Month: December 2021

Categories
мэдээ цаг-үе

“21 Дарь эхийн чуулган” тусгай үзэсгэлэн нээгдэнэ

Богд хааны ордон музей Үндэсний эрх чөлөөний хувьсгалын 110 жилийн ойд зориулан “ХОРИН НЭГЭН ДАРА ЭХИЙН ЧУУЛГАН” тусгай үзэсгэлэнг үзэгчдийн хүсэлтээр дахин толилуулахаар боллоо. Тус үзэсгэлэнгийн нээлт 2021 оны 12 дугаар сарын 27-ны өдрийн 11:40 цагт /морин цагт/ Богд хааны ордон музейн Өвлийн ордонд зохион байгуулагдах юм.

Соёлын бүтээлч сар аяны хүрээнд олон түмний таашаалд хүрсэн “ХОРИН НЭГЭН ДАРА ЭХИЙН ЧУУЛГАН” тусгай үзэсгэлэн нь Өндөр гэгээн Занабазарын өөрийн мутрын бүтээл, Монгол улсын хосгүй үнэт өв, дахин давтагдашгүй ур хийц бүхий Ногоон дара эх тэргүүтэй Хорин нэгэн дара эхийг хамтад нь нэг дороос үзэх боломжийг үзэгч олонд олгож байна. Тусгайлан зассан тайз декраци бүхий орчинд, хүссэн өнцгөөсөө харах боломжийг олгож буйгаараа энэхүү үзэсгэлэнгийн онцлог юм.

Түүнчлэн эл өдөр Үндэсний эрх чөлөөний хувьсгалын 110 жилийн ойд зориулан “ЭРХ ЧӨЛӨӨ” эрдэм шинжилгээний хурлыг Богд хааны ордон музейн хурлын танхимд зохион байгуулна. Эрдэм шинжилгээний хуралд:

▪️Төрийн шагналт, Түүхийн шинжлэх ухааны доктор, профессор О.Батсайхан

▪️Доктор, профессор Ж.Урангуа

▪️Доктор, дэд профессор Д.Энхцэцэг

▪️Доктор Б.Няммягмар

▪️Доктор, профессор Ц.Гантулга

нар оролцон өөрсдийн илтгэлийг хэлэлцүүлэх юм.

Эрхэм үзэгч та бүгдийг 12 дугаар сарын 27-ны өдөр Богд хааны ордон музей дээр зохион байгуулагдах энэхүү арга хэмжээнд хүрэлцэн ирэхийг урьж байна.

Categories
мэдээ нийгэм

“Монгол Улсын дурсгалын зоос” каталоги хэвлэгдлээ

Монгол Улс 1971 онд Ардын хувьсгалын 50 жилийн ойд зориулан анхны дурсгалын зоос гаргаж байснаас хойш өнгөрсөн хугацаанд Монголбанк нийт 634 зоос гаргаад байна. 2021 онд дурсгалын зоос гаргасны 50 жилийн ой тохиож байгааг тэмдэглэн Монголбанкны Эрдэнэсийн сан, зоос, мөнгөн тэмдэгт судлаач Ч.Энхбаттай хамтран “Монгол Улсын дурсгалын зоос” каталогийг эмхтгэн гаргалаа.

Энэхүү каталоги нь өнгөрсөн хагас зууны хугацаанд гарсан дурсгалын бүх зоосыг огнооны дарааллаар, олон улсын зоосны эмхэтгэлийн үндсэн зарчмын дагуу эрэмбэлэн дугаарлаж, зоосны мэдээллийн хамт оруулснаараа онцлогтой юм. Мөн дийлэнх зоосны зургийг бодит хэмжээгээр, харин жижиг зоосыг бодит хэмжээнээс 2 дахин томруулсан, цөөн тооны зоосыг бодит хэмжээнээс багасган тус тус тэмдэглэгээ хийхийн сацуу олон улсын тэмцээнээс шагнал хүртсэн зооснуудыг тодотгожээ.

