Month: December 2021

Categories
мэдээ нийгэм цаг-үе

Балчир гурван ес эхэллээ

Монголчууд эрт дээр үеэс өвлийн цаг агаарын төлөв байдлыг есөн ес 81 хоногоор ангилж ирсэн билээ. Ингэхдээ өвлийн туйл нар буцах өдрөөс эхлэн 81 хоногийг Балчир гурав, Идэр гурав, Өтөл гурав гэж хуваадаг ажээ.

Өвлийн туйл болоход хүйтний ес эхэлнэ. Энэ өдөр салхи их, үүлтэй хүйтэн байвал ирэх жил дулаан сайхан болно хэмээн зурхайч Л.Тэрбишийн зурхай дээр бичжээ.

Нэг есөөс эхлэн есөн ес хүртэл хүйтний эрч чангарч оргилдоо хүрээд зөөлөрч хавартай золгодог гэж үздэг байсан нь Ус цаг уур орчны шинжилгээний хүрээлэн байгуулагдахаас өмнөх цаг агаарын байдлыг тодорхойлдог нэгэн арга байжээ. Мөн ес эхэлдэг өдөр жилийн хамгийн богино өдөр, урт шөнө болдог онцлогтой.

ЕСӨН ЕС

  • Нэг ес яах вэ, нэрмэл архи хөлдөнө /үргэлжлэх хугацаа 12 сарын 22 – 12 сарын 30 хүртэл/
  • 2 ес яах вэ, хорз архи хөлдөнө /үргэлжлэх хугацаа 12 сарын 31- 01 сарын 08 хүртэл/
  • Гурван ес яах вэ, гунан үхрийн эвэр хуга хөлдөнө /үргэлжлэх хугацаа 01 сарын 09 – 01 сарын 17 хүртэл/
  • Дөрвөн ес яах вэ, дөнөн үхрийн эвэр хуга хөлдөнө /үргэлжлэх хугацаа 01 сарын 18 – 01 сарын 26 хүртэл/
  • Тав ес яах вэ, тавьсан будаа хөлдөхгүй /үргэлжлэх хугацаа 01 сарын 27 – 02 сарын 04 хүртэл/
  • Зургаа ес яах вэ, зурайсан зам гарна /үргэлжлэх хугацаа 02 сарын 05 – 02 сарын 13 хүртэл/
  • Долоо ес яах вэ, дов толгой борлоно /үргэлжлэх хугацаа 02 сарын 14 – 02 сарын 22 хүртэл/
  • Найман ес яах вэ, наль, шаль болно/ үргэлжлэх хугацаа 02 сарын 23 – 03 сарын 03 хүртэл/
  • Есөн ес яах вэ, ердийн дулаан болно/ үргэлжлэх хугацаа 03 сарын 04 – 03 сарын 12 хүртэл/
Categories
мэдээ нийгэм

Б.Сайнбаяр: Дэлхийн зах зээл дээр шатахууны үнэ буурч эхэлсэн

Монголын шатахуун хэрэглэгчдийн холбооноос шатахууны чанар, стандартын асуудлаар мэдээлэл хийсэн юм.

Монголын шатахуун хэрэглэгчдийн холбооны Гүйцэтгэх захирал Б.Сайнбаяр “Дэлхийн зах зээл дээр үнэ өсөх үед импортлогчид үнээ нэмэхэд зах зээлийн зарчмаараа явсан. Одоо бол үнэ буурч эхэлж байна. Тиймээс он гараад нэг эсвэл хоёрдугаар сараас шатахууны үнийг буулгаж, хэрэглэгчдийг хохироох асуудлыг цэгцлэх хэрэгтэй импортлогч нартаа уриалж байна” гэлээ.

Шатахууны үнийн зөвлөлөөс арваннэгдүгээр сарын 22-нд шатахууны үнийг чөлөөлөх шийдвэр гаргасан. Ингэснээр дэлхийн зах зээл дээрх сүүлийн зургаан сарын үнийг дундчилж дотоодын үнийг тогтоохоор болсон юм. Мөн шатахууны үнийг нэмэх нэг удаагийн дээд хязгаар нь 100 төгрөг гэж тогтоосон билээ.
Categories
мэдээ нийгэм улс-төр

“Улаанбаатар хотын тогтвортой авто зам, тээвэр төсөл”-ийн зээлийн хэлэлцээрийг баталлаа


УИХ-ын чуулганы өнөөдрийн /2021.12.23/ үдээс өмнөх нэгдсэн хуралдаан 10.03 цагт 59.2 хувийн ирцтэйгээр эхэллээ. Хуралдаанаар эхэнд УИХ-ын дарга Г.Занданшатар Улсын Их Хурал, Улсын Их Хурлын Тамгын газраас хэрэгжүүлж буй “Парламентын боловсрол” хөтөлбөрийн нээлтэд оролцож буй оролцогчдод мэндчилгээ дэвшүүллээ.

Тэрбээр, Хөтөлбөрийн нээлтэд УИХ-ынхаа гишүүдийн хамт цахимаар оролцож байгаадаа баяртай байна.

Та бүхэндээ өдрийн мэнд дэвшүүлж, нийт оролцогчдодоо сайн сайхныг, хүүхэд багачууддаа сурлагын өндөр амжилт, аз жаргалыг хүсэн ерөөе.

Энэ хөтөлбөр бол 2019 онд баталсан УИХ-ын стратеги төлөвлөгөөний нэг үндсэн зорилт юм. Мөн 2019 оноос эхэлсэн Парламентын шинэчлэлийн нэг чиглэл билээ.

Бид Монгол Улсын Үндсэн хуулийн 3.1-д заасан “ард түмэн засаглах” эрхийг хангахыг зорьж байгаа юм. Энэ хүрээнд хүүхэд залуустаа УИХ гэж ямар байгууллага вэ, хуулийг хэрхэн тогтоодог юм, иргэд, хүүхдүүд ямар эрх, үүрэгтэй вэ, парламентад өөрийн дуу хоолойгоо хүргэж, санал бодлоо илэрхийлэхийн тулд яах ёстой вэ гэх мэт мэдлэгийг олгохыг бид хүсэж байгаа юм.

Улмаар хууль боловсруулах, хэлэлцэх, батлах үйл явцад хүүхэд багачуудынхаа, нийт иргэдийнхээ оролцоог хангахыг бид чухалчилж байна.

Хүүхэд залуус бол Монголын маргаашийг авч явах ирээдүй нь. Тиймээс одооноос төрийн хэрэгт оролцох, төр засгийг удирдах, нийгэм, хамт олноо манлайлах үйл хэрэгт суралцах нь чухал юм. Үүнд “Парламентын боловсрол” хөтөлбөр тусална.

