Month: August 2021

Categories
мэдээ нийгэм онцлох-нийтлэл туслах-ангилал

Өдрийн сонинд нэрт нийтлэлч Баабар “Террорист Энхсайхан шоронгоос суллагдав” хэмээн өгүүллээ

Өглөө бүр тантай хамт байдаг “Өдрийн сонин”-ы лхагва гаригийн дугаар 12 нүүрээр хэвлэгдэж, та бүхний гар дээр хүрч байна.

“Өдрийн сонин”-ы тэргүүн нүүрт УИХ-ын гишүүн, БСШУС-ын байнгын хорооны дарга Г.Дамдинням “Боловсролын
салбарт цогц
реформ
хийгдэнэ” хэмээснийг “Улс төр” нүүрээс үргэлжлүүлэн уншаарай.

Сэтгэл засалч Д.Эрдэнэбаатар “Хайраар дутсан хүүхэд л сэтгэл зүйн асуудлуудтай нүүр тулгарах эрсдэлтэй байдаг” гэв.

“Өдрийн сонин”-ы нийтлэлийн бодлогыг тодорхойлогч, ард түмний дуу хоолой болдог “Баримт, үзэл бодол” нүүрт нэрт нийтлэлч Баабар “Террорист Энхсайхан шоронгоос
суллагдав” хэмээн өгүүллээ.

Замын-Үүд дэх Хилийн мэргэжлийн хяналтын албаны дарга Л.Эрдэнэчулуун “Төрийн ажлыг мөнгө гэж хардаг албан тушаалтнууд олон байна” хэмээн “Баримт, үйл явдал”-ын VII нүүрт ярилаа.

Энэ удаагийн “Эдийн засаг” буланд эдийн засагч Ч.Отгочулуу “Засгийн газар эдийн
засгийг нь авч яваа мега төсөлдөө хүч
түрэмгийлсэн байдлаар хандаж болохгүй” хэмээн ярив.

Дэлгэрэнгүй мэдээллүүдийг уншихыг хүсвэл дараах линкээр бүртгүүлж уншина уу. https://admin.dnn.mn/plugins/news/login/

Эдгээр болон бусад цаг үеийн мэдээ мэдээлэл, ярилцлага, сурвалжлагыг “Өдрийн сонин”-ы лхагва гаригийн дугаараас уншаарай.

Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудангийн салбаруудаас болон сонин борлуулах цэгүүд, Хэвлэлийн биржээс худалдан авах боломжтой. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдан авч болохыг дуулгая. Түүнчлэн “Өдрийн сонин”-ы өөрийн байранд ирж худалдан авч болно. Уншигч та “Өдрийн сонин”-ыг захиалан уншихыг хүсвэл 9911-2954, 8811-1375 дугаарт холбогдоно уу.

Цахим хэлбэрээр нь захиалахыг хүсвэл 99726725 дугаарт холбогдож дэлгэрэнгүй мэдээллийг аваарай.

“Өдрийн сонин”-той холбоотой мэдээ мэдээллийг 19001987-гоос лавлана уу.

“ӨДРИЙН СОНИН” ӨГЛӨӨ БҮР ТАНТАЙ ХАМТ

Categories
мэдээ нийгэм

Хөгжлийн бэрхшээлтэй хүүхдүүд зайнаас эмчийн үзлэгт хамрагдах боломжтой болжээ

Хөдөө орон нутагт байгаа хөгжлийн бэрхшээлтэй хүүхдүүддээ телемедицин үйлчилгээ буюу зайнаас эмчийн үзлэгт хамрагдах боломж бүрджээ. Хөдөлмөр, нийгмийн хамгааллын яам нь Leaders Advancing Democracy – LEAD Mongolia US20 хөтөлбөрийн “Ил тод байдлыг сайжруулах, авлигыг бууруулах” бодлогын багтай хамтран хэрэгжүүлж буй “Бидэнд Ойр”-хөгжлийн бэрхшээлтэй хүүхдүүдэд үзүүлэх эрүүл мэндийн үйлчилгээний хүртээмжийг сайжруулах төсөл хэрэгжүүлж эхэлсэн байна.

