Month: September 2021

Categories
мэдээ нийгэм

МХЕГ: 136 зорчигч, жолоочид эрүүл мэндийн тандалт хийв

Мэргэжлийн хяналтын байгууллагаас цаг үеийн мэдээллийг хүргэж байна.

Халдваргүйжүүлэлт:

Улсын хэмжээнд нийт 24 аж ахуйн нэгж, байгууллага, нийтийн эзэмшлийн талбай, гудамж зэрэг 7.253 м2 талбайд хийгдсэн урьдчилан сэргийлэх халдваргүйжүүлэлт, 199 объектын 69.333 м2 талбайд хийгдсэн голомтын эцсийн халдваргүйжүүлэлтэд хяналт тавин ажиллав. Мөн халдваргүйжүүлэлт хийх тусгай зөвшөөрөлтэй 2 байгууллагад зөвлөмж хүргүүүллээ.

Түргэвчилсэн болон ПГУ шинжилгээ:

Улсын хэмжээнд Ковид-19-ийн шинжилгээ авах явуулын болон түр 3 цэгт хяналт шалгалт хийж, илэрсэн зөрчил дутагдлыг арилгуулах арга хэмжээ авлаа. Шинжилгээ авах цэгүүдэд яаралтай тусламж үзүүлэх багц, бэлэн байдал хангагдаагүй, сорьц авах болон шинжигээ хийх багийн бүрэлдэхүүн дутуу зөрчил илэрсэн байна.

Вакцинжуулалт:

Улсын хэмжээнд вакцинжуулалтын 3 цэгийн үйл ажиллагаанд хяналт шалгалт хийхэд яаралтай тусламж үзүүлэх бэлэн байдлыг хангаагүй дутагдал илэрснийг арилгуулахаар зөвлөмж өгч, мэргэжил арга зүйгээр хангасан байна.

Шалгалтад хамрагдсан вакцинжуулалтын цэгүүдэд дархлаажуулалтын дараахь урвал хүндрэл, вакцины устгал бүртгэгдээгүй байна.

Аюултай хог хаягдал:

Нийслэлийн хэмжээнд Эрүүл мэндийн байгууллагын аюултай хог хаягдал устгалын төвлөрсөн байгууламж болох Элемент ХХК, Элемент медикал ХХК-д 2021 оны 09 дүгээр сарын 26-ны өдөр 10 эмнэлэг, эм хангамжийн байгууллага, 33 тусгаарлан ажиглах байр, 14 сорьц цуглуулах, түргэвчилсэн оношилгооны цэг, 6 дархлаажуулалтын түр цэг, Чингис хаан ОУНБ дахь ХМХА зэрэг нийт 63 цэгээс 5567.5 кг хог хаягдал тээвэрлэж, цуглуулсан. Цуглуулсан 5968.5 кг хогийг устгаснаас 4194.8 кг хогийг халдваргүйжүүлсний дараа булаж, 1773.7 кг хог хаягдлыг шатаах зууханд шатааж устгасан байна. Дээрх үйл ажиллагаанд 5 тээврийн хэрэгсэл, 15 хүн ажилласан байна.

Хилийн хяналт шалгалт:

Улсын хилээр орсон 228 тээврийн хэрэгсэл, 348 зорчигчдод эрүүл мэндийн хяналт хийж, 7 тохиолдлыг тусгаарлан ажиглалтад шилжүүлж, энгийн горимоор нэвтэрсэн 175 зорчигчоос Коронавируст халдвар /КОВИД-19/ илрүүлэх ПГУ шинжилгээ авсан байна. Улсын хилээр гарсан 174 тээврийн хэрэгсэлд халдваргүйжүүлэлт хийж, хяналт тавьж, 136 зорчигч, жолоочид эрүүл мэндийн тандалт хийв.

Алтанбулаг боомтоос Улаанбаатар хот дахь гүний гаалийн Ти Ай Ложистик, Интердесижн дэх терминалдиудад 13 тир автомашинаар 230.6 тн бараа бүтээгдэхүүн /77.1 тн хүнс, 73.3 тн тавилга, сэлбэг, төрөл бүрийн бараа, 61.8 тн өндөг, гахайн мах, 11 тн ахуйн бараа зэрэг/ тээвэрлэгдэн ирснийг журмын дагуу хүлээн авч, халдваргүйжүүлэлтийг хийлгэж, жолооч, ачаа бараа, ажиллагсдад халдвар хамгааллын дэглэмийг мөрдүүлэн ажиллалаа.

Уул уурхайн компанийн тусгаарлан ажиглалт

Өмнөговь, Ховд, Хэнтий, Төв, Баянхонгор аймгийн нутаг дэвсгэрт үйл ажиллагаа явуулж буй нийт уурхайн хэмжээнд 7091 ортой 1820 тусгаарлан ажиглах байр бэлтгэсэн бөгөөд энэ сарын 20-24-ний хооронд 1634 тусгаарлан ажиглах байранд 5661 ажилтан ээлж солилтоор тусгаарлагдаж байна.

