Month: May 2021

Categories
мэдээ нийгэм онцлох-нийтлэл туслах-ангилал

Өдрийн сонинд “Арвуулхнаа нийлээд аймгийн төсвийг босгочихно гэдэг бахархмаар байна” хэмээн өгүүллээ

Өглөө бүр тантай хамт байдаг “Өдрийн сонин”-ы баасан гаригийн дугаар 16 нүүрээр хэвлэгдэж, та бүхний гар дээр хүрч байна.

Өдрийн сонины тэргүүн нүүрт МҮХАҮТ-ын ерөнхийлөгч асан, бизнесийн
удирдлагын доктор
Б.Лхагважав “Ковидын хөл
хорионы дараа эдийн засгийн
өршөөл зайлшгүй
хэрэгтэй” хэмээснийг I, XI нүүрээс уншаарай.

УИХ-ын гишүүн Н.Ганибал “Ковидоор халхавчилсан
коммунизмыг сөрж
ажиллаж байна” гэв.

“Өдрийн сонин”-ы нийтлэлийн бодлогыг тодорхойлогч, ард түмний дуу хоолой болдог “Баримт, үзэл бодол” гуравдугаар нүүрт “Арвуулхнаа нийлээд аймгийн төсвийг
босгочихно гэдэг бахархмаар байна” хэмээн өгүүллээ.

Ардчилсан намын дарга М.Тулгат “АН-ын бүлгийн 11 гишүүн
гаднаас хүн хайж, орой дээрээ залах
нь өөрсдийгөө үгүйсгэж байгаа
үйлдэл” гэснийг “Улс төр” нүүрээс уншаарай.

“Баримт, үйл явдал”-ын VII нүүрт Хэвлэл мэдээллийн
зөвлөлийн Гүйцэтгэх
захирал Г.Гүнжидмаа “Сонгуулийн үед
иргэд худал мэдээлэл тараасан
гэмт хэрэгт холбогдох эрсдэл
өндөр байдаг” гэлээ.

ХӨСҮТ-ийн Зооноз бруцеллёзын тасгийн арга
зүйч сувилагч Б.Мягмарсүрэн “Сувилагчаар ажиллах хүн ховорджээ. Ажлын байрны нээлттэй саналд ирж бүртгүүлсэн хүн алга…” гэснийг “Цаг үе” нүүрээс уншаарай.

Нийслэлийн
“Улаанбаатар” чуулгын
дуучин, “The voice of Mongolia” шоуны оролцогч Э.Дашням “Ирэх
намар бид “Хоёр
Даш” цомгийнхоо дууг
клипжүүлж, тоглолт
хийхээр төлөвлөж байна” гэв.

Дэлгэрэнгүй мэдээллүүдийг уншихыг хүсвэл дараах линкээр бүртгүүлж уншина уу. https://admin.dnn.mn/plugins/news/login/

Эдгээр болон бусад цаг үеийн мэдээ мэдээлэл, ярилцлага, сурвалжлагыг “Өдрийн сонин”-ы баасан гаригийн дугаараас уншаарай.

Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудангийн салбаруудаас болон сонин борлуулах цэгүүд, Хэвлэлийн биржээс худалдан авах боломжтой. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдан авч болохыг дуулгая. Түүнчлэн “Өдрийн сонин”-ы өөрийн байранд ирж худалдан авч болно. Уншигч та “Өдрийн сонин”-ыг захиалан уншихыг хүсвэл 9911-2954, 8811-1375 дугаарт холбогдоно уу.

Цахим хэлбэрээр нь захиалахыг хүсвэл 99726725 дугаарт холбогдож дэлгэрэнгүй мэдээллийг аваарай.

“Өдрийн сонин”-той холбоотой мэдээ мэдээллийг 19001987-гоос лавлана уу.

