Month: December 2021

Тулгар төрийн 2230 жил, Их Монгол улс байгуулагдсаны 815 жил, Үндэсний эрх чөлөө, тусгаар тогтнолоо сэргээн мандуулсны 110 жил, Ардын хувьсгалын 100 жил, Эрүүл мэндийн салбар үүсэж хөгжсөний 100 жилийн ойг тохиолдуулан Ерөнхийлөгчийн зарлигаар салбартаа үр бүтээлтэй ажилласан эрхмүүдэд төрийн дээд цол, одон медалийг өнөөдөр гардуулж байна.

Төрд хөдөлмөр бүтээлээ үнэлүүлсэн эрхмүүдээс онцолбол,

• Вируслоги, халдвар судлалын салбарт үнэтэй хувь нэмэр оруулсан нэрт эрдэмтэн, төр нийгмийн зүтгэлтэн, эрүүлийг хамгаалахын гавьяат ажилтан, академич, профессор П.Нямдаваад,
• Мэдрэлийн мэс заслын салбарт шинжлэх ухаан, сургалт, эмнэлэг үйлчилгээний нэгдлийг ханган ажиллаж, уураг тархины судасны эмгэгийн онош, мэс засал эмчилгээг онолын хувьд баталгаажуулж, практикт бүрэн нэвтрүүлэн үр дүнг нь дэлхийн түвшинд хүргэсэн ЁА.Нотад Хөдөлмөрийн баатар цол хүртээв.

Сэлэнгэ аймгийн Мандал сумын харьяат, 44 настай М эхнэрээ зодож, гэр бүлийн хүчирхийлэл үйлдсэн байна. Тодруулбал тэрбээр архи, согтууруулах ундаа хэрэглэсэн үедээ эхнэрээ хардаж, “Утсаа шалгуулсангүй” гэх шалтгаанаар нүүрэн тус газарт нь цохиж, зоджээ.

Улмаар М-ыг Эрүүгийн хуулийн ерөнхий 5.3 дугаар зүйлийн 4 дэх хэсэгт зааснаар 480 мянган төгрөгөөр торгох ялаар шийтгэжээ.

Өнгөрсөн 2019 онд манай улсад БНХАУ-ын 800 иргэн ирж, цахим сүлжээ ашиглан мөнгө угааж байсныг илрүүлсэн. Тэгвэл тэднийг толгойлж байсан хятад иргэдэд өнгөрсөн есдүгээр сард ял оноосон.

Тодруулбал, шүүгдэгч Шүй Хуй Хуан, Хуан Яао Шэн, Еэ Чин Хуй нарыг зохион байгуулалттай гэмт бүлэг байгуулсан гэмт хэрэг үйлдсэн гэм буруутайд тус тус тооцож, Эрүүгийн хуулийн ерөнхий ангийн 3.1 дүгээр зүйлийн 1, 3.3 дугаар зүйлийн 1 дэх хэсгийг журамлан тусгай ангийн 20.3 дугаар зүйлийн 1 дэх хэсэгт, 2.8 дугаар зүйлийн 1, 2, 3.1 дүгээр зүйлийн 1, 3.3 дугаар зүйлийн 1 дэх хэсгүүдэд заасныг журамлан тусгай ангийн 17.3 дугаар зүйлийн 3 дахь хэсгийн 3.3 дахь хэсэгт зааснаар тус бүр 5 жилийн хорих ялаар шийдгэжээ.

Мөн шүүгдэгч Нарису, Хуан Ши Бин, Лиан Жү Фөн нарыг зохион байгуулалттай гэмт бүлэгт элссэн гэмт хэрэг үйлдсэн гэм буруутайд тус тус тооцож, Эрүүгийн хуулийн ерөнхий ангийн 3.1 дүгээр зүйлийн 1, 3.2 дугаар зүйлийн 1 дэх хэсгийг журамлан тусгай ангийн 20.3 дугаар зүйлийн 2 дахь хэсэгт зааснаар тус бүрийг 4 жилийн хорих ялаар шийтгэсэн байдаг.

Тэгвэл тэд давж заалдах шатны шүүхэд гомдол гаргасан бөгөөд шүүхээс өчигдөр буюу энэ сарын 23-нд хэргийг хэлэлцээд, анхан шатны шүүхийн шийдвэрийг хэвээр үлдээлээ.

УИХ-ын чуулганы хуралдаанаар Засгийн газраас өргөн мэдүүлсэн “Оюу толгой ордоос Монгол Улсын хүртэх үр ашгийг хангуулах тухай” Улсын Их Хурлын тогтоолын төслийг хэлэлцэх эсэх асуудлыг хэлэлцэж байна. Өчигдрийн хуралдаанаар Ардчилсан намын бүлэг завсарлага авсан юм. Уг асуудалтай холбогдуулан УИХ-ын гишүүн Г.Тэмүүлэн горимын санал гаргалаа. Тэрээр “Засгийн газар болоод хөрөнгө оруулагч талтай яриа хэлэлцээ үргэлжилж байна. Оюу толгой төсөлтэй холбоотой асуудлыг хариуцсан түр хороогоор үүнийг хаалттай хэлэлцсэн. Тиймээс уг асуудлыг чуулгын хуралдаанд хаалттай горимоор хэлэлцүүлнэ үү” гэлээ. Г.Тэмүүлэн гишүүний гаргасан саналаар санал хураалт явуулснаар “Оюу толгой ордоос Монгол Улсын хүртэх үр ашгийг хангуулах тухай” УИХ-ын тогтоолын төслийг хаалттай горимоор хэлэлцэж эхэллээ

Тулгар төрийн 2230 жил, Их Монгол Улс байгуулагдсаны 815 жил, Үндэсний эрх чөлөө, тусгаар тогтнолоо сэргээн мандуулсны 110 жил, Ардын хувьсгалын 100 жил, Чөлөөт бөхийн холбооны 60 жилийн ойг тохиолдуулан Монгол Улсын Ерөнхийлөгч У.Хүрэлсүх Эрүүл мэндийн салбарын зүтгэлтнүүдэд төрийн дээд шагнал, одон, медалиар шагнаж байна.

Импортын бараа бүтээгдэхүүн болох нарийн ногоо, жимс жимсгэнийг БНХАУ-ын Эрээн хотоос Улаанбаатар хотын чиглэлд тээвэрлэхдээ үнэ хөөрөгдөж 20-30 сая төгрөгөөр тээвэрлэсэн иргэн, аж ахуй эрхлэгчдэд торгууль ногдуулсан байна. Тодруулбал, 243 сая төгрөгийн хууль бус орлогыг хурааж, 38 сая төгрөгийн торгууль оногдуулсан байна.

Коронавирусийн Омикрон хувилбар хөнгөн хэлбэрээр өвчлүүлдэг нь эхний судалгаануудын үр дүнгээс харагджээ. Тус хувилбарыг судалсан эхний ажлуудын тайлан өчигдөр Их Британи, Өмнөд Африк улсад нийтлэгдэв. Омикрон нь коронавирусийн бусад бүх хувилбаруудтай харьцуулахад хүндээр өвчлүүлэх магадлал багатай гэнэ. Хэдийгээр хөнгөн өвчлүүлдэг хэдий ч тархах чадвар өндөр учраас эмнэлгүүдийн ачаалалыг нэмэгдүүлэх эрсдэлтэй байгаа талаар судлаачид хэлж байна.