Month: May 2021

Categories
амьдралын-өнгө мэдээ

Мөрөн суманд 5600 гаруй мод, бут тарьжээ

Хөвсгөл аймгийн Мөрөн суманд өнөөдөр 53 аж ахуйн нэгж, албан байгууллагын 3602 болон 6 багт иргэд 2039 нийт 5641 мод бут тарьсан байна.

Энэ жилийн хувьд тус аймгийн Засаг дарга Ш.Идэрбаясгалангийн санаачилгаар “Ногоон суварга босгоё” аян эхэллээ.

Тус аян 2024 он хүртэл үргэлжлэх бөгөөд энэ хугацаанд 1 сая модыг тарьж, арчлан тордож ургуулахаар зорьж байгаа аж. Хөвсгөл аймагт жилд 30-40 мянган мод бут тарьдаг. Сүүлийн таван жилд 120 орчим мянган ширхэг мод тарьсны 62000 нь Мөрөн суманд байна. Гэвч иргэд модоо арчлан тордож ургуулах мэдлэг, мэдээлэлгүйн улмаас тарьсан мод бүр ургадаггүй аж. Иймээс аяны хүрээнд мэргэжлийн байгууллагууд иргэд аж ахуйн нэгжид мэдээлэл, зөвлөгөөг тогтмол өгч ажиллах аж.

Categories
мэдээ энтертаймент-ертөнц

Стресс бууруулах болон тайвшруулах үйлчилгээтэй цайны жорууд

Зарим төрлийн ургамлын гаралтай цай тайвшруулах үйлчилгээ үзүүлдэг гэдгийг та хаа нэгтээгээс сонсож байсан байх. Тэгвэл стрессийг бууруулж, тайвшруулах үйлчилгээтэй таван цайны жорыг танилцуулж байна.

1. ГААНЫ НАВЧТАЙ ЦАЙ

Гааны навч аливаа хоол, зууш, амттанд гайхалтай сэргэг үнэрийг оруулахаас гадна уур бухимдал, сэтгэл түгшилт болон ядрах мэдрэмжийг бууруулах чадалтайг цөөнгүй судалгааны үр дүн баталдаг. Мөн энэ ургамлын амин тосон хувилбарыг өдөр тутамдаа ашиглан үнэртэх, вантай усандаа дусаах гэх мэтээр ч хэрэглэж болох ба сэтгэл түгших мэдрэмжийг буурдаг тогтоогджээ.

b data-verified=

2. БАЛЖИНГАРАМ ЦЭЦГИЙН ЦАЙ

Балжингарам цэцэг, нэрнээсээ л тайван, дулаахан мэдрэмж өгөхгүй байна гэж үү? Энэ цай бол стрессийг бууруулах нөлөөтэй хамгийн алдартай цайнуудын нэг билээ.

2016 онд хийгдсэн нэгэн судалгаагаар энэхүү цайг удаан хугацааны турш хэрэглэж ирсэн хүмүүсийн сэтгэл түгших эмгэгийн архаг шинж тэмдгүүд илт мэдэгдэхүйц хэмжээгээр буурсан гэдэг. Тиймээс үнэхээр л сонсогдож байгаа шигээ үйлчилгээтэй цай аж.

Бөх нойрсохын тулд ямар ундаа уух вэ?

3. ЛАВАНДА ЦЭЦГИЙН ЦАЙ

Мөн л энэ салбартаа алдартай орц шүү. Мэргэжилтнүүд лаванда цэцгийн цайг сэтгэл түгших мэдрэмжийг бууруулах тал дээр эмийн бодис шиг л үр дүн өгдөг гэдгийг онцолдог.

Лаванда цэцгийн цайны жор. Лаванда цэцэгтэй цай - ундааны ашигтай шинж чанарууд нь тоолж баршгүй юм. Лаванда цэцгийн ба chamomile цай

4. НИМБЭГНИЙ ГАВАРТАЙ ЦАЙ

Нимбэгний исгэлэн үнэрийг шингээсэн гааны төрлийн энэхүү ургамал нь нойргүйдэл, сэтгэл түгшилт болон сэтгэл гутралтай өвчтнүүдийн эмчилгээний нэгэн хэсэг болдог. Нарийн тайлбарлавал стрессийг бууруулдаг мэдрэл дамжуулах эдийн үйл ажиллагааг өдөөж өгдөг байна.

