Олон улсын олимпийн хороо /ОУОХ/, “Токио-2020” олимпийн наадмыг Зохион байгуулах хорооноос хэлэлцэж, Зуны XXXII олимпийн наадмыг 2021 оны долдугаар сарын 23-наас наймдугаар сарын 8-ны өдөр зохион байгуулахаар шийдвэрлэсэн.
Олимпийн гүйцэтгэх зөвлөл цахимаар хуралдаж, хурлаас гарсан шийдвэр болон, үр дагаврын талаар хэлэлцээд нийт оролцогчид тамирчид, бусад оролцогчдын аюулгүй байдлыг хангах үүднээс үзэгчгүй, цөөн тооны төлөөлөгч оролцохыг дэмжиж буйгаа илэрхийлсэн юм. Үүний зэрэгцээ ОУОХ-ноос энэхүү шийдвэрийг нэгдсэн бодлогоор журамлах, зөвхөн үйл ажиллагаанд биечлэн оролцогчдод итгэмжлэх эрхийн мандат олгохоор шийдвэрлэсэн байна.
ОУОХ буюу үйл ажиллагааг удирдан явуулж буй гишүүдийн шийдвэрээр ОУОХ-ны гишүүд, Үндэсний олимпийн хорооны Ерөнхийлөгчид, Ерөнхий нарийн бичгийн дарга, Олон улсын холбоодын удирдах албан тушаалтан, Спортын сайд нар гэр бүлийн гишүүд, дагалдах зочид “Токио-2020” олимпийн наадамд оролцох боломжгүй болов.
Түүнчлэн олимпийн наадамд оролцох эрх бүхий нийт төлөөлөгчдийг “Токио-2020” олимпийн наадамд оролцох журамд КОВИД-19-ийн урьдчилан сэргийлэх зааварчилгааг чанд дагаж мөрдөхийг заажээ. Энэхүү журамд “Олимпийн наадам зохион байгуулагдах цэнгэлдэх хүрээлэн, ордон, танхимуудад орох эрхийг хязгаарлахаас гадна зоогийн газар, урлаг болон жуулчны үзвэр үйлчилгээнд хамрагдахгүй байх, өдөр тутмын үйл ажиллагааны төлөвлөгөөг урьдчилан гаргаж танилцуулах, биеийн халуун болон КОВИД-19-ийн шинжилгээнд тогтмол хамрагдах, нийтийн тээвэр таксийгаар үйлчлүүлэхгүй байх, маск зүүх, хүн хоорондын зайг баримтлах” зэргийг тодорхой дурдсан байна.
Мөн ОУОХ-ны Гүйцэтгэх зөвлөлийн зүгээс зочдын хөтөлбөр, домогт тамирчдын хүлээн авалт зэрэг уламжлалт арга хэмжээний хөтөлбөрүүдийг цуцлахаар болсноо мэдэгдээд “Хэдийгээр энэ бүхэн олимпийн хөдөлгөөнд томоохон цохилт болж байгаа ч Та бүхнийг энэхүү шийдвэрийг гаргахад хүргэж буй нөхцөл байдлыг ойлгож хүлээн авна гэдэгт итгэлтэй байна. 2021 оны долдугаар сарын 20, 21 болон наймдугаар сарын 8-ны өдрүүдэд Токиод болох 138 дугаар хурал болон долдугаар сарын 23-наас наймдугаар сарын 8-ны өдрүүдэд болох “Токио-2020” олимпийн наадмын үеэр уулзахыг тэсэн ядан хүлээж байна” хэмээн ОУОХ-ноос хүндэт гишүүд болон нийт гишүүддээ хандан мэдэгдлээ.
2020 оны зуны олимпийн наадам “Парад захиалга“
Тамирчид олимпийн уламжлалаар тогтоосон дарааллаар цэнгэлдэх хүрээлэнд орно. Олимпийг санаачлагчийн хувьд хамгийн түрүүнд Грекийн баг орох юм. Бусад багууд Япон хэл дээрх улсуудын нэрийг үндэслэн цагаан толгойн үсгийн дарааллаар орор бөгөөд Япон улсын төлөөлөгчид хамгийн сүүлд орохоор болжээ.