Улсын Их Хурал:

Ард түмний засаглах эрхийг хангасан парламент байх

Ардчилсан ёс, хүний эрхийг эн тэргүүнд дээдлэх

Парламентын ардчиллаа улам бататган бэхжүүлэх

Цахим парламент болох

Сонгодог парламентын тогтолцоо бүрдүүлэх гэсэн 5 гол зорилтод үйл ажиллагаагаа чиглүүлнэ.

Энэ зорилго хэрхэн хэрэгжих нь зөвхөн УИХ-ын гишүүдээс хамаарахгүй. Иргэдтэйгээ, хүүхэд залуустайгаа хамтарч хэрэгжүүлнэ. Тиймээс Парламентын боловсрол хөтөлбөрт оролцож буй хүүхэд, залуусын хувь нэмэр чухал байх болно.

Бид энэ хөтөлбөрийн хүрээнд Парламентын боловсрол олгох сургалт явуулна. Парламентын боловсролын веб сайт ажиллуулна. УИХ-ын дэргэд “Парламентын сургалтын танхим” байгуулна.

Ард иргэд, хүүхэд залуустаа Монголын парламент нээлттэй болно. Улсын Их хурал дээр ирээд сургалтад хамрагдах, санал бодлоо шууд, чөлөөтэй солилцох нь илүү үр дүнтэй гэж бид бодож байгаа юм.

Саяхан бид “Өсвөрийн парламент” хөтөлбөрийн эхний шатыг амжилттай хэрэгжүүлсэн. Хүүхдүүд маань маш идэвхтэй оролцож, олон сайхан санал, санаачилга гаргасанд баяртай байна. “Мини парламент” буюу ”Өсвөрийн парламент”-ын арга хэмжээ “Парламентын боловсрол” хөтөлбөрийн хүрээнд цаашид үргэлжилж, нийт Монгол даяар хэрэгжих болно.

Энэхүү хөтөлбөрт хамрагдсанаар:

Парламентын үйл ажиллагаа, чиг үүргийг ойлгож;

Үндсэн хуулиа танин мэдэж;

Ардчиллын утга учрыг ухаарч;

Хүний эрхийн үнэ цэнийг мэдэрч;

Ард түмэн засаглах Үндсэн хуулийн эрхээ хэрэгжүүлж;

Сонгодог парламентын тогтолцоог хөгжүүлэхэд хувь нэмрээ оруулах болно.

Эх орон, үндэсний түүх, соёлоороо бахархдаг, хөгжин дэвшсэн сайхан Монгол, сайн цагийг бүтээх чин эрмэлзэлтэй ирээдүй үеийг төлөвшүүлэх, иргэлийн оролцоотой хууль тогтоох, ард түмэнтэйгээ хамтран засаглах бидний зорилт амжилтад хүрнэ гэдэгт бид итгэлтэй байна.

Тиймээс “Парламентын боловсрол”-ын хөтөлбөртөө идэвхтэй хамрагдаж, аль болох олуулаа оролцохыг хүүхэд залуустаа хандан уриалъя. Монгол Улсынхаа нийт иргэдийг парламенттайгаа илүү ойр байж, хамтран төрийн бодлого боловсруулж, хууль тогтоохын төлөө идэвх санаачилга гаргахыг хүсье гэлээ.

Дараа нь Монгол Улс, Олон улсын сэргээн босголт, хөгжлийн банк хоорондын зээлийн хэлэлцээр /Улаанбаатар хотын тогтвортой авто зам, тээвэр төсөл/-ийг соёрхон батлах тухай хуулийн төслийг хэлэлцлээ.

Төслийн талаар Сангийн сайд Б.Жавхлан танилцуулав.

“Улаанбаатар хотын тогтвортой автозам, тээвэр төсөл”-ийг Дэлхийн банкны группийн Олон улсын сэргээн босголт, хөгжлийн банкны 100 сая ам.долларын зээлийн санхүүжилтээр үе шаттайгаар хэрэгжүүлэхээр тохиролцож, уг зээлийн хэлэлцээрт 2021 оны наймдугаар сарын 24-ний өдөр гарын үсэг зуржээ.

Төслийн зорилго нь Улаанбаатар хотын зам, тээврийн хөдөлгөөнд оролцогч талуудын аюулгүй байдлыг хангах, замын хөдөлгөөний эрчим, нөхцөлийг сайжруулахад чиглэсэн үе шаттай ажлыг хэрэгжүүлэх, сонгогдсон гудамжуудыг аюулгүй, хүртээмжтэй, эрсдэлгүй болгож олон улсын туршлагын дагуу жишиг гудамж бий болгох, замын хөдөлгөөний удирдлагын төвийн цар хүрээ, техник технологийг шинэчилж, нэгдсэн систем бий болгох замаар түгжрэлийг бууруулах хэвтээ тэнхлэгийн шинэ гарцыг бий болгох, замын өргөтгөл шинэчлэлийг хэрэгжүүлэхэд чиглэж байгаа аж.

Төслийг санхүүжүүлэхэд Дэлхийн банкны Олон улсын сэргээн босголт, хөгжлийн банкнаас 100 сая ам.долларын хөнгөлөлттэй зээл олгох бол Нийслэлийн төсвөөс 10 сая ам.доллартай тэнцэх хэмжээний санхүүжилтийг газар чөлөөлөлт, нүүлгэн шилжүүлэлтэд зориулж гаргахаар төлөвлөжээ. Хөнгөлөлттэй зээл нь 30 жилийн хугацаатай бөгөөд үүнээс эхний таван жилд үндсэн төлбөрөөс чөлөөлөгдөх нөхцөлтэй юм.

Төслийн хүрээнд гудамжны замын одоо байгаа сүлжээг засварлаж шинэчлэх, шинээр автозам барих, замын хөдөлгөөний зохицуулалт, хөдөлгөөний аюулгүй байдлыг нэмэгдүүлэх, нийтийн тээврийг сайжруулах, хотын зам, тээврийн стратегийн судалгаа, чадавхыг бэхжүүлэх зэрэг ажлыг хийж гүйцэтгэх юм байна.

Аюулгүй байдал, гадаад бодлогын байнгын хорооны хуралдаанд оролцсон гишүүдийн 80 хувь нь хуулийн төслийг дэмжиж, зээлийн хэлэлцээрийг соёрхон батлах нь зүйтэй гэж үзсэн хэмээн УИХ-ын гишүүн Б.Энх-Амгалан танилцууллаа.

Хэлэлцэж буй асуудалтай холбогдуулан УИХ-ын гишүүд асуулт асууж, үг хэллээ.

