Эрүүл мэндийн яамнаас коронавирусийн нөхцөл байдлын талаарх ээлжит мэдээллээ өгсөн. Энэ үеэр өнгөрсөн хоногт 541 хүнээс коронавирус илэрч, хоёр хүн нас барсан талаар мэдээлсэн.
Тэгвэл өнөөдрийн байдлаар 4256 иргэн хэвтэн эмчлүүлж байгаагаас 103 хүний биеийн байдал нэн хүнд байна.
Тодруулбал, хэвтэн эмчлүүлж байгаа иргэдийн 2220 нь биеийн байдал хөнгөн, 1406 хүндэвтэр, 527 хүнд, 103 хүний биеийн байдал маш хүнд байна.
Харамсалтайгаар амиа алдсан тэмээчин бүсгүй Н.Байгалмаагийн хадам ээж, Цэнхэр үст Цэрэн эмгэнэл илэрхийлжээ.
Тэрээр “Ямар аймшгийн, хатуу мэдээ сошиалаас олж сонсов оо. Бусдыг фэйсбүүк хакердаж гэж хаширлаад байсан юм. Харин хүмүүс талийгаачийн ээжийн хийсэн лайвыг явуулж байж л итгэлээ.
Салсан гэдэг ч хажууд нь хань түшиг болсон хүүдээ эмгэнэл илэрхийлье.
Охиноо алдсан эх Норжмаад эмгэнэл илэрхийлье. Хорвоогийн хар цагааныг ялгаж амжаагүй хоёр охиндоо эмгэнэл илэрхийлье” гэж фэйсбүүктээ постолжээ.
Итали улс аялал жуулчлалын улирал ойртон ирж буйтай холбогдуулан Европын Холбоо болон бусад улс орнуудаас ирэх жуулчдад зориулж тусгаарлалтын журмыг цуцлах төлөвтэй байна.
Тус улсын Эрүүл мэндийн яамны мэдээлснээр, ням гаргаас эхлэн Европын Холбоо, Их Британи, Израилаас ирсэн иргэдийн коронавирусийн шинжилгээний хариу нь сөрөг гарсан бол тусгаарлалтанд хамруулахгүй аж.
Түүнчлэн Ковидгүй нислэг гэгдэх нислэгийнхээ чиглэлүүдийг Канад, Япон, АНЭУ болгож нэмэгдүүлэх юм байна.
Коронавирусийн халдварт өвчний нөхцөл байдал тогтворжиж буйтай холбоотойгоор Италийн нутаг дэвсгэр нэлэнхийдээ халдварт өвчний эрсдэл багатай бүс рүү шилжин оржээ.
Италийн “Corrier della Sera” сонины мэдээлснээр, эрсдэл өндөртэй “улбар шар” бүсэд зөвхөн тус улсын баруун хойд жижиг муж Валле д’Аоста үлдээд байгаа аж.
Эрүүл мэндийн байгууллагуудын мэдээлснээр, вакцинжуулалтын кампанит ажил өрнөж эхэлснээр эмнэлэгт хэвтэн эмчлүүлж буй өвчтөнүүдийн тоо хоёр дахин буурчээ. Пескара мужийн Феррар хотын их сургуулийн мэргэжилтнүүдийн явуулсан судалгаанд дурдсанаар, вакцинжуулалтын аяны үр дүнд тус бүсэд халдварын тохиолдол 95 хувиар буурсан байна. Үүнээс гадна хүнд хэлбэрээр тусах тохиолдол 99 хувь, хүндрэлийн улмаас нас барах тохиолдол 90 гаруй хувиар тус бүр буурчээ. Нэгдүгээр сарын 2-ноос дөрөвдүгээр сарын 24-ний хооронд явуулсан уг судалгаанд 40 мянга хүн оролцсон байна. Үүний зэрэгцээ судлаачид Их Британи, Шведийн “AstraZeneca” вакцины үр дүнг батлан мэдэгджээ.
Италийн Засгийн газар хязгаарлалтыг аажмаар сулруулах хуваариа даваа гаригт эргэн харах аж. Спорт заал, усан бассейн, зоогийн газруудыг товлосон хугацаанаас нь эрт нээж магадгүй байна. Эдгээр газрыг 6 дугаар сарын 1-нээс нээх төлөвтэй байжээ. Үүнээс гадна хөл хорионы цагийг 22:00 цагаас 23:00 болгож хойшлуулах боломжийг хэлэлцэх аж.
Токиогийн олимп зохион байгуулах хороо цар тахлын халдвар нэмэгдэхээс урьдчилан сэргийлэх үүднээс Олимпийн наадамд оролцох гаднын зочид, төлөөлөгчдийн тоог цөөлөх бодлого барьж байна.
Тус хороо цар тахал гарахаас өмнө Олимпийн наадамд гаднын улс орнуудаас ирэх зочид, сэтгүүлчдийн тоог 180 мянга байхаар тооцоолж байсан. Харин одоо энэ тоог 50 хувиар буюу 90 мянга болгож бууруулахаар хэлэлцэж байгаа аж. “Ковид-19″ цар тахлын улмаас Токиогийн Олимпийн наадмыг нэг жилээр хойшлуулснаас хойш зохион байгуулагч орны зүгээс гадны үзэгч хүлээн авахгүй байхаар шийдвэрлэсэн.
