Month: May 2021

Хүүхдүүд технологийн хэрэглээнд донтсоноор хөдөлгөөний дутагдалд орж, хэт таргалах эрсдэлтэй байна гэж Туркийн судлаач үзжээ.

“Хүүхдүүд гар утас, таблет, компьютерийн тоглоомд донтож буй нь бие махбодод нь сөргөөр нөлөөлж байна. Тэд компьютер, гар утас, зурагтын өмнө цагаа өнгөрүүлснээр суугаа хэв маягт орж байна” гэж нийгмийн сүлжээний мэргэжилтэн Дениз Унай “Anadolu” агентлагт мэдээлжээ.

Ийнхүү дэлгэцийн өмнө удаан байх нь хэт таргалах эрсдэл учруулж болзошгүйг тэрбээр хэлээд, орчин үед хоёр настай хүүхэд ч таблет, ухаалаг гар утас ашиглах болсныг дурджээ.

Дэлхийн эрүүл мэндийн байгууллагын мэдээллээр, 2019 онд дэлхийн хэмжээнд 5-аас доош насны 38.2 сая хүүхэд жингийн илүүдэлтэй юм уу хэт тарган байжээ. Энэхүү үзүүлэлт нь 1975-аас 2016 онд ойролцоогоор гурав дахин өссөн байна.

“Технологийн хэрэглээ нэмэгдэж байгаагийн зэрэгцээ хүмүүс улам залхуу болж байгаатай холбоотойгоор хэт таргалалтаас зайлсхийхэд улам хүндрэлтэй болж байна. Таргалалт нь эрүүл мэндэд, тэр дундаа хүүхдүүдийн эрүүл мэндэд ноцтой асуудлыг үүсгэж болзошгүй юм” гэж Д.Унай ярьжээ.

Түүний хэлснээр, хүүхдүүдийн хувьд таргалалтаас үүдэн чихрийн шижин үүсэх, элэг өөхлөх, холестерины хэмжээ ихсэх, нойргүйдэх, тэнцвэр алдагдах, мөн бага насандаа нуруу гэх мэт ясны байрлал буруу болох зэрэг эрүүл мэндийн асуудал үүсэж болзошгүй байна.

Мөн хүүхдүүд таргалах нь генийн хүчин зүйл, даавар, амьдралын хэв маягтай холбоотой. “Хэрэв хүүхдийн эцэг эх нь илүүдэл жинтэй бол хүүхэд хэт таргалах магадлал 80 орчим хувь байдаг бол эцэг эхийн хэн нэгэн нь илүү жинтэй юм уу хэт тарган бол энэ үзүүлэлт 40 хувь байдаг” гэж тэрбээр ярьжээ.

Түүнчлэн дааврын эмгэгүүд нь таргалах эрсдэлийг нэмэгдүүлдэг байна. Гэсэн хэдий ч генийн хувьд таргалах эрсдэл бага байсан ч технологид донтох нь таргалахад нөлөөлнө гэдгийг тэрбээр онцлон хэлсэн байна.

Түргэн хоолыг шагнал урамшуулал болгон идүүлэхгүй байх хэрэгтэй

Мөн Д.Унай хүүхдүүддээ эрүүл бус хоолыг шагнал урамшуулал болгон идүүлэхгүй байхыг эцэг эхчүүдэд анхааруулжээ. Түүний хэлснээр, энэ нь түргэн хоол идэх дуршлыг улам нэмэгдүүлдэг байна.

“Хүмүүс зар сурталчилгаанд автан чихэр, нүүрс ус ихтэй бүтээгдэхүүнүүдийг сонгож, гэртээ хоол хийхээс илүү идэхэд бэлэн хоол хүнсийг хэрэглэх болоод байна. Энэ нь өдөрт дасгал хөдөлгөөн бага хийдэг хүмүүсийн хувьд ноцтой эрсдэлийг учруулж байна” гэж тэрбээр ярьжээ.

Иймээс таргалахаас сэргийлэхийн тулд хүнсний ногоо, жимс жимсгэнийг түлхүү хэрэглэж, түргэн хоолноос татгалзаж, хүүхдүүдийн зурагт, компьютерийн хэрэглээг хязгаарлах хэрэгтэй байна. Мөн дасгал хөдөлгөөн хийх цагийг нэмэгдүүлэх, технологийг хэрхэн зохистой ашиглах мэдлэгийг олж авснаар таргалах эрсдэлийг бууруулах боломжтой болохыг судлаач нэмж хэлжээ.