“ӨДРИЙН СОНИН” ӨГЛӨӨ БҮР ТАНТАЙ ХАМТ

Categories
мэдээ эдийн-засаг

13 компанийн хувьцааны ханш өсчээ

2021 оны тавдугаар сарын 13-ны өдөр энгийн арилжаагаар 29 хувьцаат компанийн 186.609.742 төгрөгийн үнийн дүн бүхий 1.473.270 ширхэг хувьцаа арилжигдсанаас 13 хувьцаат компанийн хувьцааны ханш өсч, 13 хувьцаат компанийн хувьцааны ханш буурсан бол 3 үнэт цаасны ханш тогтвортой байлаа. Үүнээс “Булган ундрага” ХК BUN+14.98 хувь болон “Гермес центр” ХК HRM +7.75 хувийн хувьцааны ханш хамгийн өндөр өсөлттэй байсан бол “Э-Транс ложистикс” ХК ETR -10.61 хувь болон “Эрдэнэс таван толгой” ХК ETTD -5.00 хувийн хувьцаа хамгийн их уналттай байлаа.

“Үндэсний хувьчлалын сан” хамтын хаалттай ХОС-ийн 45.235 ширхэг нэгж эрхийг нийт 13.027.080 төгрөгөөр арилжигдсан байна.

Энэ өдөр компанийн бондын хоёрдогч зах зээлийн арилжаанд нийт 3 ширхэг үнэт цаасыг 285 доллароор арилжаалсан байна.

ТOP-20 индекс 1.05 хувиар буурч, 35504.57 нэгжид хүрсэн бол зах зээлийн үнэлгээ 3.649.105.251.619 төгрөг боллоо.

Categories
мэдээ энтертаймент-ертөнц

“Forbes” сэтгүүл 2020 онд хамгийн их ашиг орлоготой ажилласан 10 тамирчныг танилцууллаа

Forbes сэтгүүлээс 2020 онд хамгийн их ашиг орлоготой ажилласан 10 тамирчныг танилцууллаа. Жагсаалтад орсон тамирчдын нийт орлого 1.05 тэрбум ам.доллар болсон нь өнгөрсөн жилээс 28 хувиар өссөн үзүүлэлт аж.

Жагсаалтыг UFC холбооны хоёр ч жингийн аварга Конор анх удаа тэргүүлсэн бөгөөд ихэнх орлогоо вискиний брэндээс бүрдүүлжээ

1. КОНОР МАКГРЕГОР – 180 САЯ АМ.ДОЛЛАР

  • Иргэншил: Ирланд
  • Нас: 32
  • Спорт: Холимог тулаан

Тэрээр нийт орлогынхоо 22 сая ам.долларыг UFC-ээс олсон бол үлдсэн орлогоо “Dystopia: Contest of Heroes” видео тоглоом, “Roots of Fight” хувцас, хэрэглэлийн брэнд, “DraftKings” бооцооны сайт болон “Proper No. Twelve” вискиний брэндээсээ олсон байна.

2. ЛИОНЕЛ МЕССИ – 130 САЯ АМ.ДОЛЛАР

  • Иргэншил: Аргентин
  • Нас: 33
  • Спорт: Хөл бөмбөг

Нийт орлогынхоо 97 сая ам.долларыг талбай дээр хөл бөмбөг тоглосныхоо төлөө клубээс авсан бол насан туршийн гэрээ хийсэн Adidas болон түүний нэрээр хувцас урладаг Жинни Хилфигер нарын хамтын ажиллагаанаас үлдсэн орлогоо бүрдүүлжээ.

3. КРИШТИАНУ РОНАЛДУ – 120 САЯ АМ.ДОЛЛАР

  • Иргэншил: Португали
  • Нас: 36
  • Спорт: Хөл бөмбөг

Фэйсбүүк, Инстаграм, Твиттер даяар 500 сая дагагчтай болсон дэлхийн анхны хүн Роналду хөл бөмбөг тоглоод 70 сая ам.долларыг авсан бол насан туршийн гэрээ хийсэн Nike болон CR7 брэндийн хувцас, хэрэглэл, зочид буудал, үнэт эдлэл, фитнесс зэргээс бусад орлогоо бүрдүүлжээ.