Төслийн хүрээнд хөдөө орон нутаг алслагдсан сум дүүрэгт байгаа хөгжлийн бэрхшээлтэй хүүхдүүд Улаанбаатар хот дахь Хөгжлийн бэрхшээлтэй хүүхдийн сэргээн засах хөгжлийн төв рүү eclinic.mn платформоор дамжуулан телемедицин буюу зайнаас эмчийн үзлэгт орох юм. Телемедицин үйлчилгээг нэвтрүүлснээр хөгжлийн бэрхшээлтэй хүүхдүүд эмнэлэгт бус гэртээ, эмчилгээнд бус хайртай хүмүүстэйгээ цагийг өнгөрөөх боломжтой болохоос гадна яаралтай эмчийн үзлэгийг цаг алдалгүй Монгол Улсын хаанаас ч авах боломж бүрдэх юм.

“Хөгжлийн бэрхшээлтэй хүүхэдтэй эцэг эхийн холбоо”-ны Баян-Өлгий аймаг дахь салбарт нийт 11 хөгжлийн бэрхшээлтэй хүүхдийг телемедицин үйлчилгээнд амжилттай хамрууллаа. Мөн Баян-өлгий аймагт зайнаас эмчийн үзлэгт хамруулах тоног төхөөрөмжийг гардуулан өгчээ.

Categories
мэдээ үндэсний-бөx

Шөвгөрсөн бөхчүүдээс допингийн эсрэг байгууллага шинжилгээ авна

Монголын үндэсний бөхийн холбоо (МҮБХ)-ноос наймдугаар сард задгай талбайд зохион байгуулах барилдааны хуваарийг танилцуулсан билээ.

Уг хуваарийн дагуу наймдугаар сарын 16-17-нд Хүй долоон худагт Улс, аймгийн алдар цолтой бөхийн барилдаан, наймдугаар сарын 21-22-нд Монголын залуучуудын холбооны 100 жилийн ойд зориулсан улс, аймгийн алдар цолтой 128 бөхийн барилдаан, наймдугаар сарын 28-нд Сонгинохайрхан дүүрэгт шилдэг сумын заан цолтой 64 бөхийн барилдаан болох юм.
Эдгээр барилдааны эхнийх болох Ардын хувьсгалын 100 жилийн ойн хүрээнд зохион байгуулах МҮБХ-ны 30 жил, монгол бөхийг дэлхийн дээд амжилт Гиннест бүртгүүлсний 10 жилийн ойд зориулсан “Үндэсний бөх үнэт өв” барилдааны удирдамж гарчээ.
1. Барилдааныг 2021 оны наймдугаар сарын 16, 17-ны өдрүүдэд Хүй долоон худагт үзэгчгүйгээр зохион байгуулна.
2. Барилдах бөхчүүдийг 2021 оны наймдугаар сарын 14, 15-ны өдрүүдэд 10.00-18.00 цагийн хооронд “Монгол бөхийн өргөө”-нд бүртгэнэ.
3. Бөхчүүд цолны үнэмлэх, вакцины 2 тунд хамрагдсан гэрчилгээ (Ковид тусаад эдгэрсэн тухай бичиг) цээж зураг, PCR шинжилгээ болон мандатын төлбөр (20.000 төг) -тэй өөрийн биеэр ирж бүртгүүлнэ.
4. Барилдах бөхчүүд, жаяг дэгийн багийн гишүүдээс PCR шинжилгээг барилдаан болох өглөө ( 2021 оны наймдугаар сарын 16-ны 09.00 цагаас) Хүй долоон худагт авна.
5. Бөхийн барилдааны нэгийн даваа 11.00 цагт эхэлнэ.
6. Энэхүү барилдаанд МҮБХ-ны Цэцдийн зөвлөлийн хурлаар шинэчлэн баталсан дүрмийг баримтална.
7. Шөвгөрсөн бөхчүүдээс Допингийн эсрэг байгууллага шинжилгээ авна.
8. Бөхийн гал, дэвжээд зөвшөөрсөн талбайд өөрийн гэрээ барьж болох бөгөөд бөхчүүд хоол хүнс болон хувийн бэлтгэлээ өөрсдөө хариуцна.
9. Бөхийн барилдааныг шууд дамжуулах телевизүүд албан ёсоор МҮБХ-ны менежер С.Гантөртэй 88085308 дугаарын утсаар холбогдож, мандат авна.
10. Бөхчүүд болон жаяг дэгийн багийнхан тус барилдааны үеэр Цагдаа, Мэргэжлийн хяналт, эрүүл мэндийн байгууллагын албан хаагчдын тавьсан шаардлагыг сахин биелүүлж, халдвар хамгааллын дэглэмийг чанд мөрдөнө.
Categories
мэдээ нийгэм