Нимбэгээр цагаан гаа цай ууна. Хоол хийх жор

5. НОГООН ЦАЙ

Энэ нийтлэлд ногоон цай багтахгүй бол алдас болох биз. Ногоон цай сэтгэл түгшилтийг бууруулдаг л-теанин хэмээх амин хүчлээр баялаг байдаг тул тайвшрахыг хүссэн хүмүүс тогтмол хэрэглэдэг байна.

Ногоон цайг хэрхэн уух вэ?

Categories
мэдээ нийгэм

Орчин цагийн зэвсэгт хүчний түүхт 100 жилийн ойн баярын хурал боллоо

Аугаа их Эх орны дайны ялалтын 76 жилийн ойн энэ өдөр Батлан хамгаалах асуудал эрхэлсэн төрийн захиргааны төв байгууллагын 110, Монгол Улсад орчин цагийн Зэвсэгт хүчин үүсэн байгуулагдсаны түүхт 100 жилийн ойн баяр давхар тохиолоо. “Монгол цэргийн өдөр”-өөр буюу 3 дугаар сарын 18-ны өдөр цар тахлын нөхцөл байдлаас үүдэж, хорио цээрийн дэглэмтэй холбогдуулан түүхт 100 жилийн ойн баярын хурал, шагнал гардуулах арга хэмжээг зохион байгуулж чадаагүй билээ.

Зэвсэгт хүчний Сургалтын нэгдсэн төвд зохион байгуулагдсан энэхүү ёслолын арга хэмжээнд Монгол Улсын Ерөнхийлөгч, Зэвсэгт хүчний Ерөнхий командлагч Х.Баттулга оролцож, Монгол Улсын Зэвсэгт хүчний нийт бие бүрэлдэхүүнд түүхт 100 жилийн ойн баярын мэнд дэвшүүлж, төрийн дээд одон медалиар шагнасан юм.
Монгол Улсын Ерөнхийлөгчийг Зэвсэгт хүчний 032 дугаар ангийн Хүндэт харуул ёслол төгөлдөр угтан авсны дараа баярын хурал болон шагнал гардуулах ёслол эхэлсэн юм.
Баярын хурлыг нээж, Засгийн газрын гишүүн, Батлан хамгаалахын сайд Г.Сайханбаяр хэлсэн үгэндээ “Монгол Улсын эрт, эдүгээ, ирээдүй гурван цагийн хэлхээс түүх нь монгол цэргийн түүхтэй салшгүй холбоотой. Эртний Хүннү улс болоод Эзэн Чингисийн эрэлхэг баатрууд, Манжийн дарлалыг эсэргүүцсэн ард түмний тэмцэл, хөдөлгөөн, тусгаар тогтнолоо дэлхий дахинаа тунхаглан зарласан Ардын хувьсгал, газар нутгийнхаа халдашгүй дархан байдлыг хамгаалан дайтсан Халхын голын байлдаан, Чөлөөлөх дайн, Баруун хилийн тулгаралтуудын түүхэн ялалт, баатарлаг гавьяа, эх орныхоо энх цагийн бүтээн байгуулалт, даян дэлхийн энхийн үйлст оруулж байгаа хувь нэмэр нь Монгол Улсын цэрэг, армийн түүхийн нэгээхэн хэсэг. Манай алба хаагчид өнгөрсөн зуунаас эдүгээг хүртэлх хугацаанд эх орноо батлан хамгаалах нэн хариуцлагатай бөгөөд нэр хүндтэй үүргийг амжилттай гүйцэтгэж, эх орныхоо нэр хүндийг олон улсын тавцанд өндөрт өргөж, эх дэлхийн энх тайван, амар амгаланг тогтоох үйлсэд эр зориг, тэсвэр тэвчээр, мэргэжлийн ур чадвараа илтгэж байна. Ингэснээр Монгол цэргийн мэргэжлийн ур чадвар, авхаалж самбаа, тэсвэр хатуужил, сахилга зохион байгуулалт өсөн нэмэгдэж, олон улсын түвшинд Монгол цэрэг- дэлхийн цэрэг болж үнэлэгдэж байна” хэмээн тодотгосон юм.

