутмын үйл ажиллагаанд хүндрэл үүсгэж байна.

Тиймээс гадаадын иргэнийг уригч та, immigration.gov.mn цахим сайтад хандаж, бүрдүүлэх баримт бичгийн талаарх мэдээлэлтэй танилцаж, нягталсны үндсэн дээр хүсэлтээ илгээхийг зөвлөж байна. Хэрэв баримт бичгийн бүрдэл дутуу тохиолдолд холбогдох хууль, тогтоомжийн дагуу татгалзах үндэслэл болохыг анхаарна уу гэж Гадаадын иргэн, харьяатын газраас мэдээллээ.

Categories
мэдээ нийгэм

Түүх, соёлын үл хөдлөх 144 өвийг дүүргийн хамгаалалтад авна

Нийслэлийн ИТХ-ын Хүний хөгжлийн хорооны ээлжит хуралдаанаар дүүргийн хамгаалалтад байх түүх, соёлын үл хөдлөх дурсгалын жагсаалт батлах асуудлыг хэлэлцлээ.

Соёлын өвийг хамгаалах хуулийн дагуу түүх, соёлын үл хөдлөх дурсгалын улсын үзлэг, тооллогыг 2015 онд зохион байгуулсан. Уг тооллогоор нийслэлийн нутаг дэвсгэрт 217 дэсийн 479 дурсгалыг бүртгэн Соёлын өвийн мэдээллийн санд оруулжээ.

Хуулийн дагуу эдгээр түүх, соёлын үл хөдлөх дурсгалаас дүүргийн хамгаалалтад авах шаардлагатай жагсаалтыг боловсруулсан байна. Жагсаалтад хөшөө дурсгал, эртний булш, цогцолбор, баримал, байшин зэрэг 144 түүх, соёлын үл хөдлөх дурсгал багтжээ.

Хэлэлцүүлгийн үеэр Нийслэлийн ИТХ-ын Төлөөлөгч Г.Гангамөрөн “Эдгээр түүх соёлын дурсгалуудад сэргээн засварлах шаардлагатай өв олон байна. Тиймээс сэргээн засварлах ажил, цаашид соёлын өвийг авч явах менежментэд анхаарах хэрэгтэй” гэлээ.

Мөн Төлөөлөгч Т.Отгонболд “Соёлын өвийг хамгаалалтад авахаас гадна үүгээр дамжуулан нийслэл хот орлого олдог байх боломжийг нь нээж өгөх шаардлагатай. Мөн залуучуудад соёлын өвийг таниулах, ойлгуулах ажил чухал байна. Энэ чиглэлд мэргэжлийн байгууллагууд нь анхаарч ажиллах хэрэгтэй” гэв.

Нийслэлийн ИТХ-ын Хүний хөгжлийн хороон дарга, Төлөөлөгч П.Наранбаяр “Хорооны гишүүдийн саналыг дэмжиж байна. Миний хувьд соёлын өвийн байршил, эзэмшил, зэрэглэлийг тодорхой болгож, тогтоолын төсөлд нэг бүрчлэн суулгаж өгөх саналтай байна” гэсэн юм.

Уг асуудлыг нийслэлийн ИТХ-ын ээлжит XII хуралдаанаар хэлэлцэхийг Хүний хөгжлийн хороо дэмжлээ. Ээлжит XII хуралдаан энэ сарын 24-ний өдөр болно.

Эх сурвалж: Нийслэлийн ИТХ-ын ХМОНХТ


Categories
мэдээ нийгэм

Монголын шүүхийн ахмадуудын холбооны тэргүүнээр Н.Лүндэндоржийг сонгожээ

Монголын шүүхийн ахмадуудын холбооны ээлжит II их хурал өчигдөр болж тэргүүнээр нь Монгол Улсын шинжлэх ухааны гавьяат зүтгэлтэн, Хууль зүйн шинжлэх ухааны доктор, Философийн ухааны доктор, профессор Н.Лүндэндоржийг олонхын саналаар сонгожээ.

Монгол Улсын гавьяат хуульч, Нийслэлийн шүүхийн ахмадын зөвлөлийн гишүүн Б.Сарантуяа, Монгол Улсын гавьяат хуульч Нийслэлийн шүүхийн ахмадын зөвлөлийн гишүүн Д.Гансүх, Нийслэлийн шүүхийн ахмадын зөвлөлийн тэргүүн Д.Дамдин-Од, Төв аймаг дахь шүүхийн ахмадын зөвлөлийн гишүүн Б.Хажидмаа, Нийслэлийн Захиргааны хэргийн анхан болон давж заалдах шатны шүүхийн ахмадын зөвлөлийн гишүүн Д.Тайванхүү, Төв аймаг дахь шүүхийн ахмадын зөвлөлийн гишүүн Б.Бямбахорлоо нар тус холбооны Удирдах зөвлөлийн гишүүн болсон байна.

