Ц.Оюунгэрэл “Энэ жил Ерөнхийлөгчийн сонгууль болох учраас АН дотоод хагарлаа даруй шийдэж, сонгуульдаа бэлтгэх шаардлагатай байна. Ц.Туваан бол УИХ-ын гишүүн тиймээс төрийн ажлаа хийх хэрэгтэй

Өмнөговь аймгийн ИТХ дахь МАН-ын бүлгээс цар тахлын нөлөөгөөр үүсч байгаа иргэдийн эдийн засгийн хүндрэл, өвөлжилт хаваржилтын цаг үеийн байдал, өргөн хэрэглээний барааны үнийн өсөлт зэрэг тодорхой шалтгаануудад үндэслэн өрх бүрт нэг сая төгрөг олгох санал гаргажээ. Тус бүлгийн удирдлагууд саналаа аймгийн ИТХ-ын дарга Б.Бадраа, аймгийн Засаг дарга Р.Сэддорж нарт хүргүүлсэн байна.

Сар шинийн өдрүүдээр хатуу хөл хорио тогтоох шийдвэр гараад байгаа энэ жилийн хувьд та бид гэр бүлийнхэнтэйгээ биечлэн золголт хийлгүй, улс даяараа гэртээ, золголтоо зайнаас хийсэн нэгэн өвөрмөц цагаан сарыг угтах гэж байна. Тэр ч утгаараа манай улсад энэ жил “Дижиталаар золгосон Дижитал цагаан сар” тохиож буй. Дижиталаар золголт хэрхэн хийх вэ гэж үү? Танд хамгийн хялбараар хийж болох энгийн бөгөөд үр дүнтэй “Дижитал золголт”-ын аргуудыг санал болгоё.

ДИЖИТАЛ ЗОЛГОЛТ ХИЙХЭД ТОХИРОМЖТОЙ АППЛИКЭЙШНҮҮД

Технологийн хөгжлийн ачаар бид одоо дэлхийн хаанаас ч гэр бүл, хайртай хүмүүстэйгээ хүссэн үедээ дуудлага хийн дүрсээ харан ярилцах боломжтой болсон цаг үед амьдарч байна. Тиймээс энэ жилийн цагаан сараар очин золгож чадахгүй нь гэж санаа зоволгүй халаасанд багтдаг жижигхэн төхөөрөмж болох гар утсаараа золголтоо шийдэх бүрэн боломж бий.

Фэйсбүүк мессэнжэр

Хүн бүр фэйсбүүк хаягтай болсон энэ үед видео дуудлага хийх хамгийн түгээмэл бас хялбар арга бол Фэйсбүүкийн мессэнжэр чатны аппликэйшн юм. Нэг дор 8 хүн дүрсээ харан видео дуудлага хийх боломжтой.

Инстаграм чат

Түлхүү залуусын хэрэглээ болсон Инстаграм нь мөн л нэг дор олуулаа холбогдож, аудио болон видео дуудлага хийх боломжийг олгоно. Магадгүй фэйсбүүк мессэнжэрээс дүрсний чанар болон нэмэлт функцуудээрээ илүү гэдгээр нь уг платформыг сонгож болох юм.

Viber

Хэрэв та чатны аюулгүй байдалд, чатаар харьцаж буй мэдээлэл алдагдахаас эмээдэг бол аюулгүй байдлаараа хэрэглэгчдийн өндөр үнэлгээг авсаар ирсэн энэхүү аппликэйшнийг хэрэглэхийг санал болгоё. Мөн л олуулаа холбогдох боломжтой.

Zoom

Найз нөхдөөрөө, гэр бүл хамаатан саднуудаараа бүгд энд тэндээс холбогдон олуулаа онлайнаар бие биенийхээ амар мэндийг эрж дижиталаар золгох гэж байна уу? Тэгвэл хэрэглээгээрээ тэргүүлж буй Zoom аппликэйшнийг ашиглаарай. Нэг дор 100 хүн холбогдох боломжтой тул байгууллага, хамт олны золгоонд ч хамгийн тохиромжтой.

SocialPay

Дээрх аппликэйшнүүд шиг видео дуудлага хийх зориулалтгүй ч, мөн эдгээр аппликэйшнд байдаггүй чухал тохиргоо зөвхөн SocialPay-д байдаг нь ямар ч шимтгэлгүйгээр гэр бүлийнхэн рүүгээ Дижиталаар золголтын мөнгөн бэлэг барьж, амар мэндийг нь асуух Бэлэг үйлчилгээ юм. Олон оронтой дансны дугаарыг халж, хүлээн авах хүнийхээ утасны дугаарыг оруулаад л мөнгөн дүнгээ бичээд илгээх товчийг дарснаар хормын төдийд гүйлгээ хийгддэгээрээ хамгийн хялбар, хамгийн хурдан гэх өндөр үнэлгээг хэрэглэгчдээсээ авсан аппликэйшн. Биеэр очин золгож чадахгүй ч аав, ээж, ахмад настнаа хүндлэн золголтын мөнгө шилжүүлэхээр зэхэж байгаа бол энэхүү аппликэйнийг зөвлөж байна.

