Month: August 2021

Баян-Өлгийд ЭЕШ-аас 750-800 оноо авсан хүүхдүүдийг 500 мянган төгрөгөөр шагнана

Элсэлтийн ерөнхий шалгалтыг энэ сарын 19-22-ны өдрүүдэд орон даяар зохион байгуулна.

Тухайн шалгалтад Баян-Өлгий аймгаас 1449 хүүхэд орохоор бүртгүүлжээ. Үүнээс 407 нь өмнөх жилүүдэд бүрэн дунд сургууль төгссөн бол 1042 нь энэ жилийн төгсөгчид байна.

Шалгалтыг Өлгийн сумын лаборатори 2 дугаар сургуульд зохион байгуулах ба оролцогчид иргэний үнэмлэх, бүрэн дунд боловсролын үнэмлэх, бүртгэлийн хуудас, суудлын хуваарь зэрэг 4 төрлийн бичиг баримтыг өөртэйгөө хамт авч орох аж.

Тус аймгийн хувьд ЭЕШ-аас өндөр оноо авсан сурагч, түүнийг бэлтгэсэн багшийг нь мөнгөн шагналаар урамшуулдаг уламжлалтай.

Тухайлбал, аймгийн ИТХ-ын 2021 оны ээлжит ІІІ хуралдаанаар баталсан “Элсэлтийн ерөнхий шалгалтын үр дүнг дээшлүүлэх дэд хөтөлбөр ІІ”-ийн дагуу бэлтгэсэн сурагч нь ЭЕШ-аас 800 оноо авсан багшийг 1 сая төгрөгөөр, 750-799 оноо авбал 300 мянган төгрөгөөр хүүхэд тус бүрээр тооцож шагнана.

Харин 750-800 оноо авсан хүүхдийг 500 мянган төгрөгөөр урамшуулах юм.

Б.Жавхлан: Төрийн банк дундаж давхаргыг тэлэх үүрэг хүлээнэ

Post author By
Post date 2021-08-18
No Comments on Б.Жавхлан: Төрийн банк дундаж давхаргыг тэлэх үүрэг хүлээнэ

Сангийн сайд Б.Жавхлан Засгийн газрын хуралдааны шийдвэрийг танилцуулж байна.

-Сангийн яамнаас өнөөдөр Засгийн газрын хуралд хэд хэдэн санал орууллаа. Төрийн банк болон Хөгжлийн банкны чиг үүргийг шинэчилнэ. Төрийн банк жижиглэнгийн зах зээлд үйл ажиллагаа явуулж байна. Цаашид илүү тодорхой болгон, бага орлоготой хэсгийг бойжуулах, нийгмийн дундаж давхаргыг тэлэх алсын хараанд Төрийн банк хувь нэмрээ оруулна. Ингэснээр тус банкнаас үзүүлдэг үйлчилгээний цар хүрээ тэлнэ. Нийгмийн тодорхой хэсэгт хүрч үйлчилнэ гэсэн үг юм. Төрөөс Төрийн банканд тусалж дэмжинэ.

Улс орнууд дундаж давхаргаа өөр өөрөөр тодорхойлж байна. Манай улсад сард 1-1.3 сая төгрөгийн орлоготой өрхийг дундаж давхарга гэж үзнэ. Машин, байрны зээлээ төлчихдөг, хадгаламжтай өрхүүдийг олон улсын жишгээр дундаж давхаргынхан гэж нэрлэдэг. Бид цаашид дундаж давхарга бойжуулах хэрэгтэй.

Хөгжлийн банк өнөөдрийг хүртэл төслийн буюу том хэмжээний зээл олгосоор иржээ. Манай улсын эдийн засагт худалдаа томоохон байр суурь эзэлдэг. Гэвч манайд худалдааны санхүүжилт дутагдалтай байна. Цаашид Хөгжлийн банкийг экспорт-импортын банк болгоно. Үүний тулд Хөгжлийн банкны тухай хуульд нэмэлт өөрчлөлт оруулахгүй. Гэхдээ банкны дүрэмд нэмэлт өөрчлөлт оруулна гэв.