Categories
мэдээ үндэсний-бөx

​Өврийн сайхан хангайн ах дүү гурван хүчтэн

Өврийн сайхан хангай нутагаас өдгөө олон хүчтэн наадмын торгон дэвжээг чимэн зодоглосоор байгаа билээ. Өвөрхангай аймгийн Баян-Өндөр сумын нутагт амьдарч байсан ах дүү гурван хүчтэний тухай хүргэж байна.

Энэ гурван хүчтэн Өвөрхангай аймгийн Баян-Өндөр сумын нутагт Тогтохын Сампилын гэр бүлд мэндэлжээ. Сампил гуайнх таван хүү хоёр охинтой айл байсан бөгөөд гурван хүү нь бага наснаасаа нутаг усандаа барилдаж эхэлжээ.

No description available.Т.Сампил гуай ч өөрөө бие хаа томтой их бяртай хүн байсан гэдэг. Гурван хүүгийн том нь аймгийн хурц арслан С.Лувсангомбо юм. Тэрээ 1955 онд аймгийнхаа баяр наадамд түрүүлэн аймгийн арслан цолыг хүртжээ. Түүний дараа жилээ С.Лувсангомбо арслан улсын наадмыг нутгийн бөх “шигшээ” хэмээх алдаршсан улсын начин Галсантай хамт хөтөлгөө морьтой зорьж байжээ.

Ингэж улсын наадмыг зорихдоо тэд “Төрийн их наадамд өөрийн чадлаар тав давна” хэмээн ярилцаж байсан гэдэг.

Ийнхүү хоёр хүчтэний хүсэл ёсоор болж улсын наадамд С.Лувсангомбо арслан зориж очсон улсын их баяр наадамдаа дөрөв давж тавын даваанд тэр үедээ улсын начин байсан Авхиа генералтай тунан барилджээ. Хоёр бөхийн барилдаан нилээн удаан үргэлжилж С.Лувсангомбо арслан давсан боловч дараагийн даваанд нэрийг нь дуудалгүй түүний оронд унасан бөх болох Авхиа гуайн нэрийг дуудан гаргаж барилдуулсан аж. Энэ талаар тухайн үед үзэж байсан наадамчин олон нь батлан хэлдэг байна.

Харин арслантай хамт явсан Галсан нь тав давж зургаагийн даваанд Булган аймгийн харъяат “Өвөр” н.Гомбосүрэн гэдэг бөхөд өвдөг шороодсон байна. Арслангийн амжилт үүгээр зогссонгүй 1961,1963 оны Өвөрхангай баяр наадмын тус бүр 5 давж шөвгөрсөн 1959,1964 онд Баян-Өндөр сумын баяр наадамд тус тус түрүүлсэн байна.

No description available.Харин дунд хүү болох аймгийн арслан С.Гомбодорж нь 1958 онд төрөлх сум Баян-Өндөр сумынхаа баяр наадамд түрүүлэн мөн тэр зунаа аймагтаа очиж түрүүлэн арслан цолыг хүртэж байжээ. Аймгийнхаа наадмын үзүүр түрүүнд Сант сумын харъяат “Тэмээ” Жамба хэмээх хүнтэй барилдан давж байжээ. Үүнээс хойш 1961 онд Баян-Өндөр сумынхаа наадамд ахин түрүүлсэн байна.

No description available.Түүний удмаас өдгөө аймгийн арслан Л.Батсайхан тогтмол сайн барилдаж байгаа билээ.

Харин бага дүү аймгийн заан С.Дорж нь сайн бөх төдийгүй сайн уяач хүн байв. Нутаг орныхон түүнийг хурц түргэн барилдаантай бөх гэдэг байсан гэж дурсдаг аж.

С.Дорж заан 1957 онд Өвөрхангай аймгийнхаа наадамд хоёр ахыгаа даган ирж барилдан тав давж аймгийн начин цол авсан байна. Харин 1961 онд Өвөрхангай аймгийн наадамд Зүүнбаян-Улаан сумын Р.Цоодолтой үзүүр түрүүнд үлдэн өвдөг шороодож аймгийн заан цол хүртсэн. Түүнийг аймгийн заан болсон жил Өмнөговь аймаг байгуулагдсаны 20 жилийн ойд зориулан анх удаа хөдөө орон нутагт 256 бөх барилдаж байжээ.

No description available.Энэхүү барилдаандаймгуудын түрүү бөхчүүдийг урилгаар барилдуулж байсан байна. Одоогоор бол чансаа өндөр бөхийн барилдаан болсон байна.

Тухайн Барилдаанд С. Дорж заан долоо давж наймын даваанд Дэмүүл арсланд өвдөг шороодож заан цолоо батлажээ. Хожимоо ч сум орон нутагтаа бол олон удаа үзүүр түрүүнд үлдэж байсан ба 1990 онд 60 настайдаа сумынхаа ахмад бөхчүүдийн барилдаанд үзүүр түрүүнд үлдсэн байдаг.

Түүний үр удмаас өдгөө сумын заан Б.Бат-Эрдэнэ тун амжилттай барилдаж байгаа төдийгүй сумынхаа баяр наадамын хоёр удаагийн түрүүг хуртээд буй юм. Өврийн сайхан хангайн ах дүү гурван хүчтэний тухай товч хүүрнэхэд ийм буюу.

