Month: June 2021

Categories
мэдээ эдийн-засаг

Ипотекийн зээлийн санхүүжилт 2024 он хүртэл үргэлжилнэ

Орон сууцны ипотекийн зээлийн хөтөлбөрийн хүрээнд 2021 оны эхний таван сард Монголбанк болон банкны эх үүсвэрээр нийт 327.3 тэрбум төгрөгийн зээлийг 4.426 өрхөд олгожээ. Энэ нь өнгөрсөн жилийн мөн үетэй харьцуулбал 2.2 дахин өссөн дүн үзүүлэлт аж. Өнгөрсөн дөрвөн жилд ипотекийн хөтөлбөрийн хүрээнд сард дунджаар 32.6 тэрбум төгрөгийн зээлийг олгодог байсан бол 2021 онд сард дунджаар 75.9 тэрбум төгрөгийн зээлийг олгосон нь 2.3 дахин өндөр үзүүлэлт байжээ.

Түүнчлэн, 2021 оны зургадугаар сард Монголбанкнаас 75 тэрбум төгрөгийн эх үүсвэрийг банкуудад хуваарилж, холбогдох гэрээний дагуу банкууд өөрийн эх үүсвэрээр 50 тэрбум төгрөгийг нэмж, нийт 125 тэрбум төгрөгийн ипотекийн хөтөлбөрийн зээлийг олгохоор ажиллаж байна. Цаашид Монголбанкнаас орон сууцны ипотекийн хөтөлбөрийн нийгэм, эдийн засагт үзүүлж буй эерэг нөлөөллийг харгалзан үзэж хөтөлбөрийг урт хугацаанд, тогтвортой хэрэгжүүлэх тогтолцоог бүрдүүлэхээр холбогдох байгууллагуудтай тогтмол хамтран ажиллаж байгаа бөгөөд хөтөлбөрийн санхүүжилт 2024 он хүртэл тасралтгүй үргэлжилнэ гэдгийг Монголбанкнаас мэдээлэв.

Categories
гадаад мэдээ

АНУ-аас Тайваньд нийлүүлэх вакцины тоог гурав дахин нэмэв

АНУ-аас Тайваньд нийлүүлэх “Covid-19” цар тахлын эсрэг вакцины хэмжээгээ гурав дахин нэмэгдүүлснээ мэдэгджээ.

Тус улсаас Тайванийг цар тахлын эсрэг тэмцэлд дэмжихийн зэрэгцээ Бээжингээс ирэх дарамтаас хамгаалах зорилгоор дээрх арга хэмжээг авсан байна. АНУ-ын төрийн департментын төлөөлөгч Нед Прайсын мэдээлснээр Вашингтоноос 2.5 сая тун вакциныг Тайвань руу тээвэрлэн хүргэжээ. Тайвань нь цар тахлын эхэн үед халдварын тоог амжилтай барьж байсан ч өдгөө вакцинжуулалтын хувь хангалтгүй байгаагаас халдварын давалгаанд өртжээ. Арлын хэмжээнд 14 мянган хүн халдвараар өвчилж, 538 хүн нас бараад байна. Тайваньд 100 мянган хүн тутамд ердөө зургаан тун вакцин оногдож байгаа аж.

АНУ нь анх зургадугаар сарын 6-нд Тайваньд 750 мянган тун вакцин хандивлахаа мэдэгдсэн юм.

Categories
мэдээ нийгэм

Голын эрэг дагуу амралт, зугаалгыг зогсоох шийдвэр гараагүй

Голын эрэг дагуу иргэдийн амралт, зугаалгыг маргаашнаас эхлээд зогсоох болсон талаарх мэдээлэл цахим орчинд тархаж, шүүмжлэл дагуулж байна.

Энэ талаар Нийслэлийн онцгой комиссоос тодруулахад “Мэдэхгүй байна. Манайхаас ийм шийдвэр гаргаагүй” гэдгийг хэллээ.

