Month: August 2021

Автомашингүй өдрийг энэ сарын 28-наас 29-ний өдрүүдэд зохион байгуулахаар болсон талаар нийслэлийн Хэвлэлийн албанаас мэдээллээ.

Тухайлбал, энэ өдрүүдэд Энхтайвны өргөн чөлөөнд (Баруун дөрвөн замаас зүүн дөрвөн зам хүртэл) хичээлийн хэрэгслийн үзэсгэлэн худалдаа зохион байгуулахаар болжээ. Харин бусад замаар тэгш, сондгой дугаарын хязгаарлалт үйлчлэх юм байна.

Дэлхий даяар жил бүрийн есдүгээр сарын 22-ны өдрийг “Автомашингүй өдөр” болгон тэмдэглэдэг уламжлалтай. Манай орны хувьд 2009 оноос хойш хүрээлэн буй орчин болоод нийгэмд автомашины хэрэглээнээс үүдэн учирч буй сөрөг нөлөөг багасгахад олон нийтийн анхаарлыг хандуулах зорилгоор “Автомашингүй өдөр”-ийг тэмдэглэдэг билээ.

Малч­ид, иргэд, тариаланчид, хадланчдад зориулсан мэдээ: Маргааш өдөртөө Алтай, Хангай, Хөвсгөлийн уулархаг нутгаар бороо орж, сэрүүхэн байна.

2021 оны 08-р сарын 19-ний 12-18 цаг хүртэлх цаг агаарын мэдээ: Үүл багасна. Бороо орохгүй. Салхи баруун хойноос секундэд 6-11 метр. 15-17 хэм дулаан байна.

2021 оны 08 дугаар сарын 19-ний 20 цагаас 08 дугаар сарын 20-ны

20 цаг хүртэлх цаг агаарын урьдчилсан мэдээ

Хур тунадас: Ихэнх нутгаар солигдмол үүлтэй. Шөнөдөө баруун аймгуудын нутгийн баруун, зүүн аймгуудын нутгийн зүүн хэсгээр, өдөртөө баруун аймгуудын нутгийн зарим газар, төвийн аймгуудын нутгийн баруун хэсгээр бороо, дуу цахилгаантай аадар бороо орно.

Салхи: Нутгийн зүүн хэсгээр баруун хойноос, бусад нутгаар баруунаас секундэд 5-10 метр, өдөртөө Алтайн салбар уулсаар секундэд 14-16 метр хүрч ширүүснэ.

Агаарын температур: Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Идэр, Тэс, Тэрэлж голын хөндийгөөр шөнөдөө 1-6 хэм, өдөртөө 14-19 хэм, говийн бүс нутгийн өмнөд хэсгээр шөнөдөө 11-16 хэм, өдөртөө 23-28 хэм, бусад нутгаар шөнөдөө 4-9 хэм, өдөртөө 19-24 хэм дулаан байна.

УЛААНБААТАР ХОТ ОРЧМООР: Шөнөдөө үүл багасна. Өдөртөө багавтар үүлтэй. Бороо орохгүй. Салхи шөнөдөө баруун хойноос, өдөртөө баруунаас секундэд 5-10 метр. Шөнөдөө 6-8 хэм, өдөртөө 20-22 хэм дулаан байна.

БАГАНУУР ОРЧМООР: Шөнөдөө үүл багасна. Өдөртөө багавтар үүлтэй. Бороо орохгүй. Салхи шөнөдөө баруун хойноос, өдөртөө баруунаас секундэд 5-10 метр. Шөнөдөө 3-5 хэм, өдөртөө 20-22 хэм дулаан байна.

ТЭРЭЛЖ ОРЧМООР: Шөнөдөө үүл багасна. Өдөртөө багавтар үүлтэй. Бороо орохгүй. Салхи шөнөдөө баруун хойноос, өдөртөө баруунаас секундэд 5-10 метр. Шөнөдөө 2-4 хэм, өдөртөө 17-19 хэм дулаан байна.

2021 оны Элсэлтийн ерөнхий шалгалт өнөөдөр орон даяар Монгол Улсын түүх , Англи хэлний шалгалтаар эхэллээ.

Өнөөдрийн эхний шалгалт Монгол Улсын түүхийн хичээл байсан бол 14:00-15:20 цагт Англи хэлний шалгалтаар үргэлжлэв.

