Month: May 2021

Categories
амьдралын-өнгө мэдээ

Эхээсээ төөрсөн бамбаруушийг долдугаар сард байгальд тавина

Хөвсгөл аймгийн Эрдэнэбулган сумын малчин айлд энэ сарын 16-нд эхээсээ төөрсөн бамбарууш иржээ. Түүнийг байгальд нь тавьсан боловч буцаж ирээд байсан тул Эрдэнэбулган сумын удирдлагуудад хандсан байна.

Тус сумын Шуурхай баг хуралдаж БОАЖЯ, аймгийн БОАЖГ-аас өгсөн зөвлөмж, чиглэл, мэргэжлийн байгууллагын дүгнэлтээр бамбаруушийг тэжээн амьдрах чадвартай болохоор нь энэ оны долдугаар сард байгальд тавихаар болжээ.

Эрдэнэбулган сумын Байгаль орчин, тогтвортой хөгжлийн бодлогын тасгийн дарга Г.Баярбат бамбаруушийг хариуцан тэжээж байгаа бөгөөд өглөө оройдоо 500 мл бүлээн сүү, жимс, молоко өгч байгаа аж. Яваандаа идэш тэжээлийг нэмэгдүүлж, мах, борц, оготно хулгана, шоргоолж, зөгийн бал, мөөг зэрэг шаардлагатай хүнс тэжээлээр тэжээх юм байна. Бамбарууш 3 сартай зургаан кг жинтэй, 48 см өндөртэй гэнэ.

Бамбаруушийн эхийг эрэн хайх ажлыг холбогдох хүмүүс хийж байгаа бөгөөд бамбаруушийг өөрөө хоол тэжээлээ олох чадвартай болох хүртэл тусгай торонд хашиж хамгаалах аж.

Categories
гадаад мэдээ

Мьянмарын гоо бүсгүйчүүдэд баривчлах тушаал иржээ

Мьянмарын 2020 оны гоо бүсгүй Тузар Винт Лвин болон олон улсын 2020 оны гоо бүсгүй Хан Лэй нар хунтын дэглэмийг эсэргүүцэн, дуу хоолойгоо өргөснөөсөө болж эх орондоо буцаж чадахааргүй болжээ.

Өдгөө 22 настай Тузар эх оронд нь өнгөрсөн онд болсон сонгуульд ардчилсан удирдагч Аун Сан Су Чигийн Үндэсний ардчилсан лиг нам үнэмлэхүй ялалт байгуулсныг болон тэрхүү ялалтыг хоёрдугаар сард армийнхан үгүйсгэж, төрийн эрх мэдлийг цэргийн хүчээр булаан авсан талаар олны өмнө нээлттэй ярьсан юм.

Han Lay protests

Тэрбээр 69 дэх удаагийн “Miss Universe” гоо бүсгүйн тэмцээнд оролцохоор явах хүртлээ Янгун хотын гудамжинд залуустай нэгдэн, хунтын дэглэмийн эсрэг жагсаалд оролцож байжээ. Харин тэмцээний үндэсний хувцасны төрөлд өрсөлдөхдөө Тузар АНУ-д урласан “Аймшиггүй хатан хаан” нэртэй хувцсыг амилуулж, “Мьянмарын төлөө!” хэмээх бичиг бүхий самбар барин алхаж, цахим хуудастаа эх оронд нь болж буй хүчирхийллийн тухай нийтлэл бичжээ. Мөн тэрбээр шилдэг 21 гоо бүсгүйн нэгээр шалгарсан үдшээ олны өмнө үг хэлэхдээ хунтын дэглэмийн эсрэг байр сууриа илэрхийлсэн байна.

Эх сурвалжуудын мэдээлж байгаагаар “Miss Myanmar” 2020 тэмцээний тэргүүн байрын шагналт Тузар Винт Лвин болон түүний хамтрагч “Miss Grand International 2020” тэмцээний ялагч Хан Лэй нарт Мьянмарын армиас баривчлах тушаал ирсэн аж.