Categories
мэдээ эдийн-засаг

Төрөөс мөнгөний бодлогын талаар 2022 онд баримтлах үндсэн чиглэлийн төслийг УИХ-д өргөн барив

Төрөөс мөнгөний бодлогын талаар 2022 онд баримтлах үндсэн чиглэлийн төслийг УИХ-аар хэлэлцүүлэхээр Монголбанкны Ерөнхийлөгч Б.Лхагвасүрэн өнөөдөр /2021 оны 9 дүгээр сарын 27/ УИХ-ын дарга Г.Занданшатарт өргөн барилаа.

Ирэх жилд баримтлах мөнгөний бодлогын үндсэн чиглэл нь нийгмийн эрүүл мэндийн хямрал бүрэн илааршаагүй, эдийн засаг, санхүүгийн хүндрэлээс сэргэж буй үед боловсруулагдаж байна. Иймд эдийн засгийн сэргэлтийг дэмжих, дунд хугацааны тогтвортой байдлыг хангах, түүнтэй уялдуулсан бүтцийн өөрчлөлтийн бодлогыг төрийн эрх бүхий байгууллагуудтай хамтран хэрэгжүүлэх зорилтуудыг дэвшүүлж байна.

  • Эдийн засгийн өсөлт: Монгол Улсын Засгийн газар, Төв банкнаас цар тахлын сөрөг нөлөөг бууруулах, эдийн засгийн сэргэлтийг дэмжих зорилгоор багц бодлого, зохицуулалтын арга хэмжээг авч хэрэгжүүлсэн нь ирэх жилийн эдийн засгийн өсөлтийг дэмжинэ. Ирэх онд эдийн засаг 5.9 хувиар өсөхөд уул уурхайн бус салбарын сэргэлт голлох нөлөөг үзүүлнэ. Түүнчлэн гадаадын шууд хөрөнгө оруулалт, экспортын орлого дотоод эрэлтийг дэмжинэ.
  • Инфляц: Эдийн засгийн сэргэлт, гадаад, дотоод нийлүүлэлтийн хүчин зүйлс инфляцад нөлөөлж байгаа хэдий ч ирэх онд Төв банкны зорилтын орчимд тогтворжих хүлээлт хэвээр байна. Ирэх оны 4 дүгээр улирлын дундаж инфляц 6.9 хувь байх хүлээлттэй байгаа бөгөөд цаашид инфляцыг 6%-ийн голчтой +/-2 хувийн интервалтай түвшинд тогтворжуулах дунд хугацааг харсан мөнгөний бодлогыг үргэлжлүүлэн хэрэгжүүлнэ.
  • Зээлийн өсөлт: Банкуудын болгоомжлол үргэлжилсэн хэвээр байгаа хэдий ч ажлын байрыг дэмжих зээлийн төлөвлөгөө амжилттай хэрэгжиж зээлийн хэмжээ өнгөрсөн оноос 14 хувиар өсөөд байна. Ирэх жилийн хувьд эдийн засгийн сэргэлтийг дэмжихэд шаардлагатай зээлийн өсөлтийг 14-15 орчим хувьд хүлээж байна. Цаашид дунд хугацааны тогтвортой байдлыг байдлыг хангах зээлийн өсөлтийн түвшинг 15-20 хувьд тогтворжуулна.
  • Төлбөрийн тэнцэл: Гадаад, дотоод эдийн засгийн сэргэлттэй холбоотойгоор нийт төлбөрийн тэнцэл 2022 онд 200 гаруй сая ам.долларын ашигтай байх төлөвтэй байна. Дотоод эдийн засгийн сэргэлт нь импортыг нэмэгдүүлж байгаа ч дэлхийн эдийн засгийн сэргэлт Монгол Улсын экспортын үнэд таатай нөлөө үзүүлж байна. Түүнчлэн, олон улсын санхүүгийн байгууллагууд, донорууд, бизнесийн түншүүдийн санхүүгийн дэмжлэг валютын урсгалыг дэмжих төлөвтэй байна.

Эдийн засгийн сэргэлт үргэлжилж байгаа хэдий ч дараах хэд хэдэн асуудалд ойрын хугацаанд голлон анхаарал хандуулах шаардлагатай байна. Тухайлбал,

  • Цар тахлын нөхцөл байдал төсөөллийн тодорхой бус байдлын гол эх сурвалж байна.
  • Эдийн засгийн сэргэлт жигд бус, хүртээмжтэй бус байна. Өрхийн хэрэглээ сүүлийн 3 улирал агшсан, үйлчилгээний салбарын агшилт үргэлжилж байна.
  • Уул уурхайн салбарын хувьд нүүрсний экспортод үүссэн доголдол нь уул уурхайн салбарын өсөлт, түүнийг дагасан холбогдох салбаруудын өсөлтөд сөргөөр нөлөөлж, валютын урсгалыг нэмэгдүүлэх боломжийг алдагдуулсаар байна.
  • Түүнчлэн, тээвэр логистикийн доголдол нь бүтээгдэхүүн, үйлчилгээний үнийг нэмэгдүүлж, сэргэлтийг удаашруулж байна.
  • Инфляц 8 дугаар сарын байдлаар улсын хэмжээнд 8.9%-д хүрч нэмэгдсэн хэдий ч гадаад, дотоод нийлүүлэлтийн хүчин зүйлс дийлэнх хувийг бүрдүүлж байна. Өөрөөр хэлбэл, инфляцын хувьд 7-8 дугаар сар нь импортын барааны томоохон нөлөөтэй сарууд болж өнгөрлөө.

