Цахим орчинд нэлээдгүй шуугиан дэгдээж буй “халуухан” ярианы сэдэв БНСУ-ын “Пентхаус” нэрт олон ангит кино болоод байна. Хайр сэтгэл, өс хонзон, өшөө авалт, эхийн хайр, өрсөлдөөн хосолсон 100 давхар тансаг зэрэглэлийн орон сууцанд амьдрах баячуудын хоорондох адармаатай харилцааг дүрсэлсэн тус кино үзэгчдийн анхаарлыг ихэд анхаарал татах боллоо. Тэгвэл энэ удаа Солонгосын кино урлагт өндөр босго тогтоож буй “Пентхаус” киноны тухай сонирхолтой баримтуудыг хүргэж байна.
“Энгийн биш” киноны тухайд
Эхний бүлэгт бүсгүй өөрт байгаа бүхнээ эрсдэлд оруулан байж, Ганнам дахь тансаг зэрэглэлийн байранд орох зорилгынхоо дагуу хөдөлнө. Зорилгодоо хүрэхэд алхам ойртох тусам тэрээр өөрийгөө мангас болон хувирч байгаа мэдрэх болно. Эрх мэдэл, албан тушаал, мөнгө хүнийг хэрхэн өөрчилдөг тухай харуулна.
Хоёр дахь бүлэгт өшөө авахаар улам хүчирхэг болон эргэж ирсэн дүрүүдийн хооронд хагарал үүсэж, томоохон золиос гарна. Нэгэнд нь энэхүү явдал нөхөж баршгүй сул тал болох хэдий ч нөгөө талд шийдвэртээ бат зогсох хүч өгнө. Үзэгчдийн хүсэн хүлээсэн дүр эргэн ирснээр үйл явдал илүү сонирхолтой хурцаар өрнөх нь тодорхой.
Бүтээл бүр нь “хүлээлт үүсгэдэг” зохиолч
Кино зохиолч Ким Сон Ок нь 1971 онд төрсөн бөгөөд 000 онд МВС кино зохиол сонирхогчдын наадмаас шилдэг зохиолчын шагнал, 2014 онд шилдэг зохиолчын шагнал хүртэж байсан. Анх 2007 онд 138 ангит “Гэхдээ л таалагддаг”, 2008 онд 129 ангит “Эхнэрийн урхи” кино зохиол, 2009 онд 21 ангит “Сахиусан тэнгэрийн урхи”, 2010 онд 50 ангит “Ээжийн инээмсэглэл”, 2014 онд “Жан Бури ирлээ”, 2015 онд “Миний охин Ким Савол”, 2017 онд “Эгч дүүсийн хамтлаг”, 2018 онд “Сүүлчийн хатан”, 2020 онд “Пентхаус” зэрэг кино зохиолуудаа дэлгэцнээ амилуулсан амжилттай яваа зохиолч юм. Түүний алдартай бүтээлүүдийн нэгд “Эхнэрийн урхи” зүй ёсоор тооцоогддог бол сүүлд зохиосон “Пентхаус” нь хэд дахин хурц үйл явдалтай, нарийн уялдаа холбоо, гэнэтийн эргэлтээрээ илүү алдартай болсоор байна.
Дүрүүдийн хувцасны код ба алдартай брэндүүд
Угсаа гарвал өндөртэй, чинээлэг гэрийн эзэгтэй Шим Сүрёны дүрийн онцлогт тааруулж хувцасны код нь хар, цагаан, саарал суурьтай байдаг. Дүрийн хувцасны зохиомж өмсөхөд тухтай байхаас гадна гурван өнгөнөөс хэтэрдэггүй. Үндсэн өнгөнөөс гадна хүрэн, цагаан саарал, кофены зэрэг завсрын өнгөнүүдийг сонгон өмсүүлжээ. Харин Чон Сожины дүрд улаан, хар, цагаан гэх мэт хурц тод өнгийн хувцас хурц ааш, бардам занг нь илэрхийлдэг. У Юнхигийн дүр анхандаа энгийн хувцасладаг байсан нь дундаж давхаргын хүн болохыг нь илтгэдэг бол хоёр дахь бүлэгт илүү тансаг, тод өнгийн хувцас сонгон өмссөн нь дүрийн өсөлтийг харуулдаг. Кинонд “Georges Chakra”, “ Max Mara”, “ВV”, “Lanvin”, “Valentino”, “Ports”, “Burberry” зэрэг брэндийн хувцаснуудыг хэрэглэдэг.
