Month: April 2021

Categories
мэдээ нийгэм

Сэлэнгэ аймагт “Covid-19”-ийн эсрэг вакцинжуулалт эхэлжээ

Сэлэнгэ аймгийн Засаг дарга дархлаажуулалт болон бусад цаг үеийн асуудлаар өнөөдөр /2021.04.04/ мэдээлэл хийлээ.

Энэ үеэр Сэлэнгэ аймгийн Засаг дарга Ш.Оргил “Сэлэнгэ аймагт өнөөдөр Covid-19-ийн хоёр тохиолдол батлагдсан. Аймгийн хэмжээнд Covid-19-ийн эсрэг дархлаажуулалт эхэлсэн. Эхний ээлжинд эмч, эмнэлгийн байгууллага, онцгой байдал, цагдаа, мэргэжлийн хяналт болон хилийн боомтуудад ажиллаж байгаа ажилтан алба хаагчдыг вакцинжуулалтад хамруулна.

Дэлхийн нийтээр хүлээн зөвшөөрсөн вакцины талаар ташаа мэдээлэлд автаж, бусдад буруу үлгэр дууриалал үзүүлэх тохиолдол гарч байна. Мөн шинжилгээний хариу гараагүй байхад аймаг руу нэвтрэхээр хандах зөрчил гарсаар байна. Иймд иргэд та бүхэн дор бүрнээ халдвар хамгааллын дэглэмийг сайтар сахих хэрэгтэй” гэлээ.

Сэлэнгэ аймагт өнөөдрийн 12.00 цагийн байдлаар Сүхбаатар суманд 669 хүн Covid-19-ийн эсрэг вакцинжуулалтад хамрагдсан байна. Харин Баруунбүрэн, Мандал, Зүүнбүрэн, Номгон, Орхон, Цагааннуур, Сайхан зэрэг сумдад нийт 183 хүн хамрагдаад байгаа аж.

Categories
мэдээ улс-төр

Л.Оюун-Эрдэнэ: Дөрөв, тавдугаар сарыг үндэсний хэмжээнд дархлаажуулалтын сар болгон зарлаж байна

Ерөнхий сайд Л.Оюун-Эрдэнэ өнөөдөр ард иргэддээ хандан мэдэгдэл хийлээ.

Монгол ахан дүүс ээ, Эрхэм хүндэт иргэд ээ!
Коронавирус нь дэлхийн эдийн засаг, улс орнуудын Засгийн газарт хүндхэн сорилт учруулж хүн төрөлхтөнд амьдралын цоо шинэ хэв маягийг ганцхан жилийн дотор авчирлаа.

Дэлхийн II дайнаас хамгийн олон буюу 2.9 сая хүний амийг энэхүү цар тахал авч одлоо. Цар тахлаас улбаалж дэлхийн эдийн засаг огцом зогсолтод орж, 4.9 хувиар буурсан нь 2009 оны дэлхийн санхүүгийн хямралын хүндрэлээс гурав дахин хүндрэлтэй байна гэсэн тооцооллыг судлаачид гаргажээ.

Миний бие Ерөнхий сайдаар томилогдоод хүн амаа вакцинжуулах нь бидний эхний зорилт гэж хэлж байсан. Цар тахлын голомтод ажиллаж байгаа эмч, эмнэлгийн мэргэжилтнүүдээсээ эхлээд үе шаттайгаар Засгийн газрын эхний 100 хоногт багтаан зохион байгуулахын тулд бүхий л боломжоо дайчлан ажиллаж байна. Хүн төрөлхтөн цар тахлыг даван гарах цорын ганц зам нь вакцинжуулалт юм.

Дэлхийн хүн амыг 7 тэрбум гэж үзэж, өдөрт 16 сая хүнийг вакцинжуулахад нийт иргэдийг хос тунгаар хамруулахад багадаа 2 жилийн хугацаа орно гэж тооцоолжээ. Одоогоор дэлхийн нийт хүн амын 1.8 хувь нь хос тунт вакцинд хамруулаад байна. Энэ нь олон улсад вакцины хомсдол үүсгэж байна. Улс орнуудын засгийн газар бүхэн иргэдээ вакцинжуулахын тулд хичээнгүйлэн ажиллаж байна. Монгол Улсын Засгийн газар 2-р сарын 23-ны өдөр дархлаажуулалтыг эхлүүлснээс хойш өнөөдрийн байдлаар 346 мянга 745 хүн ам буюу насанд хүрсэн хүн амынхаа 16.3 хувийг дархлаажуулаад байна. Засгийн газраас 4, 5 дугаар сарыг үндэсний хэмжээнд дархлаажуулалтын сар болгон зарлаж байна.