Мөн өнөөдрийн ЭМЯ-ны ээлжит хурлын үеэр УОК-ын Нарийн бичгийн дарга Т.Баярхүү иргэдийн агаар салхинд гарах, зорчих хөдөлгөөнд ямар нэгэн хориг тавихгүй. Гэхдээ халдвар хамгааллынхаа дэглэмээ сайтар мөрдөж, хүний бөөгнөрөл үүсгэхгүй байхыг зөвлөсөн юм.

Categories
мэдээ улс-төр

УИХ-ын байнгын хороод ирэх долоо хоногт хэлэлцэх асуудлууд

УИХ-ын байнгын хороодын ирэх долоо хоногийн хуралдааны тов, хэлэлцэх асуудлын дарааллыг танилцуулж байна.

6 дугаар сарын 22-ны Мягмар гарагт:

1.Хууль зүйн байнгын хорооны хуралдаан 10.00 цагаас “Жанжин Д.Сүхбаатар” танхимаас цахим хэлбэрээр хуралдана.

Хэлэлцэх асуудал:

2. Төсвийн байнгын хорооны хуралдаан 11.00 цагаас “Их Эзэн Чингис хаан” танхимаас цахим хэлбэрээр хуралдана.

Хэлэлцэх асуудал:

3. Аюулгүй байдал, гадаад бодлогын байнгын хорооны хуралдаан 15.00 цагаас “Жанжин Д.Сүхбаатар” танхимаас цахим хэлбэрээр хуралдана.

Хэлэлцэх асуудал:

  • Коронавируст халдвар /КОВИД-19/-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуульд нэмэлт, өөрчлөлт оруулах тухай хуулийн төсөл /Засгийн газар 2021.06.18-ны өдөр өргөн мэдүүлсэн, хэлэлцэх эсэх/;
  • Гамшгаас хамгаалах тухай хуульд нэмэлт, өөрчлөлт оруулах тухай хуулийн төсөл /Улсын Их Хурлын гишүүн С.Чинзориг нарын 4 гишүүн 2021.05.14-ний өдөр өргөн мэдүүлсэн, хэлэлцэх эсэх/.

6 дугаар сарын 23-ны Лхагва гарагт:

1. Нийгмийн бодлогын байнгын хорооны хуралдаан 10.00 цагаас “Их Эзэн Чингис хаан” танхимаас цахим хэлбэрээр хуралдана.

Хэлэлцэх асуудал:

2. Төрийн байгуулалтын байнгын хорооны хуралдаан 11.00 цагаас “Жанжин Д.Сүхбаатар” танхимаас цахим хэлбэрээр хуралдана.

Хэлэлцэх асуудал:

3. Боловсрол, соёл, шинжлэх ухаан, спортын байнгын хорооны хуралдаан 14.00 цагаас “Жанжин Д.Сүхбаатар” танхимаас цахим хэлбэрээр хуралдана.

Хэлэлцэх асуудал:

4. Эдийн засгийн байнгын хорооны хуралдаан 14.30 цагаас “Их Эзэн Чингис хаан” танхимаас цахим хэлбэрээр хуралдана.

Хэлэлцэх асуудал:

Categories
мэдээ нийгэм

Яамдуудын 60 автомашиныг Эрүүл мэндийн байгууллагад дайчиллаа

Эрүүл мэндийн тусламж үйлчилгээнд зориулж 14 яамнаас 60 авто машиныг дайчилгаанд хэрэглүүлэхээр хүлээлгэн өглөө.

УОК-ын Нарийн бичгийн дарга Т.Баярхүү:Засгийн Газар, УОК-оос шийдвэр гаргасны дагуу 14 яамны албан тушаалтны ашиглаж буй 60 автомашинуудыг татан оролцуулж эрүүл мэндийн тусламж үйлчилгээ үзүүлэхээр боллоо.

Ийнхүү өнөөдөр Нийслэлийн Эрүүл Мэндийн газарт машинуудыг хүлээлгэн өгч байна. Эдгээр машиныг хүлээн авснаар цаашаа дүүргийн эрүүл мэндийн төвүүд гэх мэт хэрэгцээ шаардлагатай байгаа газруудад түгээнэ. Гэрээр тусгаарлагдаж буй өвчтөнүүдэд тусламж үйлчилгээ үзүүлэхэд ашиглагдана.

