Нийслэлийн хэмжээнд өчигдөр
Вакцинжуулалт эхэлснээс хойш нийслэлийн нийт хүн амын I тунгийн хамралт 73.9 хувь, II тунгийн хамралт 68.7 хувь байна.
Зорилтот бүлгийн буюу
Эх нярай, эмэгтэйчүүдийн үндэсний II төвд ачаалал ихтэй, хүмүүс коридорт хэвтэж байна гэсэн мэдээллийн мөрөөр уг эмнэлэгт хандлаа. Тус эмнэлгийн эмчилгээ эрхэлсэн дэд захирал Ж.Оюунцэцэгээс энэ талаар тодруулсан юм.
-Танай эмнэлэгт ачаалал хэр байгаа вэ. “Шалаар зулсан байна, коридорт хэвтэж байна” гэх мэдээлэл явна лээ. Танай эмнэлэгийн нүүр хуудаст тавьсан өнөөдрийн мэдээллийг харлаа. 1061 хүн хэвтэж байгаа гэсэн үү?
-Манайх 880 гаруй өрөөтэй, маш том эмнэлэг. Шахасхийгээд 1000 болгочихоод байгаа юм. Түүнээс биш шалан дээр зулсан юм байхгүй. Ерөнхийдөө сүүлийн үед дельта вирусийн халдвар нэмэгдэж байгаа.
Хүмүүс хүндрэхээс болгоомжлоод, эмчийн хяналтад байх, эм тариа хийлгэх гээд эмнэлэгт хэвтэх эрэлт хэрэгцээ ихэссэн. Зуны хэд хоногт 500 хүнтэй байлаа. Бусад үед мянган хүнтэй л яваад байгаа. Мянган хүний ачаалал бол бидэнд нэг их айхавтар хүнд санагддаггүй. Анхнаасаа л ковидтой өвчтөн хүлээж аваад ажиллаж эхэлсэн болохоор зохицуулаад явж байгаа даа.
-Өнөөдрийн байдлаар 79 жирэмсэн эмэгтэй байгаа гэсэн үү?
-Манайх нэгээс долоон давхартаа үйл ажиллагаа явуулдаг. 79 ээж жирэмсний тасагт байна гэсэн үг. Нэг давхарт нэг баг, нийтдээ арав гаруй баг ажиллаж байгаа. Нэг багт 12 хүн ажилладаг. Жирэмсэн ээжүүд дангаараа нэг давхарт байдаг. Төрсний дараах ээжүүдийн давхар бас бий.
-Вакцинтай ээжүүд ирж байна уу, вакцин хийлгэж амжаагүй жирэмсэн эмэгтэйчүүд ирж байгаа юу. Ямар ээжүүд халдвар их авч байна вэ?
-Вакцинтай ээжүүд цөөн хувийг эзэлж байна. Зарим жирэмсэн ээжүүд вакцин хийлгэхээс болгоомжилж байна.
Харин вакцин хийж эхэлснээс хойш өдөрт 500 жирэмсэн ээж хэвтдэг нь ерөнхийдөө буурсан шүү.
-Эмчлүүлж байгаа ковидтой ээжүүд амаржиж байгаа юм болов уу, халдвартай ээжүүдийг танайд авчирдаг юм уу?
-Манайд жирэмсэн ковидтой ээжүүд эмчлэгдэж байгаад амаржиж байна. Хагалгаагаар амаржиж байна. Манайх чинь угаасаа эх барих эмэгтэйчүүдийн эмнэлэг шүү дээ.
-16 хүртэлх насны 250 хүүхэд эмчлүүлж байгаа юм байна. Хүүхдүүд хэр хүндэрч байгаа вэ?
-Сүүлийн үед 2-5 насны хүүхдүүдэд ларингит маягтай шинж тэмдэг илэрч байна. Бас гүйлгэж байна. Өмнө нь гүйлгэх шинж тэмдэг бараг илэрдэггүй байсан. Дельта вирусийн шинж тэмдэг болов уу гэж бид таамаглаж байгаа.
