Токио-2020 олимпын наадмын чөлөөт бөхийн эмэгтэйчүүдийн 50 кг-ын жинд хүч үзэж буй манай улсын тамирчин ОУХМ Ц.Намуунцэцэг хүрэл медалийн төлөө барилдахаар боллоо.
Ц.Намуунцэцэг дагах барилдаанд Эквадорын залуу бөх Люсиа Иепстай хүч сорихоор байсан ч Люсиа Иепстай гэмтлийн улмаас тэмцээнээ орхижээ.
Ингээд Ц.Намуунцэцэг хүрэл медалийн төлөө дэлхийн хошой аварга, олимпийн хоёр мөнгө, нэг хүрэл медальт Азербайжаны Мария Стадниктай 19:55 цагт барилдахаар болсон байна.
Биед аль нэг тэжээлийн бодис дутагдахад организм бидэнд анхааруулж дохио өгдөг.
1. Шохойжилт үүсэх
Магни дутагдахад судсанд кальцийн давс хураагдаж шохойжилт үүсдэг. Үүний уршигаар зүрхний шигдээсээр өвдөх аюултай.
2.Булчин шөрмөс татах
Судсанд кальцийн давс хуримтлагдаж шохойжилт үүссэнээр булчин, шөрмөс татдаг. Магни дутагдсан үед нь нөхөж байхгүй бол саажилт ч болох аюултай. Ялангуяа жирэмсэн эмэгтэйчүүдэд энэ шинж түгээмэл илэрдэг. Жирэмсэн үед эмэгтэйчүүдийн дааврын тэнцвэр алдагдаж кальцийн нийлэгжилт идэвхждэг ба магнийн дуталд ордог байна.
3. Түгших, тайван бус болох,хямрах
Организмд кальци, магни тодорхой хэмжээгээр байх ёстой. Хүн тайван биш болоод, түгшээд байвал аюултай ба магни дутлын шинж юм. Цусан дахь тодорхой хэмжээний кальци, магниийн харьцаа нь тархины хүчилтөрөгчийн хангамжид нөлөө үзүүлдэг. Хүн сэтгэл хөдлөлөө барих тэр үед тархи энергээ асар ихээр алддаг. Тэгээд л хүн хямарч сонин сонин болдог.
4. Даралт ихсэнэ.
Дээр дурдсан судсан дахь шохойжилт явагдахаар судас нарийсч даралт ихэсдэг.
Яваандаа даралт байнга өндөрсөж явсаар архагшиж өвчин болдог. Улмаар үхэлд ч хүргэх аюултай.
5. Даавартай холбоотой асуудлууд үүснэ.
Шинжлэх ухааны судалгаагаар биед магнийн хэмжээ буурахын хирээр дааврын түвшин өндөрсдөг болох нь тотоогдсон. Магни байх ёстой хэмжээнээсээ унахад эмэгтэйчүүдийн бие дахь эстрогены хэмжээ нэмэгддэг байна. Энэ нь үс унах гэх мэт олон хэцүү үр дагавар авчирна
6. Нойр муудна
Магни дутлын үед хүн тайван байдлаа алддагаас унтаж чадахаа больдог.
Нойр муудах бусад шалтгаанууд нь өндөр даралт, зүрхний үйл ажиллагааны доголдол байж болно. Үүнээс улбаалаад тархины үйл ажиллагаа муудна.
7. Энерги, эрч хуч суларна.
Бид биологиин хичээл дээрээ АТФ (аденозинтрифосфат- биологийн идэвхит бодис)- энерги хуримтлуулагч ын тухай сонссон.Идэвхтэй ажиллахын тулд АТФ магни авч байх ёстой. Хүний организм магни хангалттай авахгүй бол сулбагар, өвдөмтгий болдог.
Дээрх аюултай шинж тэмдэгүүдйиг хүн заавал мэдэж байх ёстой. Яагаад вэ гэвэл?
1) Та нойргүйдлээ гээд мэдрэлийн эмчид очвол нойрны эм өгөхвий! Эм хортой. Үүний оронд цусан дахь магнийн шинжилгээ өгөөрэй. Америкчуудын 80% магнийн дуталтай байсан гэдэг шүү.
Манайд адил байгаа.
