Month: August 2021

Ерөнхий сайд Л.Оюун-Эрдэнэ, БШУ-ы сайд Л.Энх-Амгалан болон холбогдох албаныхантай нийслэлийн зарим сургууль, цэцэрлэгийн 2021-2022 оны хичээлийн шинэ жилийн бэлтгэл ажилтай танилцав.

Ерөнхий сайд Л.Оюун-Эрдэнэ “Нийслэлийн сонгосон 30 цэцэрлэгийн цагийн хуваарийг 07:00-20:00 цаг байхаар ажиллаж байна. Ингэснээр хүн бүр 07:30 цагт хүүхдүүдээ хүргэж өгөх гэж түгжрэх биш, шаардлагатай бол 30 минутын өмнө хүүхдээ цэцэрлэгт нь хүргэж өгөх, бүгд 17:30 цагтай уралдаад түгжрэлд гацахын оронд ажлаа зохицуулаад хүүхдүүдээ очиж авах боломжтой гэсэн үг. Тиймээс эхний ээлжид 30 цэцэрлэгт энэ туршилтаа хийгээд, үр дүн гарвал нийслэлийн бусад цэцэрлэгт ч хэрэгжүүлнэ” хэмээлээ.

Сонгогдсон 30 цэцэрлэгт нэмэлтээр ээлжийн багш авах бөгөөд ингэснээр цэцэрлэгийн багш нарын ачааллыг хөнгөвчлөх боломжтой юм.

Энэ хичээлийн жилээс “Үдийн цай” хөтөлбөрийг “Үдийн хоол” хөтөлбөр болгохоор шийдвэрлэсэн. Өмнө нь нэг хүүхдэд 900 төгрөгийн үдийн цай олгогддог байсан бол энэ жилээс 1500 болгон нэмсэн. 2021 оны хичээлийн жилд 1-5 дугаар ангийн сурагчид үдийн хоол хөтөлбөрт хамрагдах бол 2022 оноос 5-9 дүгээр ангийн сурагчид, 2023 оноос 9-12 дугаар ангийнхныг хамруулахаар ажиллаж байна.

Сургууль, цэцэрлэгийн бүртгэл наймдугаар сарын 16-ны 09:00 цагаас эхлэн parent.edu.mn сайтаар явагдана. Харин наймдугаар сарын 16-30-ны өдрүүдэд сурагчдыг бүлэгт хуваарилах бөгөөд 26-наас хуваарилсан бүлгийн мэдээллийг эцэг, эхчүүдэд хүргэх аж.

Сургуулийн өмнөх боловсролын хувьд 4-5 настнуудыг есдүгээр сарын 1-нээс эхлэн хүлээх авах бол 2-3 настнуудыг цэцэрлэгт хамруулах ажил цар тахлын нөхцөл байдал, вакцинжуулалтаас хамаарна.

ОХУ-д гарсан ойн түймрийн улмаас Монгол орны хойд хэсэг буюу Хөвсгөл, Сэлэнгэ, Булган, Төв, Улаанбаатар мөн Өвөрхангай, Архангайн зүүн хэсэг, Дорноговь, Өмнөговийн хойд хэсгээр түймрийн утаа тархаад байв.

Энэ сарын 12-ноос ихэнх нутгаар агаарын урсгал баруун өмнөөс болж эргэсэн тул түймрийн утаа багассан төлөвтэй байна гэж Цаг уур орчны шинжилгээний газраас мэдээллээ.

Өнөөдөр буюу наймдугаар сарын 14-ны өдрийн 14:30 цагийн байдлаар Баруун дөрвөн зам орчимд агаарын чанар 34 гэсэн үзүүлэлтийг зааж байгаа бол Нэгдүгээр хороолол орчимд энэ үзүүлэлт 24 байна. Харин Баянхошуу орчимд бага бохирдолтой буюу 182 үзүүлэлт заажээ.

“Covid-19”-ийн эсрэг вакцины хоёр тунгаа хийлгэсэн иргэдийн тоо наймдугаар сарын 14-ний өдрийн байдлаар 2.016.593 болж, хүн амын 62 хувь вакцинжуулалтад бүрэн хамрагдсан байна.