УИХ-ын гишүүн С.Бямбацогт, нийслэлийн авто замын түгжрэл өнөөдрийн хамгийн тулгамдсан асуудал болоод байна. Орж ирж байгаа төслийг харахаар Баянхошуу, “Өнөр” хорооллын цөөн хэдэн км замыг сайжруулах, шинэчлэх гэх мэт жижиг ажлууд харагдаж байна. Нийслэлд шинэ тойрог зам байгуулж төвлөрлийг бууруулах зэрэг цогц ажилд энэ хөрөнгийг зарцуулж болохгүй юу. Яармагийн гүүрнээс олон улсын нисэх буудал хүртэл хурдны замтай холбосон зам тавьбал яармагийн түгжрэлийг бууруулах боломжтой гэж бодож байна. Мөн Туул гол дээр тавих гүүрийн асуудлыг энэ хөрөнгөөр шийдэх боломж бий юу гэсэн асуулт тавьсан.

Ажлын хэсгийн гишүүдийн хариулснаар, Нийслэлийн автозамын түгжрэлийг бууруулах цогц арга хэмжээний төслийг Засгийн газарт танилцуулан үндэсний хороо байгуулан ажиллаж, авто замын түгжрэлийг бууруулах 28 зүйл бүхий 146 төсөл арга хэмжээг олон улсын зээл, дотоодын хөрөнгө оруулалт, төр, хувийн хэвшлийн түншлэлээр хэрэгжүүлэхээр төлөвлөсөн аж. Үүний нэг нь Дэлхийн банкны зээлийн санхүүжилтээр хийгдэх дээрх төсөл юм байна. Энэ ажлын хүрээнд Нарны замын хэвтээ чиглэлийн замыг зургаан эгнээ болгож, зам тээврийн удирдлагын системийг шинэчлэхээр төлөвлөжээ. Ирэх гурван жилийн хугацаанд Нарны замын чиглэлд шинээр 60.5 км зам барихаас гадна 71.5 км шинэ тойрог зам барихаар тусгасан байна. Шинэ тойрог замын газар чөлөөлөлтөд 120 орчим тэрбумыг зарцуулж, долоон газарт гүүрэн байгууламж барих юм байна. Яармагийн чиглэлд 650 метр гүүрэн байгууламж, түүнчлэн Зайсан, баруун Сонсголонгийн чиглэлд, түүнчлэн шинэ тойрог байгуулахтай холбогдуулан 11 ширхэг олон түвшний огтлолцолтой гүүрэн байгууламж барихаар төлөвлөсөн гэлээ. Эдгээр цогц арга хэмжээнүүдийн нэг нь Дэлхийн банкны төслийн дагуу хэрэгжих юм гэв. Нарны замын одоо байгаа 9.5 км хэсгийг зургаан эгнээтэй болгох бөгөөд тэрхүү зам баруун тийш Сонсголонгийн уулзвартай нийлэн баруун аймгууд руу явдаг замтай холбогдох бол зүүн тийшээ Улиастайн гүүрний замтай нийлэх аж. Нийтдээ Нарны зам 17.5 км, зургаан эгнээ болно гэсэн хариулт өгсөн юм.

УИХ-ын гишүүд зээлийн эргэн төлөлт, замын өртөг, түгжрэлийг бууруулах замын урсгалын тооцоолол, шинээр баригдаж буй орон сууцны хорооллын асуудал, газар чөлөөлөлтийн өртөг, шинээр баригдах замуудын зураг төсөв, ТЭЗҮ хийгдсэн эсэх, хотын замын стандарт, нийтийн тээврийн хүртээмж, шинээр импортоор оруулж ирж буй тээврийн хэрэгсэлд хязгаар тавих асуудлын талаар асууж, мөн байр сууриа илэрхийлсэн.

Эцэст нь зээлийн хэлэлцээрийг соёрхон батлах нь зүйтэй гэсэн саналын томьёоллоор санал хураалт явуулахад хуралдаанд оролцсон гишүүдийн дийлэнх олонх дэмжсэнээр хууль батлагдлаа.

Мөн хуралдаанаар Монгол Хятадын Замын-Үүд Эрээний эдийн засгийн хамтын ажиллагааны бүс байгуулах тухай Монгол Улсын Засгийн газар, Бүгд Найрамдах Хятад Ард Улсын Засгийн газар хоорондын хэлэлцээрийн төсөл соёрхон батлах тухай хуулийн төслийг соёрхон батлах асуудлыг хэлэлцэв.

Хуулийн төслийн талаар Монгол Улсын Шадар сайд С.Амарсайхан танилцуулсан. Улсын Их Хурлын 2004 оны 17 дугаар тогтоолоор Дорноговь аймгийн Замын-Үүд сумын нутагт Замын-Үүд эдийн засгийн чөлөөт бүсийг байгуулж, нутаг дэвсгэрийн хэмжээг 900 ra-raap тогтоосон байна. Засгийн газрын мөн оны 45 дугаар тогтоолоор чөлөөт бүсийн Захирагчийн ажлын алба бий болгожээ. Улмаар Засгийн газрын 2011 оны 187 дугаар тогтоолоор Замын-Үүд эдийн засгийн чөлөөт бүсийн мастер төлөвлөгөөг баталсан бөгөөд өнгөрсөн хугацаанд yr төлөвлөгөөний дагуу тус бүсэд улсын төсвийн болон гадаадын хөнгөлөлттэй зээлийн хөрөнгөөр 6.6 тэрбум төгрөг, 58.8 сая ам.долларын бүтээн байгуулалтын болон дэд бүтцийн ажил хийгджээ.

Замын-Үүдийн эдийн засгийн чөлөөт бүсэд хийгдсэн бүтээн байгуулалтыг бодит ажил болгох үүднээс сонирхогч талуудын хамтарсан эрх зүйн баримт бичиг байгуулахад анхаарч, хоёр улсын стратегийн түншлэлийн харилцааг улам гүнзгийрүүлэх хүрээнд 2016 оны тавдугаар сард Замын-Үүд, Эрээний хил дамнасан чөлөөт бүсийн ерөнхий төлөвлөгөөнд гарын үсэг зуржээ. Улмаар дээрх ажлыг эрчимжүүлэх зорилгоор Монгол Улсын Ерөнхий сайдын 2018 оны 16 дугаар захирамжаар Замын-Үүд, Эрээний боомтыг түшиглэн эдийн засгийн хамтын ажиллагааны бүc байгуулах асуудлыг судалж, санал, дүгнэлт боловсруулах үүрэг бүхий ажлын хэсгийг Монгол Улсын Шадар сайдаар ахлуулан байгуулсан бөгөөд тус ажлын хэсэг Монгол, Хятадын эдийн засгийн хамтын ажиллагааны бүс байгуулах хууль, эрх зүйн орчны угтвар нөхцөл бий болсон, эдийн засгийн хамтын ажиллагааны бүc байгуулах техникийн болон эдийн засгийн бүрэн боломжтой гэсэн дүгнэлт гаргасан байна

