Чөлөөт бөхийн эмэгтэйчүүдийн -53 кг жинд зодоглосон Б.Болортуяа эхний шатанд Номхон далайн орнуудын хошой аварга Гуамын Ркаела Мари Рамос Акиног цэвэр яллаа.
Үе эхлээд удаагүй байхад даралтаар цэвэр ялснаар шөвгийн наймд шалгарлаа.
Тэрээр шөвгийн наймд Пан Америкийн аваргын алт, мөнгө, хүрэл медальт Эквадорын Луиза Элизабет Валверде Мелендрестэй 11:40 цагаас барилдана.
Б.Болортуяа нь 2019 оны дэлхийн аваргын хүрэл медальтай.
Коронавируст халдварын нөхцөл байдлын талаар Эрүүл мэндийн яам ээлжит мэдээллээ хүргэж байна.
“Сүүлийн 24 цагт 1178 хүнээс халдвар илэрлээ. Эдгээрийн 361 нь Улаанбаатар хотод, 817 нь орон нутагь байна
Мөн гурван хүн ковидын нэн хүнд хэлбэрээр нас барлаа. Нийт нас баралт 836 боллоо.
Мөн 2047 хүн эдгэрч, эмнэлгээс гарлаа.
Дэлхийд бизнесийн орлогоороо тэргүүлдэг 500 компанийг жагсаадаг “Fortune Global 500” жагсаалтад БНХАУ-аас хамгийн олон компани багтжээ.
Энэхүү жагсаалтад 143 компани нь багтсанаар компаниудынхаа тоогоор хоёр жил дараалан тэргүүллээ. Энэ удаагийн жагсаалтад Хятад улсын төрийн мэдлийн эрчим хүчний компани болох “State Grid” хоёрдугаар байрт бичигдсэн бол технологийн “Huawei” компани 44 дүгээрт жагсжээ. Тус компанийн хувьд АНУ-ын хориг арга хэмжээнүүдийг үл харгалзан 49 дүгээр байраас ийнхүү ахисан байна.
Мэдээлэл технологи, интернэтийн чиглэлээр үйл ажиллагаа явуулдаг долоон компани энэ оны жагсаалтад багтсаны дөрөв нь Хятадын компани байна. Тэдгээр нь “Xiaomi”, “JD.com”, “Alibaba”, “Tencent” компаниуд юм.Энэхүү салбараас жагсаалтад багтсан нөгөө гурван компани нь АНУ-ын “Amazon”, “Alphabet”, “Facebook” ажээ. Эдгээр долоон компаниас “Xiaomi” хамгийн олон буюу 84 байраар ахижээ.
Өнгөрсөн онд Хятад улсаас 133 компани “Fortune Global 500” жагсаалтад багтсанаар тус улс анх удаагаа АНУ-ыг гүйцэж түрүүлсэн юм. Энэ оны жагсаалтад АНУ-аас 122 компани буюу өнгөрсөн оныхоос нэгээр илүү компани багтав. Япон улсын хувьд гуравдугаарт /53 компани/ жагссан байна.
Дэлхийн хамгийн шилдэг 500 компанийн нийт орлого 2021 онд өмнөх оныхоос 4.8 хувиар бууран 31.7 их наяд ам.доллар болжээ. Ингэснээр орлого нь сүүлийн таван жилийн хугацаанд анх удаагаа буурсан үзүүлэлттэй гарч байгаа аж.
“Ковид-19” цар тахлын улмаас эрчим хүч болон автомашины салбарын борлуулалт 10 гаруй хувиар буурсан бол өнгөрсөн оны жагсаалтад багтсан агаарын тээврийн зургаан компани бүгд энэ оны жагсаалтад багтаж чадаагүй байна.
Эх сурвалж: CGTN
Замын-Үүд дэх гаалийн газраас Мэргэжлийн хяналт, Гааль, Боомтын зөвлөл, Хил хамгаалах ерөнхий газар хамтран үлдсэн 30,000 тонн ачааг татаж авахад тулгарч буй асуудлыг танилцуулж байна.
Хилийн 0108 дугаар ангийн захирагч хурандаа В.Намхайнямбуу “2021 оны наймдугаар сарын 5-ны өдрөөс эхлэн тээврийн жолооч нартай хариуцлагын гэрээг байгуулж, дараалалд байгаа БНХАУ-ын Эрээн хотоос Улаанбаатар хүртэлх тээврийн хэрэгслийн хөлсийг 10 сая төгрөгөөс хэтрүүлэхгүй байхаар тогтоолоо.