Categories
мэдээ энтертаймент-ертөнц

Хүний тархийг компьютерт холбох туршилт амжилттай боллоо

АНУ-ын технологийн салбарын тэрбумтан Илон Маск тархины бичил чип бүтээн, түүнийгээ гахай, сармагчинд амжилттай туршин технологийн дэвшилд хүрсэн. Хэдхэн сарын дараа Род арлын Браун их сургуулийн эрдэмтэд дэлхийн түүхэнд анх удаа хүний тархийг утасгүйгээр компьютерт амжилттай холбожээ.

Сүүлийн үед технологийн салбарт тархи, компьютерийг холбох(BCI) чиглэл олны анхаарлыг хамгийн ихээр татаж байгаа бөгөөд олон ч эрдэмтэн энэ талаар туршилт, судалгаа шаргуу хийж байгаа билээ. Харин Браун их сургуулийн эрдэмтэд судалгааныхаа ажлыг шинэ түвшинд гаргаж, 35, 65 настай хоёр эрийг оролцуулан бүтээсэн “braingate” технологийнхоо клиник туршилтыг хийсэн байна. Туршилтад оролцсон эрчүүдийн тархийг компьютерт холбон курсор хөдөлгөн програм идэвхжүүлэх, юм бичих зэрэг үйлдэл хийлгэж үзсэн аж.

Human Brain Wirelessly Connected To Computer For First Time Ever

Био технологийн олон улсын эрдэм шинжилгээний “IEEE Transactions on Biomedical Engineering” сэтгүүлд нийтлэгдсэн туршилтын тайлангаас үзвэл тархийг компьютерт холбож буй технологи бол 40г орчим жинтэй жижиг хүлээн авагч бөгөөд түүнийг тархинд тусгайлан байрлуулсан төхөөрөмжид залган алсын зайнаас компьютерт холбогдоход ашиглах гэнэ.

Туршилтад оролцсон хоёр эр тархиа компьютерт холбосныхоо дараа гараар бичиж буй хурдтай ижил хурдаар үг, өгүүлбэр зэргийг бичиж чадаж байсан гэнэ. Мөн мэргэжилтнүүдийн дүгнэснээр дээрх төхөөрөмжийг ашиглан тархиа компьютерт 24 хүртэл цаг холбоход ямар нэг сөрөг үр дагаваргүй аж.

Categories
мэдээ нийгэм

Архангайд эхний ээлжийн 4000 тун вакцин ирнэ

Архангай аймгийн Засаг дарга УОК-т вакцин шийдвэрлэж өгөх хүсэлт тавьсан. Энэхүү хүсэлтийг шийдвэрлэсэн байна.

Аймгийн Онцгой комиссоос эхний ээлжинд нэн шаардлагатай 20000 тун вакцин захиалснаас өнөөдөр 4000 тун вакциныг Улаанбаатар хотоос зөөвөрлөн авчрахаар бэлтгэл ажлыг хангажээ. Маргаашаас эхлэн голомтод ажиллаж байгаа эмч эмнэлгийн ажилтнууд болон тусгай үүрэг гүйцэтгэж буй цагдаа, онцгойгийн алба хаагч нарыг вакцинд хамруулах аж. Мөн ахмад настан, хөгжлийн бэрхшээлтэй иргэдийг вакцинжуулах ажлыг шат дараатайгаар зохион байгуулахаар төлөвлөж байгаа ажээ.

Categories
гадаад мэдээ

Италид гурав хоногийн хатуу хөл хорио тогтоов

Итали улс Улаан өндөгний баярыг тохиолдуулан гурав хоногийн хатуу хөл хорио тогтоож байна. Улаан өндөгний баярын үеэр цар тахлын халдвар нэмэгдэхээс урьдчилан сэргийлэх үүднээс Италийн эрх баригчид ийм шийдвэр гаргажээ.

Тус улсын бүх мужид цар тахлын улаан түвшинд шилжсэн байна. Италид “Ковид-19” цар тахлын гурав дахь давлагаа нүүрлэж, өдөрт 20 гаруй мянган халдварт тохиолдол нэмж бүртгэгдэж байна.

Хөл хорионы хугацаанд иргэдийн онцын шаардлагагүй хөлөлгөөнийг хориглож байгаа ч насанд хүрсэн хоёроос дээшгүй том хүнтэй айлд зочилж, Улаан өндөгний баярын зоог барихыг зөвшөөрч буй юм байна.

