Month: March 2021

Коронавирусийн халдвараар хөнгөн хэлбэрээр өвчилсөн хүмүүс гэрийн нөхцөлд эмчилгээ хийлгэх журам хэрэгжиж байгаа билээ. Тэгвэл өнөөдрийн байдлаар коронавирусийн халдвартай 373 хүн гэрээр эмчилгээ хийлгэж байгаа талаар ХӨСҮТ-ийн дэд захирал Э.Тэмүүлэн хэллээ.

ЭМЯ, ХӨСҮТ, Нийслэлийн эрүүл мэндийн газраас эдгээр иргэдэд өдөр тутмын хяналтыг хийж байгаа аж.

Манай улсад батлагдсан тохиолдлуудын 80 гаруй хувь нь хөнгөн хэлбэрээр өвчилсөн байна. Үүнтэй холбогдуулан цаашид хөнгөн хэлбэрээр өвчилсөн иргэдийг гэрээр эмчлэх хэлбэр рүү шилжсэн юм.

Цаг уурын байгууллагаас ирүүлсэн мэдээллээр маргааш буюу 26-нд баруун аймгуудын ихэнх нутаг, төвийн аймгуудын нутгийн баруун хэсэг, 27-нд төвийн аймгуудын ихэнх нутаг, говийн аймгуудын нутгийн хойд хэсэг, зүүн аймгуудын нутгийн баруун хэсгээр, 28-нд зүүн аймгуудын ихэнх нутгаар бороо, нойтон цас орно.

Харин салхины хурд 26, 27-нд ихэнх нутгаар, 28-нд зүүн аймгуудын нутгаар 18-20 м/с, түр зуур 26-28 м/с хүрч ширүүсэж, цасан болон шороон шуурга шуурах төлөвтэй байна.

Иймд:

-Цаг агаарын мэдээ, мэдээллийг цаг тухай бүр сонсон, мэргэжлийн байгууллагаас өгч буй сэрэмжлүүлэг, анхааруулгыг дагах,

-Тээврийн хэрэгслийн жолооч нар хол, ойрын замд гарахдаа тээврийн хэрэгслийн найдвартай байдлыг хангаж бензин, шатахууны нөөцтэй, дулаан хувцастай зорчих,

-Иргэд, малчид болзошгүй эрсдэлээс урьдчилан сэргийлж, салхи шуурганд төөрөх, малтайгаа уруудах эрсдэлээс урьдчилан сэргийлж, малаа ойрын бэлчээрт хариулах, бага насны хүүхдийг малд явуулахгүй байхыг Онцгой байдлын ерөнхий газраас анхааруулж байна.

Төр нийгмийн нэрт зүтгэлтэн Зоригийн амь насыг хөнөөсөн хэрэгт хилсээр гүтгэгдэж хоригдож буй Т.Чимгээгийн ах, нөхөр, хүүхдүүдийн хамт өнөөдөр өлсгөлөн суулт зарлахаа мэдэгдсэн.

Т.Чимгээгийн төрсөн ах Т.Хүрэлбат “Би ҮАБЗ-ийн гурван гишүүнд гэрээслэл үлдээгээд “Хэлмэгдэгсдийн хөшөө”-ний хажууд суулт зарлаж эхлэхээ мэдэгдэж байна. Гэрээслэлийн тухайд Төр нийгмийн нэрт зүтгэлтэн Зоригийн амь насыг хөнөөсөн хэрэгт хилсээр гүтгэгдэж хоригдож байгаа Т.Чимгээг шоронгоос суллах хүртэл төрсөн ах Т.Хүрэлбат миний бие амь насаа дэнчин тавин өлсгөлөн зарлаж байна.

Хэрэв миний амь нас хохирсон тохиолдолд ТЕГ-ын дарга асан Б.Хурц хариуцлага хүлээх болно гэсэн утга бүхий гэрээслэлийг төрийн гурван өндөрлөгт шаардлага хүргүүлж байна гэж бичсэн.

Дүүг маань зодож, хүчээр хэрэг үүрүүлсэн нь хэн ч харсан тодорхой байсан болохоор энэ асуудлыг шийдэх байх гээд хоёр жил хүлээлээ. Одоо дүүгийн минь эрүүл мэнд өдрөөс өдөрт доройтож байгаа тул би ийм тэмцлийн хэлбэрийг сонгосон. Хоёрдугаар сард намайг очиж уулзахад “ахаа би гармаар байна” гэсэн. Би хуулийг хүндэтгээд зургаан жил дүүгээ шоронд суулгасан” гэв.

Т.Чимгээгийн нөхөр ” Охин бид хоёр байнга л энэ хэргийн талаар хөөцөлдөж явсаар ирсэн. Би одоог хүртэл охиныхоо осол болсон шалтгааныг олдоггүй юм. Надад бүх бичиг баримт нь байгаа. Т.Чимгээгийн талаар дахин ноцтой бичлэг задалбал түүнийг зөвшөөрнө. Бүх бичлэгийг цацах хэрэгтэй. Манай таалийгаас охин бид хоёр дээр гүйцэтгэх ажиллагаа явуулж байсан. Өмнө нь хүний эрхийн комисст хандаж байсан ч авч хэлэлцээгүй” гэв.

