Month: October 2021

Categories
зурхай мэдээ нийгэм цаг-үе

Улаан нохой өдөр

Аргын тооллын аравдугаар сарын 05, Ангараг гариг. Билгийн тооллын 29, Харцага одтой, улаан нохой өдөр. Өдрийн наран 6:57 цагт мандан, 18:24 цагт жаргана. Тухайн өдөр бар, морь жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын авшиг авах, шинэ гэр ба байр авах, хишиг даллага дуудуулах, насан бүтээл хийлгэх, хүүхэд үрчлэн авах, гэр, байшингийн суурь тавихад сайн. Эрдэнийг гадагш өгөх, нүүдэл суудал хийх, хэрүүл тэмцэл хийхэд муу.

Өдрийн сайн цаг нь бар, луу, могой, бич, тахиа, гахай болой. Хол газар яваар одогсод хойш мөрөө гаргавал зохистой.

Үс шинээр үргээлгэх буюу засуулахад тохиромжгүй.

Categories
мэдээ нийгэм цаг-үе

Улаанбаатар хотод өдөртөө 10-12 хэм дулаан байна


УЛААНБААТАР ХОТ ОРЧМООР: Шөнөдөө багавтар үүлтэй, өдөртөө үүлшинэ. Хур тунадас орохгүй. Салхи баруун өмнөөс секундэд 4-9 метр. Шөнөдөө Яармаг-Сонгины орчмоор 6-8 градус, бусад хэсгээр 2-4 градус хүйтэн, өдөртөө 10-12 градус дулаан байна.

Хур тунадас: Нутгийн баруун хагаст солигдмол үүлтэй, бусад нутгаар багавтар үүлтэй. Нийт нутгаар хур тунадас орохгүй.

Салхи: Ихэнх нутгаар баруун өмнөөс секундэд 5-10 метр.

Агаарын температур: Шөнөдөө Алтай, Хангай, Хөвсгөл, Хэнтэйн уулархаг нутаг, Завхан голын эх, Хүрэнбэлчир орчим, Идэр, Тэс, Байдраг, Эг, Үүр, Тэрэлж голын хөндийгөөр 8-13 градус, Туул, Хэрлэн, Онон, Улз, Халх голын хөндийгөөр 4-9 градус хүйтэн, говийн бүс нутгийн өмнөд хэсгээр 0-5 градус дулаан, бусад нутгаар 0-5 градус хүйтэн, өдөртөө Алтай, Хангай, Хөвсгөл, Хэнтэйн уулархаг нутаг, Завхан голын эх, Хүрэнбэлчир орчим, Идэр, Тэс голын хөндийгөөр 2-7 градус, говийн бүс нутгийн өмнөд хэсгээр 11-16 градус, бусад нутгаар 7-12 градус дулаан байна.

БАГАНУУР ОРЧМООР: Шөнөдөө багавтар үүлтэй, өдөртөө үүлшинэ.Хур тунадас орохгүй. Салхи баруун өмнөөс секундэд 5-10 метр. Шөнөдөө 6-8 градус хүйтэн, ө­дөртөө 9-11 градус дулаан байна.

ТЭРЭЛЖ ОРЧМООР: Шөнөдөө багавтар үүлтэй, өдөртөө үүлшинэ. Хур тунадас орохгүй. Салхи баруун өмнөөс секундэд 5-10 метр. Шөнөдөө 8-10 градус хүйтэн, өдөртөө 8-10 градус дулаан байна.

Categories
мэдээ нийгэм онцлох-нийтлэл туслах-ангилал

Өдрийн сонинд “Төр хэвлэлийн байгууллагатай байгаа нь хууль зөрчиж байна” хэмээн өгүүллээ

Өглөө бүр тантай хамт байдаг “Өдрийн сонин”-ы мягмар гаригийн дугаар 12 нүүрээр хэвлэгдэж, та бүхний гарт хүрч байна.