Эрүүл Мэндийн Яамны төрийн нарийн бичгийн дарга Ц.Эрдэмбилэг: Засгийн Газрын бүх яамдууд хамтарч Ковид-19 цар тахлын хариу арга хэмжээний хүрээнд бусад яамдууд тус бүр тав таван машин хандивлаж байна. Нийслэийн Эрүүл Мэндийн газар, НОК хариу арга хэмжээний багт дайчлан ажиллаж байна.

Ингэснээр гэрээр эмчлэгдэж буй иргэддээ болон ойрын хавьтлуудыг тандах, эмнэлгийн тусламж үзүүлэх гэх мэт олон үйл ажиллагаанд эдгээр автомашин тус дэм болно. Одоогийн байдлаар эмч, эмнэлгийн ажилчдын ажлын ачаалал маш их байна. Мөн техник хэрэгслийн дутмагаас болж иргэддээ хүрч ажиллах тусламж үйлчилгээ хүндрэлтэй байсан.

Хариу арга хэмжээний баг маань техник, хэрэгслийн хомсдолд орсон басйан ч улмаар шийдэгдэж байна.

Categories
мэдээ нийгэм цаг-үе

НӨАТ-ын сугалааны тохирлоор 1.5 сая төгрөгийн 25 азтан тодорлоо

НӨАТ-ын сугалааны ээлжит тохирол өнөөдөр явагдлаа.

Тохиролд 2021 оны тавдугаар сарын 1-31-ний хооронд худалдан авалтаар олгогдож, EBarimt системд бүртгэгдсэн 32,258,940 баримт хамрагдсан юм.

Үндсэн тохирлын дугаар: 55188247

  • 30 мянган төгрөгийн азтан – 29,075
  • 100 мянган төгрөгийн азтан – 2,937
  • 500 мянган төгрөгийн азтан – 281
  • Нэг сая таван зуун мянган төгрөгийн азтан – 25
  • Гурван сая төгрөгийн азтан – 2
  • 20 сая төгрөгийн азтан тодорсонгүй.

Энэ удаагийн тохирлын супер шагналын сан 40 сая төгрөг байлаа.

Супер тохирлын дугаар: 37906174 байсан бөгөөд найман орон таарсан азтан тодорсонгүй.

Азтанууд хаанаас тодорсныг харвал:

Categories
амьдралын-өнгө мэдээ

​Баянхонгор аймгийн Баянцагаан суманд тэг зогсолт хийлээ

Баянхонгор аймгийн Баянцагаан суманд коронавирусийн түргэвчилсэн шинжилгээгээр эерэг тохиолдлууд бүртгэгдэж, сумын Онцгой комиссоос Баянцагаан сумын хэмжээнд энэ сарын 25-ны өглөөний 06:00 цаг хүртэл “тэг зосголт” хийлээ.

Дээрх иргэдийн ойрын харьцагчид сумын төв болон хөдөөд байгаа тул сумын төвөөс гарах, орох хөдөлгөөн, сум доторх хөдөлгөөнүүдэд хатуу хорио тогтоов.

Энэ хугацаанд сумын Онцгой комисс, Шуурхай штаб, Эрүүл мэндийн штаб түргэвчилсэн оношлуураар эерэг гарсан шинжилгээнүүдийг PCR шинжилгээнд явуулах, тухайн иргэдийн явсан, зорчсон газруудад тандалт хийж, ойрын харьцагчдыг бүрэн илрүүлж ажиллах аж. Заасан хугацаанд сумын Онцгой комиссын шийдвэрээр зөвшөөрөгдсөн үйл ажиллагаа, хөдөлгөөнүүдийг тусгай хяналттай үйлдүүлэх бөгөөд иргэд гэр гэртээ, байгаа газраа байж, халдвар хамгааллын дэглэмээ чанд сахихыг анхаарууллаа.

