Month: June 2021

Categories
мэдээ энтертаймент-ертөнц

Дэлхийн хамгийн үнэтэй хотоор Туркменистаны нийслэл Ашхабад тодорчээ

Туркменистаны нийслэл Ашхабад гадны иргэд амьдрахад хамгийн өртөг өндөртэй, үнэтэй хотын жагсаалтын нэгдүгээрт бичигджээ.

Өнгөрсөн онд нэгдүгээр байр эзэлж байсан Хонконг энэ удаад хоёрдугаарт орсон бол Ливаны нийслэл Бейрут гуравдугаарт, дөрөвдүгээрт Японы нийслэл Токио орсон байна.

Энэхүү жагсаалтыг жил бүр Америкийн консалтингийн Mercer фирм гаргадаг. Ийм зэрэглэл тогтоосноор дэлхийн улс орнууд болон компаниудад тухайн хотод ажиллаж байгаа ажиллагсдадаа хэдий хэмжээний цалин хөлс олгох тухай асуудлыг шийдэхэд илүү дөхөм болдог байна.

Нийт 209 хот орсон уг жагсаалтыг гаргахын тулд Mercer компани орон сууц, тээврийн хэрэгсэл, хүнсний бүтээгдэхүүн зэрэг олон төрлийн үзүүлэлтийг авч үзсэн бөгөөд 200 гаруй нэр төрлийн бүтээгдэхүүн үйлчилгээний үнэ өртгийг судалжээ.

Туркменистаны нийслэл нэгдүгээрт орсон учир нь инфляцийн өсөлттэй холбоотой аж. Байгалийн хийн асар их нөөцтэй хэдий ч тус улс эдийн засгийн хямралаа яагаад ч даван туулж чадахгүй байгаагаас болж иргэд нь ядуурсаар байгаа гэнэ. 2014 оноос хойш байгалийн хийн үнэ унаснаас хойш тус улс инфляц нүүрлэж, улмаар бараа бүтээгдэхүүн үнэ өсжээ.

ХАМГИЙН ӨРТӨГ ӨНДӨРТЭЙ 10 ХОТ

1. Ашхабад, Туркменистан
2. Хонконг
3. Бейрут, Ливан
4. Токио, Япон
5. Цюрих, Швейцар
6. Шанхай, Хятад
7. Сингапур
8. Женев, Швейцар
9. Бээжин, Хятад
10. Берн, Швейцар

2. Хонконг2. Хонконг3. Бейрут, Ливан3. Бейрут, Ливан4. Токио, Япон4.Тоио Япон

5. Цюрих, Швейцар5. Цюрих, Швейцар

6. Шанхай, Хятад6. Шанхай, Хятад

7. Сингапур7. Сингапур

8. Женев, Швейцар8. Женев, Швейцар

9. Бээжин, Хятад9. Бээжин, Хятад

10. Берн, Швейцар

Categories
мэдээ нийгэм цаг-үе

Д.Сумъяабазар: Гандан орчмын бүсийг уламжлалт хэв маягаа хадгалсан аялал жуулчлалын төв болгоно

Монгол Улсын Засгийн газрын ээлжит хуралдаан үргэлжилж байна.

Хуралдаанаар нийслэлийн эрх зүйн байдлын тухай хуулийн тухай авч хэлэлцсэн бөгөөд гарсан шийдвэрийн талаар Улаанбаатар хотын захирагч Д.Сумъяабазар танилцуулж байна. Тэрбээр “Нийслэлийн эрх зүйн байдлын тухай хууль нь түүхэн өөрчлөлт гэж хэлж болно.

