Month: August 2021

Categories
гадаад их-уншсан мэдээ туслах-ангилал

АНУ “Лалын улс” бүлэглэлийн босогчийг устгажээ

АНУ Афганистаны зүүн нутаг дахь “Лалын улс” бүлэглэлд дроны цохилт өгч, нэг гишүүнийг нь устгалаа гэж цэргийн төлөөлөгчид мэдээлжээ.

Энэхүү ажиллагааг Нангахар муж дахь “Лалын улс-Хорасан” бүлэглэлийн “төлөвлөгч”-ийг онилон явуулсан байна.
Уг бүлэглэл нь Афганистаны нийслэл Кабул хотод пүрэв гаригт болсон халдлагын хариуцлагыг хүлээсэн юм. Халдлагын улмаас ойролцоогоор 170 хүн амиа алдсаны дунд Америкийн 13 цэрэг байжээ.Америкийн талын мэдээлснээр, урьдчилсан мэдээллээс үзэхэд дроны цохилтоор “Лалын улс”-ын онилсон байг устгасан бөгөөд энгийн иргэн амиа алдаагүй байна.
АНУ-ын Ерөнхийлөгч Жо Байден Кабулд пүрэв гарагт гарсан дэлбэрэлтийг үйлдсэн этгээдүүдийг олж, шийтгэлийг нь хүлээлгэнэ гэдгээ баасан гарагт мэдэгдсэн юм.
Categories
мэдээ нийгэм цаг-үе

Автомашингүй өдрүүдээр нийтийн тээврийн дараах 36 чиглэлд өөрчлөлт орно

Өнөөдөр, маргааш тээврийн хэрэгслийг улсын дугаарын тэгш, сондгойгоор хөдөлгөөнд оролцуулж, төв замыг хааж байгаатай холбоотойгоор нийтийн тээврийн 36 чиглэлд өөрчлөлт оржээ.

Өөрчлөлт орж буй чиглэлүүд

  1. Ч:1 5- Шар – Офицеруудын ордон
  2. Ч:2 Шархад – МУБИС – 3,4-р хороолол
  3. Ч:3 Зүүн салаа – Халдварт
  4. Ч:7 Нисэх-МУБИС-Ард КиноТеатр
  5. Ч:8 Хайлааст-МУБИС-Цэцэг Төв
  6. Ч:18а 3,4-р хороолол-Ард кино театр -ТЭЦ 3
  7. Ч:18б 3,4-р хороолол –ТЭЦ 3-Цэцэг төв
  8. Ч:19а Цагаан даваа-Офицеруудын ордон -32 тойрог
  9. Ч:19б Цагаан Даваа –Сансар –Офицеруудын ордон
  10. Ч:23 Чингэлтэй ЗүрхУул -МУБИС-Цэцэг төв
  11. Ч:28 Сэлх-7 Буудал-Ард
  12. Ч:29 Сэлбэ-МУБИС-Вокзал
  13. Ч:30 Жанжин клуб-МУБИС-Ард кино театр
  14. Ч:34 Шархад-Сансар-Цэцэг төв-ТЭЦ 3
  15. Ч:37 Улаанхуаран-4-р хороолол
  16. Ч:40 Мах Импекс-Тэнгис-Улаанхуаран
  17. Ч:43 Баянхошуу-Ард-Бөмбөгөр
  18. Ч:47 Орбит-Ард кино театр
  19. Ч:48 Зүүн салаа -Чингэлтэй-МУБИС
  20. Ч:50 Улаанхуаран – Мишээл
  21. Ч:51 3,4-МУИС-Дүнжингарав
  22. Ч:52 3,4-Тэнгис-Зайсан
  23. Ч:53 Яармаг-АРД кино театр
  24. Ч:55 Зайсан –Дэнжийн 1000-ЗГАБ-СоготГу
  25. Ч:57 Улаанчулуут-Их наран -МУИС
  26. Ч:58 Мишээл-3,4 хороолол
  27. Ч:59 ХМК – Офицеруудын ордон
  28. Ч:61 Мишээл-120 Мянгат-Офицеруудын ордон
  29. Ч:63 Хан Хилс –Ривер Гарден –Цэцэг Төв-МУБИС
  30. Ч:66 Зайсан –Цэцэг төв-11-р хороолол
  31. Ч:69 Зунжин-7 буудал-Ард-ТЭЦ3
  32. Ч:70 ТЭЦ 3-Бөмбөгөр-Ард кино театр
  33. Ч:72 Богд хан-Зайсан –Сүхбаатарын талбай
  34. ХО:2 Шарга морьт-Дүнжингарав
  35. Т:2 5Шар~ОФИЦЕР~Ботаник
  36. Т:5 Офицеруудын ордон~III,IV Нийтийн тээврийн үйлчилгээний газар