4. ДАК ПРЕСКОТ – 107.5 САЯ АМ.ДОЛЛАР

  • Иргэншил: Америк
  • Нас: 27
  • Спорт: Америк хөл бөмбөг

Багтайгаа хийсэн гэрээний дагуу 97.5 сая ам.долларыг авсан Дак “Sleep Number”, “7/11”, “DirecTV” компаниудаас бусад орлогоо олсон байна.

5. ЛЕБРОН ЖЕЙМС – 96.5 САЯ АМ.ДОЛЛАР

  • Иргэншил: Америк
  • Нас: 36
  • Спорт: Сагсан бөмбөг

31.5 сая ам.долларыг Лейкерс клубээс авсан Леброн “PepsiCo”-той хийсэн шинэ гэрээ “Space Jam: A New Legacy” кино зэргээс 65 сая ам.долларыг олжээ. Тэрээр саяхан “Boston Red Sox”, “Liverpool FC” болон “Roush Fenway Racing”-ийн эзэмшигч “Fenway Sports Group”-т хөрөнгө оруулсан билээ.

6. НЕЙМАР – 95 САЯ АМ.ДОЛЛАР

  • Иргэншил: Бразил
  • Нас: 29
  • Спорт: Хөл бөмбөг

“Puma” компанитай хийсэн гэрээ, “Fortnite” тоглоом дахь дүр зэргээсээ 19 сая ам.долларыг олсон Неймар 76 сая ам.долларыг ПСЖ клубтэй хийсэн үндсэн гэрээний дагуу авсан байна.

7. РОЖЕР ФЕДЕРЕР – 90 САЯ АМ.ДОЛЛАР

  • Иргэншил: Швейцар
  • Нас: 39
  • Спорт: Талбайн теннис

Өвдөгний бэртлийн улмаас өнгөрсөн жил талбай дээр маш бага гарсан Рожер 2020 онд талбайн тенниснээс ердөө 0.03 сая ам.доллар олжээ. Харин “Rolex”, “Credit Suisse”, “Uniqlo” брэндтэй хийсэн гэрээ болон өөрийн “On” компаниасаа 90 сая ам.долларыг олсон байна.

8. ЛЬЮИС ХЭМИЛТОН – 82 САЯ АМ.ДОЛЛАР

  • Иргэншил: Их Британи
  • Нас: 36
  • Спорт: Formula 1

Mercedes багийн нисгэгч Британи залуу Хэмилтон “Tommy Hilfiger”, “Monster Energy” болон “Puma” брэндээс 12 сая ам.долларыг олсон бол үлдсэн орлогоо уралдааны зам дээрээс “цуглуулсан” байна.

9. ТОМ БРЭДИ – 76 САЯ АМ.ДОЛЛАР

  • Иргэншил: Америк
  • Нас: 43
  • Спорт: Америк хөл бөмбөг

Үндсэн гэрээний цалин болгож 45 сая ам.долларыг авсан Том “TB12” брэнд, кино үйлдвэрлэл болон NFT борлуулдаг сайтаасаа үлдсэн 31 сая ам.долларыг босгожээ.

10. КЕВИН ДУРАНТ – 75 САЯ АМ.ДОЛЛАР

  • Иргэнил: Америк
  • Нас: 32
  • Спорт: Сагсан бөмбөг

Брүүклин Нэтс багаас 31 сая ам.долларыг авсан Кевин “Thirty Five Ventures”, “Postmates” компаниас 44 сая ам.долларыг олсон байна.

Categories
мэдээ соёл-урлаг

“Монгол уртын дуу лимбэдэх” уламжлалт аргыг өвлүүлэх төсөл хэрэгжиж байна

Соёлын өвийн үндэсний төв, ЮНЕСКО-гийн Монголын Үндэсний Комисс, “Монголын Лимбэчдийн Холбоо” ТББ хамтран “Монгол уртын дуу лимбэдэх уламжлалт арга битүү амьсгааг өвлүүлэн уламжлуулж, тогтворжуулах нь” төслийг ЮНЕСКО-ийн Соёлын биет бус өвийн сангийн дэмжлэгтэйгээр 2019-2021 онд хэрэгжүүлж байна.