2) Өвдлөө гээд эмэгтэйчүүдийн эмчид очтол таныг дааврын илүүдэл болжээ гээд эмчилж магад. Эхлээд өөрөө магнийн шинжилгээ өгөөрэй. Ямар ч байсан хор болохгүй!
Ковидын халдвараар эмнэлэгт хэвтэн эмчлүүлж байгаа иргэдийн биеийн байдлыг үнэлбэл,
Улсын хэмжээнд өнөөдрийн байдлаар 301 эмнэлэг болон тусгаарлан ажиглах байранд 9425 иргэн байна.
Үүнээс нийслэлд 52 эмнэлэгт 4037, тусгаарлан ажиглах 16 байранд 439 иргэн, орон нутагт 233 эмнэлэг болон тусгаарлан ажиглах байранд 4933 иргэн байгаа юм.
Эмнэлэг, тусгаарлан ажиглах байранд Онцгой, Цагдаа, Эрүүл мэндийн байгууллагын нийт 2385 төрийн алба хаагч үүрэг гүйцэтгэж байна.
Канадын хөлбөмбөгийн эмэгтэйчүүдийн баг “Токио-2020” олимпод торгуулийн цохилтоор Шведийн багийн хожиж, алтан медаль хүртэв.
Цаг агаарын байдлаас болж тоглолтыг Токио хотоос Ёокохама хот руу шилжүүлсэн юм. Тоглолтын үндсэн цаг 1:1 оноогоор өндөрлөж, нэмэлт цагт аль аль баг гоол оруулж чадаагүй. Тиймээс тэмцээний хувь заяаг торгуулийн цохилтоор шийдвэрлэж, Канадын баг 3:2 оноогоор ялж, олимпийн алтан медаль хүртлээ.
Канадын багт тоглосон Ребекка Куинн олимпийн медаль хүртсэн анхны трансжендер тамирчин болж, түүхэнд бичигдэж байна. “Рио-2016” онд Канадын багт тоглож байсан Ребекка өөрийгөө эрэгтэй транжендер хэмээн зарласан билээ.
Токиогийн галт тэргэнд/2021.08.06/ хутгатай этгээд халдлага үйлдэж, 10 хүнд гэмтэл учруулжээ. Японы хэвлэлүүдийн мэдээлж буйгаар 36 настай гэмт хэрэгтэн нь цагдаа нарт өгсөн мэдүүлэгтээ жаргалтай байсан эмэгтэйг хараад уур нь хүрч, алахыг хүссэн гэжээ.
Гэмтэл авсан 10 хохирогчийн ес нь эмнэлэгт хүргэгджээ.
Халдлагад өртсөн эмэгтэй оюутан бусдаасаа илүү ноцтой гэмтэл авсан гэнэ. Гэмт хэрэгтэн нь өчигдөр оройны 20.40 цагийн орчимд галт тэрэг Сэижогакүэн өртөөний ойролцоо явж байхад энэхүү хэргийг үлджээ. Зорчигчид орилолдохыг сонссон галт тэрэгний жолооч цаг алдалгүй ослын зогсолт хийсэн гэнэ. Мөрдөн байцаагчдын хэлснээр гэмт хэрэгтэн галт тэрэг зогсонгуут төмөр зам руу үсэрч зугтсан бол албаныхан зорчигчдыг ойролцоох өртөө рүү аюулгүй шилжүүлсэн аж.
Токио хотын цагдаагийн газрын зүгээс 30 гаруй настай эрэгтэйг барьсан гэдгээс илүү мэдээлэл өгсөнгүй.
Япон улс дэлхийн хамгийн аюулгүй, тайван хотуудын нэг гэгддэг ч сүүлийн жилүүдэд халдлагууд цөөнгүй гарч байна. Хамгийн сүүлд 2019 онд Кавасаки хотод автобус хүлээж байсан бүлэг сурагчид руу хутгатай хүн дайрсан билээ. Үүний улмаас хоёр сурагч нас барж, 18 сурагч шархдаж байв.
Нийслэлийн Газар хөдлөлийн гамшгаас урьдчилан сэргийлэх байнгын ажиллагаатай зөвлөл цахимаар хуралджээ. Тус зөвлөлд НЗДТГ, Хот байгуулалт, хөгжлийн газар, Шинжлэх ухааны академийн Одон орон, геофизикийн хүрээлэнгийн Газар хөдлөлтийг судлах салбар, Нийслэлийн Онцгой байдлын газар, Нийслэлийн Цагдаагийн удирдах газар, Нийслэлийн Эрүүл мэндийн газар, нийслэлийн есөн дүүрэг зэрэг 26 байгууллага, хэлтэс хамаардаг байна.
