Баррель төрлийн газрын тосны фьючерс үнэ сүүлийн гурван жил орчмын хамгийн дээд цэгт хүрч өслөө.
Эрчим хүчний асуудал дэлхийн хэмжээнд томоохон сорилт болж байгаа энэ үед газрын тосны нөөц огцом буурсан нь үнийн өсөлтөд голчлон нөлөөлсөн байна. Энэ онд газрын тосны үнэ бүр ч ихээр өснө гэж томоохон газрын тос олборлогч компаниуд болон банкнууд тооцоолж байгаа аж.
Лондоны Металлын биржид баррельтөрлийн газрын тосны фьючерс үнэ 1.06 ам.доллароор өсөж, 77.25 ам.доллар хүрчээ.
Цар тахлын нөхцөл байдлын талаарх ЭМЯ-ны ээлжит мэдээллийг хүргэж байна.
Сүүлийн 24 цагийн хугацаанд 2662 хүнээс халдвар илэрснээр улсын хэмжээнд батлагдсан тохиолдлын тоо 349 299 болж байна.
Улаанбаатар хотод 1292 тохиолдол илэрсэн бол орон нутагт 1374 хүний өвчлөл батлагджээ.
Одоогоор эмнэлэгт 21 810 хүн хэвтэн эмчлүүлж, 67 753 хүн гэрийн хяналтад байна. Эмнэлэгт хэвтэн эмчлүүлж буй иргэдээс 394 хүний биеийн байдал нэн хүнд байна.
Сүүлийн хоногт 41-80 насны 18 хүн халдварын хүндрэлийн улмаас нас барлаа. Монгол Улсад бүртгэгдсэн нийт баралтын тоо 1116 болов. Нас баралтын шалтгааны 51 хувийг ковид хавсарсан зүрх, судасны өвчлөл эзэлж байна.
НОБГ-ын Сонгинохайрхан дүүргийн Онцгой байдлын хэлтсийн Гал түймэр унтраах, аврах 29 дүгээр ангийн гал унтраах автомашины жолооч, ахлах ахлагч Л.Мөнх-Эрдэнэ галын хоолой болон хөдөлмөр хамгааллын хувцас угаах, хатаах төхөөрөмжийг бүтээж, албанд ашиглаж эхэллээ.
Энэхүү угаагч төхөөрөмж минутад 1490 эргэлттэй, 220 вольтын цахилгаанаар ажилладаг, 0,75 ваттын хүчтэй, 2 мотортой, эргэлтийн хүчийг 2х1-ийн харьцаагаар шкивээр тааруулсан байна.
Шахуурга нь шулуундаа 32, өндөр 9 метрийн тусгалтай, төвийн болон өөрийн усны нөөцөөр ажиллана. Сойтогны диаметр нь 36 см, үсний урт 15 см, голын тойрог 2 см, их бие 6 см, урт нь 30 см . Хатаагч нь 130х100х145мм харьцаатай, 5 зам, 4 тормос дугуйтай, 5 метр квадрат талбай хатаах халуун үлээгчтэй.
Өвөл, зуны аль ч улиралд ашиглах боломжтой бөгөөд тавиулангийн гадна дотор хаана ч байрлуулан гал унтраах хоолой болон байлдааны хувцсыг богино хугацаанд хатаах зориулалттай.
Тус төхөөрөмжтэй болсноор гал унтраах хоолойн цэвэрлэгээ үйлчилгээ, хөдөлмөр хамгааллын хувцасны өнгө үзэмж сайжрахаас гадна гал түймрийн дуудлагаар гарч ажилласны дараах дуудлагад хурдан хугацаанд бэлтгэн, бэлэн байдлыг дээшлүүлэх, галын хоолойн эдэлгээний насжилт, зарцуулах хугацааг хэмнэх ач холбогдолтой боллоо гэж нийслэлийн Онцгой байдлын газраас мэдээллээ.
Өнөөдрийн байдлаар Улаанбаатар хотын хэмжээнд 57
орон сууцны барилга, дөрвөн сургууль, нэг цэцэрлэг
халаалтаа аваагүй байна. Үүний дотор шугам сүлжээний засвараас үүдэн
халаалтаа аваагүй 40 барилга бий. Шугамд гэмтэл гарч, засвар хийж байгаа. Мөн
төлбөрөө төлөөгүй есөн барилга, байгууламжийн халаалтыг өгөөгүй.
Зарим аж ахуй нэгж аравдугаар сарын 1-ээс халаалтаа авмаар байна гэх
хүсэлт ирүүлсний дагуу халаалтыг нь өгч эхлээгүй байна.
Өнгөрсөн шөнө 23:46 минутад Увс аймагт 4.5 магнитудын хүчтэй газар хөдлөлт бүртгэгдсэн тухай volcanodiscovery.com цахим хуудас мэдээллээ. Газар хөдлөлтийн төв нь Улаангом хотоос 80 км-ийн зайд, Өмнөговь сумын нутагт байжээ. Ховдын Жаргалант, Баян-Өлгий аймаг, ОХУ-ын Кызыл хотод чичирхийлэл мэдрэгдсэн тухай иргэд мэдээлжээ.
Газар хөдлөлтийн талаар ОБЕГ-аас одоогоор тодорхой мэдээлэл өгөөгүй байна.
Монгол орны баруун хязгаар газар хөдлөлтийн идэвхижил өндөртэй бүсэд тооцогддог. Зургаан хоногийн өмнө буюу есдүгээр сарын 19-ний өдөр Увс аймгийн Өндөрхангай сумын нутагт мөн 4.5 магниутудын хүчтэй газар хөдлөлт бүртгэгдсэн юм.