ЮНЕСКО-гийн Яаралтай хамгаалах шаардлагатай соёлын биет бус өвийн жагсаалтад 2011 онд бүртгэгдсэн “Монгол Лимбэчдийн уртын дуу хөгжимдөх уламжлалт арга барил-битүү амьсгаа” өвийг хамгаалах, түгээн дэлгэрүүлэх нь төслийн гол зорилго аж.

Төслийн хүрээнд Монгол Улсын Засгийн Газар, БСШУСЯ, Соёлын өвийн үндэсний төв болон шат шатны төрийн болон төрийн бус байгууллагуудын гаргасан хүчин чармайлтыг бэхжүүлэх, судалгааны ажлыг эрчимжүүлэх, өвлөн уламжлагчдыг алдаршуулах, залуу хойч үед өвлүүлэн уламжлуулах, сурталчлах, түгээн дэлгэрүүлэх чиглэлээр ажиллаж байна хэмээн Соёлын яамнаас мэдээлэв.

Categories
мэдээ нийгэм

EБС-ийн англи хэлний багш нарт зориулсан “Enrichment program-II” хөтөлбөр зарлагдлаа

АНУ-ын Элчин сайдын яам, Монгол дахь Америкт Төгсөгчдийн Холбоо (MASA), EducationUSA Mongolia хөтөлбөр, Лингорс, Xreading цахим номын сангийн Монгол дахь төлөөлөгч байгууллага хамтран улсын болон хувийн ерөнхий боловсролын бүх сургуулийн англи хэлний багш нарт зориулан “ENRICHMENT-2021” хөтөлбөрийг зарлажээ.

Монгол Улсын өнцөг булан бүрээс ерөнхий боловсролын сургуулийн англи хэлний 1,000 багшийг шалгаруулж тус хөтөлбөрт хамруулах юм. Хөтөлбөрийн төгсгөлд ТОП-30 англи хэлний багш тодорно.


Хөтөлбөрийн үе шатууд дараах хуваарийн дагуу явагдана:

-1-р шат: Тавдугаар сарын 24-ний өдрөөс зургаадугаар сарын 15 өдөр хүртэл 3 долоо хоног үргэлжлэх Уншлагын Марафон

-2-р шат: Зургаадугаар сарын 15-ны өдрөөс долдугаар сарын 25 өдөр хүртэл Massive Online Open Courses (MOOC) сургалтад хамрагдана. Тус сургалтад багш нар өөрийн тохиромжтой цагаа сонгон өгөгдсөн хугацаанд сургалтадаа хамрагдах боломжтой юм.

-3-р шат: Наймдугаар сарын 2-25-ны өдөр хүртэл “Америкт суралцах 5 алхам” болон хувь хүний хөгжлийн сургалтуудад хамрагдана.

Categories
амьдралын-өнгө мэдээ цаг-үе

Шар усны үерийн аюулаас сэрэмжлүүлж байна

2021 оны тавдугаар сарын 13-ны өдрийн байдлаар Сэлэнгэ мөрний нийт уртын дагууд болон Хэнтий нурууны баруун хажуугаас эхтэй Хараа, Ерөө, Хангай нурууны арын Орхон гол Сүхбаатар хот орчимд усны түвшин өмнөх өдрийнхөөс 10-50 см нэмэгдэж, олон жилийн дунджийг 30-155 см давсан байна.

Маргааш буюу тавдугаар сарын 14-ний өдөр Сэлэнгэ мөрний дунд болон адгаар усны түвшин 10-20 см нэмэгдэж, олон жилийн дунджийг 140-165 см даван үерлэнэ. Иймд дээрх голуудын эрэг дагуу суурьшиж, нутаглаж буй ард иргэдийг үерийн аюулаас болгоомжтой байж бага насны хүүхдэд тавих анхааралаа сайжруулахыг онцгойлон анхааруулж байна.