Участница Мисс Вселенная из Мьянмы использует внешность для политической апелляции - Nachedeu

Эргэн санавал, гуравдугаар сард болсон “Miss Grand International 2020” тэмцээний эцсийн шатны шалгаруулалт дээр Хан Лэй эх орондоо болж буй үйл явдлын тухай ярьж, олон улсаас тусламж хүссэн юм.

Categories
мэдээ нийгэм цаг-үе

Нийслэлчүүдийн 60.8 хувь нь вакцины II тунд хамрагдлаа


Тавдугаар сарын 22-нд нийслэлийн хэмжээнд I тунд 1727, II тунд 15055, нийт 16782 иргэнийг дархлаажуулалтад хамрууллаа.

Вакцинжуулалт эхэлснээс хойш нийслэлийн 18-аас дээш насны иргэдийн 98.5 хувь буюу 938665 нь I тунд, 60.8 хувь буюу 579498 нь II тунд хамрагдаад байна.

Categories
гадаад мэдээ

“Eurovision” наадамд Итали хамтлаг тэргүүн байр эзэллээ

Нидерландын Роттердам хотын “Ахой” аренад Европын шилдэг хамтлаг, дуучдыг шалгаруулдаг “Eurovision” наадам зохион байгуулагдаж, Италийн “Måneskin” хамтлаг түрүүллээ. Бямба гаригийн үдэш эхэлсэн тус наадмын сүүлийн шалгаруулалтад 26 оролцогч өрсөлджээ. Хэдийгээр Covid-19-ийн нөхцөл байдал хүнд байгаа ч 3500 хүн тус наадмыг эхлэхээс хэдхэн цагийн өмнө шинжилгээ өгч, үзэж сонирхсон байна.

“Eurovision” наадам шүүгчдийн онооноос гадна Европын нутаг дэвсгэрт телевизийн шууд дамжуулалтаар үзэгчдийн санал цуглуулдаг. Энэ удаа “Måneskin” хамтлагийн “Zitti e Buoni” уран бүтээл нийтдээ 524 оноо цуглуулжээ.

Eurovision” уралдаанд Итали тэргүүн байр эзэллээ

Наадмын хоёрдугаар байранд Францын төлөөлөгч Барбара Прави, гуравдугаарт Швейцарийн жүжигчин Жон Мухарремай нар шалгарчээ.

“Måneskin” нь Италийн Ром хотын рок хамтлаг юм. Тус хамтлагийн бүрэлдэхүүнд гоцлол дуучин Дамиано Дэвид, басс хөгжимчин Виктория Де Анжелис, гитарчин Томас Ражи, бөмбөрчин Этан Торчио нар багтдаг.

“Måneskin” хамтлаг 2017 оны Италийн “X Factor” шоуны хоёрдугаар байрт шалгарч байжээ. Мөн 2021 оны “Санремо” хөгжмийн наадамд түрүүлж, 2021 оны “Eurovision” наадамд Итали улсыг төлөөлөн “Zitti e buoni” дуугаараа ийн оролцсон байна.

Categories
амьдралын-өнгө мэдээ нийгэм

​Улаанбаатар-Дундговь чиглэлийн зам мөстөж, халтиргаатай байна

Улаанбаатар-Дундговь чиглэлийн “Ногоон дов”-ын даваа цас ихээр орсны улмаас цасанд дарагдаж, мөстсөн, халтиргаа гулгаа үүсээд байна.

Тиймээс тухайн чиглэлд хөдөлгөөнд оролцож буй тээврийн хэрэгслийн жолооч нар дулаан хувцас, шатахууны нөөц, аюулгүй байдлаа хангаж хөдөлгөөнд оролцохыг анхааруулж байна.