Монголбанкны Ерөнхийлөгч Б.Лхагвасүрэн “Аливаа дурсгалын зоос нь тухайн үйл явдалд зориулсан зураг чимэглэл, тусгай бичвэрээрээ бусад зоосноос ялгагдах ба нэрлэсэн үнэ, банкны бэлгэдэл тэмдгийг агуулахаас гадна банк санхүүгийн бие даасан байдлыг харуулж, улс орныг сурталчлах өвөрмөц илэрхийлэл болдог” хэмээн катаолгийн өмнөх үгэнд дурьдсан байна.

Монголбанк нь түүхэн тэмдэглэлт ой, соёлын өв, спортын амжилт, түүхт хүмүүс, онцлог үйл явдал зэрэгт зориулан олон төрлийн дурсгалын зоосыг алт, мөнгө, цагаан алт зэрэг үнэт металл, никель зэс зэрэг өнгөт металаар гаргасаар ирсэн.

Техник, технологийн хөгжил өндөр түвшинд хүрч, зоос урлан бүтээгчдийн чадвар хөгжиж байгаа нь эдгээр дурсгалын зоосны загвар, үзэмжид эергээр нөлөөлж, ур хийцээрээ дэлхийн түвшинд үнэлэгддэг болжээ. Тухайлбал 2007 онд гаргасан “Нохой зээх” дурсгалын зоос “2009 оны шилдэг зоос” шагнал (ХБНГУ, Берлин), 2011 онд гаргасан “Шар шувуу” зоос “2013 оны хамгийн алдартай зоос” шагналыг (ХБНГУ, Берлин) тус тус хүртсэн байна.

2021 онд Монгол Улсад хоёр шатлалт банкны тогтолцоо үүсэж, хөгжсөний 30 жилийн ой тохиож буй бөгөөд энэ хүрээнд Монголбанк “Банкны ажилтны өдөр”-ийг угтан 6 дугаар сарын 2-ны өдөр Эрдэнэсийн сангийн дэргэд Мөнгөн тэмдэгтийн танхимыг нээсэн билээ.

Энэхүү танхимд эртний зоос, Монгол Улсад төлбөрийн үүрэг гүйцэтгэж байсан эд зүйлс, цаасан болон зоосон мөнгөн тэмдэгт, дурсгалын зоос зэрэг нэн ховор, түүхэн ач холбогдолтой үзмэрүүдийг шинээр дэглэж, нийтэд биетээр болон виртуал хэлбэрээр нээлттэй үзүүлж байна. Мөн тус танхимд санхүүгийн боловсрол олгох контентуудыг үзэж, мэдлэг мэдээлэл авах боломжтой.

Categories
мэдээ нийгэм

Жүжигчин О.Амгаланбаатар “Fighting Championship” тэмцээнд оролцоно

Жүжигчин О.Амгаланбаатар “Fighting Championship”- ийн 16 дахь удаагийн холимог тулааны аварга шалгаруулах тэмцээнд оролцоно. Тэрбээр +83 кг жинд өрсөлдөх юм. Тэрбээр эл тэмцээнд оролцох болсон тухайгаа цахим хуудасатаа бичсэн байна.

Энэ тухай өөрийн цахим хуудастаа бичсэнийг бүрэн эхээр хүргэе.

“MGL fighting championship 16 дахь удаагийн холимог тулааны аварга шалгаруулах тэмцээн FoodCity-д 5 цагаас эхлэх гэж байна. 3 сарын хөдөлмөрөө шалгаж, шал арчихад бэлээн #83+кг. Эхний раундад уначихгүйг хичээнээ дэмжээрэй манайхаан. Тулааны урлаг бол хүч хүндлэлийн нийлбэр юм гэж Гантөмөр багш хэлсэн” гэжээ.

Categories
мэдээ цаг-үе

Улаанбаатарт шөнөдөө 25 хэм хүйтэн


Малч­ид, иргэд, тээвэрчдэд зориулсан мэдээ: Ойрын өдрүүдэд ихэнх нутгаар цас орохгүй, өдөртөө хүйтний эрч бага зэрэг суларна.

2021 оны 12 сарын 26-ны 20 цагаас 12 сарын 27-ны 20 цаг
хүртэлх цаг агаарын урьдчилсан мэдээ

Хур тунадас: Нийт нутгаар багавтар үүлтэй, цас орохгүй.

Салхи: Ихэнх нутгаар баруунаас секундэд 4-9 метр, говь, тал, хээрийн нутгаар секундэд 12-14 метр хүрч ширүүснэ.