-Вакцинд хамрагдаагүй насныхан ирж байна уу. 16 хүртэлх насныхан гэхээр вакцинд хамрагдсан насныхан бас ирж байгаа гэсэн үг үү?
-Цөөн хувь нь вакцинд хамрагдсан байна.
-Танайх шинэ эмнэлэг шүү дээ. Тоног төхөөрөмж дутагдалтай байна уу, хүний нөөц хэр байгаа вэ?
-Шинэ эмнэлэг болохоор Дэлхийн банкны төслөөр тоног төхөөрөмжөөр хангаж байгаа. Гол тоног төхөөрөмжүүд нь шинээр ирсэн. Хангалттай тоног төхөөрөмжүүдтэй. ЭХО гэхэд л арав гаруй бий. Рентген аппарат гэхэд л гурав байна, компьютерт томограф (CT), лабораторийн шинжилгээнүүд хийгдэж байна. Ковидын үед ямар тоног төхөөрөмж байх шаардлагатай байна, тэр бүхнээр хангагдсан.
-Танайх хүчилтөрөгчөө өөрсдөө үйлдвэрлэдэг билүү?
-Манайх хүчилтөрөгчөө өөрсдөө үйлдвэрлэдэг. Дэргэдээ хүчилтөрөгч нөөцлөх, шахах цехтэй. 280 шугамаар хүчилтөрөгч шахдаг.
-Уушги орлуулагч ECMO аппарат танайд байдаг уу?
-Байхгүй. Улсын хэмжээнд хоёр байгаа шүү дээ.
-Намар халдвар нэмэгдэнэ, ачаалал нэмэгдэнэ, та бүхэн хэр бэлтгэл хангаж байгаа вэ?
-Эм тарианыхаа нөөцийг хангаж байна. Хүссэн хэмжээгээр эм тариа ирж чадахгүй, хил гааль дээр саатал доголдол үүсч мэдэх учраас тодорхой хэмжээний эм тарианы нөөцтэй байна. Нөөцөө дахин нэмэгдүүлнэ.
-Эмч, ажилтнуудын нөөц хэр байгаа вэ?
-Хүний нөөцийн хувьд болж байна. Цалингаа нэмсэн. Улаан бүсийн цалин нэмэгдсэн учраас манайхан эрвийх дэрвийхээрээ ажиллаж байна.
Өнөөдөр Улаанбаатар хотод явуулын 2, суурин 46 цэгт 62 багийн 406 эмч, ажилтан ажиллаж, 5200 иргэнийг дархлаажуулахаар төлөвлөжээ.
Дархлаажуулалтын цэгийг дүүрэг тус бүрээр танилцуулж байна.
Аргын тооллын наймдугаар сарын 26, Бархасбадь гараг. Билгийн тооллын 19, Дэлгэрүүлэгч одтой, улаан морь өдөр. Өдрийн наран 6:02 цагт мандан, 19:46 цагт жаргана. Тухайн өдөр бар жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба лусыг тахих, тангараг тавих, гэр, байшингийн суурь тавихад сайн. Гэр бүрэх, хэрүүл тэмцэл хийх, сэтгэлд сэвтэй газар очиход муу.
УЛААНБААТАР ХОТ ОРЧМООР: Үүлэрхэг. Бороо орохгүй. Салхи хойноос секундэд 5-10 метр. Шөнөдөө 5-7 градус, өдөртөө 12-14 градус дулаан байна.
Хур тунадас: Нутгийн зүүн хагаст үүлэрхэг, бусад нутгаар солигдмол үүлтэй. Шөнөдөө баруун аймгуудын нутгийн зүүн хэсэг, төв болон говийн аймгуудын нутгийн зарим газраар, зүүн аймгуудын ихэнх нутгаар, өдөртөө баруун, төв, говийн аймгуудын нутгийн зарим газар, зүүн аймгуудын ихэнх нутгаар бороо орно.
Салхи: Ихэнх нутгаар баруун хойноос секундэд 5-10 метр, Алтайн салбар уулсаар секундэд 12-14 метр хүрч ширүүснэ.