Энэ үндсэн дээр Монгол Улсын Засгийн газар 2018 онд “Замын-Үүд, Эрээний эдийн засгийн хамтын ажиллагааны бүс байгуулах тухай” xoëp улсын Засгийн газар хоорондын хэлэлцээрийн теслийг санаачлан боловсруулж, төслийг Засгийн газрын түвшинд удаа дараа хэлэлцээд хятадын талд хүргүүлжээ. Хятадын тал 2019 оны хоёрдугаар сард манай Засгийн газраас хүргүүлсэн хэлэлцээрийн төслийг зарчмын хувьд дэмжиж, тодорхой саналаа ирүүлснийг ажлын хэсэг дахин боловсруулж, холбогдох яамдын саналыг авч төсөлд тусган 2019 оны гуравдугаар сарын 6-ны өдрийн Засгийн газрын хуралдаанаар хэлэлцүүлж, хятадын талтай ойлголцлын зөрүүтэй зарим асуудлаар хэлэлцээ хийж, харилцан тохиролцохыг даалгасны дагуу xoëp талын ажлын хэсэг мөн оны гуравдугаар сарын 11-12-ны өдрүүдэд БНХАУ-ын Бээжин хотноо уулзалт, хэлэлцээ хийж, xoëp талын ажлын хэсгүүд ойлголцлын зөрүүтэй саналаа нэгтгэн хэлэлцээрийн төслийг үзэглэсэн байна.

Улмаар Засгийн газрын 2019 оны гуравдугаар сарын 21-ний өдрийн хуралдаанаар xoëp талын ажлын хэсгийн үзэглэсэн хэлэлцээрийн төслийг дахин хэлэлцэн дэмжиж, Улсын Их Хурлын холбогдох Байнгын хороодтой зөвшилцөхөөр ирүүлсний дагуу Аюулгүй байдал, гадаад бодлогын болон Эдийн засгийн байнгын хороо хэлэлцээд дэмжсэн аж. Энэ үндсэн дээр Монгол Улсын Ерөнхий сайдын 2019 оны тавдугаар сарын 29-ний өдрийн 61 дүгээр захирамжийг үндэслэн 2019 оны зургаадугаар capын 4-ний өдөр Хүнс, хөдөө аж ахуй, хөнгөн үйлдвэрийн сайд хэлэлцээрт гарын үсэг зурж байгуулжээ. Иймээс хоёр улсын Засгийн газар хоорондын энэхүү хэлэлцээрийг соёрхон батлах тухай хуулийн төслийг боловсруулсан байна.

УИХ-ын Аюулгүй байдал, гадаад бодлогын байнгын хороо хуулийн төслийг энэ сарын 22-ны өдрийн хуралдаанаараа хэлэлцээд хуралдаанд оролцсон гишүүдийн олонх дэмжиж, 76.9 хувийн саналаар зээлийн хэлэлцээрийг соёрхон батлах нь зүйтэй гэж үзсэн хэмээн УИХ-ын гишүүн Б.Дэлгэрсайхан танилцуулсан юм.

Байнгын хорооны хуралдааны үеэр УИХ-ын гишүүн Х.Баделхан хил дамнасан чөлөөт бүсийн орц, гарцыг нээлттэй байлгах, үйл ажиллагааг чөлөөтэй байхаар хэрэгжүүлэх, УИХ-ын гишүүн Н.Алтанхуяг хуулийн төслийг дэмжиж байгаагаа илэрхийлээд чөлөөт бүсийн асуудал нь цаг хугацааны хувьд их удааширсан учир хэлэлцзэрээ батлаад, анхны үзэл баримтлал, концепцийн дагуу зөв, идэвхтэй үйл ажиллагаа явуулах шаардлагатай, УИХ-ын гишүүн Б.Дэлгэрсайхан чөлөөт бүсэд үйл ажиллагаа эрхлэх аж ахуйн нэгж, иргэдээ дэмжих, чөлөөт бүс байгуулах хилийн зурвасыг ойртуулах, шаардлагатай бол Монгол Улсын Хилийн тухай хуульд өөрчлөлт оруулах нь зүйтэй гэсэн саналуудын тус тус гаргасан байна.

Хэлэлцэж буй асуудалтай холбогдуулан УИХ-ын гишүүд асуулт асууж, хариулт авсанаар үдээс өмнөх хуралдаан өндөрлөлөө хэмээн УИХ-ын Хэвлэл мэдээлэл, олон нийттэй харилцах хэлтсээс мэдээллээ.


Categories
мэдээ нийгэм

Гадаадаас ирэх иргэдийг тусгаарлах 1194 өрөө бэлджээ

Коронавирусийн омикрон хувилбарын тархалтаас урьдчилан сэргийлэх зорилгоор 2021 оны 12 дугаар сарын 25-ны өдрөөс эхлэн гадаад улсаас ирж байгаа бүх хүнээс хилийн нэвтрэх цэг, нисэх буудалд шинжилгээ авч, гурав хоног тусгаарлах шийдвэрийг Засгийн газар, УОК-оос гаргасан.
Өнөөдрийн байдлаар нийслэлийн хэмжээнд 20 тусгаарлах байр, зочид буудалд 1194 өрөө буюу 2191 орыг урьдчилан бэлтгэн, иргэдийг тусгаарлахад бэлэн болжээ.
Гадаадаас ирэх иргэдийг гурав хоног тусгаарлахтай холбогдуулан “Коронавируст халдварын үед иргэнийг тусгаарлах, ажиглах түр журам”-д өөрчлөлт оруулж байгаа юм. УОК-ын Нэгдсэн шуурхай штабаас, дээрхи тусгаарлах байр, зочид буудлуудад хяналт, шалгалт хийж ажлын бүрэлдэхүүн ажиллаж байна гэж УОК-ын Нэгдсэн шуурхай штабаас мэдээллээ.

Categories
мэдээ нийгэм

Хятадын тал бараа бүтээгдэхүүнийг нэвтрүүлэх талаар арга хэмжээ авахаа илэрхийллээ

Монгол Улс, БНХАУ-ын ГХЯ-д хоорондын Стратегийн яриа хэлэлцээний 6 дахь удаагийн уулзалтыг өнөөдөр цахим хэлбэрээр зохион байгуулав.

Уулзалтыг Монголын талаас Гадаад харилцааны дэд сайд Б.Мөнхжин, Хятадын талаас Гадаад хэргийн яамны туслах сайд У Жянхао ахлан оролцлоо.