Улаанбаатар хотын 1.5 сая иргэний амьдрал, нийгэм, эдийн засагт томоохон ахиц авчирна гэж бодож байна. Тодруулбал, эдийн засгийн бие даасан байдлыг бий болгох, эрх зүйн шинэчлэлийг хийхэд түлхэц болно. Нийслэл хотыг олон төвт болгох, дагуул хотын бүтээн байгуулалтыг хийх зэрэг олон зүйлийн үндэс нь уг хууль юм. Мөн Гандан хийд орчмыг соёл, аялал жуулчлалын бүс болгох тогтоолыг Засгийн газраас гаргасан. Гандан хийдийг автомашингүй бүс болгоход онцгой анхаарах ёстой бөгөөд тухай орчныг уламжлалт хэв маягаа хадгалсан аялал жуулчлалын төв болгох ёстой гэж хотын удирдлагууд үзэж байгаа” гэв.

“Гандантэгчэнлин хүрээ хороолол”-ын хэсэгчилсэн төлөвлөгөөг 2012 онд тодотгож, хийд орчмын гэр хорооллын шинэчилсэн дахин төлөвлөлтийг 2015 онд НИТХ-аар баталсан. Дахин төлөвлөлтөөр 1,568 өрхийн 6,740 иргэн оршин суух бөгөөд инженерийн дэд бүтэцтэй болгоход 20 орчим тэрбум төгрөг шаардлагатай гэсэн тооцоо гарч байжээ. 2014 онд 674 өрх, энэ онд 400 өрхөөс дахин судалгаа авахад дийлэнх нь хэсэгчилсэн ерөнхий төлөвлөгөөг шинэчлэх шаардлагагүй, төвлөрсөн шугам сүлжээнд холбогдож, өөрсдөө газартаа бүтээн байгуулалт хийх санал өгсөн байна. Иймээс:
– Хийд орчмыг уламжлалт хэв маягаа хадгалсан соёл, аялал жуулчлалын бүс болгон хөгжүүлэх Техник, эдийн засгийн үндэслэл боловсруулж хэрэгжүүлэх;
– Инженерийн шугам сүлжээтэй болгох, нийтийн эзэмшлийн гудамж, зам, талбайг тохижуулах, шаардагдах хөрөнгийг гадаадын зээл, тусламж, хандив, бусад эх үүсвэрээс гаргахаар төлөвлөжээ.
Инженерийн дэд бүтэц бий болгоход зориулж 2018-2021 онд улс, нийслэлийн төсөвт 4,5 тэрбум төгрөг баталж өгсөн. 3,6 тэрбум төгрөгөөр ус, дулаан хуваарилах төв барьж, дулаан, цахилгаан, цэвэр, бохир усны шугам татсан байна. БГД-ийн 16 дугаар хороо, Гандантэгчэнлин хийд орчмын 56 га-д одоо 1,642 өрхийн 5,743 иргэн оршин суудаг. 2,538 барилга байгууламжтай, 174 аж ахуйн нэгж, байгууллага шашны эд зүйлсийн худалдаа, автомашины засвар, үйлчилгээ эрхэлдэг байна. Гадаадын жуулчдын очдог газрын нэг болох Гандантэгчэнлин хийд, Жанрайсиг дуганыг 2015 онд 25 мянга, 2018 онд 30 мянга, 2019 онд 32 мянга гаруй хүн үзэж сонирхсон судалгаа гарчээ.

Categories
мэдээ улс-төр

Ц.Мөнх-Оргил: Уурхайн ажилчид 14 хоног ажиллаад 14 хоног амардаг болно

УИХ-ын Нийгмийн бодлогын байнгын хорооны хуралдаанаар Хөдөлмөрийн тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийн эцсийн хэлэлцүүлгийг хийх үеэр тус хуулийн ажлын хэсгийн ахлагч Ц.Мөнх-Оргил гишүүн дараах байр суурийг илэрхийллээ.

Тэрээр “Энэ хуулиар уртын ээлжээр ажилладаг хүмүүс 14 хоног ажиллаад, 14 хоног амардаг болно. Гэхдээ бас тодотголтой.

14-өөс доош хоног ажиллахаар болвол ажилласан өдөртэйгөө тэнцүү хоног амрахаар тохиролцож болно гэсэн заалт орж байгаа.

