Month: February 2021

2020 оны 11 дүгээр сарын 2-ноос 2021 оны хоёрдугаар сарын 1-ний өдрийн байдлаар, улсын хэмжээнд бүх шатлалын эмнэлгийн эмч мэргэжилтнүүд хөнгөлөлттэй эмийн 553 088 жор цахимаар бичсэнээс 47 хувь нь даралт бууруулах эм эзэлж байна.

Харин эмийн сангаас авсан эмийн тоо 468 968 байна.

Цахим жороор хамгийн олон бичсэн эмүүд

• Даралт бууруулах 47 хувь
• Цус шингэлэх эм 10 хувь
• Тархины үйл ажиллагаа сэргээх эм 9 хувь
• Цөс шингэлэх эм 9 хувь,
• Ходоодны хүчил бууруулах эм 9 хувь
• Зүрхний цусан хангамж сайжруулах эм 9 хувь
• Өвдөлт намдаах эм 7 хувь байна.

Өрхийн эрүүл мэндийн төв /ӨЭМТ/-үүдийн эмч нар жор бичихдээ тухайн эмийг үйлдвэрийн нэршлээр бус ерөнхий нэршлээр бичих, үйлчлүүлэгчдэд эмчилгээний үр дүн, хяналтын талаар мэдээлэл өгч байхыг ЭМЯ анхаарууллаа.

Дархан-Уул аймгийн онцгой комиссын шийдвэрээр түр үйл ажиллагааг нь зогсоогоод байсан үсчин, гоо сайхан, фитнесс, сауныг хэвийн горимд шилжүүлэн нээхээр болжээ.

Хүнс тээврийн жолоочийн шинжилгээний хариу эерэг гарсантай холбоотойгоор үүссэн нөхцөл байдалтай уялдуулан өнгөрсөн долоо хоногийн хугацаанд АОК дараах ажлуудыг хийж гүйцэтгэсний үр дүнд шийдвэрүүдийг гаргасан байна.

Улаанбаатар хотоос ирсэн 900 гаруй иргэдийн 70 хувиас 2 удаа PCR, хүнс тээврийн 73 жолоочоос 1 удаа PCR, ойрын хавьтлын тусгаарлалтанд байсан 97 хүнээс 2 удаа PCR, эрсдэлт бүлгийн 8 чиглэлийн үйл ажиллагаа эрхэлж буй ААНБ-уудын 2000 гаруй иргэнээс түргэвчилсэн шинжилгээг авч хариу сөрөг гарсан тул 2021.02.04 өдрөөс эхлэн дараах үйл ажиллагааг нээж байна.Үүнд:

• үсчин, гоо сайхан
• фитнесс, иог
• бүжгийн клубууд
• саун бассейн, нийтийн халуун ус
• бүх төрлийн секц дугуйлангууд
• теннис билльярд, спорт зал
• 12 р ангийн танхимын давтлага
• хүргэлтийн үйлчилгээ
• бар, пав / 0-18′ градус/
• Тусгай зөвшөөрөл бүхий ААНБ -ууд архи согтууруулах ундаа худалдахыг зөвшөөрлөө.

Мөн 2021.02.10-ныг дуустал 7 хоногт 1 удаа зорчихоор сумдууд болон Сэлэнгэ аймгийн сумд хоорондын хөдөлгөөнийг тухайн сумын онцгой комиссийн бичгийг үндэслэн тус тус нэвтрүүлэхээр шийдвэрлэсэн байна.

Халдвар авсан хүний ойрын хавьтлуудын 21 хувиас халдвар илэрч байгаа талаар ХӨСҮТ-өөс мэдээллээ.

Зөвхөн өчигдөр ойрын хавьтал 250 хүнийг илрүүлж тусгаарласан ба шинэ голомт Амгалан амаржих газрын ойрын хавьтлын тандалтууд үргэлжилж байна. Харин хоёрдагч хавьтлын тоо 288-аар нэмэгджээ.

Нийт 1052 ойрын хавьтал болон 5883 хоёрдогч хавьталд тандалт судалгаа хийж байна.