Лаборатори сургуульд ажиллах сэтгэл зүйчдийг сонгон шалгаруулжээ

Ерөнхий боловсролын лаборатори сургуульд ажиллах сэтгэл зүйчийн сонгон шалгаруулалт 2021 оны 7 дугаар сарын 30-ны өдрөөс 8 дугаар сарын 9-ний өдрүүдэд үргэлжиллээ.

Сонгон шалгаруулалтад 136 хүний материал ирж хоёр шатны шалгаруулалтыг хийсэн байна.

Ерөнхий боловсролын сургуулийн сэтгэл зүйчийг мэргэшүүлэх сургалтын хөтөлбөрийг боловсруулж, баталсан бөгөөд дээрх сонгон шалгаруулалтад тэнцэж ажлын байраар хангагдсан 42 сургуулийн сэтгэл зүйчдийн сургалтыг 2021 оны 8 дугаар сарын 16-ны өдрөөс эхлүүлэхээр бэлтгэл ажлыг хангаж байна.








Categories
мэдээ спорт

Токиогийн олимпод оролцсон тамирчдын сүүлийн ээлж маргааш ирнэ

Токиогийн олимпод оролцсон Монголын шигшээ баг тамирчдын сүүлийн хэсэг маргааш буюу наймдугаар сарын 11-ний орой 23:00 цагийн үед эх орондоо газардана.

Энэ өдөр чөлөөт бөх, хөнгөн атлетикийн тамирчид, дасгалжуулагчид, МҮОХ, БТСУХ-ны ажилтнууд болон сэтгүүлчид тэргүүтэй 43 хүн эх орондоо ирэх юм.

Харин гавьяат тамирчин Б.Сэр-Од дасгалжуулагч О.Оюунтуяагийн хамт Японд үлдэж, Хоккайдод бэлтгэлээ үргэлжлүүлэн хийх юм.

Олимпоо дуусгасан тамирчид одоогооро олимпын тосгоноо орхин Яизү хотод байрлаж байна.

Categories
мэдээ спорт

Олимп зохион байгуулах нь хэр ашигтай вэ?

“Токио-2020” хөшгөө хаахтай зэрэгцэн энэ олимпийн ар дахь санхүүгийн тайлан тооцоо, ашиг, алдагдлын харьцааг хүмүүс сонирхож эхэллээ. Энэ талаар гаднын том хэвлэлүүд ч бичих болов. Үүнтэй холбогдуулан олимпийн наадам зохион байгуулах нь ямар ашигтай байдаг вэ, Токиогийн олимпийн хувьд нөхцөл байдал ямар байсныг сонирхуулъя.