Улаанбаатар хот орчимд 2005 он хүртэл жилд дунджаар 200 гаруй газар хөдлөлт бүртгэгддэг байсан бол 2012 онд дөрөв дахин, 2013 онд 10 дахин их бүртгэгджээ. Харин 2021 оны эхний хагас жилийн байдлаар 665 газар хөдлөлт бүртгэгдсэн нь Улаанбаатар хот орчмын газар хөдлөлтийн идэвхжилт буурахгүй байгааг харуулж байна.
Энэ оны нэгдүгээр сарын 12-нд Хөвсгөл аймгийн Ханх суманд 6.5, гуравдугаар сарын 23-нд Говьсүмбэр аймгийн Баянтал сумын нутагт 5.5, долдугаар сарын 22-нд Сэлэнгэ аймгийн Ерөө сумын нутагт 5.2 магнитутын газар хөдлөлт болсон нь нийслэлийн иргэдэд мэдрэгджээ. Тиймээс газар хөдлөлтийн үед иргэдийн авах арга хэмжээний талаар нэгдсэн ойлголт, мэдээллийг өргөн хүрээнд, тогтмол бүх төрлийн хэвлэл мэдээллийн хэрэгсэл, олон нийтийн цахим сүлжээгээр иргэдэд хүргэх шаардлага байгааг нийслэлийн Онцгой байдлын газраас онцолжээ.
Гадаад худалдааны энэ оны эхний долоон сарын гүйцэтгэлийг экспортын 172 980, импортын 148 141 гаалийн мэдүүлгийг болон бусад эх сурвалжийг үндэслэн гаргав. Үүнээс, тайлангийн хугацаанд нээгдэж ажилласан түр боомтоор нэвтрүүлсэн экспортын 6432, импортын 3342 мэдүүлэг байв.
Эхний долоон сарын дүнгээр гадаад худалдааны нийт бараа эргэлт 8579.8 сая ам.доллар болж 2020 оны мөн үеэс 1849.1 сая ам.доллар буюу 27.5 хувиар өсчээ. Экспортын дүн импортын дүнгээс 903.4 сая ам.доллараар давж, гадаад худалдааны баланс эерэг гарлаа.
Экспортод 4741.6 сая ам.долларын бараа, түүхий эд гаргасан нь өнгөрсөн оны мөн үетэй харьцуулахад 25.2 хувиар өссөн байна.
Экспортод нийлүүлсэн барааны 99.2 хувийг валютын төлбөртэй худалдаа эзэлж байна.Экспортын барааны нийт дүнд
2021 оны эхний долоон сард экспортолсон боловсруулаагүй нефть, төмрийн хүдэр, зэсийн баяжмал болон цайрын баяжмалыг 100.0 хувь, чулуун нүүрсний 94.1 хувийг БНХАУ-д; жоншны 73.5 хувийг БНХАУ-д, 26.5 хувийг ОХУ-д; үхэр адууны боловсруулсан болон боловсруулаагүй ширний ихэнх хувийг БНХАУ-д; самнасан ноолуурын 58.3 хувийг Италид, 22.5 хувийг Их Британид; ямааны угаасан ноолуурыг 100.0 хувь БНХАУ-д, боловсруулаагүй буюу хагас боловсруулсан алт 35.3 хувийг БНСУ-д, 64.7 хувийг Швейцарт тус тус худалджээ.
Эдгээр нэрийн бараа нь экспортын нийт дүнгийн 87.1 хувийг эзэлж байна гэж Гаалийн ерөнхий газраас мэдээлэв.
Монголын Үндэсний Бөхийн Холбооноос наймдугаар сард задгай талбайд зохион байгуулах барилдааны хуваарийг гаргажээ.
Хуваарьт энэ сарын 16, 17-нд Хүй Долоон худагт Улс, аймгийн алдар цолтой 128 бөхийн барилдаан болох бол 21, 22-нд Монголын Залуучуудын Холбооны 100 жилийн ойд зориулсан улс, аймгийн алдар цолтой 128 бөхийн барилдаан болно.