Categories
амьдралын-өнгө мэдээ нийгэм

Өнөөдөр зүүн аймгуудын нутгаар шороон шуурга шуурахыг онцгойлон анхааруулж байна

Нийслэлд үүлэрхэг. Хур тунадас орохгүй. Салхи баруун хойноос секундэд 7-12 метр. Өдөртөө 6-8 хэм дулаан байна.

Цаг агаарын аюултай үзэгдлээс сэрэмжлүүлэх мэдээ: Өнөөдөр Дорнодын нутаг, Сүхбаатарын зүүн хэсгээр салхи секундэд 18-20 метр, зарим үед секундэд 24 метрийг давж ширүүснэ.

Малчид, иргэд, тээвэрчид, тариаланчдын анхааралд: Өнөөдөр зүүн аймгуудын нутгийн зүүн хэсгээр хүчтэй салхи, шороон шуурга шуурахыг онцгойлон анхааруулж байна.

2021 оны тавдугаар сарын 23-ны 20 цаг хүртэлх цаг агаарын урьдчилсан мэдээ.

Хур тунадас: Ихэнх нутгаар үүлэрхэг. Төв болон зүүн аймгуудын нутгийн хойд хэсгээр нойтон цас орж, цасан шуурга шуурна. Бусад нутгаар хур тунадас орохгүй.

Салхи: Ихэнх нутгаар баруун хойноос секундэд 8-13 метр, тал, хээрийн нутгаар секундэд 18-20 метр, зарим үед секундэд 28 метрийг давж ширүүснэ.

Агаарын температур: Хангай, Хөвсгөл, Хэнтийн уулархаг нутаг, Туул, Тэрэлж, Хэрлэн, Онон, Улз, Халх голын хөндийгөөр 4-9 хэм, Их нууруудын хотгор болон Алтайн өвөр говиор 15-20 хэм, бусад нутгаар 9-14 хэм дулаан байна.

Багануур орчмоор: Үүлэрхэг. Ялимгүй хур тунадас орно. Салхи баруун хойноос секундэд 7-12 метр. 7-9 хэм дулаан байна.

Тэрэлж орчмоор: Үүлэрхэг. Ялимгүй хур тунадас орно. Салхи баруун хойноос секундэд 7-12 метр. 6-8 хэм дулаан байна.

2021 оны 5 дугаар сарын 24-28 хүртэлх цаг агаарын урьдчилсан төлөв

Сарын 24-нд баруун аймгуудын нутгийн хойд хэсэг, төв аймгуудын нутгийн зарим газар, зүүн аймгуудын нутгийн зүүн хэсгээр, 25-нд баруун болон төвийн аймгуудын нутгийн зарим газраар, 26-нд нутгийн зарим газраар, 27-нд төв болон говийн аймгуудын нутгийн зарим газраар бороо, нойтон цас, цас орж, цасан шуурга шуурна. Салхи ихэнх хугацаанд секундэд 7-12 метр, нутгийн зарим газраар секундэд 14-16 метр хүртэл ширүүсэж, шороон шуурна шуурна. Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Туул, Тэрэлж голын хөндий, Дорнод-Дарьгангын тал нутгаар шөнөдөө 4-9 хэм хүйтэн, өдөртөө 6-11 хэм, Их нууруудын хотгор, Хангайн нурууны өвөр бэл болон говийн бүс нутгийн өмнөд хэсгээр шөнөдөө 3-8 хэм, өдөртөө 18-23 хэм дулаан, бусад нутгаар шөнөдөө 3 хэм хүйтнээс 2 хэм дулаан, өдөртөө 10-15 хэм дулаан байна.

Categories
мэдээ нийгэм

Дулааны шугам, сүлжээний 21 байршилд засвар хийнэ


Нийслэлийн Засаг даргын зөвлөлийн хурал өчигдөр боллоо.