Тус улсын дотоодод “Олимпийн наадмыг бүр цуцла” гэсэн шаардлага сүүлийн өдрүүдэд нэмэгдсэн учраас зохион байгуулагчид цар тахлын халдварын эрсдэлийг бууруулах арга хэмжээ авч байгаагийн нэг нь гаднын зочид сэтгүүлчдийн тоог хязгаарлах юм. Сүүлийн өдрүүдэд Япон улсад цар тахлын халдварын тархалт эргээд нэмэгдсэнтэй холбогдуулж, тус улсын засгийн газар онц байдлын хугацааг 5 дугаар сар дуустал сунгаж, нэмж гурван мужид онц байдал тогтоож байна.
Тус улсын засгийн газар зуны Олимпийн наадмыг аюулгүй, амжилттай зохион байгуулах амлалт авсан. Энэ үүднээсээ тус улсын засгийн газар Олимпоос өмнө цар тахлын халдварыг хязгаарлах, эрүүл мэндийн салбарынхаа ачааллыг бууруулах, вакцинжуулалтаа хурдасгах зэрэг алхмуудыг хийж авч байна.
УИХ-ын даргын дэргэдэх зөвлөл өнгөрсөн Баасан гаригт хуралдаж, ирэх долоо хоногт намын бүлэг, ажлын хэсэг, байнгын, түр хороо болон чуулганы нэгдсэн хуралдаанаар хэлэлцэх асуудлын дарааллыг баталжээ.
НЭГ.УЛСЫН ИХ ХУРАЛ ДАХЬ НАМЫН БҮЛГИЙН ХУРАЛДААН:
Тавдугаар сарын 17-ны Даваа гаригт:
ХОЁР.АЖЛЫН ХЭСГИЙН ХУРАЛДААН:
Тавдугаар сарын 17-ны Даваа гаригт:
Тавдугаар сарын 19-ний Лхагва гаригт:
Тавдугаар сарын 20-ны Пүрэв гаригт:
Тавдугаар сарын 21-ний Баасан гаригт:
ГУРАВ.ТҮР ХОРООНЫ ХУРАЛДААН:
Тавдугаар сарын 18-ны Мягмар гаригт:
1.Түр хорооны хуралдаан /“Оюу толгой ордын ашиглалтад Монгол Улсын эрх ашгийг хангуулах тухай” Монгол Улсын Их Хурлын 2019 оны 92 дугаар тогтоолын хэрэгжилтэд хяналт тавих, шаардлагатай бол санал боловсруулж, дүнг нэгдсэн хуралдаанд танилцуулах үүрэг бүхий/ 14.30 цагаас Жанжин Д.Сүхбаатар танхимд /хаалттай/:
Хэлэлцэх асуудал:
ДӨРӨВ.БАЙНГЫН ХОРООНЫ ХУРАЛДААН:
Тавдугаар сарын 18-ны Мягмар гаригт:
1.Эдийн засгийн байнгын хорооны хуралдаан 10.00 цагаас Их Эзэн Чингис хаан танхимаас цахим хэлбэрээр хуралдана:
Хэлэлцэх асуудал:
2.Нийгмийн бодлогын байнгын хорооны хуралдаан 11.00 цагаас Жанжин Д.Сүхбаатар танхимаас цахим хэлбэрээр хуралдана:
Хэлэлцэх асуудал:
3.Байгаль орчин, хүнс, хөдөө аж ахуйн байнгын хорооны хуралдаан 14.00 цагаас “Их Эзэн Чингис хаан” танхимаас цахим хэлбэрээр хуралдана:
Хэлэлцэх асуудал:
4.Аюулгүй байдал гадаад, бодлогын байнгын хорооны хуралдаан 15.00 цагаас Үндсэн хууль танхимаас цахим хэлбэрээр хуралдана:
Хэлэлцэх асуудал:
Тавдугаар сарын 19-ний Лхагва гаригт:
1.Төрийн байгуулалтын байнгын хорооны хуралдаан 11.00 цагаас Жанжин Д.Сүхбаатар танхимаас цахим хэлбэрээр хуралдана:
Хэлэлцэх асуудал:
2.Хууль зүйн байнгын хорооны хуралдаан 12.00 цагаас Жанжин Д.Сүхбаатар танхимаас цахим хэлбэрээр хуралдана:
Хэлэлцэх асуудал:
ТАВ.ЧУУЛГАНЫ НЭГДСЭН ХУРАЛДААН:
Тавдугаар сарын 20-ны Пүрэв гаригт 10.00 цагаас 5 танхимаар биечлэн хуралдана:
Тавдугаар сарын 20-ны Пүрэв гаригт 14.00 цагаас цахим хэлбэрээр хуралдана:
Тавдугаар сарын 21-ний Баасан гаригт 10.00 цагаас цахим хэлбэрээр хуралдана:
Хүдэрчулууны Энхжин бүсгүй өчигдөр буюу тавдугаар сарын 15-нд анхны бие даасан нислэгээ гүйцэтгэн ATR-72 агаарын хөлгийн нисгэгч болжээ.
