Month: August 2021

Categories
зурхай мэдээ нийгэм цаг-үе

Шарагчин үхэр өдөр

Аргын тооллын наймдугаар сарын 9, Сумъяа гариг. Билгийн тооллын 1, Их морь одтой, шарагчин үхэр өдөр. Өдрийн наран 05:39 цагт мандан, 20:16 цагт жаргана. Тухайн өдөр тахиа, могой жилтнээ аливаа үйлийг хийхэд эерэг сайн.

Эл өдөр элдэв үйлд хянуур хандах хэрэгтэй ба ан гөрөө хийх, мал, адгуус муулах, лус тахих, мал арилжих, гэр бүрэхэд сайн. Цөөрөм байгуулахад муу.

Өдрийн сайн цаг нь бар, туулай, могой, бич, нохой, гахай болой.

Хол газар яваар одогсод баруун хойш мөрөө гаргавал зохистой. Тэрсүүд өдөр.

Үс шинээр үргээлгэх буюу засуулахад тохиромжгүй.

Categories
мэдээ нийгэм цаг-үе

Улаанбаатар хотод өдөртөө 21-23 хэм дулаан байна

УЛААНБААТАР ХОТ ОРЧМООР: Үүлэрхэг. Бороо орохгүй. Салхи баруун хойноос секундэд 5-10 метр. Шөнөдөө 9-11 хэм, өдөртөө 21-23 хэм дулаан байна.

Хур тунадас: Зүүн аймгуудын нутгаар үүлэрхэг, бусад нутгаар солигдмол үүлтэй. Шөнөдөө баруун болон төвийн аймгуудын нутгийн баруун, говийн аймгуудын нутгийн зүүн хэсэг, зүүн аймгуудын ихэнх нутаг, өдөртөө төвийн аймгуудын нутгийн баруун хэсэг, говийн аймгуудын нутгийн зүүн, зүүн аймгуудын нутгийн зарим газраар бороо, дуу цахилгаантай аадар бороо орно.

Салхи: Ихэнх нутгаар баруун хойноос секундэд 5-10 метр, нутгийн зарим газраар борооны өмнө түр зуур ширүүснэ.

Агаарын температур: Шөнөдөө Алтай, Хангай, Хөвсгөлийн уулархаг нутаг, Хүрэнбэлчир орчим, Завхан голын эх, Идэр, Тэс, Эг, Үүр, Туул, Тэрэлж голын хөндийгөөр 3-8 градус, говийн бүс нутгийн өмнөд хэсгээр 15-20 градус, бусад нутгаар 9-14 градус, өдөртөө Алтай, Хангай, Хөвсгөлийн уулархаг нутаг, Хүрэнбэлчир орчим, Завхан голын эх, Идэр, Тэс, Туул, Тэрэлж голын хөндийгөөр 17-22 градус, говийн бүс нутгийн баруун өмнөд хэсгээр 27-32 градус, бусад нутгаар 22-27 градус дулаан байна.

БАГАНУУР ОРЧМООР: Үүлэрхэг. Бороо орохгүй. Салхи баруун хойноос секундэд 5-10 метр. Шөнөдөө 6-8 градус, өдөртөө 20-22 градус дулаан байна.

ТЭРЭЛЖ ОРЧМООР: Үүлэрхэг. Бороо орохгүй. Салхи баруун хойноос секундэд 5-10 метр. Шөнөдөө 3-5 градус, өдөртөө 18-20 градус дулаан байна.

Categories
мэдээ нийгэм онцлох-нийтлэл туслах-ангилал

Өдрийн сонинд “Ачаагаа татаж чадахгүй байна гэдэг арчаагаа алдсан л гэсэн үг” хэмээн өгүүллээ

Өглөө бүр тантай хамт байдаг “Өдрийн сонин”-ы даваа гаригийн дугаар 12 нүүрээр хэвлэгдэж, та бүхний гар дээр хүрч байна.