Төрөөс мөнгөний бодлогын талаар 2022 онд баримтлах үндсэн чиглэлд төрийн эрх бүхий бусад байгууллагуудтай хамтран хэрэгжүүлэхээр дараах асуудлуудыг бодлогын зорилт болгон тусгалаа.

Төрөөс мөнгөний бодлогын талаар баримтлах 2022 онд баримтлах үндсэн чиглэл нь ковидын хүндрэлээс гаргах ногоон-хүртээмжтэй сэргэлтийг дэмжсэн бүтцийн өөрчлөлтийн эхлэлийг тавихаар зорьж байна. Эдгээр асуудлууд нь цар тахлын дараах сэргэлтийн бодлоготой уялдаж, дэлхий нийтээр анхаарал хандуулж байгааг онцлох нь зүйтэй.

Дунд хугацааны тогтвортой өсөлтийг хангахад чиглэсэн уул уурхайн бус экспортын бизнесийн орчныг сайжруулах, зээлийн хүүг бууруулахад чиглэсэн хууль эрх зүйн шинэчлэлийг эрчимжүүлэх, ипотекийн зээлийн тогтолцоог сайжруулах чиглэлээр бусад бодлого боловсруулагч, зохицуулагч байгууллагуудтай хамтран ажиллахаар төлөвлөж байна. Түүнчлэн, ФАТФ-ын 2023 оны харилцан үнэлгээний бэлтгэл ажлыг хангах, сайжруулах арга хэмжээнүүдийг эрчимжүүлэх чиглэлийн ажлуудыг зорилт болгож байна.

Түүнчлэн, макро эдийн засгийн бодлогын хувьд инфляцыг тогтворжуулах, банкны системийн шинэчлэлийг гүнзгийрүүлж, тогтвортой байдлыг хангах, төлбөрийн системийн найдвартай байдлыг хангах, хөгжлийг дэмжихэд чиглэсэн Монголбанкны мөнгөний бодлого, санхүүгийн тогтвортой байдлыг хангахад чиглэсэн бодлого үйл ажиллагааг бие даан хэрэгжүүлэхээр төрийн мөнгөний бодлогын үндсэн чиглэлд тусгалаа.

Categories
мэдээ нийгэм

Банк дээрэмдэхийг завдсан этгээдийг илрүүлжээ

Хан-Уул дүүргийн 21 дүгээр хороонд байрлах Капитрон банкны тооцооны төвд 2021 оны 09 дүгээр сарын 09-ний өдрийн 16:00 цагийн орчимд

Цагдаагийн алба хаагчид уг хэргийг үйлдсэн этгээдийг тасралтгүй эрэн сурвалжилж, мөрдөн шалгах ажиллагаа явуулсны дүнд уг хэргийг үйлдсэн байж болзошгүй 46 настай, эрэгтэй Э гэгчийг 2021 оны 09 дүгээр сарын 26-ны өдөр урьдчилсан байдлаар тогтоож баривчлан таслан сэргийлэх хойшлуулшгүй арга хэмжээ авч Монгол Улсын Эрүүгийн хуулийн 17.2 зүйлийн 3 дахь хэсгийн 3.2-т зааснаар хэрэг бүртгэлтийн хэрэг үүсгэж Хан-уул дүүрэг дэх цагдаагийн газрын Хоёрдугаар хэлтэст мөрдөн шалгах ажиллагааг үргэлжлүүлэн явуулж байна.

Categories
гадаад мэдээ

Кабулын нисэх онгоцны буудал хэвийн ажиллахаар болжээ

Афганистаны нийслэл Кабул хотын нисэх онгоцны буудал дотоодын олон улсын нислэгүүдээ хэвийн үргэлжлүүлэхээ мэдэгдлээ.

Талибанчууд нисэх онгоцны буудлын бүх үйлчилгээг сэргээснээр тус улсын өлсгөлөнд нэрвэгдэх аюулд орсон 12 сая гаруй иргэнд олон улсын хүмүүнлэгийн тусламжууд хүрч эхлэх юм.

Наймдугаар сарын 15-нд Талибанчууд Кабулыг эзэлснээ мэдэгдсэнээс хойш тус улсад олон зүйлс өөрчлөгдсөн. Ялангуяа гаднынхны дэмжлэгээр үйл ажиллагаагаа явуулдаг байсан стратегийн чухал салбарууд үйл ажиллагаа нь доголдсон. Тэр дундаа энэ сарын сүүлээр хүнсний хямрал нүүрлэхэд ойрхон болоод байсан Афганистанд олон улсын нисэх онгоцны буудлын үйл ажиллагаа зогссоноос үүдэн хүмүүнлэгийн тусламж хүрч чадах эсэх нь эргэлзээтэй болж байсан юм.

