Монгол Улсын Хүний эмийн зөвлөл өнгөрсөн сард хуралдаж, КОВИД-19-ийн үед хэрэгтэй байгаа зарим эмэнд импортын зөвшөөрөл олгосон юм.

Тодруулбал ремдесивир, умифеновир, фавипиравир зэрэг вирусийн эсрэг эм болон яаралтай тусламжийн эмчилгээнд нэн шаардлагатай кетамин эмнүүдэд зөвшөөрөл олгосон юм.

Эдгээрээс Ремдесивир 100мг тарилгыг ЭМЯ-ны захиалгаар Монгол Эм Импекс Концерн компани импортлон авч, албан ёсоор хүлээлгэн өгчээ. Уг эмийн тасалдал үүсгэхгүй, нөөцийг хангалттай бүрдүүлэхээр ирэх долоо хоногт дараагийн татан авалтуудыг хийхээр ажиллаж байгаа тухай ЭМЯ-наас мэдээллээ.

АНУ-ын Gilead Sciences компанийн бүтээгдэхүүн Remdesivir тарилгыг ДЭМБ-аас COVID-19 халдварын эмчилгээнд хамгийн үр дүнтэй гэж үзэн, эмчилгээнийхээ удирдамжид оруулсан байна.

Сүүлийн үед тээврийн хэрэгсэл худалдаж авсан иргэн, хуулийн этгээд санаатай болон санамсаргүйгээр өөрийн нэр дээр тээврийн хэрэгслээ бүртгүүлээгүйгээс үүдэн тээврийн хэрэгсэл эзэмшигч иргэн /зарсан хүн/ дээр тухайн автомашины торгууль, татварын өр үүсэж байна. Мөн зам тээврийн осолтой холбоотой зөрчил зэрэг хууль хяналтын байгууллагад тодруулга өгөх зарсан хүнээ эрж хайх зэргээр тухайн зөрчилтэй холбоотой асуудалд холбогдох асуудал маш их гарч байна.

Иргэн харилцан тохиролцож автомашинаа худалдан борлуулсан бол заавал бүртгэлийн байгууллагаар үйлчлүүлж, өөрийн нэр дээрх бүртгэлээс хасуулан худалдан авагч талд тээврийн хэрэгслээ шилжүүлэн бүртгүүлэх үүрэгтэй.

“Автотээврийн хэрэгслийн бүртгэл хөтлөх, улсын дугаар олгох журам”-д шилжилт хөдөлгөөнийг бүртгэхдээ дараах баримт бичгийг үндэслэн бүртгэнэ.

• Иргэний үнэмлэх
• Техникийн хяналтын үзлэгт тэнцсэн байх
• Тэмдэгтийн хураамж төлсөн баримт
• Тээврийн хэрэгслийн гэрчилгээ
• Автотээврийн болон өөрөө явагч хэрэгслийн албан татвар төлсөн баримт
• Торгууль төлж барагдуулсан байх
• Дээрх баримтууд бүрэн тохиолдолд хоёр талын хүсэлтээр шилжилт хөдөлгөөнийг бүртгэнэ.

“Ковид-19 халдварын нэгдсэн лавлах 119 төв”-ийн утсанд өнгөрсөн 24 цагийн хугацаанд 11536 дуудлага мэдээлэл бүртгэжээ.

Дуудлагын 92 хувь буюу 10455 нь дархлаажуулалт, шинжилгээний цэгтэй холбоотой лавлагаа мэдээлэл, 4 хувь нь гомдол, 4 хувь нь санал хүсэлт, ба бусад мэдээлэл байна.

Тусгай дугаарын утсанд хандсан нийт дуудлагын 96 хувь буюу 11114 дуудлагыг шийдвэрлэжээ. Зургадугаар сар гарсаар өнөөдрийн байдлаар нийт 194678 дуудлага иргэдээс ирсэн бөгөөд 130791 буюу нийт дуудлагын 67 хувьд үйлчилсэн байна гэж УОК-ын Шуурхай штабаас мэдээллээ.

Коронавируст халдвар (КОВИД-19)-ын үед Эрүүл мэндийн даатгалын сангаас санхүүжүүлж буй Өрхийн эрүүл мэндийн төвөөс үзүүлж байгаа тусламж, үйлчилгээний нөхцөл байдлын талаарх хамтарсан хурал боллоо. Хуралд Эрүүл мэндийн яамны Төрийн нарийн бичгийн дарга Ц.Эрдэмбилэг, Төрийн захиргааны удирдлагын газрын дарга П.Эрхэмбаяр, Эмнэлгийн тусламжийн бодлого, хэрэгжилтийг зохицуулах газрын дарга Б.Буянтогтох, Эрүүл мэндийн даатгалын ерөнхий газрын дарга Л.Бямбасүрэн, Нийслэлийн эрүүл мэндийн газрын санхүүгийн хэлтсийн дарга З.Отгонбаяр болон холбогдох газар хэлтсийн дарга мэргэжилтнүүд оролцлоо.