Categories
мэдээ нийгэм

БНСУ-ын ХЭҮК 13 настай монгол охины асуудалд анхаарлаа хандуулжээ

Монгол Улсын Хүний эрхийн Үндэсний Комиссын даргын үүргийг түр орлон гүйцэтгэгч, гишүүн Ж.Хунан БНСУ-д дунд сургуульд сурдаг 13 настай монгол охиныг дөрвөн эмэгтэй сурагч нийлж, зодсон ноцтой хэрэг гарсантай холбогдуулан 2021 оны 12 дугаар сарын 02-ны өдөр БНСУ-ын Хүний Эрхийн Үндэсний Комиссын дарга Дуван Сонг-д хандан албан бичгийг хүргүүлсэн.

Уг албан бичгийн хариу 2021 он 12 дугаар сарын 17-ны өдөр ирсэн бөгөөд, уг бичигт “БНСУ-д амьдардаг 13 настай Монгол охиныг дээд ангийн сурагчид нь дээрэлхсэн хэрэг гарсан тухайд гүн харамсалаа илэрхийлж байна. Улс орон, нийгэм бүрт хүүхэд бүр бүх төрлийн хүчирхийллээс ангид байх ёстой гэсэн зарчмыг баримталж, ямар ч нөхцөлд хүүхдийн эрх ашгийн үүднээс эрхийг нь хамгаалах ёстой байдаг. БНСУ-ын ХЭҮК-оос цагдаа, боловсролын алба, тухайн сургуулиас авч хэрэгжүүлсэн арга хэмжээнд хяналт тавьж ажилласан болно. Түүнчлэн, хохирогч болон түүний ээж, мөн гэрчийн мэдүүлэгт үндэслэн хохирогчийг юу үзэж туулсан болохыг тогтоохоор уг хэргийг Комисс шалгасан. Мөн анхан шатны шалгалтын үр дүн дээр үндэслэн Комиссын байнгын хорооны хуралдаанаас хүний эрхийн зөрчил, ялгаварлан гадуурхалтын асуудлаар хяналт шалгалтын ажиллагаа явуулж, зөрчлийг арилгуулахаар гомдлын бус хянан шийдвэрлэх ажиллагаа явуулах шийдвэрийг 2021 оны 12-р сарын 16-ны өдөр гаргасан. БНСУ-ын ХЭҮК нь гомдлын бус хянан шийдвэрлэх ажиллагааг хийж дуусмагц, гаргасан үр дүнг Монгол Улсын Хүний эрхийн Үндэсний Комисст хүргүүлэх болно” гэдгээ мэдэгдлээ.

БНСУ-ын ХЭҮК-ын даргын хувьд, Монгол Улсын Хүний эрхийн Үндэсний Комисстой хамтран, зөвхөн нийтлэг хүний эрхийг хамгаалах төдийгүй тус тусын нутагт оршин суугаа Солонгос- Монгол иргэдийн эрхийг хамгаалах чиглэлээр цаашид ч хамтран ажиллахаа илэрхийлсэн байна.

Categories
амьдралын-өнгө мэдээ

Өмнөговь аймагт энэ онд ундны усны 5 цахим худаг шинээр байгуулжээ

Өмнөговь аймгийн төв Даланзадгад суманд энэ онд ундны усны нийт таван худаг шинээр байгуулсан байна.

Тус сумыг хөгжүүлэх “Дэвшилтэт Даланзадгад” хөтөлбөрийг хэрэгжүүлэн ажиллаж байгаа юм. Уг хөтөлбөрийн хүрээнд сумын төсвийн хөрөнгөөр Гурвансайхан, Хавцгайт хороололд хоёр, аймгийн төсвийн хөрөнгөөр Гурвансайхан, Малчин хороололд гурван ухаалаг ус түгээх цахим худаг шинээр байгуулсан байна. Үүний үр дүнд мянга гаруй өрх эрүүл ахуйн шаардлага хангасан зөөврийн ундны усаар хангагдсан гэж үзэж байгаа аж.