“Өдрийн сонин”-ы тэргүүн нүүрт УИХ-ын гишүүн Д.Цогтбаатар “Монгол Улс Азидаа анх удаа
Хүний эрхийг хамгаалагчийн
тухай хуулийг баталлаа” хэмээснийг “Улс төр” нүүрээс үргэлжлүүлэн уншаарай.

Уул уурхай, хүнд
үйлдвэрийн дэд сайд О.Батнайрамдал “Хайгуулын тусгай
зөвшөөрөл олгох үйл
явцыг ил тод, нээлттэй
болгохоор ажиллаж
байна” гэв.

“Өдрийн сонин”-ы нийтлэлийн бодлогыг тодорхойлогч, ард түмний дуу хоолой болдог “Баримт, үзэл бодол” нүүрт “Ачаагаа татаж чадахгүй байна гэдэг
арчаагаа алдсан л гэсэн үг” хэмээн өгүүллээ.

Хохирогчийн эгч Х.Мөнхцэцэг “Миний дүүг ийм байдалд
хүргэсэн дарга нараас нь
би хариуцлага нэхнэ” хэмээн “Баримт, үйл явдал”-ын долдугаар нүүрт ярилаа.

Дэлгэрэнгүй мэдээллүүдийг уншихыг хүсвэл дараах линкээр бүртгүүлж уншина уу. https://admin.dnn.mn/plugins/news/login/

Эдгээр болон бусад цаг үеийн мэдээ мэдээлэл, ярилцлага, сурвалжлагыг “Өдрийн сонин”-ы даваа гаригийн дугаараас уншаарай.

Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудангийн салбаруудаас болон сонин борлуулах цэгүүд, Хэвлэлийн биржээс худалдан авах боломжтой. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдан авч болохыг дуулгая. Түүнчлэн “Өдрийн сонин”-ы өөрийн байранд ирж худалдан авч болно. Уншигч та “Өдрийн сонин”-ыг захиалан уншихыг хүсвэл 9911-2954, 8811-1375 дугаарт холбогдоно уу.

Цахим хэлбэрээр нь захиалахыг хүсвэл 99726725 дугаарт холбогдож дэлгэрэнгүй мэдээллийг аваарай.

“Өдрийн сонин”-той холбоотой мэдээ мэдээллийг 19001987-гоос лавлана уу.

“ӨДРИЙН СОНИН” ӨГЛӨӨ БҮР ТАНТАЙ ХАМТ

Categories
гадаад мэдээ

Грект ойн түймэр дэгдээд байна

Грекийн олон бүсэд ойн түймэр дэгдээд байгаатай холбоотойгоор “хүндхэн зун” болж өнгөрөх төлөвтэй байгааг тус улсын Ерөнхий сайд Кириакос Мицотакис мэдэгджээ.

Тодруулбал, Грекийн янз бүрийн бүс нутагт олон мянган иргэнийг нүүлгэн шилжүүлээд байгаа бөгөөд түймрийг унтраахад 1000 гаруй гал сөнөөгчийг дайчилжээ. Мөн тус улсад сүүлийн 30 гаруй жил тохиогоогүйгээр хэт халж байна.

Эрх баригчид Афин, Крит тэргүүтэй олон бүсэд түймэр дэгдэх эрсдэлтэй хэвээр байгааг анхааруулаад байна. К.Мицотакисын мэдээлснээр, Засгийн газар иргэдийнхээ амь насыг авран хамгаалахыг эн тэргүүнд тавьж байгаа ажээ.

Грект сүүлийн 10 хоногт 56 мянга гаруй га талбай түймэрт өртөөд байгааг Европын Ойн түймрийн мэдээллийн төвөөс мэдээлжээ. Түүнээс сүүлийн 24 цагт Грекийн хоёр дахь том арал болох Эвиа болон Пелопоннес бүсэд дэгдсэн 10 гаруй түймрийг унтраажээ.

Ийнхүү Эвиа арлаас 2000 гаруй хүнийг гатлага онгоцоор нүүлгэн шилжүүлжээ. Мөн шаардлагатай тохиолдолд нүүлгэн шилжүүлэх ажиллагаанд ашиглах 10 усан онгоцыг арлын хойд хэсэгт байрлуулсан талаар Эргийн хамгаалалтын албаны хэвлэлийн төлөөлөгч “AP” агентлагт мэдээлжээ.

