Month: November 2021

Categories
мэдээ нийгэм цаг-үе

2022 ОНЫ УЛСЫН ТӨСӨВ: Төрийн өмчит компаниудын үр ашиг, ил тод байдал, хариуцлага, өгөөжийг нэмэгдүүлнэ

2022 оны төсвийн тухай хуулийн төслүүдийг УИХ-ын намрын чуулганы нэгдсэн хуралдаанаар хэлэлцэн (2021.11.12) баталлаа. Монгол Улсын хөгжлийг хурдасгах, эдийн засгийг богино хугацаанд тэлэхэд чиглэсэн шинэчлэлүүд ирэх 2022 оны төсөвт дараах байдлаар туссан.

Төрийн өмчит компаниудын ашигт ажиллагаа, засаглал, ил тод байдал, хариуцлагыг сайжруулж төсөвт төвлөрүүлэх орлогыг нэмэгдүүлэх зорилгоор “ЗАСАГЛАЛ, БҮТЦИЙН ӨӨРЧЛӨЛТ, НОГДОЛ АШГИЙН БОДЛОГО”-ын шинэчлэл хийнэ. Төрийн өмчийн компаниудыг үйл ажиллагаа, санхүү, ашигт ажиллагааны үр дүнгээр нь үнэлж дүгнэх, хариуцлага тооцох бөгөөд энэ талаарх мэдээллийг олон нийтэд ил тод, нээлттэй болгоно. Түүнчлэн, ногдол ашгийн бодлогыг олон улсын жишигт нийцүүлснээр төрийн өмчит хуулийн этгээд зардлаа хэмнэх, ашгаа нэмэгдүүлэх, оновчтой хөрөнгө оруулалт хийх шийдвэр гаргах хөшүүрэг бий болно .

Categories
мэдээ спорт цаг-үе

Б.Баттөр эхний үед хүнд цохилтоор яллаа

Монголын холимог тулааны урлагийн MFC холбоо, АНУ-ын “Dragonhouse MMA”-тай хамтран өнөөдөр/2021.11.14/ “Zhong Luo series 02” өдөрлөгийг зохион байгуулж байна.

Энэхүү өдөрлөгт Монгол Улсаа төлөөлөн MFC холбооны аваргын бүсээ хамгаалахаар М.Нандин-Эрдэнэ “Ангууч” хочит Б.Баттөр, чөлөөт бөхийн дэлхийн аваргын мөнгөн медальт, гавьяат тамирчин П.Өнөрбат, залуу тамирчин Ө.Тэмүүжин нар оролцлоо.

Холимог тулааны MFC холбооны ээлжит эвент АНУ-ын Сан Франциско хотод болж байна. Б.Баттөр эхний үед 24 секунтэд Америк тулаанч Нэйтан Монтаног хүнд цохилтоор яллаа. Мөн Гавьяат тамирчин П.Өнөрбат тулааны хоёрдугаар үед Америк тулаанч Деннис Агуйларыг нокаутаар ялжээ.

Дашррамд дурдахад, MFC холбооны сүүлийн тулаан 2019 оны зургадугаар сард болж, М.Нандин-Эрдэнэ уг холбооны хөнгөн жингийн аварга болж байсан билээ.
256779459_1416936542036947_5287510657721692356_n
257241965_433713421446114_8779442222624188725_n
256532658_433713404779449_205678928233031408_n

Categories
гадаад мэдээ

Гэмт хэргийн бүлэглэлүүдийн хооронд мөргөлдөөн гарсны улмаас 68 хоригдол алуулжээ

Баасан гаригаас бямба гаригт шилжих шөнө Өмнөд Америк тивийн Эквадор улсын хамгийн том шоронд гэмт хэргийн бүлэглэлүүдийн хооронд мөргөлдөөн гарсны улмаас 68 хоригдол алагджээ.

Литорал нэртэй уг шорон нь тус улсын хамгийн том хот Гуаяакилийн орчимд байдаг. Мөргөлдөөний үеэр 68 хоригдол алагдаж, 25 хоригдол шархадсан тухай Эквадорын Прокурорын Газар өчигдөр мэдээлжээ.

Өнгөрсөн есдүгээр сард гарсан бас нэг мөргөлдөөний үеэр Литорал шоронд 119 хоригдол алагдаж байв.