Categories
мэдээ спорт

Олимпод оролцох 3х3 сагсан бөмбөгийн эмэгтэй шигшээ “Гран-При” тэмцээнд өрсөлдөнө

Монгол Улсаа төлөөлөн олимпод оролцох 3х3 сагсан бөмбөгийн эмэгтэй шигшээ баг FIBA3x3 Women’s Series – 2021 буюу Эмэгтэйчүүдийн мэргэжлийн гран-при тэмцээнд оролцохоор болсон. Тодруулбал, FIBA3x3 Women’s Series – 2021 тэмцээн энэ сарын 15-16-нд Дани, 21-22-нд Франц улсад болох юм.

Үүнээс

Categories
мэдээ нийгэм

“Мөнх тэнгэрийн бичиг-2020” үзэсгэлэнгийн шилдгүүдэд шагнал гардууллаа

“Мөнх тэнгэрийн бичиг” монгол уран бичлэгийн үзэсгэлэнг цар тахлын нөхцөл байдлын улмаас хойшлуулаад байсан билээ. Тэгвэл Монгол Улсын Ерөнхийлөгч Х.Баттулга өнөөдөр “Мөнх тэнгэрийн бичиг-2020” монгол уран бичлэгийн үзэсгэлэнгийн шилдэг оролцогчдод өргөмжлөл, мөнгөн шагнал, гарын бэлэг гардууллаа.

Их Эзэн Чингис хааны мэндэлсэн “Монгол бахархлын өдөр”-т зориулан Монгол Улсын Ерөнхийлөгчийн санаачилгаар жил бүр зохион байгуулдаг билээ.

Тэгвэл тавдугаар сард тохиож буй Үндэсний бичиг үсгийн баярыг тохиолдуулан Монгол Улсын Ерөнхийлөгчийн Тамгын газраас “Мөнх тэнгэрийн бичиг-2020″ үзэсгэлэнг “Жэй Си Дэко Монгол” ХХК-тай хамтран автобусны буудал, гудамжны мэдээллийн байгууламж, дижитал дэлгэцээр дамжуулан тавдугаар сарын 12-ноос 25-ны өдрүүдэд олон нийтэд толилуулж байна.


Categories
мэдээ улс-төр

Монголын ард түмнээс цугларсан хандивыг Энэтхэгийн элчин сайдад хүлээлгэн өглөө

Улсын Их Хурлын гишүүн, УИХ дахь Монгол-Энэтхэгийн парламентын бүлгийн дарга Б.Саранчимэг өнөөдөр буюу тавдугаар сарын 13-нд Бүгд Найрамдах Энэтхэг Улсаас Монгол Улсад суугаа Онц бөгөөд Бүрэн эрхт элчин сайд М.П.Синхгтэй уулзаж, Монголын ард түмнээс цугларсан хандивыг хүлээлгэн өглөө.

УИХ дахь Монгол-Энэтхэгийн парламентын бүлгийн дарга Б.Саранчимэг цар тахлын нөхцөл байдал хүндэрсэн Энэтхэгийн ард түмэнд туслах хандивын аяныг санаачлан #TogetherForIndia уриалга гаргаж, иргэн Г.Ганбат болон “Өгөх өдөр хөдөлгөөн” ТББ-тай хамтран амжилттай зохион байгуулсан юм.

Categories
амьдралын-өнгө мэдээ

Увс аймагт аялагчдын тав тухыг хангасан отоглох цэгүүдийг нэмж байгуулна

Отоглох цэг гэдэг нь машины зогсоол, майхан барих, ил гал түлэх тусгай талбай, эко жорлон , хогийн цэг, гэрэлтүүлэг, сандал, саравч, бүхий цогц орчин юм.

Энэ нь Увс аймгийг зорин ирсэн аялагч, жуулчдын хувьд тав тухтай, цэвэр орчинд амарч зугаалаад байгаль орчиндоо ээлтэй аялахад чухал цэг болно.
Өнгөрсөн жилийн намар Хяргас нуурын Хэцүү хад, Хар тэрмис, Увс нуурын хөвөөнд тус тус хийгдэж байсан бол энэ жил нэмж жуулчдын хөдөлгөөн ихтэй 5 цэгийг сонгож тохижуулахаар болжээ.

гадаа гэх мэтийн зураг байж болно