May be an image of one or more people and people standing

Үүний дараа Зэвсэгт хүчний Жанжин штабын дарга, хошууч генерал Д.Ганзориг “Орчин цагийн Зэвсэгт хүчин 100 жил” илтгэл тавьсан ба тэрээр илтгэлийнхээ төгсөлд эх орон, тусгаар тогтнолоо хамгаалсан баатарлаг үйлст ахмад дайчид, Зэвсэгт хүчний хөгжил, цэцэглэлтийг бүтээхэд үнэтэй хувь нэмэр оруулсан бэлтгэл болон чөлөөнд байгаа бүрэлдэхүүндээ гүн талархал илэрхийлж, цар тахлын нөхцөл байдлаас үүдэн хүлээн авч, хүндэтгэл үзүүлж, баяраа хамтдаа тэмдэглэж чадахгүй байгааг цохон тэмдэглэж байв. Үргэлжлүүлэн Монгол Улсын Ерөнхийлөгч, Зэвсэгт хүчний Ерөнхий командлагч Х.Баттулга зарим цэргийн алба хаагч, ажилтан албан хаагч, ахмад дайчдын төлөөлөлд төрийн дээд одон медаль гардуулж, баяр хүргэсэн юм.

May be an image of 2 people and people standing

Энэхүү арга хэмжээнд БНӨСУ, ИБНАУ-д үүрэг гүйцэтгэж байгаа энхийг сахиулагч, төмөр замын бүтээн байгуулалтад оролцож буй барилгачин дайчид болон Төрлийн цэргийн командлалуудын удирдлагууд цахимаар оролцов.
Ташрамд дурдахад,цар тахлын халдвараас сэргийлэх үүднээс цөөн тооны алба хаагчийг хамруулсан бөгөөд Цэргийн төв эмнэлгийн эмч, сувилагч нар тус бүрэлдэхүүнээс “ковид-19”-ийн шинжилгээ авсны дараа дотогш нэвтрүүлсэн юм.

May be an image of 2 people and people standing

May be an image of 1 person and standingMay be an image of 1 person and standingMay be an image of 2 people and people standingMay be an image of 2 people and people standing

Categories
мэдээ нийгэм цаг-үе

Усны ослоос гурван настай хүүхдийг ээжийнх нь хамт аварлаа

Налайх дүүргийн 6 дугаар хороо “Өнөр” амралтын газрын урд голд Ланд-100 маркийн автомашин усанд живсэн, дотор нь хоёр иргэн гацаж усанд осолдох нөхцөл байдал үүссэн гэсэн дуудлага дүүргийн Онцгой байдлын хэлтэст ирсэн.

Дуудлагын дагуу Онцгой байдлын хэлтсийн дарга, хурандаа Л.Чинбатаар ахлуулсан аврах бүлгийн алба хаагчид ажиллалаа.

Ослын газар очиход 37 настай иргэн Г, 3 настай иргэн Э нар машинд гацсан эрэг рүү гарах боломжгүй болсон байдалтай байсныг шуурхай аврах ажиллагаа зохион байгуулж, хоёр иргэнийг аварлаа гэж Налайх дүүргийн Онцгой байдлын хэлтсээс мэдээллээ.

Categories
мэдээ нийгэм

Өнөө шөнө ихэнх нутгаар салхи, шороон шуургатай байхыг анхаарууллаа

Өнөө шөнө Хөвсгөлийн уулархаг нутгаар, маргааш өдөр Хангай, Хөвсгөлийн уулархаг нутаг, Эг-Үүр, Орхон, Сэлэнгэ голын хөндийгөөр нойтон цас орж, ихэнх нутгаар салхи, шороон шуургатай байхыг ЦУОШГ-аас онцгойлон анхаарууллаа.

-Маргаашийн 20:00 цаг хүртэлх цаг агаарын урьдчилсан мэдээ-

Хур тунадас: Ихэнх нутгаар солигдмол үүлтэй. Шөнөдөө төвийн аймгуудын нутгийн баруун хойд хэсгээр нойтон цас, өдөртөө баруун аймгуудын нутгийн хойд хэсэг, төвийн аймгуудын нутгийн зарим газар, зүүн аймгуудын нутгийн баруун хойд хэсгээр хур тунадас орно.

Салхи: Шөнөдөө ихэнх нутгаар баруунаас, өдөртөө нутгийн хойд хэсгээр баруунаас баруун хойш эргэж, бусад нутгаар баруун өмнөөс секундэд 7-12 метр, өдөртөө зарим газраар түр зуур секундэд 16-18 метр хүртэл ширүүсэж, шороон шуурга шуурна.