Агаарын температур: Алтай, Хангай, Хөвсгөл, Хэнтэйн уулархаг нутаг, Хүрэнбэлчир орчим, Завхан голын эх, Идэр, Тэс, Эг, Үүр, Тэрэлж голын хөндийгөөр шөнөдөө 2 градус хүйтнээс 3 градус дулаан, өдөртөө 9-14 градус, говийн бүс нутгийн өмнөд хэсгээр шөнөдөө 8-13 градус, өдөртөө 19-24 градус, бусад нутгаар шөнөдөө 5-10 градус, өдөртөө 12-17 градус дулаан байна.
БАГАНУУР ОРЧМООР: Үүлэрхэг. Бага зэргийн бороо орно. Салхи хойноос секундэд 5-10 метр. Шөнөдөө 6-8 градус, өдөртөө 12-14 градус дулаан байна.
ТЭРЭЛЖ ОРЧМООР: Үүлэрхэг. Бага зэргийн бороо орно. Салхи хойноос секундэд 5-10 метр. Шөнөдөө 1-3 градус, өдөртөө 11-13 градус дулаан байна.
Өглөө бүр тантай хамт байдаг “Өдрийн сонин”-ы пүрэв гаригийн дугаар 12 нүүрээр хэвлэгдэж, та бүхний гар дээр хүрч байна.
“Өдрийн сонин”-ы тэргүүн нүүрт МУИС-ийн Электроник,
холбооны инженерчлэлийн
тэнхимийм дэд профессор Б.Ганбат “Олон сая
төгрөг төлж авдаг
боловсролыг орон
нутгийн сургуулиуд
дутахааргүй олгож
байгааг ЭЕШ-ын дүнгээс
харж болно” гэснийг IV нүүрээс үргэлжлүүлэн уншаарай.
УИХ-ын гишүүн Г.Амартүвшин “Хөгжлийн банкинд
бүтцийн өөрчлөлт оруулж,
Солонгосын ЭКСИМ банкны
жишгээр явах юм билээ” гэв.
Өдрийн сонинд Ернхийлөгч асан Ц.Элбэгдоржийн
өдрийн тэмдэглэл хэвлэгдлээ.
“Өдрийн сонин”-ы нийтлэлийн бодлогыг тодорхойлогч, ард түмний дуу хоолой болдог “Баримт, үзэл бодол” нүүрт нэрт нийтлэлч Б.Цэнддоо “570” унасан “хулгайч” хэмээн өгүүллээ.
“Эсрэг тэсрэг байр суурь” буланд ХСҮТ-ийн Эрдэм шинжилгээ, сургалт, төлөвлөлт, гадаад
харилцаа эрхэлсэн
захирал Л.Баярсайхан “Бид хууль
дүрмийнхээ хүрээнд шаардлага
тавьж, босгох ёстой бол хашаа
босгох л болно” гэлээ.
“Дөрөвдүгээр эмнэлэг”
ХХК-ийн Эмчилгээ эрхэлсэн
захирал Н.Оргил “Бидэнд ХСҮТ-ийн
удирдлагуудаас орц, гарцаа нээгээд
өгөөч хэмээн гуйж, гувшаад байх
цаг зав байхгүй” хэмээн ярьсныг “Баримт, үзэл бодол”-ын VII нүүрээс уншаарай.
“Женко ”
клубийн тамирчин олон
улсын хэмжээний мастер Олимпийн наадмын хүрэл
медальт Б.Болортуяа “Ганцаараа дэвжээнд
гардаг ч ард минь бүтэн
баг ажиллаж байдаг” хэмээв.
Дэлгэрэнгүй мэдээллүүдийг уншихыг хүсвэл дараах линкээр бүртгүүлж уншина уу. https://admin.dnn.mn/plugins/news/login/
Эдгээр болон бусад цаг үеийн мэдээ мэдээлэл, ярилцлага, сурвалжлагыг “Өдрийн сонин”-ы пүрэв гаригийн дугаараас уншаарай.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудангийн салбаруудаас болон сонин борлуулах цэгүүд, Хэвлэлийн биржээс худалдан авах боломжтой. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдан авч болохыг дуулгая. Түүнчлэн “Өдрийн сонин”-ы өөрийн байранд ирж худалдан авч болно. Уншигч та “Өдрийн сонин”-ыг захиалан уншихыг хүсвэл 9911-2954, 8811-1375 дугаарт холбогдоно уу.