Олимп зохион байгуулснаар эдийн засагт үзүүлэх нөлөө нь анх таамагласнаас харьцангуй бага байх хандлага сүүлийн жилүүдэд ажиглагдах болсон. Наадам зохион байгуулсны дараа олон хот их хэмжээний өрөнд унах болсон тул шаардлагатай дэд бүтэц нь хөгжөөгүй хотууд олимп хүлээн авах талаар санахын ч хэрэггүй хэмээн санхүүгийн мэргэжилтнүүд зөвлөж байна.
Зөвхөн эрх авахын төлөө өрсөлдөхөд л олон сая ам.долларын зардал гардаг. Жишээ нь Токио хот эрхийн төлөөх өрсөлдөөнд л гэхэд 225 сая ам.доллар зарцуулжээ.
Нэгэнт эрхээ авсан бол зохион байгуулалтын зардал урсаж өгнө. Тухайлбал, Лондон хот 2012 оны олимпийг зохион байгуулахдаа 14.6 тэрбум ам.долларын зардал гаргасан бөгөөд үүний 4.4 тэрбумыг татвар төлөгчдийн халааснаас гаргажээ. Бээжин 2008 оны олимпийг 42 тэрбумаар, Афин 2004 оны олимпийг 15 тэрбумаар, Рио Де Жанейро 2016 оны олимпийг 20 тэрбум ам.доллараар тус тус зохион байгуулж байв.
Тухайн хот эрх авсныхаа дараа төмөр зам болон авто замын сүлжээгээ өргөтгөж, нисэх буудлынхаа хүчин чадлыг сайжруулж, тамирчин, зочдыг байрлуулах нүсэр том цогцолбор барьж, зочид буудлынхаа хүртээмжийг нэмэгдүүлэх шаардлагатай байдаг. Энэ мэт бүтээн байгуулалтын зардал 5-50 тэрбум ам.доллар болдог байна.
Олимп зохиосны ашиг тус
Хотууд олимп зохион байгуулснаар ирээдүйд ашиг тусаа өгөх дэд бүтцээ сайжруулахаас гадна түр ажлын байр олноор бий болдог. Жишээ нь Рио 2016 оны олимпийг хүлээн авахын тулд 15 мянган зочид буудлын өрөө шинээр барьжээ. Энэхүү бүтээн байгуулалтад олон мянган хүн оролцож, ажлын байртай болж байв. Мөн Сочи 2014 оны олимпийг зохиосны ачаар хотынхоо дэд бүтцэд 44.3 тэрбум ам.долларын хөрөнгө оруулалт хийлгэж чадсан юм. Түүнчлэн Бээжин хот авто зам, нисэх онгоцны буудал, метро, төмөр замын шугамаа өргөтгөн сайжруулахад 22.5 тэрбум ам.долларын хөрөнгө оруулалт хийж байв. Нэгэнт хийгдсэн эдгээр хөрөнгө оруулалт олимп дууссанаас хойш олон жилийн турш үр ашгаа өгөх нь ойлгомжтой.
Олимп зохиосны сул тал
Гэхдээ олимп зохиогоод ажлын байр нэмэгдүүлэх төлөвлөгөө бодит байдал дээр хэрэгжихгүй байх нь ч бий. Жишээ нь, Солт Лейк 2002 оны олимпийг зохион байгуулахад албаны хүмүүсийн анх хэлж байсан ажлын байрны 10 хувь буюу 7000 ажлын байр л нэмэгджээ. Ихэнх ажлын байр өмнө нь ажиллаж байсан ажилчдад очсон нь үүний шалтгаан байв.
Түүнчлэн олимпоос олох орлого нийт зардлынхаа тодорхой хувийг л нөхдөг. Лондон 2012 оны олимпоос 5.2 тэрбум ам.долларын орлого олсон бол Ванкувер 2010 оны өвлийн олимпод 7.6 тэрбумыг зарцуулаад 2.8 тэрбумын орлого олжээ. Бээжин 2008 онд 42 тэрбумаар олимп зохиогоод 3.6 тэрбумын орлого орлого олсон юм. Харин Лос Анжелес олимп зохион байгуулаад ашиг олсон цөөн хотын нэг. Учир нь олимп зохиогдоход шаардлагатай ихэнх дэд бүтэц угаасаа байсан юм.
Олимпийн цэнгэлдэхээс үүдэлтэй өр
Ямар ч хот олимпийн нээлт, хаалтыг хүний нүүр улайлгахааргүй сайхан цэнгэлдэхэд явуулахыг боддог. Тиймдээ ч өвөрмөц дизайнтай гоё ганган цэнгэлдэх шинээр барих нь түгээмэл. Гэвч тэр нь олимпийн дараа бөөн зардал бүхий хэрэггүй байгууламж болж хувирах тохиолдол ч бий. Жишээ нь, Сиднейн цэнгэлдэх хүрээлэнд жил бүр 30 сая ам.долларын засвар үйлчилгээ хийдэг бол Бээжингийн Шувууны үүр цэнгэлдэхэд жил бүр 10 саяыг зарцуулна. 2004 оны Афины олимпод зориулан босгосон байгууламжууд Грекийн их хямралын үндэс болсон гэж үздэг бөгөөд одоо ч ашиглагдахгүй шахам байсаар байна. Энэхүү алсын хараагүй, төлөвлөлтгүй бүтээн байгуулалтын балгаар Грекийн нэг өрхөд 50 мянга евро ногдох хэмжээний өрөнд тус улс унасан юм.
Энэ тал дээр англичуудын авсан арга хэмжээ бусад улс оронд хэрэгтэй туршлага болох байх. 2012 оны олимпод зориулж хийсэн бүтээн байгуулалтуудыг хожим буулгаж, эсвэл хэмжээг нь багасгаж болохоор хийсэн нь арчлалтын нүсэр зардлаас сэргийлж чадсан юм. Тухайлбал, нээлт болсон Олимпийн цэнгэлдэхийг 25 мянган үзэгчийн суудалтай болгон багасгаж болно. Гэхдээ британичууд бүгдийг маш нарийн төлөвлөж хийсэн тул уг цэнгэлдэх одоо ч эрэлт хэрэгцээтэй хэвээр байна.
Япончууд хэр алдагдал хүлээсэн бэ

