Month: August 2021

“Бамбай хоншоорт” хортой могой Улаанбаатар хот, суурингийн бүсэд орж ирээд байгаа билээ. Уг могойтой таарсан гэх олон дуудлага бүртгэгдэж байгаа бөгөөд могойд хатгуулбал яаралтай эмнэлэгт хандах хэрэгтэй. Учир нь могойн хор үхэлд хүргэх аюултай юм. Иймд ард иргэдийг сэрэмжтэй байж бага насны хүүхдүүдийг хараа хяналтгүй гадаа тоглуулахгүй байхыг анхааруулж байна.

Уг могой:

1. – 70 орчим см урттай
2. – Өнгө нь хувирамтгай ч ихэнхдээ хул шар юм уу, хар хүрэн өнгөтэй байдаг
3. – Хүүхэн хараа нь босоо
4. – Нүд хамрын хооронд гүнзгий хонхортой.

Соёлын дэд сайд М.Батбаяр, ЦЕГ-ын Эрүүгийн цагдаагийн албаны Дэд дарга, цагдаагийн дэд хурандаа Э.Товуудорж нар Улаанбаатар орон нутагт дамнан гарч байгаа соёлын өвийн хулгай болон соёлын өвийн хадгалалт хамгаалалтын асуудлын талаар мэдээллээ.

ЦЕГ-ын Эрүүгийн цагдаагийн албаны 3-р хэлтсийн тасгийн дарга, цагдаагийн хошууч С.Бямбадэлгэр:

2021 оны эхний найман сарын байдлаар соёлын өв, түүх соёлын эд зүйлсийг хулгайлсан гэмт хэрэг долоо гарсан. Үүнээс зургааг нь цагдаагийн байгууллага илрүүлэн, холбогдох этгээдүүдийг барьсан.

Одоо нэг хэрэг дээр нь ажиллаж байна. Нийт таван этгээд зургаан удаагийн үйлдлээр Архангай, Завхан, Өвөрхангай гэсэн гурван аймаг, Сонгинохайрхан, Багануур гэсэн хоёр дүүргийн хийдүүдээс “Майдар бурхан 3, Богдзонхав бурхан 2, Занабазар бурхан 1, зэс бурхан 1, Алтангэрэл судар, эмээлийн тоноглол” зэрийг хулгайлсан болохыг тогтоосон.

Соёлын өвийг хулгайлсан таван этгээдийн хоёр нь өмнө нь хоригдож байсан бөгөөд өршөөлөөр суллагдсан. Эдгээр этгээд аялал зугаалгаар явах нэрийдлээр музей, хийд зэрэгт орж хулгайлах зүйлсээ судалдаг байна.

Музей, соёлын өв хадгалах газруудын харуул хамгаалалт сул байгаа нь хулгай гарах үндэс болж байна.

Аливаа иргэн өөрийн эзэмшдэг соёлын өвийг бүртгүүлэх ёстой. Үүнийг мэдэхгүй, бүртгэлгүй байгаагийн улмаас цагдаагийн байгууллагын ажилд хүндрэлд учирдаг.

Соёлын өвийн гэмт хэргүүд зохион байгуулалттай болсон. Мэдээж худалдан авагч, худалдаалагч байна. Тэднийг холбодог зуучлагч бий. Энэ тал дээр бид олон улсын байгууллагатай харилцаж байна.

Соёлын өвийн газрын дарга Б.Даваацэрэн:

Энэ төрлийн гэмт хэргийг төрөөс арга хэмжээ авч зогсооно гэдэг тааруу. Тиймээс иргэд туслах хэрэгтэй. Орон нутаг дахь булш, хиргисүүрийг тонон дээрэмдэх гэмт хэргийг зогсоохын тулд иргэдийн оролцоо чухал.

Соёлын өвийн эсрэг гэмт хэргийг нэг хүн хүлээдэггүй. Улс орон цаашлаад дэлхий даяараа хүлээдэг.

Музей, соёлын байгууллагад хадгалагдаж буй зүйлсийг хамгаалахын тулд харуул хамгаалалтын гэрээт байгууллагатай хамтран ажиллахаар ярилцаж байна.

Гэхдээ хадгалалт хамгаалалтад тулгардаг хамгийн том асуудал бол барилга байгууламжийн асуудал.

Монголд нийт 700-800 албан хаагчид соёлын өвийг бүртгэж судлах хадгалж хамгаалах үүрэгтэй ажиллаж байна. Соёлын өвийн бүртгэл, судалгаатай холбоотой ажлууд маш их цаг хугацаа, өртөг шаарддаг ажил.