мэдээ нийгэм цаг-үе

Хууль бусаар тарвага агнаж, тээвэрлэсэн зөрчил дийлэнхдээ Завхан, Говь-Алтай, Хөвсгөл аймгаас илэрч байна

БОАЖ-ын сайдын 2021 оны 193 дугаар тушаалаар Монгол орны хэмжээнд тарвага агнах явдлыг гурван жилийн хугацаанд хориглосон.

Мөн хууль бус ан агнуур, тарваган тахал өвчнөөс сэргийлэх зорилгоор нийслэлийн Засаг даргын 2021 оны А620 дугаар захирамж гарсан юм. Эдгээр шийдвэрийн хэрэгжилтийг хангуулах зорилгоор онцгой байдал, мэргэжлийн хяналт зэрэг холбогдох байгууллагууд хамтран ажиллаж, хяналт шалгалтыг тээврийн хэрэгслийг шалган нэвтрүүлэх товчоодод хийж байна.

Шалгалтын явцын талаар НМХГ-ын Агаарын чанарын хяналтын хэлтсийн дарга Н.Нарангэрэл “Хориглосон хугацаанд тарваганы мах, түүхий эд тээвэрлэсэн зөрчил 2020 онд 115, 2021 онд 61 гарсныг илрүүлэн, ЗӨСҮТ-д шилжүүлэн өгч, Зөрчлийн тухай хуулийн дагуу арга хэмжээ авсан.

Зөрчил дийлэнхдээ Ховд, Завхан, Говь-Алтай, Архангай, Хөвсгөл аймгаас ирж буй тээврийн хэрэгслээс илэрч байна. Эдгээр аймаг нь тарваган тахал гарах өндөр эрсдэлтэй, тахлын голомтын бүсэд хамаардаг. Манай улсын 17 аймгийн 137 сум нь тарваган тахлын голомттой гэх судалгаа бий.

Зөрчлийн тухай хуульд зааснаар тарвагыг хууль бусаар агнасан, тээвэрлэсэн, худалдсан, худалдан авсан бол иргэнийг 300 мянган төгрөгөөр, аж ахуйн нэгж, байгууллагыг гурван сая төгрөгөөр торгож, бодгаль тус бүрийн экологи, эдийн засгийн үнэлгээгээр нөхөн төлбөрийг хоёр дахин нэмэгдүүлж тооцдог.

Нөхөн төлбөрийн хэмжээ нь 252-420 мянган төгрөг байдаг. Түүнчлэн иргэд, жолооч нарт хандан хэлэхэд тээвэрлэсэн тохиолдолд Зөрчлийн тухай хуулиар арга хэмжээ авдаг болсон. Иймд холбогдох утасны дугааргүй, эзэн биегүй ачаа авахгүй байхыг анхааруулж байна” гэлээ

мэдээ спорт

ТОКИО-2020: Паралимпийн наадамд оролцох Монголын найман тамирчин

Post author By
Post date 2021-08-18
No Comments on ТОКИО-2020: Паралимпийн наадамд оролцох Монголын найман тамирчин

“Токио-2020” паралимпийн наадам наймдугаар сарын 24-нөөс есдүгээр сарын 5-ны хооронд зохион байгуулагдана.

Паралимпийн наадамд оролцох Монголын тамирчдыг танилцуулж байна.

1. Х.Энхтуяа Пара /тэеквондо/

Таеквондоч Х.Энхтуяа нь пара спортын төрөлд Дэлхийн аварга болсон Монголын анхны эмэгтэй тамирчин юм. Эмэгтэйчүүдийн К44 ангиллын 49 кг-ын жинд өрсөлддөг. Дэлхийн хошой аварга тамирчин.

2. Г. Болор-Эрдэнэ /Пара тэеквондо/

Тэрээр пара таеквондогийн “Лондон-2017” Дэлхийн аварга шалгаруулах тэмцээнээс гурав дахь алтан медалиа хүртсэн.

3. Э.Содномпилжээ /Пара поуэрлифтинг/

Э.Содномпилжээ нь паралимпийн наадмаас медаль хүртсэн Монголын пауэрлифтингийн анхны тамирчин юм. Дэлхийн хошой аварга, дэлхийн дээд амжилтыг эзэмшдэг. Казахстанд болсон пара пауэрлифтингийн ДАШТ-д түрүүлэхдээ эрэгтэйчүүдийн -107 кг-д 247 кг өргөн, Гиннесийн дээд амжилт тогтоосон.