Хэт олон цагаар ажиллах нь жил бүр хэдэн зуун мянган хүний нас барах шалтгаан болж байгаа талаар ДЭМБ-ын судалгааны тайланд өгүүлжээ.

ДЭМБ анх удаа уртасгасан ажлын цагтай холбоотой эндэгдлийн талаар явуулсан судалгааныхаа тайланг өнөөдөр “Environment International” шинжлэх ухааны сэтгүүлд нийтлүүлсэн байна.

Судалгаагаар 2016 онд л гэхэд хэт олон цагаар ажилласан 745.000 хүн зүрх судасны өвчлөл, цус харвалтаар нас баржээ. Уг судалгааг Зүүн Өмнөд Ази болон Номхон далайн баруун эргийн бүс нутгийн улс орнуудад хийсэн байна.

Цар тахлын үед энэ байдал улам даамжирч, илүү олон хүн дээрх шалтгаанаар нас барж болзошгүйг ДЭМБ анхааруулжээ.

Долоо хоногт 55 болон түүнээс илүү цаг ажиллавал цус харвах магадлал 35 хувь, зүрх судасны өвчлөлөөр нас барах эрсдэл 17 хувиар нэмэгддэг байна. Хэт олон цаг ажилласнаас болж нас барсан хүмүүсийн дийлэнх буюу дөрвөн хүн тутмын гурав нь ахимаг насны эрчүүд байжээ.

ДЭМБ-ын тайланд дурдсанаар цар тахлын үед хөл хорио тогтоосон улс орнуудад ажлын цаг 10 хувиар уртассан байна. Иймд албан байгууллагууд ажилчдынхаа эрүүл мэндийн эрсдэлийг анхаарахыг уриалаад, энэ нь ажлын бүтээмжид ч сайнаар нөлөөлөхийг онцолсон байна.

Хот байгуулалт, хөгжлийн газраас Нийслэлийн Засаг даргын захирамжаар ашиглалтын шаардлага хангахгүй нийтийн зориулалттай орон сууцны жагсаалтад орсон дараах барилгуудыг буулган, шинээр барина.

Иймд барилгажилтын төслийг боловсруулж, буулган шинээр барих ажлыг гүйцэтгэх эрх бүхий аж ахуй нэгж байгууллагыг сонгох шалгаруулалтад урьж байна.