Агаарын температур: Шөнөдөө Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Идэр, Туул, Тэрэлж голын хөндийгөөр 1-6 градус хүйтэн, Алтайн өвөр говиор 13-18 градус, говийн аймгуудын нутгийн өмнөд хэсгээр 7-12 градус, бусад нутгаар 0-5 градус, өдөртөө Дархадын хотгор, Хангай, Хөвсгөлийн уулархаг нутаг, Завхан голын эх, Идэр, Тэс голын хөдийгөөр 4-9 градус, Увс нуурын хотгор, Эг, Үүр, Орхон, Сэлэнгэ, Хараа, Ерөө голын хөндийгөөр 10-15 градус, Алтайн өвөр говиор 28-33 градус, Их нууруудын хотгор, Хангайн нурууны өвөр бэл болон говийн аймгуудын нутгийн өмнөд хэсгээр 21-26 градус, бусад нутгаар 15-20 градус дулаан байна.

Улаанбаатар хот орчмоор: Шөнөдөө багавтар үүлтэй, хур тунадас орохгүй. Өдөртөө үүлшиж, бага зэргийн бороо орно. Салхи шөнөдөө баруун өмнөөс, өдөртөө баруун өмнөөс баруун хойш эргэж секундэд 6-11 метр, өдөртөө зарим үед секундэд 14-16 метр хүрч ширүүсэж, шороон шуурга шуурна. Шөнөдөө 1-3 градус, өдөртөө 18-20 градус дулаан байна.

Багануур орчмоор: Шөнөдөө багавтар үүлтэй, өдөртөө үүлшинэ. Хур тунадас орохгүй. Салхи шөнөдөө баруун өмнөөс, өдөртөө баруун өмнөөс баруун хойш эргэж секундэд 6-11 метр, өдөртөө зарим үед түр зуур секундэд 16-18 метр хүрч ширүүсэж, шороон шуурга шуурна. Шөнөдөө 0 градус орчим, өдөртөө 18-20 градус дулаан байна.

Тэрэлж орчмоор: Шөнөдөө багавтар үүлтэй, өдөртөө үүлшинэ. Хур тунадас орохгүй. Салхи шөнөдөө баруун өмнөөс, өдөртөө баруун өмнөөс баруун хойш эргэж секундэд 6-11 метр, өдөртөө зарим үед секундэд 14-16 метр хүрч ширүүсэж, шороон шуурга шуурна. Шөнөдөө 3-5 градус хүйтэн, өдөртөө 16-18 градус дулаан байна.

Тавдугаар сарын 11-нээс зарим нутгаар бороо, нойтон цас орно.

Энэ сарыг 11-нд баруун аймгуудын нутгийн баруун хэсэг, төвийн аймгуудын нутгийн зарим газар, зүүн аймгуудын ихэнх нутгаар, 12-нд баруун аймгуудын нутгийн хойд, зүүн аймгуудын нутгийн зүүн хэсгээр, 13-нд нутгийн хойд хэсгээр, 14-нд баруун аймгуудын нутгийн зарим газар, төвийн аймгуудын нутгийн баруун хэсгээр бороо, нойтон цас орж, цасан шуурга шуурна.

Салхи 11, 13-нд нутгийн зарим газраар, 12-нд Алтайн салбар уулсаар, 14-нд говь, талын нутгаар секундэд 15-17 метр хүрч ширүүсэж, шороон шуурга шуурна.

11,13-нд нутгийн зүүн хагаст сэрүүхэн байх боловч бусад хугацаанд Алтай, Хангай, Хөвсгөл, Хэнтэйн уулархаг нутаг, Хүрэнбэлчир орчим, Завхан голын эх, Хэрлэн, Онон, Туул, Тэрэлж, Халх голын хөндийгөөр шөнөдөө 1-6 градус хүйтэн, өдөртөө 6-11 градус, Хангайн нурууны өвөр бэл болон говийн бүс нутгийн өмнөд хэсгээр шөнөдөө 7-12 градус, өдөртөө 22-27 градус дулаан байна. Харин бусад нутгаар шөнөдөө 1 градус хүйтнээс 4 градус дулаан, өдөртөө 12-17 градус дулаан байна.