Мөн наймдугаар сарын 28-нд Сонгинохайрхан дүүрэгт шилдэг сумын заан цолтой 64 бөхийн барилдаан тус тус болно гэж Монгол бөхийн холбооноос мэдээллээ.
Барилдаануудыг зохион байгуулахдаа бүртгэл хийх удирдамжийг гаргасан байна. 
Засгийн газрын 2021 оны долоодугаар сарын 20-ны хуралдаанаар Гамшгаас хамгаалах өндөржүүлсэн бэлэн байдлын зэрэгт шилжүүлсэн хугацаанд улсын хэмжээний тэмцээн, наадам, бэлтгэлийн үйл ажиллагаанаас бусад гадна талбайд зохион байгуулагдах зориулалт бүхий спортын төрөл, дотоодын тэмцээнийг оролцогчийн тоог хязгаарлаж, үзэгчгүйгээр, коронавируст халдвараас урьдчилан сэргийлэх, халдвар хамгааллын дэглэм мөрдөх ерөнхий болон тусгай журам, зааврын дагуу зөвхөн тухайн орон нутагт зохион байгуулах эсэх асуудлыг халдварын тархалтын түвшин, хүн амын шилжилт хөдөлгөөн, эрсдэлийн үнэлгээ зэргийг харгалзан Онцгой комиссын хуралдаанаар хэлэлцэн шийдвэр гаргахаар болсон юм.
Энэ дагуу наймдугаар сард болох барилдаануудыг задгай талбайд, үзэгчгүй зохион байгуулахаар болсон гэв.
Ерөнхийлөгч У.Хүрэлсүх Ерөнхий сайд байхдаа гаргасан 117-р захирамжаар байгуулагдсан Хөвсгөл нуурын бохирдлыг бууруулах ажлын хэсгийн даргаар Байгаль орчин, аялал жуулчлалын сайд Н.Уртнасан, дэд даргаар Батлан хамгаалахын сайд Г.Сайханбаяр ажиллаж ажлын хэсгийн бүрэлдэхүүнд уг ажиллагааг гардан зохион байгуулах Онцгой байдлын ерөнхий газрын дарга, Бригадын Генерал Г.Ариунбуян болон МУ-ын Ерөнхийлөгчийн байгаль орчин, ногоон хөгжлийн бодлогын зөвлөх Ц.Пүрэвхүү, Хөвсгөл аймгийн засаг дарга Ш.Идэрбаясгалан болон холбогдох албаныхан ажиллалаа.
Хөвсгөл нуурын бохирдлыг бууруулах цогц ажлын хүрээнд эхний ээлжид Хөвсгөл нуурт живсэн Сүхбаатар хөлөг онгоцыг татан гарахаар төлөвлөсөн. Энэ ажлын хүрээнд аврагч, шумбагчид нуурт живсэн хөлгийн нарийвчилсан хэмжилтүүдийг хийж, нөхцөл байдлыг үнэлэх, шаардагдах техник хэрэгслийн тооцоо судалгааг гаргана. Мөн БОАЖЯ -ны Усны бодлого зохицуулалтын газрын мэргэжилтнүүд шаардлагатай 5-6 цэгт усны дээж авч шинжилгээ хийх ажлыг зохион байгуулж байна гэж БОАЖЯ-наас мэдээллээ.
Хүйс толгойн бичээсийг тайлж, уншсан эрдэмтэн Солонгод Л. Хурцбаатарыг төрийн дээд “Алтан гадас” одонгоор шагнажээ.
Дэлхийн Монголчуудын Холбооны зүгээс Монгол үндэстний бичиг соёлын түүхийг өргөжүүлэн хөгжүүлж, дэлхийд таниулсан их үйлсийг нь ийнхүү Монгол төрдөө үнэлүүлжээ.
Монгол брахми бичгээр бичсэн “Хүйс толгойн бичээс”-ийг тайлан уншсанаар “Монголчууд нийтийн тооллын 6-7 дугаар зуунаас өөрийн үсэг бичигтэй байжээ” хэмээн дүгнэж, монголчуудын үсэг бичгийн үүсэл гарлыг 13-р зуунаас даруй 600 жилээр урагшлуулсан билээ.