Цахим хэлбэрээр нь захиалахыг хүсвэл 99726725 дугаарт холбогдож дэлгэрэнгүй мэдээллийг аваарай.
“Өдрийн сонин”-той холбоотой мэдээ мэдээллийг 19001987-гоос лавлана уу.
“ӨДРИЙН СОНИН” ӨГЛӨӨ БҮР ТАНТАЙ ХАМТ
Нийслэлийн Онцгой байдлын газрын даргын шийдвэрээр 2021 оны сургалт бэлтгэлийн удирдамжийн хүрээнд бүтцийн нэгжүүдийн алба хаагчдад эмнэлгийн анхан шатны тусламж үзүүлэх сургалтыг Аврах ангийн эмч, сэтгэлзүйч нар зохион байгуулж байна.
Аливаа гамшгийн үед болон иргэд, олон нийтэд аюул учирсан тохиолдолд яаралтай эмнэлгийн анхан шатны тусламж үзүүлэх чадварыг эзэмшүүлэх зорилгоор зохион байгуулагдаж байгаа энэхүү сургалтын хүрээнд алба хаагчид дараах мэдлэгийг эзэмших юм.
-Амилуулах суурь тусламж, автомат тохируулгатай фибрилляторын тусламжтай тусламж үзүүлэх,
-Нүд, чих хамар, амьсгалын зам, улаан хоолойд гадны биет орох үед үзүүлэх анхны тусламж, зөөлөн эд холбоосны эдийн суналт, арьс урагдах үед үзүүлэх анхны тусламж;
-Аврах амьсгал хийх аргууд: Амьтанд хазуулах, зөгий шавьж, могойд хатгуулах, нохойнд хазуулах үеийн эмнэлгийн анхны тусламж;
-Яаралтай анхны тусламжийн тухай, зарчмууд, Шарх, цус алдалтын тухай ойлголт, цус алдалтын үед үзүүлэх эмнэлгийн анхан шатны тусламж, цусны даралт хэмжих арга зүй;
-Боолт түүний хэлбэрүүд, Зөөлөн боолт, цавуугаар нааж тогтоох боолт, Гоюу, алцуур боолт, цуулбар боолт, ретелист бинт боолт маштафаровийн хэмнэлттэй боолт, бинт боолт гөлтөгнөн боолт хийх аргачлал;
-Биеийн халуун хэмжих арга зүй, амьсгал судасны лугшилт тоолох арга зүй, живэх үед үзүүлэх эмнэлгийн анхан шатны тусламж;
-Амин үзүүлэлтийг хэмжих арга зүй, Дарагдсан хам шинжийн үед үзүүлэх эмнэлгийн анхан шатны тусламж;
-Үе мөчдийн тасралт, ясны хугаралтын үед үзүүлэх эмнэлгийн анхан шатны тусламж;
-Ясны гэмтэл, гэмтлийн мултралын үед үзүүлэх эмнэлгийн анхан шатны тусламж;
-Гэмтэгсдийг зөөж тээвэрлэх зарчим, анхны тусламж үзүүлэх үеийн халдвар хамгаалалын дэглэм, нэрвэгдэгсдийг гарын доорх материал ашиглан тээврийн хэрэгслээр тээвэрлэх зарчим зэрэг болно.
Сургалт 2021 оны 08 дугаар сарын 23-ны өдрөөс 10 дугаар сарын 10-ны өдрийг хүртэл үргэлжилнэ гэж нийслэлийн Онцгой байдлын газраас мэдээллээ.
Нийслэлийн Засаг даргын захирамжийн дагуу Сонгинохайрхан дүүрэгт газар чөлөөлөлт, ногоон байгууламжийн ажил хийгдэж байна.
