Month: September 2021

Монсуль шатахуун түгээх станцын нефть хангамжийн баазаас ачилтууд гарсаар байна. Одоогийн байдлаар:

МОНСУЛЬ ОРБИТ ШТС – СХД-н 1-р хороо наран станцын урд талд
МОНСУЛЬ ЗАХ ШТС – БЗД-н 14-р хороо Нарантуул захын замын урд
МОНСУЛЬ НАЛАЙХ ШТС -Налайх дүүрэг 1-р хороо, Петровисийн колонкийн баруун талд
МОНСУЛЬ 22 ТОВЧОО ШТС – СХД-ийн 32-р хороо, Хуучин 22-н товчоо, сүмийн баруун талд
МОНСУЛЬ СОНГИНО-УУЛ 1 – СХД-н 32-р хороо Эмээлт явах замын хойд талд
МОНСУЛЬ СОНГИНО-УУЛ 2 – СХД-н 32-р хороо Эмээлт явах замын урд талд
МОНСУЛЬ ТАХИЛТ ШТС – СХД-н 22-р хороо тахилт явах замын урд талд
МОНСУЛЬ ӨЛЗИЙТ ШТС- ХУД, 14-р хороо Өлзийт тосгоны уулзвар

Эдгээр салбарууд маань борлуулалт хэвийн явагдаж байна.

Малчид, иргэд, хадланчид, тариаланчдын анхааралд: Өнөө маргаашдаа Хангай, Хөвсгөлийн уулархаг нутгаар нойтон цас орж, ихэнх нутгаар хүчтэй салхи шуургатай байхыг анхааруулж байна.

2021 оны 09 сарын 26-ны 20 цагаас 09 сарын 27-ны 20 цаг
хүртэлх цаг агаарын урьдчилсан мэдээ

Хур тунадас: Нутгийн хойд хэсгээр үүлшинэ. Шөнөдөө Монгол-Алтай, Хөвсгөлийн уулархаг нутгаар, өдөртөө Хангай, Хөвсгөлийн уулархаг нутгаар хур тунадас орно. Бусад нутгаар багавтар үүлтэй, хур тунадас орохгүй.

Салхи: Баруун болон төвийн аймгуудын нутгийн хойд хэсгээр баруун өмнөөс хойш эргэж, бусад нутгаар баруун өмнөөс секундэд 7-12 метр, өдөртөө ихэнх нутгаар секундэд 15-17 метр хүрч ширүүсэж, шороон шуурга шуурна.

Агаарын температур: Шөнөдөө Алтай, Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Идэр, Тэс голын хөндийгөөр 8-13 хэм, Увс нуурын хотгор, Хэнтийн уулархаг нутаг, Орхон, Сэлэнгэ, Хараа, Ерөө, Эг-Үүр, Туул, Тэрэлж голын хөндийгөөр 2-7 хэм хүйтэн, говийн бүс нутгийн өмнөд хэсгээр 6-11 хэм, бусад нутгаар 1 хэм хүйтнээс 4 хэм дулаан, өдөртөө Монгол-Алтай, Хангай, Хөвсгөлийн уулархаг нутаг, Увс нуурын болон Дархадын хотгор, Завхан голын эх, Хүрэнбэлчир орчим, Тэс голын хөндийгөөр 3-8 хэм, Хэнтийн уулархаг нутаг, Эг, Үүр, Орхон-Сэлэнгийн бэлчир, Хараа, Ерөө, Тэрэлж голын хөндийгөөр 9-14 хэм, говийн бүс нутгийн өмнөд хэсэг болон Дарьгангын тал нутгаар 20-25 хэм, бусад нутгаар 14-19 хэм дулаан байна.

УЛААНБААТАР ХОТ ОРЧМООР: Шөнөдөө багавтар үүлтэй, өдөртөө үүлшинэ. Бороо орохгүй. Салхи баруун өмнөөс секундэд 6-11 метр, өдөртөө түр зуур секундэд 15-17 метр хүрч ширүүснэ. Шөнөдөө Яармаг-Сонгино орчмоор 3-5 хэм, бусад хэсгээр 0-2 хэм хүйтэн, өдөртөө 14-16 хэм дулаан байна.

