Өнөөдөр УДБЭТ-ын 59 дэх улирлын нээлт болно.
Шинэ улирлын нээлтээ Б.Дамдинсүрэнгийн “Учиртай гурван толгой” дууриар эхлүүлэхээр болсон бөгөөд өнөөдөр, маргааш 17:00 цагаас үзэгчдийн хүртээл болно. Энэ удаагийн “Учиртай гурван толгой” дуурийн Юндэнд Э.Бумхүү, Нансалмаад Ш.Наранчимэг, Хоролмаад гавьяат жүжигчин С.Мөнгөнцэцэг, Балганд О.Хүрэлбаатар, худалдаачин Э.Отгонбат нар дуулах юм.
Солонгосын алдарт BTS хамтлагийн шүтэн бишрэгчдэд зориулсан брэнд бүтээгдэхүүнийг худалдаалдаг BTS POP-UP дэлгүүр Зайсан Хиллд албан ёсны эрхтэйгээр нээгдлээ.
Өнөөдөр “Үндэсний цэцэрлэгт хүрээлэн”-гийн дугуйн зогсоолын талбайд Хадбаатарын Равдандорж агсны нэрэмжит “Дурсамж гүйлт-2021” гүйлтийн тэмцээн тав дахь жилдээ амжилттай болж өндөрлөлөө.
“Отгонтэнгэр хайрхан”-д осолдсон уулчдын дурсгалд зориулсан энэхүү дурсамж сэргээсэн, нөхөрсөг гүйлтийн тэмцээнд нийт 200 тамирчин, 100 гаруй хөгжөөн дэмжигчдийн хамт халдвар хамгааллын дэглэмээ сайтар баримтлан идэвхи, санаачилгатай оролцлоо. “Дурсамж гүйлт-2021” тэмцээнийг “Horizon mountaineering club” “Хайрхан аялагч клуб” хамтран зохион байгуулсан юм. Тус гүйлтийг 35-аас дээш, 35-аас доош гэсэн насны ангилалтайгаар холын зайн 10, 17км болон ойрын 3км-ийн зайд зохион байгуулсан юм.
Түүнчлэн энэ удаагийн тэмцээнийг өмнөх жилүүдээс илүү сонирхолтой болгох үүднээс 40-өөс дээш насныханд зориулсан “Дээлтэй гүйлт”-ийн төрлийг шинээр оруулж ирснээрээ онцлог байлаа. “Дээлтэй гүйлт”-д эрэгтэй 10 тамирчин, эмэгтэй 10 тамирчин идэвхтэй, өрсөлдөөнтэй оролцсон юм.
“Дурсамж-2021” гүйлтийн тэмцээнийг гадаад, дотоодын гүйлтийн спорт сонирхогчдын холбоо, хөдөө орон нутаг болон “Отгонтэнгэр хайрхан”-д осолдсон уулчдын ар гэр, найз нөхдийн хамтын санаачилга, хандив дэмжлэгээр жил бүр ийнхүү уламжлал болгон зохион байгуулдаг болжээ.
Таныг ажлаасаа тарсан үед дарга тань залгаж аль эсвэл зурвас бичсээр байдаг уу? Хэрэв тийм бол Португал улсад энэ үйлдлийг хууль бус гэж үздэг болжээ.
Тус улсад ажил олгогч нар ажлын бус цагаар ажилчид руугаа утсаар залгах, мессеж бичих, мэйл илгээхийг хуулиар хориглосон байна. Энэ нь ажилтнуудын хувийн орон зайг хүндэтгэх ёстой гэдгийг харгалзаж үзсэн ба тэдэнд гэр бүлтэйгээ цагийг өнгөрөөж амрах орон зайг олгох хэрэгтэй гэжээ.
Үүнтэй төстэй хууль 2017 онд Францын хөдөлмөр эрхлэгчдийн хуулинд багтжээ. Энд зааснаар ажилчид ажлын бус цагаар цахим зурвас хүлээж авахгүй байх эрхтэй байна.
Португалд батлагдсан хууль нь цар тахлын үед хөдөлмөр эрхлэгчид гэрээсээ ажиллаж байгаа орчин нөхцлийг сайжруулах бодлогын хүрээнд санаачлагджээ. Шинэ бодлогоор ажил олгогчид зайнаас ажиллаж байгаа ажилчдадаа шаардлагатай тоног төхөөрөмжөөр хангах ёстой. Мөн гэрээсээ ажиллаж байгаа нөхцөлд хий, цахилгаан зарцуулж байгааг тооцож нэмэлт зардлыг нь нөхөн олгохыг тусгажээ.