Яагаад ийм заалт оруулсан гэхээр олон нутгийн олон уурхай долоо хоногоор ээлжээ солилцдог юм байна. Тэгэхээр 14 гээд хатуу заачихвал зарим жижиг уурхайн үйл ажиллагаанд хүндрэл учруулна гэж тооцсон” гэлээ.

Categories
мэдээ нийгэм цаг-үе

Жирэмсэн эхчүүдийн 5.8 хувь буюу 692 нь дархлаажуулалтад хамрагджээ

Нийслэлийн хэмжээнд өнөөдөр I тунд 1781, 2 дугаар тунд 1944, нийт 3725 иргэнийг дархлаажуулалтад хамрууллаа.

Вакцинжуулалт эхэлснээс хойш нийслэлийн 18-аас дээш насны иргэдийн 102.3 хувь буюу 975240 нь I тунд, 90.3 хувь буюу 860689 нь II тунд хамрагдаад байна. Мөн нийт 692 (5.8 хувь) жирэмсэн эх, 16-17 насны 5827 (17.1 хувь) хүүхэд тус тус дархлаажуулалтад хамрагдаж, вакцины I тунг хийлгээд байна.

Categories
мэдээ нийгэм цаг-үе

Дүүргийн эмнэлгүүдэд хүчилтөрөгчийн бэсрэг үйлдвэрийг ашиглалтад оруулна

Улсын онцгой комисс, Эрүүл мэндийн яамны шийдвэрийн дагуу эмнэлгийн яаралтай тусламж үйлчилгээ авах шаардлагатай иргэдэд зориулж Яармаг дахь хотын захиргааны шинэ байранд 145 ортой “Яаралтай тусламжийн төв” байгууллаа.

Тус төв эмнэлэгт зайлшгүй хэвтэн эмчлүүлэх шаардлагатай, ор хүлээж буй иргэдийг хүлээн авах бөгөөд дүүргийн эмнэлгүүдэд ор гарахаар дараагийн шатлалын эмнэлгүүдэд шилжүүлэх юм.

Монгол Улсын Шадар сайд, Улсын онцгой комиссын дарга С.Амарсайхан, Эрүүл мэндийн сайд С.Энхболд нар төвийн бэлтгэл ажлын явцыг шалгаж, шаардлагатай тоног төхөөрөмжийг шийдвэрлэв. Халдвараар өвчилсөн иргэдэд үзүүлэх эмнэлгийн тусламж, үйлчилгээнд онцгой анхаарч, ор дэлгэсэн газруудад хүчилтөрөгчийн хангамжийг нэмэгдүүлэх үүрэг өглөө.

Мөн Хан-Уул дүүргийн Эрүүл мэндийн төвд ажиллаж, дархлаажуулалтын явц, гэрээр эмчлүүлж байгаа иргэдэд хэрхэн хяналт тавьж байгааг шалгалаа. Дүүргийн дөрвөн байршилд явуулын амбулатори ажиллаж байна. 16-17 насны 300 орчим хүүхэд вакцинд хамрагдсан. Эмнэлзүйн шинж тэмдгээс нь хамаарч хүнд, хөнгөн өвчилсөн иргэдийг эрэмбэлж эхэлснээр эмнэлгийн ачаалал эрс буурсан талаар Эрүүл мэндийн төвийн удирдлагууд танилцууллаа.

“Нэг ч гэсэн иргэний амь насыг эрсдэлд оруулахгүйн тулд яаралтай тусламж, үйлчилгээний хүртээмжийг нэмэгдүүлэхийг зорьж байна. Амаргүй цаг үед ажиллаж байгаа эмч, ажилчдын нөхцөл байдлыг ойлгож байна. Халдварын тохиолдол бүрийг эрт үед нь яаралтай эмчилж, хүндрүүлэхгүй байх бүх талын зохион байгуулалтыг шат шатандаа сайтар зохион байгуулж чадвал тархалт буурах бүрэн боломжтой” гэж Шадар сайд хэллээ гэж Монгол Улсын Шадар сайдын ажлын албанаас мэдээллээ.