Мөн найман багийн 25 өрхөд эрүүл ахуйн стандарт хангасан усны сав олгосон байна.

Categories
мэдээ нийгэм

ЗӨСҮТ-д эрүүл мэндийн даатгалаар үнэ төлбөргүй PCR шинжилгээ авч байна

“Ковид-19” вирусийн PCR, түргэвчилсэн шинжилгээг Зоонозын өвчин судлалын үндэсний төв /ЗӨСҮТ/-д өдөр бүр 09:00-13:00 цагийн хороонд авч байна.

PCR шинжилгээг эрүүл мэндийн даатгалаар үнэ төлбөргүй хийж байгаа бол түргэвчилсэн оношилгооноос 25 мянган төгрөгийн төлбөр авч, хариуг 10-15 минутын дотор гаргаж иргэдэд үйлчилж байна.

Мөн байгууллагын захиалгат шинжилгээ 50 мянган төгрөгийн төлбөртэй аж.

Categories
мэдээ эдийн-засаг

Зэсийн баяжмалын экспорт 112.4 хувийн гүйцэтгэлтэй байна

Монгол Улс 2021 оны төсвийн тодотголоор 28,686.8 мян.тн нүүрс экспортлохоор төлөвлөсөн ч цар тахлын нөлөөгөөр нүүрсний экспорт татарч оны эхний 11 сарын байдлаар 13,090.2 мян.тн нүүрс экспортлоод байгаа нь 54.4 хувийн биелэлттэй байна.

Харин 1,118.4 мян.тн зэсийн баяжмал экспортлохоор төлөвлөсөн бол дээрх хугацаанд 1,256.7 мян.тн-ыг экспортолсноор зэсийн баяжмалын экспортын төлөвлөгөө 138.3 мян.тн-оор давж, 112.4 хувийн гүйцэтгэлтэй буюу төлөвлөгөө давж биелжээ.

Төмрийн хүдрийн баяжмалын тухайд оны эхний 11 сарын байдлаар 88.7 хувийн гүйцэтгэлтэй байна. Тэгвэл Монголбанк дээрх хугацаанд 20 тн алт худалдан авснаар төлөвлөгөө 100 хувь биелжээ.

2021 оны төсвийн тодотголоор 5,471.0 мян.бар газрын тос экспортлохоор төлөвлөсөн бол гүйцэтгэл 79.5 хувийн биелэлттэй байна. Цайрын хүдрийн баяжмалын хувьд 94.5 хувь, хайлуур жоншны хүдэр, баяжмалын экспорт 89 хувийн гүйцэтгэлтэй байна.

Эх сурвалж: УУХҮЯ

Categories
мэдээ нийгэм цаг-үе

Эрхтэн шилжүүлэн суулгах тусламж үйлчилгээнд ЭМД-ын сангаас 3.2 тэрбум төгрөгийн санхүүжилт олгожээ

ЭМД-ын хүртээмж иргэдэд хэрхэн нөлөөлж байна вэ? Эрүүл мэндийн тусламж үйлчилгээний ямар төрлийг даатгалын сангаас хэрхэн хариуцаж байгаа талаар та бүхэнд цуврал мэдээлэл хүргэж байна. Энэ удаад ЭМДЕГ-ын Тусламж, үйлчилгээний чанар, төлбөрийн хяналтын газрын дарга Б.Оюунцэцэг “Хэвтүүлэн эмчлэх тусламж үйлчилгээ”-ний талаар мэдээлэл өглөө.

ЭМД-ын сангаас лавлагаа шатлалын тусламж үйлчилгээ, анхан шатны эрүүл мэндийн байгууллагуудаас үзүүлж байгаа тусламж үйлчилгээний зардлын төлбөр болон хөнгөлөлттэй эмийг тус тус санхүүжүүлж байгаа. Үүн дотроо хэвтүүлэн эмчлэм тусламж, үйлчилгээний дараах төрлүүдийг ЭМД-ын сангаас хариуцаж байна. Тодруулбал,

  • Эрчимт эмчилгээ
  • Эмийн эмчилгээ
  • Мэс засал
  • Эрхтэн шилжүүлэх мэс засал
  • Хорт хавдрын хэвтүүлэн эмчлэх хими, туяа эмчилгээг санхүүжүүлж байна.