БАГАНУУР ОРЧМООР: Шөнөдөө багавтар үүлтэй, өдөртөө үүлшинэ. Бороо орохгүй. Салхи баруун өмнөөс секундэд 7-12 метр, өдөртөө түр зуур секундэд 16-18 метр хүрч ширүүснэ. Шөнөдөө 4-6 хэм хүйтэн, өдөртөө 14-16 хэм дулаан байна.

ТЭРЭЛЖ ОРЧМООР: Шөнөдөө багавтар үүлтэй, өдөртөө үүлшинэ. Бороо орохгүй. Салхи баруун өмнөөс секундэд 6-11 метр, өдөртөө түр зуур секундэд 15-17 метр хүрч ширүүснэ. Шөнөдөө 5-7 хэм хүйтэн, өдөртөө 12-14 хэм дулаан байна.

2021 оны 09 дүгээр сарын 28-нaaс 10 дугаар сарын 02-ныг
хүртэлх цаг агаарын урьдчилсан төлөв

28-нд баруун болон төвийн аймгуудын нутгийн зарим газар, зүүн аймгуудын нутгийн хойд хэсгээр, 29-нд төв болон зүүн аймгуудын нутгийн хойд хэсгээр, 30, 10 дугаар сарын 1-нд баруун, төв болон зүүн аймгуудын нутгийн зарим газраар бороо, нойтон цас орно. Салхи ихэнх хугацаанд нутгийн зарим газраар секундэд 15-17 метр хүрч ширүүсэж, шороон шуурга шуурна. Ихэнх нутгаар сэрүүсэж Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Завхан голын эх, Идэр, Тэс голын хөндийгөөр шөнөдөө 9-14 хэм хүйтэн, өдөртөө 3-8 хэм, говийн бүс нутгийн өмнөд хэсгээр шөнөдөө 5-10 хэм, өдөртөө 15-20 хэм дулаан, бусад нутгаар шөнөдөө 3 хэм хүйтнээс 2 хэм дулаан, өдөртөө 8-13 хэм дулаан байна.

Улаанбаатар-Дархан чиглэлийн авто замд өнөөдөр (2021.09.26) 16:00 цагийн орчимд зам тээврийн ноцтой осол гарсан байна. Тодруулбал, Хүй долоон худаг руу эргэх замд “Тоёота Приус-20” маркийн автомашин “Ниссан Санни” маркийн автомашинтай мөргөлдөж, ослын улмаас нэг хүн амиа алджээ.

Тээврийн хэрэгсэлд байсан зорчигчдод түргэн тусламж үзүүлэн, эмнэлэгт хүргэсэн байна. Ослын газарт цагдаагийн алба хаагчид ажиллаж байгаа аж.

Иймд иргэд, жолооч нарыг орон нутгийн замд хурдаа тохируулж, анхааралтай зорчихыг зөвлөж байна. Энэ оны эхний долдугаар сарын байдлаар зам тээврийн ослын холбогдолтой дуудлага мэдээлэл 33299 ирснээс бүртгэгдсэн зам тээврийн осол 9766 байгаа юм. Тиймээс Тээврийн цагдаагийн албанаас тогтмол хяналт шалгалт хийж буй аж.

Монгол Улсын Шадар сайд С.Амарсайхан, Эрүүл мэндийн сайд С.Энхболд нар Баянзүрх дүүргийн нэгдсэн эмнэлгийн нөхцөл байдалтай танилцаж улаан бүсэд ажиллав. Ковид-19 өвчний тархалт өндөр байгаа энэ үед зэрэгцэн хүйтэн сэрүүний улирал эхэлж байгаатай холбогдуулан хүүхдийн ханиад томуу нэмэгдэж байгаа. Баянзүрх эмнэлгийн амбулаторийн үзлэгээр өдөрт 100-200 хүүхэд үзүүлдэг.