Энэ жилийн ЭЕШ хэрхэн зохион байгуулагдаж буйг тодруулахаар Сүхбаатар дүүргийн Монгол III сургуулийг зорилоо.

14:50 цагт Англи хэлний шалгалт эхэлсэн байв.

ЭЕШ зохион байгуулагч н.Дашцэрмаа "III сургууль дээр нийтдээ 25 зааланд шалгалт авахаар бэлдсэн. Өнөөдөр Монгол Улсын түүхийн шалгалтад 30 шалгуулагч орохоос  27 шалгуулагч орлоо. Харин англи хэлний шалгалтад 373 сурагчаас 356 шалгуулагч ирсэн. Шалгалтын үед ямар нэгэн асуудал үүсээгүй, хэвийн явагдлаа. Шалгуулагчид цагаасаа өмнө ирж бэлтгэлээ хангаж орсон. ЭЕШ-ын үед ариутгалыг шалгуулагчдыг орохоос өмнө болон гарсны дараа анги танхимыг агаар сэлгэж чийгтэй цэвэрлэгээ хийж байна. Зохион байгуулагчдын зүгээс шалгуулагчдаас шаардах нэг зүйл нь Иргэний үнэмлэхээ заавал авчрах хэрэгтэй.Үнэмлэхний хуулбар авчирсан тохиолдол өнөөдөр хэд хэд байлаа.

ЭЕШ болж буй сургуулийн хашаа руу эцэг эхчүүд болон гаднын хүнийг оруулахгүй байхаар зохион байгуулж байгаа” гэлээ.

Харин “Өсвөрийн зохион бүтээгч” ахлах сургуулийн сурагч н.Бишрэл “Энэ жил англи хэл, математик, физик, Орос хэлээр ЭЕШ өгч байгаа. Сая англи хэлний шалгалтаа өгөөд гарч ирлээ. Гайгүй хийсэн гэж бодож байна. Шалгалтын зохион байгуулалт сайн байна. Бэлтгэлээ хувиараа сургалт авч хийсэн” гэв.

Маргааш хими, газарзүй, нийгмийн хичээлийн шалгалтаар үргэлжлэх юм.

Н.ЦОГЗОЛМАА

Улсын онцгой комиссын зургадугаар албан даалгавраар аймаг, нийслэлийн Засаг дарга нарт коронавируст халдварын эсрэг дархлаажуулалтад 12-17 насны хүн амыг хамруулах зөвлөмж, уриалгыг гаргаж, эрчимжүүлэх үүрэг өгсөн. Мөн цэцэрлэг, ерөнхий боловсролын сургууль, дотуур байрны халдваргүйжүүлэлтэд шаардагдах нөөцийг бүрдүүлэх, багш, суралцагчдаас тандалтын зорилгоор 14 хоногийн давтамжтайгаар түргэвчилсэн шинжилгээг 10 хүртэл хувийг хамруулан авахад шаардагдах зардлын нөөцийг шийдвэрлэх болон бусад үүргийг өгсөн.

Үүний дагуу Нийслэлийн Засаг даргын орлогч Ж.Сандагсүрэн нийгмийн салбарын удирдлагуудын төлөөлөлтэй уулзаж, санал солилцлоо. Боловсролын салбар 2019-2020 оны хичээлийн жилд 47 хувь, 2020-2021 оны хичээлийн жилд 62-68 хувь нь танхимын бус хэлбэрээр хичээллэсэн байна. Үүнтэй уялдуулан компьютер болон гар утасгүйн улмаас цахим хэлбэрээр явагдсан хичээлийн хөтөлбөрөөс тодорхой хэмжээнд хоцорсон сурагчдын мэдээллийг нягталж, хичээлийн хоцрогдлыг арилгах нь чухал, энэ тал дээр багш, сурагчдад дэмжлэг үзүүлж ажиллах хэрэгтэйг тэрбээр онцоллоо. Мөн 2024 он хүртэл тогтвортой хэрэгжүүлэх төсөлд мэргэжлийн байгууллагуудын санал санаачилга чухал байгааг хэлсэн юм. Түүнчлэн наймдугаар сарын 19-22-ны хооронд үргэлжлэх элсэлтийн ерөнхий шалгалтын үеэр халдвар хамгааллын дэглэм мөрдүүлэх, халдварын тархалтаас урьдчилан сэргийлэхийг анхаарууллаа.