Уламжлалт болон Олон улсын олимпийн хороо (ОУОХ) -ын удирдамжийн дагуу үндэстнүүдийн нэрийг францаар зарлаж, дараа нь олимпийн хорооны албан ёсны хэл англи болон зохион байгуулагч улс болох япон хэлээр зарлах болно. Оролцож байгаа улс үндэстэн бүрийн бүх тамирчид туг баригчаа сонгож дарааллын дагуу жагсаалд оролцоно.
Токио 2020 олимпд 205 орон оролцоно юм. Харин оролцох баг тамирчид эхнээсээ эрхээ аваад байна.
“Токио-2020” Олимпийн галт бамбарын буухиа эхэллээ
2021 оны гуравдугаар сарын 25-нд Японы Фүкүшима аймгийн Нараха хот дахь Үндэсний бэлтгэлийн төв “J-village” -аас “Токио-2020” Зуны олимпийн XXXII наадмын галт бамбарын буухиа аялал эхэлсэн.
Олимпийн бамбар нь Японы үндэсний бэлгэдэл болсон Сакура (cherry blossom) цэцгийн дэлбээний загвартай, 71 см өндөр, 1.2 кг жинтэй гэнэ. Бамбарын бүтцийн 30 хувьд 2011 оны байгалийн гамшгийн дараа барьж байсан нийтийн түр хоргодох байрны бүтцэд ашиглагдаж байсан хөнгөн цагааныг дахин боловсруулсан материал оролцуулж, алдарт Шинкансэн хурдны галт тэрэгний үйлдвэрлэлт ашигласан технологиор бүтээсэн байна.
Мөн “Токио-2020” олимпийн бамбар нь түүхэнд анхны устөрөгчийн хүчийг ашигласан галт бамбар болох юм.
Хүмүүн төрөлхтөн цар тахлыг ялан дийлэх их баяр, эв нэгдэл, найрамдлын бэлгэдэл болох “Токио-2020” олимпийн наадмын галт бамбар та бидэнд гэрэл гэгээ, итгэл авчрахаар айсуй.
Энэ удаагийн олимпийн наадмын онцлог:
Шинэ спортын төрөл: Олимп нь үндсэн 9 спорттой бөгөөд Токио 2020 хувьд 33 төрлөөр зохион байгуулагдана. Үүнд шинэ 5 төрлийн спорт багтаж байгаа аж. Үүнд: Сагсан бөмбөг, каратэ, спорт авиралт, скейтборд, давлагаан дээр гулгах багтжээ.
Мөн бусад төрлийг баяжуулж 15 шинэ төрөл гарч ирэх юм. Эрэгтэй, эмэгтэй холимог төрөл гэх мэт.
Байгальд ээлтэй медаль
Токио олимпийн 5000 орчим медалийг хуучин утасны үнэт металл ашиглаж хийх юм. Японы засгийн газраас хуучин утсаа хандивлахыг иргэддээ уриалж байгаа бөгөөд хүн бүр 2020 Олимпд хувь нэмрээ оруулах боломж бүрдэж байгаа аж.
Хамгийн аюулгүй аялал- Токио 2020
Токио хот нь 2017 онд дэлхий дээрх хамгийн аюулгүй хотоор шалгарсан. Энэ нь иргэдийн эрүүл мэнд, аюулгүй байдал, цахим хамгаалал, дэд бүтэц ,зам тээвэр, эмнэлгийн үйлчилгээний хүртээмжтэй байдал зэрэг нийт 49 үзүүлэлтээр тодорхойлсон үр дүн юм. Олимпын үеэр хүрэлцэн ирсэн баг тамирчдын аюулгүй байдал, тав тухыг бүрэн хангахаар ажиллаж байгаа юм.
Токио 2020 зуны олимп, паралимп нь нийт 41 төрлийн цэнгэлдэх болон байгууламжид зохиогдохоор төлөвлөгдөөд байна.