Categories
их-уншсан мэдээ спорт туслах-ангилал

Паралимпийн тамирчин автомат жолоодлоготой тээврийн хэрэгсэлд мөргүүлжээ

Японы харааны бэрхшээлтэй паралимпийн тамирчин Китазоно Арамицү тамирчдын хотхон дунд автомат жолоодлоготой тээврийн хэрэгсэлд мөргүүлсний улмаас гэмтжээ.

Цагдаагийн ажилтнуудын мэдээлснээр, Японы жүдоч пүрэв гаргийн үдэд тээврийн хэрэгсэлд мөргүүлсний улмаас толгой, хөлөндөө гэмтэл авсан байна. Осол гарах үед тэрбээр явган хүний гарцаар гарч байжээ.

Өдгөө 30 настай К.Арамицү тамирчдын хотхоны эмнэлэгт эмчлүүлж байгаа бөгөөд хоёр долоо хоног эмчилгээ хийлгэх төлөвтэй байна. Харин тээврийн хэрэгсэлд зорчиж явсан долоон хүн гэмтэж бэртээгүй байна.

Энэхүү цахилгаан тээврийн хэрэгслүүдийг хотхон дунд тамирчид, төлөөлөгчдийг тээвэрлэхэд ашиглаж буй юм.

К.Арамицү эрэгтэйчүүдийн жүдо бөхийн 81 килограммын жинд өрсөлдөх байжээ.

Categories
мэдээ нийгэм

Зөвшөөрөлгүй газруудыг чөлөөлж, авто зогсоол барина

Нийслэлийн газар зохион байгуулалтын албанаас зөвшөөрөлгүй баригдсан газруудыг чөлөөлж буй. Энэ хүрээнд Баянгол дүүргийн дөрөвдүгээр хорооны нутаг дэвсгэр, 164 дүгээр цэцэрлэгийн баруун талд байрлах найман ширхэг тоосгон гаражийг буулгажээ.

Чөлөөлсөн газарт автомашины зогсоол барихаар төлөвлөсөн байна. Мөн Баянзүрх дүүргийн 18 дугаар хороо, 84 дүгээр сургуулийн урд байрлах 53 ширхэг тоосгон гаражийг маргааш буулгахаар төлөвлөжээ. Тус гаражуудыг буулгасны дараа ногоон байгууламж, тоглоомын талбай, авто зогсоол зэргээс шаардлагатайг нь иргэдийн саналыг үндэслэн тохижуулах юм.

Өмнө нь АШИУС-ийн гадна 10 хүрэхгүй машин зогсдог, эвдэрч, хуучирсан талбай байсан газрыг чөлөөлж, бичил цэцэрлэгт хүрээлэн болгож тохижуулсан билээ.

Categories
мэдээ спорт

ТОКИО-2020: Паралимпийн XVI наадмаас 46 улс медаль хүртээд байна

Токио-2020 паралимпийн XVI наадамд оролцож байгаа 160 улсын баг тамирчдаас өнөөдрийн байдлаар 46 улс паралимпын алт, мөнгө, хүрэл медаль хүртээд байна.

Энэ удаагийн паралимпийн наадмаас БНХАУ-ын баг 19 алт, 10 мөнгө, 17 хүрэл, нийтдээ 46 медальтай тэргүүлж байна. Олон улсын паралимпийн хороо /RPC/ буюу Дүрвэгсэдийн баг 10 алт, 7 мөнгө, 11 хүрэл, нийт 28 медаль, Их Британи улсын баг 9 алт, 10 мөнгө, 9 хүрэл, нийт 28 медаль хүртэж гуравт бичигдэж байна.

Харин тэдний араас АНУ-ын баг 9 алт, 6 мөнгө, 3 хүрэл, нийт 18 медальтай бол Австрали улсын баг 7 алт, 5 мөнгө, 8 хүрэл, нийт 20 медальтай 5 дугаар байрт орж байна.