Уг хууль өнгөрсөн баасан гарагт Парламентад батлагдаж, маргааш өдрөөс нь хэрэгжиж эхэлсэн байна.
Эх сурвалж: CNN
АНУ-ын Умард Каролина мужид хүн амины гэмт хэрэг үйлдсэн гэх хэрэгт буруутгагдаж, 26 жилийн турш хоригдсон иргэнийг гэм зэмгүй болохыг нь баталж цагаатгасан байна. Донта Шарпе 1994 онд баривчлагдсанаасаа хойш өөрийгөө гэмгүй гэдгийг батлахаар удаан хугацаанд тэмцсэн ажээ. Эцэст нь түүнийг хорих газраас сулласан байна.
Тэрээр суллагдсаныхаа дараа миний гэр бүлийн нэр цэвэрлэгдлээ, уг хэрэг бидний мөрөн дээр удаан хугацаанд дараа болж байлаа хэмээн ярьжээ. ВВС агентлагийн эрэн сурвалжлах сэтгүүлчдийн сурвалжилснаар хэрэг нь бүрэн цагаатгагдсан тул Шарпе мужийн шүүхэд гомдол гаргаж, нөхөн төлбөр шаардахаар зэхэж байна.
Шарпе хилс хэрэгт гүтгэгдэн хоригдож байгаа гэм зэмгүй олон хүнийг мэдэх бөгөөд авлига хээл хахуулийн тогтолцоог өөрчлөх ёстой хэмээн ярьжээ.
Австралийн гал сөнөөгчид дур булаам халуухан залуус. Тэд үүнийгээ 2022 оны хуанлийн зураг авалтаараа дахин нэг баталлаа.
Австралийн гал сөнөөгчдийн цээж нүцгэн зураг бүхий хуанли гардаг уламжлал тогтоод багагүй хугацаа өнгөрсөн юм. Үүнийг ч дэлхий дахин ихээхэн хүлээдэг болжээ. Энэ жилийн хувьд зураг авалт гурван долоо хоног үргэлжилж, хэд хэдэн хуанлид зориулж залуус дурангийн өмнө зогсоцгоосон гэнэ.
Эрчим хүчний салбар 2020 оны жилийн эцсийн санхүүгийн тайлангаар 92 тэрбум төгрөгийн алдагдалтай ажилласан байна.
Салбарын үндсэн тоноглолын шинэчлэл, ажиллагсдын цалин хөлсийг нэмэгдүүлэх асуудалд анхаарлаа хандуулах шаардлагатай байгааг эрчим хүчний салбарынхан танилцууллаа. Ерөнхий сайд Л.Оюун-Эрдэнэ тус салбарт үүсээд буй эдгээр асуудлыг үе шаттай шийдвэрлэж ажиллана гэлээ.
Улсын хэмжээнд 2020 онд 7,145.7 сая кВт.ц цахилгаан эрчим хүч, 12.5 сая.Гкал дулааны эрчим хүч үйлдвэрлэж, цахилгаан эрчим хүчний хэрэглээний 80.7%-ийг дотоодын үйлдвэрлэлээс, 19.3 хувийг импортын цахилгаан эрчим хүчээр хангажээ. Монгол Улсын Ерөнхий сайд Л.Оюун-Эрдэнэ эрчим хүчний салбарын гол үйлдвэрлэгч “ДЦС-3” ТӨХК, “ДЦС-4” ТӨХК-ийн өвөлжилтийн бэлтгэл ажил, өргөтгөл шинэчлэлийн төслүүдийг хэрэгжүүлэх үйл явцтай өчигдөр танилцлаа.
Монгол Улсын эрчим хүчний салбар өвлийн их ачааллын үед системийн нийт суурилагдсан хүчин чадлыг бүрэн ашиглаж, нөөц тоноглолгүй ажиллаж байна. Өнгөрсөн оны төвийн системийн оргил ачаалал 1308 МВт-д хүрсэн бол 2021-2022 оны өвлийн оргил ачааллын чадлын хэмжээ 1371 МВт-д хүрэхээр таац гарчээ. Өвөлжилтийн бэлтгэл бүрэн хангагдсан байна. Уулзалтын эхэнд Ерөнхий сайд Л.Оюун-Эрдэнэ 2022 оны улсын төсөв өнөөдөр батлагдсаныг онцлоод, эрчим хүчний салбарын хөрөнгө оруулалтад онцгойлон анхаарсан төсөв болсон. Цар тахал бүх салбарт хүндрэл учруулж, дулаан, цахилгаан, эрчим хүчний эрэлт хэрэгцээ ч өсөн нэмэгдэж байна. Энэ хэрэглээг гүйцэхэд хүндрэлтэй болж буй тул цаг алдалгүйгээр Засгийн газар онцгой анхаарал хандуулан арга хэмжээ авч ажиллаж байгааг хэллээ.
