Month: September 2021

“Ургацаа бүрэн авцгаая” уриалгын хүрээнд салбарын яамнаас оюутан залуус, ажил хайж байгаа иргэдийг ургацын талбайд ажиллахыг уриалсан.

Тэгвэл ургац хураалтад есдүгээр сарын 22-ны байдлаар 1715 цэрэг, 1783 оюутан, 6648 халамжийн болон гэрээт ажилтан, нийт 10146 хүн хөдөлмөрийн гэрээгээр ажиллаж байна.

Энэ сарын 22-ны өдрийн байдлаар улсын хэмжээнд 25 мянган га талбайг ангилан хадаж,

• 26.3 мянган га-гаас 37.7 мянган тонн үр тариа, үүнээс
• 24.3 мянган га-гаас 34.4 мянган тонн улаанбуудай,
• 7.4 мянган га-гаас 67.5 мянган тонн төмс,
• 3.8 мянган га-гаас 45.9 мянган тонн хүнсний ногоо,
• 6.0 мянган га-гаас 16.9 мянган тонн тэжээлийн ургамал,
• 5.9 мянган га-гаас 4.3 мянган тонн тосны ургамал тус тус хураан авчээ.

Ингэснээр үр тарианы хураалт 6.6 хувьтай, төмс, хүнсний ногооны хураалт 36.6-41.1 хувийн явцтай байна.

Энэ онд улсын хэмжээгээр,

• 420.2 мянган га-д үр тариа, үүнээс 389.4 мянган га-д улаанбуудай,
• 19.8 мянган га-д төмс, 9.9 мянган га-д хүнсний ногоо,
• 100.4 мянган га-д тосны ургамал,
• 100.0 мянган га-д тэжээлийн ургамал,
• 4.7 мянган га-д жимс, жимсгэнэ, нийтдээ 655.0 мянган га-д тариалалт хийсэн.

Урьдчилсан балансаар

• 594.1 мянган тонн үр тариа, үүнээс
• 559.2 мянган тонн улаанбуудай,
• 198.8 мянган тонн төмс,
• 117.0 мянган тонн хүнсний ногоо,
• 64.3 мянган тонн тосны ургамал,
• 203.3 мянган тонн малын тэжээлийн ургамал тус тус хураан авах төлөв гарсан гэж Хүнс, хөдөө аж ахуй, хөнгөн үйлдвэрийн яамнаас мэдээллээ.

Шатахууны хомсдол үүссэнтэй холбоотойгоор хувийн унаагаараа таксины үйлчилгээ үзүүлдэг зарим иргэн такси үйлчилгээний км-ийн үнийг 2000 төгрөг болгон нэмжээ.

Өнгөрсөн долдугаар сард шатахуун импортлогч компаниуд АИ-92 шатахууны үнийг 300 төгрөгөөр нэмэхэд км тутамд 1000 төгрөг байсан такси үйлчилгээний үнэ 500 төгрөгөөр нэмэгдэж 1500 болж байсан. Тэгвэл шатахууны хомсдолтой холбоотойгоор 2000 төгрөг хүрээд байна.

Хувийн унаагаараа такси үйлчилгээ үзүүлж буй иргэн “04.00 цагаас хойш дугаарлаж байж, 30 мянган төгрөгт шатахуун авч байгаа учир ингэж үнээ нэмэхээс өөр аргагүй” гэсэн юм.

Харин албан ёсоор такси үйлчилгээ үзүүлдэг компаниудын үнэд өөрчлөлт ороогүй байна. Гэхдээ дуудлагын аппликэйшн болон захиалгын үйлчилгээ хүлээгдэл ихтэй байна.

Өнөөдрийн өдрийн байдлаар 22.6 хувь нь торгуулийнхаа 50 хувийг төлсөн байгаа бол 77.4 хувь буюу 2.290.049 хүн 27 тэрбум 105 сая 695 мянган төгрөгийн торгох шийтгэлийг биелүүлээгүй байна.