Мөн сүм, хийдүүд нээлттэй байна. Гэхдээ мөргөлчид сүсэгтнүүд өөрийн оршин суугаа мужийнхаа сүмийн үйл ажиллагаанд оролцохыг зөвшөөрөх юм байна.

Хоёр дахь жилдээ Ромын пап Франциск Гэгээн Петрийн хоосон сүмээс Улаан өндөгний баярын айлдвар айлдах юм байна. Баярын амралтын өдрүүд дуусахаар Италийн зарим мужууд цар тахлын эрсдэлийн улбар шар бүсэд шилжих бол зарим нь энэ сарыг дуустал эрсдэлийн улаан бүсийг цуцлахгүй юм байна.

Европт цар тахлын шинэ давлагаа нүүрлэж, шинэ мутациудын халдварын тархалт эрс нэмэгдэж, вакцинжуулах үйл явц удааширсан зэргээс үүдэж Итали улс эргээд хөл хорионд орж байна. Италид 110 гаруй мянган хүн цар тахлаар нас барсан бол 3.6 сая гаруй хүн коронавирусийн халдвар авсан байна.

Categories
мэдээ нийгэм цаг-үе

Нийтийн тээврийн автобусны 45 хувь нь энэ онд үйлчилгээнээс хасагдана

Нийслэлд нийтийн тээврийн өдөр тутмын үйлчилгээнд 960 тээврийн хэрэгсэл хөдөлгөөнд оролцож байна. Эдгээр автобусны 60 гаруй хувь нь үйлдвэрлэснээс хойш 10-аас дээш жил ашиглаж байгаа аж. Иймд нийтийн тээврийн автобусуудад парк шинэчлэлтийг зайлшгүй хийх шаардлага үүссэн талаар албаныхан онцлов.

Нийтийн тээврийн үйлчилгээнд бүртгэлтэй байгаа автобус, троллейбусны 524 буюу 45 хувь нь насжилтаараа энэ онд үйлчилгээнээс хасагдах юм. Үүнээс 246 буюу 47 хувь нь нийслэлийн өмчит аж ахуйн нэгж байгууллагын тээврийн хэрэгсэл багтаж байгаа гэлээ. Иймд ойрын гурван жилд автобусны 75 хувь нь үйлчилгээнээс хасагдахаар байгаа тул дээрх тооны тээврийн хэрэгслээр эхний ээлжид яаралтай парк шинэчлэлт хийх шаардлагатай байгаа юм байна.

Ерөнхий сайд Л.Оюун-Эрдэнэ болон нийслэлийн Засаг дарга Д.Сумъяабазар нар нийслэлийн нийтийн тээврийн компаниудын үйл ажиллагаа, хүрэлцээ, хангамж болон халдвар хамгааллын дэглэм зэрэгтэй танилцах үеэр ойрын гурван жилд автобусны 75 хувь нь үйлчилгээнээс хасагдахаар байгаа тул дээрх тооны тээврийн хэрэгслээр яаралтай парк шинэчлэлт хийх шаардлагатай гэдгийг холбогдох албаныхан онцлолж байв.

Categories
мэдээ нийгэм

Явуулын шинжилгээ авах цэгийн үйл ажиллагаатай танилцав

УОК-ын Шуурхай штабын дарга, хурандаа Ц.Ганзориг өнөөдөр Хан-Уул дүүргийн 21 дүгээр хороо “Буянт-Ухаа” спортын ордны гадна талбайд байршуулсан явуулын шинжилгээ авах цэгийн нөхцөл байдалтай танилцаж, холбогдох үүрэг чиглэлийг өглөө.

Улсын Онцгой комиссын шийдвэрээр орон нутаг зорих иргэд зөвхөн хүнс, шатахуун, эм эмнэлгийн хэрэгсэл, уул уурхай, буяны ажил гэсэн хүндэтгэн үзэх шалтгаанаар зорчихыг тусгайлан заасан.

Хүндэтгэн үзэх шалтгаантай иргэдэд зориулж Улаанбаатар хотын авто тээврийн шалган нэвтрүүлэх хяналтын цэгүүдийн ойролцоо явуулын ПСР шинжилгээний цэг байгуулах боломжийг бүрдүүлэн ажиллаж байна.

Орон нутаг руу зорих хүндэтгэн үзэх шалтгаантай иргэдийг шинжилгээнд хамруулах зорилгоор тус явуулын цэг нь өчигдрөөс эхлэн ажиллаж байгаа ч сайн дураар албан байгууллагын шаардлага, батлагдсан тохиолдлын ойрын хавьтал зэрэг байршил хамраахгүйгээр иргэд дугаарласан нь иргэдийг чирэгдүүлэх, цаг хугацаа алдах нөхцлийг бүрдүүлсэн байна.

