“Токио-2020” зуны паралимпийн XVI наадамд оролцох баг тамирчдын хоёрдугаар ээлж өнөөдөр Япон улсыг зорилоо.
Уг наадамд Монгол Улсын баг буудлага, байт харваа, пауэрлифтинг, таэквондо, жүдо, хөнгөн атлетик гэсэн спортын зургаан төрөлд 11 тамирчны бүрэлдэхүүнтэй оролцож байгаа юм.
Монгол тамирчдын тэмцээн өнөөдөр эхэлсэн бөгөөд жүдоч С.Ядамдорж, А.Мөнхбат нар VII байр эзэлсэн билээ.
ОХУ-ын ерөнхийлөгч В.Путин, БНХАУ-ын дарга Си Жиньпин нар лхагва гаригт утсаар холбогджээ. Хоёр орны удирдагчид юуны өмнө Афганистан дахь нөхцөл байдлын талаар санал бодлоо солилцсон байна. Кремлийн хэвлэлийн албаны мэдээлснээр В.Путин, Си Жиньпин нар Афганистанд үүсээд буй нөхцөл байдлыг тогтворжуулж, хөрш зэргэлдээх орнуудад сөргөлдөөн үүсгэхгүй байхад Шанхайн хамтын ажиллагааны байгууллагын үүрэг оролцоо чухал болохыг онцолжээ.
Мөн Афганистанаас учирч буй терроризмын аюул, мансууруулах бодисын наймаатай хийх тэмцлээ эрчимжүүлэхэд бэлэн байгаа. Түүнчлэн Афганистан улсад энх тайван тогтоохын төлөө гэдгээ илэрхийлсэн байна. В.Путин, Си Жиньпин нар утсаар холбогдох үедээ найрсаг хөрш, найрамдал, хамтын ажиллагааны гэрээ байгуулагдсаны 20 жилийн ойн сэдвийг хөндөж, хоёр орны стратегийн түншлэлийг тогтвортой хөгжүүлнэ гэдгээ цохон тэмдэглэжээ.
Д.ЦЭРЭНДОЛГОР
Египет улсын Кайр хотноо болж буй “FIBA 3×3 U23 Nations league Asia Africa” тэмцээний буюу Ази/Африкийн конференцийн гурав дахь өдөр Монголын эрэгтэй, эмэгтэй баг бүтэн багаараа түрүүллээ.
Мөн тус тэмцээний тохолтын тэмцээний аваргаар Монголын Улсын 3х3 сагсан бөмбөгийн 23 хүртэлх насны шигшээ багийн тоглогч Б.Сүхбат шалгарлаа.
Сонирхуулахад, U23 насны FIBA 3×3 төрлийн нийт зургаан тэмцээн зохион байгуулагдах бөгөөд маргааш “FIBA 3×3 U23 Nations League Asia Africa Stop-3” тэмцээн болно.
С.Ядамдорж дагах барилдаанд 2016 оны Риогийн олимпын аварга Узбекистаны Шерзод Намазовт хоёр вазари үнэлгээ алдан цэвэр ялагдсанаар тэмцээнээ дуусгалаа.
Өнөөдөр өглөө Булган аймгийн Баян-Агт сумаас зүүн урд зүгт 3,9 магнитудын хүчтэй газар хөдлөлт болжээ.
Газар хөдлөлт наймдугаар сарын 27-ны 04:06:15 цагийн орчимд тус сумаас зүүн урд зүгт 23 километрын зайнд болсон байна.
Дэлхийн Эрүүл Мэндийн Байгууллага /ДЭМБ/-ын Ерөнхий захирал Тедрос Аданом Гебрейесус улс орнуудыг энэ намар дахин шинэ тахлын эсрэг бэлтгэлтэй байж, хариу арга хэмжээ авахыг уриалав. Тэрбээр энэ талаар Жене хотноо болсон мэдээллийн үеэр ДЭМБ-ын “Твиттер” хуудсаар дамжуулан мэдээлэв.
Түүний хэлснээр, Дэлхийн нөхцөл байдал хэдийгээр тогтворжиж эхэлж байгаа ч өвчлөл, нас баралтын түвшин маш өндөр хэвээр байна.
“Ирэх гурван сар бол ирээдүйд дэгдэх тахлын эсрэг бэлтгэл хийх, хариу арга хэмжээ авах чухал үе байх болно” хэмээн Гебрейесус хэлэв.
Дэлхий дээр өдөр бүр илэрч байгаа коронавирусийн халдварын тохиолдол, нас баралтын тоо тогтворжиж байгааг ДЭМБ-ын тэргүүн онцлов. Гэсэн ч, энэ тогтвортой байдал маш өндөр түвшинд байгаа, учир нь халдварын 4,5 сая гаруй тохиолдол бүртгэгдэж, өдөрт 68 мянган хүн барж байгааг ч онцоллоо.
Өмнө нь, ДЭМБ-ын ахлах эрдэмтэн Сумья Сваминатан коронавирус нь Энэтхэгт эндемик шинжтэй өвчлөл болсон гэж мэдэгдэж байв. Эндемик гэдэг бол зөвхөн тухайн бүс нутагт тархсан өвчлөл бөгөөд Энэтхэг улс яг одоогийн байдлаар өвчний дэгдэлт зөвхөн тус улсын зарим бүс нутагт дэгдээд байгаа юм.
Наймдугаар сарын 14-нд ДЭМБ-аас мэдээлснээр, Дэлхий даяар хүүхдүүдийн дунд “COVID-19” коронавируст халдвараар нас барах тохиолдол, эзлэх хувь нэмэгдэж байгаа ба энэ нь ихэвчлэн хүн амын вакцинжуулалт өндөртэй улс орнуудад ажиглагдаж байгаа аж.
Зэвсэгт хүчний харъяа урлаг, спортын байгууллагад ажиллаж буй тамирчид, уран бүтээлчид амжилт гаргасан тохиолдолд цэргийн цол олгодог. Энэ жишгийг өөрчлөхөөр болжээ.Энэ талаар Батлан хамгаалахын сайд Г.Сайханбаяр цахим хуудсандаа “Цэргийн цол олгох журам шинэчлэгдэнэ. Спорт, урлагийнханд цэргийн цолыг хавтгайруулан олгож байгаад иргэд, олон нийт шүүмжлэлтэй ханддаг. Иймд Цэргийн цол олгох журамд өөрчлөлт оруулахаар ажиллаж байна” гэжээ.
Макаогийн Засгийн газар 2017 оноос “Бүс ба Зам” тэтгэлэгт хөтөлбөрийг хэрэгжүүлж байна. Монгол Улсаас Хонконгт суугаа Ерөнхий консулын газраас хүсэлт тавьсны дагуу уг тэтгэлэгт хөтөлбөрт 2022 оны хичээлийн жилээс эхлэн монгол оюутнуудыг хамруулахаар шийдвэрлэснээ Макаогийн тал албан ёсоор илэрхийллээ.
Өнөөдрийн байдлаар есөн орны оюутнууд энэхүү тэтгэлэгт хамрагдаж Макаогийн Их дээд сургуулиудад суралцаж байна. Тэтгэлгийг Макаогийн шилдэг 6 их дээд сургуульд бакалаврын түвшинд суралцах оюутнуудад олгодог бөгөөд нэг хичээлийн жилд 100.000 макао патака (ойролцоогоор 35 сая төгрөг)-ийн тэтгэлгийг дөрвөн жилийн турш олгох юм.