Агаарын температур: Шөнөдөө Дархадын хотгор, Завхан голын эх, Хүрэнбэлчир, Идэр, Тэс, Байдраг голын хөндийгөөр 34-39 хэм, Монгол-Алтай, Хангай, Хөвсгөл, Хэнтийн уулархаг нутаг, Орхон, Сэлэнгэ, Хараа, Ерөө, Туул, Тэрэлж, Халх голын хөндий, Дарьгангын тал нутгаар 28-33 хэм, Хангайн нурууны өвөр бэл болон говийн бүс нутгаар 15-20 хэм, бусад нутгаар 22-27 хэм, өдөртөө хүйтний эрч бага зэрэг суларч Дархадын хотгор, Завхан голын эх, Идэр, Тэс голын хөндийгөөр 23-28 хэм, Их нууруудын хотгор, Монгол-Алтай, Хөвсгөлийн уулархаг нутаг, Хүрэн бэлчир орчмоор 18-23 хэм, Хангай, Хэнтийн уулархаг нутаг, Эг, Үүр, Хараа, Ерөө, Туул, Тэрэлж, Халх голын хөндийгөөр 12-17 хэм, Хангайн нурууны өвөр бэл болон говийн бүс нутгаар 4-9 хэм, бусад нутгаар 8-13 хэм хүйтэн байна.

УЛААНБААТАР ХОТ ОРЧМООР: Багавтар үүлтэй. Цас орохгүй. Салхи баруунаас секундэд 4-9 метр. Шөнөдөө Яармаг-Сонгины орчмоор 30-32 хэм, бусад хэсгээр 23-25 хэм, өдөртөө 12-14 хэм хүйтэн байна.

БАГАНУУР ОРЧМООР: Багавтар үүлтэй. Цас орохгүй. Салхи баруунаас секундэд 5-10 метр. Шөнөдөө 28-30 хэм, өдөртөө 13-15 хэм хүйтэн байна.

ТЭРЭЛЖ ОРЧМООР: Багавтар үүлтэй. Цас орохгүй. Салхи баруунаас секундэд 5-10 метр. Шөнөдөө 29-31 хэм, өдөртөө 14-16 хэм хүйтэн байна.

2021 оны 12 дугаар сарын 28-наас 2022 оны 1 дүгээр сарын 01-нийг
хүртэлх цаг агаарын урьдчилсан төлөв

28, 30-нд Монгол-Алтай, Хөвсгөл, Хэнтийн уулархаг нутгаар, 29-нд төв, говь, зүүн аймгуудын нутгийн зарим газраар цас орж, явган шуурга шуурна. Салхи ихэнх хугацаанд секундэд 5-10 метр, 28-30-нд говь, тал, хээрийн нутгаар, 31-нд Алтайн салбар уулсаар секундэд 13-15 метр хүрч ширүүснэ. Дархадын хотгор, Завхан голын эх, Хүрэнбэлчир орчим, Идэр, Тэс, Байдраг голын хөндийгөөр шөнөдөө 32-37 хэм, өдөртөө 20-25 хэм, Увс нуурын хотгор, Хангай, Хөвсгөл, Хэнтийн уулархаг нутаг, Эг, Үүр, Хараа, Ерөө, Туул, Тэрэлж, Хэрлэн, Онон, Улз, Халх голын хөндий, Дорнод-Дарьгангын тал нутгаар шөнөдөө 26-31 хэм, өдөртөө 14-19 хэм, Хангайн нурууны өвөр бэл болон говийн бүс нутгаар шөнөдөө 14-19 хэм, өдөртөө 4-9 хэм, бусад нутгаар шөнөдөө 20-25 хэм, өдөртөө 8-13 хэм хүйтэн байна.

Categories
мэдээ улс-төр

Ирэх долоо хоногт УИХ-ын чуулганаар хэлэлцэх асуудлууд

Монгол Улсын Их Хурлын 2021 оны намрын чуулганы ирэх долоо хоногт /2021.12.27-12.31/ хуралдах нэгдсэн хуралдааны тов, хэлэлцэх асуудлын талаарх мэдээллийг та бүхэнд хүргэж байна.