Сүүлийн үед үзэгчдийг байлдан дагуулж буй кино бол гарцаагүй “Squid Game” цуврал юм.
“Squid Game” цувралыг үзсэн үзэгчид кинотой холбоотой сэтгэгдлүүдээ мэмэ болгон хуваалцсан нь олон нийтийн сүлжээнд тархаад буй юм.
Тэдгээрээс хамгийн хөгжилтэй, сонирхолтой гэснийг нь та бүхэндээ сонирхуулж байна.
1.
2.
3.
4. Тэгж санагдаж байгаа хүн байна уу?
5. Энэ яг шүү…
6.
7. Тэгэх үү? :3
8.
9.
10.
11.
12. Яг л…
13. Болно гэж үү…
14. Чат…
15. Нөгөө ахыг дуудах байх даа…
16. Асуудалгүй…
Монгол Улсад нэн яаралтай шатахуун импортоор оруулж ирж нийлүүлэлтийг хэвийн болгоход УБТЗ ХНН онцгой анхаарал хандуулан хөрш төмөр замуудтай холбогдон шуурхай арга хэмжээ авч ажиллаж байна. Ангарскийн нефтийн үйлдвэрээс өнөөдөр гарч буй эхний ээлжийн 1500 тн шатахууны тээврийн талаар УБТЗ-ын удирдлага Дорнод Сибирийн төмөр замын удирдлагад хүсэлт тавьсны үр дүнд Дорнод Сибирийн төмөр замын дарга үүрэг өгч тус замын Суховская өртөөнөөс тусгай зүтгүүрээр суудлын галт тэрэгний хурдаар хөдөлсөн бөгөөд өнөөдрийн дотор Наушки өртөөнд хүргэхээр боллоо.
Мөн хамтын ажиллагааны үр дүнд Хятадын төмөр замын энэ сарын экспортын ачилтын төлөвлөгөөнд нэмэлтээр 150 вагон шатахууныг яаралтай тусгуулан батлуулж вагон хангалтыг хийлгүүлж байна. Ингэснээр Хөх хот дахь нефть боловсруулах үйлдвэрээс ачигдах шатахууны тээвэр богино хугацаанд шуурхай зохион байгуулагдаж эхний ээлжийн вагонууд ачигдаж эхлээд байна.
Москва хотноо болж буй армийн боксын ДАШТ-ий зургаа дахь өдрийн хагас шигшээ шатны тулаанууд өчигдөр/2021.09.24/ боллоо.
Энэ өдөр эрэгтэйчүүдийн -52 кг-ын жинд Х.Энхмандах мөнгөн медалийн төлөө Оросын Дмитрий Двалитай тулалдаж, харамсалтай нь ялагдлаа. Харин түүний ах Х.Энх-Амар -56 кг-ын мөнгөн медалийн төлөө Алжир улсын тамирчин Усама Моржанетай тулалдаж, яллаа. Ингэснээр тэрбээр өнөөдөр /2021.09.25/ аваргын алтан медалийн төлөө тулалдах болно.
Х.Энх-Амарын гэргий Т.Болортуул мөн өнөөдөр эмэгтэйчүүдийн -57 кг-ын аваргын төлөө тулалдах болно.
Өчигдөр Энэтхэгийн нийслэл Дели хотод болсон шүүх хурлын үеэр өмгөөлөгчийн дүрээр нэвтэрсэн хоёр этгээд яллагдагчийг буудаж, амийг нь хөнөөжээ.
Танхимд байсан цагдаа нар хариу гал нээж, алуурчдыг устгасан байна.
Тухайн үед Энэтхэгийн гэмт хэргийн бүлгийн хамгийн алдартай толгойлогч гэгддэг Житендэр Маан Гоги гэгчийн хэргийг шүүж байжээ.
Гоги нь аллага, хүн барьцаалалт, луйвар зэрэг олон тооны хэрэгт сэжиглэгдэн Энэтхэг даяар эрэн сурвалжлагдаж байсан юм.
Тэрбээр өнгөрсөн оны гуравдугаар сард Дели хотод баривчлагдсан юм байна.
Гэмт хэргийн ертөнцөд хүч нөлөө нь хурдтай нэмэгдэж байсан Гогиг өрсөлдөгч бүлэглэлүүдийн аль нэгнийх нь захиалгаар хөнөөсөн гэж албаныхан үзэж байна.
Мөн Энэтхэгийн шүүхийн байгууллагуудын аюулгүй байдал ямар сул байгааг энэ явдал харууллаа хэмээн хэвлэл, олон нийт шүүмжилцгээжээ.
38 настай Гоги өсвөр насандаа гэмт хэргийн замналаа эхэлж, богино хугацаанд нийслэл Дели орчмын хамгийн нөлөө бүхий гэмт хэргийн бүлэглэлийн толгойлогч болсон юм байна.
УОК, ИНЕГ-аас ирэх аравдугаар сарын олон улсын нислэгийн хуваарийг гаргажээ. Хуваарийн дагуу ирэх сард 37 нислэг хийхээр төлөвлөсөн байна.
Вакцины бүрэн тунд хамрагдаад 14 хоносон иргэнийг тусгаарлахгүй бөгөөд тусгаарлах байрны хуваарилалтаас илүү тооны зорчигч тээвэрлэн ирсэн тохиолдолд үүсэн гарах зардал, холбогдох арга хэмжээг тухайн тээвэрлэгч хариуцна хэмээн УОК-иос анхааруулжээ. 