Хурлаар дөрвөн асуудлыг хэлэлцсэн юм. Тодруулбал,

  1. Нийслэлийн 2020-2021 оны өвөлжилтийн дүн, 2021-2022 оны өвөлжилтийн бэлтгэл хангах тухай
  2. Улаанбаатар хотын агаар, орчны бохирдлыг бууруулах чиглэлээр 2021 онд хэрэгжүүлэх төсөл арга хэмжээний танилцуулга
  3. Өглөөний Улаанбаатар төсөл хөтөлбөрийг хэрэгжүүлэх тухай
  4. Хөгжлийн үүд төслийн техник эдийн засгийн үндэслэл, барилгажилтын төслийн танилцуулга зэрэг асуудлыг хэлэлцлээ.

ДУЛААНЫ ШУГАМ, СҮЛЖЭЭНИЙ 21 БАЙРШИЛД ЗАСВАР, ШИНЭЧЛЭЛ ХИЙНЭ

Хурлын эхэнд Улаанбаатар хотын Ерөнхий менежер бөгөөд Захирагчийн ажлын албаны дарга Т.Гантөмөр Улаанбаатар хотод 2020-2021 оны өвөл авч хэрэгжүүлсэн арга хэмжээ болон 2021-2022 оны өвөлжилтийн бэлтгэл ажлыг хангахад шаардлагатай мэдээллийг хүргэлээ. Улаанбаатар хотын шуурхай удирдлага зохицуулалтын төвийн 310005 дугаарын утсанд 2020-2021 онд 39.510 санал, гомдол иржээ. Үүнээс халаалттай холбоотой 700, халуун устай холбоотой 193, ус хангамжтай холбоотой 152, ариутгал татуургатай холбоотой 123, цахилгаан хангамжтай холбоотой 1247 гомдол ирсэн байна. Энэ нь өмнөх оны мөн үетэй харьцуулахад 19 хувиар өссөн үзүүлэлт аж.

Улаанбаатар хотын Ерөнхий менежер бөгөөд Захирагчийн ажлын албаны дарга Т.Гантөмөр “Улаанбаатар хотод дулаан хангамжийн шугам тоноглолд 2021 оны зун хийх засварын ажлын график, төлөвлөгөөг боловсруулан ажиллаж байгаа. Дулааны гол шугам, сүлжээг есөн хэсэгт хуваан тэг зогсолт хийж, 21 байршилд шугам, сүлжээний засвар, шинэчлэл, шахалтын ажил хийхээр төлөвлөсөн. Дулааны шугамын зогсолтын графикт хугацаатай уялдуулан инженерийн хангамжийн байгууллагууд их, урсгал засварын ажлуудаа хийж гүйцэтгэсэн” гэдгийг хэлсэн. 2020-2021 оны өвлийн их ачааллын үед давхардсан тоогоор 35.926 шугам тоноглолд ээлжит болон ээлжит бус үзлэг хийн, 1082 зөрчил илрүүлэн бүрэн арилгажээ.

ТАВАН СУУРЬШЛЫН БҮСИЙГ ГУРВАН ҮЕ ШАТТАЙГААР ХЭРЭГЖҮҮЛНЭ

Баянзүрх дүүргийн 11-р хороо Хонхор орчим, Налайх дүүргийн 1, 7 дугаар хорооны нутаг дэвсгэрт шинэ суурьшлын бүс байгуулах санал гаргаад байгаа.

Жишиг суурьшлын бүсийн зорилго нь ногоон хөгжлийн үзэл баримтлалыг хот байгуулалтын бодлоготой хослуулсан, эрүүл амьдралын хэв маягийг дэмжсэн, ухаалаг амьдралыг хэвшүүлсэн, ажлын байртай, амьдрахад таатай орчин бүрдүүлэх юм.