“Өдрийн сонин”-ы тэргүүн нүүрт академич Р.Гончигдорж “Үндсэн хуулийн
хямрал улам гүнзгийрч, эрх мэдлийн
хуваарилалт, харилцан хяналт
алдагдаж байна” гэснийг “Улс төр” нүүрээс үргэлжлүүлэн уншаарай.

“Өдрийн сонин”-ы албаны даргаар
Н.Гантулга, Б.Номин-Эрдэнэ нарыг
томиллоо.

“Өдрийн сонин”-ы нийтлэлийн бодлогыг тодорхойлогч, ард түмний дуу хоолой болдог “Баримт, үзэл бодол” нүүрт “Төр хэвлэлийн байгууллагатай
байгаа нь хууль зөрчиж байна” хэмээн өгүүллээ.

Энэ удаагийн “Өдрийн сурвалжлага”-д иргэн Н.Цэвэгмаа “Шөнө буруу галлачихсан байх вий,
угаартчих вий дээ гэж бодоод нойр хулжих юм” хэмээн ярилааа.

“Баримт, Үйл явдал”-ын VII нүүрт Чингэлтэй дүүргийн 50
дугаар сургуулийн захирал,
Монгол Улсын Зөвлөх багш М.Цогзолма “50 дугаар сургуулийн Үйлдвэрчний хорооны
дарга Х.Болормаа НОК-ын шийдвэрийг зөрчсөнөөр хэд
хэдэн багш ковидын халдвар авчихаад байна” гэв.

“No Double Standart”
хөдөлгөөний гишүүн,
Д.Монголхүүгийн Өмгөөлөгч А.Пүрэвдулам “Эрх
баригчдад үйлчилдэггүй, энгийн иргэдэд
үйлчилдэг хууль, тэгш бус байдлыг л
эсэргүүцэж байна” гэснийг III нүүрээс уншаарай.

Дэлгэрэнгүй мэдээллүүдийг уншихыг хүсвэл дараах линкээр бүртгүүлж уншина уу. https://admin.dnn.mn/plugins/news/login/

Эдгээр болон бусад цаг үеийн мэдээ мэдээлэл, ярилцлага, сурвалжлагыг “Өдрийн сонин”-ы мягмар гаригийн дугаараас уншаарай.

Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудангийн салбаруудаас болон сонин борлуулах цэгүүд, Хэвлэлийн биржээс худалдан авах боломжтой. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдан авч болохыг дуулгая. Түүнчлэн “Өдрийн сонин”-ы өөрийн байранд ирж худалдан авч болно. Уншигч та “Өдрийн сонин”-ыг захиалан уншихыг хүсвэл 9911-2954, 8811-1375 дугаарт холбогдоно уу.

Цахим хэлбэрээр нь захиалахыг хүсвэл 99726725 дугаарт холбогдож дэлгэрэнгүй мэдээллийг аваарай.

“Өдрийн сонин”-той холбоотой мэдээ мэдээллийг 19001987-гоос лавлана уу

“ӨДРИЙН СОНИН” ӨГЛӨӨ БҮР ТАНТАЙ ХАМТ

Categories
мэдээ нийгэм

Улаанбаатарт шөнөдөө 4 хэм хүйтэн

Малч­ид, иргэд, тариаланчдад зориулсан мэдээ: Ойрын хоёр хоногтоо ихэнх нутгаар хур тунадас орохгүй, өдөртөө дулаарна.

2021 оны 10 сарын 04-ний 20 цагаас 10 сарын 05-ны 20 цаг
хүртэлх цаг агаарын урьдчилсан мэдээ

Хур тунадас: Нутгийн баруун хагаст солигдмол үүлтэй, бусад нутгаар багавтар үүлтэй. Нийт нутгаар хур тунадас орохгүй.

Салхи: Ихэнх нутгаар баруун өмнөөс секундэд 5-10 метр.

Агаарын температур: Шөнөдөө Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс, Байдраг, Эг, Үүр, Тэрэлж голын хөндийгөөр 8-13 хэм, Туул, Хэрлэн, Онон, Улз, Халх голын хөндийгөөр 4-9 хэм хүйтэн, говийн бүс нутгийн өмнөд хэсгээр 0-5 хэм дулаан, бусад нутгаар 0-5 хэм хүйтэн, өдөртөө Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс голын хөндийгөөр 2-7 хэм, говийн бүс нутгийн өмнөд хэсгээр 11-16 хэм, бусад нутгаар 7-12 хэм дулаан байна.