Тиймээс хурандаа Ц.Ганзориг, Хан-Уул дүүргийн “ Буян-Ухаа “спорт цогцолбор, Баянзүрх дүүргийн 8 дугаар хороо техник хяналт, үзлэгийн төвийн гадна талбай, Чингэлтэй дүүргийн 19 дүгээр хороо “Зунжин” худалдааны төвийн гадна талбайд байршуулсан явуулын гурван цэгт зөвхөн орон нутаг руу хүндэтгэн үзэх шалтгаанаар зорих иргэдээс шинжилгээ авахыг үүрэг болголоо. Орон нутаг руу хүндэтгэн үзэх шалтгаантай иргэдийг холбогдох баримт бичиг, зорчих зөвшөөрөл авсны үндсэн дээр шинжилгээнд хамруулна гэж УОК-ын Шуурхай штабаас мэдээллээ.

Categories
мэдээ спорт

Олимпийн эрх олгох чөлөөт бөхийн тэмцээнд 10 тамирчин оролцоно

“Токио-2020” оны зуны олимпийн наадмын чөлөөт бөхийн төрлийн эрх олгох тэмцээн дөрөвдүгээр сарын 9-11-нд Казахстаны Алматы хотод болно. Үргэлжлэн дөрөвдүгээр сарын 13-17-ны өдрүүдэд Насанд хүрэгчдийн 2021 оны Ази тивийн аварга шалгаруулах тэмцээнийг зохион байгуулах юм.

Олимпийн эрх олгох тэмцээнд Монголын Чөлөөт бөхийн үндэсний шигшээ багийн 10 тамирчин, Насанд хүрэгчдийн Ази тивийн аварга шалгаруулах тэмцээнд 20 тамирчин нийт 30 тамирчин оролцохоор болжээ.

Олимпийн наадмын эрх олгох тэмцээнд эрэгтэйчүүдээс:

  • 57 кг-ын жинд – ОУХМ Т.Түвшинтулга
  • 74 кг-ын жинд- Б.Бат-Эрдэнэ
  • 86 кг-ын жинд –Г.Ганхуяг
  • 97 кг-ын жинд Ө.Батсүх
  • 125 кг-ын жинд М.Лхагвагэрэл

Эмэгтэйчүүдээс:

  • 50 кг-ын жинд- ОУХМ Ц.Намуунцэцэг
  • 57 кг-ын жинд- Б.Хонгорзул
  • 53 кг-ын жинд- Б.Болортуяа
  • 62 кг-ын жинд- Гавьяат тамирчин С.Цэрэнчимэд
  • 76 кг-ын жинд- Гавьяат тамирчин О.Бурмаа нар оролцоно.

Эдгээр тэмцээнд оролцох 30 тамирчид дөрөвдүгээр сарын 7-ны өдөр багш, дасгалжуулагчдын хамт “Хүннү Эйр” компанийн тусгай үүргийн нислэгээр Алматы хотыг зорино.

Олимпийн эрх олгох дараагийн тэмцээн тавдугаар сарын 6-9-ний өдрүүдэд Болгарын Софи хотод болох юм.

Categories
мэдээ нийгэм цаг-үе

Ц.Ганзориг: 16:00 цагийн байдлаар 20118 хүн вакцины эхний тунг тариулаад байна

2021 оны дөрөвдүгээр сарын 4-ний 16:00 цагийн байдлаар 20118 хүн вакцины эхний тунг тариулаад байна.

Засгийн газрын Хэвлэл мэдээлэлтэй харилцах хэлтсийн дарга Ц.Ганзориг “Өнөөдөр вакцинд 30000 хүн хамруулна. 18-аас дээш насныхан тариулж болно. 18:00 цаг хүртэл цэгүүд ажиллана. 64 цэгийг маргааш 80 гаруй болгоно” гэж мэдээллээ.

Вакцинд резидент эмч нарыг дайчлан ажиллуулж байна.

Байнгын болон түр цэгүүдийн байршил

Categories
мэдээ нийгэм

САЙН МЭДЭЭ: Өвчний улмаас байгальд амьдрах чадваргүй болсон Янгирыг эмчилж, сүрэгт нь нийлүүлжээ

Өвчний улмаас байгальд амьдрах чадваргүй болсон Янгир ямааг Ховд аймгийн Дөргөн сумын иргэн Н.Мөнхтөр анх олж, эмчлэн эдгээжээ. Янгир ямаа бүрэн эдгэрч, эх байгаль, ижил сүрэгтэйгээ нийллээ.