4. Н.Мөнхбаатар /Пара байт харваа/

Н.Мөнхбаатар нь спортын мастер цолтой 2019 оны “Азийн АШТ”-ээс ганцаарчилсан төрөлд мөнгөн медаль хүртсэн чадварлаг тамирчин юм.

5. З.Ганбаатар /Пара буудлага/

З.Ганбаатар нь дэлхийн цомын аварга шалгаруулах тэмцээний 10-аад медальтай тамирчин.

6. Д.Саруултөгс /Хөнгөн атлетик/

Д.Саруултөгс зээрэнцэг, бөөрөнцөг түлхэлтийн төрлөөр улсын дээд амжилтыг эзэмшдэг.

7. П.Энх-Манлай /Хөнгөн атлетик/

Монголын пара хөнгөн атлетикийн тамирчин, спортын мастер П.Энхманлай нь Польш улсын Бидгош хотод болсон пара хөнгөн атлетикийн Гран-При тэмцээнд T-53 ангилалын 100 метрийн зайд хүрэл медаль хүртсэн.

8. А.Мөнхбат /Жүдо/

Пара жүдо бөхийн эрэгтэйчүүдийн -66 кг-ын тамирчин А.Мөнхбат дөрвөн жилд нэг удаа зохион байгуулагддаг “IBSA” спортын дэлхийн наадмын 2015 оны мөнгө, 2019 оны алтан медалийн эзэн юм.

Б.АНГИРМАА

мэдээ нийгэм

Монголбанк: Нийт 100 тэрбум төгрөгийг ипотекийн зээлд олгохоор ажиллаж байна

Орон сууцны ипотекийн зээлийн хөтөлбөрийн хүрээнд 2021 оны эхний 7 сард Монголбанк болон банкны эх үүсвэрээр нийт 554.4 тэрбум төгрөгийн зээлийг 7,470 өрхөд олголоо.

Энэ онд сард дунджаар 78.6 тэрбум төгрөгийн зээл олгоод байгаа бөгөөд орон сууцны ипотекийн зээлийн хөтөлбөрийн санхүүжилт, зээл олголт хэвийн үргэлжилж байна.

Ипотекийн хөтөлбөрийн зээлийн дүн (тэрбум ₮) болон зээлдэгчийн тоо, сараар

2021 оны наймдугаар сард Монголбанкнаас 60 тэрбум төгрөгийн эх үүсвэрийг банкуудад хуваарилж, холбогдох гэрээний дагуу банкууд өөрийн эх үүсвэрээр 40 тэрбум төгрөгийг нэмж, нийт 100 тэрбум төгрөгийн ипотекийн хөтөлбөрийн зээл олгохоор ажиллаж байна.

мэдээ нийгэм

Хаан Банк 21 аймагт 3х3 сагсан бөмбөгийн стандарт талбай байгуулан хүлээлгэж өгнө

Монголчууд энэ жил түүхэндээ анх удаа олимпод багийн спортоор, тэр тусмаа 3х3 сагсан бөмбөгийн төрөлд оролцсон нь тун онцлог байлаа. Хэдийгээр онцгой амжилт үзүүлж чадаагүй ч тамирчид маань дэлхийн шилдгүүдээс дутахгүй өрсөлдөхөө харуулж, түүхэн хуудас бичсэн том үйл явдал болсон билээ. Тэгвэл Монгол орон даяар салбар нэгжтэй Хаан Банк түүхт 30 жилийнхээ ойгоор хүүхэд залууст бэлэг барьж, 21 аймаг болон нийслэлийн алслагдсан Багануур, Багахангай дүүрэгт 3×3 сагсан бөмбөгийн стандарт талбай байгуулж өгөхөөр ажлаа эхлүүлээд байна.

Хаан Банк нийгмийн хариуцлагын хүрээнд соёл урлаг, спортын салбарынхныг тууштай дэмжиж ирсэн бөгөөд Монгол Улсад багийн спортыг хөгжүүлэх, хүүхэд залуусын чөлөөт цагаа зөв боловсон өнгөрүүлэх, спортоор хичээллэх сонирхлыг нь дэмжих, цаашлаад их спортын ертөнцөд эх орныхоо нэрийг дуурсгах ирээдүйн аваргуудыг бэлтгэх үйлсэд хувь нэмрээ оруулах зорилгоор ийнхүү улсын хэмжээнд томоохон бүтээн байгуулалтын ажлыг өрнүүлээд буй юм.