Тухайн жолооч зөвшөөрч гэрээ байгуулсан тохиолдолд хариуцлагын гэрээ байгуулна. Өнөөдрөөс эхлэн эхний 90 автомашиныг улсын хилээр нэвтрүүлэх ажлыг зохион байгуулж эхэллээ” гэлээ.
Замын-Үүд дэх авто тээврийн үндэсний төвийн дарга Ж.Сүхбаатар “Жолооч нартай байгуулж байгаа хариуцлагын гэрээнд хариуцлагатай хандах ёстой. Ачааны эзэд, тээврийн жолооч нар хариуцлагатай байж, гэрээгээр хүлээсэн үүргээ биелүүлэх хэрэгтэй. Энэ үйл ажиллагаанд хууль хяналтын байгууллага хяналт тавьж байгаа. Эрээн Улаанбаатарын зардлыг 10 сая төгрөгөөс хэтрүүлсэн тохиолдолд манай сумын тагнуулын байгууллагын 70527305 гэсэн утсаар иргэд мэдээлэл өгч болно.
Гэрээний үүргээ биелүүлээгүй нь хуулийн байгууллагаар тогтоогдсон тохиолдолд Замын-Үүд дэх авто тээврийн үндэсний төвөөс улс хоорондын Б зөвшөөрлийг олгохгүй байх хүртэлх арга хэмжээ зургаан сар буюу түүнээс дээш хүртэлх хугацаагаар авна“ гэв.
Японд амьдардаг Монголчууд нэг хүн 2020 иэн хандивлах аяныг долдугаар сарын 28-наас энэ сарын 2-ны хооронд зохион байгуулжээ.
Тэд цуглуулсан 294.143 иэнээрээ (7.6 сая төгрөг) бэлэг худалдан авч, нутаг буцах гэж Нарита нисэх буудалд очсон тамирчдад өчигдөр орой гардуулсан байна.
Токиогийн олимпод Монгол Улсаа төлөөлөн амжилттай оролцсон 87 хүнд ( 52 тамирчин, 5 шүүгч, 30 дасгалжуулагч ) зориулан хандив цуглуулсан байна.
Токиод үлдсэн манай тамирчид энэ сарын 11-нд эх орондоо ирнэ.
ОХУ-д ойн түймрийн нийт талбай өдөрт 85 мянган га талбайгаар буурч 986 мянган га буюу бараг 9 хувь болж буурсан талаар Ойг Агаараас Хамгаалах Газрын хэвлэлийн албанаас лхагва /2021.08.04/ гаригт мэдээлэв.
Мягмар гариг /2021.08.03/-ийн өглөө оросод 1,071,845 га талбайд 222 удаагийн ойн түймэр гарсан байна.
Уржигдар наймдугаар сарын 3-нд ойн түймэртэй тэмцэх хүчнийхэн 57,174 га талбайд 39 удаа гарсан түймрийг унтраасан байна.
Лхагва гарагт наймдугаар сарын 4-нд Москвагийн цагаар 00:00 цагт ОХУ-ын нутаг дэвсгэр дээр 986,643 га талбайд 211 удаа ойт хээрийн түймэр гарсан бөгөөд гал унтраах ажиллагаа идэвхитэй хийж гүйцэтгэсэн талаар дурьджээ.
Якутын түймэр хамарсан хамгийн том талбай нь 843 мянган га бөгөөд өдөрт 79 мянга болж буурсан бол Эрхүү мужид 105 мянган га ой шатаж байгаа нь 8 мянгаар (4 470 га) нэмэгдсэн байна.
Приморск (3045 га), Хабаровск (2,513 га) мужид, түүнчлэн Кострома мужид (2000 га) газар гал түймэрт автсан. Вологда, Свердловск, Тюмень, Челябинск, Иваново, Оренбург мужууд, Бүгд Найрамдах Башкортостан Улс, Алтай, Камчатка, Ямало-Ненец, Чукоткийн автономит дүүргүүд ч мөн түймрийн гамшигт өртөөд байна.
Түймэр унтраахад 5302 хүн, 873 тоног төхөөрөмж, агаараас хяналтын 34 онгоц, гал унтраах устай 11 онгоц оролцож дайчлагдан ажиллаж байгаа юм.
Гал түймрийн аюултай улирал эхэлсэн тул Оросын 10 ч мужид онцгой байдал зарлаж, онцгой байдлын дэглэм тогтоогоод байна. Галын аюулгүй байдлын тусгай дэглэм 61 бүс нутагт мөрдөгдөж байгаа юм.