Өмнө нь эдгээр үйлчилгээг хамтын төлбөр төлөх буюу иргэд өндөр төлбөр төлдөг, ихээхэн ачаалал үүсгэдэг байсан бол 2021 оноос эхлэн ЭМД-ын сангаас төлбөрийн зардлыг 80-100 хувь хариуцаж байна.

Эрхтэн шилжүүлэн суулгах тусламж үйлчилгээнд ЭМД-ын сангаас 3.2 тэрбум төгрөгийн санхүүжилт олгожээ

Эрхтэн шилжүүлэн суулгах тусламж үйлчилгээг даатгалын сангаас хариуцдаг болсонтой холбоотойгоор энэ онд элэг шилжүүлэн суулгахад 27 хүнд, бөөр шилжүүлэн суулгахад 12, улсын хэмжээнд нийт 39 эрхтэн шилжүүлэн суулгах тусламж үйлчилгээг үзүүлжээ. Үүнд хамтын төлбөр 70/30 гэсэн харьцаатай буюу даатгалын сангаас 70 хувийг нь хариуцаж нийтдээ 3.2 тэрбум төгрөгийн санхүүжилтийг олгосон байна.

Өмнө нь эрхтэн шилжүүлэн суулгах тусламж үйлчилгээний урсгал гадагшаа байсан бөгөөд иргэн даатгуулагчид зөвхөн тусламж үйлчилгээний зардалд 100-150 сая төгрөг зарцуулдаг байсан бол энэхүү тусламж үйлчилгээг ЭМД-ын сангаас хариуцдаг болсноор дотооддоо эмчилгээ, үйлчилгээг хөнгөлөлттэй үнээр авах боломж бүрджээ.

Тархины харвалт, шигдээсийн үеийн тусламж үйлчилгээнд 1.8 тэрбум төгрөгийн санхүүжилт олгосон

2021 оны эхний 10 сарын байдлаар тархины цус харвалт, шигдээстэй холбоотой 2863 даатгуулагч эмнэлгийн тусламж үйлчилгээ авсны 519 буюу 18 хувь нь амбулаторийн тусламж үйлчилгээ авчээ. Нийтдээ 1.8 тэрбум төгрөгийн нэхэмжлэл ЭМДЕГ-т ирж, чанар төлбөрийн хяналтыг хэрэгжүүлсэн байна.

Тархины цус харвалт, шигдээсийн үед зөвхөн мэс засал бус амбулаторийн үзлэг, яаралтай тусламж үйлчилгээ, өндөр өртөгтэй оношилгоо, шинжилгээ, эмийн эмчилгээ, эрчимт эмчилгээ зэрэг үйлчилгээнд даатгалын сангаас санхүүжилт гаргаж байгаа. /Зургаас харна уу/

Эдгээр тусламж үйлчилгээнд хамрагдахын тулд иргэдээс юу шаардах вэ?

Монгол Улсын иргэн эрүүл мэндийн улмаас учирч болзошгүй санхүүгийн эрсдэлээ хуваалцах зорилгоор эрүүл мэндийн албан журмын даатгалд заавал даатгуулах үүрэгтэй байдаг. Уг хууль нь 2016 оны 01 дүгээр сарын 01-ны өдрөөс хэрэгжиж эхэлсэн бөгөөд даатгуулагч-иргэн та эрүүл мэндийн даатгалын шимтгэлээ бүрэн төлсөн тохиолдолд эрүүл мэндийн тусламж, үйлчилгээг авах боломж нээгдэнэ.

Та өөрийн ЭМД-ын шимтгэлийн дутуу төлөгдсөн саруудаа Е-Mongolia апплейкэшний Эрүүл мэнд цэснээс хурдан шуурхай, үнэ төлбөргүй шалгах боломжтой. Даатгуулагч нь аливаа эрүүл мэндээс үүдэлтэй гэнэтийн эрсдэлээс урьдчилан сэргийлж, шимтгэлээ цаг тухай бүрт нь төлснөөр ямар ч гэнэтийн нөхцөлд эрүүл мэндийн тусламж, үйлчилгээг даатгалаараа хөнгөлүүлэн авах боломжтой юм.

Categories
мэдээ цаг-үе

Улаанбаатарт шөнөдөө 18 хэм хүйтэн

Малч­ид, иргэд, тээвэрчдийн анхааралд: 23-наас ихэнх нутгаар хүйтний эрч чангарч, нутгийн зүүн хагаст хүйтэн салхитай байхыг анхааруулж байна.