Өнөөдрийн байдлаар тус эмнэлгийн хүүхдийн тасагт 60 хүүхэд хэвтэн эмчлүүлж байна. Баянзүрх эмнэлэг нийт 450 ортой, үүнээс ковидийн 200 ор дэлгэж эмчилгээ үйлчилгээ үзүүлж байна. Үлдсэн орон дээрээ үндсэн тусламж үйлчилгээгээ үзүүлж байгаа юм. Ковид-19 өвчний 200 орон дээрээ байнга дүүргэлттэй ажиллаж байгаа гэнэ.

Монгол Улсын Шадар сайд С.Амарсайхан, Эрүүл мэндийн сайд С.Энхболд нар тус эмнэлгийн нөхцөл байдалтай танилцаж, санал хүсэлтийг сонсож эмнэлгийн удирдлагуудад үүрэг чиглэл өглөө.

Тус эмнэлгийн хувьд хүний нөөц дутагдалтай байгааг Хүүхдийн тасгийн эрхлэгч Б.Батцэцэг хэлж байлаа. Эмч ажилчид өвдөж, орлон ажиллах боловсон хүчний нөөцгүй болж байгаа нь хамгийн том тулгамдсан асуудал болж буй талаараа эмнэлгийн удирдлага танилцууллаа гэж Шадар сайдын Ажлын албанаас мэдээллээ.

Улаанбаатар хот нийт 407.4 га нутаг дэвсгэртэй бөгөөд үүний 1/4 хувь буюу 116.2 га талбайг хот орчмын ой бүхий газар эзэлж байна. Төв Азийн эх газрын эрс тэс хуурай уур амьсгалын нөлөөнд Сибирийн их тайгын өмнө зах болон ургасан байгалийн аясаар нөхөн сэргэх, тэлж ургах чадвар сул, түймэр хөнөөлт шавж, өвчин, хүний үйл ажиллагааны сөрөг нөлөөнд амархан өртөмтгий ой юм.

Иймд нийслэлийн ногоон бүсийн ойн сан бүхий газар нь түймрийн эрсдэлийн зэргээр хоёрдугаар бүс буюу “Аюултай” гэсэн ангилалд ордог.

Ой нь маш олон амьтдын орогнох байр, идэш тэжээл амьдрах орчин болж байдаг. Улаанбаатар хот орчмын ногоон бүсэд 54 зүйл хөхтөн амьтан тохиолдоно.

Жишээ хэлэхэд, Тэрэлж орчимд 2019 онд гарсан түймрийн улмаас эх Хандгай нь эндэж, үр төл болох Хотол мэнд үлдсэн тохиолдол бий. Түймрийн хор хөнөөл нь зөвхөн модыг сүйтгээд зогсохгүй тэнд амьдардаг амьтан, ургамал бүгдийг устгадаг. Ойн амьтад, ургамал нь ой оршин байх экосистемийн тэнцвэрт байдлыг хангахад маш чухал үүрэгтэй.

Тухайлбал, самраар хооллодог шувууд нь хуш модны самрыг зөөж бусад газар булж дахин хуш мод ургах нөхцөлийг бүрдүүлдэг. Гэтэл ойн түймрийн улмаас эдгээр амьтдын тоо толгой хорогдох, амьдрах өөр нутаг хайж явахдаа ихээр туйлдан ядарч, энддэг.

Ойн амьдрал үгүй болоход агааргүй, усгүй болох цаашлаад бүс нутгийн уур амьсгал өөрчлөгдөн цөлжилтөнд нэрвэгдэх, дулаарал явагдах гээд асар их хөнөөлтэй. Тиймээс хүн бүр ухамсар, мэдлэгтэй байж ойн түймрийн эрсдэлээс урьдчилан сэргийлэхийг уриалж байна.