Чөлөөт бөхийн -57 кг жинд зодоглосон Б.Хонгорзул дагах барилдаанд Африкийн наадмын хүрэл медальт Гвинейн Фатүмата Яари Камараг 10-0 харьцаагаар ялж хүрэл медалийн төлөө барилдахаар боллоо.
Эхний үед Б.Хогорзул дэвжээний зах руу шахуулж байхдаа дагуулж шидэн 4 оноо авсан ба улмаар ард нь гарч эргүүлэн 10-0 болгосноор үе дуусахаас өмнө яллаа.
Тэрээр хүрэл медалийн төлөө Риогийн олимпийн аварга, дэлхийн хошой аварга АНУ-ын Хелен Луйз Марулистай барилдана.
Эхний шатандаа Европын аваргын хүрэл медальт Францын Матилд Ривиерийг ялсан Б.Хонгорзул шөвгийн наймд Риогийн олимпын аварга, дэлхийн гурван удаагийн аварга Японы Рисако Кавайд 7-0 харьцаагаар ялагдсан.
Рисако Кавай финалд шалгарснаар Б.Хонгорзул дагаж барилдах эрхтэй болсон юм.
“Өдрийн сонин”-ы даваа гариг бүрийн арын нүүрт “Үнэ, ханш” булан гардаг. Өнгөрсөн долоо хоногт өргөн хэрэглээний барааны үнэд хэрхэн өөрчлөлт орсныг энэ булангаас харж болдог.
Нийслэлийн Статистикийн газраас Улаанбаатар хотын төвийн зургаан дүүрэгт байрладаг 17 хүнсний зах, худалдааны төвд 36 нэр төрлийн хүнсний бараа, бүтээгдэхүүний үнэд ажиглалт хийж өөрчлөлтийг долоо хоног бүрээр танилцуулдаг.
“Өдрийн сонин”-ы 2016-2021 оны наймдугаар сарын эхний даваа гаригуудад нийтлэгдсэн “Үнэ, ханш” буланд ажиглалт хийж, он оноор нь харьцуулахад юмны үнэ яаж өссөөр байгааг харж болохоор байна. Сүүлийн зургаан жилийн хугацаанд гурил, мах, түлш шатахуун, хүнсний бүтээгдэхүүн, хүнсний ногоо, ам.доллар, рубль, юанийн үнэ ханш хэрхэн нэмэгдсэнийг та дараахь хүснэгтээс дэлгэрэнгүй сонирхоорой.
Хүснэгтээс харахад, махны үнэ сүүлийн зургаан жилийн дотор нэг дахин нэмэгджээ. 2016 оны наймдугаар сард 5300 төгрөгийн үнэтэй байсан хонины ястай мах өнөөдөр 12 мянган төгрөг даваад байна.
Цагаан будаа 2016 онд нэг килограмм нь 2000 төгрөг байсан бол өнөөдөр 4000 төгрөг хүрчихсэн. Зургаан жилийн өмнө 3200 төгрөгийн үнэтэй байсан ургамлын тос 5000 төгрөг болчихсон. Аи-92, 93 бензин 2016 онд 1530 төгрөг байсан бол өнөөдөр 2050 төгрөгт хүрчихээд байгаа билээ. Ам.долларын ханш 2016 оны наймдугаар сард 2073.09 төгрөгтэй тэнцэж байсан бол өнөөдөр 2849.12 төгрөгтэй тэнцэж байна.
Энэхүү ажиглалтаар МАН-ын эрх барьсан зургаан жилийн хугацаанд бүх юмны үнэ өссөн байна. Тэр дундаа махны үнэ тэнгэрт хадаж, цагаан будаа, ургамлын тос, ам.доллар, шатахууны үнэ хамгийн их өсчээ.
Алтай, Хангай, Хөвсгөлийн уулархаг нутгаар дуу цахилгаантай аадар бороо орох тул мөндөр, нөөлөг салхи, аянга цахилгаан, үер усны аюулаас сэрэмжтэй байхыг ЦУОШГ-аас анхааруулав.
Өнөөдөр 20 цаг хүртэлх цаг агаарын урьдчилсан мэдээ:
Хур тунадас: Баруун болон зүүн аймгуудын нутгаар үүлшинэ, бусад нутгаар солигдмол үүлтэй. Шөнөдөө зүүн аймгуудын нутгийн зарим газраар, өдөртөө баруун аймгуудын нутгийн хойд, төвийн аймгуудын нутгийн баруун, зүүн аймгуудын нутгийн зүүн хэсгээр бороо, дуу цахилгаантай аадар бороо орно.