Categories
мэдээ цаг-үе

Маргаашаас төрөлжсөн барааны худалдааны төв, авто техникийн захуудыг нээнэ

Бүх нийтийн бэлэн байдлын зэргийг үе шаттайгаар бууруулан Өндөржүүлсэн бэлэн байдлын зэрэгт шилжээд буй. Үүнтэй холбоотойгоор мэргэжлийн хяналт, цагдаа, онцгой, Улаанбаатар хотын Захирагчийн ажлын алба зэрэг мэргэжлийн байгууллагуудын зөвлөмж, дүгнэлтийг үндэслэн зах, худалдааны төвүүдийг үе шаттайгаар нээх ажлыг зохион байгуулахаар болсон.

Энэ хүрээнд Улаанбаатар хотын Захирагчийн ажлын албанаас өчигдөр 106 зах, худалдааны төвийн удирдлагатай цахимаар хуралдаж, тусгай нөхцөл, шаардлагын талаар мэдээлэл өглөө.

Тодруулбал, өчигдрөөс хайпермаркет, их дэлгүүр, хүнсний зах, худалдааны төв, гэр ахуйн бараа, тавилга, модны зах, барилгын материалын төвүүдийг үе шаттайгаар нээсэн.

Харин маргаашаас буюу тавдугаар сарын 10-наас төрөлжсөн барааны худалдааны төв, авто техникийн зах, төвүүдийг нээх юм.

Маргаашнаас ажиллах худалдаа, үйлчилгээний байгууллагууд


Categories
гадаад мэдээ

​Нидерландын эрдэмтэд зөгийн дээр ковидын туршилт хийж эхэлжээ

Нидерландын Вагенинген их сургуулийн судлаач эрдэмтэд зөгийнүүдийг SARS-cov2 вирусийг танин оношлоход сургах туршилт хийж эхэлжээ.

Эрдэмтэд нийт 150 зөгийг лабораторийн орчинд тус вирусийг таниулан туршиж байгаа гэнэ. Туршилтын явцад зөгий SARS-cov2 вирусийг үнэрээр нь таних чадвартай нь батлагджээ. Туршилтыг зохион байгуулсан эрдэмтэд “Бид зөгийнүүдэд SARS-cov2 вирусийн дээж ойртуулах бүрдтээ чихрийн усаар урамшуулж байсан. Зөгий чихрийн ус сорохын тулд тухай бүрт нь хошуугаа сунгаж байв. Эл үйлдлийг олон давтсаны эцэст зөгийнүүд вирусийн үнэрийг чихрийн устай холбоотой хэмээн анзаарч эхэлсэн. Үүнийг дахин давтвал зөгий вирусийн үнэрийг танимагцаа урамшуулал шаардлагагүйгээр хошуугаа сунгадаг болох юм. Ийнхүү бэлтгэсэн зөгий цар тахлыг хэдхэн секундэд оношлох боломжтой” хэмээн тайлбарласан байна.

Эл төсөлд Францын Пол Сабат Пол Сабатиерын их сургууль хамтарч байгаа бөгөөд өдгөө олон зөгийг нэг дор сургах боломжтой төхөөрөмж болон сургасан зөгийнүүдийг оношилгоонд ашиглах төхөөрөмж зохион бүтээж байгаа гэнэ.

Үүнээс өмнө эрдэмтэд нохойгоор цар тахал оношлох аргыг амжилттай туршиж байв. Учир нь нохойны үнэрлэх чадвар хүнийхээс 60 дахин хүчтэй байдаг тул зөвхөн цар тахал төдийгүй хорт хавдрыг үнэрээр нь таних чадвартай байдаг гэнэ.

Dutch researchers training bees to detect COVID-19 infections - National | Globalnews.ca

Categories
мэдээ энтертаймент-ертөнц

ЗӨВЛӨГӨӨ: Буруу байрлалтай суух нь нас богиносгодог

Эрүүл амьдралын хэв маягийн талаарх судалгаануудын дийлэнх нь дасгал хөдөлгөөн идэвхтэй хийх дээр суурилсан байдаг. Харин хүн амрахдаа яаж, ямар байрлалаар суухаас шалтгаалж эрүүл мэндийн үзүүлэлт нь өөр байдаг талаар нэгэн сонирхолтой судалгаа гарчээ.

Яагаад суух байрлалд ач холбогдол өгөх ёстой вэ?