Хоёр улсын ГХЯ-д хооронд дэд сайдын түвшинд жил бүр зохион байгуулдаг тус яриа хэлэлцээний механизмаар хоёр улсын харилцааны хөгжлийн явцыг дүгнэж, ойрын хугацааны зорилт, томоохон арга хэмжээний талаар ярилцахын зэрэгцээ бүс нутаг, олон улсын хамтын ажиллагааны асуудлаар санал солилцдог.

Гадаад харилцааны дэд сайд нар цар тахлын нөхцөлд Монгол, Хятадын харилцаа бүхэлдээ амжилттай хөгжиж буйд сэтгэл хангалуун байгаагаа илэрхийлж, 2021 онд хоёр улсын Төрийн тэргүүн, Парламентын дарга, Ерөнхий сайд нар тус тус утсаар ярилцаж, өндөр түвшний харилцан айлчлал хэрэгжүүлснийг онцлон тэмдэглэв. Талууд ирэх онд дээд, өндөр түвшний харилцан айлчлал, уулзалтыг зохих хэлбэрээр зохион байгуулахаар тохиролцлоо.

Дэд сайд нар хоёр улсын худалдаа, эдийн засгийн хамтын ажиллагаа өмнөх оноос сэргэж, худалдааны эргэлтийн хэмжээ мэдэгдэхүйц нэмэгдэж буйг тэмдэглэв.

Түүнчлэн Ковид-19 цар тахлын нөхцөлд хоёр орны худалдаа эдийн засгийн хамтын ажиллагааг аль болох хэвийн явуулах боломж, тэр дундаа хилийн боомтуудын үйл ажиллагааг идэвхжүүлж, бараа бүтээгдэхүүн нэвтрүүлэлтийг нэмэгдүүлэх талаар дэлгэрэнгүй санал солилцлоо.

Манай талаас Замын-Үүд-Эрээний боомтоор авто тээврийн үйл ажиллагааг шуурхай сэргээх, төмөр замын тээврийг хэвийн байдалд оруулах, уул уурхайн бус бүтээгдэхүүний экспортыг сэргээх, Шивээхүрэн-Сэхээ, Бичигт-Зүүнхатавч боомтын үйл ажиллагааг сэргээх, Гашуунсухайт-Ганцмод, Ханги-Мандал боомтуудын бараа нэвтрүүлэлтийг нэмэгдүүлэх, Гашуунсухайт-Ганцмод, Шивээхүрэн-Сэхээ, Булган-Такашикен, Бичигт-Зүүнхатавч, Ханги-Мандал боомтуудаар тусгай зөвшөөрөл, нөхцөл шаардагддаг бараа бүтээгдэхүүн тээвэрлэх нөхцөлийг бүрдүүлэх зэрэг тодорхой санал дэвшүүлэв.

Хятадын тал эдгээр саналыг чухалчлан үзэж, холбогдох арга хэмжээ авахаа илэрхийллээ. Үүний зэрэгцээ халдвар хамгааллын арга хэмжээг сайжруулж, халдвар хил дамнан тархах эрсдэлийг бууруулах нь боомтуудаар бараа нэвтрүүлэлтийг нэмэгдүүлэхэд хамгийн чухал хүчин зүйл болохыг онцлон тэмдэглэв.

Дэд сайд Б.Мөнхжин Монгол Улсын цар тахалтай тэмцэх үйл ажиллагаанд хятадын дэмжлэг үзүүлж, вакцин болон бусад бараа материалыг буцалтгүй тусламжаар үзүүлсэнд талархал илэрхийллээ.

Талууд цар тахлын нөхцөл байдалтай уялдуулан иргэд харилцан зорчих хязгаарлалтыг сулруулах боломжийг судлахаар тогтов.

Талууд мөн олон улс, бүс нутгийн харилцан сонирхсон асуудлаар санал солилцож, бүс нутаг, олон талт хамтын ажиллагааны механизмуудын хүрээн дэх хамтын ажиллагаагаа цаашид ч бэхжүүлэхийн төлөө байгаа гэв.

Categories
мэдээ спорт

Гэр бүлийн хүчирхийллийн гэмт хэрэг 10 хувиар нэмэгджээ

Үндэсний статистикийн хорооны мэдээлснээр, Гэр бүлийн хүчирхийлэл үйлдэх гэмт хэрэг энэ оны эхний 11 сард нийт 110 бүртгэгдсэн нь өмнөх оны мөн үеийнхээс 10 (10.0%)-аар өссөн байна. Харин энэ оны 11 дүгээр сард 15 хэрэг бүртгэгдсэн нь өмнөх сараас 7 (87.5%)-гоор өссөн байна.

Гэр бүлийн хүчирхийллийн улмаас энэ оны эхний 11 сард 8644 зөрчил бүртгэгдсэний 6435 (74.4%) зөрчлийг шалган шийдвэрлэсэн байна. Бүртгэгдсэн гэр бүлийн хүчирхийллийн нийт зөрчил өмнөх оны мөн үеийнхээс 1142 (11.7%)-оор, шийдвэрлэсэн гэр бүлийн хүчирхийллийн нийт зөрчил 1447 (18.4%)-гоор тус тус буурчээ.

Гэр бүлийн хүчирхийллийн улмаас үйлдэгдсэн 1305 хэргийн 110 (8.4%) нь Монгол Улсын Эрүүгийн хуулийн 11.7 дугаар зүйл (Гэр бүлийн хүчирхийлэл үйлдэх гэмт хэрэг)–ээр зүйлчлэгдсэн байна.

Мөн гэр бүлийн хүчирхийллийн улмаас үйлдэгдсэн гэмт хэрэг энэ оны эхний 11 сард 1305 болж, өмнөх оны мөн үеийнхээс 261 (25.0%)-ээр, эмэгтэй хүн оролцсон хэрэг 3214 болж, 28 (0.9%)-аар, хүүхэд оролцсон хэрэг 680 болж, 35 (5.4%)-аар нэмэгдсэн байна. Харин согтуугаар үйлдсэн гэмт хэрэг 4306 болж, 165 (3.7%)-аар, бүлэглэн үйлдсэн хэрэг 1259 болж, 127 (9.2%)-гоор, мансуурсан үедээ үйлдсэн хэрэг 155 болж, 31 (16.7%)-ээр тус тус буурчээ.

Гэмт хэргийн улмаас учирсан хохирол энэ оны эхний 11 сард 174.1 тэрбум төгрөг, нөхөн төлүүлсэн хохирлын хэмжээ 81.3 тэрбум төгрөг болж, өмнөх оны мөн үеийнхээс учирсан хохирол 79.9 (31.4%) тэрбум төгрөгөөр буурч, харин нөхөн төлүүлсэн хохирол 4.4 (5.7%) тэрбум төгрөгөөр өссөн байна.