“Сахиусан тэнгэр” хорон санаатны дүрд тоглосон нь
Эсрэг талын хүчирхэг дүр Чон Сожин бодит амьдрал дээр маш эгдүүтэй, ичимхий сахиусан тэнгэр шиг нэгэн юм. Тэрбээр 1980 онд төрсөн бөгөөд жинхэнэ нэрийг нь Ким Со Ён гэдэг. Жүжигчний карьераа 14 насандаа эхлүүлж байсан түүнд итгэсэн найруулагч энэхүү зан араншингаас нь тэс өөр Чон Сожины дүрийг өгчээ.
Жүжигчин хосууд эсрэг дүр бүтээв
Жүжигчин Ким Со Ёны нөхөр жүжигчин И Сан Вү “Пентхаус” кинонд эхнэрийнхээ эсрэг талын дүрд тоглосон нь үзэгчдийг нэг хэсэг шуушиулаад амжсан байна. Тэрбээр Чон Сожины хоолой гэмтсэн тухай сөрөг нийтлэл бичиж, Ха Юн Чолын даалгаснаар Чон Сожин тэр хоёрын дотно харагдах фото зургийг авч өгдөг туслах дүрд тогложээ. Зураг авалтын тайлбайд жинхэнэ нөхрөө кинон дээрх хоёр нөхөртөө танилцуулж буй Ким Со Ёны бичлэг цахим сүлжээнд багагүй хандалт авчээ.
“Hera palace” бодит амьдрал дээр байдаг
“Пентхаус” киноны “Hera palace”-ийн зураг авалтыг Сөүл хотын Ганнам дүүрэгт байрлах 100 давхар офиссын зориулалттай байранд авчээ. Өөрөөр хэлбэл “Hera palace” зохиомол зүйл биш юм. Харин барилгыг улам тансаг, сүрлэг харагдуулах зорилгоор компьютерийн тусгай эффект ашигласан гэнэ. Үүнээс гадна Логаны амьдардаг зочид буудлын зураг авалтыг “Fairmont Hotels & Resorts” хэмээх 5 одтой зочид буудалд хийсэн байна. Энэхүү зочид буудал нийт 326 өрөөтэй бөгөөд маш чинээлэг давхаргынханд зориулан баригджээ.
Баячуудын хүүхдүүдийн дүрд тоглосон залуу жүжигчид
Маш олон залуу жүжигчид энэхүү драмад дүр бүтээсэн гэдгээрээ бүх насныхан үзэх шалтгаан болжээ. Гэхдээ кино бүтээгчдийн зүгээс хоёр дахь бүлгийг +19 насныхан үзэх боломжтой хэмээн тогтоосон байдаг. Мөн “царайны бядтай” бөгөөд карьер нь тасралтгүй өсөж буй туршлагатай залуу жүжигчдийг сонгон тоглуулсан байна. Зөвхөн томчуудын ертөнц адармаатай байдаггүйг энэхүү киноноос харж болно.
Үүдэнд байрлах сахиусан тэнгэрийн хөшөөний тухайд
Уг хөшөөг Бенжамин Виктор бүжиглэж буй эмэгтэй Даяна Маршалын зургийг дарсан зурагчнаас сэдэвлэн 2017 онд бүтээж байжээ. Баримал цөхөрсөн, гунигласан хэрнээ хэзээ ч бууж өгөхгүй мэт далавч нь босоогоороо байгааг харж болно. Сайтар ажиглавал нүдээ аньсан хэрнээ урууландаа инээмсэглэсэн, хуруунууд нь ямар ч хяналт байхгүй мэт боловч нөгөө гартаа унах нь тодорхой нөмрөгөө сул атгасан байна. Барималч “Тэнгэр элчийн романтик байдал, үзэл баримтлал нь хайр ба үхэл, гоо үзэсгэлэн, сул дорой байдал, цаг хугацаа, түүнд хамаарах бүх мэдрэмжийн талаар өгүүлдэг. Залуу үзэсгэлэнтэй сахиусан тэнгэрийг уйтгартай хэлбэрээр илэрхийлэх замаар хүмүүст харцны парадокс үүсгэхийг хүссэн” хэмээжээ.
Эх сурвалж: ubn.mn