Тус улс анх Токиогийн олимпийн нийт зардлыг 12 тэрбум ам.долларт багтаахаар төлөвлөж байв. Гэвч коронавирусийн улмаас олимп нэг жилээр хойшилж, үүнийг дагаад зардал нь 15 тэрбум болтлоо нэмэгджээ. Улмаар Ковидын дэгдэлт их байснаас болж наадмыг үзэгчгүй явуулсан, гаднаас жуулчид оруулахыг хориглосон зэрэг нь тасалбарын борлуулалт, аялал жуулчлалаас орж ирэх орлогыг үгүй хийсэн юм. Япончууд олимп зохион байгуулаад хэр алдагдал хүлээснийг одоо хэлэхэд эрт байна. Гэхдээ Японы нэгэн том компанийн гүйцэтгэх захирал алдагдлыг “асар их” хэмээн тодорхойлжээ. Олимп зохион байгуулсны нийт алдагдал хэдэн арван тэрбум ам.доллараар хэмжигдэнэ гэж зарим эдийн засагч үзэж байна.

Categories
мэдээ нийгэм

“Сүхбаатар” хөлөг онгоцны нөхцөл байдлыг тогтоохоор 4-5 удаа удаа гүнрүү шумбажээ

Монгол Улсын Ерөнхий сайдын захирамжаар байгуулагдсан ажлын хэсэг Хатгал тосгонд ажиллах үеэр ОБЕГ-ын шумбагчид Хөвсгөл нууранд живсэн “Сүхбаатар” хөлөг онгоцны хэмжээ, байршил, нөхцөл байдлыг тогтоохоор гүн рүү 4-5 удаа шумбав.

Хөлөг онгоц зүүн талаараа хажуулдаж унаж, доод хэсгээрээ лаг шаварт шигдсэн, зэврэлт бага байгааг тогтоожээ.

1986 онд живсэн 300 тонн жинтэй тус хөлөг онгоц болон бусад машин техникийг татан гаргах нь цэнгэг усны ундарга болсон Хөвсгөл нуурын бохирдлыг багасгахад чухал ач холбогдолтой. Иймд эхний ээлжинд ерөнхий тооцоо, судалгааг энэ сардаа багтаан дуусгах аж. Усны суурь судалгаа хийх ажлын хэсэг нуурын 5-6 цэгт дээж авч шинжлэн, лабораторийн дүгнэлт гаргана. Живсэн техник хэрэгслийг татан гаргах ажлыг зохион байгуулахад шаардагдах хүн, хүчний нөөцийг Батлан хамгаалахын яамнаас гаргах юм.

Монгол Улсын хувьд том хэмжээний машин, техникийг татан гаргасан туршлага байхгүй. Энэ ажиллагааг эрсдэлгүй зохион байгуулахын тулд ОХУ-аас туршлага, зөвлөгөө авч ажиллана. Оросын аврагчдын бүрэлдэхүүн ирэх 9 сард ирэх юм.

