Month: November 2021

Categories
мэдээ спорт

Д.Батсүмбэрэл АНУ-ын тамирчинг яллаа

Америкийн холимог тулааны “Legacy Fighting Alliance” холбооны 117 дахь тэмцээн АНУ-ын Калифорни мужийн Пресно хотод зохион байгуулагдлаа. Монгол Улсыг төлөөлж “Хилчин спорт хороо”-ны тамирчин хошууч Д.Батсүмбэрэл 77 кг жинд өнөөдөр Монголын цагаар 10.00 тулалдлаа.

Тамирчин Д.Батсүмбэрэл АНУ-ын тамирчин Emilio Williams-ыг I үед боолт хийж хугацаанаас өмнө яллаа. Ингэснээр манай тамирчин найм ялж, хоёр ялагдаад байгаа юм байна.

Хилчин тамирчингийн хувьд Mонголын холимог тулааны MGL-1 холбооны 77 кг жингийн гурван удаагийн аварга, DragonHouse холбооны 77 кг жингийн аваргын бүсийг 2017 онд эзэмшсэн юм.

Categories
мэдээ спорт

Өнөөдөр манай долоон жүдоч барилдана

Жүдо бөхийн Бакугийн Гранд Сламын хоёр дахь өдрийн барилдаанууд өнөөдөр (2021.11.06) болно. Энэ өдөр эмэгтэйчүүдийн -63 кг, -70 кг болон эрэгтэйчүүдийн -73 кг, -81 кг-ын жингийн барилдаанууд болох хуваарьтай. Монгол Улсаа төлөөлөн долоон жүдоч барилдана.

Эрэгтэйчүүдийн -73 кг

  • Ц.Цогтбаатар жингийнхээ чансааг тэргүүлсэн учир эхний тойрогтоо гоц мөргөлөө. Харин хоёрдугаар тойрогтоо Японы Рёо Цүкамото болон Азербайжаны Руфат Маммадов нарын ялсантай нь барилдана.
  • О.Уранбаяр эхний тойрогтоо Японы Кэн Оёошитой учраа таарлаа. Хэрэв ялвал дараагийн тойрогтоо Азербайжаны алдарт Рустам Оружовтой барилдана.

Эрэгтэйчүүдийн -81 кг

  • Б.Мөррэнцэн эхний тойрогтоо Азербайжаны Карим Маммодовтой учраа таарчээ. Хэрэв ялалт байгуулбал хоёрдугаар тойрогтоо Молдовын Дорин Готоноагатай барилдана.
  • Г.Болор-Очир эхний тойрогтоо гоц мөргөлөө. Харин хоёрдугаар тойрогтоо Канадын Франкоис Гаутьер Драпеау болон Бразилын Эду Ловган Рамос нарын ялсантай нь барилдана.

Эмэгтэйчүүдийн -63 кг

  • С.Лхагвадулам эхний тойрогтоо Японы Мэгүми Хорикаватай учраа таарлаа. Хэрэв ялвал дараагийн тойрогтоо Венесуэлийн Анрикуэлис Барриостой барилдана.
  • Б.Ганхайч эхний тойрогтоо гоц мөргөлөө. Харин хоёрдугаар тойрогтоо Чехийн Рената Зачоватай учраа таарав.

Эмэгтэйчүүдийн -70 кг

  • Ц.Энхчимэг эхний тойрогтоо гоц мөргөж, хоёрдугаар тойрогтоо Германы Жулье Хоэлтерхоффтой учраа таарлаа.
Categories
гадаад мэдээ

Саудын Арабын иргэдийн 60 хувь нь орон сууцтай

Саудын Араб улсад орон сууцны үнэ сүүлийн таван жилийн дээд хурдаар өслөө. Үүнд тус улсын Засгийн газар иргэдийн орон сууц өмчлөлийг нэмэгдүүлэх чиглэлд зээлийн нөхцөлийг хөнгөлөх арга хэмжээ авсан нь нөлөөлжээ. Орон сууцны үнэ өнгөрсөн 12 сарын хугацаанд Саудын Арабын нийслэл Рияад болон Жидда хотуудад 12-17 хувиар өссөн байна.