Налайх дүүрэгт байгуулах шинэ суурьшлын бүсийн нутаг дэвсгэрт 4,725 өрхийн 16,065 хүн ам байнга оршин сууна. Төслийн хүрээнд 6,400 ажлын байр бий болгохоор төлөвлөөд байна. Шинэ суурьшлын бүсэд 900 мянган төгрөгөөс дээш орлоготой иргэд хамрагдах боломжтой бөгөөд санал асуулгад оролцсон иргэдийн 54.1 хувь нь боломжтой гэсэн хариу өгчээ.

Шинэ суурьшлын бүсийг нийт таван газар байгуулахаар төлөвлөж байгаа. Газруудыг нарийвчлан судлах үүргийг Нийслэлийн Засаг дарга бөгөөд Улаанбаатар хотын Захирагч Д.Сумъяабазар өглөө.

Суурьшлын бүсийг 2021-2025 он, 2026-2030 он, 2031-2040 он гэсэн гурван үе шаттайгаар хэрэгжүүлэхээр төлөвлөж байгаа аж.

Categories
мэдээ нийгэм

ЭЕШ-д бүртгүүлсэн шалгуулагчдын 27 нь 15-16 насныхан байна

ЭЕШ өгөхөд 12 дугаар ангиа төгсөж байгаа сурагчдаас гадна өмнөх жилд төгссөн хүүхдүүд дахин шалгалтад хамрагдах тохиолдол байдаг. Энэ жилийн нийт шалгалтад орох хүүхдийн 1/3 нь 19 нас хүрсэн статистик мэдээлэл гарсан байна.

May be an image of text that says '2021 онд эеш-д буртгуулсэн шалгуулагчдын насны ангилал 15-16 нас ဂိဂိဂိ 27 шалгуулагч 17 нас ဂိဂိ 1675 шалгуулагч 18 нас ဂိတိ 25082 шалгуулагч 19 нас ဂိဂိ 13636 шалгуулагч'

Categories
мэдээ нийгэм

Ирэх лхагва гаригт бүх нийтээр амарна

Ирэх долоо хоногийн лхагва гариг буюу тавдугаар сарын 26-нд Бурхан багшийн Их дүйчэн өдөр тохиож буй тул бүх нийтээр амарна.

УИХ-ын 2019 оны 12 дугаар сарын 23-ны өдрийн хуралдаанаар “Нийтээр тэмдэглэх баярын болон тэмдэглэлт өдрүүдийн тухай хууль”-д өөрчлөлт оруулсан юм.

Улмаар Бурхан багшийн Их дүйчин өдөр буюу зуны тэргүүн сарын шинийн 15-ныг баярын өдөр, бүх нийтийн амралтын өдөр болгосон.

Энэ өдрийг Гандантэгчэнлин Хийд “Энэрлээр нэгдэж, эвээр бүтээе” уриан дор тэмдэглэн өнгөрүүлэхээр үйл ажиллагааг зохион байгуулж буй аж.

Categories
мэдээ нийгэм

Өндрөөс унаж, төмөр хашаанд өлгөгдсөн иргэнийг аварчээ

Баянзүрх дүүргийн 2 дугаар хорооны нутаг дэвсгэр болох “Илд бамбай” харуул хамгаалалтын газрын хашаанд хүн өндрөөс унаад төмөр хашаанд сүлбэгдсэн байна гэсэн дуудлага тавдугаар сарын 21-ний 23:39 цагт НОБГ-т иржээ.

Нийслэлийн Аврах ангийн алба хаагчид 8 км зам туулан 23:48 цагт очиход 17 настай, эрэгтэй Т хоёрдугаар давхрын цонхоор унаж төмөр хашаанд баруун хөлний гуяны хэсгээр сүлбэгдсэн байв.
Аврагчид 15 минут ажиллаж гарган тус дүүргийн Цагдаагийн Хоёрдугаар хэлтсийн бүрэлдэхүүн болон Нийслэлийн түргэн тусламжийн төв-103-ын эмчид тус тус хүлээлгэн өгсөн хэмээн ОБЕГ-аас мэдээлэв.