Монгол Улс 18-аас дээш насны иргэдийнхээ 60 хувь буюу 2.067.292 хүнийг “Covid-19”-ийн эсрэг вакцинд хамруулах зорилт анх тавьсан. Гэвч сүргийн дархлаа тогтоохын тулд нийт хүн амын 60-90 хувийг вакцинд хамруулах шаардлагатай болсон тул 12-оос дээш насны хүүхдүүдээ мөн хамруулж эхэлсэн билээ.

Одоогийн байдлаар Улаанбаатар хотын 1.001.745 хүн вакцинжуулалтад бүрэн хамрагдаад байна. Үүнээс

• 2276 – жирэмсэн эх
• 12-15 насны 37273 (41.9%)
• 16-17 насны 18196 (53.7%) хүүхэд тус, тус вакциндаа бүрэн хамрагджээ.

2021 оны наймдугаар сарын 16-19-ний өдрийн хооронд Баянбүрдийн тойргийн хойд хэсэг, наймдугаар сарын 19-23-ны өдрүүдэд тус тойргийн урд хэсгийг шат дараатайгаар хааж, шинэчлэлтийн ажлыг хийх болсонтой холбогдуулан нийтийн тээврийн чиглэлүүдэд өөрчлөлт орохоор болсныг Нийтийн тээврийн үйлчилгээний газраас мэдээллээ.

Наймдугаар сарын 16-19-ний өдрийн хооронд

• Ч:21а “Булгын 19-р гудамж – Вокзал – 3,4 хороолол”
• Ч:21б “Булгын 19-р гудамж – 3.4 хороолол – Вокзал”
• Ч:22 “Шадивлан эцэс -Бөмбөгөр – Чингис Соосэ ДС-Далангийн зам”
• Ч:24а “ЗҮРХ УУЛ /Чингэлтэй/ – 3,4-Р ХОРООЛОЛ /эцэс/”
• Ч:73 “Зунжин худалдааны төв-ТЭЦ 4”
• Ч:27 “Вокзал – Бөмбөгөр – Өвөр согоот”
• Ч:31 “Улиастай – Баянбүрд – Зам гүүрийн автобааз”
• Ч:38 “ХМК – Саппоро – 3,4 хороолол – Хайлааст”
• Ч:55 “Зайсан – Дэнжийн 1000 – ЗГАБааз – Согоотын гудамж”
• ЗҮ:2 “Гоодой – Тэнгис кино театр”
• ЗҮ:3 “Баянбулаг – Тэнгис кино театр”
• ХО:1 “Бага баян – Санзай – 7 буудал – Тэнгис кино театр” /дунд овор/
• ЗҮ:1 “Гүнт – Жигжид – Тэнгис кино театр” гэсэн 13 чиглэл

Наймдугаар сарын 19-23-ны өдрүүдэд

• Ч:4 “5 шар – 3,4 -р хороолол – Сансарын тойрог”
• Ч:5 “Гэмтлийн эмнэлэг – Их тойруу – Шар хад”
• Ч:25 “Тоосгоны үйлдвэр – Их тойруу – 3,4 хороолол” /экобус, цахилгаан, том овор/
• Ч:41 “Баруун салаа – Их тойруу – Халдвартын эмнэлэг”
• Ч:74 “Цагаан даваа – Гандан – Вокзал”
• Ч:17а “Баруун 4 зам – Их тойруу – Зүүн 4 зам – Нарны зам” /их тойрог/
• Ч:17б “Баруун 4 зам – Их тойруу – Зүүн 4 зам – Нарны зам” /их тойрог/
• Ч:21а “Булгын 19-р гудамж – Вокзал – 3,4 хороолол”
• Ч:21б “Булгын 19-р гудамж – 3.4 хороолол – Вокзал”
• Ч:22 “Шадивлан эцэс -Бөмбөгөр – Чингис Соосэ ДС-Далангийн зам”
• Ч:24а “ЗҮРХ УУЛ /Чингэлтэй/ – 3,4-Р ХОРООЛОЛ /эцэс/”
• Ч:38 “ХМК – Саппоро – 3,4 хороолол – Хайлааст”
• Ч:27 “Вокзал – Бөмбөгөр – Өвөр согоот”
• Ч:31 “Улиастай – Баянбүрд – Зам гүүрийн автобааз”
• Ч:55 “Зайсан – Дэнжийн 1000 – ЗГАБааз – Согоотын гудамж”
• Ч:73 “Зунжин худалдааны төв-ТЭЦ 4”
• ХО:1 “Бага баян – Санзай – 7 буудал – Тэнгис кино театр” /дунд овор/
• ЗҮ:1 “Гүнт – Жигжид – Тэнгис кино театр”
• ЗҮ:2 “Гоодой – Тэнгис кино театр”
• ЗҮ:3 “Баянбулаг – Тэнгис кино театр” гэсэн 20 чиглэлд өөрчлөлт орно..