Энэ он гарсаар Эквадорын нийт шоронгуудад 300 орчим хоригдол алагдаад байна.

Баасан гаригийн шөнө гарсан мөргөлдөөнийг бямба гаригийн өглөө цэрэг, цагдаагийн хүч зогсоож чаджээ.

Эквадор улсын шоронгуудад нийт 40,000 хүн хоригдож байгаагаас 8,500 нь Литоралд хоригддог. Шоронгуудын багтаамж үндэсний хэмжээнд 55 хувиар хэтэрсэн байдгаас Литоралд 62 хувийн хэтрэлттэй байгаа гэнэ.

Өнгөрсөн сард Эквадорын шоронгуудын захиргаа ачааллыг багасгахын тулд хөнгөн гэмт хэрэг үйлдсэн, өндөр настай 2,000 орчим хоригдлыг өршөөлөөр суллах шийдвэрээ зарласан юм.

Эквадорын гэмт хэргийн бүлэглэлүүд Мексикийн Синалоа, Халиско зэрэг хар тамхины томоохон картелиудын бараа бүтээгдэхүүнийг тээвэрлэн борлуулах болсноор хоорондын тэмцэл нь улам ширүүсэж, шоронд хүртэл өрнөдөг болоод байгааг албаныхан тайлбарлаж байна.

Categories
мэдээ нийгэм цаг-үе

Гадаадаас ирэх иргэдийн анхааралд

Гадаад улс орноос Монгол Улсад ирж байгаа иргэдэд дараах зөвлөмжийг мөрдөхийг зөвлөж байна.

Хэрвээ та гадаадын аль нэг улс орноос Монгол Улсад ирэх гэж байгаа бол хилийн боомтоор нэвтрэхээс өмнөх 72 цагийн дотор PCR шинжилгээ хийлгэсэн, шинжилгээний “сөрөг” хариутай байна. Өвдөөд эдгэрсэн тохиолдолд эдгэрснийг нотлох баримт бичгийг үзүүлэн хилээр нэвтэрнэ.

Түүнчлэн “Covid-19”-ийн эсрэг вакцины бүрэн тун авснаас хойш 14 хоногийн хугацаа өнгөрсөн бол, эсвэл өвдөөд эдгэрснийг нотлох баримт бичигтэй тохиолдолд гэрийн тусгаарлалтад орохгүй юм.

Харин,

  • “Covid-19” вакцинд хамрагдаагүй
  • “Covid-19” вакцины бүрэн тун хийлгээгүй
  • “Covid-19” вакцины бүрэн тунд хамрагдсанаас хойш 14 хоног болоогүй
  • “Covid-19” вакцинд хамрагдсан, “Covid-19” вакцины дараах 14 хоног өнгөрсөнч гэр бүлийн болон асран халамжинд байгаа 0-18 насны вакцин хийлгээгүй хүүхэдтэй хамт ирсэн хүн долоо хоногийн хугацаанд гэрийн тусгаарлалтад байх шаардлагатай.

Эдгээр тохиолдолд ирсэн даруйд оршин суугаа нутаг дэвсгэрийн харьяа өрхийн эмнэлэгтээ гадаадаас ирж, гэрийн тусгаарлалтад орсон тухайгаа мэдэгдэн, өрхийн эмчийн хяналтад орно. Гэрийн тусгаарлалтын хугацаанд гэртээ зочин урихгүй байх, олон нийтийн газар явахгүй байх зэрэг халдвар, хяналтын дэглэм сахихаас гадна биеийн халууныг тогтмол хянаж, “Covid-19”-ийн сэжигтэй шинж тэмдэг илэрвэл яаралтай өрхийн эмнэлэгтээ хандаж, PCR шинжилгээнд хамрагдах хэрэгтэй. Эмнэл зүйн шинж тэмдэг илрээгүй тохиолдолд хөл хориог дуусгаж хэвийн амьдралын горимд шилжих аж.

