Э.Ананд хүү энэ оны гуравдугаар сарын 30-нд “Багана нурууны соронзон резонаст томографын” тодосгогч бодистой оношилгоогоор нугалмуудын түвшинд 11.8 см, хэвлийн хөндийн зайруу 1.7см Х 6.8см хэмжээтэй түрж ургасан хүнд хэлбэрийн хавдартай болох нь тогтоогдсон. Сайхан сэтгэлт Монголчуудын ачаар Э.Ананд хүү эмчилгээгээ хийлгэхээр БНСУ-ыг зорьж, 13 хоног тусгаарлалтад орсон билээ. Тэгвэл өнөөдөр тусгаарлалтын хугацаа дуусч, эмчилгээгээ эхэлж байна.
Нийслэлийн төсвийн хөрөнгөөр зургаан байршилд нийт 16.34 км дугуйн зам тавих ажил үргэлжилж байна. Гүйцэтгэгчээр “Драгон бридж” ХХК, МАЗ ХХК-ийн түншлэл ажиллаж байгаа юм. Харин гүйцэтгэлийн хяналтыг Нийслэлийн Авто замын хөгжлийн газар тавьж байна.
Дугуйн зам тавьж буй байршлуудыг танилцуулъя. Үүнд:
Нийгмийн даатгалын тухай хуулиудыг хэрэглэх журмын тухай хуульд өөрчлөлт оруулах тухай хуулийн төслийн анхны хэлэлцүүлгийг хийж, гишүүдийн олонх дэмжсэн тул эцсийн хэлэлцүүлэгт бэлтгүүлэхээр холбогдох байнгын хороонд шилжүүллээ.
Коронавируст цар тахал дэгдсэнтэй холбогдуулан 2021 оноос ажил олгогч болон даатгуулагчаас төлөх тэтгэврийн даатгалын шимтгэл тус бүр 9.5 хувь болон нэмэгдсэн нь аж ахуйн нэгж, иргэний орлогод нөлөөлж байгааг үндэслэн УИХ-ын гишүүн Т.Энхтүвшин нарын долоон гишүүн 2021 оны тавдугаар сарын 4-ний өдөр Нийгмийн даатгалын тухай хуульд өөрчлөлт оруулах тухай хуулийн төслийг өргөн мэдүүлсэн.
Энэхүү хуулийн төслийн үзэл баримтлалтай нийцүүлэн ажил олгогч болон даатгуулагчаас төлөх тэтгэврийн даатгалын шимтгэлийн нэмэгдлийн үйлчлэлийн хугацааг зохицуулж буй Нийгмийн даатгалын тухай хуулиудыг хэрэглэх журмын тухай хуульд өөрчлөлт оруулах шаардлага үүсчээ.
УИХ-ын гишүүн Н.Алтанхуяг “Замын цагдаагийн хажууд 47 сая ам.долдарын гүүр босгож байгаа. Гэтэл үүнийг хямд хийнэ гэсэн тооцооллыг гаргасан байхад тоогоогүй. Мэдлэг боловсролтой хүмүүсийг авч ажиллуулах тухай мэддэгүй. Улаанбаатар зовлонгийн далай болсон. Нийслэлд явган хүн явах арга алга. Орчин үеийн хот гэдэг нь машин явдаг биш явган хүн явдаг замын тухай яригдаж байна” гэлээ.
УИХ-ын дарга Г.Занданшатар “Төрийн албаны сонгон шалгаруулалтын тухай хууль хийж байгаа. Сонгон шалгаруулалт хийж чаддаг хүмүүсээр ажил хийлгэнэ” гэв.
Түр хороо байгуулах тухай тогтоолын төслийг хэлэлцэж, гишүүдийн олонх дэмжсэн тул анхны хэлэлцүүлэгт бэлтгүүлэхээр Төрийн байгуулалтын байнгын хороонд шилжүүллээ.
Үргэлжлүүлэн Үндсэн хуулийн Цэцийн 2021 оны 05 дугаар дүгнэлтийг хэлэлцэж байна.
Төрийн болон албаны нууцын тухай хуулийн зарим зохицуулалт Үндсэн хууль зөрчсөн гэж нэр бүхий иргэд үзэж байгаа юм.
Тус хуульд “Албаны нууцад хамаарах мэдээллийн жагсаалтыг тухайн хариуцсан байгууллага боловсруулж, асуудал эрхэлсэн Засгийн газрын гишүүн, байгууллагын даргын шийдвэрээр батална” гэж хуульчилсан.