Монгол Улсын хэмжээнд цахилгаан эрчим хүчний хэрэглээ сүүлийн жилүүдэд дунджаар 7-8 хувиар өсч байхад дотоодын эх үүсвэрүүдийн үйлдвэрлэлийн хэмжээ 6-7 хувийн өсөлттэй байгаа аж. Түүнчлэн Улаанбаатар хотод төвлөрсөн дулаан хангамжийн системд жилд дунджаар 190 Гкал/ц-ийн хэрэглээ бүхий 280 гаруй барилга байгууламж төвлөрсөн дулаан хангамжид холбогдож байна. Хотын дулааны хэрэглээ жилд 7-8 хувиар өсөн нэмэгдэж 2025 оны түвшинд 3874 Гкал/ц болохоор байна. Хэрэглээ ингэж жилээс жилд өсөн нэмэгдсээр байгаа ч үйлдвэрлэж буй өртгөөс бага үнэ, тарифаар борлуулдаг нь энэ салбарыг алдагдалд оруулах гол хүчин зүйл болжээ.
Өнгөрсөн 30 жилд энэ салбар гал унтраах, аргацаах байдлаар явж ирсэн. Одоо энэ хандлагыг эрс өөрчилнө. Засгийн газраас эрчим хүчний салбарт томоохон бүтээн байгуулалтуудыг эхлүүлж байгаа гэв. “Тавантолгойн цахилгаан станц”, “Амгалан дулааны станц”, “ДЦС-2”, “ДЦС-3”, “Чойбалсангийн дулаан цахилгааны станц”-ыг өргөтгөнө. Мөн Засгийн газрын 2021 оны есдүгээр сарын 22-ны хуралдаанаар олон жил саатсан Эрдэнэбүрэнгийн усан цахилгаан станцын бүтээн байгуулалтыг эхлүүлэх шийдвэр гаргасан.
Уг станц ашиглалтад орсноор баруун бүс болон Алтай, Улиастайг дотоодын эрчим хүчээр бүрэн хангах боломжтой болно. Арваннэгдүгээр сарын 9-нд ОХУ-ын Ерөнхий сайд М.В.Мишустинтай утсаар ярьж “ДЦС-3”-ын өргөтгөлийн төслийн талаар санал солилцсон. ОХУ-ын Эрчим хүчний орлогч сайдаар ахлуулсан ажлын хэсэг байгуулагдаж хамтран ажиллаж байна. Манай улсын эрчим хүчний салбартай хамтын ажиллагааны туршлагатай ОХУ-ын Интер РАО-Экспорт компани ТЭЗҮ-ийг 180 хоногт багтаан манай талд ирүүлэхээр тохиролцсон. ТЭЗҮ-г үндэслэн ОХУ-ын Засгийн газраас авах экспортын зээлийн асуудлыг 2022 оны I улиралд багтаан Засгийн газрын хуралдаанаар хэлэлцэхээр төлөвлөснийг Ерөнхий сайд хэллээ.
Цар тахлыг даван туулах үр дүнтэй арга бол вакцинжуулалт. Энэ хүнд үеийг давж эдийн засгийн өсөлтөө дэмжихийн тулд эрчим хүчний салбарынхан ч нэмэлт тунд идэвхтэй хамрагдахыг Ерөнхий сайд Л.Оюун-Эрдэнэ энэ үеэр мөн хүслээ.2021 оны эхний есөн сарын байдлаар үйлдвэрлэл 7,070.0 сая кВт.ц, импортын хэмжээ 1,377.73 сая кВт.ц-т хүрч 2020 оны бүтэн жилийн гүйцэтгэлээс даваад байна. Импортын эрчим хүчийг хэрэглэгчийн үнээс өндөр үнээр худалдан авдаг. Тиймээс импортын эрчим хүчний хэмжээ нэмэгдсэнээр эх үүсвэргүй их хэмжээний санхүүгийн өглөг үүсч буйг Эрчим хүчний сайд Н.Тавинбэх Ерөнхий сайдад танилцууллаа.