Харин Талибанчууд олон улсын нисэх онгоцны буудлын дэд бүтцийн зарим асуудлуудыг шийдэж бүх агаарын тээврийн компаниудтай хамтран ажиллахад бэлэн байгаагаа мэдэгдэж байна. Мөн өмнө нь Кабул руу нислэг үйлдэж байсан агаарын тээврийн компаниуд болон улс орнуудыг нислэгээ сэргээнэ хэмээн найдаж байна “гэж Афганистаны түр засгийн газрын Гадаад хэргийн яамны хэвлэлийн төлөөлөгч Абдул Кахар Балхи твиттер хуудсандаа бичжээ. Үүний дараа Пакистанаас Кабулд суугаа элчин сайд Мансур Ахмад Хан Пакистаны агаарын тээврийн хэд хэдэн компаниуд нисэх онгоцны хэвийн үйл ажиллагаагаа явуулж эхэлмэгц долоо хоногт 1-2 удаа тогтмол нислэгээ эхлүүлэхэд бэлэн байгаагаа мэдэгдсэн.

Ингэсээр олон улсын байгууллагуудын хүмүүнлэгийн тусламж тус улсад саадгүй хүрнэ. НҮБ-ын зүгээс энэ сарын дундуур эм тариа, хоол хүнсний тусламж хүргэхэд 600 сая долларыг олон улсаас цуглуулж эхэлсэн. Хамгийн түрүүнд Аргентин улс 2.1 тэрбум долларын хандив өгсөн бөгөөд хандивын цуваа үргэлжилсээр байх юм. Гэвч Афганистан дахь хүнсний хямралд 12.2 сая хүн өртөх эрсдэлтэй байгаа. НҮБ-ын хүмүүнлэгийн асуудлыг зохицуулах газраас гаргасан мэдээллээр хоол тэжээлийн хурц дутагдал 16 хувиар өссөн бөгөөд 900 мянган хүнийг хамарсан. Харин дунд зэргийн хоол тэжээлийн дутагдал 11 хувиар өсч одоогоор 3.1 сая хүүхдэд өртөөд байна.

Хоол тэжээлийн дутагдлын дийлэнх шалтгаан эдийн засгийн байдал болон ган гачгаас хамаарч байгаа бөгөөд оны сүүл гэхэд улам хурцдах аюул тулгараад байна. Энэ сарын эхээр Кабул хотноо НҮБ-ын тусгай төлөөлөгчид Талибаны төлөөлөгчидтэй хүмүүнлэгийн тусламж үзүүлэх асуудлаар хэлэлцээ хийсэн бөгөөд тэдний саналыг Талибанчуудын зүгээс хүлээн авч цаашид ч хамтран ажиллахаа мэдэгдсэн юм. Хүмүүнлэгийн тусламжийн цуваа Европын холбооныхоор үргэлжилжлхээр болсон. Гэхдээ Европын холбооны орнууд Талибанчуудтай хүмүүнлэгийн тусламж хүргэх албан ёсоор хэлэлцээр хийгээгүй байгаа аж.

Categories
мэдээ спорт цаг-үе

Монгол охин өсвөрийн шатарчдын Зүүн Азийн аварга боллоо

Энэ жилийн өсвөрийн шатарчдын Зүүн Азийн аварга шалгаруулах тэмцээн цар тахлын улмаас өндөр түвшний хяналт шалгалт дор цахимаар зохион байгуулагдлаа.

Энэ удаагийн тэмцээнийг Тайландын Вант Улсын шатрын холбоо болон Азийн Шатрын Холбоо хамтран зохион байгуулсан бөгөөд манай улсаас нийт 76 өсвөрийн шатарчин оролцож байгаагаас эхний ээлжид охидын бүх насны ангилал амжилттай болж, дүнгээ гаргасныг Монголын шатрын холбооноос мэдээллээ. 

Тодруулбал, тус тэмцээн нь рапид төрлөөр гурван өдрийн турш нийт есөн өрөг тоглож, Зүүн Азийн 14 орны өсвөрийн шатарчид оюун ухаанаа уралдуулж, эх орныхоо нэрийг олон улсад өндөрт өргөжээ. 

Монгол Улсаас 10 насны охидын ангилалд Дархан-Уул аймгийн Мягмарын Цэлмэг есөн өргөөс найман оноотой тэргүүн байр эзэлж, өсвөрийн шатарчдын Зүүн Азийн Аварга болсон байна.

Мөн тус насны ангилалд Сүхбаатар аймгийн Энхмөнхийн Гэгээнээ хоёрдугаар байр эзэлж, мөнгөн медаль хүртжээ.

Харин 16 насны охидын ангилалд Дорнод аймгийн Хэрлэнзоригийн Урангоо гутгаар байр эзэлж, хүрэл медаль хүртсэн байна.