МЯГМАР ГАРАГ /2021.12.28/

ЧУУЛГАНЫ НЭГДСЭН ХУРАЛДААН

16.00

· “Оюу толгой ордоос Монгол Улсын хүртэх үр ашгийг хангуулах арга хэмжээний тухай” Улсын Их Хурлын тогтоолын төсөл /Засгийн газар 2021.12.22-ны өдөр өргөн мэдүүлсэн, анхны хэлэлцүүлэг/

· Бусад

“Их хуралдай” танхимд

ЛХАГВА ГАРАГ /2021.12.29/

ЧУУЛГАНЫ НЭГДСЭН ХУРАЛДААН

12.00

· Улсын Их Хурлын Хүндэтгэлийн хуралдаан

“Их хуралдай” танхимд

ПҮРЭВ, БААСАН ГАРАГ /2021.12.30, 12.31/

ЦАГ

ЧУУЛГАНЫ НЭГДСЭН ХУРАЛДААН

ХААНА

10.00

· “Оюу толгой ордоос Монгол Улсын хүртэх үр ашгийг хангуулах арга хэмжээний тухай” Улсын Их Хурлын тогтоолын төсөл /Засгийн газар 2021.12.22-ны өдөр өргөн мэдүүлсэн, эцсийн хэлэлцүүлэг/

· Коронавируст халдвар /КОВИД-19/-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуульд өөрчлөлт оруулах тухай хуулийн төсөл /Засгийн газар 2021.12.23-ны өдөр өргөн мэдүүлсэн, анхны хэлэлцүүлэг/

· Гэмт хэрэг, зөрчлөөс урьдчилан сэргийлэх тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төсөл /Засгийн газар 2021.05.12-ны өдөр өргөн мэдүүлсэн, эцсийн хэлэлцүүлэг/

· “Тогтоолын хавсралтад нэмэлт, өөрчлөлт оруулах тухай” болон “Цалин, нэмэгдлийн хэмжээ тогтоох тухай” Улсын Их Хурлын тогтоолын төслүүд /Шүүхийн ерөнхий зөвлөлийн болон Шүүхийн сахилгын хорооны шүүгч бус гишүүний цалин хөлс, нэмэгдлийн тухай/

· Төрийн албаны зөвлөлийн орон тооны гишүүнийг томилох тухай асуудал

· Сангийн эрх зүйн байдлын тухай хуулийн төсөл /Засгийн газар 2021.11.24-ний өдөр өргөн мэдүүлсэн, хэлэлцэх эсэх/

· Коронавируст халдвар /КОВИД-19/-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуульд өөрчлөлт оруулах тухай хуулийн төсөл /Засгийн газар 2021.12.23-ны өдөр өргөн мэдүүлсэн, эцсийн хэлэлцүүлэг/

· “Монгол Улсын Их Хурлын гишүүний ёс зүйн дүрмийг шинэчлэн батлах тухай” Улсын Их Хурлын тогтоолын төсөл /Улсын Их Хурлын гишүүн Б.Бат-Эрдэнэ нарын 4 гишүүн 2021.03.24-ний өдөр өргөн мэдүүлсэн, эцсийн хэлэлцүүлэг/
Categories
гадаад мэдээ нийгэм

Өмнөд Солонгосын BTS хамтлагийн гурван гишүүн коронавирусийн халдвар авчээ

Өмнөд Солонгосын BTS хамтлагийн гишүүдээс коронавирусийн халдвар авсан хүний тоо гурав болсныг тус хамтлагийн менежмэнтийг хариуцдаг Big Hit Music агентлаг Бямба гарагт мэдээлжээ.

Баасан гарагт тус хамтлагийн гишүүн Сүга халдвар авсан нь тогтоогдсон юм. Тэгвэл Бямба гарагийн орой RM болон Жин нар нэмж өвчилсөн нь шинжилгээгээр тогтоогджээ.

Гурван гишүүн бүгд энэ оны наймдугаар сард вакцины хоёр дахь тундаа хамрагдсан юм байна.

K-pop урлагийг дэлхий нийтэд амжилттай дэлгэрүүлж буй BTS хамтлаг долоон гишүүнтэй юм. Халдвар авсан гишүүдээс Сүга, RM нарт халдварын шинж тэмдэг илрэхгүй байгаа бол Жин хөнгөн халуурч, гэртээ эмчлүүлж буйг агентлаг нь мэдээлжээ.