Categories
мэдээ онцлох-нийтлэл туслах-ангилал эдийн-засаг

2022 ОНЫ УЛСЫН ТӨСӨВ: Хөгжлийн төслүүдийг эхлүүлж, экспортыг нэмэгдүүлэх хөрөнгө оруулалтыг дэмжих замаар эдийн засгийг сэргээнэ

Монгол Улсын Засгийн газраас 2021 оны 9 дүгээр сарын 30-ны өдөр өргөн барьсан Монгол Улсын 2022 оны төсвийн тухай, Нийгмийн даатгалын сангийн 2022 оны төсвийн тухай, Эрүүл мэндийн даатгалын сангийн 2022 оны төсвийн тухай, Ирээдүйн өв сангийн 2022 оны төсвийн тухай хуулийн төслүүдийг УИХ-ын намрын чуулганы нэгдсэн хуралдаанаар хэлэлцэн (2021.11.12) баталлаа.

Улсын Их Хуралд өргөн мэдүүлсэн 2022 оны төсөв нь дотоодын эдийн засгийг гурав дахин тэлэх томоохон төслүүдийг дэмжих, ажлын байрыг нэмэгдүүлэх, төрийн үйлчилгээний чанар, хүртээмжийг нэмэгдүүлэх, төрийн байгууллагын зардлыг хэмнэх, хотын түгжрэлийг бууруулахад чиглэсэн “ХӨДӨЛМӨР, БҮТЭЭМЖ, ӨСӨЛТ”-ийг дэмжих төсөв байв. Монгол Улсын хөгжлийг хурдасгах, эдийн засгийг богино хугацаанд тэлэхэд чиглэсэн шинэчлэлүүд ирэх 2022 оны төсөвт дараах байдлаар туссан.

ХӨГЖЛИЙН ТӨСЛҮҮДИЙГ ЭХЛҮҮЛЖ, ЭКСПОРТЫГ НЭМЭГДҮҮЛЭХ, ХӨРӨНГӨ ОРУУЛАЛТЫГ ДЭМЖИХ ЗАМААР ЭДИЙН ЗАСГИЙГ СЭРГЭЭНЭ

Ирэх онд 2.5 их наяд төгрөгийн хөрөнгө оруулалт хийгдэхээс зам тээвэр, эрчим хүч, барилга, бүтээн байгуулалтын салбарт 1.8 их наяд төгрөгийн хөрөнгө оруулалт хийгдэнэ.Түүнчлэн, Зам тээврийн салбарт хийх шинэ хөрөнгө оруулалтыг 7.1 дахин, барилга хот байгуулалтын салбарт хийх шинэ хөрөнгө оруулалтыг 3.7 дахин, эрчим хүчний салбарын шинэ хөрөнгө оруулалтыг 6.4 дахин нэмэгдүүллээ. Тухайлбал: Дорнод аймгийн Хэрлэн сумаас Хавиргын боомт чиглэлийн 124.5 км хатуу хучилттай авто зам, Төв аймгийн Угтаалцайдам, Цээл, Заамар сумдыг холбох 122.4 км авто зам, Өндөрхаан хотоос Ульхан боомт хүртэлх 254 км авто зам зэрэг төслүүдийг улсын төсвөөс санхүүжүүлнэ. Мөн Замын-Үүд, Гашуунсухайтад Сүхбаатар, Алтанбулаг, Боршоо, Бичигт хилийн боомтуудын нэвтрүүлэх хүчин чадлыг нэмэгдүүлэхэд шаардлагатай хөрөнгө оруулалтыг шийдвэрлэнэ.