Гол цэнгэлдэх хүрээлэн (Касумигаокамачи, Шинжуку-ку, Токио)
Үндэсний цэнгэлдэх хүрээлэнг 1964 оны Токио Олимпийн наадмын гол цэнгэлдэх хүрээлэн болгон ашиглаж байсан бөгөөд одоо Токио 2020 олимпийн наадмын цоо шинэ цэнгэлдэх хүрээлэн болгон сэргээн засварлаж байна. Токио 2020 наадмын нээлт, хаалтын ёслолууд, хөнгөн атлетик, хөлбөмбөгийн тэмцээнүүд энд болно. Олимпийн наадам дууссаны дараа цэнгэлдэх хүрээлэнг спорт, соёлын арга хэмжээнд ашиглах ажээ.
Ёёги үндэсний цэцэрлэгт хүрээлэн (Жиннан, Шибуя-ку, Токио)
Ёёги үндэсний цэнгэлдэх хүрээлэн нь 1964 оны Токиогийн наадамд зориулагдсан усан спорт, сагсан бөмбөгийн тэмцээнийг зохион байгуулах зорилгоор баригдсан юм. Энэхүү арена нь дүүжин дээврийн хийцээрээ алдартай бөгөөд олон улсад гялалзсан нэр хүндийг олж авсан юм.
Морьтой цэцэрлэг(Камиога, Сетагая-ку, Токио)
1964 оны Олимпийн өв болох энэ газар Токио 1964 оны наадамд хурдан морины уралдааныг зохион байгуулж байжээ.
Ариаке Арена(Ариаке, Кото-ку, Токио)
Ариаке Арена бол Токио 2020 олимпид Токио хотын Ариаке дүүргийн хойд хэсэгт баригдаж буй шинэ газар юм. Токио 2020 наадмын дараа энэ талбар нь 15,000 үзэгч хүлээн авах хүчин чадалтай спорт, соёлын шинэ төв болох юм.
Одайба далайн парк(Дайба, Минато-ку, Токио)
Одайба далайн парк нь зочдод байгалийн ногоон байгууламж, далай тэнгис, Токио хотын футурист хотын үзэсгэлэнт үзэсгэлэнт газруудыг санал болгодог. Токио-2020 наадмын үеэр цэцэрлэгт хүрээлэнд түр газар байгуулна.
Токиогийн усан спортын төв(Татсиуми, Кото-ку, Токио)
Такси-но-Мори далайн эргийн цэцэрлэгт хүрээлэнд Токиогийн усан спортын төвийг шинээр барьсан. 2020 оны наадмын дараа тус газар дотоодын болон олон улсын тэмцээн уралдаан зохион байгуулагдана.
Фүжи олон улсын хурдны зам(Накахината Ояма-чо, Сунто-гун, Шизуока)
Фүжи олон улсын хурдны зам нь Их Токиогийн бүсэд хамгийн ойр байдаг.
Ой хоккейн цэнгэлдэх хүрээлэн(Яшио, Шинагава-ку, Токио 2-1, 1chome, Tokai, Ota-ku, Токио 1-19, 4chome)
Токио 2020 олимпид зориулж “Ой Хокейн” цэнгэлдэх хүрээлэнг Ой Пиер далайн паркад барьсан. Наадмын дараа хоккейн зориулалтаар ашиглах, олон зориулалттай спортын байгууламж болгохоор төлөвлөж байна.
2020 оны олимпийн лого
Зохицуулсан алаг сүлд
Алаг хээ нь түүхийн туршид дэлхийн улс орнуудад түгээмэл байсан. Японд алаг хээ нь Эдогийн үед (1603-1867) “ichimatsu moyo” гэж нэрлэгддэг байсан бөгөөд Японы уламжлалт Индиго цэнхэр өнгөөр бүтсэн энэхүү алаг загвар нь Японыг үлгэр дууриалал болсон дэгжин, дэгжин байдлыг илэрхийлдэг.
Гурван өнцөгт хэлбэрийн гурван төрлөөс бүрдсэн энэхүү загвар нь өөр өөр улс орон, соёл, сэтгэлгээний хэлбэрийг илэрхийлдэг. Үүнд “Олон талт нэгдэл” гэсэн мессеж багтсан болно. Түүнчлэн Олимп, Паралимпийн наадам нь олон янз байдлыг дэлхий ертөнцийг холбох тавцан болгон сурталчлахыг эрмэлздэг болохыг илэрхийлж байна.
-Хүнсний аюулгүй байдалд ямар байдлаар хяналт, шалгалт хийж байна вэ?