Монголын агаарын тээвэрт ажиллаж буй хоёрхон эмэгтэй нисэгчийн нэг нь Хүдэрчулууны Энхжин. Х.Энхжин Канад улсад нисгэгчийн мэргэжлээр суралцан төгсчээ. Тэр оюутан байхдаа 280 цагийн нислэг үйлдсэн байна.
Монголын агаарын тээврийн салбарт 1934 оноос эмэгтэй нисгэгчид ажиллаж эхэлсэн байна. Өнгөрсөн хугацаанд 12 эмэгтэй нисгэгч агаарын хөлгийг жолооджээ. Харин Х.Энхжин 13 дахь эмэгтэй нисэгч болон бичигдэж байна.
Газын зурвасаас пуужингууд харвасантай холбогдуулан аюулгүй байдлын үүднээс гадаадын агаарын тээврийн бүх компани Израиль руу үйлдэх нислэгүүдээ цуцалжээ.
Израилийн “Kan” радиостанцын бямба гаригт мэдээлснээр, Израиль руу үйлдэх нислэгээ хамгийн сүүлд түр зогсоосон агаарын тээврийн компаниудын нэг нь АНЭУ-ын компани байсан аж.
Израилын цэргүүд болон Газын зурвас дахь Палестины бүлэглэлүүд тавдугаар сарын 10-наас хойш харилцан пуужингийн цохилт өгсөөр байгаа юм. Үүнээс хойш Палестины нутаг дэвсгэрээс Израилын хотуудад дор хаяж 2300 пуужин харвасан байна.
Лос-Анжелес Лейкерс багийн домогт тамирчин Коби Брайнтын нэрийг Жеймс Нейсмитын нэрэмжит сагсан бөмбөгийн алдрын танхимд мөнхөлжээ.
Нэрт тамирчны нэрийг мөнхлөх ёслолын ажиллагаа Коннектикут муж улсын Анкасвилл тойрогт болсон байна.
Үндэсний сагсан бөмбөгийн холбооны /NBA/ таван удаагийн аварга, Олимпын хошой аварга, бүх оддын тэмцээнд 18 удаа оролцсон К.Брайант Лейкерс багийн олон амжилтыг эзэмшдэг бөгөөд үүнд хамгийн олон тоглолтод оролцсон, олон оноо авсан, олон удаа бөмбөг тасалсан зэрэг багтдаг юм.
Коби Брайнтаас гадна Тим Данкан, Кевин Гарнетт зэрэг Үндэсний сагсан бөмбөгийн холбооны аваргууд, мөн тус холбооны эмэгтэй аварга, олимпын аварга Тамика Кэтчинс, дасгалжуулагч Руди Томьянович, Ким Малки, Барбара Стивенс, Эдди Саттон, менежер Патрик Бауман нарыг Алдрын танхимд элсүүлжээ.
Сагсан бөмбөгийн Алдрын танхимд мөнхлөхөөр шигшигдсэн тамирчдын нэрсийг 2020 оны 4 дүгээр сард зарласан юм. Ёслолын ажиллагаа 8 дугаар сард болох ёстой байсан хэдий ч коронавирусний цар тахлын улмаас хойшлогдсон аж.
Коби Брайант өнгөрсөн оны нэгдүгээр сард нисдэг тэрэгний ослоор амиа алдсан билээ. Ослын улмаас амиа алдсан нисгэгч, 8 зорчигчийн дунд түүний охин Жианна байсан юм.
Тавдугаар сарын 15-ны өдрийн байдлаар нийслэлийн насанд хүрсэн иргэдийн 94,9 хувь нь шинэ коронавирусээс урьдчилан сэргийлэх вакцины нэгдүгээр тундаа хамрагджээ.
Тодруулбал, 94.9 хувь буюу 904.089 нь I тунд хамрагдсан бол 52 хувь буюу 495.738 нь II тунд хамрагдаад байна.
Өчигдөр нийслэлийн хэмжээнд
Коронавируст халдварын нөхцөл байдлын талаар Эрүүл мэндийн яам ээлжит мэдээллээ хүргэж байна.
ЭМЯ-ны Хэвлэлийн төлөөлөгч Б.Ууганбаяр “Сүүлийн 24 цагт 541 хүнээс халдвар илэрлээ.
Эдгээрийн нь 511 Улаанбаатар хотод, 30 орон нутагт байна. Ингэснээр Улсын хэмжээнд нийт батлагдсан тохиолдол 48642 боллоо.
Мөн хоёр иргэн нас барж, ковид шалтгаант нас баралт 207 болж байна.
Сүүлийн 24 цагт 1306 хүн эдгэрч, эмнэлгээс гарлаа. Ийнхүү нийт эдгэрсэн хүний тоо 40900 болов.