Categories
мэдээ спорт

​ДАШТ-д Монгол Улсаа төлөөлөн оролцох тамирчид тодорлоо

2022 оны дөрөвдүгээр сард БНХАУ-ын Вуши хотноо зохион байгуулагдах Таеквондогийн насанд хүрэгчдийн ДАШТ-д оролцох тамирчдыг сонгон шалгаруулах тэмцээн өнөөдөр (2021.11.13-ны өдөр) амжилттай зохион байгуулагдлаа.
Эрэгтэйчүүдийн
-54кг жинд: Ё.Пүрэвдаш /Кёнхи клуб/
-58кг жинд: ОУХМ Т.Энхжин /Олимп клуб, Спортын дунд сургууль/
-63кг жинд: ОУХМ Д.Чинзориг /Олимп клуб/
-68кг жинд: ОУХМ Э.Буяншагай /Олимп клуб/
-74кг жинд: Ц.Баянбат /Нэгэнбүл клуб/
-80кг жинд: А.Азбаяр /Харцага клуб/
Эмэгтэйчүүдийн
-49кг жинд: Б.Учрал /Олимп клуб, Спортын дунд сургууль/
-57кг жинд: Д.Бямбажаргал /Торнадо кик клуб/
-62кг жинд: Ж.Ичинхорлоо /Хархорин клуб/
ДАШТ-д өрсөлдөх тамирчдын батламжийг Монголын Таеквондогийн холбооны Дэд Ерөнхийлөгч Э.Батмагнай, Ерөнхий нарийн бичгийн дарга А.Түмэнжаргал нар гардуулан өгч амжилтын дээдийг хүсэн ерөөлөө.
Энэ дашрамд сорил тэмцээнийг эрүүл, аюулгүй зохион байгуулах нөхцөлийг бүрдүүлсэн Э.Батмагнай дэд ерөнхийлөгч, заал танхимаар тусалсан таеквондогийн Нэгэнбүл клубын хамт олон, тэмцээнийг шударга шүүн дэнсэлсэн шүүгч нартаа, тамирчдаа бэлтгэн оролцуулсан дасгалжуулагч, багш нартаа талархал илэрхийлье.

May be an image of 13 people, people standing and indoor

МОНГОЛЫН ТАЕКВОНДОГИЙН ХОЛБОО
Categories
мэдээ нийгэм цаг-үе

ЭМЯ: Ковидын 666 тохиолдол бүртгэгдэж, есөн хүн нас барлаа

Сүүлийн 24 цагийн хугацаанд улсын хэмжээнд коронавируст халдварын 666 тохиолдол бүртгэгджээ.

Шинээр илэрсэн тохиолдлуудын 376 нь Улаанбаатар хотод , 290 нь орон нутаг тохиолдол батлагдсан байна.

Мөн сүүлийн 24 цагт коронавируст халдварын улмаас 9 хүн нас баржээ.

Өнөөдрийн байдлаар халдварын улмаас нийт 1805 хүн эндээд байна. Одоогоор коронавируст халдварын улмаас улсын хэмжээнд 10379 иргэн эмнэлэгт хэвтэн эмчлүүлж байна.

Хэвтэн эмчлүүлж буй иргэдийн биеийн байдал:

-Хөнгөн: 4248

-Хүндэвтэр: 4691

-Хүнд: 1207

Нэн хүнд: 233 иргэн байна.

May be an image of map and text

Categories
мэдээ улс-төр цаг-үе

Ирэх долоо хоногт УИХ-ын байнгын болон түр хороодын хэлэлцэх асуудлууд

Монгол Улсын Их Хурлын байнгын болон түр хороодын ирэх долоо хоногт /2021.11.15-11.19/-т хуралдах хуралдааны тов, хэлэлцэх асуудлын дэгийг та бүхэнд хүргэж байна.

БАЙНГЫН ХОРООНЫ ХУРАЛДААН /2021.11.15/

14.00

Хууль зүйн байнгын хороо зохион байгуулна:

Хэлэлцэх асуудал:

· Томилгооны сонсгол /Шүүхийн сахилгын хорооны шүүгч бус гишүүнийг сонгон шалгаруулах/

“Жанжин Д.Сүхбаатар” танхимд

БАЙНГЫН, ТҮР ХОРООНЫ ХУРАЛДААН /2021.11.16/

09.00

Хууль зүйн байнгын хороо зохион байгуулна:

Хэлэлцэх асуудал:

· Томилгооны сонсгол /Шүүхийн ерөнхий зөвлөлийн шүүгч бус гишүүнийг сонгон шалгаруулах/

“Жанжин Д.Сүхбаатар” танхимд

10.00

Нийгмийн бодлогын байнгын хорооны хуралдаан:

Хэлэлцэх асуудал:

· Ажиллах хүчний шилжилт хөдөлгөөний тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүд /Засгийн газар 2020.04.07-ны өдөр өргөн мэдүүлсэн, анхны хэлэлцүүлэг/

“Их засаг” танхимд

14.00

Эдийн засгийн болон Инновац, цахим бодлогын байнгын хорооны хамтарсан хуралдаан:

Хэлэлцэх асуудал:

· Виртуал хөрөнгийн үйлчилгээ үзүүлэгчийн тухай хуулийн төсөл болон хамт өргөн мэдүүлсэн хуулийн төслүүд /Засгийн газар 2021.05.12-ны өдөр өргөн мэдүүлсэн, анхны хэлэлцүүлэг/

“Үндсэн хууль” танхимд

14.30

Байгаль орчин, хүнс, хөдөө аж ахуйн байнгын хорооны хуралдаан:

Хэлэлцэх асуудал:

· Ажлын хэсэг байгуулах тухай /Хүнсний тухай хуулийн хэрэгжилтийн буюу стратегийн хүнсний нөөц бүрдүүлэх, экспорт, импортын асуудал, төмс, хүнсний ногооны үйлдвэрлэл, үрийн хангамж, шинэчлэлийн талаар хяналт шалгалтын/

· Ажлын хэсэг байгуулах тухай /Тусгай хамгаалалттай газар нутгийн тухай хуулийн хэрэгжилтийн талаар хяналт шалгалтын/

· Ажлын хэсэг байгуулах тухай /Мал, амьтны эрүүл мэндийн тухай хуулийн хэрэгжилтийн талаарх хяналт шалгалтын/

“Их засаг” танхимд

15.00

Эдийн засгийн байнгын хорооны хуралдаан:

Хэлэлцэх асуудал:

· “Монгол-Оросын хувь нийлүүлсэн Улаанбаатар төмөр зам нийгэмлэгийн талаар авах зарим арга хэмжээний тухай” Улсын Их Хурлын тогтоолын төсөл /Засгийн газар 2021.11.03-ны өдар өргөн мэдүүлсэн, хэлэлцэх эсэх/

· “Төрөөс мөнгөний бодлогын талаар 2022 онд баримтлах үндсэн чиглэл батлах тухай” Улсын Их Хурлын тогтоолын төсөл /эцсийн хэлэлцүүлэг/

“Үндсэн хууль” танхимд

16.00

Түр хорооны хуралдаан: /Оюу толгой ордын ашиглалтад Монгол Улсын эрх ашгийг хангуулах тухай Улсын Их Хурлын 2019 оны 92 дугаар тогтоолын хэрэгжилтэд хяналт тавих, шаардлагатай бол санал боловсруулж, дүнг нэгдсэн хуралдаанд танилцуулах үүрэг бүхий/

Хэлэлцэх асуудал:

· Оюу толгой төслийн гадны хөрөнгө оруулагч талтай хэлэлцээ хийх, төслийг тохирох, эцэслэсэн хувилбарыг Засгийн газрын хуралдаанд танилцуулах үүрэг бүхий ажлын хэсгээс ажлын явц байдлын талаар мэдээлэл сонсох

“Их засаг” танхимд

БАЙНГЫН ХОРООНЫ ХУРАЛДААН /2021.11.17/

10.00

Хууль зүйн байнгын хорооны хуралдаан:

Хэлэлцэх асуудал:

· Шүүхийн ерөнхий зөвлөлийн болон шүүхийн сахилгын хорооны шүүгч бус гишүүнд нэр дэвшүүлэх асуудал

· Эрүүгийн хэрэг хянан шийдвэрлэх тухай хуульд өөрчлөлт оруулах тухай хуулийн төсөл /Монгол Улсын Үндсэн хуулийн цэцийн 2021 оны 07 дугаар дүгнэлтийг хүлээн авсантай холбогдуулан боловсруулсан./

· Улсын Их Хурлын даргын 2021 оны 33 дугаар захирамжаар байгуулагдсан ажлын хэсгийн санал, дүгнэлтийг сонсох.

“Их Эзэн Чингис хаан” танхимд

14.00

Аюулгүй байдал, гадаад бодлогын болон Инновац, цахим бодлогын байнгын хорооны хамтарсан хуралдаан:

Хэлэлцэх асуудал:

· Кибер аюулгүй байдлын тухай хуулийн төсөл болон хамт өргөн мэдүүлсэн хуулийн төслүүд /Засгийн газар 2021.06.30-ны өдөр өргөн мэдүүлсэн, анхны хэлэлцүүлэг/
Categories
мэдээ нийгэм цаг-үе

Өнөө маргаашдаа ихэнх нутгаар цаг агаар тогтуун байна

Малчид, иргэдэд зориулсан мэдээ: Өнөө маргаашдаа ихэнх нутгаар цаг агаар тогтуун байна.