Өршөөл үзүүлэх тухай хуульд зааснаар ирэх сарын 1-ний дотор торгуулийн 50 хувийг төлж барагдуулаагүй тохиолдолд үлдсэн 50 хувийн торгууль өршөөлд хамрагдахгүй.

“Ковид-19” халдварын цар тахалтай холбоотойгоор Нийслэлийн Засаг дарга бөгөөд Улаанбаатар хотын Захирагч Д.Сумъяабазар нийтийн эзэмшлийн зам, гудамж, талбайд ариутгал, халдваргүйтгэлийг тогтмол хийх үүргийг холбогдох албаныханд өгсөн. Энэ дагуу Улаанбаатар хотын Захирагчийн ажлын албанаас автобусны буудлуудад хөөстэй угаалга, цэвэрлэгээ хийж байна. Халдварын тархалт нэмэгдэх үеэр буюу дөрөвдүгээр сараас зургаадугаар сарын 30-ныг хүртэл хийсэн автобусны буудлын хөөстэй угаалга, ариутгалын ажил энэ сарын 1-нээс дахин эхэлсэн юм. Тодруулбал, хичээл сургууль эхлэн, хөдөлгөөний эрчим нэмэгдэж буйтай холбоотойгоор есдүгээр сарын 1-нээс аравдугаар сарын 8-ныг хүртэлх хугацаанд автобусны буудлуудад ариутгал, цэвэрлэгээ хийнэ.

Өнөөдрийн байдлаар нийслэлийн зургаан дүүргийн 329 автобусны буудлыг “Шинэ ариусгал”, “УБ ариутгал”, “ГАДС”, “Гантуяа”, “Санхими”, “Ариун сан нар” ХХК хариуцаж, хөөстэй угаалга, цэвэрлэгээ, ариутгал хийж байгаа юм.

Улаанбаатар хотын Захирагчийн ажлын албаны мэргэжилтэн Б.Мөнхжаргал “Нийслэлд байдаг 1000 гаруй автобусны буудалд судалгаа хийн, хүн олноор зорчдог, хөдөлгөөн ихтэй 329 автобусны буудлыг сонгон, цэвэрлэж байна. Үүнд мэдээж хотын төв, хотын зах, гэр хорооллын бүс нутгууд дахь автобусны буудлууд багтсан. Цэвэрлэгээний ажлыг гүйцэтгэж буй байгууллагууд есдүгээр сарын 1-нээс өнөөдрийг хүртэл 4-5 удаагийн давтамжтайгаар, давхардсан тоогоор 1426 автобусны буудлыг цэвэрлээд байна” хэмээв.

Гүйцэтгэгч компаниуд өдөрт 10-25 автобусны буудлыг цэвэрлэх нормтой. ДЭМБ-аас хүлээн зөвшөөрсөн, Монгол Улсад хэрэглэж болох зориулалтын цэвэрлэгээ, ариутгалын бодисыг хэрэглэдэг бөгөөд хүний биед ямар нэг сөрөг нөлөөгүй талаар албаны хүн онцолж байв.

Чингэлтэй дүүргийн автобусны буудалд “Гантуяа” ХХК-ийн ажилчид хөөстэй цэвэрлэгээ, ариутгал хийж байлаа. Тус компанийн ажилтан Б.Чандмань-Эрдэнэ “Манай компани замын хөдөлгөөний ачааллаас шалтгаалан өдөрт 10 орчим автобусны буудалд хөөстэй цэвэрлэгээ хийж байна. Ингэхдээ автобусны буудлын талбай, хогийн сав, зорчигчдын суух сандалд хөөстэй цэвэрлэгээ хийгээд хлорминтай усаар давхар ариутгадаг. Ариутгал, цэвэрлэгээ хийхэд дургүйцэж буй иргэд цөөн байна. Цэвэрлэгээ, ариутгалын ажлыг бүх нийтийн эрүүл мэндийн төлөө хийж байгаа тул иргэн та хүлээцтэй хандаарай” хэмээн уриалсан юм.