Одоогоор Саудын Арабын иргэдийн 60 хувь нь орон сууц эзэмшдэг аж. Харин тус улсын Засгийн газар 2030 он гэхэд энэ үзүүлэлтийг 70 хувьд хүргэхийг зорьж байгаа юм.

Categories
амьдралын-өнгө мэдээ цаг-үе

СЭРЭМЖЛҮҮЛЭГ: Зам тээврийн ослын улмаас бага насны хоёр хүүхэд нас баржээ

Дархан-Уул аймгийн “Орхон сумын салдаг гэх газарт тээврийн хэрэгсэл онхолдож хүн нас барсан байна” гэх дуудлага мэдээлэл 11 дүгээр сарын 05-ны 15:18 цагт цагдаагийн байгууллагад иржээ.

Тодруулбал, Иргэн Б гэгч нь Тоёота приус маркийн тээврийн хэрэгслийг жолоодож яваад онхолдож, зам тээврийн осол гарган зорчиж явсан 5 настай Д гэмтэж, 4 настай А, 2 настай Т нар нас баржээ.

Иймээс иргэдийг архи согтууруулах ундаа хэрэглэсэн үедээ жолооны ард суухгүй байхыг анхааруулж байна.

May be an image of outdoors

Categories
гадаад мэдээ

Мадрид хотын гудамжаар найман тэмээ, нэг лам гөрөөс явжээ

Испанийн нийслэл Мадрид хотын гудамжаар баасан гаригийн үүрээр хоёр бөхтэй найман тэмээ, нэг лам гөрөөс явж байсныг цагдаа нар олжээ.

Тэднийг ойролцоох “Quiros Circus” нэртэй циркэс оргосныг тогтоосон байна. Амьтдыг ямар нэг эрсдэлд оруулалгүй буцааж, циркт нь хүлээлгэж өгчээ

Циркийн менежер Мати Муноз амьтдын торыг хэн нэгэн зориуд эвдэж, нээсэн байсныг илрүүлснээ сэтгүүлчдэд ярьсан байна.

Амьтны эрхийг хамгаалагчид үүнийг үйлдсэн гэж сэжиглэж байгаагаа тэр бас илэрхийлжээ. Жил бүр ийм хөдөлгөөний идэвхтнүүд циркийн амьтдыг суллахыг шаардаж жагсдаг юм байна.

“Bactrian Camel” гэж олон улсад нэрлэгддэг хоёр бөхтэй тэмээ нь Төв болон Зүүн Азийн говь цөлийн уугуул амьтан юм. Харин Llama гэгддэг лам гөрөөс нь Өмнөд Америк тивийн Андын нурууны уугуул амьтан ажээ.

Categories
мэдээ энтертаймент-ертөнц

Яншуйны ашиг тус

Яншуй нь цусыг цэвэрлэдэг нарийн ногоо юм. Хятадууд яншуй “хатан ногоо” гэдэг. Дээр үед яншуйг зөвхөн язгууртнууд хэрэглэдэг байжээ.
Элэг цөсний хямралтай бол , яншуй хоолондоо хэрэглээрэй. Ногоо бүхэн янз бүрийн аминдэм агуулж тэр чанар нь хүний биед аминдэм болдог.

Яншуй: Эрхэмсэг амтлагч. Ялангуяа шєлтэй хоолыг гойд сайхан амт орууладг. Давсаг бөөрний өвчин, ядаргаанд яншуйг эмийн журмаар хэрэглэсээр иржээ. Өдөр бvр яншуйтай хоол иддэг хvн хєнгєн шалмаг, тамир тэнхээ сайтай болдог байна.