1. Баянгол дүүргийн 2 дугаар хорооны 1, 2, 3 дугаар байр, нийт 1.32 га
2. Баянгол дүүргийн 2 дугаар хорооны 5, 6, 7 дугаар байр, нийт 1.38 га
3. Баянгол дүүргийн 20 дугаар хорооны БХН-30, БХ-2-27 дугаар байр, нийт 0.64 га
4. Баянгол дүүргийн 20 дугаар хорооны БХ-1-27, БХН-48, АТ-12, ОС-8, ТТЭ-37 дугаар байр, нийт 1.6 га
5. Баянзүрх дүүргийн 16 дугаар хорооны Цэргийн 21,.22 дугаар байр, нийт 0.39 га
6. Баянзүрх дүүргийн 8 дугаар хорооны 48в байр, нийт 0.13 га
7. Баянзүрх дүүргийн 10 дугаар хорооны Хөдөө аж ахуйн хангамжийн ажилчдын байр, 0.31 га
8. Баянзүрх дүүргийн 11 дүгээр хорооны Хонхорын сургуулийн багш, ажилчдын байр, нийт 0.21 га
9. Баянзүрх дүүргийн 23 дугаар хорооны Оффицерүүдийн 1, 2, 3 дугаар байр, 0.34 га
10. Баянзүрх дүүргийн 23 дугаар хорооны Улиастайн 2, 3, 4, 5, 6, 7, 8, 9, 10 дугаар байр нийт 1,23 га
11. Баянзүрх дүүргийн 19 дүгээр хорооны 5 дугаар байр, нийт 0.26 га
12. Хан-Уул дүүргийн 10 дугаар хорооны Нисэхийн 34, 35 дугаар байр, нийт 0.52 га
13. Хан-Уул дүүргийн 12 дугаар хорооны Биокомбинатын 39 дүгээр байр, нийт 0.26 га
14. Хан-Уул дүүргийн 3 дугаар хорооны Арьс ширний 31 дүгээр байр, нийт 0.2 га
15. Хан-Уул дүүргийн 11 дүгээр хорооны Сүрьеэгийн эмнэлгийн ажилчдын орон сууцны 20 дугаар байр, нийт 0.26 га
16. Хан-Уул дүүргийн 3 дугаар хорооны Талхны 20 дугаар байр, нийт 0.15 га
17. Сонгинохайрхан дүүргийн 18 дугаар хорооны Ст-1, Ст-2, Ст-3 дугаар байр, нийт 0.84 га
18. Сонгинохайрхан дүүргийн 18 дугаар хорооны Ст-4, Ст-5 дугаар байр, нийт 0.64 га
19. Сонгинохайрхан дүүргийн 19 дүгээр хорооны 1-48, 2-48, 4-48 дугаар байр, нийт 0.27 га
20. Сонгинохайрхан дүүргийн 20 дугаар хорооны Нефьтийн 1, 2, 3 дугаар байр нийт 0.79 га
21. Сонгинохайрхан дүүргийн 27 дугаар хорооны 33 дугаар байр, нийт 0.19 га
22. Сонгинохайрхан дүүргийн 7 дугаар хорооны ХЦ 20 дугаар байр, нийт 0.32 га
23. Сонгинохайрхан дүүргийн 27 дугаар хорооны 2А дугаар байр, нийт 0.16 га
24. Сонгинохайрхан дүүргийн 27 дугаар хорооны Махны 16 дугаар байр, нийт 0.05 га
25. Сонгинохайрхан дүүргийн 27 дугаар хорооны 1-12, 2-12 дугаар байр, нийт 0.64 га
26. Сонгинохайрхан дүүргийн 7 дугаар хорооны 76-1, 76-2 дугаар байр, нийт 0.68 га
27. Сонгинохайрхан дүүргийн 19 дүгээр хорооны 3-20 дугаар байр, нийт 0.2 га
28. Сонгинохайрхан дүүргийн 20 дугаар хорооны 48 дугаар байр, нийт 0.48 га
29. Сонгинохайрхан дүүргийн 22 дугаар хорооны Хилчин 1-36, 2-36 дугаар байр, нийт 1.0 га
30. Сүхбаатар дүүргийн 10 дугаар хорооны нутаг дэвсгэрт байрлах 1, 2, 3, 4, 6, 9, 10 дугаар байр, нийт 1.56 га

Төсөл хэрэгжүүлэхийг сонирхож буй этгээд нь төсөл хэрэгжүүлэгчийн сонгон шалгаруулалтын баримт бичгийг авах хүсэлтээ албан бичгээр ирүүлэх бөгөөд эргэн төлөгдөхгүй нөхцөлтэйгөөр 300,000 (гурван зуун мянган) төгрөгийн төлбөрийн баримтын эх хувийг хавсаргасан байна. Нийслэлийн төрийн сан банк: УБ, Хот байгуулалт, хөгжлийн газар 100200051054 тоот дансанд компанийн нэр, төслийн баримт бичгийн нэр, багцын дугаар, дансыг тодорхой бичсэн байна.

Урилгын дагуу төсөл хэрэгжүүлэгчийн сонгон шалгаруулалтын баримт бичгийг худалдан авч танилцсан этгээд төсөл хэрэгжүүлэх саналаа зааврын дагуу битүүмжилсэн байдлаар эх хувь, хуулбар хувь, цахим хувийг бэлтгэн 2021 оны 6 дугаар сарын 14-ны өдрийн 15.00-16.00 цагийн хооронд Нийслэлийн Засаг захиргааны II байр, Хангарди ордон, Хот байгуулалт, хөгжлийн газар, 13 давхрын 1308 тоотод хүлээлгэн өгөх бөгөөд тухайн өдрийн 16:30 цагт сонирхогчдод оролцогчдын мэдээллийг нээлттэй зарлана.