УЛААНБААТАР ХОТ ОРЧМООР: Шөнөдөө багавтар үүлтэй, өдөртөө үүлшинэ. Хур тунадас орохгүй. Салхи баруун өмнөөс секундэд 4-9 метр. Шөнөдөө Яармаг-Сонгины орчмоор 6-8 хэм, бусад хэсгээр 2-4 хэм хүйтэн, өдөртөө 10-12 хэм дулаан байна.

БАГАНУУР ОРЧМООР: Шөнөдөө багавтар үүлтэй, өдөртөө үүлшинэ.Хур тунадас орохгүй. Салхи баруун өмнөөс секундэд 5-10 метр. Шөнөдөө 6-8 хэм хүйтэн, ө­дөртөө 9-11 хэм дулаан байна.

ТЭРЭЛЖ ОРЧМООР: Шөнөдөө багавтар үүлтэй, өдөртөө үүлшинэ. Хур тунадас орохгүй. Салхи баруун өмнөөс секундэд 5-10 метр. Шөнөдөө 8-10 хэм хүйтэн, өдөртөө 8-10 хэм дулаан байна.

Categories
мэдээ нийгэм

“Багш шавийн барилдлага” уран бичлэгийн үзэсгэлэнд 50 гаруй бүтээлийг дэлгэжээ

Монголын багш нарын 55 дахь өдөрт зориулан Хөвсгөл аймгийн БСУГ–ын мэргэжилтэн О.Оюунтунгалаг өөрийн шавь Тосонцэнгэл сумын ерөнхий боловсролын сургуулийн 11-р ангийн сурагч Ү.Энхжинтэй хамтран “Багш шавийн барилдлага” уран бичлэгийн үзэсгэлэнг гаргалаа.


Тус үзэсгэлэнд уран бичлэг, бийрэн бичлэг, эвхмэл бичлэг бүхий 50 гаруй бүтээлийг дэлгэн үзүүлжээ. Сурагч Ү.Энхжин “Миний хувьд аймгийн хэмжээнд гаргаж буй 3 дахь үзэсгэлэн. Би бага байхаасаа монгол хэл болон дүрслэх урлагийн хичээлдээ дуртай, 6-р ангиасаа үндэсний бичгийн хичээл миний сонирхлыг их татаж, түүнээс хойш монгол бичгээ судлахын зэрэгцээ бийрийн бичлэгээр хичээллэж эхэлсэн” гэдгийг хэлж байлаа.
Categories
мэдээ спорт

ОУХМ Э.Сумъяа хагас шигшээд багтаж чадсангүй

Бөхийн төрлүүдийн насанд хүрэгчдийн ДАШТ Норвегийн нийслэл Ослод хоёр дахь өдрөө үргэлжилж байна. “Токио-2020” олимпийн тавдугаар байрын шагналт, 23 хүртэлх насны ДАШТ-ий хүрэл медальт, ОУХМ М. Лхагвагэрэл манай бөхчүүдийн салхийг хагалж өчигдөр хүрэл медаль хүртсэн юм.

Харин өнөөдөр чөлөөт бөхийн эмэгтэйчүүдийн 55 кг-ын жинд “Будапешт-2013” ДАШТ-ий мөнгөн медальт, ОУХМ Эрдэнэчимэгийн Сумъяа 1/8 шигшээд барилдлаа. Тэрээр ДАШТ-ий хүрэл медальт, сүүлийн хоёр жилийн Европын аварга ОХУ-ын тамирчин Ольга Хорошавцеватай барилдаж, 2:6-гаар ялагдал хүлээлээ.

Categories
мэдээ спорт

Волейболын Үндэсний Дээд Лиг энэ сарын 19-нд эхэлнэ

Монголын Волейболын Холбооны Үндэсний Дээд Лигийн аварга шалгаруулах тэмцээн энэ сарын 19-нд эхэлнэ.