Categories
мэдээ улс-төр

Замын-Үүд-Эрээний эдийн засгийн чөлөөт бүс байгуулах хэлэлцээрийг хэлэлцэв

УИХ-ын чуулганы өнөөдрийн нэгдсэн хуралдаанаар, Монгол Хятадын Замын-Үүд Эрээний эдийн засгийн хамтын ажиллагааны бүс байгуулах тухай хэлэлцээрийн төсөл соёрхон батлах тухай төслийг хэлэлцсэнээр завсарлав.

Засгийн газраас өргөн мэдүүлсэн уг хуулийн төслийн талаарх танилцуулгыг Засгийн газрын гишүүн, Монгол Улсын Шадар сайд С.Амарсайхан хийсэн юм.

УИХ-ын 2004 оны 17 дугаар тогтоолоор Дорноговь аймгийн Замын-Үүд сумын нутагт Замын-Үүд эдийн засгийн чөлөөт бүсийг байгуулж, нутаг дэвсгэрийн хэмжээг 900 ra-raap тогтоосон байна. Засгийн газрын мөн оны 45 дугаар тогтоолоор чөлөөт бүсийн Захирагчийн ажлын алба бий болгожээ. Улмаар Засгийн газрын 2011 оны 187 дугаар тогтоолоор Замын-Үүд здийн засгийн чөлөөт бүсийн мастер төлөвлөгөөг баталсан бөгөөд өнгөрсөн хугацаанд yr төлөвлөгөөний дагуу тус бүсэд улсын төсвийн болон гадаадын хөнгөлөлттэй зээлийн хөрөнгөөр 6.6 тэрбум төгрөг, 58.8 сая ам.долларын бүтээн байгуулалтын болон дэд бүтцийн ажил хийжээ.

Замын-Үүдийн эдийн засгийн чөлөөт бүсэд хийгдсэн бүтээн байгуулалтыг бодит ажил болгох үүднээс сонирхогч талуудын хамтарсан эрх зүйн баримт бичиг байгуулахад анхаарч, хоёр улсын стратегийн түншлэлийн харилцааг улам гүнзгийрүүлэх хүрээнд 2016 оны тавдугаар сард Замын-Үүд, Эрээний хил дамнасан чөлөөт бүсийн ерөнхий төлөвлөгөөнд гарын үсэг зурсан. Улмаар дээрх ажлыг эрчимжүүлэх зорилгоор Монгол Улсын Еренхий сайдын 2018 оны 16 дугаар захирамжаар Замын-Үүд, Эрээний боомтыг түшиглэн эдийн засгийн хамтын ажиллагааны бүc байгуулах асуудлыг судалж, санал, дүгнэлт боловсруулах үүрэг бүхий ажлын багийг Шадар сайдаар ахлуулан байгуулсан. Тус ажлын баг Монгол, Хятадын эдийн засгийн хамтын ажиллагааны бүс байгуулах хууль, эрх зүйн орчны угтвар нөхцөл бий болсон, эдийн засгийн хамтын ажиллагааны бүc байгуулах техникийн болон эдийн засгийн бүрэн боломжтой гэсэн дүгнэлт гаргасан байна.

Энэ үндсэн дээр Монгол Улсын Засгийн газар 2018 онд “Замын-Үүд, Эрээний эдийн засгийн хамтын ажиллагааны бүс байгуулах тухай” xoëp улсын Засгийн газар хоорондын хэлэлцээрийн теслийг санаачлан боловсруулж, төслийг Засгийн газрын түвшинд удаа дараа хэлэлцээд хятадын талд хүргүүлжээ. Хятадын тал 2019 оны хоёрдугаар сард манай Засгийн газраас хүргүүлсэн хэлэлцээрийн төслийг зарчмын хувьд дэмжиж, тодорхой саналаа ирүүлснийг ажлын баг дахин боловсруулж, холбогдох яамдын саналыг авч төсөлд тусгасан. 2019 оны гуравдугаар сарын 6-ны өдрийн Засгийн газрын хуралдаанаар төслийг хэлэлцүүлж, хятадын талтай ойлголцлын зөрүүтэй зарим асуудлаар хэлэлцээ хийж, харилцан тохиролцохыг даалгасны дагуу xoëp талын ажлын баг мөн оны гуравдугаар сарын 11-12-нд БНХАУ-ын Бээжин хотноо уулзалт, хэлэлцээ хийсэн. Хoëp талын ажлын баг ойлголцлын зөрүүтэй саналаа нэгтгэн хэлэлцээрийн төслийг үзэглэсэн байна.

Улмаар Засгийн газрын 2019 оны гуравдугаар сарын 21-ний едрийн хуралдаанаар xoëp талын ажлын багийн үзэглэсэн хэлэлцээрийн төслийг дахин хэлэлцэн дэмжиж, УИХ-ын холбогдох Байнгын хороодтой зөвшилцөхөөр ирүүлсний дагуу Аюулгүй байдал, гадаад бодлогын болон Эдийн засгийн байнгын хороо хэлэлцээд дэмжсэн. Энэ үндсэн дээр Монгол Улсын Ерөнхий сайдын 2019 оны тавдугаар сарын 29-ний өдрийн 61 дүгээр захирамжийг үндэслэн 2019 оны зургаадугаар capын 4-ний өдөр Хүнс, хөдөө аж ахуй, хөнгөн үйлдвэрийн сайд хэлэлцээрт гарын үсэг зурж байгуулжээ. Иймээс хоёр улсын Засгийн газар хоорондын энэхүү хэлэлцээрийг соёрхон батлах тухай хуулийн төслийг боловсруулсан байна.

УИХ өнгөрсөн долоо хоногт Чөлөөт бүсийн тухай хуульд өөрчлөлт оруулах тухай хууль баталж, Чөлөөт бүсийн тухай хуулийн 3 дугаар зүйлийн 3.1.11 дэх заалтыг “3.1.11.эдийн засгийн хамтын ажиллагааны бүс” гэж хил залгаа улсын хилийн боомтын газар нутагт Засгийн газар хоорондын хэлэлцээрт үндэслэн байгуулсан чөлөөт бүсийг.”, 6 дугаар зүйлийн 6.3 дахь хэсгийг “6.3.Засгийн газар хоорондын гэрээ, хэлэлцээрийн дагуу эдийн засгийн хамтын ажиллагааны бүс байгуулж болох бөгөөд уг чөлөөт бүсэд баримтлах бодлого, чиглэлийг холбогдох улстай байгуулсан гэрээгээр зохицуулна.” гэж тус тус өөрчлөн найруулсан. Хоёр улсын Засгийн газар хоорондын дээрх хэлэлцээрийг соёрхон баталсан хууль хүчин төгөлдөр болсон өдрөөс эхлэн Чөлөөт бүсийн тухай хульд өөрчлөлт оруулах тухай хуулийг дагаж мөрдөхөөр зохицуулсан байна.