Өдөр тутамдаа хэчнээн дасгал хийсэн ч удаан хугацаагаар сандал дээрээ сууж өнгөрүүлдэг зуршил бүх хөдөлмөрийг тань нурааж цаашлаад бүр амьдрах наснаас тань хумсалсаар байдаг гэвэл итгэх үү? Уг асуудлын талаар АНУ-ийн эрдэм шинжилгээний баг Танзани улсын хойд зүгт байрлах Хадза омгийнхныг судлахаар замдаа гарчээ. Тус омгийнхны зүрх судасны болон бусад өвчнөөр өвдөх нь өндөр хөгжилтэй орны иргэдийг бодвол харьцангуй бага бөгөөд шалтгааныг нь тайлахаар тэд зорьсон байна. Хадзачууд одоог хүртэл ан гөрөө хийдэг цөөн хэдэн иргэншлүүдийн нэг юм.

Тиймээс биеийн хүчний ажил бол тэдний өдөр тутмын амьдралын салшгүй хэсэг мөн. Өндөр хөгжилтэй орны хүмүүсээс илүү эрүүл байгаагийн шалтгаан нь энэ биз гэж бодож байвал та түр азнаарай. Судлаачид тэдний эрүүл байдаг хамгийн гол шалтгаан нь ямар байдлаар, хэрхэн амардагтай нь холбоотой гэдгийг анзаарчээ. Ингээд тус омгоос нийт 28 эрэгтэй болон эмэгтэйг хамруулан нэг долоо хоногийн турш өдөрт дунджаар хэдэн цагийг амралтад зориулж буйг, хэр ойрхон суултын горимоос босох гүйх зэргүүд рүү шилжиж байгааг нь нарийн тэмдэглэн авчээ.

Үр дүн нь судалгааны багийнхныг гайхшруулсан байна. Хадзачууд АНУ, Нидерланд, Австрали зэрэг орны хүмүүсийн адил өдөрт 10 хүртэл цаг амардаг болж таарчээ. Түүнчлэн суухаас босох уруу шилжих тоо нь өдөрт дунджаар 50 удаа байсан бөгөөд мөн л европчуудынхтай адил байсан юм. Гэсэн ч тус омгийнхны цусны үзүүлэлт, даралт зэрэг нь хамаагүй эрүүл байсан бөгөөд дээр дурдсан триглицерид буюу өөхний хэмжээ нь харьцангуй бага гарчээ. Харьцуулалтын явцад нэг зүйл өөр байсан нь Хадзачуудын булчингийн ажиллагаа хөгжил өндөр улсын иргэдийг бодвол илүү идэвхтэй байсан юм. Омгийнхон сүүдэр бараадан амрахдаа “squat” суулт буюу улаараа газар тулан өгзөг хэсгээ өсгийндөө хүргэх байдлаар суудаг байжээ. Энэ нь сандал, газар дээр сууснаас бүр эсхүл хөнгөн дасгал хийснээс таваас арав дахин илүү булчинг ажиллуулж идэвхтэй байлгахад тусалдаг байна.

Тэгвэл бид бүр мөсөн сандал дээр суухаас татгалзах ёстой юу?

Судлаачид хүмүүсийг даруй суухаа болихыг зөвлөсөнгүй. Оронд нь амрах хугацаагаа багасгаж бага багаар “squat” суултыг биедээ дасгахыг санал болгожээ. Тиймээс ядаж л амралтын өдрөөр диван дээрээ тухлаад Netflix- ээ үзэхдээ ойр ойрхон босож булчингаа ажиллуулахаа бүү мартаарай. Таны зүрх танд талархах болно.

Судалгаагаар батлагдсан: Буруу байрлалтай суух нь таны насыг богиносгодог (фото 1)

Categories
гадаад мэдээ

Караоа нуурын эрэг дээр дунджаар 40 тонн загас үхжээ

Сүүлийн хэдэн өдөр Ливаны зүүн хэсэгт орших Караоа нуурын эрэг дээр дунджаар 40 тонн загас үхжээ. Орон нутгийн загасчдын хэлж буйгаар энэ нь урьд өмнө нь болж байгаагүй өргөн цар хүрээтэй хорогдол гэжээ. Караоа нуурын загаснууд үй олноороо үхсэн шалтгаан нь одоогоор тодорхойгүй байна.