Мөн Грект олон улс орон тусламж санал болгоод байгаа бөгөөд түймэр гарсан бүс нутгууд руу Их Британи, Румын, Швейцарын гал сөнөөгчдийг илгээсэн байна. Үүний зэрэгцээ Туркт ойн олон түймэр дэгдээд байна. Ерөнхийлөгч Режеп Тайип Эрдоган үүсээд буй нөхцөл байдлыг улсын түүхэн дэх хамгийн аюултай ойн түймэр хэмээн тодорхойлжээ.

Уур амьсгалын өөрчлөлтөөс үүдэн цаг уур халуун, хуурай болох эрсдэл нэмэгдэж буй нь ойн түймэр дэгдэх аюулыг нэмэгдүүлж буй бололтой байна. Дэлхийн агаарын температур аж үйлдвэрийн эрин эхэлснээс хойш хэдийнээ цельсийн 1.2 хэмээр халаад буй бөгөөд улс орнуудын Засгийн газрууд хорт хийн ялгарлыг бууруулах чиглэлд дорвитой арга хэмжээнүүдийг авч хэрэгжүүлэхгүй бол цаашид улам нэмэгдэх юм.

Categories
мэдээ эдийн-засаг

Ам.долларын ханш 2848 төгрөг байна

Монголбанкнаас нэрлэсэн дүнгээр /2021.08.08/ нэг ам.доллар 2848 төгрөг байна. Арилжааны банкнуудын хувьд 2844 төгрөгөөр авч, 2854-2856 төгрөгөөр зарж байна.

Харин валют арилжааны “Найман шарга” төвд /2021.08.06/ өдрийн байдлаар нэг ам.долларын авах ханш 2848 төгрөг, зарах ханш 2851 төгрөгтэй тэнцэж байсан юм.

Categories
мэдээ нийгэм

Барилга барих зөвшөөрлийг цуцалсан талбайд тохижилт хийжээ

Хан-Уул дүүргийн II хорооны нутаг дэвсгэр дэх Нэхмэлийн шар болон “Нутгийн буян” хотхоны дунд барилга хоорондын зай хэт ойр буюу 2009 ам.метр талбайд орон сууц барихаар нүх ухаж эхэлснийг оршин суугчид эсэргүүцсэн.

Нийслэлийн Засаг дарга Д.Сумъяабазар өнгөрсөн дөрөвдүгээр сард уг газарт ажиллахдаа стандартын шаардлага хангаагүй нөхцөл байдал үүссэн хэмээн үзэж “Марта Грийн” ХХК-ийн газар эзэмших зөвшөөрлийг иргэд, оршин суугчдын хүсэлтээр цуцалж, нөхөн өөр байршилд газар олгох захирамжийг гаргасан тухай мэдээлсэн билээ.

Барилга барих зөвшөөрлийг цуцалсан уг талбайд оршин суугчдын хүсэлтийн дагуу “Марта Грийн” ХХК-иас тохижилт хийж, оршин суугчид чөлөөт цагаа өнгөрүүлэх талбайтай болгожээ.
Барилга барих зөвшөөрлийг цуцалсан талбайд тохижилт хийжээ

Categories
мэдээ нийгэм

​Халдвараас сэргийлэх, дархлаа дэмжих иммунглобулин үйлдвэрлэж эхэллээ

Шадар сайд, УОК-ын дарга С.Амарсайхан, 2010 оноос үйл ажиллагааг нь зогсоож, улмаар 2016 онд татан буулгасан байсан “Биобэлдмэлийн үйлдвэр”-т өнгөрсөн зургадугаар сард очиж ажиллахдаа үйл ажиллагааг нь сэргээх шийдвэрийг гаргасан юм.