Яншуйг бид эвгүй үнэр амттай хэмээн аль болох хэрэглэхээс зайлсхийдэг билээ. Хоолны чимэглэл төдий ногоон өвс шиг энэ ургамал уг нь хаяад байхааргүй ашигтай, хүний биед тустай аж.
Яншуй нь хараанд сайнаар нөлөөлдөг. Уг ногоонд бета-каротин, витамин А их хэмжээгээр агуулагддаг тул ийнхүү хараанд сайн.
Үүнээс гадна уг ногоон нь гемоглобины түвшнийг нэмэгдүүлдгээс гадна кальци ихээр агуулдаг тул яс, шүдний бэхжилтэд эергээр нөлөөлдөг. Яншуй антиоксиндантаар баялаг. Тиймээс ч хөгшрөх үйл явцыг удаашруулж, аюултай өвчнүүдээс урьдчилан сэргийлдэг байна.
Зүрхний өвчинд тустайгаас гадна шээх хөөх ид шидтэй. Зүрхний хэмийг тогтворжуулж нойргүйдлийг анагаахад тустай байдаг байна. Амны хөндийн эвгүй үнэрийг багасгадаг бөгөөд бөөрний өвчний үед болгоомжтой хэрэглэх хэрэгтэй.

No photo description available.

Categories
мэдээ нийгэм цаг-үе

Хууль бусаар мод бэлтгэх төрлийн гэмт хэрэг 236 бүртгэгджээ

Улсын хэмжээнд хууль бусаар мод бэлтгэх төрлийн гэмт хэрэг энэ оны эхний 10 сард 236 бүртгэгдсэн нь өмнө оны мөн үеэс 15 хэргээр буюу 6.8 хувиар өссөн үзүүлэлттэй байна. Энэ нь хүрээлэн байгаа орчны эсрэг гэмт хэргийн 49.2 хувийг эзэлж байна.

Энэ төрлийн гэмт хэрэг, зөрчлөөс урьдчилан сэргийлэх, илрүүлэх зорилгоор давхардсан тоогоор 39 удаагийн эргүүл хяналт шалгалтыг 42 тээврийн хэрэгсэлтэй, цагдаагийн алба хаагч 122, мэргэжлийн хяналтын байцаагч 34, байгаль орчны улсын байцаагч 85, байгаль хамгаалагч 89, нийт 330 алба хаагчид хамтран зохион байгуулж гэмт хэргийн шинжтэй 102 үйлдлийг илрүүлж таслан зогсоосон байна. Экологийн цагдаагийн албаны болон нутаг дэвсгэр хариуцсан цагдаагийн байгууллагад шалгагдаж байгаа хэргүүдийг нэгтгэн авч шийдвэрлэх боломжтой 128 хэргийг мөрдөн шалгах ажиллагаа явуулж эрх бүхий нэгжүүдэд хүргүүлэн шийдвэрлэлтэд хяналт тавьж ажилласан байна. Экологийн асуудал хариуцсан алба хаагчдаас 18 хэргийг шүүхэд шилжүүлэх, 40 хэргийг эрүүгийн хэрэг үүсгэж яллагдагчаар татах, 33 хэргийг хаах, 6 хэргийг харъяаллын дагуу шилжүүлэх тус тус саналтайгаар нийт 97 хэргийг холбогдох байгууллагуудад шийдвэрлэхээр хүргүүлсэн аж. Мөн ойн цэвэрлэгээ хийх зөвшөөрлийн халхавчаар нойтон мод бэлтгэж, модон материалын захын ченжүүдэд худалдсан гэх хэргүүдийг ч тус тус шалгаж байгаа аж.

Categories
гадаад мэдээ

“Pfizer” компанийн бүтээсэн эм өвчний хүндрэл, эндэгдлийг 89 хувиар бууруулжээ

Өчигдөр Америкийн эм үйлдвэрлэлийн Pfizer компани Covid-19 өвчний эсрэг бүтээсэн эмийнхээ туршилтын үр дүнг танилцуулжээ.

“Paxlovid” нэрээр зах зээлд гарах эмийг туршилтад оролцсон эрсдэлтэй бүлгийн насанд хүрэгчдэд халдварын шинж тэмдэг илэрснээс нь хойш гурван хоногийн дотор уулгахад хүндрэл, эндэгдлийг 89 хувиар бууруулсан байна.

“Pfizer” компани одоо туршилтын үр дүнгээ АНУ-ын Хүнс, Эмийн хэрэг эрхлэх газарт илгээж, яаралтай горимд хэрэглэх зөвшөөрөл хүсэхээр төлөвлөж байгаа гэнэ.

Коронавирусийн халдвар авсан 1,219 хүнийг туршилтад оролцуулсан байна. Тэд бүгд ямар нэг суурь архаг хууч өвчтэй буюу эрсдэлтэй бүлгийнхэн байжээ.