Categories
мэдээ утга-зоxиол

DNN-ЯРУУ НАЙРАГ: МЗЭ-ийн шагналт, яруу найрагч Б.Энхжаргалын шүлгүүдээс

“DNN-ЯРУУ НАЙРАГ” буланд Хэнтий аймгийн Биндэр сумын харьяат, Хан Хэнтийн Хэрлэн тооно утга зохиолын нэгдлийн гишүүн, МЗЭ-ийн шагналт, яруу найрагч Балдансодномын Энхжаргалын шүлгүүдээс хүргэж байна.

ярууНутгийнхан нь түүнийг “Баавай” хэмээн хүндэлдэг. Онон голын хөвөө, Хэнтий нурууны ай саваар нутаглаж, тэр л нутгийн байгальтай дотоод сэтгэлээ холбон бүтээлээ туурвидаг яруу найрагч билээ.

ИНГЭЭД ТҮҮНИЙ ШҮЛГҮҮДЭЭС ХҮРГЭЖ БАЙНА

НУУЦХАН БУЛАГ

Нэрмэл асгарсан шүлгийн минь дэвтэрт
Нэгэн булгийн эх үүдсэн буй
Далд урсгал хаанаас хаашаа зорьсныг
Дадал нутгийн тэр бүсгүй мэдэхгүй
Шишкины зураг мэт гоёмсог байгаль дунд
Пушкины Наталья шиг тийм гоо үзэсгэлэнтэй
Гурван нуурын мандалд саран гэрэлтэх үдшээр
Дөрвөн улирлын нэгэнд нуугдаж чамайг харсан би
Байшинг тойрсон өвсөн дунд нэгэн цэцэг бий
Баавгайгаараа буу хадуулаарай
Дэргэдээ ойрхон нисч буусан эрвээхэйг
Дүүгээрээ бүү намнуулаарай
Нарсан ойн дунд зогсож
Намираа бороонд алгаа тосоорой
Намайг хэн бэ гэж бүү асуугаарай
Найман сарын тэр л өдрийг мартаарай
Дадал сум
2001 он наймдугаар сар
ЯРУУ НАЙРАГЧ Н.НЯМДОРЖИЙН ДҮҮ НЯМСҮРЭНГИЙН ДУРСГАЛД
Чөдөртэй морийг суллаж тавихсан
Чөтгөртэй бууцанд шүлэг уншихсан
Улаанбаатараас алсын алсад
Уулзалт хагацал бас шарталт
Худгийн гүн рүү тонгойж харахад
Хувирсан төрх танигдашгүй өөр
Айлын үнээ аргадангүй өнгөөр
Аяар аяархан зөөлөн өөвнөнө
Голын цаанаас манан хөөрнө
Хол ойрын бодол хөвөрнө
Нохойн харцнаас дальдчих хэрэггүй
Нөгөөх гудамж эзэнгүй
Дүнзэн байшингийн нөмөр бараадсан
Өнчин улиангарын мөчир унжиж
Анчин баавайн хуучин буугаар
Амьдралыг гэнэт цочоомоор
Эмийн ургамлын ид шидийг
Энэ сууринд мэддэг ч хүн, мэдэхгүй ч хүн бий
Навч өвсийг алган дээрээ үйрүүлж
Нэг мөсөн хүртэж орхилоо
Бурхан зүг
2019.05.26 04:03

***

Цэнгэн сэлгүүцэн хөвж яваа
Уруудан өгсөн сэлж яваа
Уянгалаг Ононы загас
Тунгалаг уснаа тоглож байгаа
Нарны алтан гялбаанд
Сарны мөнгөн туяанд
Усан бөмбөлөгүүдийн хэлхээ
Уралдан уралдан хөөрч байгаа
Хаврын хөх зэрэглээнд
Намрын шаргал сэвшээнд
Нарийхан улаан бургас
Найган найган бүжиж байгаа
Эрэг дээр нь ирээд
Энэ нь амьдралын тухай
Дахин давтан хэлээд яах вэ
Давалгаа давалгаа давалгаа…
2011.06.17