Энэ ажлын салхийг хагалж, эхний 3×3 сагсан бөмбөгийн стандарт талбайг Төв аймагт байгуулан, хичээлийн шинэ жилийн өмнө хүүхэд залууст бэлэг барихаар шаргуу ажиллаж байна. Төв аймгийн Биеийн тамир, спортын газрын дарга Д.Алтанхуяг “Хаан Банкнаас санаачлан хэрэгжүүлж байгаа энэ сайхан ажлын эхлэл Төв аймгаас түүчээлж, ашиглалтад орж байгаад баяртай байна. 3×3 сагсан бөмбөгийн спорт манайд хөгжөөд төдий л удаагүй, залуу төрөл гэж хэлж болно. Гэхдээ “Токио-2020” олимпийн наадамд манай баг тамирчид амжилттай оролцсонтой холбоотойгоор спортыг сонирхох хүүхэд залуусын тоо ч нэмэгдэж байна.

Яг энэ цаг үед стандарт талбайг ийнхүү байгуулж байгаа нь зуунмодчуудын хувьд чухал үйл явдал юм. Манай аймгийн тамирчид 3×3 сагсан бөмбөгийн төрлөөр залуучуудын ДАШТ-д оролцож байсан. Мөн энэ нутгаас төрөн гарсан Д.Дэлгэрням тэргүүтэй тамирчид Монгол Улсын шигшээ багт тоглож байна. Энэ талбай ашиглалтад орсноор хүүхэд залуус энэ спортоор сонирхон хичээллэх нь нэмэгдэж, ирээдүйн шилдэг тамирчид болох урам, сэдэл авна гэж найдаж байна” хэмээн сэтгэгдлээсээ хуваалцлаа.

гадаад мэдээ

Их Британи Афганистанаас 20 мянга орчим дүрвэгч хүлээж авна

Post author By
Post date 2021-08-18
No Comments on Их Британи Афганистанаас 20 мянга орчим дүрвэгч хүлээж авна

Их Британийн Засгийн газар Афганистанаас 20 мянган дүрвэгч хүлээн авч, суурьшуулах хөтөлбөр баталжээ.

Энэ тухай тус улсын Дотоод хэргийн сайд Прити Пател “Daily Telegraph” сонины цахим хуудаст нийтэлсэн зохиогчийн нийтлэлдээ мэдэгджээ. Тэрбээр мөн ЕХ болон бусад орныг Британийн жишээг дагахыг уриалсан байна.

“Афганистаны иргэдийг шилжүүлэн суурьшуулах шинэ хөтөлбөрийг хэрэгжүүлснээр эх орноосоо дүрвэхээс өөр аргагүйд хүрсэн 20 мянга хүртэлх хүнийг хүлээж авах боломжтой болно. Эхний 5 мянга дүрвэгчийг энэ жил хүлээж авна” гэж сайд бичжээ. Их Британи дангаар ажиллах боломжгүй гэдгийг тэрбээр онцлоод хэт давруу үзэлтнүүдийн “Талибан” хөдөлгөөн засгийн эрхэнд гарсны дараа Афганистаны ард иргэдэд тусламж үзүүлэх шаардлагатай байгаа талаар барууны бусад улстай ярилцаж байгааг цохон тэмдэглэсэн байна.

Их Британийн эрх баригчид урьд нь Сириэс 20 мянга орчим дүрвэгч хүлээн авах үүнтэй ижил хөтөлбөр хэрэгжүүлж байжээ.

мэдээ нийгэм

Жаргалант тосгонд 70 ортой дотуур байр ашиглалтад орлоо

Post author By
Post date 2021-08-18
No Comments on Жаргалант тосгонд 70 ортой дотуур байр ашиглалтад орлоо

Сонгинохайрхан дүүргийн 21-р хорооны Жаргалант тосгонд байрлах 74 дүгээр дунд сургуулийн 70 ортой дотуур байрны барилга бүрэн дуусаж, ашиглалтад ороход бэлэн боллоо. Нийслэлийн алслагдсан бүс буюу хотын төвөөс 60 орчим километрийн зайд орших тус сургуульд голдуу малчдын хүүхдүүд суралцдаг бөгөөд хол гэртэй 170 орчим хүүхэд сургуулийн дотуур байранд амьдардаг байна.