Categories
мэдээ нийгэм

Гашуунсухайт боомтод чингэлэгт тээврийн терминал ирэх сард ашиглалтад орно

Нүүрсний экспортын 95 орчим хувийг бүрдүүлдэг хилийн Гашуунсухайт, Шивээхүрэн боомтод чингэлэгт тээврийн нэмэлт терминал байгуулах ажлыг төр, хувийн хэвшил хамтран хэрэгжүүлж байна.

Гашуунсухайт боомтод чингэлэгт тээврийн терминалын зураг төсөл, холбогдох тооцоо, судалгааны ажлыг хийж, улмаар зам талбай, барилга байгууламжийн ажлын гүйцэтгэгчийг сонгон шалгаруулж, талбайн шимт хөрс хуулах, тээвэрлэх, талбайн улны тэгшилгээний ажлуудыг гүйцэтгэж байна.

авто зам гэх мэтийн зураг байж болно

Categories
гадаад мэдээ

Якутад түймэрт өртсөн гурван тосгоныг нүүлгэсэн ч дахин 12 тосгонд аюул нүүрлээд байна

Сибирийн зүүн хойд хэсэгт орших Саха-Якутын бүгд найрамдах улсын 1.1 сая га талбайд 93 ойн түймэр асч, олон арван тосгон түймэрт өртсөн гэж онцгой байдлын бүс нутгийн ажлын хэсэг мэдээлж байна.

Орон нутгийн эрх баригчид Калвица, Харьялах гэсэн хоёр тосгоны оршин суугчдыг өөр суурин газар руу нүүлгэн шилжүүлж, нийтдээ 3600 хүний бүрэлдэхүүнтэй багийнхан түймрийн тал орчим хувийг унтраахаар ажиллаж байна.

Өнгөрсөн Бямба гаригт өөр нэг тосгон болох Бяс-Куэльд 31 байшин, засвар үйлчилгээний найман барилга шатаж, 400 орчим оршин суугчдыг нүүлгэн шилжүүлсэн байна. Улмаар 12 тосгонд галын аюул нүүрлэж эхэлжээ.

Эрхүү хот өчигдөр/2021.08.09/-өөс эхлээд нислэгээ зогсоосон бол Красноярск хотод юу ч харагдахаа больж “хар өдөр” зарлажээ. Якутын түймрийн утаа хавийн 1000 гаруй сууринг бүрхэж нүүрсхүчлийн хий, утаа тоосонд хүүхэд хөгшид нь хордож эхэлжээ.

Якутад түймэр 1.4 сая га шилмүүсэн ойд тархаад байгаа бол Амазоны их навчит ой /жунгла/ тэр чигээрээ түймэрт автан үйд амьдардаг араатан шувууд сүйрч байгаа ажээ.

https://livetv.mn/storage/posts/August2021/b4dfa1uh3pAeoNEmVYaR-medium.jpg




Categories
мэдээ спорт

​Монголын чөлөөт бөхийн шигшээ баг тамирчдыг Яйзу хотын дарга хүлээн авч уулзжээ

Монголын чөлөөт бөхийн шигшээ баг тамирчдыг Япон улсын Яйзу хотын дарга Хиромичи Накано хотын захиргаандаа хүлээн авч уулзжээ.

Тус уулзалтад Монголын чөлөөт бөхийн холбооны ерөнхийлөгч П. Гансүх, ерөнхий нарийн бичгийн дарга Б. Батбаяр, гадаад харилцааны дарга П. Буяндэлгэр, дэд ерөнхийлөгч Ж. Түмэн-Аюуш, шигшээ багийн ахлах дасгалжуулагч Б. Баттулга, Монголын үндэсний олимпийн хорооны ерөнхийлөгчийг түр орлон гүйцэтгэгч Ч. Наранбаатар, чөлөөт бөхийн шигшээ багийн багш , тамирчид оролцлоо.

Тус улсын олон жилийн хамтын ажиллагаанд талархлаа илэрхийлж МҮОХ-оос хотын дарга Хиромичи Наканод олимпийн алдар одон гардуулсан байна. Мөн Япон улсад хамтарсан бэлтгэл, сургалт хамтын үйл ажиллагааг өргөжүүлэх хүрээнд хоёр талын хамтарсан үйл ажиллагаанд үзэглэжээ.