***

Мөн чиг санаандгүй явтал
Мөндөр үсчээ биз
Аян зам зуур
Аянга цахилгаан цахиа биз
Найрагчийн намтар түүхийг
Найруулж зохиогоод юухэв
Намуухан төгөл, нууцхан цөөрөм
Навчсын өнгө, нөмгөн манан
Хугарсан мөчир
Цугларсан турлианх
Шимийн дарс
Ширээт суурин хэлэх биз
2007.08.01- 2012.08.31

***

Хоёр хүний бодол олоогүйг
Гурав дахь хүн тааварлахгүй
Дөрөв дэх хүн танил юм шиг
Тав дахь хүн хэн бэ
Хоног өдрүүдийн тоосон дунд
Хов жив нохойд ч халтай
Хутга ирлэх шиг амьдралд
Хулгайч шилэгч осолтой
Инээмсэглэлээс эсрэг улиралд
Гуниглалаас сөрөг ертөнцөд
Голын гацааны мөсөн зөрөг
Холын цуурайтай хагарах цагт
Хар хэрээний өвөлжөө нутаг
Хар дарсан зүүд мэт
Дотор хүнтэйгээ ойлголцох гэтэл
Дохио зангааг ойшоох янзгүй
2015.09.21-11.04

Categories
гадаад мэдээ

Уулын Карабахын дайнд ялагдсан эвсэл Арменийн сонгуульд ялжээ

Арменийн парламентын ээлжит бус сонгуульд тус улсын ерөнхий сайдын үүрэг гүйцэтгэгч Никол Пашиняны тэргүүлдэг “Иргэний гэрээ” эвсэл ялалт байгуулжээ. “Иргэний гэрээ” эвсэл сонгогчдын 54 хувийн дэмжлэг авч Арменийн Засгийн газрыг дангаар бүрдүүлэх нөхцөлийг хангасан байна. Харин Арменийн ерөнхийлөгч асан Роберт Кочаряны удирддаг сөрөг хүчний “Армени” эвсэл ердөө 21 хувийн санал авчээ. Парламентад суудалтай болох долоон хувийн босгыг эл хоёр эвслээс өөр улс төрийн хүчин давж чадаагүй аж.

Роберт Кочарян, “Нийгмийн амьдралд сүүлийн найман сард ажиглагдсан үйл явцад огт нийцэхгүй сонгуулийн дүнг хүлээн зөвшөөрөхгүй” гэж мэдэгдсэн нь Арменийн нийгэмд дахин хагарал үүсгэж, үймээн өдөөж болзошгүйг ажиглагчид тэмдэглэж байна. Үнэхээр ч, Уулын Карабахт өнгөрсөн намар болсон 44 хоногийн дайнд ялагдаж, Арменийн талд шившигтэй гал зогсоох шийдвэр гарган Азербайжанд нэлээд газар нутгаа алдаж, Армени-Азербайжаны хилийн дагуу хурцадмал байдал үүсэхэд хүргэсэн Никол Пашиняныг ерөнхий сайдын суудлаа хадгалан үлдэнэ гэдэгт итгэх хүн тун цөөхөн байсан билээ. Түүнийг шашны удирдагчид, армийн генералууд, их, дээд сургуулиудын академичид гээд бүгд дэмжихээ больсон юм. Тус улсын Ерөнхийлөгч хүртэл Никол Пашинянд хандан сайн дураараа огцрохыг уриалсан удаатай. Хэдий тийм ч, Арменийн нэрт улс төр судлаач, “Европын интеграцичлал” олон нийтийн байгууллагын шинжээч Манвел Гумашяны хэлснээр сонгуулийн ийм дүн санамсаргүй зүйл биш ажээ. Учир нь иргэд Никол Пашиняныг дэмжих гэсэндээ бус, нийгэмд нэр хүндээ нэлээд алдсан Роберт Кочаряныг төрийн эрхэнд гаргахгүй гэсэндээ ийм сонголт хийсэн гэнэ. Тэгээд ч Манвел Гумашяны үзэж буйгаар, Никол Пашинян Арменийг удирдах нь Орос, Иран, Европын холбоо, АНУ-ын аль алинд тохиромжтой ажээ.

