Month: April 2021

Төв банк Азийн хөгжлийн банкны санхүүжилтээр хэрэгжүүлж буй “Төлбөрийн системийн шинэчлэл төсөл”-ийн хүрээнд төлбөрийн системийн тасралтгүй найдвартай ажиллагааг хангах, хүчин чадлыг нэмэгдүүлэх, шинэ дэвшилтэт гүйлгээний төрлүүдийг дэмжих зорилгоор дэд бүтэц, програм болон техник хангамжийн шинэчлэлүүд хийж буй.

Тус төслийн хүрээнд банк хоорондын төлбөрийн картын системийг шинэчлэх ажлыг 2021 оны дөрөвдүгээр сарын 25-ны өдрийн 00:00–04:00 цагийн хооронд нэвтрүүлэх тул дурьдсан хугацаанд банк хоорондын төлбөрийн картын гүйлгээ бүрэн зогсохыг мэдэгдлээ.

Дээрх хугацаанд төлбөрийн картын ATM, ПОС, цахим худалдаа зэрэг гүйлгээ түр зогсох бөгөөд банкуудын интернэт банк, мобайл банк, цахим банкны гүйлгээ хэвийн ажиллах юм байна.

“Ковидын нэгдсэн лавлах 119 төв”-ийн утсанд өнгөрсөн 24 цагийн хугацаанд 5225 дуудлага мэдээлэл бүртгэгджээ.

Дуудлагын 88 хувь буюу 5225 нь лавлагаа мэдээлэл, 8 хувь буюу 442 нь гомдол, 4 хувь буюу 251 нь санал хүсэлт, бусад мэдээлэл байна.

Тусгай дугаарын утсанд хандсан нийт дуудлагын 90% буюу 5848 дуудлагыг шийдвэрлэн ажиллалаа гэж УОК-ын Шуурхай штабаас мэдээллээ.

Засгийн газраас тавдугаар сарын 01-нээс агаарын хилээ нээх шийдвэр гаргаж, бэлтгэл ажлаа хангаад байгаа билээ. “МИАТ” ТӨХК дараах чиглэлүүдэд нислэг үйлдэхээр товложээ.

Энэ сарын 20-ны байдлаар “Эрүүл мэндээ хамгаалж, эдийн засгаа сэргээх 10 их наядын цогц төлөвлөгөө”-ний хүрээнд 32082 ажлын байрыг хадгалаад байгаа аж. Мөн ажлын байрыг дэмжих зорилтын хүрээнд аж ахуйн нэгж, иргэдэд жилийн гурван хувийн хүүтэй зээлийг банкуудын чөлөөт эх үүсвэрээр олгож байгаа. Энэ хүрээнд нийт 8092 зээлдэгчид 563.5 тэрбум төгрөгийн зээл олгожээ. Тухайлбал,

Монгол Улсын Засгийн газрын ээлжит хуралдаан үргэлжилж байна.

Хуралдаанаар Засгийн газарт зөвлөх үйлчилгээ үзүүлж буй хуулийн фирмийн зөвлөгөөг үндэслэн “Рио Тинто”, “Туркойз Хилл Ресурс” компанийг маргааны оролцогч тал болгож, сөрөг нэхэмжлэл гаргахыг дэмжлээ.

Засгийн газрын Ажлын хэсэг хуулийн фирмтэй тогтмол харилцаж, хариу тайлбарыг үндэслэлтэй сайн бэлтгэн эцэслэж байна. Монгол Улсын эрх ашгийг хангуулах, Засгийн газрын байр суурийг хамгаалах зорилгоор гурван асуудлаар сөрөг нэхэмжлэл гаргах нь зүйтэй гэж үзэн, Сангийн яам, Хууль зүй, дотоод хэргийн яам болон холбогдох төрийн байгууллагад сөрөг нэхэмжлэл гаргах эрх олгож, зохих арга хэмжээ авах чиглэл өглөө.

Үүнд “Рио Тинто”, “Туркойз Хилл Ресурсес” компани гэрээгээр хүлээсэн үүргээ зөрчсөн байж болзошгүй, Оюутолгой төсөлтэй холбогдуулж нийтийн албан тушаалтнууд хууль зөрчин, эрх мэдлээ урвуулан ашиглах замаар гадаадын хөрөнгө оруулагч талд илт давуу байдал олгосон байж болзошгүй асуудал багтаж байна.

“Оюу Толгой” ХХК-ийн 2013-2015 оны албан татвар ногдуулалт, төлөлтийн тайланд татварын хяналт шалгалт хийж холбогдох зөрчилд ногдуулсан шийтгэлийн хуудас, 2015, 2016 онд молибденд ашигт малтмалын нөөц ашигласны төлбөр тооцож төлөөгүй гэж Мэргэжлийн хяналтын ерөнхий газраас гаргасан шийдвэрийн талаар “Оюу толгой” ХХК 2020 оны хоёрдугаар сарын 20-ны өдөр НҮБ-ын Олон улсын худалдааны эрх зүйн комиссын Арбитрын дүрмийн дагуу Лондоны олон улсын арбитрын шүүхэд нэхэмжлэл гаргасан юм.

Арбитрын бүрэлдэхүүний гаргасан маргаан шийдвэрлэх хуваарийн дагуу Засгийн газар 2021 оны хоёрдугаар сарын 21-ний өдрийн дотор хариу тайлбар гаргах байсан.

Гэвч “Оюу толгой” ХХК 2021 оны нэгдүгээр сарын 7-ны өдрийн татварын шинэ акттай холбоотойгоор нэхэмжлэлийн шаардлагаа нэмэгдүүлэх хүсэлт гаргаж, Хөрөнгө оруулалтын гэрээний 14.1-д заасан шаардлагыг хангах хүрээнд Арбитрын бүрэлдэхүүн дээрх хугацааг 2021 оны дөрөвдүгээр сарын 30-ны өдөр болгон хойшлуулаад байсан юм.

