Month: May 2021

“ЦАР ТАХЛЫН ЭСРЭГ ХАМТДАА-ХӨДӨЛМӨРИЙН ЦАХИМ ЯАРМАГ-2021” арга хэмжээ тавдугаар сарын 8-24-ний өдрүүдэд зохион байгуулж байна.

Энэхүү хөдөлмөрийн цахим яармаг нь Цар тахлын эсрэг хамтдаа-Зохистой хөдөлмөр эрхлэлт, Халамжаас хөдөлмөрт дэд сэдвүүдийн хүрээнд цар тахлын нөхцөл байдалтай уялдуулан www.expomongolia.org платформоор дамжуулан виртуал талбарт зохион байгуулагдаж байгаагаараа онцлог юм.

Тус арга хэмжээний хүрээнд ажил хайгч иргэд, оюутан, залуучууд, гадаадад их дээд сургууль төгссөн болон ажиллаж, амьдарч байгаад эх орондоо ирсэн иргэдэд хөдөлмөр эрхлэлтийн үйлчилгээ, арга хэмжээ, цахим хурлууд, 150 гаруй ажил олгогч байгууллагын 2000 гаруй ажлын байрны мэдээ, мэдээллүүдийг нэг дороос хүргэж байна. Цахим платформоор дамжуулан ажил хайгч иргэд болон ажил олгогчид цахимаар цаг товлон, ажлын шууд ярилцлагыг зохион байгуулах боломжтой.

Хөдөлмөрийн цахим яармаг нь хөдөлмөрийн зах зээлийн өнөөгийн байдал, ирээдүйн чиг хандлага, цар тахлын сөрөг нөлөөллийг хэрхэн хохирол багатайгаар даван туулах зэрэг агуулгын хүрээнд өдөр бүр тусгай хөтөлбөрийн дагуу цахим хурлуудыг зохион байгуулж байна.

Тус арга хэмжээний үеэр www.expomongolia.org/careerexpo платформд нийт 3380, цахим хурлыг 650 гаруй, шууд дамжуулалтыг “Нийслэлийн хөдөлмөр эрхлэлтийн газар” фэйсбүүк хуудсаар 4700 хүн үзлээ.

Хөдөлмөрийн цахим яармаг энэ сарын 24-нийг дуустал үргэлжилж, хөдөлмөр эрхлэлтийн чиглэлээрх олон сонирхолтой мэдээлэл, видео контент, хэлэлцүүлгүүдийг шууд дамжуулан иргэд, олон нийтэд хүргэх, ажлын шууд ярилцлагыг зохион байгуулах тул ажил хайгч иргэдийг өргөнөөр оролцохыг урьж байна.

Эх сурвалж: Нийслэлийн ЗДТГ-ын Хэвлэл мэдээлэл, олон нийттэй харилцах хэлтэс

Ажлын байранд:

• Ажилчид амны хаалт зүүх

• Сандал, буйданг 1,5-2,0 метрийн зайтай байрлуулах

• Хайч, сэнс, сам зэрэг багаж хэрэгслийг үйлчилгээ бүрийн дараа цэвэрлэж, халдваргүйжүүлэх

• Алчуур, нөмрөг, цагаан хэрэглэл зэргийг угаах, индүүдэх, наранд хатаах

• Спиртэн суурьтай гар халдваргүйжүүлэгч байршуулах

• Ариун цэврийн өрөөнд гарын саван, хуурай сальфетка байршуулах

• Дулааны улиралд салхивч, цонхыг байнга нээлттэй байлгаж агаар сэлгэлт хийх

• Хүлээлгийн танхимд зай барих тэмдэглээ хийх

• Урьдчилан сэргийлэх санамж, зөвлөмжийг ил тод байршуулах

• 1 л усанд 0,25мл белизна хийж шал, тавцан, сандал, хаалганы бариул зэрэг хатуу гадаргууг арчих

• 00-г тогтмол цэвэрлэх

Үйлчилгээ үзүүлэхэд:

• Утас болон цахимаар цаг өгөх

• Биеийн халуун үзэх

• Амны хаалт зүүх

• Тос, вакс, түрхлэг зэргийг жижиглэн савлаж 1 удаагийн халбагаар таслан авч хэрэглэх. Үлдэгдлийг буцааж хийхгүй, өөр хүнд хэрэглэхгүй байх

• Төлбөр, тооцоог цахимаар хийх

• Гар халдваргүйжүүлэгч байршуулах

• Хог хаягдлыг уутанд хийж амыг сайтар боож хаяна уу.

Монголын Үндэсний музейн сан хөмрөгт хадгалж буй XX зууны эхэн үед холбогдох Хэнтий аймгийн Батширээт сумаас олдсон бургас, модоор хийсэн ходоодон гүрийг толилуулж байна.

---

Оросын алдарт зураач Илья Репины “Ижил мөрний барлагууд” хэмээх зургийг мэдэхгүй хүн үгүй. Элчилгүй төөнөх наранд шарагдаж, ачааны хүндэд түүртсэн ноорхой хэдэн барлаг их мөрний эрэг даган арайхийн урагшилна. Тэдний наахан талд, голын эргийн элсэнд хавтгай чулуунд уяатай, андуу харахад араг гэмээр арзайж сэрзийсэн юм үзэгдэнэ.