Д.ЦЭРЭНДОЛГОР

Categories
амьдралын-өнгө мэдээ

Суудлын автомашин онхолдож, 11 сартай хүүхэд амиа алджээ

Тээврийн цагдаагийн албаны жижүүрийн шуурхай удирдлагын төвд өчигдөр /2021.6.23/ нийт 325 дуудлага мэдээлэл хүлээн авснаас зам тээврийн ослын шинжтэй 187 дуудлага мэдээлэл бүртгэгджээ.

Бүртгэгдсэн зам тээврийн ослын улмаас хоёр хүүхэд гэмтэж, орон нутагт хоёр хүн амиа алдсан байна. Тухайлбал, нийслэлд өчигдөр 18:00 цагийн орчим Сүхбаатар дүүрэг Өвөр салхитын замд суудлын автомашины жолооч явган зорчигч долоон настай эрэгтэйг мөргөж гэмтээжээ. Мөн зургадугаар сарын 22-ны өдрийн 17:00 цагийн орчим Сүхбаатар дүүрэг Хандгайтын замд ачааны автомашины жолооч бага оврын жийп автомашинтай мөргөлдөж зорчигч гэмтсэн ноцтой ослууд гарсан байна. Харин орон нутгийн замд Говь-Алтай аймаг Шарга сумын нутагт суудлын автомашин онхолдож, 11 сартай нярай хүүхэд амиа алджээ.

Тээврийн цагдаагийн албанаас өгсөн мэдээллээр:

  • 2021.06.22-ны өдрийн 07:00 цагийн орчим Орхон аймаг Баян-Өндөр сумын нутагт суудлын автомашин онхолдож зорчигч гэмтсэн.
  • 2021.06.22-ны өдрийн 00:00 цагийн орчим Төв аймаг Жаргалант суманд мотоциклын жолооч явган зорчигч 11 настай эрэгтэйг мөргөж гэмтээсэн.
  • 2021.06.22-ны өдрийн 23:00 цагийн орчим Төв аймаг “Баянхангай сумын нутагт суудлын автомашин онхолдож зорчигч гэмтсэн.
  • 2021.06.22-ны өдрийн 20:00 цагийн орчим Хэнтий аймаг “Дархан сумын нутагт мотоцикл онхолдож жолооч амиа алдсан.
  • 2021.06.22-ны өдрийн 05:00 цагийн орчим Налайх дүүргийн нутагт суудлын автомашины жолооч явган зорчигч хоёр хүн мөргөж гэмтээсэн дуудлага мэдээлэл бүртгэгджээ.

Мөн гудамж замын хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодож хөдөлгөөнд оролцсон нийт 60 зөрчил илрүүлсний нийслэлд 43, орон нутагт 17 зөрчлийг илрүүлж учирч болох эрсдэлээс урьдчилан сэргийлж ажилласан байна.

Иймд жолооч та бүхэн замын хөдөлгөөнд оролцохдоо, орон нутгийн замд тээврийн хэрэгслийн хурдыг хэтрүүлэхгүй, хамгаалах бүсийг жолооч зорчигч та бүхэн тогтмол зүүж хэрэглэх, согтууруулах ундааны зүйл хэрэглэсэн үедээ тээврийн хэрэгсэл жолоодохгүй байх, бага насны хүүхдийг харгалзах хүнгүй замын хөдөлгөөнд оролцуулахгүй байх, гарцаар гарахдаа гараас нь хөтлөн зам хөндлөн гарч байхыг Тээврийн цагдаагийн албанаас анхааруулж байна.

