Month: October 2021

Улсын Их хурлын сонгуулийн 18, 28 дугаар тойрогт явагдах нөхөн сонгуулийн санал авах ажиллагаа 2021 оны аравдугаар сарын 10-ний ням гаригт 07:00-22.00 цагт болно.

УИХ-ын сонгуулийн тухай хуулийн 70 дугаар зүйлд санал авах өдөр хориглох үйл ажиллагааг тусгасан байдаг. Үүнд:

Хуулийн дагуу аймаг, нийслэлийн Засаг дарга холбогдох шийдвэр гарган хяналт тавьж ажилладаг. Иймд Нийслэлийн Засаг дарга бөгөөд Улаанбаатар хотын Захирагч Д.Сумъяабазар А/753 тоот захирамж гаргасан байна.

Захирамжид нийслэлийн нутаг дэвсгэрт 2021 оны аравдугаар сарын 9-11-ний өдрүүдэд согтууруулах ундаа худалдах, түүгээр үйлчлэхийг түр зогсоох, мөн соёл, урлаг, үзвэр, спортын зэрэг олныг хамарсан аливаа арга хэмжээ зохион байгуулахгүй байх тухай тусгажээ. Иймд амралтын өдрүүдэд кино театрууд үйл ажиллагаа явуулах боломжгүй болсноо мэдэгдэв.

Ташрамд мэдээлэхэд энэ удаагийн нөхөн сонгуульд Хэнтий аймгийн 18 сум, нийслэлийн Сонгинохайрхан дүүргийн 26 хороо (7, 8, 9, 10, 11, 12, 13, 14, 15, 16, 17, 18, 19, 21, 23, 25, 27, 28, 29, 30, 31, 38, 39, 40, 42, 43 дугаар хороо)-ны сонгогчид оролцож, саналаа өгнө.

2021 оны гуравдугаар улирлын төлбөрийн баримтаа цахим системд бүртгүүлэх хугацаа өнөөдөр 23:59:59 цагт дуусна.

Тиймээс гуравдугаар улирал буюу долоо, найм, есдүгээр сард худалдан авалт хийсэн төлбөрийн баримтаа дээрх системд бүртгүүлэхийг Татварын ерөнхий газраас дахин санууллаа.

Нэмэгдсэн өртгийн албан татварын тухай хуулийн дагуу худалдан авалтад төлсөн албан татварын 20 хүртэл хувийг улирал тутамд буцаан олгодог. Энэ оны хоёрдугаар улиралд 1.166.880 иргэнд 45.4 тэрбум төгрөгийг буцаан олгожээ.

ЭМЯ-ны ээлжит мэдээллийн үеэр гурав дахь тунд хамрагдсан иргэдийн 0.5 хувь нь халдвараар өвдөж байгаа гэлээ. Мөн “альфа” хувилбарааар өвдсөн хүмүүс ч “дельта”-гаар өвдөх эрсдэлтэй байгааг мэргэжилтнүүд анхаарууллаа.

ХӨСҮТ-ИЙН ЗАХИРАЛ Ц.БИЛЭГТСАЙХАН:

-Цар тахлын гурав дахь давалгаа оргил үедээ хүрсэн. Тиймээс нэн хүнд байгаа хүмүүсийг эхэлж эмнэлэгт хэвтүүлж байна. Ачаалал их байгаа учраас эмнэлэгт хэвтсэний дараа эрэмбэлэх тохиолдол бий. ЭМЯ-наас гаргасан журмын дагуу шинж тэмдэг илэрсэн хүнд 8-10 хоногт эмнэлгийн тусламж үйлчилгээг үзүүлсэн бол гэрийн тусгаарлалтад оруулж байгаа. “Covid-19”-өөс шалтгаалж нас барсан иргэдийн тоон мэдээг долоо хоног тутамд ХӨСҮТ-өөс гаргадаг. Тусгайлан шинжилж байж дүн мэдээг гаргадаг учир тоо зөрөх асуудал байхгүй.

Хамгийн гол анхаарах зүйл бол вакцины тунгаа хийлгэх. “Альфа”-аар өвдсөн хүмүүс ч “дельта”-гаар өвдөх эрсдэлтэй байна. Одоогоор ахиж халдвар авсан 16.000 хүн байна гэлээ.