Автобус хүлээн зогсох иргэд ч ариутгал, цэвэрлэгээг халдвар нэмэгдэн, улирлын томуу эхэлж буй энэ цаг үед чухал ач холбогдолтой ажил хэмээж байв.

Өчигдөр буюу есдүгээр сарын 22-нд нийслэлийн хэмжээнд I тунд 161, II тунд 462, нэмэлт сэргээх тунд 2145, нийт 2768 иргэнийг дархлаажуулжээ.

Вакцинжуулалт эхэлснээс хойш нийслэлийн нийт хүн амын I тунгийн хамралт 74.5 хувь, II тунгийн хамралт 70.5 хувь, нэмэлт тунгийн хамрагдалт 15 хувь байна. Зорилтот бүлгийн буюу 2886 (24.2 хувь) жирэмсэн эх, 12-15 насны 66.099 (74.4 хувь), 16-17 насны 26.044 (76.9 хувь) хүүхэд тус тус дархлаажуулалтын бүрэн тунд хамрагдлаа.

Есдүгээр сарын 23-ны өдрийн байдлаар манай орны ихэнх гол мөрний усны түвшин өмнөх өдрийнхөөс 5 см орчим буурсан хэдий ч зарим голууд үертэй хэвээр байна.

Тухайлбал, Орхон, Сэлэнгэ, Бэлтэс, Үүр, Байдраг, Чонохарайх, Баруунтуруун, Хэрлэн, Онон, Улз зэрэг голууд үерийн түвшинг 5-20 см, ус судлалын Орхон-Орхон /Сэлэнгэ/, Халх-Баянхошуу, Улз-Эрээнцав харуул орчимд үерийн аюултай түвшинг 5-20 см давсан байдалтай байна.

Иймд дээрх голуудын сав дагуу суурьшиж, нутаглаж буй малчид, ард иргэдийг үерийн аюулаас болгоомжтой байхыг онцгойлон анхааруулж байна.

Нийслэлийн Засаг дарга бөгөөд Улаанбаатар хотын захирагч Д.Сумъяабазар өнөөдөр Нийслэлийн ИТХ-ын дарга Ж.Батбаясгаланд Нийслэлийн 2020 оны шуудын гүйцэтгэл, Нийслэлийн 2021 оны төсөвт нэмэлт, өөрчлөлт оруулах төслийг өргөн барилаа.

Цар тахлын нөхцөл байдлын улмаас нийслэлийн төсвийн орлого төлөвлөсөн хэмжээнд бүрдээгүй, үүнтэй холбоотойгоор зарим ажил, арга хэмжээг хэрэгжүүлэх боломжгүй болж байгаа тул төслийг богино хугацаанд хэлэлцэн шийдвэрлэж өгөхийг Засаг дарга Д.Сумъяабазар энэ үеэр хүссэн юм.

Нийслэлийн ИТХ-ын дарга Ж.Батбаясгалан “Коронавируст цар тахлын сөрөг нөлөө нийслэлийн эдийн засагт том хүндрэл учруулсан. Тэр дундаа нийслэлийн орлогод ихээхэн жин дардаг үйлчилгээний салбар үйл ажиллагаагаа хэвийн явуулах боломж хязгаарлагдмал байлаа. Мөн бид ирэх оноос нийслэл хотын эдийн засгийн харилцаа ямар байх вэ гэдгийг зохицуулсан эрх зүйн томоохон шинэчлэлийн бичиг баримтыг УИХ-аар батлуулсан. Нийслэл Улаанбаатар хотын эрх зүйн байдлын тухай хуулийн хүрээнд цаашид нийслэл хот бие даасан, тогтвортой эдийн засагтай байх боломж бүрдсэн. Харин энэхүү эрх зүйн шинэчлэлийг богино хугацаанд үр дүнд хүргэх шаардлага бидний өмнө бий болж байна. Монгол Улсын холбогдох хуулийн хүрээнд богино хугацаанд төсвийн тодотголыг хэлэлцэн, тулгамдаж буй асуудлаа шийдвэрлэн ажиллацгаая” гэлээ.