“Тэг зогсолт”-ын үед эмийн сан, аж ахуйн нэгж дэлгүүрүүд 10:00-12:00, 17:00-19:00 цагийн хооронд иргэдийн захиалгаар хүргэлт хийх бөгөөд хүргэж буй хүнсний бүтээгдэхүүнийг уут, хайрцаг, саванд хийн, захиалагч иргэний хашааны гадаа тавьж төлбөрийг мобайл, интернэт банк ашиглан хийхийг зөвлөв.

Categories
мэдээ нийгэм цаг-үе

Улаанбаатарт шөнөдөө 15 хэм дулаан байна

Малчид, иргэдэд зориулсан мэдээ: Ойрын хоногуудад нутгийн хойд хэсгээр дуу цахилгаантай аадар бороо орж, нутгийн өмнөд хэсгээр хална.

2021 оны 06 дугаар сарын 20-ны 20 цагаас 06 дугаар сарын 21-ний 20 цаг
хүртэлх цаг агаарын урьдчилсан мэдээ

Хур тунадас: Ихэнх нутгаар солигдмол үүлтэй. Шөнөдөө баруун аймгуудын нутгийн баруун, зүүн аймгуудын нутгийн зүүн хэсгээр, өдөртөө баруун аймгуудын нутгийн хойд хэсгээр, төвийн аймгуудын нутгийн зарим газраар бороо, дуу цахилгаантай аадар бороо орно.

Салхи: Шөнөдөө зүүн аймгуудын нутгаар баруун хойноос, бусад нутгаар баруун өмнөөс, өдөртөө баруун аймгуудын нутгаар баруун өмнөөс баруун хойш эргэж, бусад нутгаар баруун өмнөөс секундэд 5-10 метр, Алтайн салбар уулсаар секундэд 13-15 метр, зарим газраар борооны өмнө түр зуур ширүүснэ.

Агаарын температур: Шөнөдөө Дархадын хотгор болон Монгол-Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Эг, Үүр, Туул, Тэрэлж, Онон, Улз, Халх голын хөндий, Дарьгангын тал нутгаар 5-10 хэм, говийн бүс нутгийн өмнөд хэсгээр 18-23 хэм, бусад нутгаар 11-16 хэм, өдөртөө Дархадын хотгор болон Алтай, Хангайн уулархаг нутгаар 16-21 хэм, Хангайн нурууны өвөр бэл, Орхон-Сэлэнгийн сав газар болон говийн бүс нутгийн өмнөд хэсгээр 29-34 хэм, бусад нутгаар 23-28 хэм дулаан байна.

УЛААНБААТАР ХОТ ОРЧМООР: Үүлшинэ. Бороо орохгүй. Салхи өмнөөс секундэд 5-10 метр. Шөнөдөө 13-15 хэм, өдөртөө 25-27 хэм дулаан байна.

БАГАНУУР ОРЧМООР: Үүлшинэ. Бороо орохгүй. Салхи өмнөөс секундэд 7-12 метр. Шөнөдөө 6-8 хэм, өдөртөө 25-27 хэм дулаан байна.

ТЭРЭЛЖ ОРЧМООР: Үүлшинэ. Шөнөдөө бороо орохгүй, өдөртөө бага зэргийн аадар бороо орно. Салхи өмнөөс секундэд 6-11 метр. Шөнөдөө 5-7 хэм, өдөртөө 23-25 хэм дулаан байна.

2021 оны 06 дугаар сарын 22-ноос 06 дугаар сарын 26-ныг
хүртэлх цаг агаарын урьдчилсан төлөв

22-нд баруун болон төвийн аймгуудын нутгийн хойд хэсгээр, 23-нд баруун аймгуудын нутгийн зарим газар, төвийн аймгуудын нутгийн хойд хэсгээр, 24-нд төв болон зүүн аймгуудын нутгийн зарим газраар, 25-нд төвийн аймгуудын нутгийн хойд хэсэг, зүүн аймгуудын нутгийн зарим газраар бороо, дуу цахилгаантай аадар бороо орно. Салхи 22-23-нд Алтайн салбар уулсаар секундэд 13-15 метр, зарим газраар борооны өмнө түр зуур ширүүснэ. Алтай, Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Байдраг, Эг, Үүр, Тэрэлж голын хөндийгөөр шөнөдөө 5-10 хэм, өдөртөө 19-24 хэм, Хангайн нурууны өвөр бэл болон говийн бүс нутгийн өмнөд хэсгээр шөнөдөө 17-22 хэм, өдөртөө 30-35 хэм, бусад нутгаар шөнөдөө 11-16 хэм, өдөртөө 25-30 хэм дулаан байна.