Гэвч Үндсэн хуульд “Хүний эрх, нэр төр, алдар хүнд, улсыг батлан хамгаалах, Үндэсний аюулгүй байдал, нийгмийн хэв журмыг хангах зорилгоор задруулж үл болох байгууллага хувь хүний нууцыг хуулиар тогтоон хамгаална. Нууцад хамаарахгүй асуудлаар мэдээлэл хайх, хүлээн авах эрхтэй” гэж заажээ.
Тиймээс Төрийн болон албаны нууцын тухай хуулийн дээрх зохицуулалт Үндсэн хууль зөрчиж байна гэж тэд үзсэн байна. Цэц энэхүү гомдлыг хэлэлцээд Үндсэн хууль зөрчөөгүй гэж дүгнэжээ.
УИХ Үндсэн хуулийн Цэцийн 2021 оны 05 дугаар дүгнэлттэй танилцсанаар өнөөдрийн чуулганы нэгдсэн хуралдаан өндөрлөлөө.
Ерөнхий сайд Л.Оюун-Эрдэнэ ирэх зургаадугаар сарын 1-нд хилээ нээх чиглэлийг өгсөн талаар түүний хэвлэлийн төлөөлөгч Ч.Болортуяа мэдээллээ.
“Хилээ нээхтэй холбоотой Засгийн газрын тогтоол гарах эсвэл журам батлагдах эсэх үүрэг даалгаврыг УОК-т өгнө. Зургаадугаар сарын 1-нээс өмнө Засгийн газрын хуралдаанаар танилцуулж батлуулах чиглэл өгсөн” гэдгийг тэрбээр хэллээ.
Мөн Ерөнхий сайд гадаадаас ирэх Монгол Улсын иргэдэд заавал вакцинд хамрагдсан байх шаардлага тавихгүй байх чиглэлийг өгчээ. Энэ хүрээнд УОК бодлого, журмаа боловсруулж Засгийн газрын хуралдаанд оруулах юм байна.
Монгол Улс “Энгийн паспорт эзэмшигчдийг жуулчны визийн шаардлагаас чөлөөлөх тухай Монгол Улс болон Бүгд Найрамдах Перу Улс хоорондын хэлэлцээр”-ийг энэ сарын 26-нд Бээжин хотноо байгуулжээ.
Хэлэлцээрт талуудыг төлөөлж Монгол Улсаас Бүгд Найрамдах Хятад Ард Улсад суугаа Онц бөгөөд Бүрэн эрхт Элчин сайд Т.Бадрал, Бүгд Найрамдах Перу Улсаас Монгол Улсад хавсран суугаа Элчин сайд Луис Кесада нар гарын үсэг зурсан байна.
Энэхүү “Хэлэлцээр”-ийн дагуу энгийн паспорт эзэмшигч иргэд 90 хүртэлх хоногийн хугацаанд харилцан визгүй зорчих нөхцөл бүрдэж буй юм.
Монгол Улс Бүгд Найрамдах Перу Улстай 1997 оны 5 дугаар сарын 30-ны өдөр дипломат харилцаа тогтоосон гэж Гадаад харилцааны яамнаас мэдээллээ.
Засгийн газрын ээлжит хуралдаан өнөө өглөө боллоо. Өнөөдрийн хуралдаанаар Үндэсний шигшээ багийн бүрэлдэхүүний цалинг 2021 оны зургаадугаар сарын 1-нээс есдүгээр сарын 30-ныг хүртэл сард олгох цалинг 1.5 сая төгрөг болгож нэмжээ.
Түүнчлэн цаашид тамирчинд 1.2 сая төгрөг, дасгалжуулагчид 1.5 сая төгрөг хүртэл нэмэхээр болжээ. Шаардагдах төсвийг Биеийн тамир спортын хороо 2021 оны батлагдсан төсвөөс гаргаад явах боломжтой гэж үзжээ.
Монгол Улс “Токио-2020” зуны олимп, Паралимпийн наадамд оролцохоор спортын 12 төрөлд 30 эрх аваад байна. Олимпийн хугацаанд эрх авсан тамирчин тус бүрт 10 сая төгрөгийн нэг удаагийн дэмжлэг үзүүлэх албан ёсны шийдвэр гарлаа.