Урьдчилсан дүгнэлтээр нууранд вирус тархаж загаснууд устсан гэх боловч усны мэргэжилтнүүдийн үзэж буйгаар тэдний үхэл бохирдолтой холбоотой байж болзошгүй гэжээ. Эрэг дагуу 4 км гаруй урт үргэлжлэх талбайд үхсэн загаснууд зулж, нуурын орчим муудсан махны үнэрээр дүүрчээ.

Тиймээс нутгийн удирдлага үхсэн загаснуудыг экскаватор ачааны машины тусламжтайгаар тонн тонноор нь зөөжээ. Тэд цэргийн армийг дайчлан нийт гурван өдрийн хугацаанд ажиллахдаа 40 орчим тонн загас ачиж, талбайг цэвэрлэжээ.

Ливаны нуурын эрэгт 40 тонн загас үхжээ

Categories
мэдээ цаг-үе

Засгийн газар төрийн 516 үйлчилгээг E-Mongolia системд нэгтгээд байна

Иргэд, олон нийтэд үйлчлэх “E-Mongolia” төв Төв шууданд ажиллаж эхэллээ. Төв нь төрийн 50 орчим байгууллагын 516 үйлчилгээг цахимаар үзүүлж заавар, зөвлөмж, туслалцаа үзүүлж байна. Иргэд мөн энэ төвд ирж санал, хүсэлт, гомдол, шүүмжлэл зэргээ илэрхийлж болно. Иргэд, олон нийттэй харилцах 11-11 төвийг ч энэ төвд нэгтгэн ажиллуулж эхэллээ. Ингэснээр иргэд үйлчилгээ авах гэж хүнд суртал, чирэгдэлд өртөх, цаг хугацаа их зарцуулах, төрийн нэг байгууллага нь бусад байгууллагад байгаа мэдээлэл, баримт бичиг бүрдүүлж ирэхийг шаарддаг зэрэг нь үгүй болж байна.

Төвийн нээлтэд Монгол Улсын Ерөнхий сайд Л.Оюун-Эрдэнэ оролцлоо. Тэрээр Ерөнхий сайдаар томилогдсоныхоо дараа 100 хоногт багтаан иргэдээ цар тахлын эсрэг дархлаажуулалтад хамруулах, төрийн 500-аас доошгүй үйлчилгээг цахимжуулж E-Mongolia системд нэгтгэх, Цахим үндэстэн болох зорилт дэвшүүлснээ мэдэгдсэн. Өнөөдрийн байдлаар дархлаажуулалт нийслэлд 93, орон нутагт 70 орчим хувьтай байна.
Ерөнхий сайд “Төр иргэндээ нээлттэй байх ёстой. Төрийн үйлчилгээг цахимжуулснаар хүнд суртал, чирэгдэл, авлига үгүй болно. Энэ нь сайн засаглал руу шилжиж байгаа нэг алхам. Авлигын индексийг хоёр оронтой тоонд оруулах суурь нь “E-Mongolia” иргэд, олон нийтэд үйлчлэх төв. Цаашид төрийн бүх үйлчилгээг энэ системд нэгтгэж, Цахим хөгжлийн яам байгуулна. Ирэх гурван жилд хийж хэрэгжүүлэх үр дүнтэй, хамгийн том өв болж үлдэх ажлуудын нэг нь цахим шилжилт. Засгийн газар үүний төлөө иргэдтэйгээ хамтарч шаардлагатай бүхнийг хийх болно. Урьд нь авлигын хөрсөнд ургасан шарилжтай тэмцдэг байсан бол одооноос хөрсийг нь үгүй болгох шинэчлэл эхэллээ” гэв.
Нийслэлийн хувьд 12 байгууллагын 113 төрлийн үйлчилгээг E-Mongolia системд бүрэн шилжүүлээд байна. Цаашид Азийн сангийн Хотын засаглалыг сайжруулах төслийн санхүүжилтээр найман байгууллагын 20 үйлчилгээнээс гадна 34 төрлийн тусгай зөвшөөрлийн үйлчилгээг цахимжуулахаа Нийслэлийн Засаг дарга бөгөөд Улаанбаатар хотын захирагч Д.Сумъяабазар хэллээ.
Өнөөдрийн байдлаар иргэд E-Mongolia системээс давхардсан тоогоор 1,6 сая үйлчилгээг цахимаар авчээ.