Энэ сарын 24-нд буюу өчигдөр цагдаагийн байгууллагын 102 дугаарын утсанд нийт 1296 гомдол мэдээлэл иржээ. Үүнээс зөрчлийн дуудлага мэдээлэл 1093, хулгайтай холбоотой 11, гэр бүлийн хүчирхийллийн дуудлага 88, гэмт хэргийн шинжтэй 75 мэдээлэл ирсэн байна.

Үүнээс гадна автомашин согтуу жолоодсон 63, олон нийтийн газар зүй бусаар биеэ авч явж, танхайрсан 80, хүний биед халдсан 34, Архидан согтуурахтай тэмцэх тухай хууль зөрчсөн 71, эрүүлжүүлэгдсэн 204, оршин суугчдын амгалан тайван байдал алдагдуулсан 88 тохиолдол гарчээ.

Эрүүл мэндийн яамнаас сүүлийн 24 цагийн хугацаанд 97 хүн эмчлэгдэж, нийт эдгэрсэн хүний тоо 4044 болсон талаар мэдээллээ.

Энэ нь нийт бүртгэгдсэн тохиолдлын 68.6 хувийг эзэлж байна.

Өчигдөр 13456 сорьцод шинжилгээ хийхэд 285 хүнээс коронавирусийн халдвар илэрлээ. Улсын хэмжээнд нийт тохиолдол 5895 боллоо.

Одоогоор 1,391 хүн эмчлэгдэж байна.

Эмчилгээнд байгаа хүмүүсийн биеийн байдлыг үнэлбэл,

Хөнгөн-1169,

Хүндэвтэр-195,

Хүнд-21,

Маш хүнд-6 хүн байна.

Коронавируст халдварын нөхцөл байдлын талаар Эрүүл мэндийн яам ээлжит мэдээллээ хүргэж байна.

ХӨСҮТ-ийн дэд захирал Э.Тэмүүлэн “Сүүлийн 24 цагт 13456 хүнд PCR шинжилгээ хийхэд 285 хүнээс халдвар илэрлээ. Энэ нь Монгол улсад бүртгэгдсэн хамгийн их тохиолдол болж байна.

Эдгээрийн 267 нь Улаанбаатар хотод, орон нутагт 18 тохиолдол бүртгэгдлээ. Тодруулбал, Завхан 1, Баянхонгор, Архангай 2, Дорноговь 2, Орхон 3, Дархан-Уул 7 бүртгэгдээд байна. Ингэснээр Улсын хэмжээнд нийт батлагдсан тохиолдол 5895 боллоо.

Сүүлийн 24 цагийн хугацаанд 97 хүн эдгэрч, эмнэлгээс гарлаа. Өнөөдрийн байдлаар нийт эдгэрсэн хүний тоо 4044 буюу 68.6 хувийг эзэлж байна.

Одоогоор 1391 хүн эмчлэгдэж буйгаас биеийн байдал:

• Хөнгөн-1169
• Хүндэвтэр-195
• Хүнд-21
• Маш хүнд- 6 хүн байна” гэв.

Онцгой байдлын ерөнхий газраас “Дэлхийн Зөн Монгол” ОУБ-тай хамтран АНУ-ын Олон улсын хөгжлийн агентлагийн хүмүүнлэгийн тусламж үзүүлэх товчооны санхүүжилтээр “Гамшигт тэсвэртэй орон нутаг” төслийг 2020-2022 онд хэрэгжүүлж байна.

Төслийн хүрээнд Зүүн бүсийн төв-Дорнод аймгийн Онцгой байдлын газрын Шуурхай удирдлагын төвд 5 нэр төрлийн 12 ширхэг 7.8 сая төгрөгийн үнэ бүхий тоног төхөөрөмжийг хүлээлгэн өглөө.

“Гамшигт тэсвэртэй орон нутаг” төсөл нь Хэрлэн сумын 1,2,3,4,6,8,9,10 дугаар баг болон Эрүүл мэндийн газар, Боловсрол, соёл урлагийн газар, Гэр бүл, хүүхэд, залуучуудын хөгжлийн газарт хэрэгжиж байна гэж Зүүн бүсийн төв-Дорнод аймгийн Онцгой байдлын газраас мэдээллээ.

Гуравдугаар сарын 24-нд нийслэлд дархлаажуулалтын 43 цэгт 103 багийн 724 эмч, ажилтан ажиллажээ. Өчигдрийн 21:00 цагийн байдлаар нийслэлд 10773 хүнийг дархлаажуулалтад хамруулж, нийт 237489 хүнийг вакцинжуулсан байна.

Харин Өмнөговь аймгийн есөн суманд өчигдөр 731, нийт 7061 хүнийг дархлаажуулжээ. Ингэснээр Монгол Улсын хэмжээнд өчигдөр 11504, нийт 244550 хүнийг дархлаажуулалтад хамруулсан байна.