Туршилтад оролцогчдыг санамсаргүй байдлаар хоёр бүлэгт хувааж, нэг бүлэгт нь шинэ эмийг уулгаж, нөгөө бүлэгт нь уулгаагүй байна. Эм уулгасан бүлгийн хүмүүсээс гурвынх нь бие хүндэрсэн бол ганц ч хүн нас бараагүй гэнэ. Харин нөгөө бүлгээс 27 хүн хүндээр өвчилж, долоо нь нас баржээ.

Categories
амьдралын-өнгө мэдээ

Баянхонгор аймгийн Гурванбулаг суманд хасах 30 хэм хүрч хүйтэрчээ

Баянхонгор аймгийн хангайн уулархаг нутгаар 25-30 градус, тал хээрийн нутгаар 20-27 градус хүйтэн, говийн нутгаар 13-19 градус болж хүйтэрч байна. Өнгөрсөн шөнө хамгийн хүйтэн нь буюу Гурванбулаг суманд 30 хэм хүрч хүйтэрчээ.

Хангайн уулархаг нутгаар 12-16 градус хүйтэн, Алтайн салбар уулс болон тал хээрийн нутгаар 4-14 градус хүйтэн, говийн нутгаар 4 градус дулаанаас 10 градус хүйтэн байсан байна.

Түүнээс гадна Баянхонгор аймгийн ихэнх нутгаар цасан бүрхүүлтэй байгаа аж. Тодруулбал, Баянбулаг, Богд, Баянбулаг, Баацагаан, Бууцагаанаас бусад суманд 0-9 см цасан бүрхүүлтэй, Богд, Баянговь, Хуучинжинст, Шинэжинст, Эхийнгол, 2-3мм, Галуут, Эрдэнэцогт, Бөмбөгөр, Баянхонгор 0-0.9мм, Хуучинжинст, Богд, Баянговь, 1-3мм, Баянлиг, Баянхонгорт 0.2-0.4мм цас ороод байна.

Салхи өчигдөр Баянцагаан 16м/с, завсрын хугацаанд 21м/с, Шинэжинст, Эхийнгол, Байдраг, Баацагаан, Бөмбөгөр, Шаргалжуут гол, Хориулт, Байдраг, Баянцагаан, Баацагаан, Баянлиг, Баян-Өндөр, Бодь 10-12м/с хүрч цасан шуурга шуурсан, Баянцагаан 13м/с, бусад нутгаар 2-8м/с салхитай байжээ.

Ойрын өдрүүдэд цаг агаар хүйтэрч, хур тунадастай, салхи шуургатай байхыг холбогдох албанаас анхааруулж байна.

Categories
мэдээ нийгэм цаг-үе

Беларусь улсаас мах, сүүний чиглэлээр цэвэр үүлдрийн үхэр импортлоно

Монгол Улсын Засгийн газар, Бүгд Найрамдах Беларусь Улсын Засгийн газар хоорондын Экспортын зээлийн ерөнхий хэлэлцээрийн хүрээнд “Мах, сүүний чиглэлийн цэвэр үүлдрийн үхэр, сүүний саалтуур, хөргүүртэй танк нийлүүлэх” төсөл хэрэгжүүлэхээр шийдвэрлэсэн.

Дээрх төслийн хүрээнд сүүний чиглэлийн 5000 толгой, махны чиглэлийн 4000 толгой, мах, сүүний чиглэлийн өндөр ашиг, шимтэй цэвэр үүлдрийн үхэр Монгол Улсад нийлүүлэхээр төлөвлөжээ.

Эхний ээлжийн 500 толгой махны чиглэлийн цэвэр үүлдрийн үхэр (грейфорд, абердин-ангусс, лимузин) худалдан авах гэрээг Хүнс, хөдөө аж ахуй, хөнгөн үйлдвэрийн яамны Бодлого, төлөвлөлтийн газрын дарга Ц.Болорчулуун Бүгд Найрамдах Беларусь Улсын “Белплемживобъединение” үржлийн малын нэгдсэн аж ахуйтай 2021 оны арваннэгдүгээр сарын 1-ний өдөр Минск хотноо байгуулжээ.