Салхи: Нутгийн зүүн хагаст баруун хойноос, бусад нутгаар баруун өмнөөс секундэд 6-11 метр, баруун болон төвийн аймгуудын нутгийн зарим газраар борооны өмнө түр зуур ширүүснэ.
Агаарын температур: Шөнөдөө Монгол-Алтай, Хангай, Хөвсгөл, Хэнтэйн уулархаг нутаг, Хүрэнбэлчир орчим, Завхан голын эх, Тэрэлж голын хөндийгөөр 3-8 градус, Их нууруудын хотгор болон говийн бүс нутгийн баруун өмнөд хэсгээр 14-19 градус, бусад нутгаар 8-13 градус, өдөртөө Монгол-Алтай, Хангай, Хөвсгөлийн уулархаг нутгаар 17-22 градус, Их нууруудын хотгор, говийн бүс нутгийн өмнөд хэсгээр 28-33 градус, бусад нутгаар 22-27 градус дулаан байна.
УЛААНБААТАР ХОТ ОРЧМООР: Багавтар үүлтэй. Бороо орохгүй. Салхи баруун хойноос секундэд 6-11 метр. Шөнөдөө 9-11 градус, өдөртөө 24-26 градус дулаан байна.
БАГАНУУР ОРЧМООР: Багавтар үүлтэй. Бороо орохгүй. Салхи баруун хойноос секундэд 7-12 метр. Шөнөдөө 6-8 градус, өдөртөө 23-25 градус дулаан байна.
ТЭРЭЛЖ ОРЧМООР: Багавтар үүлтэй. Бороо орохгүй. Салхи баруун хойноос секундэд 5-10 метр. Шөнөдөө 4-6 градус, өдөртөө 22-24 градус дулаан байна.
Энэ сарын 10-ныг хүртэлх цаг агаарын урьдчилсан төлөв:
Салхи нутгийн зарим газраар борооны өмнө түр зуур ширүүснэ. Алтай, Хангай, Хөвсгөлийн уулархаг нутаг, Хүрэнбэлчир орчим, Завхан голын эх, Тэрэлж голын хөндийгөөр шөнөдөө 4-9 градус, өдөртөө 17-22 градус, Орхон, Сэлэнгийн сав газар болон говийн бүс нутгаар шөнөдөө 16-21 градус, өдөртөө 28-33 градус, бусад нутгаар шөнөдөө 11-16 градус, өдөртөө 22-27 градус дулаан байна. 7-ноос нутгийн хойд хэсгээр бага зэрэг сэрүүснэ.
Өнөөдөр буюу наймдугаар сарын 5-ны өдөр Монголын хоёр тамирчин чөлөөт бөхийн дэвжээнд зодоглоно.
11:05. Чөлөөт бөхийн эмэгтэйчүүдийн -53 кг жинд Б.Болортуяа зодоглоно. 24 настай тэрээр эхний шатанд Номхон далайн орнуудын хошой аварга Гуамын Ркаела Мари Рамос Акинотой барилдана.
Тэдний хэн ялсан нь шөвгийн наймд Пан Америкийн аваргын алт, мөнгө, хүрэл медальт Эквадорын Луиза Элизабет Валверде Мелендрес болон дэлхийн аваргын хошой хүрэл медальт, Европын аваргын мөнгө, хүрэл медальт, гурав дахь олимпдоо орж буй Грекийн Мариа Преволараки нарын ялсантай 11:40 цагаас барилдана.
Б.Болортуяа нь 2019 оны дэлхийн аваргын хүрэл медальтай.
11:12. Чөлөөт бөхийн эрэгтэйчүүдийн +125 кг жинд М.Лхагвагэрэл зодоглоно. 23 настай тэрээр эхний шатанд залуучуудын дэлхийн аваргын мөнгө, хүрэл медальт Беларусийн Зианис Храмианкутай барилдана.
Тэдний хэн ялсан нь шөвгийн наймд 2020 оны Европын аваргад тавдугаар байр эзэлсэн Германы Геннадиж Кудинович болон 2020 оны Азийн аварга Казахстаны Юсүп Батирмурзаев нарын ялсантай 11:47 цагаас барилдана.
М.Лхагвагэрэл нь 2019 оны залуучуудын дэлхийн аваргын хүрэл медальтай.