Оролцогчийн санал гаргагч нь сонгон шалгаруулалтын баримт бичигт тусгагдсан болон дор дурдсан нийтлэг материалуудыг бүрдүүлсэн байна. Үүнд:

• Аж ахуйн нэгж байгууллагын гэрчилгээ, тусгай зөвшөөрлийн хуулбар, ерөнхий танилцуулга
• 2019, 2020 оны санхүүгийн тайлан, аудитын дүгнэлт
• Татвар, нийгмийн даатгал, банк болон бүх шатны шүүх, шийдвэр гүйцэтгэлийн газраас авсан тодорхойлолт
• Нотариатаар баталгаажуулсан гэрээ /Түншлэлийн хувьд талууд хамтран ажиллахаа илэрхийлсэн түншлэлийн гэрээ эсхүл барилга угсралт, зураг төсөл зэрэг үйл ажиллагааг гүйцэтгэх, хамтран ажиллах, туслан гүйцэтгэх гэрээ/
• Барилгажилтын төсөл /Загвар зураг, гадна шугам сүлжээний шийдэл/
• Төсөл хэрэгжүүлэх аргачлал, төлөвлөгөө, сараар гаргасан үйл ажиллагааны нарийвчилсан төлөвлөгөөний хамт
• Оршин суугчдыг төсөл хэрэгжүүлэх хугацаанд түр суурьшуулах төлөвлөгөө
• Зураг төслийн болон барилга угсралтын ажлын туршлага, сүүлийн 3 жилд хийж гүйцэтгэсэн барилга, хөрөнгө оруулалтын мэдээлэл.
• Санхүүгийн эх үүсвэр /төсөлд шаардагдах нийт хөрөнгө оруулалтын эх үүсвэрийг нотолсон дансны хуулга, зээлжих эрх, банкны баталгааг Монгол хэлээр орчуулж баталгаажуулсан байх/

2021 оны зургадугаар сарын 14-25-ны хооронд болох тээврийн хэрэгслийн дуудлага худалдааны хуваарь, улсын дугааруудыг танилцуулж байна.

Инновацийн 7 хоногийн хүрээнд:

Үндэсний инновацийн хөгжил чуулга уулзалт, инновацийн шилдэг бүтээгдэхүүн, үйлчилгээний олон улсын цахим үзэсгэлэн, эрдэм шинжилгээний хурал, сургалт болон залуу судлаач, оюутнуудын бизнесийн гарааны бизнес уралдааныг зохион байгуулж байна. 2017 оноос хойш зохион байгуулж буй бизнес уралдаанд энэ жил мэдээллийн технологи, биотехнологийн чиглэлээр шинэлэг санаа гаргасан 15 баг шалгараад байна. Эдгээр баг өнөөдрөөс бизнес төслөө танилцуулж бизнес хөгжлийн сургалтад хамрагдаж, энэ сарын 21-нд хөрөнгө оруулалт авах багууд шалгарна.

Цаг уурын байгууллагын ирүүлсэн мэдээллээр өнөөдөр буюу 17-ны өдрийн байдлаар Хөвсгөлийн уулсаас эхтэй Үүр, Хэнтий нурууны баруун хажуугийн Тэрэлж, Ерөө, Алтай нуруунаас усжих Ховд, Булган, Увс нуурын савын Хангилцаг зэрэг голуудын усны түвшин өмнөх өдрийнхөөс 5-20 см нэмэгдэж, олон жилийн дунджийг 5-65 см давсан байдалтай байна.

Мөн Сэлэнгэ мөрний нийт уртын дагууд усны түвшин аажим буурсан хэдий ч олон жилийн дунджийг 30-135 см давсан хэвээр нэлээд элбэг устай байна.

Иймд:

• Гэр, хашаа, саравч, орон байраа гуу жалга, голын ойролцоо барьж суурьшихгүй байх,
• Бага насны хүүхдийг гол усны ойролцоо тоглуулахгүй байх, хүүхдэд тавих хараа, хяналтаа сайжруулах,
• Үерийн ус зайлуулах суваг шуудуу татах, далан хашлага барих зэргээр өөрийн болон бусдын амь нас , эрүүл мэнд, эд хөрөнгийг болзошгүй гамшиг ослоос урьдчилан сэргийлэх,
• Голын усны түвшин нэмэгдэж, үерийн байдалд шилжсэн үед баталгаагүй зам, гармаар зорчихгүй байхыг Онцгой байдлын ерөнхий газраас сэрэмжлүүлж байна