Categories
амьдралын-өнгө мэдээ

Дундговь аймгийн Онцгой байдлын газар “Цэргийн гавьяаны одон”-гоор шагнагдлаа

Монгол Улсын ерөнхийлөгчийн зарлигаар Дундговь аймгийн Онцгой байдлын газар “Цэргийн гавьяаны одон”-гоор шагнагдлаа.

БНМАУ-ын Сайд нарын зөвлөлийн 1977 оны 644 дүгээр тогтоол, Нийгмийг аюулаас хамгаалах яамны сайдын 1977 оны 143 дугаар тушаалаар “ Гал команд” нэртэйгээр анх байгуулагдсан түүхтэй тус байгууллага 2004 онд Гамшгаас хамгаалах штаб, 2005 онд Онцгой байдлын хэлтэс, 2015 онд Онцгой байдлын газар болон өргөжиж орон нутагт гамшгаас хамгаалах арга хэмжээг зохион байгуулах, хэрэгжүүлэхэд аж ахуйн нэгж, байгууллага, албан тушаалтан, иргэдийн үйл ажиллагаа, уялдаа холбоог зохицуулах үүрэгтэйгээр ажиллаж байна.

200734157_4368597686537255_6297850921630648928_n.jpg

Онцгой байдлын газар нь 2010 онд шинэ байр, 2012, 2019, 2020 онуудад алба хаагчдын 8, 40 айлын орон сууцыг тус тус ашиглалтад оруулж, 2010, 2013, 2019 онуудад Дундговь аймгийн “Тэргүүний хамт олон”, 2015, 2019 онд Онцгой байдлын албаны “Тэргүүний хамт олон”-оор тус тус шалгарсан.

Мөн 2019 онд шилдэг бүтээн байгуулалтай, шилдэг гэрэлтүүлэгчтэй, шилдэг удирдагчтай байгууллагаар тус тус шалгаран аймагтаа төдийгүй улсдаа хөдөлмөр зүтгэлээ үнэлүүлсэн манлайлагч хамт олон юм гэж Онцгой байдлын газраас мэдээллээ.

Categories
гадаад мэдээ

Беларусийн сөрөг хүчний “Жыве Беларусь” уриаг нацист бэлгэдэл хэмээн хорьж болзошгүй

Беларусийн ерөнхийлөгч Александр Лукашенкогийн дэглэмийн эсрэг өнгөрсөн хаврын турш өрнөсөн эсэргүүцлийн хөдөлгөөний “Жыве Беларусь” (“Беларусь мандтугай”) уриаг нацист бэлгэдэл хэмээн хорихыг тус улсын Дотоод хэргийн яам санал болгожээ. Беларусийн Дотоод хэргийн яам энэ уриаг Дэлхийн II дайны үеэр нацист Германы талд орсон Беларусийн байгууллагууд хэрэглэж байсныг онцолсон байна.

Гэтэл Беларусийн үндэсний их яруу найрагч Янка Купалагийн ХХ зууны эхэн үеийн шүлэгт энэ уриа хэдэнтээ давтагддаг ажээ.

Мөн нацист Германы эсрэг эрэлхэгээр тэмцсэн Беларусийн Витебск орчмын партизанууд “Жыве Беларусь” уриаг хэрэглэдэг байжээ. Мөн Беларусийн парламент буюу Үндэсний хурлын хэвлэл “Народная газета” сонины толгойд 2020 оны арванхоёрдугаар сар хүртэл чухам энэ уриаг бичдэг байсан тухай сөрөг хүчний “Белорусский партизан” цахим хуудсанд дурджээ.

Беларусийн Дотоод хэргийн яам түүнчлэн өнгөрсөн тавдугаар сард Лукашенкогийн дэглэмийн эсрэг тэмцлийн өөр нэг бэлгэдэл болсон цагаан-улаан-цагаан өнгийн далбааг нацист бэлгэдэл хэмээн хорих санаачилга гаргаж байжээ.

Д.ЦЭРЭНДОЛГОР