2021 оны 12 сарын 21-ний 20 цагаас 12 сарын 22-ны 20 цаг
хүртэлх цаг агаарын урьдчилсан мэдээ

Хур тунадас: Ихэнх нутгаар солигдмол үүлтэй. Шөнөдөө баруун аймгуудын нутгийн зарим газар, төвийн аймгуудын нутгийн хойд хэсгээр, өдөртөө төвийн аймгуудын нутгийн зарим газраар цас орж, явган шуурга шуурна.

Салхи: Нутгийн баруун хэсгээр баруун өмнөөс хойш эргэж, бусад нутгаар баруун хойноос секундэд 6-11 метр, говь, тал, хээрийн нутгаар секундэд 13-15 метр хүрч ширүүснэ.

Агаарын температур: Шөнөдөө Ерөө, Хэрлэн, Онон, Улз, Халх голын хөндийгөөр 29-34 хэм, Увс нуур болон Дархадын хотгор, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс, Эг, Үүр, Орхон, Хараа, Туул, Тэрэлж голын хөндийгөөр 22-27 хэм, говийн бүс нутгийн өмнөд хэсгээр 8-13 хэм, бусад нутгаар 15-20 хэм, өдөртөө Увс нуур болон Дархадын хотгор, Монгол-Алтай, Хөвсгөл, Хэнтийн уулархаг нутаг, Завхан голын эх, Тэс, Эг, Үүр, Сэлэнгэ, Ерөө, Хэрлэн, Онон, Улз, Халх голын хөндийгөөр 16-21 хэм, Хангайн уулархаг нутаг, Хүрэнбэлчир орчим, Идэр, Байдраг, Туул, Тэрэлж голын хөндийгөөр 10-15 хэм, говийн бүс нутгийн өмнөд хэсгээр 1-6 хэм, бусад нутгаар 7-12 хэм хүйтэн байна.

УЛААНБААТАР ХОТ ОРЧМООР: Үүлшинэ. Шөнөдөө цас орохгүй. Өдөртөө ялимгүй цас орно. Салхи баруун өмнөөс хойш эргэж секундэд 6-11 метр. Шөнөдөө Яармаг-Сонгины орчмоор 24-26 хэм, бусад хэсгээр 16-18 хэм, өдөртөө 11-13 хэм хүйтэн байна.

БАГАНУУР ОРЧМООР: Үүлшинэ. Цас орохгүй. Салхи баруун өмнөөс хойш эргэж секундэд 5-10 метр, зарим үед секундэд 12-14 метр хүрч ширүүснэ. Шөнөдөө 23-25 хэм, өдөртөө 13-15 хэм хүйтэн байна.

ТЭРЭЛЖ ОРЧМООР: Үүлшинэ. Цас орохгүй. Салхи баруун өмнөөс хойш эргэж секундэд 6-11 метр. Шөнөдөө 23-25 хэм, өдөртөө 12-14 хэм хүйтэн байна.

2021 оны 12 дугаар сарын 23-наас 12 дугаар сарын 27-ныг
хүртэлх цаг агаарын урьдчилсан төлөв

23-нд төвийн аймгуудын нутгийн өмнөд хэсэг, говийн аймгуудын нутгийн зарим газраар, 24-нд Хангайн уулархаг нутаг болон говийн бүс нутгийн баруун хэсгээр цас орж, явган шуурга шуурна. Салхи 23-нд говь, тал, хээрийн нутгаар, 24-нд нутгийн зарим газраар, 25, 26-нд нутгийн зүүн хэсгээр, 13-15 метр хүрч ширүүснэ. Хүйтний эрч чангарч Монгол-Алтайн уулархаг нутаг, Дархадын хотгор, Завхан голын эх, Хүрэнбэлчир орчим, Идэр, Тэс, Хэрлэн, Онон, Улз, Халх голын хөндий, Дарьгангын тал нутгаар шөнөдөө 35-40 хэм, өдөртөө 24-29 хэм, Хангай, Хөвсгөл, Хэнтийн уулархаг нутаг, Эг, Үүр, Хараа, Ерөө, Туул, Тэрэлж, голын хөндийгөөр шөнөдөө 28-33 хэм, өдөртөө 19-24 хэм, говийн бүс нутгийн өмнөд хэсгээр шөнөдөө 20-25 хэм, өдөртөө 10-15 хэм, бусад нутгаар шөнөдөө 23-28 хэм, өдөртөө 14-19 хэм хүйтэн байна.

Нийтэлсэн: Цаг Уур Орчны Шинжилгээний Газар