Тэрээр “Вакцины хяналтын үндэсний лаборатори, биобэлдмэлийн үйлдвэрлэлээ сэргээхгүйгээр аливаа халдварт өвчинтэй тэмцэх нь өрөөсгөл” юм гэж онцлон тэмдэглээд анагаах ухааны эмчилгээний биобэлдмэлийн бүтээгдэхүүн үйлдвэрлэдэг тус үйлдвэрийн үйл ажиллагааг тогтвортой явуулах, бүтээгдэхүүн үйлдвэрлэлийг нэмэгдүүлэх бүх талын дэмжлэг үзүүлснээр өнгөрсөн хоёр сар гаруйн хугацаанд “халдвараас сэргийлэх, дархлаа дэмжих” биобэлдмэл болох “хүний хэвийн иммуноглобулин”-г дотооддоо үйлдвэрлэхээр болжээ.

Өнөөдөр НЭМҮТ-ийн дэргэдэх Биобэлдмэлийн үйлдвэрт хепатит, томуу, томуу төст өвчин, улаанбурхан зэрэг вируст, стафилакокк, менингококк зэрэг бактерийн гаралтай өвчлөлөөс урьдчилсан сэргийлэх, эмчлэх, дархлаа сэргээх үйлдэлтэй булчинд тарьж хэрэглэдэг иммунноглобулиныг үйлдвэрлэж, туршилт, чанарын хяналтын шинжилгээ хийгдэж байгаа тухай мэдээллийг НЭМҮТ-ийн Ерөнхий захирал, Анагаах ухааны доктор /Ph.D/, дэд профессор Д.Нарантуяа, НЭМҮТ-ийн Биотехнологи, инновацийн албаны дарга, Анагаах ухааны доктор /Ph.D/, дэд профессор Б.Ичинхорлоо нар Шадар сайдад хүргэлээ. “Хүний хэвийн Иммуноглобулин” нэртэй үйлдвэрлэх тус бүтээгдэхүүнийг хэрэглээнд нэвтрүүлсэн тохиолдолд Биобэлдмэлийн үйлдвэр нь 45 хоногт 60-100 литр сийвэнгээс 1500-3000 хүн тунгаар үйлдвэрлэх боломжтой аж.

Иммуноглобулин хэмээх уургийн бэлдмэлийг ковидын халдварын хүндэвтэр шатны эрт үеийн эмчилгээнд хэрэглэх нь халдварын эдгэрэлтийг хурдасган, хүндрэлээс сэргийлдэг болохыг олон орны судалгаа харуулж байгаа бөгөөд ДЭМБ-аас коронавирүсийн халдварын үед хэрэглэж болно гэж эмчилгээний удирдамждаа заасан байна. Манай улсад хэвийн болон өвөрмөц иммуноглобулиныг урьд нь халдварт шар, улаан бурхан, менингит зэрэг халдварт өвчний урьдчилан сэргийлэлт, эмчилгээнд хэрэглэж байсан арвин туршлагатай.

Тиймээс дээрх туршлагад тулгуурлан монгол хүний биеийн онцлогт тохирсон уг бэлдмэлийг шинэ технологиор үйлдвэрлэн эмчилгээнд хэрэглэхээр бэлтгэж байгаа нь Ковид-19 халдвараар хүндэрч нас барахаас, нянгийн хоёрдогч халдвараас сэргийлэх, вирусийн эсрэг эмчилгээнд дарангуйлагдсан дархлалыг сэргээх боломжтойг судлаачид онцолж байна. Энэ бүтээгдэхүүнийг үйлдвэрлэснээр ижил төрлийн импортын бүтээгдэхүүнийг өндөр үнээр худалдан авах зардлыг бууруулан, гадаад руу урсах мөнгөний урсгалыг бодитойгоор багасгах боломжтой аж.

Categories
мэдээ нийгэм соёл-урлаг

Гэнэтийн үер ус, мөндөр, аянга цахилгаанаас сэрэмжтэй байхыг анхааруулж байна

Цаг уурын байгууллагын ирүүлсэн мэдээлэлэр энэ амралтын өдрүүдэд буюу өнөө маргаашдаа баруун болон төвийн аймгуудын нутгаар дуу цахилгаантай аадар бороо, төвийн аймгуудын нутгийн хойд хэсгээр ахиухан хэмжээний бороо орох тул мөндөр, аянга цахилгаан, үер усны аюулаас сэрэмжтэй байхыг анхааруулж байна.