Коронавируст цар тахлаас урьдчилан сэргийлэх чиглэлээр Улаанбаатар хотын Захирагчийн ажлын албанаас мэдээлэл өглөө.

Захирагчийн ажлын албанаас Улаанбаатар хотын Сонгинохайрхан, Баянзүрх, Баянгол дүүрэгт үүссэн ил задгай хог хаягдлыг цэвэрлэхэд бусад дүүрэг болон зарим хувийн хэвшлийн ТҮК-ийн хүн хүч, техник хэрэгслийг татан оролцуулж, ачилт хийсэн байна.

Баянзүрх дүүрэгт тохижилт үйлчилгээний дөрвөн компани ажилладаг бөгөөд нэгт нь коронавируст халдварын тохиолдол илэрсэн учраас, тухайн байгууллагын ажилтнууд тусгаарлалтад орж, үйл ажиллагаа нь доголдох эрсдэл үүсээд байсан юм. Тиймээс тухайн компанийн хариуцсан нутаг дэвсгэрт ил задгай хог хаягдал үүсэх, хуримтлагдах нөхцөл байдал үүссэн. Захирагчийн ажлын албанаас хог тээврийн мэргэжлийн зургаан байгууллагаар үүссэн хог хаягдлыг бүрэн цэвэрлүүлжээ.

Мөн Улаанбаатар хотын Ерөнхий менежер бөгөөд Захирагчийн ажлын албаны дарга Т.Гантөмөрийн тушаалаар тухайн жилд зохион байгуулах бүх нийтийн их цэвэрлэгээний хуваарийг баталдаг. Энэ дагуу сар шинийн баяраас өмнө их цэвэрлэгээний ажлыг эхлүүлнэ гэдгийг Захирагчийн ажлын албаны ХХУЗХ-ийн дарга С.Аригуун хэллээ. Цар тахлын үе учраас энэ ажилд иргэд, олон нийтийг оролцуулахгүй, харин тохижилт, үйлчилгээний мэргэжлийн байгууллагууд өргөн бүрэлдэхүүнтэй оролцох юм. Мөн хог ачилтын давтамжийг нэмэгдүүлж ажиллана.

Түүнчлэн “Хувийн орон сууц нийтийн аж ахуйн хөгжлийн төв”, “Орон сууц нийтийн аж ахуйн мэргэжлийн холбоо” ТББ-уудад бүртгэлтэй СӨХ-дын дунд цар тахлаас урьдчилан сэргийлэх арга хэмжээг идэвхжүүлэх, заавар зөвлөмжийг дадал болгох зорилготой нэг сарын болзолт уралдааныг Захирагчийн ажлын албанаас зарласан. Энэхүү болзолт уралдааны шалгуур үзүүлэлтийг мэдээллийн үеэр танилцууллаа.

Нийт 17 шалгуур үзүүлэлт бүхий уг уралдааны дүнг үндэслэн байр эзлүүлнэ. Эхний 20 байранд орсон СӨХ-г өргөмжлөл, мөнгөн шагналаар шагнаж урамшуулах юм. Түүнчлэн тэдгээрийг Улс, нийслэлийн хөрөнгө оруулалтын судалгаанд хамруулж дээвэр, фасад, лифт засварлахад дэмжлэг үзүүлнэ.

Нийтийн эзэмшлийн болон тоглоомын талбайн тохижилт, ногоон байгууламжийг нэмэгдүүлэх, шинээр бий болгох, засварлахад ажилд нь дэмжлэг үзүүлэх юм.

Монголын сууц өмчлөгчдийн холбооны дээд зөвлөлөөс 11 СӨХ-нд халуун хэмжигч бэлэглэнэ. Монголын халдваргүйтгэл, шавьж мэрэгчидтэй тэмцэх холбооноос есөн СӨХ-ны хариуцсан байруудад нэг удаа үнэ төлбөргүй ариутгал халдваргүйжүүлэлт хийж өгнө.

Болзолт уралдаантай холбоотойгоор СӨХ-дод ариутгал, халдваргүйжүүлэлт хийх сургалт, мэдээлэл арга зүйн зөвлөгөөг Захирагчийн ажлын албанаас өгч эхэлсэн байна.

Эх сурвалж: НЗДТГ-ын Хэвлэл мэдээлэлтэй харилцах хэлтэс