Тэмцээн нийт зургаан насны ангиллаар явагдсан бөгөөд

  • Найм хүртэлх насны охидын ангилалд “Элит Брэйн” олон улсын академийн Амармэндийн Энэрлэн 6 оноогоор 9-р байр,
  • 10 насны охидын ангилалд “Говьсүмбэр” аймгийн Мөнхпүрэвийн Маргад 6 оноогоор 9-р байр,
  • 14 насны охидын ангилалд “Гэгээн Арвай” клубын Батсайханы Энхсаран 6 оноогоор 7-р байр,
  • 18 насны охидын ангилалд “Гобичесс” клубын Энхсайханы Удвал 5 оноогоор 6-р байр тус, тус эзэлж эхний 10 байрт шалгарсан аж.
Categories
мэдээ нийгэм

Хүннү Эйр: Ирэх сарын 03-ны өдрийн нислэг цуцлагджээ

Аравдугаар сарын 03-ны өдрийн УБ-НурСултан-УБ чиглэлийн нислэг зөвшөөрөлтэй холбоотой цуцлагдсан болохыг “Hunnu air”-ээс мэдээллээ.

Нийт зорчигчдын анхааралд:

Аравдугаар сарын Нурсултан болон Будапешт хотууд руу хийх эхний нислэгийн урьдчилсан бүртгэлийн хүсэлт хүлээж авах мэйл дараах хуваарийн дагуу нээгдэх ба нээгдэх өдрөөс өмнө илгээсэн хүсэлтүүдийг хүлээж авах боломжгүйг анхаарна уу.
• Аравдугаар сарын 10-ны өдрийн УБ-Алматы-УБ чиглэлийн нислэгийн бүртгэл 10 сарын 05-ны өдрөөс эхлэх ба almaty@hunnuair.com –аар хүсэлт хүлээн авна.
• Аравдугаар сарын 11-ний өдрийн УБ-Будапешт-УБ чиглэлийн нислэгийн бүртгэл 10 сарын 06-ны өдрөөс эхлэх ба budapest@hunnuair.com –аар хүсэлт хүлээн авна.
•Дараагийн нислэгүүдийн урьдчилсан бүртгэл www.facebook.com/HunnuAirOfficial пэйж хуудсанд оруулах зарын дагуу эхлэх тул шалгаж байна уу.
Categories
мэдээ эдийн-засаг

ОХУ болон БНХАУ-аас 9750 орчим тонн АИ-92 автобензин нийлүүлнэ

Энэ сарын 27-наас 30-ны өдрүүдэд ОХУ болон БНХАУ-аас манай улсад 9750 орчим тонн АИ-92 автобензин нийлүүлнэ. Энэ нь Монгол Улсын АИ-92 автобензиний ердийн хэрэглээний 8 хоногийн нөөц юм гэж УУХҮЯ-наас мэдээллээ.

Categories
мэдээ спорт туслах-ангилал

ЗГ: “ТОКИО-2020” зуны олимп, Паралимпийн наадамд оролцсон тамирчин, дасгалжуулагч, шүүгчдэд шагнал гардууллаа

Монгол Улсын Үндэсний шигшээ багийн тамирчид, “Токио-2020” зуны олимпийн наадамд спортын 10 төрлөөр 43 тамирчин, Паралимпийн наадамд 6 төрлөөр 11 тамирчин оролцож, нэг алт, нэг мөнгө, гурван хүрэл медаль хүртсэн. Монгол Улсын Ерөнхий сайд, Олимпийн наадамд бэлтгэх үндэсний хорооны дарга Л.Оюун-Эрдэнэ олимпийн наадамд амжилттай оролцсон тамирчин, дасгалжуулагч, шүүгчдэд өнөөдөр шагнал гардууллаа.


Монгол Улс 1961 онд НҮБ-д элсэж, 1964 оны Токиогийн олимпод анх оролцож байсан түүхтэй. Үүнээс хойшхагас зууны дараа, цар тахлын үед зохиогдсон “Токио-2020” зуны олимпын наадамд манай тамирчид амжилттай оролцож, монгол түмнийхээ бахархал боллоо. Амаргүй сорилт дундаас манай тамирчид нэг алт, хоёр мөнгө, гурван хүрэл медаль хүртэж, Төрийнхөө далбааг Токиогийн тэнгэрт мандуулсанд Ерөнхий сайд баяр хүргэлээ.


Сар гаруйн өмнө Монгол Улсын Ерөнхий сайдын ахалсан үндэсний таван хороо байгуулсны нэг нь Олимпизмийг дэлгэрүүлж, хүний хөгжлийн шалгуур үзүүлэлтүүдийг сайжруулж, амьдралын чанарыг дээшлүүлэх хороо юм. Энэ хүрээнд Монгол Улсад олимпизмийг дэлгэрүүлж, эрүүл, эртэч, жингийн илүүдэлгүй, боловсролтой монгол иргэнийг төлөвшүүлэх зорилт дэвшүүлснээ Ерөнхий сайд тэмдэглээд олимпын тамирчдыг энэ хорооны ажилд манлайлан оролцохыг урилаа.