-Иймд цаг агаарын мэдээ, мэдээллийг цаг тухай бүр сонсон, мэргэжлийн байгууллагаас өгч буй сэрэмжлүүлэг, анхааруулгыг дагах,

-Тээврийн хэрэгслийн жолооч нар хол, ойрын замд гарахдаа тээврийн хэрэгслийн найдвартай байдлыг хангаж, хувийн аюулгүй байдлаа сайтар хангах,

-Аялаж зугаалж, амарч яваа иргэд гол, ус, үерийн аюулаас урьдчилан сэргийлж, бага насны хүүхдийг гол усны ойролцоо тоглуулахгүй байх, хүүхдэд тавих хараа, хяналтаа сайжруулах,

-Гол, ус гатлахдаа баталгаатай зам, гарцаар гарах зэргээр өөрийн болон бусдын амь нас, эд хөрөнгийг болзошгүй эрсдэлээс урьдчилан сэргийлэхийг Онцгой байдлын байгууллагаас анхааруулж байна.

Categories
мэдээ нийгэм

Монголын шигшээ багийн ахлах дасгалжуулагч Б.Баттулга ажлаа өгнө гэдгээ мэдэгджээ

Монгол Улсын чөлөөт бөхийн шигшээ баг Токиогийн олимпоос нэг хүрэл медаль хүртлээ. Тэмцээнээ өндөрлүүлсний дараа шигшээ багийн ахлах дасгалжуулагч Б.Баттулга ажлаа өгнө гэдгээ мэдэгджээ.

Тэрбээр “Бид ажлаа аваад таван жил болж байна. Спортын ажилтыг олимпоос олимпын хооронд дүгнэдэг. Энэ удаагийн олимпод чөлөөт бөхийн шигшээ баг боломжит 12 эрхээс есөн эрх авсан. Зургаан тамирчин маань олимпод анх удаа оролцлоо. Анх олимпод оролцсон зургаан тамирчны дундаж нас нь 23. Бид таван жилийн өмнө 18-20 настай залуучууд авсан. Нийтдээ таван тамирчин медалийн төлөө барилдлаа. Есөн тамирчны маань найм нь шөвгийн найм руу орлоо. Медалийн тоо цөөхөн ч гэсэн бид залуучуудаа дэмжих бодлого баримталсан нь зөв байж гэдгийг харууллаа. Гуравхан жилийн дараа Парисын олимп болно. Тэр үед өнөөдрийн энэ залуучууд ид амжилт гаргах насан дээрээ ирсэн байна. Биднийг ажлаа авахад шигшээ багийн дундаж нас 27 байсан. Дараагийн цикльд ажиллах дасгалжуулагчдын багтаа залуу багийг бүрдүүлж өгсөндөө сэтгэл хангалуун байна. Аравдугаар сард дэлхийн аварга болно. Манай тамирчид дэлхийн аваргад амжилттай оролцоно гэдэгт итгэлтэй байна. Дэлхийн аваргын дараа ахлах дасгалжуулагчийн хувьд ажлаа өгнө гэсэн бодолтой байгаа. Би 2019 онд “Олимпын аварга төрүүлнэ” гэж ярилцлага өгч байсан. Цар тахал болоод нөхцөл байдал өөрчлөгдсөн. Гэхдээ хүн хэлсэн ярьсандаа байх ёстой гэжээ.