УИХ-ын Аюулгүй байдал, гадаад бодлогын байнгын хорооны өчигдрийн хуралдаанаар төслийг батлуулахыг дэмжсэн талаарх санал, дүгнэлтийг УИХ-ын гишүүн Б.Дэлгэрсайхан танилцууллаа.

Төсөл санаачлагчийн илтгэл, Байнгын хорооны санал, дүгнэлттэй холбогдуулан УИХ-ын гишүүн С.Бямбацогт, Чөлөөт бүс байгуулснаар, Монгол Улсын эдийн засагт хэрхэн өсөлт бий болох, иргэд аж ахуйн нэгж яаж оролцох, ач холбогдол зэргийг олон нийтэд тайлбарлаж өгөх шаардлагатайг хэллээ. Ойлголтын зөрүүнээс болж энэ төсөл олон жил гацаж байгааг тэмдэглэв.

Шадар сайд С.Амарсайхан гишүүдийн асуултад өгсөн хариултдаа, “Эдийн засгийн хамтын ажиллагааны бүс байгуулснаар хоёр хөрш улстай худалдаа, эдийн засгийн коридор байгуулах, транзит тээврийг хөгжүүлэх, нэмүү өртөг шингэсэн бүтээгдэхүүн үйлдвэрлэж гадагш гаргах, улмаар ЕвроАзийн бүсийн орнуудтай хамтын ажиллагаагаа өргөжүүлэх, мөн аялал жуулчлалыг хөгжүүлэх зэрэг олон талын ач холбогдолтой. Үүнийг дагаад ажлын байр нэмэгдэнэ, урт хугацаанд шинэ дэвшилтэт технологи нутагшуулах боломж бүрдэнэ” гэлээ.

Одоогоор манай чөлөөт бүсэд 66 аж ахуйн нэгж ажиллахаар газар эзэмшиж байгаа. Үүнээс 7 нь барилга байгууламжаа бариад эхэлсэн байна. “Замын-Үүд” чөлөөт бүсийн 3, 4 дүгээр хэсэгт цахилгаан хангамж, усан хангамж, ариутгах татуурга, автозам, холбоо дохиолол, дулааны станцын барилга байгууламж барьж байгуулсан. Цахилгаан станц бүрэн хүчин чадлаар ажиллавал чөлөөт бүс болон Замын-Үүд сумыг цахилгаанаар бүрэн хангах боломжтой юм байна.

“Замын-Үүд” чөлөөт бүсийн ажлыг идэвхжүүлж, ойрын хугацаанд байнгын ажиллагаанд оруулахаар ажиллаж байна. Хэлэлцээр хараахан соёрхон батлагдаагүй учраас одоохондоо хөрөнгө оруулах асуудал хүлээгдэж байна. Хятадын талтай ойлголтын ямар нэг зөрүү байхгүй. Төлөвлөлтөө харилцан уялдаатай зохицуулахаар хэлэлцээрт заасан, энэ дагуу аливаа асуудлыг Зохицуулах зөвлөлөөр ярилцаж шийдээд явах бүрэн боломжтой. Өнгөрсөн онд төсөл сонгон шалгаруулалтаас төсөвт 1 тэрбум төгрөг хуримтлуулсан, ирэх онд 6 тэрбумыг төсөвт төвлөрүүлэхээр тусгагдсан, үүний 20 хувийг авч ажилдаа зарцуулахаар төлөвлөж байгаа.

Эдийн засгийн хамтын ажиллагааны бүс нь Замын-Үүд боомттой зэрэгцэн оршиж ажиллах бөгөөд түр суурьшлын бүс болж, багахан хот байгуулна. Худалдаа, үйлдвэрлэл, тээвэр ложистик, зочид буудал, аялал жуулчлалын чиглэлээр түлхүү ажиллахаар төлөвлөжээ.

Гишүүд асуулт асууж хариулт авч, үг хэлж дууссаны дараа чуулганы үдээс өмнөх хуралдаан өндөрлөв. Чуулганы үдээс хойших хуралдаан төслийн санал хураалтаар үргэлжилнэ.

Categories
мэдээ нийгэм цаг-үе

Гэр бүлийн хүчирхийллийн гэмт хэрэг өмнөх оны мөн үеийнхээс 10 хувиар нэмэгджээ

Үндэсний статистикийн хорооны мэдээлснээр, Гэр бүлийн хүчирхийлэл үйлдэх гэмт хэрэг энэ оны эхний 11 сард нийт 110 бүртгэгдсэн нь өмнөх оны мөн үеийнхээс 10 (10.0%)-аар өссөн байна. Харин энэ оны 11 дүгээр сард 15 хэрэг бүртгэгдсэн нь өмнөх сараас 7 (87.5%)-гоор өссөн байна.

Гэр бүлийн хүчирхийллийн улмаас энэ оны эхний 11 сард 8644 зөрчил бүртгэгдсэний 6435 (74.4%) зөрчлийг шалган шийдвэрлэсэн байна. Бүртгэгдсэн гэр бүлийн хүчирхийллийн нийт зөрчил өмнөх оны мөн үеийнхээс 1142 (11.7%)-оор, шийдвэрлэсэн гэр бүлийн хүчирхийллийн нийт зөрчил 1447 (18.4%)-гоор тус тус буурчээ.

Гэр бүлийн хүчирхийллийн улмаас үйлдэгдсэн 1305 хэргийн 110 (8.4%) нь Монгол Улсын Эрүүгийн хуулийн 11.7 дугаар зүйл (Гэр бүлийн хүчирхийлэл үйлдэх гэмт хэрэг)–ээр зүйлчлэгдсэн байна.

Мөн гэр бүлийн хүчирхийллийн улмаас үйлдэгдсэн гэмт хэрэг энэ оны эхний 11 сард 1305 болж, өмнөх оны мөн үеийнхээс 261 (25.0%)-ээр, эмэгтэй хүн оролцсон хэрэг 3214 болж, 28 (0.9%)-аар, хүүхэд оролцсон хэрэг 680 болж, 35 (5.4%)-аар нэмэгдсэн байна. Харин согтуугаар үйлдсэн гэмт хэрэг 4306 болж, 165 (3.7%)-аар, бүлэглэн үйлдсэн хэрэг 1259 болж, 127 (9.2%)-гоор, мансуурсан үедээ үйлдсэн хэрэг 155 болж, 31 (16.7%)-ээр тус тус буурчээ.