ХӨСҮТ-ийн Тандалт судалгааны албаны дарга А.Амбасэлмаа “Сүүлийн үед илрэх ойрын хавьтлуудын 90 гаруй хувь батлагдаж байгаа бол улсын хэмжээнд нийт илэрсэн ойрын хавьтлуудын 21 хувь нь халдвар авчээ. Тиймээс ойрын хавьтал болсон хүмүүс халдвар өртөх магадлал өндөртэй байна” гэв.

Нийслэлийн авто тээврийн шалган нэвтрүүлэх 9 товчоогоор өнгөрсөн 24 цагт нийт 3835 автомашинаар 7546 хүн нэвтэрчээ.

Товчоодод эрүүл мэнд, онцгой, цагдаа, мал эмнэлэг, мэргэжлийн хяналтын 83 хүн, үүнээс эрүүл мэндийн байгууллагын 27 албан хаагч ажиллаж байна.

Өнгөрсөн оны 11 дүгээр сарын 10-наас нийт 231 019 автомашины 543 773 иргэнд эрүүл мэндийн хяналт хийснийг НОК-оос мэдээллээ. Нийслэлийн авто тээврийн шалган нэвтрүүлэх 9 товчоогоор өнгөрсөн 24 цагт нийт 3835 автомашинаар 7546 хүн нэвтэрчээ.

Улсын онцгой комисс хуралдаж, 2021 оны 02 дугаар сарын 11-ний өдрийн 06.00 цагаас 02 дугаар сарын 23-ны өдрийн 06.00 цаг хүртэл нийслэлд Гамшгаас хамгаалах бүх нийтийн бэлэн байдлын зэрэгт хэсэгчилсэн байдлаар шилжих нь зүйтэй гэж үзсэн.

Энэхүү хуралдааны дараа Нийслэлийн Засаг дарга Д.Сумъяабазар Нийслэлийн онцгой комиссын Шуурхай штабын гишүүдтэй хуралдаж, цаг үеийн нөхцөл байдалтай холбоотой мэдээллийг авч, зарим үүрэг чиглэлийг өглөө.

Цар тахлын тархалт буурахгүй, өнөөг хүртэл нөхцөл байдал сайжрахгүй байгаа учраас нэг хэсэгтээ энэхүү халдварт өвчинтэй зэрэгцэн амьдрахаас өөр аргагүй байгааг Засаг дарга онцлоод, нийслэлийн төр, захиргааны бүх байгууллагууд иргэддээ үйлчлэхэд үйл ажиллагаагаа чиглүүлэх ёстойг анхаарууллаа. Тиймээс төрийн захиргааны төв байгууллагууд, Захирагчийн ажлын алба, мэргэжлийн хяналт, эрүүл мэндийн байгууллагууд мэргэжил, арга зүйн талаас туслан дэмжиж ажиллахыг сануулсан юм.

Мөн тэрбээр коронавируст цар тахлаас учирсан эдийн засгийн хохирлыг арилгах, эдийн засгийг сэргээх цогц төлөвлөгөөг нийслэлийн удирдлагын бүрэлдэхүүн боловсруулна гэдгийг хэллээ.

Засаг дарга Д.Сумъяабазар “Хэдий цар тахалтай нүүр тулж байгаа ч нийгэм, эдийн засгийг сэргээхэд онцгой анхаарах ёстой. Тиймээс цар тахалтай зэрэгцэн амьдрах, эрсдэлийн менежмент рүү үйл ажиллагаагаа чиглүүлнэ” гэлээ.