Categories
гадаад их-уншсан мэдээ туслах-ангилал

Кабулд халдлагын улмаас нас барагсдын тоо 103-д хүрчээ

Кабулын нисэх онгоцны буудалд Пүрэв гаригт гарсан халдлагын улмаас амиа алдагсдын тоо 103-д хүрсэн талаар Талибаны нэрээ нууцлахыг хүссэн эх сурвалж мэдээллээ. Халдлагын үеэр тус бүлэглэлийн 20 гаруй гишүүн амь үрэгджээ. Албан бус мэдээллээр нас барсан 40, шархадсан 120 хүнийг Кабулын эмнэлэгт хүргэсэн байна. Харин АНУ-ын талаас халдлагад өртөж, амиа алдсан цэргийн тоо 13-д хүрсэн бөгөөд шархадсан 18 цэргийг нутагт нь буцаахаар болсныг Төв командлалын олон нийттэй харилцах албаны ажилтан Билл Урбан мэдэгдэв.

Кабулын нисэх онгоцны буудалд Пүрэв гаригт 30 минутын зайтай хоёр удаагийн дэлбэрэлт болсон юм. Тодруулбал, Кабулын нисэх онгоцны буудлын хойд хаалган дээр эхний дэлбэрэлт болсон бол удаах дэлбэрэлт холбоотны цэргүүдийн ашиглаж байсан нисэх онгоцны буудлын ойролцоох “Baron Camp” цэргийн баазад болжээ. “Исламын улс” бүлэглэл халдлагын эзэн холбогдогч болохоо мэдэгдсэн бөгөөд АНУ-ын армийн хамтрагчид болон орчуулагчдыг онилсон гэжээ.

Халдлага болох үед тухайн газарт байсан Абдул Вакил хэлэхдээ “Орон нутгийн цагаар 18:00 цагийн орчимд нисэх онгоцны буудлын хаалганы гадна цугларсан хүмүүсийн дотор дэлбэрэлт болсон” гэжээ. Өнгөрсөн хугацаанд нисэх онгоцны буудлын гол хаалга руу хүрдэг замыг хаасан байсан тул шархадсан хүмүүсийг гар тэрэг, дамнуургаар зөөж байв. Нисэх онгоцны буудалд халдлага гарахаас өмнөхөн нислэгээ хүлээж суусан олон мянган иргэнд халдлага гарч болзошгүй талаар Барууны орнуудаас анхааруулжээ. Тухайн үед талибанчууд онгоцны буудлын гадна, АНУ болон эвслийн цэргүүд дотор талд байрлаж аюулгүй байдлыг хангаж байсан аж.

Categories
мэдээ нийгэм

Өнөөдөр дархлаажуулалтын цэгүүд 10.00-15.00 цаг хүртэл ажиллана

Өнөөдөр буюу наймдугаар сарын 28-ны өдөр Улаанбаатар хотод явуулын хоёр, суурин 45 цэгт 61 багийн 388 эмч, ажилтан ажиллаж, 4,684 иргэнийг дархлаажуулахаар төлөвлөсөн байна.

Онцлоход, дархлаажуулалтын цэгүүд 10:00-15:00 цаг хүртэл ажиллах юм байна. Өчигдрийн хувьд Нийслэлийн хэмжээнд I тунд 717, II тунд 2,484, III тунд 3,929, нийт 7,130 иргэнийг дархлаажуулжээ.







Categories
мэдээ нийгэм

Цэргийн алба дүйцүүлэн хаагчдаар тохижилтын ажил хийлгэжээ

Нийслэл, дүүргийн Засаг даргын Тамгын газрын Цэргийн штабын төлөвлөлт, сургалтын офицерууд болон цэргийн албыг биеэр дүйцүүлэн хаагчид бэлэн байдлын дадлагын дохиогоор ажиллалаа.

Ингэхдээ Үндэсний цэцэрлэгт хүрээлэнд тогтоосон хугацаанд цугларч, бие бүрэлдэхүүний дүрэмт хувцас, хувийн бичиг баримт болон аранзанд үзлэг хийв.

Тус өдөр цэргийн албыг биеэр дүйцүүлэн хаагчид Монгол Улсад залуучуудын холбоо үүсэн байгуулагдсаны 100 жилийн ойг тохиолдуулан Үндэсний цэцэрлэгт хүрээлэнд иргэдийн эрүүл аюулгүй орчинд амрах, зугаалах орчныг бүрдүүлэх үүднээс дугуйн зам дагасан хамгаалалтын хашлагыг бэхэлсэн юм.