Монголчууд ан гөрөө, тэр дундаа загас агнуурын баялаг уламжлалтайг археологийн олдворууд төдийгүй эзэн Чингис хааны түүх гэрчилнэ. Нэгэн өдөр Тэмүжин, Хасар, Бэгтэр, Бэлгүтэй дөрвүүл хамт сууж, загас гөхидөхөд нэг гэгээн согос загас гөхид торсныг Бэгтэр Бэлгүтэй хоёр булааж авав гэдэг.

Морин туураар дэлхийг бөмбөрдсөн монголчуудын амин зуулгын нэгэн салаа мөчир нь тийнхүү загасчлахуй болж байв. Хожим, монгол газар бурхны шашин дэлгэрснээр загасыг “лусын амьтан” хэмээгээд хороох, идэх нь цээртэй болсон ч агнах, гохдох явдал баларч мартагдсангүй.

Үүний баримт нь 1974 онд Хэнтий аймгийн Батширээт сумын харьяат иргэн н.Буджаваас тус музейд өгсөн ходоодон гүр хэмээх урхи торны нэн ховор зүйл болно. Нарийн бургасаар сүлжсэн дөрвөлжин ам, цүдгэр гэдэс, шувтан сүүлтэй энэ хэрэгслийг гол, нуурын загас ихтэй усанд тавьдаг байна.

Загас, уснаа шүтэж амьдардаг газар газрын хүн зоны загасчлахуйн соёлд монголын ходоодон гүртэй адил төслөг нь нэлээд юм. И.Репины зурсан Ижил мөрний эрэг дээрх араг шээзгий мэт зүйл ч ийм учиртай ажгуу.

И.Репины зураг дээрх араг шиг зүйл нь Орос загасчны морда хэмээх урхи аж.

Африк загасчдын загасны урхи занга

Индонезийн загасны урхи тор

Сибирийн Хант хэмээх ард түмний хэрэглэж байсан загасны тор урхи

Папуа Шинэ Гвинейчүүдийн загасны урхи

Туул голын сав газрын экологийн нөхцөлийг сэргээх зорилгоор 2012 оноос манай улс минж нутагшуулж эхэлсэн. Өнөөдрийн байдлаар 57 минжийг Туул голын эх болон түүний цутгал Заан, Тэрэлж голуудад нутагшуулаад байгаа юм.

Нийслэлийн Байгаль орчны газрын харьяа Минж үржүүлэх төвд өнөөдрийн байдлаар 44 минж байгаагаас найман бүл хээл авч, тэдгээрээс хоёр нь дөрөв ихэрлээд байна. Харин тавдугаар сарын 10-даар тав ихэрлэсэн нь Монголд анхны тохиолдол боллоо. Энэ нь нэн ховор тохиолдол бөгөөд идэш, тэжээл, амьдрах орчин, нөхцөл тааламжтай байгаагийн үр дүн гэдгийг минж маллагч Т.Ганзориг хэлж байна.

Дөнгөж төрсөн дүдрийн биеийн жин дунджаар 540-670 грамм байдаг бол тав ихэрлэсэн дүдрүүд 540-570 грамм гарчээ.

Минж амьдрах орчноо өөрөө бүрдүүлдэг, маш цэвэрч амьтан тул идэш, тэжээлийн тал дээр чухал анхаарал хандуулж, Биологийн хүрээлэнгийн судалгаанд тулгуурлан, алим, лууван болон чихрийн манжин, улаан буудай зэрэг тэжээлээр өдөрт зургаан удаа хооллодог байна. Минж нутагшуулах үржүүлгийн байрны температурыг өвлийн цагт +8 хэмээс буулгахгүй байх, зуны цагт салхи авахуулахгүй, нарны хэт туяа оруулахгүй зэрэг нарийн арчилгаа хэрэгтэй байдаг аж.

Минж нь голын усны түвшнийг нэмэгдүүлэх замаар амьдарч буй орчныхоо байгалийн тэнцвэрт байдлыг хангадаг, биологийн олон янз байдлыг нэмэгдүүлэхэд онцгой ач холбогдолтой амьтан юм. 100-150 бүл минж нутагшсан тохиолдолд байгалийн аясаар өсөж, үржих нөхцөл бүрддэг байна.

Цаашид Минж үржүүлэх төвийн үйл ажиллагааг тэлж, 30 га газарт Экологийн төв байгуулах зорилт тавин ажиллаж байгааг Нийслэлийн Байгаль орчны газрын дарга М.Нямбаяр онцоллоо. Байгальд нутагшуулсан минжний нутагшлын байдал, үр дүнд хяналт тавих, мониторинг судалгаа хийх нь маш чухал тул Нийслэлийн Байгаль орчны газар судлаачидтай хамтран ажилласаар иржээ.

НЗДТГ-ЫН ХЭВЛЭЛ МЭДЭЭЛЭЛТЭЙ ХАРИЛЦАХ ХЭЛТЭС