Тиймээс иргэд халдвараас урьдчилан сэргийлэх тундаа идэвхтэй хамрагдахыг уриалж байна. Эрсдэл бүхий бүлэг өндөр настай, архаг хууч өвчтэй иргэд болон хил гааль, цэргийн ангийн ажилтнуудаа нэмэлт тунд идэвхтэй хамруулах болно. Монгол Улс дөрвөн төрлийн вакциныг сайн дурын үндсэн дээр хийж байгаа бөгөөд дархлаа өрнүүлэх чадамж хангалттай хэмжээнд үүсч байгаа. Иргэд “Вероселл”, “Файзер” вакцинаас дархлаа сэдээх гурав дахь тунгаа сонгож хийлгэж болно.

Улсын Их хурлын сонгуулийн 18, 28 дугаар тойрогт явагдах нөхөн сонгуулийн санал авах ажиллагаа 2021 оны аравдугаар сарын 10-ны ням гаригт 07-22.00 цагт болно.

Энэ удаагийн нөхөн сонгуульд Хэнтий аймгийн 18 сум, нийслэлийн Сонгинохайрхан дүүргийн 26 хороо (7, 8, 9, 10, 11, 12, 13, 14, 15, 16, 17, 18, 19, 21, 23, 25, 27, 28, 29, 30, 31, 38, 39, 40, 42, 43 дугаар хороо)-ны сонгогчид оролцож, саналаа өгнө.

УИХ-ын сонгуулийн 18 дугаар тойрогт 89, 28 дугаар тойрогт 59 хэсгийн хороо, аймаг, нийслэлийн болон сум, дүүргийн нийт 152 байнгын бус ажиллагаатай сонгуулийн байгууллага байгуулагдаад байна. Сонгуулийн үеэр Коронавируст халдвараас урьдчилан сэргийлэх, халдвар, хамгааллын дэглэм баримтлах талаар Улсын онцгой комисс болон холбогдох эрх бүхий байгууллагуудын шийдвэр, зөвлөмжийн хэрэгжилтийг хангахаар эрүүл мэндийн болон онцгой байдлын ажилтан, алба хаагч, нөхөн сонгуулийг зохион байгуулахад нийт төрийн 1930 гаруй албан хаагч ажиллаж байна.

Нөхөн сонгуулийн санал хураалтын дүн, сонгуулийн ирцийн мэдээг 2021 оны аравдугаар сарын 10-ны өдөр олон нийтэд шууд дамжуулан үзүүлэхээр бэлтгэлийг хангав. Саналыг хуудсыг 100 хувь гараар тоолж, хяналтын тооллого хийх бөгөөд сонгуулийн санал авах үйл явцад хөндлөнгийн ажиглалт хийж, хяналт тавихаар нам, эвсэл, нэр дэвшигчдийн нийт 1271 ажиглагч ажиглахаар бүртгүүлсэн байна.

Нийслэлийн Засаг даргын 2021 оны А/746 дугаар захирамжаар нийслэлийн нутгийн захиргааны байгууллагууд, Засаг даргын хэрэгжүүлэгч агентлагуудын үйл ажиллагааг сурталчлах “Нээлттэй хаалганы нэг сар” өдөрлөг зохион байгуулагдаж байна.

Энэ өдрийн “Нээлттэй хаалга”-ны өдөрлөгт Тээврийн цагдаагийн албаны бие бүрэлдэхүүн оролцон иргэдэд шаардлагатай хууль, эрх зүйн зөвлөгөө өгөх, жолооны үнэмлэх шинээр авах болон солиулах, торгуультай холбоотой асуудлаар иргэдэд мэдээ, мэдээлэл өгч байна.

Түүнчлэн цагдаагийн байгууллагад орох хүсэлтэй иргэдэд зөвлөгөө мэдээлэл өгч байгаа юм.

Тус өдөрлөг өнөөдөр 16:00 цаг хүртэл үргэлжилнэ.

УОК-ын Нэгдсэн шуурхай штабын Мэдээлэл, технологийн багаас коронавируст халдварын эсрэг дархлаажуулалтын цэгүүдийн байршил, 24 цаг болон уртасгасан цагаар ажиллаж буй эмийн сангийн хаяг, байршлыг орон зайн дүн шинжилгээний системд байршууллаа. Ингэснээр иргэд гар утаснаасаа өөрт ойр байрлаж байгаа дархлаажуулалтын цэгийн байршил, хаяг, очих газрын маршрутаа төлөвлөх боломжтой болж байна.

Мөн 24 цаг болон уртасгасан цагаар ажиллах эмийн сангийн байршил, хаяг, холбогдох утасны дугаар зэрэг мэдээллийг харах боломжтой.

Та уг аппликэйшнд хандаж хэрэгцээт мэдээллээ авахыг хүсвэл arcg.is/1zaHya холбоос линкээр болон QR кодыг уншуулан нэвтрэх юм гэж Нэгдсэн шуурхай штабаас мэдээллээ.