Засгийн газар урд шөнө 100 мянган тун Файзер вакциныг Ковакс хөтөлбөрийн хүрээнд татан авчээ. Тус вакциныг хөхүүл болон жирэмсэн эхчүүдэд хийх шийдвэрийг Засгийн газрын өнөөдрийн хуралдаанаар гаргажээ.
Улсын хэмжээнд нийт 53 мянга орчим жирэмсэн эх байгаа бөгөөд эдгээр Эрүүл мэндийн яамны зөвлөмжийн дагуу Файзер вакцинд хамрагдах боломжтой гэв.
Түүнчлэн эрүүл мэндийн шалтгааны улмаас вакцинд хамрагдаж амжаагүй хүмүүс мөн адил Файзер вакцинд хамрагдаж боломжтой аж. ДЭМБ-аас жирэмсэн эхчүүд халдварт өртөх эсрдэл өндөр байгаа учир вакцин хийлгэх боломжтой гэж мэдэгдсэн. Иймээс жирэмсэн эхчүүд эмчийн заавар зөвлөмжин дор сайн дурын үндсэн дээр вакцинаа хийлгэх боломжтой гэв.
Хоёрдугаарт, Засгийн газрын хуралдаанаар гадаадаас ирэх Монгол Улсын иргэд заавал вакцинд хамрагдсан байх шаардлагагүй гэсэн шийдвэр гаргажээ.
Ботаникийн цэцэрлэгт хүрээлэнгийн Ургамлын генофонд, интродукцийн лабораторийн эрдэм шинжилгээ-туршилт судалгааны талбайд Монгол орны байгалийн ургамлын 370 зүйл (нийт гуурст дээд ургамлын 12 хувь) үүнээс ховор, нэн ховор ургамал 95 (21.5 хувь) зүйлийн амьд цуглуулгыг бүрдүүлэн “ex situ” нөхцөлд тарималжуулсан хадгалалт хамгаалалтыг хийж байна.
.jpg?w=1200)
.jpg?w=1200)
.jpg?w=1200)
“Улаанбаатар төмөр зам” ХНН Толгойт-Улаанбаатар-Амгалан өртөө хоорондын төмөр замыг шинэчлэх ажлыг эхлүүлээд байна. Энэхүү ажлын хүрээнд Улаанбаатар хотод байдаг төмөр замын хэд хэдэн гармыг шинэчлэх юм. Одоогийн байдлаар хамгийн ачаалал өндөртэй Толгойт таван шарын ойролцоох 396-р гарам болон Дүнжингарав захын дэргэдэх 407-р гармыг шинэчлэх ажлыг хийгээд байна. Эдгээр гармуудаар өдөртөө 70 шахам мянган авто тээврийн хэрэгсэл нэвтрэн өнгөрдөг гэсэн тооцоо судалгаа байдаг.
Төмөр замын эдгээр гармуудыг шинэчилснээр төмөр замын гармын аюулгүй байдал сайжирч, галт тэрэгний даац, хурд нэмэгдэх юм. Тус гармуудыг шинэчлэх ажлыг УБТЗ-ын замчид шөнийн цагаар богино хугацаанд хийж өглөө авто замын хөдөлгөөн эхлэхээс өмнө дуусгажээ. “Улаанбаатар төмөр зам” ХНН энэ жил төмөр замын нэвтрүүлэн өнгөрүүлэх хүчин чадлыг нэмэгдүүлэх зорилгоор Толгойт-Улаанбаатар-Амгалан өртөө хоорондын замыг шинэчлэхээс гадна Улаанбаатар-Замын Үүд өртөө хоорондын 80 километр замыг шинэчлэх юм.
Сүүлийн жилүүдэд төмөр замын тээврийн хэмжээ эрс нэмэгдэж байгаатай холбогдуулан “Улаанбаатар төмөр зам” хувь нийлүүлсэн нийгэмлэг төмөр замынхаа нэвтрүүлэн өнгөрүүлэх хүчин чадлыг нэмэгдүүлэхэд ихээхэн анхаарч жил бүр замын их засварын ажлыг төлөвлөн хийж байна. Төмөр замаар жилдээ 30 гаруй сая тонн ачаа тээвэрлэдэг бөгөөд энэ нь манай улсын экспорт, импорт, орон нутгийн ачаа тээврийн ихэнх хэсгийг төмөр замаар тээвэрлэдэг гэсэн үг. Манай улсын эдийн засаг тэлж хөгжихийн хэрээр төмөр замаар тээвэрлэх тээврийн хэмжээ ирэх жилүүдэд улам нэмэгдэх нь тодорхой байна.