Мөн гүйлтийн зам дагуух модлог ургамлыг арчлах, мод шуух, тарих, хатсан өвсийг хамах, мод үржүүлгийн талбайд ангилан ялгалт хийх зэрэг ажлуудыг хийж гүйцэтгэлээ.

Categories
мэдээ спорт

Криштиану Роналду “Манчестер Юнайтед” руу эргэн очихоор болжээ

Алдарт хөл бөмбөгчин 36 настай Криштиану Роналду 18 наснаасаа хойш тоглосон “Манчестер Юнайтед” клубт эргэн очихоор болжээ. Италийн “Ювентус” клубээс “Манчестер Юнайтед” руу шилжих гэж буйгаа тэрээр өөрийн Твиттер хуудсаараа дамжуулан мэдээлсэн байна. “Манчестер Юнайтед” мөн “Гэртээ тавтай морил Криштиану” хэмээн Твиттертээ бичжээ.

“Манчестер Юнайтед” “Ювентус”-тэй Роналдуг авах тохиролцоонд хүрсэн бөгөөд ямар нөхцөлөөр авч байгаа талаар хэлэлцээртээ нарийн тусгах болно гэв. Баасан гаригт Роналду “Ювентус”-ын бэлтгэлд очсон нь багийнхантайгаа салах ёс гүйцэтгэх зорилготой байсан гэж Италийн спортын сэтгүүлчид бичжээ.

Роналду 2003 онд 18 настай байхдаа “Манчестер Юнайтед”-д тоглож эхэлсэн ба зургаан улирлын туршид 118 гоол хийж байв.

Дараа нь “Реал Мадрид”-д есөн улирлын туршид 450 гоол хийсэн байна. 33 насандаа тэрээр Италийн “Ювентус” клубт орж гурван улиралд 101 гоол хийжээ.

Categories
мэдээ нийгэм

​10 дугаар хорооллоос Сүлжмэл хүртэлх дулааны шугамын ажил төлөвлөсөн хугацаандаа дуусч, иргэдийг халуун усаар хангана

10 дугаар хорооллоос Сүлжмэлийн үйлдвэр хүртэлх 3.3 км хос дулааны шугамыг өргөтгөн шинэчлэх ажил үргэлжилж байна.

Европын сэргээн босголтын банкны хөрөнгө оруулалтаар хийж байгаа энэ ажлын явцыг Улаанбаатар хотын Ерөнхий менежер бөгөөд Захирагчийн ажлын албаны дарга Т.Гантөмөр шалгаж, газар дээр нь ажиллалаа.

Аравдугаар хороолол хэсэгт 820 метр хос дулааны шугамыг шинэчлэх ёстой. Өнөөдрийн байдлаар 380 метр шугам сүлжээг угсарч, тохижилтын ажил хийгээд байна. Ингэснээр нийт 37 байрны 3,250 айл өрх, 17 аж ахуйн нэгж хэрэглээний халуун усаар хангагдаж байгаа юм.

“Улаанбаатар дулааны сүлжээ” ТӨХК-ийн Техникийн асуудал эрхэлсэн дэд захирал Б.Батбаяр “Бид есдүгээр сарын 5 гэхэд шугам хоолойн угсралтын ажлыг, есдүгээр сарын 10-ны өдөр туршилтын ажлыг дуусган, нэгдүгээр хорооллын 17 орчим орон сууцны өрхүүдийг халуун усаар хангахаар ажиллаж байна.

Баянгол дүүргийн нутаг дэвсгэр 10 дугаар хороололд байрлах шугам сүлжээнд өнгөрсөн өвөл таван удаа гэмтэл гарсан. Энэ хэсгийг бид наймдугаар сарын 25-нд засварлаж дууссан. Хил гаалиас шалтгаалан шугам хоолойн тээвэрлэлтэд хугацаа алдсан тал бий. Энэ асуудалд Хотын дарга, Эрчим хүчний яамны удирдлагууд анхаарал хандуулсны хүчинд бараа материалуудаа авсан. Одоо бүх шугам сүлжээ ирээд байна. Ингэснээр төлөвлөсөн хугацаандаа иргэдийг халуун усаар хангах боломжтой боллоо” гэсэн юм.

Шугам сүлжээний дулаалга, сувгийн битүүмжлэл, мөн нөхөн сэргээлтийн ажлыг аравдугаар сарын 15 гэхэд дуусгахаар төлөвлөн ажиллаж байна.