Нийтийн тээврийн үйлчилгээтэй холбоотой санал, хүсэлтийг тус газрын 7004-4040 дугаарын утсаар тогтмол хүлээн авч, шуурхай шийдвэрлэнэ.

Засгийн газрын наймдугаар сарын 11-ний өдрийн хуралдаанаар оюутан, сонсогч, цэргийн алба хаагч, ажил хайж буй иргэдийг ургац хураалтад ажиллуулахаар болсон. Тодруулбал, их, дээд сургууль, МСҮТ-ийн оюутан, залуучууд, сонсогч, цэргийн алба хаагчид, ажлын байр хайж буй иргэдийг ургац хураалтад ажиллуулна.

Хөдөлмөрийн гэрээ байгуулж, цалинтай ажиллах бөгөөд өдрийн 50 мянга болон түүнээс дээш байх аж.

Хамрагдах хүсэлтэй иргэд наймдугаар сарын 30-ны өдрийг хүртэл Монголын залуучуудын холбооны төв байранд хүрэлцэн ирж, Залуучуудын хөдөлмөрийн төв биржтэй уулзах, мөн цахим хаяг, утсаар холбогдон бүртгүүлэх боломжтой байна.

Даатгуулагч танд 2021 оны Эрүүл мэндийн үндэсний зөвлөл (ЭМДҮЗ)-ийн баталсан 03 дугаар тогтоолд тусгагдсан 11 тусламж, үйлчилгээний талаар цуврал мэдээллийг хүргэж байгаа.

Энэ удаад Яаралтай тусламж, үйлчилгээний талаар танилцуулж байна.

Сонгинохайрхан дүүргийн Захиалагчийн ажлын албанаас 2020-2024 онд гэр хорооллын 10 мянган өрхийн ариун цэврийн байгууламжийг шинэчлэхээр төлөвлөжээ. Энэ хүрээнд одоогийн байдлаар 12 хорооны 220 өрхийг үнэ төлбөргүй стандартын шаардлага хангасан ариун цэврийн байгууламжтай болгосон байна. 2021 онд төслийн хүрээнд гэр хорооллын 25 хорооны 350 өрхийг үнэ төлбөргүй эко ариун цэврийн байгууламжтай болгох төлөвлөгөөтэй ажиллаж байгаа аж. Уг төслийг бүрэн хэрэгжүүлснээр Сонгинохайрхан дүүрэг хөрсний бохирдолгүй анхны дүүрэг болох боломжтойг тус дүүргээс мэдээллээ.

Гэр хорооллын нэг өрх уламжлалт нүхэн жорлонг 15-аас дээш жил ашигласан байдаг. Энэ нь тухайн орчны хөрс бохирдох хамгийн том шалтгаан болдог. Харин хөрсний бохирдлоос ангижрах хамгийн зөв бөгөөд хялбар шийдлүүдийн нэг нь гэр хорооллын айл өрхийг соруулдаг, эко ариун цэврийн байгууламжтай болгох юм. Стандартын шаардлага хангасан ариун цэврийн байгууламжийн суурь өндөр нь 220 см байх бөгөөд агааржуулалтын хоолой болон муу ус асгах асуудлыг давхар шийдэж өгчээ. Мөн жилдээ нэгээс хоёр удаа соруулж ашиглах боломжтой юм байна.