Алслагдсан дүүрэгт боловсролын чанар, хүртээмжийг сайжруулахад тулгамдаж буй нэг гол бэрхшээл нь сургууль, дотуур байрны орчин нөхцөл хангалтгүй байгаа явдал байдаг. Сурагчдын сурч боловсрох таатай нөхцөл, эрүүл мэнд болон сурлагын амжилтыг сайжруулах зорилгоор Улсын төсвийн хөрөнгө оруулалтаар дотуур байрны барилгын ажлыг хийж гүйцэтгэсэн юм. Тус бүтээн байгуулалтыг “Морин сувд” ХХК 2020 онд барьж эхэлсэн бөгөөд төлөвлөсөн хугацаанд буюу энэ оны хичээлийн шинэ жилээс эхлэн ашиглалтад ороход бэлэн боллоо.

мэдээ энтертаймент-ертөнц

Дэлхийн алдартай виртуал музей

Post author By
Post date 2021-08-18
No Comments on Дэлхийн алдартай виртуал музей

Уран зураг үзнэ гэдэг зүгээр нэг зураг харахаас илүү өөртэйгөө ярилцах боломжийг бий болгодог.

ХХ зууны уран зургуудын ихэнх нь дүрс, зураг, будагны чанараасаа шалтгаалан хийсвэр байх нь бий. Орчин үеийн нийгмийн хөгжлийг тодорхойлох хамгийн сонирхолтой зүйл бол урлаг уран зураг юм.

Технологи өндөр хөгжсөн өнөө үед гэртээ сууснаар ертөнцөөс тусгаарлагдана гэсэн үг биш юм. Дэлхийн алдартай музей, концертын танхимууд үйл ажиллагаагаа цахим ертөнцөд нээлттэй болгож, дээд зэрэглэлийн урлаг соёлын үйл ажиллагааг үзэх боломж олгожээ. Тиймээс зурагт, “Netflix”-ээ хойш тавиад Европын агуу түүхт урлагийн музейгээр бодит мэт мэдрэмжийг мэдрэн виртуал ертөнцөөр аялаарай.

Алдарт зураач Винсент ван Гогийн XVIII зууны үеийн уран бүтээлээс авахуулаад орчин цагийн урлагийн бүтээлүүд ч багтжээ.

1. Италийн Сэргэн мандлын үеийн мастеруудын олон гайхалтай бүтээлийн цуглуулгыг багтаасан Флоренцын Uffizi Галерей нь улсынхаа хамгийн алдартай музейд зүй ёсоор тооцогддог аж.

2. Орчин үеийн урлаг, архитектурын шүтэн бишрэгчдийн дунд алдартай Нью Йорк дахь Гүггенхаймын музей

3. Хагацсан сэтгэлийн музей /Museum of Broken Relationships/

4.Орчин үеийн урлагийг шимтэн сонирхдог хүн бүрийн заавал үзэх ёстой Лос Анжелес дахь The Broad музей

5. Бүтээл бүрийг агаарт хөвж байгаа мэт өвөрмөцөөр байршуулсан Сан Паулогийн урлагийн музей

Г.Байгальцэцэг

мэдээ нийгэм цаг-үе

ЭМЯ: 1582 хүнээс халдвар илэрч, таван хүн нас барлаа

Post author By
Post date 2021-08-18
No Comments on ЭМЯ: 1582 хүнээс халдвар илэрч, таван хүн нас барлаа

Коронавируст халдварын нөхцөл байдлын талаар Эрүүл мэндийн яам ээлжит мэдээллээ хүргэж байна.

“Сүүлийн 24 цагт 1582 хүнээс халдвар илэрлээ.

Мөн таван хүн ковидын нэн хүнд хэлбэрээр нас барлаа. Нийт нас баралт 889 боллоо.

Сүүлийн 24 цагт 1879 хүн эдгэрч, эмнэлгээс гарлаа.

Өнөөдрийн байдлаар 9393 хүн хэвтэн эмчлүүлж байгаагаас 5294 нь хөнгөн, 3055 нь хүндэвтэр, 848 нь хүнд,196 хүн нэн хүнд байна.

бичвэр гэх мэтийн зураг байж болно

Recent Posts

Recent Comments

Archives

Categories