Түүх соёлын дурсгалт зүйлийг мөнгөн хэмжээгээр үнэлж хохирлыг тооцох чухал биш. Энэ төрлийн гэмт хэргийн хохирлыг нийт ард иргэд, хүн төрөлхтөн л үүрдэг.

Газрын шинэчилсэн 18 стандарт болон газрын мэдээллийн цахим лавлагааны талаар Газрын харилцаа, геодез зураг зүйн газраас мэдээлэл хийлээ.

Газрын харилцаа, геодез зураг зүйн газрын дэд дарга:

Газар эзэмших эрхийг нь хүчингүй болгох жагсаалтад 435 иргэн, аж ахуй нэгж нэмэгдлээ. Эдгээр иргэд наймдугаар сарын 25-наас өмнө ирж тайлбараа өгөх хэрэгтэй байна.

Наймдугаар сарын 25-наас газар эзэмших эрхийг нь цуцална. Энэ хугацаанаас өмнө ирэхгүй бол гэрээгээ зөрчсөн гэдгээ хүлээн зөвшөөрч байна гэж ойлгох тул энэ хугацаанаас өмнө Төв аймагт ирж уулзах хэрэгтэй.

Нийслэл дүүрэг, аймагт байгаа газрын даамлууд авлига хүлээгээд байгаа юм шиг хандлага байна. Газрын харилцаа, геодез зураг зүйн газраас системээ автоматжуулчхаад байхад Улсын бүртгэлийн ерөнхий газрын И-дугаар өгдөг ажил чирэгдэл учруулж байна. Үүнийг автоматжуулах ёстой.

Олон нийт газар ашиглалтын цахим системээ ашиглаж мэдэхгүй байна. Иргэд Egazar.gov.mn сайтаар нэвтрэн орж хаанаас ямар газар авч болохоо харж болно.

Аваагүй байгаа газрыг хэнд олгох нь дүүргийн Засаг даргын мэдлийн асуудал. Тухайлбал олгогдоогүй байгаа газрыг дүүргийн газрын албаны мэргэжилтэн олгохгүй байвал та тэр ажилтныг шалгуулж болно.

Энэ системээс газрын байршлаа харсны дараа дүүргийн газрын албанд хүсэлт, өргөдлөө гаргаж, бичиг баримтаа бүрдүүлнэ.

Газрыг цахимаар өгөхийг түр хаасан. 0.07 га газар эзэмших эрх хязгааргүй. Улмаар иргэд олон газар аваад байна. Тухайлбал улсын хэмжээнд 28 газартай хүн байна. Иймээс өргөдлийг цахимаар биш дүүргийн газрын албаар олгоно.

Удахгүй нэг хүн 0.07 газрыг нэг удаа эзэмшдэг хууль гарч асуудал шийдэгдсэний дараа цахимд шилжүүлнэ.

Коронавируст халдварын нөхцөл байдлын талаар Эрүүл мэндийн яам ээлжит мэдээллээ хүргэж байна.

“Сүүлийн 24 цагт 1443 хүнээс халдвар илэрлээ. Эдгээрийн 442 нь Улаанбаатар хотод, 1001 нь орон нутагт бүртгэгдлээ.

Мөн сүүлийн 24 цагт 2000 хүн эдгэрч, эмнэлгээс гарчээ.

Мөн зургаан хүн ковидын нэн хүнд хэлбэрээр нас барлаа. Нийт нас баралт 869 боллоо.

Өнөөдрийн байдлаар 8766 хүн хэвтэн эмчлүүлж байна.

Манай улс өчигдөр Pfizer вакцины 117 мянган тунг хүлээн авчээ.

Монгол Улсын Засгийн газар ба Pfizer Inc (Pfizer/Biontech) компанийн хооронд байгуулсан гэрээний хүрээнд нийлүүлэх 2.5 сая Pfizer/Biontech вакцины нийт 822,510 тунг хүлээн аваад байна.

НҮБ-ын Хүүхдийн Сан болон Япон Улсын Элчин сайдын яам хооронд байгуулсан “КОВИД-19 цар тахал болон нийгмийн эрүүл мэндийн онцгой байдлын үеийн чадавхийг бэхжүүлэх” төслийн гэрээний дагуу Японы улсын Засгийн газрын буцалтгүй тусламжаар 2.35 сая тун вакцины худалдан авалтыг санхүүжүүлж байгаа юм.