2021 оны 11 сарын 14-ний 08 цагаас 20 цаг хүртэл: Нутгийн хойд хэсгээр солигдмол үүлтэй, бусад нутгаар багавтар үүлтэй. Монгол-Алтай, Хөвсгөл, Хэнтийн уулсаар ялимгүй цас орно. Бусад нутгаар цас орохгүй. Салхи ихэнх нутгаар баруунаас секундэд 4-9 метр, тал, хээрийн нутгаар секундэд 12-14 метр хүрч ширүүснэ. Монгол-Алтайн уулархаг нутаг, Дархадын хотгор, Завхан голын эх, Хүрэнбэлчир орчим, Идэр, Тэс голын хөндийгөөр 0-5 хэм хүйтэн, говийн бүс нутгийн өмнөд хэсгээр 4-9 хэм, бусад нутгаар 0-5 хэм дулаан байна.

УЛААНБААТАР ХОТ ОРЧМООР: Багавтар үүлтэй. Цас орохгүй. Салхи баруунаас секундэд 4-9 метр. Өдөртөө 2-4 хэм дулаан байна.

БАГАНУУР ОРЧМООР: Багавтар үүлтэй. Цас орохгүй. Салхи баруунаас секундэд 5-10 метр. Өдөртөө 1-3 хэм дулаан байна.

ТЭРЭЛЖ ОРЧМООР: Багавтар үүлтэй. Цас орохгүй. Салхи баруунаас секундэд 5-10 метр. Өдөртөө 0-2 хэм дулаан байна.

2021 оны 11 дүгээр сарын 15-наас 11 дүгээр сарын 19-нийг
хүртэлх цаг агаарын урьдчилсан төлөв

15-нд Монгол-Алтайн уулархаг нутгаар, 16-нд баруун болон төвийн аймгуудын нутгийн зарим газраар, 17-нд Алтай, Хангай, Хөвсгөл, Хэнтийн уулархаг нутгаар, 18-нд баруун болон төвийн аймгуудын нутгийн хойд хэсгээр цас орно. Салхи 15-нд Монгол-Алтайн уулархаг нутгаар, 16, 17, 18-нд нутгийн зарим газраар секундэд 14-16 метр хүрч ширүүснэ.

Монгол-Алтайн уулархаг нутаг, Дархадын хотгор, Завхан голын эх, Хүрэнбэлчир орчим, Тэс голын хөндийгөөр шөнөдөө 20-25 хэм, өдөртөө 1-5 хэм, Хангай, Хөвсгөл, Хэнтийн уулархаг нутаг,, Идэр, Эр, Үүр, Туул, тэрэлж гаолын хөндийгөөр 14-19 хэм хүйтэн, өдөртөө 2 хэм хүйтнээс 3 хэм дулаан, Их нууруудын хотгор болон говийн бүс нутгийн өмнөд хэсгээр шөнөдөө 2-7 хэм хүйтэн, өдөртөө 5-10 хэм дулаан, бусад нутгаар шөнөдөө 8-13 хэм хүйтэн, өдөртөө 1-6 хэм дулаан байна. 16-нд нутгийн баруун хойд, 17-нд нутгийн зүүн хойд хэсгээр, 18-нд ихэнх нутгаар бага зэрэг хүйтэрнэ.

Categories
мэдээ нийгэм цаг-үе

Дархлаажуулалтын цэгүүд 17:00 цаг хүртэл ажиллана

Өнөөдөр /2021.11.14/ Улаанбаатар хотод суурин 15 цэгт 23 багийн 92 эмч, ажилтан ажиллаж, 3038 иргэнийг дархлаажуулахаар төлөвлөлөө. Та өөрт ойр вакцины аль ч цэгт очиж дархлаажуулалтад хамрагдах боломжтой. Дархлаажуулалтын цэгүүд 10:00-17:00 цаг хүртэл ажиллана.

Дархлаажуулалтын цэгийг дүүрэг тус бүрээр танилцуулж байна.