Гурван жилийн дараа болох Парис-2024 зуны олимпын наадамд бэлтгэх үндэсний хорооны даргын хувьд шаардлагатай асуудлуудыг Засгийн газар анхаарч дэмжин ажиллах болно гэдгээ илэрхийлэв.
Монгол Улсын Засгийн газраас үндэсний шигшээ багийн бэлтгэл сургуулилалтын орчин нөхцөл, тамирчдын залгамж халааг бэлтгэхэд онцгой анхаарч “Үндэсний шигшээ багийн бэлтгэл сургалтын төв” улсын төсөвт үйлдвэрийн газрыг байгуулахаар ажиллаж байгааг Ерөнхий сайд дурдаад Парис-2024 зуны олимп, паралимпын наадамд олон эрх авч, Европын тэнгэрт Монгол Улсын Төрийн дууллыг олон удаа эгшиглүүлэн төрийн далбаагаа мандуулахын ерөөлийг дэвшүүллээ.


“Токио-2020” наадамд амжилт гаргасан дараах тамирчин, дасгалжуулагч, шүүгчдэд шагнал мөнгөн шагнал гардууллаа.
Монгол Улсын Төрийн далбаагаа олимпын тэнгэрт мандуулсан бахдам амжилт, дэлхий дахинд эх орноо сурталчлан таниулж, биеийн тамир, спортоор хичээллэхийн ач холбогдол, үлгэр дуурайлыг үзүүлсэндараах тамирчдад “Тамирчин, дасгалжуулагчдад мөнгөн шагнал олгох тухай” Засгийн газрын 2021 оны 8 дугаар сарын 11-ний өдрийн 240, 2021 оны 9 дүгээр сарын 22-ны өдрийн 292 дугаар тогтоолын дагуу шагнал гардууллаа.

1. Токио-2020 Паралимпын наадмын алтан медальт, Гавьяат тамирчин Э.Содномпилжээд орон сууц, 120 сая төгрөг, Монгол Улсын Ерөнхий сайдын батламж;

2. Токио-2020 Олимпын наадмын мөнгөн медальт, Жүдо бөхийн Үндэсний шигшээ багийн тамирчин С.Моллайд орон сууц, 60 сая төгрөг, Монгол Улсын Ерөнхий сайдын батламж;

3. Токио-2020 Олимпын наадмын хүрэл медальт, Гавьяат тамирчин, Жүдо бөхийн Үндэсний шигшээ багийн тамирчин М.Уранцэцэг орон сууц, 30 сая төгрөг, Монгол Улсын Ерөнхий сайдын батламж;

4. Токио-2020 Олимпын наадмын хүрэл медальт, Жүдо бөхийн Үндэсний шигшээ багийн тамирчин Ц.Цогтбаатар орон сууц, 30 сая төгрөг, Монгол Улсын Ерөнхий сайдын батламж;

5. Токио-2020 Олимпын наадмын хүрэл медальт, Чөлөөт бөхийн Үндэсний шигшээ багийн тамирчин Б.Болортуяа орон сууц, 30 сая төгрөг, Монгол Улсын Ерөнхий сайдын батламж;

6. Жүдо бөхийн Үндэсний шигшээ багийн ахлах дасгалжуулагч Х.Болдбаатарт 45 сая төгрөг, Монгол Улсын Ерөнхий сайдын батламж;


7. Жүдо бөхийн Үндэсний шигшээ багийн дасгалжуулагч М.Бундмаад 15 сая төгрөг, Монгол Улсын Ерөнхий сайдын батламж;
8. Чөлөөт бөхийн Үндэсний шигшээ багийн дасгалжуулагч Б.Баттулгад 15 сая төгрөг, Монгол Улсын Ерөнхий сайдын батламж;
9. Пауэрлифтингийн Үндэсний шигшээ багийн дасгалжуулагч Д.Баттулгад 60 сая төгрөг, Монгол Улсын Ерөнхий сайдын батламж гардуулав.


Мөн олимпын наадамд амжилттай оролцож, IV, V байр эзэлсэн болон анх удаа багийн спортын төрлөөр оролцсон тамирчид, олон улсын шүүгчийн эрх авч шүүгчээр ажилласан шүүгч нарт нэг удаагийн мөнгөн урамшуулал, Ерөнхий сайдын батламж гардуулав. Үүнд,

1. “Токио-2020” олимпийн наадмын шагналт 4 дүгээр байрт шалгарсан, МУ-ын Гавьяат тамирчин, Хүндийн өргөлтийн Үндэсний шигшээ багийн тамирчин М.Анхцэцэг 20 сая төгрөг, Монгол Улсын Ерөнхий сайдын батламж;

2. “Токио-2020” олимпын наадмын шагналт 4 дүгээр байрт шалгарсан, МУ-ын Гавьяат тамирчин, Боксын Үндэсний шигшээ багийн тамирчин Э.Цэндбаатар 20 сая төгрөг, Монгол Улсын Ерөнхий сайдын батламж;

3. Токио-2020” олимпын наадмын шагналт 5 дугаар байрт шалгарсан Чөлөөт бөхийн Үндэсний шигшээ багийн тамирчин С.Батцэцэгт 20 сая төгрөг, Монгол Улсын Ерөнхий сайдын батламж;