Монгол-Алтай, Хөвсгөлийн уулархаг нутаг, Завхан голын эх, Хүрэнбэлчир орчим, Идэр, Тэс голын хөндийгөөр шөнөдөө 17-22 градус, өдөртөө 0-5 градус, Их нууруудын хотгор, Орхон-Сэлэнгийн сав газар, говийн бүс нутгийн өмнөд хэсгээр шөнөдөө 4-9 градус хүйтэн, өдөртөө 4-9 градус дулаан байна. Харин бусад нутгаар шөнөдөө 9-14 градус хүйтэн, өдөртөө 0-5 градус дулаан, 13-нд нутгийн хойд хэсгээр, 14-нд ихэнх нутгаар бага зэрэг хүйтэрнэ.
Улаангом суманд 160 метр квадрат талбайтай, жилийн дөрвөн улирлын турш ашиглах боломжтой өвлийн хүлэмж ашиглалтад орлоо.
Тодруулбал, Азийн хөгжлийн банкны Японы ядуурлыг бууруулах сан, ХХААХҮЯ-тай хамтран хэрэгжүүлж байгаа “Хоршоолсон хэлбэрээр ногооны аж ахуй эрхлэх замаар өрхийн амьжиргааг сайжруулах 9192-МОН” төслийн хөрөнгө оруулалтаар тус хүлэмжийг байгуулжээ. Энэхүү “Өвлийн нарлаг хүлэмж”-ийг барих ажлыг орон нутгийн “Оточ буян” компани гүйцэтгэж, энэ сарын 12-ны өдөр ашиглалтад хүлээлгэн өглөө.
Тус ажлыг ХХААХҮЯ-аас томилогдсон ажлын хэсэг хүлээн авч, цаашид хариуцан ажиллуулах “Комплекс хүлэмжид байц” хоршоонд хүлээлгэн өгсөн юм.
Увс аймагт өвлийн хүлэмжийн аж ахуй эрхлэх ажлыг өнгөрсөн жил Тариалан сумаас эхлүүлсэн бөгөөд энэ нь үр дүнтэй хэрэгжсэн тул ийнхүү хоёр дахь хүлэмжийг байгуулаад байна.
Шарлаж, өнгөр тогтсон шүдийг гэрийн нөхцөлд хэрхэн хурдан цайруулж болох зөвлөгөөг хүргэе.
Тал лимоны шүүсийг шахаж бэлтгээд нэг цайны халбага хүнсний содыг сайтар холиод шүдээ угаасны дараа сойзоор шүдэндээ сайтар түрхэж өгнө. Түрхэх явцдаа сайн үрээрэй. Энэ аргаар долоо хоногт нэг удаа шүдэндээ түрхэхэд хангалттай.
Лимон нь таны шүдэнд олон талын ач тустай. Тухайлбал, шүд өвдсөн үед лимоны шүүсийг тэр хэсэг дээрээ хөвөнд шингээж тавих юм бол өвчин намддаг байна. Мөн лимонд агуулагдах хүчил нь бактерийн эсрэг үйлчилгээтэй тул амны хөндийн элдэв өвчнөөс урьдчилан сэргийлэх ач холбогдолтой юм.
Шүдний чулууг хэрхэн арилгах вэ
Шүдний чулуу нь ясан шүд гэлтгүй сүүн шүд мөн хиймэл шүдэн дээр ч гарч ирдэг. Хоол идсэний дараа хоолны үлдэгдэл шүдний завсар үлдэж хуримтлагдсанаар улмаар хатуурч шүдний чулууг үүсгэдэг байна. Өнгөний хувьд шар болон бор өнгөтэй байдаг. Шүдний чулууг зөвхөн ОО, сойз ашиглан арилгах боломжгүй юм. Тиймээс танд шүдний чулууг гэрийн нөхцөлд арилгах арга санал болгоё. Танд дараах зүйлс хэрэгтэй.
30 гр нунтагласан хушганы яс
200 мг ус
Саванд усаа хийж дээрээс нь нухсан хушганы ясаа хийгээд 20 минут буцалгана. Дараа нь хөргөгчинд хийж хөргөсний дараа хэсгийг шүдний сойзон дээр авч шүдний чулуутай хэсгүүдээр сайтар үрж таван минут угаана.