Мөн бүх шатны эмнэлэг, эрүүл мэндийн байгууллага, хүүхэд, ахмад настны халамжийн төвүүдэд халдвар хамгааллын дэглэмийг сахиулж, хорио цээрийн дэглэмийг хэрхэн мөрдүүлж байгаад хяналт, шалгалт хийхийг НМХГ, НЭМГ-т үүрэг болгосон юм. Түүнээс гадна орон сууцны агааржуулалтын хоолойгоор дамжиж халдвар тархах магадлал өндөр байгаа учраас үүнээс урьдчилан сэргийлэх арга хэмжээний төлөвлөгөө гаргахыг Улаанбаатар хотын Ерөнхий менежер бөгөөд Захирагчийн ажлын албаны дарга Т.Гантөмөр болон холбогдох албаны хүмүүст даалгалаа. Мөн тусгаарлах байруудыг нэмж байгуулах зочид буудлуудын судалгааг яаралтай гаргахыг үүрэг болгосон юм. Засаг дарга Д.Сумъяабазар эцэст нь Улаанбаатар хотод “Нэг хаалга-нэг хүн”, “Нэг хашаа-нэг хүн” аяны хүрээнд нийслэлийн 412 мянга гаруй өрхөөс нэг гишүүнийг хөл хорионы хугацаанд багтаан шинжилгээнд хамруулах ажлыг зохион байгуулахаар төлөвлөж байгааг хэлээд, энэхүү ажлын бэлтгэл ажлыг яаралтай хангахыг үүрэг болгосон юм.

Үүнд нийслэлийн харьяа агентлагийн албан хаагчид өргөн бүрэлдэхүүнтэй оролцоно.

НЗДТГ-ын Хэвлэл мэдээлэлтэй харилцах хэлтэс

Ахуйн гал түймрийн улмаас хоёр настай охин эндсэн харамсалтай хэрэг гарчээ. Тодруулбал, өчигдөр 11:00 цагийн орчимд Өвөрхангай аймгийн Уянга сумын Бадрал багийн “Чандагтай” гэдэг газарт оршин суух малчин Ш-ийн 5 ханатай гэр болон суудлын автомашин шатсан тухай мэдээлэл Онцгой байдлын газарт очсон байна.

Дуудлагын дагуу тус аймгийн Онцгой байдлын газар, Цагдаагийн алба хаагчид, Уянга сумын Засаг даргаар ахлуулсан иргэд очиж 5 ханатай гэр, “Приус-20” загварын суудлын автомашин шатсан шалтгаан нөхцөлийг тогтоон ажилласан бөгөөд гал түймэрт 2 настай охин өртөж нас барсан тухай ОБЕГ-аас мэдээллээ.

ГЭРТЭЭ БАЙГАА ХҮҮХДИЙГ БОЛЗОШГҮЙ ОСОЛ, ГЭМТЛЭЭС УРЬДЧИЛАН СЭРГИЙЛЭХИЙГ ЗӨВЛӨЖ БАЙНА

Түлэгдэхээс сэргийлэх
Хүүхэд авч байхдаа халуун хоол болон уух зүйлс хэрэглэхгүй байх,
Халуун хоол болон цайг хүүхэд хүрэхээргүй газар болон ширээний ирмэгээс хол зайд тавих,
Хүүхдээ тэвэрч байх үедээ халуун плитка болон зуухан дээр хоол хийхгүй байх,
Тогоо болон хувингийн бариулыг зуухны цаад тал руу харуулж тавих,
Зуухны тагийг заавал түгжиж байх,
Халуун зуух болон индүүнээс хүүхдийг хол байлгах, очиж хүрэхээс сэргийлээрэй.

Тогонд цохиулахаас сэргийлэх

Цахилгааны залгуурыг зориулалтын тагаар таглах, эсвэл хэрэглээгүй үедээ салгаж байх,
Цахилгааны утсыг сайтар далдлах, тавилгын араар эсвэл доогуур оруулах,
Индүү, шарагч зэрэг гэр ахуйн цахилгаан хэрэгслүүдийг хүүхдийн гар хүрэхээргүй газарт байлгах

Галын аюулаас сэргийлэх

Гэртээ галын дохиолол суурилуулах, зай нь дууссан эсэхийг шалгаж шаардлагатай бол шинэ зай хийгээрэй.
Хэрэв танайд хийн түлш, бензин зэрэг галын аюул үүсгэж болзошгүй зүйлс байвал холдуулах.
Чүдэнз, асаагуур зэргийг хүүхдийн гар хүрэхээргүй газар хадгалах
Хүүхдийг зууханд хүрэхээс сэргийлэх, хэрэв танайх камин зуухтай бол тогтмол хөөлж галын болон угаарын аюулаас сэргийлэх,

Онцгой байдлын ерөнхий газар