4. “Токио-2020” олимпын наадмын шагналт 5 дугаар байрт шалгарсан Чөлөөт бөхийy Үндэсний шигшээ багийн тамирчин М.Лхагвагэрэл 20 сая төгрөг, Монгол Улсын Ерөнхий сайдын батламж;

5. “Токио-2020” олимпын наадмын шагналт 5 дугаар байрт шалгарсан Чөлөөт бөхийн Үндэсний шигшээ багийн тамирчин Б.Хонгорзулд 20 сая төгрөг, Монгол Улсын Ерөнхий сайдын батламж;

6. “Токио-2020” олимпын наадмын шагналт 5 дугаар байрт шалгарсан Чөлөөт бөхийн Үндэсний шигшээ багийн тамирчин Ц.Намуунцэцэгт 20 сая төгрөг, Монгол Улсын Ерөнхий сайдын батламж;

7. “Токио-2020” паралимпийн наадмын шагналт 5 дугаар байрт шалгарсан Пара жүдо бөхийн Үндэсний шигшээ багийн тамирчин Н.Алтанцэцэгт 20 сая төгрөг, Монгол Улсын Ерөнхий сайдын батламж;

8. “Токио-2020” олимпын наадамд анх удаа багийн спортын төрлөөр эрх авч оролцсон 3х3 сагсан бөмбөгийн эмэгтэй багийн тамирчдад 30 сая төгрөг, Монгол Улсын Ерөнхий сайдын батламж;

9. “Токио-2020” олимпын наадамд Хүндийн өргөлтийн тэмцээнд шүүгчээр ажилласан Л.Одгэрэлд 10 сая төгрөг, Монгол Улсын Ерөнхий сайдын батламж;

10. “Токио-2020” олимпын наадамд жүдо бөхийн шүүгч Т.Энхцэцэгт 10 сая төгрөг, Монгол Улсын Ерөнхий сайдын батламж;

11. “Токио-2020” олимпын наадамд байт харвааны шүүгч Э.Саруулд 10 сая төгрөг, Монгол Улсын Ерөнхий сайдын батламж;

12. “Токио-2020” олимпын наадамд боксын шүүгч Т.Цогтгэрэлд 10 сая төгрөг, Монгол Улсын Ерөнхий сайдын батламж;

13. “Токио-2020” олимпын наадамд пара триатлоны шүүгч Б.Цагаанбаатарт 10 сая төгрөг, Монгол Улсын Ерөнхий сайдын батламж гардууллаа.

14. “Токио-2020” зуны олимп, паралмпийн наадамд оролцсон Монгол Улсын Үндэсний шигшээ багийн бүрэлдэхүүний ёслолын болон бэлтгэлийн хувцасны иж бүрдлийг үйлдвэрлэн нийлүүлсэн үндэсний үйлдвэрлэгч Мичел Амазонка ХХК-ийн хамт олонд төлөөлж захирал Ч.Мөнхжаргалд 10 сая төгрөг, Монгол Улсын Ерөнхий сайдын батламж гардууллаа.

Categories
мэдээ нийгэм цаг-үе

​0.07 га газрын зөвшөөрлийг он дуустал олгохгүй


Шуурхай зөвлөгөөний үеэр Нийслэлийн Засаг дарга бөгөөд Улаанбаатар хотын Захирагч Д.Сумъяабазар иргэдэд олгох 0.07 га газрын зөвшөөрлийг түр хугацаанд түдгэлзэх нь зүйтэй гэлээ. Учир нь газар олголтыг цахим хэлбэрт шилжүүлнэ. Мөн Нийслэл Улаанбаатар хотыг 2040 он хүртэл хөгжүүлэх Ерөнхий төлөвлөгөөг боловсруулж батлуулахын сацуу Улаанбаатар хотын дүрэм, норм, стандартыг боловсруулахтай холбоотойгоор иргэдэд он дуустал газар олгохгүй байх, шинээр өргөдөл авахгүй байхыг холбогдох албаныханд хандан мэдэгдлээ. Улаанбаатар хотын өмнө тулгамдаж буй олон асуудлын эх үндэс нь замбараагүй газар олголт байсны дээр цаашид хотын хөгжлийг тодорхойлоход ч газар олголт онцгой нөлөөтэйг тодотгосон юм.

Түүнчлэн нийслэлчүүдийн ая тухтай амьдралын эх булаг нь ногоон байгууламж тул нэмэгдүүлэхэд онцгойлон анхаарна гэдгээ мэдэгдлээ. Хөгжингүй орны хотуудад нэг иргэнд 24 ам метр ногоон байгууламж ногддог байтал манай хотын нэг иргэнд 5-6 ам метр ногоон байгууламж байгаа нь чамлалттай гэдгийг Хотын дарга тодотгов. Цаашид Монгол Улсын Ерөнхийлөгчийн гаргасан нэг тэрбум мод тарих уриалгыг дэмжиж, нийслэлийн иргэн бүр, айл өрх болгон мод тарьж, ногоон байгууламж бүхий цэцэрлэгт хүрээлэн, талбай байгуулахыг бүх талаар дэмжихээ илэрхийлсэн.