Categories
мэдээ нийгэм цаг-үе

Сувиллын газрууд хүүхэд хүлээж авч эхэллээ

Халдварын тархалттай холбоотойгоор рашаан сувиллын газрууд 18-аас дээш насны иргэдэд үйлчилж байсан. Харин ирэх долоо хоногоос эцэг, эх асран хамгаалагч нь вакцины бүрэн тунд хамрагдсан бол хүүхдүүдтэйгээ амарч, сувилуулах боломжтой болсон байна. Хэрэв Эрүүл мэндийн даатгал төлдөг бол дараах сувиллын газарт хөнгөлөлт эдлэх боломжтой. 2020 онд улсын хэмжээнд 58 рашаан сувилал Эрүүл мэндийн даатгалын ерөнхий газартай байгуулсан даатгалын гэрээний дагуу даатгуулагчдад үйлчилгээ үзүүлж байжээ.

Сувиллын тусламж үйлчилгээ нь сэргээн засах болон уламжлалт анагаах ухааны тусламж, үйлчилгээг хэвтүүлэн эмчлэх хэлбэрээр үйлчилгээ үзүүлдэг онцлогтой.

Сувилалд нэг удаа үйлчлүүлсэн буюу 5-аас дээш хоног хэвтэн эмчлүүлсэн даатгуулагч үндсэн төлбөрөөс 250 мянган төгрөг хөнгөлнө. Өөрөөр хэлбэл, сувиллын үндсэн төлбөрт даатгуулагчийн хэвтсэн орны төлбөр, хоол, эмчилгээ болон бусад зардал багтдаг.

2021 ОНД ДААТГАЛААР ХӨНГӨЛТТЭЙ ҮЙЛЧЛЭХ РАШААН СУВИЛЛУУД:

  • Оргил рашаан сувилал- Хан-Уул дүүрэг, 15-р хороо
  • ОБЕГ-ын дэргэдэх Жаргалант сувилал – Хан-Уул дүүрэг, Жаргалантын ам
  • Багануур сувилал – Багануур дүүрэг, 3-р хороо, Нацагдоржийн гудамж
  • Аксу рашаан, сувилал – Баян-Өлгий аймаг
  • Шаргалжуут рашаан, сувилал – Баянхонгор аймаг
  • Баян-Ундарга Зэндмэнь рашаан, сувилал – Баянхонгор аймаг
  • Бигэр шимт элс сувилал – Говь-Алтай аймаг
  • Нар элс сувилал – Говь-Алтай аймаг
  • Оюут сувилал –Дархан-Уул аймаг
  • Үе залгамжлагч элит сувилал – Завхан аймаг
  • Эльма хужирт рашаан, сувилал – Өвөрхангай аймаг
  • Ар үр рашаан, сувилал – Өмнөговь аймаг
  • Задгай цагаан рашаан, сувилал – Төв аймаг
  • Булагтай сувилал – Төв аймаг
  • Чингэсийн гурван нуур – Хэнтий аймаг
  • Дархан оточ аварга – Хэнтий аймаг
  • Ар жанчивлан рашаан, сувилал – Төв аймаг
  • Ариун лотус сувилал – Сонгинохайрхан дүүрэг, 27-р хороо
  • АШУҮИС-ийн сувилал – Төв аймаг
  • Далд засал сувилал – Гацууртын шар хоолой
  • Өнө энх сувилал – Баянгол дүүрэг, 14-р хороо
  • Сиси хатан “Арга билэг” – Төв аймаг
  • Сувд сувилал – Архангай аймаг
  • Энх саран – Сонгинохайрхан дүүрэг
  • Эрхэс сувилал – Сүхбаатар дүүрэг, Бэлх
  • Ээлтэй оточ сувилал – Баянзүрх дүүрэг, 15-р хороо
  • СБД-ийн Эрүүл мэндийн төвийн дэргэдэх сувиллын газар – Сүхбаатар дүүрэг, Дамбадаржаа
  • Жаргалан сувилал – Сэлэнгэ аймаг
  • Жинст сувилал – Сонгинохайрхан дүүрэг, 21-р хороо
  • Интенсэвкаре сувилал – Гавьжийн шанд
  • Төгөл сувилал – Сонгинохайрхан дүүрэг, Зүүн салаа
  • Эм жи жи сувилал – Төв аймаг
  • Хайрын билэг-2 сувилал – Төв аймаг