Хэсэг хугацаанд уран бүтээлээ завсарласан K-pop oдод АНУ-д хувийн зорилгоор зорчсоныхоо дараа эх орондоо саяхан буцаж ирцгээсэн юм. Тиймээс хамтлагийн гишүүд АНУ-д байхдаа халдвар авсан байж болзошгүй байна.

2013 онд байгуулагдсан BTS хамтлаг дэлхийн хөгжмийн зах зээлд хамгийн өндөр амжилт гаргасан K-pop уран бүтээлчид болоод байгаа.

2020 онд тус хамтлагийн дуунууд Billboard Hot 100 жагсаалтад гурван удаа тэргүүлж, нэр хүндтэй олон шагналыг хүртэж байв.

Эх сурвалж: Associated Press

Categories
мэдээ нийгэм

ЦЕГ: 15 машины толь, дугуй хагалсан этгээдүүдийг баривчилжээ

2021 оны 12-р сарын 25 наас 26-нд шилжих шөнө Сзхбаатар дүүргийн 11 дүгээр хороо Хангай хотхоны … байрны зүүн талд автозамын нэгдүгээр эгнээнд байрлуулсан 15 автомашины толь, дугуй зэрэг эд зүйлсэд халдаж гэмтээсэн хэрэг гарчээ.

Энэ тухай дуудлага цагдаагийн байгууллагад ирсэн бөгөөд Тээврийн цагдаагийн албаны Эрүүгийн цагдаагийн хэлтсийн алба хаагч нар шуурхай шалгаж хэргийг А, Т нар үйлдсэнийг илрүүлэн Сүхбаатар дүүргийн Цагдаагийн хоёрдугаар хэлтэст шалгалтын ажиллагааг явуулж байна.

Categories
мэдээ нийгэм

Цар тахлын голомтод ажилласан эмч, ажилтнуудын урамшуулалд 51 тэрбум төгрөг олгожээ

Эрүүл мэндийн яамны мэдээллээр улсын хэмжээнд 9.9 мянган эрүүл мэндийн ажилтан коронавируст халдвар авч, эмчлүүлсэн байна. Энэ нь нийт өвчлөлийн 1.4 хувийг эзэлж буй. 2020 оны 09 дүгээр сараас хойш цар тахлын хүнд нөхцөлд ажиллаж байхдаа коронавирусын халдвар авсан болон гэр бүлээ орхин эрсдэлт нөхцөлд ажилласан эмч, эрүүл мэндийн ажилтнуудын урамшуулалд нийт 51.6 тэрбум төгрөгийн мөнгөн урамшууллыг олгожээ.

Categories
мэдээ нийгэм эдийн-засаг

Энэ онд газрын тос олборлолт 30 хувиар өсчээ

Энэ оны эхний 11 сарын гүйцэтгэлээр 27,649.9 мян.тн нүүрс, 1,223.1 мян.тн зэсийн баяжмал, 17,928.5 кг алт, 5,842.0 тн молибдены баяжмал, 8,618.9 мян.тн төмрийн хүдэр, 3,511.3 мян.тн төмрийн хүдрийн баяжмал, 109.6 мян.тн хайлуур жоншны хүдэр, 57.3 мян.тн хайлуур жоншны баяжмал, 68.4 мян.тн цайрын баяжмал тус, тус үйлдвэрлэжээ.

2021 оны эхний 11 сарын гүйцэтгэлээр 4,633.5 мян.бар газрын тос үйлдвэрлэсэн нь өнгөрсөн оны мөн үетэй харьцуулахад 1,071.1 мян.бар буюу 30.1 хувиар өссөн байна.

Categories
мэдээ нийгэм

Натураас Нарны замыг холбосон замыг хаажээ

Баянзүрх дүүргийн нутаг дэвсгэр Натур худалдааны төвөөс урагшаа Нарны замыг холбосон туслах замын дунд хэсэгт дулааны шугамд гэмтэл гарч засварын ажил хийгдэж байгаатай холбоотой зорчих хэсгийг түр хаагаад байна.

Засварын ажлыг 2021.12.26-ны 08:00 цагаас 2021.12.27-ны 08:00 цагийн хооронд хийхээр төлөвлөжээ.