Цар тахлын нөхцөл байдлын улмаас хойшлуулаад байсан тэмцээний зохион байгуулах зөвшөөрлийг УОК-оос өгсөн бөгөөд үзэгчгүй болно.

Тэмцээн аравдугаар сарын 19-нөөс арванхоёрдугаар сарын 25-ны хооронд болсон.

Үндэсний Дээд Лигийн аварга шалгаруулах тэмцээнд оролцох багуудын эзэн, дасгалжуулагч, ахлагч нарын уулзалт энэ дугаар сарын 6-ны 18:00 цагт МҮОХ-нд болно гэж МВХ-ноос мэдээллээ.

Categories
мэдээ эдийн-засаг

Ажилгүйдлийн даатгалын сангаас 64.4 тэрбум төгрөг зарцуулна

Ирэх 2022 оны төсвийн төсөлд Ажилгүйдлийн даатгалын санд 42.1 тэрбум төгрөгийн шимтгэлийн орлого хуримтлагдаж, ажилгүйдлийн тэтгэмж болон мэргэжил олгох давтан сургалтын зардалд 64.4 тэрбум төгрөг зарцуулахаар тооцжээ.

Тус сангаас 2022 онд ажилгүйдлийн тэтгэмж авах 25.6 мянган иргэнд 63.6 тэрбум төгрөг, мэргэжил олгох давтан сургалтын зардалд 96 сая төгрөг зарцуулахаар төлөвлөсөн байна.

Categories
мэдээ нийгэм соёл-урлаг

Перу улстай харилцан визгүй зорчих хэлэлцээр энэ сарын 1-нээс хүчин төгөлдөр боллоо

“Энгийн паспорт эзэмшигчдийг жуулчны визийн шаардлагаас чөлөөлөх тухай” Монгол Улс болон Бүгд Найрамдах Перу улс хоорондын хэлэлцээр нь энэ сарын 1-ний өдрөөс хүчин төгөлдөр үйлчилж эхэллээ.

Энэхүү хэлэлцээрийн дагуу хоёр улсын хүчин төгөлдөр энгийн паспорт эзэмшигч иргэд аялал жуулчлалын зорилгоор нөгөө талын нутаг дэвсгэрт нэвтрэх, зорчих, дамжин өнгөрөх, гарахдаа анх нэвтэрсэн өдрөөс эхлэн 180 хоногийн дотор 90 хоногоос хэтрэхгүй хугацаанд харилцан визгүй зорчих боломж бүрдэв.

Ингэснээр Монгол Улсын энгийн паспорт эзэмшигч иргэд 25 улс, үүнээс Латин Америкийн 7 улсад визгүй зорчих боломжтой болж байна.

Categories
мэдээ нийгэм

Газар хөдлөлтийн улмаас сургууль, цэцэрлэгийн барилгууд цуурчээ

Нийслэлийн хэмжээнд энэ оны эхний есөн сарын байдлаар 1-4 магнитудын нийт 754 газар хөдлөлт болжээ. Үүнээс Хөвсгөл, Сэлэнгэ, Говьсүмбэр, Төв аймагт болсон томоохон таван газар хөдлөлтийн чичирхийлэл нийслэлд 3-5 баллаар мэдрэгдсэн байна.

Нийслэлийн Онцгой байдлын газрын дарга Л.Дашнямын мэдээлснээр, хүчтэй газар хөдлөлтийн улмаас орон сууцны таван байр, ерөнхий боловсролын нэг сургууль, зургаан цэцэрлэгийн барилга байгууламжийн хана, гадна хийц бүтээцэд цууралт өгчээ. Иймд мэргэжлийн байгууллагууд холбогдох арга хэмжээ авч ажилласан байна.

Өнөөдрийн байдлаар нийслэлд бүртгэлтэй 140 орчим мянган барилгын 503 нь газар хөдлөлтөд тэсвэргүй гэсэн судалгаа бий.