Тухайлбал, Сонгинохайрхан дүүргийн 17 дугаар хорооны нутаг дэвсгэрт 0.9 га нийтийн эдэлбэр газрыг чөлөөлж, 32 дугаар байрны баруун талд зөвшөөрөлгүй барьсан 132 чингэлэг, гараашийг буулгасан. Газар чөлөөлсөн талбайд 1.800 ам метр явган хүний зам, 3.996 ам метр талбайд ногоон зүлэг тарьж, 600 ам метр үерийн далан сувгийн аюулгүй байдлыг хангах эко хавтан суурилуулж байна. Мөн тус талбайд 1.8 метр өргөнтэй 520 метр дугуйн зам барих ажил үргэлжилж байгаа бөгөөд тохижилтын ажил есдүгээр сарын 10-нд дуусна. Тус дүүргийн 38-р хорооны “Залуус” хорооллын гадна талбайн хуучны объектуудыг буулган газрыг чөлөөлсөн. Чөлөөлсөн газарт 1400 ам метр талбайд 50 автомашины зогсоол байгуулахаар ажиллаж байна.
Олон нийтийн сүлжээнд коронавируст халдварын эсрэг вакцины гурав дахь тунг хийлгэсэн цагдаагийн алба хаагчид олноороо халдвар авсан гэх мэдээлэл тарсантай холбогдуулан ЭМ-ийн сайд С.Энхболд тайлбар мэдээлэл өглөө.
Тэрбээр “АстраЗенека вакцины хоёр тунд хамрагдсан хүмүүст нэмэлт гуравдугаар тунг хийж байгаа. Хариу арга хэмжээний багийн 13 мянга гаруй хүн гаруй хүн вакцин хийлгээд байна.
Манай улсын хувьд 65-аас дээш насны иргэдэд гурав дахь тунг хийх асуудлыг судалж байна. Тун удахгүй эхлүүлэх төлөвлөлттэй байгаа. Вакциныг төлбөртэй хийх эсэх талаар шийдвэр Засгийн газраас хараахан гараагүй. Гурав дахь тунг Файзер вакцинаар хийхээр төлөвлөлт хийн татан авалт хийж байна. Эхний ээлжид 65-аас дээш насны 450 мянга орчим иргэнд гурав дахь тунг хийхээр төлөвлөж байгаа” гэв.
НИТХ-ын тэргүүлэгчдийн 2021 оны наймдугаар сарын 17-ны өдрийн хурлын 98 дугаар тогтоолоор Хан-Уул дүүргийн 8, 21 дүгээр хороо, Нисэхийн аюулгүйн тойргоос урагш Жаргалантын ам руу эргэх авто замын уулзвар хүртэлх 3,341м гудамжийг “Архивчдын гудамж” гэж нэршүүлэхээр шийдвэрлэсний дагуу Архивын ерөнхий газрын хамт олны нэрэмжит гудамж бий болжээ.
Архивын ерөнхий газар нь Монголын ард түмний ой санамж, үндэстэн оршин тогтнох дархлаа болсон түүх, соёл, нийгэм, эдийн засгийн бүхий л төрлийн түүхэн баримт, дурсгал, эх сурвалжуудыг хадгалах, хамгаалах, түгээн дэлгэрүүлэх, хойч үедээ өвлөн уламжлуулах чиг үүрэгтэй төрийн захиргааны ууган байгууллагуудын нэг юм.
Өдгөө 94 дэх жилтэйгээ золгон үйл ажиллагаагаа явуулж буй тус байгууллагын хамт олны зүгээс Монгол Улсын архивын салбарын түүхэн уламжлалыг хадгалах, архивын салбарын албан хаагчдын гавьяаг алдаршуулах, архивын байгууллагын байршлыг олон нийтэд таниулах зорилгоор “Архивчдын гудамж”-тай болох хүсэлтээ салбарын сайдад тавьсныг дэмжиж, холбогдох байгууллагад уламжлан ийнхүү шийдвэрлүүлсэн байна.