Татварын ерөнхий газар 2016-2018 оны татвар төлөлтийн байдалд 2020 оны 12 дугаар сарын 22-ны өдөр 649.4 тэрбум төгрөгийн шинэ акт тавьсан.

Эх сурвалж: Засгийн газрын Хэвлэл мэдээлэлтэй харилцах газар

Дэлхийн монголчуудын холбоо нь эх орондоо санаа зовж, тусалж дэмжихийг хүссэн хүмүүсийн санаачлагыг дэмжиж, ээлжит бусаар хуралджээ.

Тус холбооноос дэлхийн олон оронд ажиллаж, амьдарч буй монголчууддаа хандаж уриалга гаргасан байна. Түүнчлэн Монгол Улсын Засгийн газар, Онцгой комисс, Гадаад яам, Элчин сайдын яам, Консулын газруудыг мөн хамтарч ажиллах хүсэлтийг тавьжээ. Холбогдох албаныхны дэмжлэгээр нэг ч болов монгол хүний тус дэм, хандив, сайхан сэтгэл эх орондоо тусламж болон ирнэ гэдэгт найдаж буйгаа тус холбооны мэдэгдэлд дурдсан байна.

PUBG Mobile-ын дэлхийн аваргын хүрэл медальт Монголын ZEUS ESPORTS баг тэрбум төгрөгийн шагналын сантай тэмцээнд оролцох эрхээ авчээ.

Тодруулбал, дөрөвдүгээр сарын 27-нд эхлэх “Peace Elite Asia Invitational 2021” тэмцээнд оролцох эрхээ авсан байна. Тус тэмцээн нь гурван сая юань буюу 1.3 тэрбум төгрөгийн шагналын сантай аж.

Тэмцээнд оролцох 15 багаас 12 нь тодорсон бөгөөд үлдсэн гурван баг нь энэ сарын 24-нд тодорхой болох юм.

ZEUS баг өнгөрсөн долоо хоногт PUBG Mobile Pro League-ийн Өмнөд Азийн Финалд өрсөлдөн хоёрдугаар байр эзэлсэн ба про лигийн Гранд финалд шалгарсан. Тэмцээний хоёрдугаар байранд шалгарснаар “Peace Elite Asia Invitational 2021”-т оролцох эрхтэй болжээ.

PUBG Mobile Pro League-ийн Өмнөд Азийн Финалд zeusGODLESSS финалын үнэ цэнэтэй тоглогч болсон бол ICY, ZYOL нар хамгийн олон kill хийсэн жагсаалтын хоёр, гуравдугаарт бичигджээ.

PUBG Mobile Pro League-ийн Өмнөд Азийн Гранд Финал тавдугаар сард болох ба Zeus баг бүсийнхээ хүчирхэг 14 багтай өрсөлдөнө.

Хатуу хөл хорио тогтоосон өдрүүдэд нийтийн эзэмшлийн гудамж талбайг тогтмол цэвэрлэж, ариутгал хийх, замыг ангархайг засахыг хотын дарга үүрэг болгосон. Энэ ажлын хүрээнд хэрхэн ажиллаж байгаа талаар Хот тохижилтын газрын Тохижилт, үйлчилгээний албаны дарга Ш.Ганчулуун

“Нийслэлийн Засаг даргын захирамжийн дагуу нийтийн эзэмшлийн гудамж, зам, талбай, хогийн сав, сандал, хөшөө дурсгалуудыг ариутгалын бодистой ус болон цэвэр усаар хуваарийн дагуу тогтмол угааж цэвэрлэж байна. Тухайн ажлын хүрээнд нийтийн эзэмшлийн талбай, авто замын голын хайсыг сойтогт машин буюу бага оврын машинаар угааж байгаа. Мөн дулааны шугам дагуух хогийг цэвэрлэж тээвэрлэх, авто замын зорчих хэсэг болон гудамжны хананаас хана хоорондох нуухны цэвэрлэгээ, автобусны зогсоолын сандал, хогийн сав зэргийг угааж, арчлан, зорчих хэсгийн цэвэрлэгээ, үйлчилгээ, ариутгал, халдваргүйтгэлийн ажлыг хийж байна. Түүнчлэн зүлэгт талбай, зурвас, ургамлан хашлагын цэвэрлэгээ, мод, бут усалгаа, тогоо гаргалт, зүлэгт талбайн самналт, шар өвс тармуурдах, түүвэр цэвэрлэгээ, хог ачилт зэрэг ажлыг хийж гүйцэтгэж байгаа юм. Намъянжугийн гудамжны 1.4 км хайсыг дөрвөн машинтай дөрвөн ажилтан цэвэрлэж байна. Хогийн сав, сандлыг ариутгалын бодисоор өдөр бүр ариутган, цэвэрлэж байгаа” гэв.

Улсын хэмжээнд коронавирусийн халдварын 25364 тохиолдол бүртгэгдээд байгаа. Энэ сарын 18-ны мэдээллээр нийт халдвартай хүний 4412 нь 0-18 насныхан буюу хүүхдүүд аж. Нийт халдвар авсан хүүхдүүдийн 88.8 хувь нь Улаанбаатарт, 10.7 хувь нь орон нутагт, 0.5 хувь нь зөөвөрлөгджээ.

Иймд бага насны хүүхдийг гадуур авч явахгүй байх, хүүхэд олноор цугласан тоглоомын талбайд тоглуулахгүй байх зэрэг зөвлөгөөг Эрүүл мэндийн яамнаас гаргаад байгаа юм.