Categories
мэдээ спорт

Жүдогийн шигшээ багийнхан олимпийн бэлтгэлдээ гарлаа

Монголын жүдо бөхийн үндэсний шигшээ багийн тамирчид Төв аймгийн Батсүмбэр сум, Баянголын аманд орших “Champions camp” бэлтгэлийн баазад олимпийн бэлтгэлдээ гарлаа.

Жүдочид Унгар Улсын нийслэл Будапешт хотноо энэ сарын 6-13-нд зохион байгуулсан жүдо бөхийн насанд хүрэгчдийн ДАШТ-д оролцоод ирсэн билээ.

Энэ удаагийн олимпийн бэлтгэлийг шигшээ багийн ахлах дасгалжуулагч, гавьяат тамирчин, гавьяат дасгалжуулагч Х.Болдбаатар, дасгалжуулагч ОУХМ П.Нямлхагва, Ч.Болдбаатар, Б.Батгэрэл, гавьяат тамирчин М.Бундмаа нарын бүрэлдэхүүнтэй шигшээ багийн 40 гаруй тамирчид бэлтгэлд хамрагдаж байна.

Олимпийн бэлтгэлд шигшээ багийн дасгалжуулагчид, тамирчдаас гадна эмч, терапист багш, сэтгэлзүйч, хоолны арга зүйч гэсэн бүрэлдэхүүнтэй юм байна. Мөн Монгол Улсын нэрийн өмнөөс эрэгтэйчүүдийн 81 кг-ын жинд барилдаж буй дэлхийн аваргын алт, хүрэл медальт Саеид Моллаеи, өөрийн дасгалжуулагч Мансоури Касваей Мохаммад нар энэ сарын сүүлчээр шигшээ багийн бэлтгэлд хамрагдана.

Categories
мэдээ нийгэм

ОБЕГ: Төслийн хүрээнд нийлүүлэгдсэн тусгай зориулалтын автомашинуудыг хүлээлгэн өглөө

“Онцгой байдлын албаны гамшигтай тэмцэх техник, тоног төхөөрөмжийн хүчин чадлыг сайжруулах” төслийн хүрээнд нийлүүлэгдсэн сүүлийн шатны гал унтраах, эрэн хайх, аврах зориулалтын 15 автомашин, 2 нэгж техникийг төв, орон нутгийн Онцгой байдлын байгууллагад хүлээлгэн өглөө.

Онцгой байдлын ерөнхий газраас Монгол Улсын Засгийн газар, Бүгд Найрамдах Беларусь Улсын Засгийн газар хоорондын хөнгөлттэй зээлийн хүрээнд хэрэгжүүлсэн тус төслөөр нийт гал түймэр унтраах, аврах, тусгай зориулалтын 71 нэгж автомашин техник нийлүүлэгдсэн бөгөөд эхний ээлжийн 54 нэгж техникийг өнгөрсөн онд хүлээн авч, төв, орон нутгийн Онцгой байдлын байгуулллагад хуваарилсан юм.

Эдгээр автомашинууд нь гал унтраах зориулалтын автомеханик шат, хээрийн эмнэлэг, штабын болон удирдлагын автомашин болоод алба хаагчдыг ой, хээрийн болон аврах ажиллагаанд тээвэрлэн хүргэх зориулалттай.

Ингэснээр төв, орон нутгийн анги, байгууллагын гамшиг осол, гал түймэртэй тэмцэх, эрэн хайх, аврах ажиллагааны чадавх дээшилж, хуулиар хүлээсэн чиг үүргээ амжилттай хэрэгжүүлэх, төрийн үйлчилгээг иргэдэд тэгш хүртээмжтэй түргэн шуурхай хүргэх боломж бүрдэж байна гэж Онцгой байдлын ерөнхий газраас мэдээллээ.