Эрүүл мэндийн сайд, Сангийн сайдын хамтарсан 67/А268 тоот тушаалаар Эрүүл мэндийн ерөнхий газар энэ оны 3 сараас эхлэн Ковид-19 цар тахлын дэгдэлтийн үед гэрээр үзүүлсэн тусламж, үйлчилгээний зардлыг анхан шатны эрүүл мэндийн байгууллагуудаас ирүүлсэн нэхэмжлэхэд үндэслэн олгож байгаа билээ. Тус хуралд гэрээр үзүүлэх тусламж, үйлчилгээ, тандалтын сорьц цуглуулах, дархлаажуулалтын санхүүжилтийг Өрхийн эрүүл мэндийн төвд хэрхэн олгож байгаа талаар болон Нийслэлийн эрүүл мэндийн газрын харьяа эрүүл мэндийн байгууллагуудын бэлэн байдал, уялдаа холбоог сайжруулах талаар ярилцаж, цаашид Өрхийн эрүүл мэндийн төвийн тусламж, үйлчилгээнд зарцуулж буй санхүүжилтийг хугацаанд нь шилжүүлэх үүрэг чиглэл өглөө.

Энэ хүрээнд өнгөрсөн долоо хоногт Эрүүл мэндийн даатгалын сангаас 85 Өрхийн эрүүл мэндийн төвд санхүүжилтийн урьдчилгаа болох 70 хувь буюу нийт 589.9 сая төгрөг олгоод байна. Тодруулбал, хамгийн багадаа 17, ихдээ 504 хүн буюу нийт 12040 хүний гэрээр үзүүлсэн тусламж, үйлчилгээний зардлыг санхүүжүүллээ. Цаашид Өрхийн эрүүл мэндийн төвүүд гэрээр үзүүлэх тусламж, үйлчилгээг иргэдэд үзүүлсэн бол төлбөрийн нэхэмжлэлийг Эрүүл мэндийн даатгалын ерөнхий газарт цаг тухай бүрт нь ирүүлж санхүүжилтээ авах боломжтой.

УОК-ын дэргэдэх Эрдэмтдийн зөвлөлийн гишүүн, МУИС-ийн судлаач, доктор Т.Бэгзсүрэн ЭМЯ-ны мэдээллийн цагт оролцлоо.

Тэрээр “Долоодугаар сарын 1-нд хөл хорио тогтоох тооцооллыг Засгийн газарт хүргүүлсэн. Одоогийн нөхцөл байдалд хөл хорио тогтоох нь зүйтэй хэмээн үзэж зөвлөмжийг хүргүүлсэн. Өмнө нь зургаадугаар сарын 15-нд халдварын тохиолдол буурах тухай тооцоолол гарсан ч зарим төрлийн үйл ажиллагаанаас болоод үр дүнд хүрсэнгүй. Хөл хорио тогтоовол халдварын тохиолдол буурах юм.

-Хөл хорио тогтоовол эдийн засагт сөрөг нөлөө үзүүлдэг. Заавал хөл хорио тогтоох шаардлага бий юу?
-Хөл хорио тогтоохгүй байвал халдварын нөхцөл байдал хүндэрч, долоодугаар сарын 1-нээс эмнэлгүүдийн ачаалал оргилдоо хүрнэ. Иймээс хөл хорио тогтоох саналыг хүргүүлсэн.

-Хөл хорио тогтоохгүй бол халдварын тохиолдлын тоо хэрхэн өөрчлөгдөх вэ?
-Халдварын тохиолдлын тоог дунджаар авч үзнэ. Хөл хорихгүй байвал халдварын тохиолдол 2500 хүрээд буурах төлөв ажиглагдаж байна. Мөн зарим өдөрт 3500 хүрэх өндөр тооцоолол гарсан.

Нас баралт 1000-д хүрэх эрсдэл бий. Долоодугаар сарын эхээр нас барсан хүний тоо нэмэгдэнэ. Хөл хорио тогтоовол наймдугаар сард халдварын тохиолдлын тоо буурна.