Гэмт хэргийн улмаас учирсан хохирол энэ оны эхний 11 сард 174.1 тэрбум төгрөг, нөхөн төлүүлсэн хохирлын хэмжээ 81.3 тэрбум төгрөг болж, өмнөх оны мөн үеийнхээс учирсан хохирол 79.9 (31.4%) тэрбум төгрөгөөр буурч, харин нөхөн төлүүлсэн хохирол 4.4 (5.7%) тэрбум төгрөгөөр өссөн байна.

Categories
мэдээ нийгэм

Гол, нуурын мөс цөмөрснөөс 4 хүн амиа алджээ

Он гарсаар гол, нуурын мөс цөмөрсөн 16 тохиолдол бүртгэгдэж, 4 иргэн амь насаа алджээ. Дуудлагын 11 нь өнгөрсөн арав, арваннэгдүгээр саруудад бүртгэгдсэн байна.

Цаг уурын байгууллагын ирүүлсэн мэдээллээр арванхоёрдугаар сарын хоёрдугаар арав хоногийн байдлаар манай орны ихэнх гол мөрөн битүү мөсөн бүрхүүлтэй болсон хэдий ч олон жилийн дундаж болон 2020 оны мөн үеийнхээс 10-50 см нимгэн, гол мөрний нийт уртын дагууд мөсний зузаан харилцан адилгүй байна.

Мөн арванхоёрдугаар сард агаарын температур ихэнх нутгаар олон жилийн дунджаас дулаан, харин нутгийн баруун өмнөд хэсгээр дунджийн орчим байх төлөвтэй байна. Хэдийгээр ихэнх нутгаар олон жилийн дунджаас дулаан байх боловч цаг агаар таатай байх үеүдэд агаарын температур өдөртөө нэмэгдэж цас мөс хайлж, цаг агаарын муудалтын үеүдэд агаарын температур буурч, огцом хүйтрэлт ажиглагдах нөхцөл бүрдэх тул хөрсний гадарга хөлдөх, халтиргаа гулгаа ихсэх магадлалтай байгаа юм.

Иймд мөсний даац хүн, мал, машин тэрэг явахад хангалттай хэмжээнд хүрч бэхжээгүй байгаа тул цаг хожих, зам товчлох зэргээр мөсөн дээгүүр явах болон авто тээвэр хийхгүй байхыг Онцгой байдлын байгууллагаас онцгойлон анхааруулж байна.

Энэ мэдээнд өгөх таны үнэлгээ
Categories
мэдээ нийгэм цаг-үе

“Нарны замыг зургаан эгнээ болгож, 55-65 автобусны буудал барина” гэв

УИХ-ын чуулганы нэгдсэн хуралдаанаар Монгол Улс, Олон улсын сэргээн босголт, хөгжлийн банк хоорондын зээлийн хэлэлцээр, Улаанбаатар хотын тогтвортой авто зам, тээвэр төслийг батлах эсэх асуудлыг хэлэлцэж байна. Хэлэлцэж буй асуудалтай холбогдуулан гишүүд асуулт асууж, хариулт авлаа.

УИХ-ын гишүүн Ё.Баатарбилэг “100 сая долларын эргэн төлөлтийг хэрхэн төлөх вэ? 420 тэрбум гээд нийслэлд шийдсэн асуудлаа ирэх оноос хэрэгжүүлэх гэж байна. Ахиад цаана нь 300 орчим тэрбум төгрөгийн асуудал босож байгаа юм байна. Өмнөх 420 тэрбумаар юу хийхээ тодорхой төлөвлөсөн зүйл байгаа юу. Нийтийн тээврийн шинэчлэл гээд есөн тэрбум төгрөг байна. Гэтэл бодитой ажил алга. Дандаа автобусны буудлууд засна гэсэн байна. Зам тээврийн үр ашигтай төлөвлөлт, удирдлагыг сайжруулж ТЭЗҮ боловсруулна гэх юм. Өмнөх цаг хугацаанд замуудыг тооцоо судалгаа, ТЭЗҮ-г боловсруулсан бэлэн байдаггүй юм уу? Ингэж цавчаа хийдэг юмаа болих хэрэгтэй. Ингэж туйлаад байх боломж улсын эдийн засагт байна уу? Бараг гурав, дөрвөн сая доллароор километр зам засах өргөтгөнө гэж байх уу? Энэ 100 сая доллар заавал шаардлагатай юу?” гэлээ.

Сангийн сайд Б.Жавхлан “Энэ зээл бол дамжуулан зээл. Зээлийн эргэн төлөлтийг 100 хувь нийслэл хариуцна. 30 жилийн хугацаатай, эхний таван жилд үндсэн төлбөрөөс чөлөөлөгдөнө. Жилийн 1.24 хувийн хүүтэй. Хүү нь авч ашигласан зээлийн дүнгээс тооцогдож эхлэх учиртай” .

Ажлын хэсэг “420 тэрбум төгрөгийг гурав хувааж байгаа. Түгжрэл бууруулах цогц арга хэмжээний хүрээнд 390 тэрбум төгрөгийг газар чөлөөлөлтөд зарцуулах шаардлагатай. Үүнээс 110 тэрбум төгрөгийн газар чөлөөлөлтөд тавьсан. 100 тэрбумаар нийтийн тээврийг шинэчилнэ. 500 шинэ цахилгаан автобусыг нэвтрүүлнэ. Үлдсэн 100 тэрбум төгрөгийг хөдөлгөөний эрчим сайжруулахтай холбоотой шийдлүүдэд зарцуулна. 420 тэрбум төгрөг нь үндсэн хийх цогц ажлуудын суурь төсөв болно. Үүнтэй хавсраад зээлээр хэрэгжүүлэх төслүүдийн нэг нь Дэлхийн банкны төсөл юм. Уг төслөөр одооны байгаа 20 жилийн настай нарны замыг зургаан эгнээ болгохтой холбоотойгоор цогцоор нь инженерийн шугам сүлжээ, ногоон байгууламж, ус зайлуулах системийн хамт хийнэ. Нийтийн тээврийн шинэчлэлийн хүрээнд 35.3 км дөрвөн байршилд коридор үүснэ. Баригдаж байгаа зам дээрээ 55-65 автобусны жишиг буудал барих юм. Энэ 300 тэрбум бол таван жилийн хугацаанд хийгдэх юм. Харин 10 тэрбумын зураг төслийн тухайд зээлдүүлэгч байгууллагын тавьж байгаа шаардлагын нэг” гэлээ.